رواية اسرني كينج الصعيد الفصل الثالث 3 - بقلم دنيا حسن

ومسكها من ايديها ونزلو في صمت تام، وهما نازلين علي السلم كانت صامته تمامًا. هارون وهو ماسك ايديها: اضحكي أحسن ماتشوفي حساب ميعجبكيش. نزلو قعدو علي الكرسي وهما بيمثلوا إن هما مبسوطين. ميار اخت هارون بخبث: مالك متضايقة كدا لي يانجمة؟ نجمة بارتباك: أنا.. أنا مش متضايقة خالص. ميار بخبث أكتر: اتبسطتي امبارح.. هارون بكل قوة: ميار اقفلي خشمك ويلا نبدأ الوكل. خلصو فطار وعزيز ندا هارون المكتب.

هارون دخل وقعد قدامه: نعم يابوي عايز أي. عزيز وهو حاطط العصايه قدامه: لو فاكر إنك عتتجوزها منظرة عشان المكانة والكلام الفارغ ده تبقي غلطانة. هارون: يعني أي. عزيز وهو بيقوم وبيتجه للشباك: هعطيك مهلة 6 شهور لو مجبتليش حفيد أنا اللي هشيلك من اللي إنت فيه. هارون قام بكل عصبية: يعني أي الحديث الماسخ ده وبعدين إنتو شرطو شرط إن إتجوز وملكومش دعوة بقا... ومشي بكل جبروت ورزع الباب وطلع فوق.

لاقاها قاعدة منكمشة جنب الدولاب وبتعيط. هارون قرب ليها وهي قامت مفزوعة. نجمة بكل خوف: عايز مني حاجة. هارون: حضريلي خلجاتي عايز أمشي ومشوفش وشك.. وياريت أجي ألاقيِك ميتة ويعني حتى أكسب ثواب إن هدفن*ك. نجمة بكل صمت حضرتله هدومه وهو مشي. وهو أول لما مشي هي راحت البلكونة وقفتلت باب البلكونة عشان لو حد دخل ميسمعهاش وهي بتتكلم مع نفسها. نجمة وهي بتبص للسماء والجبروت اللي اتجوزته من يوم وليلة وهو بيركب العربية...

وبتفتكر عذاب مرات أخوها ليها. فلاش باك.. رشيدة وهي ماسكة المعلقة السخنة لدرجة الاحمرار وبتحطها علي دراع نجمة بغل: لو قولتي لأخوكي حاجة همو*تك. نجمة وهي بتعيط من كتر الحرقة ومش عارفة تشيل ايديها: سيبيني.. حرام عليكي. رشيدة زقتها علي الأرض: أخوكي جاي من السفر... ولو اتحدثتي معاه واصل والله لاند*مك. نجمة فضلت تبكي وايديها متدمرة من كتر الحروق. وجرت علي أوضتها.... وهي بتحط المرهم علي ايديها وبتعيط: ااااااه.

ياربي أنا عملت أي عشان يحصل معايا كدا ياربي متسبنيش أرجوك. وراحت قعدت علي السرير تبكي بحرقة..... برا في الصالون.. رشيدة وهي بتتكلم ف بالتليفون: أي ياحبيبي عامل أي. المجهول: الحمد لله.. أي بق مش هتيجي انهارده. رشيدة: هيهيهيهيهيهيهيهي.. جوزي جاي. المجهول: يعني مش هتيجي. رشيدة: هحاول يلا هقفل عشان زمانو جاي. وقامت دخلت علي نجمة لاقتها بتعيط. راحت مسكت ايديها بغل وحقد: لو فكرتي تقولي حاجة ليه همو*تك بإيدي. نجمة

وهي بتشد ايديها وتعيط: انتي مجنونة... انتي بتخوني جوزك بالسهولة دي... انتي إنسانة معندكيش ريحة ال*دم ومش هسكت وهقوله ده أخويا.. رشيدة وهي بتمسك في شعرها وتطلع حقنة سم: شايفه الحقنة دي.. ممكن أموته بسهولة بيها... وفي ثانية فلو قررتي تقولي إنتي هتخسريه للابد. نوارة زقتها: ابعديييي عني. وفي الوقت ده دخل ياسين أخو نوارة: حبببتي أنا... وشاف نجمة وهي بتزق رشيدة راح مسك رشيدة وضرب* نجمة بالقلم. باااااااااك.

وفاقت تلك الحزينة علي صوت سيارة هذا الجبروت...