رواية اسرت عقلي الفصل الثالث 3 - بقلم هاجر الغريب

فى مكان آخر. فى شقه واسعه جميله. يامن فى التليفون: لا يارماح مش هينفع طبعا اخدها عندى. رماح: ليه بس ياخوي انت اولى بيها بدل ماحد يأذيها وهى بنت لوحدها. يامن: ليالي متعرفش ان انا ابن عمها. رماح: ومين قال بس انها هتعرف انا هقولها ان انت صاحبى فى القاهرة وخلاص. يامن: فكرك انها هتصدق. رماح: ومتصدقش ليه. ليالي طول عمرها عايشة هنا فى الصعيد يعنى متعرفش حاجة. وكمان اهى منها تاخد بالها منك. يامن: خلاص ماشي. هى جاية امتى.

رماح: النهارده. هى بتلم حاجاتها وهنمشي. يامن: رماح لو ليالي جت القاهرة ابوك هياخد ورثها. رماح: متقلقش. هو اصلا كان مانعها تسافر علشان تمضي على ورق التنازل. بس هي هتسافر من وراه كده. مش هيعرف ياخد حاجة. يامن: خلي بالك من مرات عمي علشان ميأذيهاش. رماح: متخافش يااخوي. امانه فى رقبتي. يلا اقفل دلوقتي علشان ليالي جاية. يامن: ماشي. سلام. ليالي: انا جهزت يارماح.

رماح: انا هوديكى القاهرة عند واحد صاحبي هناك اسمه يامن. هيقعدك فى شقه ويخلي باله منك هناك. ليالي: طب وليه التعب دا. انا كده كده هعرف اخد سكن لوحدي. رماح: اسمعي الكلام ياليالي. ويلا بقا دلوقتي علشان نلحق نمشي. ليالي: طيب. هتوحشيني اوى ياامافريدة. فريدة: وانتي كمان يابتي. خلي بالك على نفسك زين يابنت خليل. متخليش الغربة تغيرك. ليالي: متقلقيش ياامى. انتي كمان خلي بالك على نفسك. سلام. فريدة: مع السلامة.

رماح طلع قبل ليالي يطمن ان مفيش حد. رماح: حمدان ايه اللي موقفك كده. حمدان: بنفذ اوامر شريف بيه. قالي اراقب ست ليالي. رماح: طب روح انت. وانا هفضل مكانك هنا. باين عليك تعبان. حمدان: ربنا يخليك لينا يابيه. راح حمدان. وطلع رماح وليالي على محطة القطر. بعد شوية وصلوا. رماح: خلي بالك من نفسك ياليالي. اول لما توصلي هتلاقي يامن مستنيكي. انا كلمته. ولما تقابليه خليه يتصل بيا. ماشي. ليالي: حاضر. سلام يارماح. رماح: مع السلامة.

قعدت ليالي في القطر تفكر وتخطط هتعمل ايه ونفسها في ايه. لحد ما وصلت المحطة. يامن: يوه بقا هو انا فاضي لشغل العيال الصغيرة ده. ودي هعرف شكلها منين بقا. هخمن. قطع تفكيره بنت جميلة قوي بتكلمه. ليالي: هو حضرتك استاذ يامن. يامن بتوهان: اه انا يامن. انتي مين. ليالي: انا ليالي بنت عم رماح. يامن في نفسه: ليالي مستحيل لحقت تكون بالجمال ده. ليالي: احم احم. استاذ يامن. يامن: ها. معاكي. انتي عرفتيني ازاي.

ليالي: رماح وراني صورة ليك علشان اعرف شكلك. ماهو اكيد مش هتبقى عارفني. يامن: اه طيب. يلا تعالي علشان نروح. ليالي: تمام. يامن اخد ليالي البيت عنده. وبعد نص ساعة كانوا وصلوا. يامن: اتفضلي. مفيش حد هنا. ليالي: ماشي. ودخلت ليالي البيت. وكانت مبهورة بتصميمه الجميل والهادي والوسع بتاع البيت كمان. ليالي: الله. الشقه جميلة. انت عايش فيها لوحدك.

يامن: ايوا عايش فيها لوحدي. وانتي كمان هتعيشي فيها. الاوضة اللي فوق بتاعتك. وانا هاخد الاوضة اللي تحت. ليالي: تمام. انا هطلع دلوقتي ارتب حاجتي. يامن: تمام. متتاخريش. علشان انا هجيب اكل. ليالي: طب وليه تجيب اكل. انا بعرف اطبخ. يامن: انتي لسه جاية من السفر تعبانة. مش عاوز اتعبك اكتر. ليالي: انا مش واثقة في اكل بره ده. وبعدين مفيش تعب ولا حاجة. انا هنزل اعمل الاكل. يامن: طيب.

طلعت ليالي للاوضة اللي يامن قالها عليها. فتحت الباب. لاقت اوضه كلها باللون الاسود. ومتعلق فيها صورة واحدة متعرفهاش. ليالي: يالله. ايه ده. كل ده ليه الاسود. يعني مع ان شكله مش غامض ولا حاجة. ربنا يستر. وبدأت ترتب حاجاتها في الدولاب اللي هو اصلا كان عبارة عن غرفة لتبديل الملابس جواها دولاب. خلصت ترتيب حاجتها وغيرت هدومها. ونزلت تحت. لاقت يامن ماسك اللاب وبيشتغل عليه. سابته ودخلت المطبخ علشان تعمل الاكل. بعد شوية.

يامن: ايه ده. الريحة دي جاية منين بس. ريحة حلوة قوي زي اكل البلد بالظبط. قام دخل المطبخ. لاقي ليالي واقفة بتطبخ وبتغني. القريب منك بعيد والبعيد عنك قريب كل دا وقلبي اللي حبك لسه بيسميك حبيبه حبيب عيني حبيب احلامي حبيب دموعي والامي كل دا ويامن واقف سرحان في صوتها. وبيفتكر لما كانت صغيرة وواقفة تغني في الجنينة. فلاش باك. ليالي: طيري ياطيارة طيري ياورق وخيطان. بدي ارجع بنت صغيرة على سطح الجيران. يامن: ليالي بتعملي ايه.

ليالي: بسقي الورد. جميل قوي صح. يامن: طبعاً. بااااك. يامن فاق على صوتها وهي بتقوله. ليالي: استاذ يامن. يامن: ها. نعمل. ليالي: واقف كده ليه. يامن: لا. انا بس شميت ريحة حلوة. فجيت اشوف بتعملي ايه. بس بتفرج من بعيد. محبتش اقطع لحظتك. ليالي بكسوف من انه سمع صوت غناها: ط. طيب خلاص الاكل قرب يخلص. روح انت وانا هجيبه لما يخلص. يامن: اممم. تمام. انا هقعد في البلكونة شوية. ليالي: تمام. فى مكان آخر عند سما صاحبة ليالي.

سما: ياحسام انا قولالك انها جاية والله. حسام: عرفتي منين. سما: هي كلمتني بنفسها وقالتلي انها جاية قريب. حسام: ماشي. اديني مستني. سما: انت عاوزها اوى كده ليه. حسام بسرحان: مش عارف انساها. من يوم ما شفتها معاكي مرة بعد امتحانات الثانوية. سما: اااه. الموضوع حب والجو الملزق ده. طب اخلع انا بقا. سلام. حسام: سلام.