رواية اسيا الفصل السادس 6 - بقلم ديني عالي

فزع الجميع من صراخ ظافر الشديد من الأعلى. ارتدت أسيا حجابها بسرعة وحماس وهي تمتم بخفوت: "شكل الدواء جاب مفعوله جوي أكده." ثم خرجت مسرعة إلى الأعلى حيث مصدر الصراخ، وكذلك معظم الخدم وحسين عمه الذي خرج من غرفته مصدوماً من صراخ ظافر وصوته العالي. ليجتمع الجميع أمام غرفته وهو واقف أمامها ويوبخ الخادمة التي تقف أمامه بكل رعب وهو يسبها بصراخ: "يعني إيه يحصلي كده بسبب إهمالك؟ انتي مجنونة؟ أومال انتي شغلتك إيه؟ فهميني؟

مش شغلتك تنضفي الأوضة كويس؟ كانت تنظر الخادمة إلى الأرض بدموع وخوف شديد: "والله يا بيه أنا بنضف أوضة حضرتك كويس كل يوم. أنا معرفش دا حصل إزاي والله." كاد أن يسبها مرة أخرى ولكن قاطعه عمه باستغراب من صراخه: "مالك يا ظافر؟ في إيه لكل دا؟ بتصرخ في وش الغلبانة دي ليه؟ استدار إليه ظافر بعصبية وغضب. لينظر عمه إلى وجهه وجسمه بصدمة مليء بالحبوب الكثيرة الحمراء.

وشهقت أسيا من الصدمة، فهي لم تتوقع أن يترك كل ذلك التأثير الواضح. وأمسكت ضحكتها بصعوبة على منظره. حيث تطلع عمه إليه بصدمة وقلق: "إيه يبني إلى عمل في جسمك كده؟! نظر ظافر إلى الخادمة بغضب: "الهانم مش بتنضف أوضتي كويس. معرفش طول الليل وحاسس بحاجة بتخليني أهرش في جسمي كله لحد ما قمت الصبح على المنظر دا. وبسبب إيه؟ قلة نضافة وإهمال." نظرت له الخادمة بدموع: "والله يا بي...

قاطعها ظافر بصراخ وغضب: "انتي تخرسي خالص. انزلي خدي باقي مرتبك وغوري. مش عايز أشوف وشك هنا خالص. انتي فاهمة؟ بدأت تبكي بقوة وخوف: "والنبي يا بيه أوعدك آخر مرة مش هتتكرر." ولكنه تركها ودخل إلى الغرفة مرة أخرى بغضب شديد. بينما وقفت أسيا تتطلع إلى تلك الخادمة بحزن وشفقة على حالتها وبكاؤها الذي تشعر أنها السبب به الآن. فحسمت قرارها بسرعة، فهي لا تحب أن يتأذى أحد بسببها.

فاقت على صوت حسين لها: "انزلي يا أسيا هاتي دواء الحساسية من تحت واديه لظافر علشان يخفف الحبوب اللي عنده دي يا بنتي." هزت رأسها بالموافقة واتجهت لتجلب المرهم. كان يقف أمام المرآة عارياً الصدر وهو يتفحص وجهه وجسده الملئ بالحبوب وهو يزفر بضيق وغضب: "وشي باظ. أخرج إزاي أنا لاجتماع النهارده؟ قاطع كلامه خبط على الباب. زفر بضيق: "ادخل." دخلت إلى الداخل بتوتر قليلاً ثم نظرت إليه، سرعان ما شهقت من الصدمة من منظر صدره العاري

واستدارت برأسها بسرعة: "وه كيف واقف أكده من غير خلجات يا جدع أنت؟ نظر إليها بسخرية: "مش يمكن عشان واقف في أوضتي مثلاً؟ احمر وجهها خجلاً وقالت بتعلثم: "طيب البس خلجاتك بسرعة علشان أخبرك كلمتين وأسير طوالي." ابتسم بخفة على كلامها وخجلها ليمسك التيشيرت الخاص به وارتداه ليقول بسخرية: "لبست ها؟ كنتي عايزة إيه؟ نظرت إليه وتنهدت براحة ثم قدمت إليه المرهم: "اتفضل دا المرهم بتاع الحساسية علشان تخف شوية."

أخذ منها المرهم بضيق وهو يفتحه ويضعه على وجهه بسرعة. بينما هي مازالت واقفة مكانها. حمحمت بخجل. ليحول أنظاره عليها باستفهام: "خير؟ في حاجة تاني؟ عقدت يديها بتوتر: "يعني كنت عايزة أقولك حاجة أكده." ترك المرهم ونظر إليها باستفهام. لتتنهد بشجاعة: "إني إلى حطيت البودرة الصراصير على السرير بتاعك. يعني الخدامة ملهاش ذنب واصل."

قالت كلماتها وأغمضت عينيها بخوف. لتشعر بالسكون حولها. فتحت عينيها برفق لتجد بركان ثائر أمامها بغضب. "أنتِ وأمجد كنتوا بتضحكوا كده ليه يا قمر؟ "إيه يا سليم؟ عادي كان بيقولي حاجة تبع العملية اللي كنا بنعملها سوا وضحكنا." نظر إليها بضيق: "قمر! انتي عارفة إني مش بحب الكلام والشغل دا." نظرت له بضيق وغضب: "قصدك إيه يا سليم؟ دا مجرد زميل وانت عارف كده. انت بتشك فيا؟

تنهد بضيق حين شعر بكلامه: "أكيد مش بشك فيكي يا قمر. أنا أنا بس قصدي... ولا يهمك. معلش. حقك عليا. أنا بس أعصابي بايظة اليومين دول." نظرت له بضيق وشك: "مالك يا سليم؟ من وقت ما رجعت من الصعيد وانت مش مظبوط. دايما سرحان وبتغيب عن المستشفى كتير. انت مخبي عليا حاجة؟ هز رأسه بتوتر: "لا. هخبى عليكي إيه بس يا حبيبتي. هو ضغط بس مش أكتر. متقلقيش." هزت رأسها بصرامة وضيق: "هات تليفونك كده يا سليم."

عقد حاجبيه باستغراب وتوتر: "ليه يا حبيبتي؟ في حاجة؟ نظرت له بصرامة: "هات فونك يا سليم يلا." تنهد بضيق ثم أعطاها الهاتف بخوف. ثم وضعته أمام عينيه على صورة لأسيا قد حصل عليها ليسهل عملية العثور عليها. فتح عينيه بصدمة وبدأت معالم الارتباك على وجهه. وزاد ارتباكه مع كلماتها الغاضبة: "الصورة دي شوفتها على فونك امبارح وأنا بكلم ماما. مين دي يا سليم؟ ها؟ وصورتها بتعمل إيه عندك؟ انطق." نظر إليها

بتوتر وكلمات متعلثمة: "دي أسيا بنت عمي." عقدت حاجبيها باستغراب: "بنت عمك!! وصورتها بتعمل إيه عندك يا سليم؟ نظر حوله بتوتر: "بدور عليها علشان هربانة." جلست أمامه بصدمة واستغراب: "هربانة؟ "هربانة ليه؟ وامتى؟!! أكمل بتوتر خفي: "كانوا هيجوزوها غصب عنها وكده. فهربت. من وقتها مش لاقيينها خالص. ففي ناس شافتها وهي لتركب قطر من المحطة واحتمال تكون في القاهرة هنا. فعلشان كده بدور عليها."

نظرت له قمر بحزن: "يا حول الله يارب. زعلتني بجد عليها. طيب مقولتيش ليه يا سليم؟ كنت هساعدك." ابتسم لها بتوتر: "مكنتش عايز أشغلك معايا يا حبيبتي." ابتسمت له بحب: "تشغلني في إيه بس يا حبيبي؟ متخافش. هتلاقيها وهتبقى كويسة." ربط على يديها بهدوء وهو يحمد الله في سره على عدم انكشاف سره الآن. بينما هي شردت في الصورة وهي تفكر ترى أين رأتها قبل ذلك..... "واقفة أنا واقفة رجالة.. عايشة لغيري وهاملة أنا حالي...

صابرة طول عمري وشايلة.. والغالى بيرخص للغالى... بنت مصرية صعيدية وأصيلة.. لما تحتاجها تلاقيها سدادة." قاطع غناءها من خلفها بمرح: "والصعايدة بيضربوا ضيوفهم ولا إيه؟ نظرت خلفها بخضة وبسرعة: "جطعت خلفي الله يجحمك." ضحك عليها بخفة: "انتي شكلك لسه شايلة مني يا هنادي مش كده؟ نظرت له بضيق: "وأنا هشيل منك ليه يا جدع أنت؟ جليل الرباية وحديثك كله ماسخ كيف وشك."

": اممم اومال مين بقا اللي هيفرجني على البلد وانتِ متضايقة مني كده؟ نظرت له بغضب: "بقولك إيه يا جدع أنت؟ هاملني لحالي وبعد عن خلجتي واصل." ثم غادرت وتركته ينظر إليها بابتسامة: "والله عسل يا هنادي....... قاطعه رنة هاتفه ورد بهدوء وابتسامة: "ازيك يا سليم؟ _الحمد لله بخير يامهند. انت اخبارك إيه؟ اتعودت على الصعيد؟ ابتسم مهند وهو يتابع هنادي: "اتعودت عليها قوي. بس هي اللي لسه مش متعودة عليا."

ضحك سليم عليه بمرح: "بكرة تتعود ولا تزعل. واستقبال الحاج حمدان عجبك؟ ضحك مهند بقوة عندما تذكر طريقة استقباله من هنادي أول مرة: "جميل جداً صدقني. أول مرة أشوف استقبال حلو وقمر كده في حياتي." ": مش مرتحالك يا مهند. بس قوللي وصلت للي كنت عايز توصله؟ تنهد مهند بحزن: "لسه مبدأتش والله يا سليم. هبدأ النهارده كده أمشي في البلد وأسأل يمكن حد يفيدني في الموضوع دا ويكونوا عارفينهم." _إن شاء الله هتلاقيهم يا مهند. متقلقش."

تنهد مهند بحزن: "يارب يا سليم. وانت لقيت مراتك ولا لسه؟ تنهد سليم بضجر: "متئولش مراتك. بس عموما لسه ملقتهاش. بدور عليها." _ماشي يا صاحبي. هتلاقيها إن شاء الله." زفر سليم بضيق: "يارب علشان أخلص بقا.." اقترب منها بغضب بينما هي تتراجع إلى الخلف بخوف وتوتر حتى حاصرها ولم يبقى بينهم سوى القليل.

لتنظر حولها بتوتر: "إني عارفة إنّي غلطانة. بس بلاش تقطع عيش البت الغلبانة التانية. هي مغلطتش. إني اللي كنت عايزة آخد بتاري منك. من حركة المايه. بس دي جات زيادة." كانت تتكلم بينما هو ينظر إليها بصمت ويعتبر الهدوء ما قبل العاصفة. ليقطع سكوتها بجمود: "انتي عايزة إيه؟ أدمعت عيناها

بتوتر وخوف من الموقف: "إني عايزاك تهملني لحالي. بلاش الجط والفار اللي إحنا فيهم أكده. أنا جاية آكل عيش وبس. الجدر حطني أهني بعد اللي حوصل في العربية. بس إني عايزة أعيش في هدوء. الله لا يسيئك.... نظر إلى دموعها بضيق. لماذا تبكي الآن؟ هو اعتاد على رؤيتها قطة مشاكسة غاضبة دائماً. لكن الآن دموعها تؤلمه. غابتها التي تحولت للاحمر بسبب الدموع أوجعت قلبه فجأة.

ابتعد عنها بضيق: "معاكي حق. انتي هنا خدامة وشغالة. مينفعش أحطك في دماغي. كفاية اللي فات. من دلوقتي مفيش اختلاط بينا. اللي فات كان تسلية مش أكتر. وانتي كمان متتماديش فيه. يلا. اطلعي بره." نظرت إليه بدموع وصدمة من كلامه. ليصرخ بقوة: "برااا." نظرت إليه بدموع وحزن وخرجت بسرعة من الغرفة. بينما هو خبط الحائط بغضب وضيق لا يعرف سببه: "كل اللي عملته كان غلط أصلاً. إزاي أحط واحدة في دماغي؟ دي خدامة. إزااااي؟

جبتها هنا من الأول أصلاً؟ البيت دا... نزلت إلى غرفتها بدموع وحزن: "إني واحدة متجوزة. أيوه هربانة منهم. بس دي حقيقة. مينفعش أمنعها. إني أجرب من راجل أكده وأعاند معاه. دي لا تربيتي ولا أخلاقي واصل. إزاي عملت أكده؟ إزاااي........

مر شهر على الجميع. يخيم الحزن والهدوء على أسيا وظافر. حيث بالكاد هي تراه. فهو يستيقظ مبكراً للعمل ويأتي في أواخر الليل بعد خلودها للنوم. لا تنقصها راحتها بسبب هدوء حالتها واستقرارها تلك الفترة. لكن مازال الماضي يطاردها. وإلى متى سوف تهرب منه. بينما ظافر انكب على عمله بشدة حتى لا يفكر كثيراً في تلك الصعيدية الغاضبة التي يحب أن يرى غضبها. ولكن يجب أن يبتعد عنها. فهي خادمة ولا يجب التفكير بها نهائياً.

أما سليم الذي لا يزال يبحث عنها في كل الأرجاء والأماكن. ولكن بدون أي جدوى. وبدأ يتغيب عن المنزل كثيراً ويعود متأخراً بسبب رحلة البحث تلك. أما هنادي ومهند. فمازالا القط والفأر طوال الشهر. هي تغضب منه. وهو يحاول أن يقترب منها بمرح قليلاً. ولكن دون جدوى. "لقيتها يا سليم. لقيتها. أسيا في إسكندرية."