رواية اسيل العمر الفصل الثاني عشر 12 - بقلم نور يوسف

الحراس: الحق يا باشا. مجهول: في إيه؟ حارس: الحكومة هتهجم علينا الفجر. مجهول: انت بتقول إيه يا غبي، عملتيها يا أسيل؟ بس كده، اللعب هيحلو. حارس: هتعمل إيه يا كبير؟ مجهول: هنلعب على المكشوف. هاتوا من المخزن، شكل أسيل وحاشها. زمان جابوا واحد من المخزن، باين عليه آثار الضرب. مجهول: أهلاً أهلاً بـ فهد الميناوي، أظاهر إن أختك مكفاها إنها خسرت أبوك، عايزة تخسرك انت كمان. فهد: إيه ده؟ يعني أسيل عايشة؟ أسيل عايشة؟

مجهول: متفرحش أوي كده، أختك بقت أكبر ظابط في الدولة وبتحاول تقبض علينا، وانت الحاجة الوحيدة اللي تقدر تكسرها. فهد بتعب: أنا خسرت أختي زمان، مستحيل تقدر تأذيها طول ما أنا عايش. مجهول: تؤتؤ، مش لو فضلت عايش كتير. أختك لو مرجعتش عن اللي في دماغها، هقتلك وهقتلها. فهد قاعد على الأرض وبيبكي زي الطفل. فهد: عشر سنين، عشر سنين وانتي بعيدة عني وأنا محبوس هنا يا قلب أخوكي، مستحيل حد يقدر يأذيكي طول ما أنا عايش. عمر: أسيل، نمتي؟

أسيل: آه نمت. عمر: يا كدابة، امال مين بيتكلم؟ أسيل: خيالي. عمر: اممم، بقولك إيه؟ أسيل: ارغي. عمر: فيه واحدة محترمة تقول أرغي؟ أسيل: جوزي على ورق يا بابا، سبني أنام بقى. عمر بغمزة: طب متيجي نخليه بجد. أسيل: عممممر، عايزة أنام، سبني بقى. كانت نايمة على الكنبة، عمر شالها ونايمها على السرير ونام في حضنها. عمر: الأ قوليلي، هنسمي ولادنا إيه؟ أسيل: هما فين دول؟ عمر: ما إحنا هنجبهم دلوقتي… وبدأ يقرب.

أسيل: ولاااااا، ابعد، كلها ساعتين وعندي مأمورية. عمر: يا بابا، أنتي فصيلة، اتخمدي. أسيل: عمر، انت زعلت؟ عمر بيبلع ريقه: مبقولش حاجة يا باشا، نام يا باشا. ونامت. حارس: خد دا كله. عشان يكون فيك صحة، أما أختك تيجي. فهد بتعب: مش عاوز. حارس: ده انت الخسران مش إحنا. فهد لاقى فون الحارس بحركة سريعة، كان واخدة وخباة، بس هو ميعرفش رقم أسيل. استنى على ما الحارس مشي، فتح الفون. فهد: إيه ده، فيه رقم متسجل باسم أسيل.

صوت: آه، ما أنا والظابط أسيل أصحاب ومع بعض من سنين. فهد بص للصوت وانصدم.