رواية اسيرة عشقه الفصل الرابع 4 - بقلم ياسمين رمضان

ولسه هيعتدي عليها. لاقى الكسر الباب ودخل وكان كريم. سليم بغضب: مين انت وازاي تدخل كده؟ دنا هقتلك دلوقتي. كريم بغضب شديد وهو شايف سليم كان قالع تشيرتو وإنه كان هيقرب على ندي. كريم بصوت مخيف وغضب: أنا عزرائيل اللي هياخد روحك يا روح أمك. وراح مديله ضربة جنب رقبته جامد وقع على الأرض مقمش. كريم بغضب: خدوه على العربية وحطوه في المخزن بتاع القصر وروشوه كويس مفهوم. حراس: أمرك يا كريم بيه.

كريم بغضب وضيق جامد من ندي وراح شايلها واخدها وركبوا العربية. ووصلوا على الفيلا أخدوا سليم على المخزن وكريم أخد ندي على جناحه وطلع بيها ورماها على السرير بغضب. وفضل مستني لما تفوق. وعدى ساعة وبدأت تفوق. ورأسها كان وجعها بسبب الضربة. وركزت على شكل الأوضة لاقت نفسها في جناح كريم. ندي بخوف شديد وراحت بصت جنبها لاقت كريم قاعد على كرسي وكانت نظراته كلها غضب اتجاهها.

ندي قامت من على السرير وقعدت قدامه وهو كان ساكت ولاكن نظراته ليها ترعب. ندي بخوف: قول أي حاجة متسكتش كده لأنك بترعبني. كريم بحده: لو كنت برعبك فعلاً مكنتيش هربتي مني. كويس وصلت في الوقت المناسب قبل ما كلب دا يعمل فيكي حاجة. ندي: ما انت لو مكنتش خوفتني مكنتش هربت من هنا. كريم: ما انتي لو مكنتيش قللتي أدب معايا مكنتش خوفتك. ندي: انت لحقتني إزاي؟

كريم: لاقيت الحراس دخلوا كلهم الأوضة وقولت لهم في أي. قالوا ليا إنك قولتي لهم إني مغمي عليا ورحتي فلتي منهم وهربتي. وأنا بسرعة رحت نزلت جري وركبت عربيتي ولاقيت عربية سليم قدامي ورحت ماشي وراه وكلمت حراس إنهم ييجوا ورايا. وأول ما وصلنا المزرعة لاقيتو شايلك ودخل بيكي البيت وكان هيحصل اللي يحصل بس لحقتك في آخر لحظة.

وأكمل بسخرية: دا بقى حبيب القلب اللي بتحبيه طلع واحد وسخ ومش بيحبك كان وهمك إنه بيحبك بس طلع واحد وسخ عشان تعرفي إن محدش هيحميكي غيري. ندي: انت عملت فيه إيه؟ كريم بسخرية: خايفة عليه ولا إيه؟ ندي بكسرة: لا بس مش عايزة أتلطخ إيدك في واحد زيه. وقامت تدخل الحمام. وقبل ما تدخل قالت: بس اوعى تنسى إنك مفرقتش حاجة عنو برضو يا كريم بيه. أشكرك انت وهو على تدميركم لحياتي.

ونزلت منها دمعة ودخلت الحمام وفضلت تعيط جامد على حالها اللي اتبدل 180 درجة. كانت عايشة حياتها زي أي بنت وفجأة كل ده راح في يومين. كريم كان قاعد بره زعل على اللي قالته ومش قادر يفهمها إنه اللي عمله معاها ده كان عشانها هي ويحميها وهي مش هتقدر تفهم ده. ونزل لتحت عند سليم. ودخل المخزن وشافوه قاعد على الأرض وكان وشه كله مدشمل من الضربة. كريم: لا عاش يا رجالة. روشتوا كويس. عفارم عليكم.

سليم بغضب وتعب: صدقني مش هرحمك وهخدها منك لأنها بتاعتي أنا ومش هخليك تتهني بيها. كريم ببرود مخيف وراح وقف عنده ونزل لمستواه وقال بصوت مخيف: ندي اسمها ما يجيش على لسانك واوعى تفكر فيها ولا ثانية لأني هكسر دماغك لو فكرت بس فيها. وتاني حاجة ندي ملك كريم السيوفي وبس. واللي هيفكر يقرب ليها هيكون حكم على نفسه بالموت. وصدقني هخليك تتعفن في السجن يا كلب. وراح مديله كذا بوكس وقام وسابه وقال للحراس ياخدوه على السجن فوراً.

واخدوه للسجن. وفي القسم شرطة جالهم أمر من كريم إن يسجنوه مدى الحياة ومش عايز أي رحمة ليه. واتسجن. وسليم كان بيتوعد ليهم جامد ومش هيرحمهم وهيفكر يهرب إزاي. في قصر السيوفي. كريم طلع لجناحه فوق وشاف ندي نايمة على كنبة وكانت دموعها نشفت على خدها. كريم حس بندم أوي إنه وصلها للحالة دي. وشالها وحطها على سرير ونزل يعمل ليها أكل لأنها مأكلتش من بدري. وكلم الخدم كلهم ييجوا من بكرة.

وجهز ليها سندوتش برجر وعليه من فوق كاتشب مرسوم عليه وش بيضحك. وعمل لنفسه سندوتش هو كمان. وأخد صنية وطلع بيها لفوق وحط الصنية على ترابيزة. وبدأ يصحيها براحة. كريم: ندي حبيبتي قومي جبتلك أكلتك اللي بتحبيها. ندي صحت بس مش عايزة ترد عليه. كريم بحب: عارف إنك صحيتي. يلا قومي عملتلك أحلى سندوتش برجر اللي بتحبيه. ندي استغربت إزاي إنه عارف دي أكلتها المفضلة. ندي قامت وعدلت نفسها.

ندي باستفسار: انت عرفت إزاي إن دي أكلتي المفضلة؟ كريم بمرح وهو بيحط سندوتش في بوقها: أنا أعرف عنك كل حاجة. مفيش حاجة معرفهاش عنك. ندي بلعت اللقمة بالعافية. ندي: كريم. كريم: عيون كريم. ندي: انت مين بالظبط وليه بتحبني؟ ولي أنا بالذات اللي حبيتها مع إن في بنات كتير من مقامك كانوا أحسن ليك. اشمعنى أنا بالذات؟

كريم: الحب ملوش دعوة بالمكانات يا روحي. وانتي أول ما شفتك ملكتي قلبي من غير استئذان. حبيتك من 5 سنين أول مرة شوفتك فيها وانتي في أول يوم جامعة كنت بوصل أختي لاقيتك واقفة مع صحابك وبتضحكي. ضحكتك خلتني أنسى الدنيا وما فيها ومش شايف غيرك انتي بس. جننتيني بشعرك البرتقالي الناعم وعيونك الفيروزي اللي أخدت عقلي وعن طولك اللي شبر ونص. ندي ضحكت من كلمته.

بعدين كمل: وأول ما عرفت إنك بتحبي سليم اتضايقت أوي. بس قولت أكيد ممكن تنسي. بس جه اليوم اللي عرفت فيه إنك هتتخطبي ليه مقدرتش أمسك نفسي وجبتك هنا. لأن مش هستحمل حد غيري ياخدك مني. أنا مش وحش زي ما انتي شايفاني يا ندي. بس هيجي يوم وتعرفي إني عملت كده عشان متروحيش مني. بس كده يا ستي وكلي بقا سندوتش بتاعك عشان متتعبيش تاني.

ندي: أنا مش عارفة أفهمك بجد. ساعات تبقى رومانسي وساعات تبقى شرير أوي وساعات تبقى قليل أدب أوي. وساعات تبقى خايف عليا وساعات تبقى شخص تاني. كريم فضل يضحك على طريقة كلامها. ندي فضلت سرحانة في ضحكته اللي أخدت عقلها. كريم: عارف إن ضحكتي حلوة بس متتبيش كتير عشان متحسدنيش. ندي بغيظ: انت ولا ضحكتك حلوة ولا حاجة. وأحسد فيك إيه؟ انت مين أصلاً عشان أحسدك؟ ويلا قوم بقا لأني عايزة أنام. كريم بضحك عليها من قمصتها.

ونزل صنية تحت وطلع تاني غير لبسه ونام جنبها. راحت ندي قامت بسرعة وقالت: انت بتعمل إيه؟ كريم: هنام جنبك. في إيه؟ ندي بديق: لا طبعاً مستحيل. أنا امبارح عديتها لاكن لا يمكن تحصل تاني. أنا هروح أنام أنا على كنبة. كريم بعند: هتنامي جنبي هنا ومفيش نقاش مفهوم. ندي بعند: كريم مش… كريم بغضب: أنا قولت إيه. كلامي مش بيتسمع ليه؟ ندي بخوف: متزعقش لأني بخاف. كريم: ما انتي بتعصبيني. ندي: لأنك اللي بتقوله غلط يا كريم.

كريم بغضب ولسه هيقوم. ندي بخوف راحت بسرعة ونامت جنبه على السرير. كريم ابتسم على جريتها وهي بتنام على السرير وراح نام. ندي بزهق: يارب امتى همشي من هنا بقا. وبعد تفكير طويل نامت. وفي الصباح فاقت ندي من النوم وملقيتش كريم جنبها. ندي: راح فين دا. وغيرت لبسها ولبست بنطلون أسود دقيق وتيشيرت طويل ورفعت شعرها ديل حصان ودخلت الحمام غسلت وشها ونشفت وشها ونزلت لتحت. لاقت كريم حاضن واحدة. ندي: ياترى مين دي؟

امم شكلها أخته لأنه أكيد مش حبيبته. دي ندي يا كريم. كريم بابتسامة: أيوه هي. سلين: ازيك يا ندي؟ أنا أخت كريم. حكالي عنك كتير وفرحت إني شوفتك. ندي: ويترا حكالك إيه عني كريم؟ سلين: حكالي على قد إيه إنه بيحبك ولما صدق إنه لاقيكي وجابك على قصره. ندي: ويترا حكالك بالظبط جابني هنا إزاي؟ كريم: احم تعالي يا سلين على المطبخ أوريكي عملتلك إيه. ندي: إيه خايف سلين تعرف جبتني هنا إزاي؟ أنا هقولها.

كريم بتحذير: مش وقته يا ندي دلوقتي. تعالي يا سلين يلا. سلين: استني يا كريم. قولي يا ندي. سمعاكي. ندي بدموع: أخوكي خطفني من بيتي يوم خطوبتي وجابني هنا بالغصب. كريم بغضب: ندي اسكتي. اسكتي. ندي بدموع أكتر: واعتدى عليا على أساس إني محدش ياخدني منه. أخوكي دمر حياتي. وأرجوكي خليه يوافق إني أمشي من هنا لأني بموت وأنا قاعدة هنا. سلين بصدمة من أخوها من اللي سمعته من ندي. إزاي يعمل فيها كده كل ده عشان تبقى ليه.

فجأة راحت لعنده وضربته كف. ودي بصدمة.