رواية اسيرة عشقه الفصل السادس 6 - بقلم ياسمين رمضان

كريم بجمود: أنا معتديتش عليكي يا ندي. ندي بصدمة: إيه ده.

كريم: والدم اللي شفتيه ده كان دم غزال، كنت رشيتو على السرير عشان تصدقي إني اعتدت عليكي. أنا عملت كده عشان متفكريش تحبي حد تاني غيري وتفضلي معايا. بس فكرت فيها، قولت مش هغصبك تبقي معايا بالغصب، دي حياتك وأنتي حرة فيها. أنا عملت كده عشان ميقدرش يقرب منك، ولكن طلع وسخ برضو وكان هيقرب منك. بس فضلت كادب عليكي إني عملت كده فيكي عشان متسبنيش. ولكن دلوقتي أنا بقولك أنتي حرة يا ندي.

ندي بدموع: كريم أنا بحبك حتى قبل ما أعرف دلوقتي إنك مقربتش مني. بس أنا حبيتك لأن عمري ما شفت حد اهتم بيا غيرك ولا حبني زيك. كريم: فاكرة اليوم اللي قولتلك فيه هتندمي على اللي قولتي؟ كنت عارف إنه هيجي اليوم ده إنك تحبيني. بس أنا دلوقتي اللي بقولك لا يا ندي، عيشي حياتك بعيد عني. أنتي بس حببتيني عشان عرفتي إني ملمستكيش.

ندي بدموع: لا يا كريم، أنا حبيتك بجد من قبلها. لما بعدت عني شهرين كنت مش عارفة أعيش من غيرك. أكيد مش هتتخلي عني بعد كل اللي مرينا بيه ده. كريم: النقاش انتهى. البسي عشان هرجعك لأهلك. يلا مستنيكي تحت. ونزل وسابها بدون ما تقول أي كلمة. ندي بدموع: مش هسيبك يا كريم. زي ما أنت تعبت عشان أحبك وأبقى معاك، أنا كمان هتعب عشان أخليك تبقى معايا.

ولبست ونزلت. اطمنت على سلين، لاقيتها نايمة. راحت باست خدها وخرجت من أوضتها ونزلت تحت لعند كريم. وخرجت ولاقيته مستنيها في العربية. وراحت راكبة معاه. وكانوا ساكتين ومفيش أي صوت خالص. ندي: كر.. كريم: عارف هتقولي إيه. إزاي هوديكي لأهلك وهما فاكرين إنك هربتي. أنا هفهمهم كل حاجة، متقلقيش. ندي: كريم إيه اللي غيرك كده؟ مش كنت بتتمنى إني أحبك؟ و أهو حصل. فيه إيه اللي جرا؟

كريم: افتكري كويس اللي عملتيه. كل إهانتك ليا هو دا اللي وصلك لحد هنا. وأنا قولتلك يوميها إنك هتندمي على اليوم ده، إني ساعتها مش هقبل فيكي. ندي: بس أنا كان ليا سبب. لأنك جبتني غصب عني وكمان كنت فاكرة إنك دمرت حياتي. كان ليا حق في كل ده. وأكيد مش هتعاقبني على أسباب تافهة دي. كريم: منسبالك أسباب تافهة. لاكن منسباليش أنا كرجل. إهانة ليا وعمري ما أنسى. كريم بجمود: يلا أنزلي، وصلنا.

ندي كانت باصة لي ومصدومة. إزاي كان هيجنن عليها وبيتمنى إنها تكلمه. وفجأة اتغير ومبقاش مهتم. وكانوا عايز يخلص منها وخلاص. وأخدها من إيديها وطلعوا فوق ووصلوا للشقة عندها. وكانت خايفة جداً من مامتها. ولاكن كريم كان ماسك إيديها جامد وكان بيطمنها إنه جنبها وفضهرها. وانفتح الباب. وكانت مامت ندي هي اللي فتحت. الأم بغضب: إيه اللي جابك هنا تاني؟ وكمان جاية مع عشيقك ومش مكسوفة يا قليلة الحياء.

وكانت لسه هتمسكها من شعرها. ولاكن كريم مسك إيديها بسرعة ودخلهم جوا. الأم: إياك تمسك إيدي يا زبالة أنت. إيه جابكم هنا؟ اطلعوا برا البيت حالا. كريم: وفي سرو. وأنا أقول برضو ندي جايبة قلة الأدب دي منين. ماهو باين من أمها. وحكى كل حاجة لمامتها. الأم: يعني أنت خطفتها عشان تحميها يا ابني من سليم. كريم: أيوه يا أمي. ولاكن بنتك متربية أحسن تربية ومستحيل أبدًا تضيع شرف العيلة. خلي بالك من بنتك يا أمي. وأنا همشي.

الأم: هتمشي كده يا ابني من غير ما تشرب حاجة؟ عيب والله. كفاية إنك أنقذت بنتي من الحيوان ده. ربنا يكتر من أمثالك يا ابني. كريم: مرة تانية يا أمي. يلا سلام عليكم. وبص آخر نظرة على عيون ندي اللي كانت خلاص تكه وهتعيط. وفتح الباب ونزل. ندي جريت على البلكونة بسرعة تشوف. وبصت لاقيته راح لعربيته. ولسه بيفتح الباب شافها واقفة في البلكونة. وكانت بتدمع. وراح ركب عربيته ومشي. وفضلت باصة لي لحد ما اختفى من قدامها.

أمها دخلت عليها لاقيتها بتعيط. الأم: اهدي يا حبيبتي. أنا عارفة إنك حبيتي. متزعليش. منعرفش نصيبنا هيكون فين. ندي بدموع: بس أنا حبيته يا ماما. مش هقدر أنساه. مش قادرة أنسى تفاصيل وشه. ولا لما كان بيحكيلي عن حبه ليا. وعن لما وصف عن حبه ليا. قالي كلام جميل. كنت مبسوطة من جوايا وهو بيحكيلي. عمري ما هلاقي حد يحبني زيه. وفضلت تعيط في حضن مامتها.

عند كريم كان سايق عربيته بشموخ. ووصل البيت واتجه إلى أوضة سلين. واطمن عليها. وكانت صاحية. وحكى ليها كل اللي حصل. سلين بفرح: بجد أنت مقربتش منها.

كريم: مقدرش أعمل كده يا سلين. كنت بس وهمتها بكده عشان أقدر أخليها متفكرش في حد غيري. وكنت بحميها من كلب سليم. بس الحمد لله خلاص خلصنا منه. وكمان الكلب كان عايز هو وصحابه ياخدها شقته وكل واحد معاها مرة لحد ما خلاص تقطع النفس. وبعد كده يتاجروا بأعضائها. هو ده سر الوحيد اللي خبيته عليها. لأن لو عرفت هتنهار وهتحس إن الكل عايز جسمها بس. سلين بصدمة: وأنت عرفت إزاي إنه هيعمل كده معاها هو وصحابه؟ إنسان قذر.

كريم: مسكت واحد صحبه في ديسكو. كنت برقبه. ورحت ماسكه. وقرر لي على كل حاجة بس. سلين براحة: الحمد لله محصلش حاجة. وأنت راجل بمعنى الكلمة يا أخويا. أسفة أي ضربتك. سامحني. كريم بحب: ولا يهمك يا حبيبتي. اللي عملتي ده كان أي حد يستحقه. وأنتي عملتي الصح. سلين: طيب هتعمل إيه مع ندي. كريم بغموض: هتشوفي. بعد مرور شهر.

ندي كانت قاعدة حزينة في أوضتها. لأن كريم محاولش حتى يتصل بيها ولا يرجع لها. وكانت قاعدة شاردة في صورته اللي جابتها من على صفحته على الإنستا. وكانت سرحانة في ملامحه اللي أخدت عقلي من أول ما شافته. وافتكرت لما حكالها عن مهمته اللي كانت في العراق. وقد إيه كانت فخورة بشجاعته. إنه أنقذ البنات. وإنه إنسان طيب وشجاع. وفضلت تلوم نفسها على كل الكلام اللي غلطت فيه في حقه. كان هو كل ده بيحميها. وهي كانت على طول بتزعله بكلامها القاسي. بس أول ما هتشوفه هتعتذر لي عن كل اللي قلته غلط في حقه.

وقطع شرودها جرس الباب. وراحت تفتح. لاقت سلين. ندي بفرحة: سلييييين. سلين: وحشتيني يا ندووش. ندي: وأنتي أكتر يا روحي. تعالي اتفضلي ادخلي. سلين: لا تعالي معايا. هنروح دلوقتي نتفسح براحتنا. ندي: بس ماما مش هنا. سلين بمرح: هنكلمها واحنا في الطريق. يلا تعالي. ندي: ماشي يلا. سلين: لا لحظة. استني تعالي نغير لبسك الأول. تعاليلي. ندي باستغراب: ماشي يلا. ودخلوا جوا الأوضة. سلين: عندك فستان أخضر فاتح طويل.

ندي: أيوه عندي. بس ده فستان سهرة. بس مش للفسح. سلين: هتلبسي يا روحي يلا حالا. لأن فسحة هتبقى جامدة. ولازم الفستان ده. يلا. ندي: سلين حبيبتي. أنت كويسة. سلين: كويسة أوي. يلا بس روحي البسي. ندي: حاضر حاضر. اطلعي برا طيب عشان البس. ندي بضحك: مجنونة.

وراحت لبست فستان الأخضر. جميل. كان ضيق من الوسط. وكان واسع من تحت. وكان منفوش من الأكمام. وكان ضيق بسيط من الصدر. وكان جميل عليها. ورفعت شعرها ديل حصان. وكانت زي القمر. وبياضها بان أكتر في الفستان. وكانت أميرة بمعنى الكلمة. وخرجت ل سلين. سلين: بسم الله ما شاء الله. زي القمر بجد. حرفياً أنت اللي محليا الفستان أوي. ندي بكسوف: أنت اللي قمر يا سوسو. يلا بينا ننزل. سلين بحب: يلا يا بيبي. ونزلو سوا وركبوا عربية سلين.

ندي: بس أي زيارة مفاجأة دي. يعني افتكرت مش هنشوف بعض تاني. سلين بغموض: الفترة جاية هنكون طول الوقت مع بعض. ندي بعدم فهم: مش فاهمة. سلين بغمزة: هتشوفي. وفجأة طلع عليهم عربية وقفت قدامهم. ونزلوا منها ناس مقنعة. وراحوا على عربية سلين. سلين بخوف: يلهوي مين دول. ندي بخوف: سلين اتصلي بسرعة ب كريم بسرعة. وفي لحظة الراجل فتح الباب ورش منوم على ندي. وفقدوا الوعي هي و سلين.