رواية اسيرة الصاوي الفصل الرابع والعشرون 24 - بقلم سجدة جمال

تاليا بصراخ: جاااسر! سيدرا جت. جاسر جاء بسرعة: أي ي بنتي تعالي، خشي. سيدرا دخلت بتعب واضح. جاسر: تاليا روحي هاتي عصير ليها يهدي أعصابها وتعالي من جوا. ثواني وتاليا جاءت. تاليا: تفضلي. سيدرا: تسلمي. جاسر: اشربي براحتك واحكيلنا أي اللي حصل ومين اللي خدك في العربية ده. بعد دقايق سيدرا خلصت العصير. جاسر: ها ي ستي قولي أي اللي حصل من أوله لآخره. بس بقولك أنا معرفتش خالتو إنك انخطفتي. سيدرا: أحسن برضه. جاسر: يلا احكي.

سيدرا بتردد: بص أنا هقولكو كل حاجة بس مترددة. جاسر: مش أنا أخوكي وتاليا أختك، مترددة من مين بقا؟ ومتخافيش ي ستي مش هقول لخالتو حاجة. سيدرا: طب أوعدني إنك مش هتعمل حاجة خالص، حتى بعد ما أحكي. جاسر: أوعدك ي ستي، يلا قولي. سيدرا حكت كل حاجة، حتى قالت إن سليم هو اللي أخدها. جاسر بغضب: يعني الكلب ده هو اللي أخدك؟ وربي ما أرحم! سيدرا بتعب: جاسر، متنساش إنك وعدتني، أوفي بوعدك ليا.

جاسر نفخ بضيق: خلاص ي ستي مش هعمل حاجة، بس انتي ناوية تعملي إيه؟ سيدرا بتعب: أنا هروح أنا، وبعدين أما أفوق هجيلكم، تمام؟ جاسر وتاليا: تمام. سيدرا روحت البيت. هناء: أي ي مقصوفة الرقبة، انتي كل ده تأخير؟ سيدرا: ماما والله مش قادرة خالص، سبيني واما أصحى أبقى اعملي اللي تعمليه. هناء بقلق: مالك ي روحي، في أي حاجة وجعاكي طيب؟ سيدرا بكذب: لا بس مصدعة شوية ورجلي وجعاني بس.

هناء: امم هحاول أصدقك، طب خدي البرشام ده ونامي على طول. مش عارفة الصداع ماسكك ليه بقاله أسبوع. سيدرا: تمام ي ماما. ودخلت تنام على طول. عند الشباب. علي بغضب: سليم، انت أهبل يعني عشان تعمل العملة السودة دي؟ ويارتها دي بس، لا وكمان بتخوفها إنك هتغتصبها؟ انت جرالك إيه لعقلك يا جدع انت؟ سليم ببرود: عملت اللي عملته وخلاص، الموضوع انتهى. بس فاضل إني أتقدملها تاني كمان يومين ولا حاجة. علي بعصبية: يخربيت برووودك! يا أخيس!

سليم: رايح أنا بقا، خليني أفكر براحتي. علي نفخ بضيق وعصبية. عند سيدرا صحيت وكلت وطلعت تروح عند تاليا. سيدرا: ماما أنا هروح عند سهر. هناء: ي بت اتلمي، اسمها خالتو، انتي سامعة؟ سيدرا: بقولك إيه، هي موافقة، اطلعي انتي منها. هناء: ي ربي ع كتلة قلة الأدب اللي مخلفاها دي، ي ربي أنا دماغي كانت فين وأنا بربيها بس. سيدرا بضحك: ابقي اسأليه. هناء باستغراب: مين ده؟ سيدرا: عقلك. نيهاهاهاها.

هناء مسكت السلاح بتاع الأمهات كلها، وهووب جه في خدها. سيدرا بضحك: أي ي وليه، ف أي، انتي كنتي بتلعبي رمايه قبل كده ولا إيه؟ هناء بضحك: أحسن، أحسن عشان تطولي لسانك تاني. سيدرا: أه، صح بابا ومراد هيجوا امتى من السفر ده؟ هناء: بكرة ي أختي، وبعدين بتسألي ليه؟ سيدرا بصراخ: بتهزري يعني جايين بكرة؟ ها ها، ومتنسيش أما يرنوا تقولي لهم يجبولي حاجات كتير. يلا سلام، أروح عند سهر. جود باي.

هناء: عوض عليا عوض الصابرين ي ربي ع المتخلفة دي. عند سيدرا زي كل مرة بطبل على الباب. جاسر: جاااي أهو يا حلوفة ياللي اسمك سيدرا الكلب. سيدرا من برا: بس ي نخلة انت. ودخلت.