رواية اسيرة الصاوي الفصل الثالث عشر 13 - بقلم ايمان شلبي

في مساء يوم الجمعة، تتجمع كل من عائلة تاليا وسيدرا في البلكونة عند سيدرا. سيدرا: بقولك إيه يا ماما. هناء: نعم يا آخرة صبري، قولي. سيدرا: استغفر الله العظيم، بقا أنا دلوقتي اتكلمت عشان تقولي كدت؟ هناء: بطلي رغي وقولي في إيه. سيدرا: إيدك ع 800 جنيه عشان أنزل أشتري لبس. هناء: نعم نعم يا أختي، كام عفريت يعفروكي؟ سيدرا: كدا هيكون كتير عليا. هناء باستغراب: إيه هما؟ سيدرا: العفاريت هيخوفوكي.

هناء مسكت السلاح السفاح وهوب لزق في وش سيدرا. سيدرا بوجع: إيه يا نبع الحنان، مش كدا؟ وبعدين دي انتي هدافة بتصوبي الهدف من بعيد، براڤو. هناء: يختي عليا ويختي عليا. سيدرا: هاتي بقا الـ 800 جنيه، متوهيش في الموضوع. وانتي يا ست تاليا، اخلصي قولي لسهر لا خايفة. تاليا: احم، سهر حبيبتي، إيدك ع 800 جنيه أنا كمان. سهر: تصدقي إنك قطعتيها يا سيدرا.

سيدرا: تصدقي إنك قليلة الأدب، انتي والمهزأة. خلاص يا بشر حفظنا المرشح بتاع كل مرة، دا ها؟ يلا بقا هاتوا 800 جنيه عشان ننزل نتشبرق. سهر وهناء: امسكي يختي انتي وهي، بس تجيبوا حاجة عدلة بدل ما بتاكلو وتضيعوا فلوسكم بيهم. سيدرا: عيبك إنك حفظانا. نروح عند الأبطال. سليم: بقولك إيه يا علي. علي: قول يا كبير. سليم: عايز أتمشى شوية بكرة وبالمرة ننزل المول. علي: تصدق بالله، أنا كنت هقولك كدا بردو.

سليم: خلاص بكرة ع العصر كدا ننزل. علي: تمام. سليم: آه صح، عملت إيه مع البت بتاعتك؟ علي: تاليا يا أخي، افتكر حاجة عدلة، دي مستفزة هي والشبر ونص. سليم بتحذير وخبث: للمرة المليون بقولك، ما تقوليش عليها كدا، ولا إيدي وحشتك عايزة تجربها؟ أنا عن نفسي ما عنديش مانع. علي بخوف: خلاص والله آخر مرة، خلي البساط أحمدي يا سطا. سليم: ناس تخاف ماتختشيش. ونام أبطالنا بسلام. في صباح يوم جديد، تستيقظ سيدرا على أشعة الشمس.

سيدرا: يوووه يا ماما، كام مرة أقول بلاش تفتحي الشباك. هناء: أحسن هعمل كدا كل يوم عشان تصحي. سيدرا: والله أنا حاسة إني مش بنتكم، انتوا لقيتوني ع بابا جامع ولا فين؟ هناء: في الزبالة. سيدرا: أنا كنت حاسة، طب أروح أدور ع أهلي بقا. هناء: روحي يا مجنونة، اغسلي وشك وصلي وتعالي. سيدرا: حاضر يا أمومة. عند علي وسليم. علي: سليم سليم، اصحي يا عم إنت. سليم: سبني شوية بس. علي: دي المرة المليون تقولي كدا. سليم: أوووف، عايز إيه؟

علي: يعني أنا غلطان إني بصحيك عشان الساعة بقت 2 العصر. سليم بصدمة: إيه؟ بتهزر؟ أنا نمت كل دا؟ علي بسخرية: آه يا خويا. سليم: طيب هفطر وآخد دش ونبقى ننزل.