رواية أسيرة الصقر الفصل العاشر 10 - بقلم جنات

صقر. أنا عرفت كل ده عشان أبويا كان حاسس إنه هيحصل له كده. فحكالي. قمر. بابا... أكيد صقر بيكذب صح؟ أكيد الكلام ده مش حقيقي. وحاول حسام يهرب. فجأة صوت طلق نار. صقر اترمي على الأرض. قمر بصدمة. صقر... أنت عملت في كده ليه؟ ضربته بالرصاص ليه؟ وكانت هتروح له. راح مسكها حسام من إيدها. حسام. اعتبري مبقاش جوزك دلوقتي. يلا نهرب. راحت بعدت إيده. قمر. أنا لازم أروح لصقر. فجأة سمعوا صوت صقر بيضحك. حسام. مستحيل.

راح قام صقر ومسح التراب من عليه وقال بسخرية. صقر. معاك مسدس؟ متقلقش. عامل حسابي. كنت حاطط درع واقي للرصاص. الحمد لله جيت عشان أنتقم منك واللي عملته في أبويا. وخلّيت قمر طُعم عشان أتأكد إنك هتيجي. قمر. أنت بتقول إيه؟ راح خلع الدرع ورماه على الأرض. حسام. أنا غلطان. المفروض متبقاش في قلبك. المفروض تبقى في راسك. وكان هيضرب الرصاص. راحت نزلت قمر إيد حسام. راح زقها ووقعت على الأرض بسرعة وضرب الطلقة.

بس صقر تفاداها. وطلع مسدس وضربه بسرعة على رجل حسام. راح وقع على الأرض. قمر بصراخ. بابا. فجأة جم رجالة صقر وكانوا هياخدوا حسام. صقر. سيبوه لسه شوية. مخلصتش اللي أنا عاوزه. راح بص على قمر وقال. صقر. خدوه هي. قمر بخضة. أنتوا واخدني على فين؟ خلّيهم يسيبوني. سيبوني. وأخذوا قمر. وكل ما تبعد عن المكان اللي هم فيه تلاقي صقر واقف قدام حسام ورافع السلاح على رأسه. كانت قمر بتشوف كل ده وهي بتعيط جامد وبتقول بصوت عالي.

قمر. لأ يا صقر. متعملش كده. وعند صقر وحسام. صقر. المفروض أنا أضربها في راسك. راح بعد صقر المسدس اللي في إيد حسام برجله ورماه بعيد. حسام كان مش عارف يقف عشان رجله وكان بيبص عليه وهو على الأرض. بعد فترة صوت طلق نار. راحت جريت قمر من رجالة صقر بسرعة. وأول ما راحت قمر اتصدمت ولاقت صقر مرمي على الأرض وسايح في دمه. وملاقتش حسام في مكانه. جريت بسرعة لصقر وحاولت تفوق فيه. قمر بخوف. صقر.. صقر قوم.

نرجع شوية بالأحداث عند صقر وحسام. صقر. أنا لازم أضربها في راسك. بس تعرف مش هعمل كده عشان أنا مش قاتل زيك. الشرطة في الطريق لـ هنا. هي هتعمل الصح معاك. راح مشي صقر. بس فجأة قام حسام وضربه في ضهره بالسكينة المعه. اتصدم صقر واتألم. وكان هيلف ضهره وضـرب طلقة في أي حتة ووقع على الأرض. نرجع بقى لقمر. قمر. حد يتصل بالإسعاف بسرعة. أحد رجالة صقر اتصل بإسعاف والباقي جريوا وراحوا ورا حسام عشان يلحقوه.

وعند حسام كان بيحاول يمشي عشان يلحق يهرب بس ملحقش. وجم رجالة صقر ومسكوه. وجت الشرطة في اللحظة دي وأخذوا حسام. وجت الإسعاف وأخذوا صقر بسرعة وودوه المستشفى ودخل غرفة العمليات. كانت قمر قاعدة بره. بالفستان بتاعها وعلي فستانها دم صقر. بعد فترة طلعت ممرضة بسرعة من العمليات. راحت جريت قمر وقلتلها. قمر. هو عامل إيه دلوقتي؟ الممرضة. ادعيله عشان هو فقد دم كتير وهو مش بيستجيب.

راحت شافت قمر بتاخد جهاز الصدمات الكهربائية. وأول ما قمر شافته اتصدمت ووقفت مكانها من الصدمة. وبعد مدة طويلة طلع الدكتور من الغرفة وكان بيسأل على زوجته (قمر) وكانت قمر لسه واقفة مكانها من الصدمة. الدكتور. مدام قمر. قمر بقلق. نعم... الدكتور. الحمد لله. اكتب له عمر جديد. هو في العناية دلوقتي. قمر مصدقتش نفسها من الفرحة. وبعد 2 شهور.

كانت قمر طول شهرين بتعتني بصقر لحد ما صقر رجع زي الأول. وكان صقر ابتدا يحب قمر وحس بجد إنه كان ظالمها بعد ما اكتشف إن نعمة أخذت كل فلوسها ومبقاش ليها حد. وفي يوم طلبت قمر من صقر الطلاق. صقر. انتي بتقولي إيه؟ قمر. معلش يا صقر. خلّي كل واحد يشوف حاله. أنا استناك لحد ما تشد حيلك عشان مينفعش أسيبك كده. صقر. بس أنا مش هعمل كده. قمر. ليه؟ صقر. أنا آسف يا قمر وياريت نفتح صفحة جديدة مع بعض. قمر. بس ليه مش عايز تسبني؟

أنت خلاص أخذت اللي عايزه مني. وكمان... راح قطعها صقر وقال. صقر. عشان بحبك يا قمر ومش عايز أسيبك.