رواية أسيرة الصقر الفصل الأول 1 - بقلم جنات

يوووه أنا زهقت يا ماما أنا مش طالعة. يا بنت عيب الست وابنها بره وأنتي جاهزة مش عايزة تطلعي ليه؟ أنا جاهزة عشان لسه جاية من بره. وكمان... بنت أنا مش عايزة لعب عيال، أنتي مش صغيرة. العصير في المطبخ أول لما أناديك تطلعي. لو ما طلعتيش مش هيحصل كويس. ماشي. وفي الصالون بعد ما جت مامتها: أومال قمر فين يا ست نعمة؟ نعمة: البت جاية بس هي مكسوفة شوية. قمررر تعالي يا حبيبتي. قمر في المطبخ وسمعة مامتها بتناديها ومسكة الكوبيات.

قمر بهمس: أنا هطفشه زي اللي قبله، استنى بس. وطلعت وقدمت الكوبيات وقعدت. وبعد فترة: نعمة: أسيبكم مع بعض بقى. ومشت هي ووالدة الشاب. وقبل ما تمشي همست لقمر وقالت: ده ابن ناس، افهمه. ابتسمت قمر ابتسامة زائفة. ومشيت مامتها هي ووالدة الشاب. فضلت قمر تبصله من فوق لتحت وحطه رجل على رجل. قمر: أومال البيه بيشتغل إيه؟ الشاب بصلها بتعجب ووشه اتغير. قمر: هو أنا قولت حاجة؟ مالك قلبت وشك ليه؟ ماما قالتلي إن اسمك...

يارب مش فاكرة.. آه. اسمك صقر. وابتسمت بخبث. ويا ترى شغلك في السما ولا إيه. هههه. ول... راح مسكها صقر من كتفها وقال بصوت مرعب: لو بتعملي الحركات دي عشان تطفشيني زي اللي قبلي فمكشوفة. اعمليها على حد تاني يا صغيرة. قمر بتوتر: سيب إيدي. وبعدين إيه الكلام اللي بتقوله ده. راح ساب كتفها ونده على والدته وجم. رحت قمر دخلت جوه الأوضة بتاعتها بسرعة. نعمة: انتي يا بنت رايحة على فين. مش عارفة البنات مالهم اليومين دول.

دخلت قمر جوه في أوضتها وكانت خايفة جداً ومتعجبة من اللي سمعته وبتقول: هو عرف منين؟ وفتحت موبايلها واتصلت بصاحبتها نيفين. وهي بتتكلم معاها سمعت صوت زغاريط بره. قمر: ثواني يا نيفين كده. خرجت بره وهي ساكتة. نعمة: بتقول لها يلا يا حبيبتي عشان نقرا فاتحتك. قمر: إيه؟ أنا؟ والدة صقر: يلا يا حبيبتي، انتي واقفة ليه؟ تعالي اقعدي. وقعدت قمر وهي مش فاهمة إيه اللي حصل بالضبط. هو إزاي وافق عليها بعد كل اللي عملته ده؟

ومشوا. وهو ووالدته. نعمة: برافو عليكي. قمر مصدومة ومش مصدقة. وفي اليوم البعده الصبح. كانت قمر ونيفين في الكافيه. قمر: أنا مش عارفة هو وافق إزاي بعد اللي عملته فيه. نيفين: يمكن يا قمر يبقى من الرجالة اللي بتتجوز كتير. قمر: لا ماما قالتلي إنه متجوزش قبل كده. فجأة موبايل قمر رن. قمر: ثواني. الو. نعم مين معايا؟ نيفين: في إيه؟ قمر: انت جبت رقمي منين؟ راحت قفلت في وشه ورمت الموبيل في الشنطة. نيفين: في إيه يا بنتي؟

قمر: مفيش واحد بيستظرف. سيبك منه. فجأة قمر بصت يمين في زجاج الكافيه وقالت بصدمة: إيه! أحمد! وخرجت بسرعة وقالت: كنت فين يا أحمد كل الفترة دي. أحمد: ما أنتي عارفة إني كنت مسافر. قمر بدموع: شفت اللي حصل. أحمد: إيه؟ في إيه مالك. قمر: ماما مقلتلكش إني اتقدملي عريس. وقرأنا الفاتحة. أحمد: طب وده فيها إيه. ألف مبروك. قمر بصدمة: إيه؟ ألف مبروك؟ دا أنا افتكرتك هتزعل. وهو إحنا مش بنحب بعض من صغرنا ووعدتني إننا هتجوز.

أحمد: ههههه. إيه بنتي أنتي صدقتي؟ دا كلام عيال. قمر: كلام عيال؟ يعني أنت مش بتحبني. أحمد: أحبك إيه يا بنتي. دا إحنا زي الأخوات.