رواية اسير براءتها الفصل الحادي والعشرون 21 - بقلم ندا الشرقاوي

ماجد..... بص ياحج من غير لف ودوران انا دكتور اسمي ماجد وجاي طالب ايد مدام شادية. شاديه..... ايييه؟ كارم..... والله ياولدي انت فاجئتنا، وبعدين عرفتها كيف دي لسه مطلقة. ماجد بحرج..... مهو ياحج أنا شوفتها كذا مرة، بس والله ما تطاولت عليها ولا قلت حاجة زعلتها. وأنا كنت فاكرها اخت أستاذ صالح، بس لسه عارف إنها اتطلقت وعاوز أطلب إيدها. كارم..... أني مش عارف أقول إيه، بس الرأي رأيها. شاديه..... مش موافقة. ماجد.....

ممكن تسيبني معاها خمس دقايق بس. جاء كارم ليعترض، لكن قال ماجد..... خمس دقايق بس. كارم..... حاضر. وطلع كارم. ماجد..... ليه مش موافقة؟ شاديه..... تعرفني منين، ولا حبتني ميتا، ولا عاوز تتجوزني ليه؟ ماجد..... مش عارف، بس في حاجة شدتني ليكي. بس إيه معرفش. بس باين إنك شايلة كتير، نتجوز وهعالجك. شاديه..... شايفني مجنونة؟ ماجد..... ليه؟ هو الدكتور النفسي بيعالج مجانين؟ فهمه غلط عن الطب، بس ليه مش ممكن؟

لما تحكيلي ترجعي لطبعك. ليه خايفة؟ عارف إنك لسه مطلقة في عدة 40 يوم، تعرفيني فيهم. شاديه..... سيبني أفكر. ماجد..... موافق وهستنى ردك أكيد. *** كان معتز طالع من المطبخ وشايل صنية سندوتشات. معتز بسخرية..... آخرتها معتز بيعمل سندوتشات. كان فهد قاعد بيذاكر للينا. فهد..... ركزي. لينا..... خلاص ياعمو كفاية، عرفت إن قطة يعني cat وكلب يعني dog. فهد..... وفهد يعني إيه؟ لينا..... يعني عمو. فهد..... الطم ياناس الطم!

فهد مش أنا، قصدي على فهد اللي هو cheetah. لينا..... يعني أنت متسمي على اسم حيوان؟ فهد..... فعلاً أنا حيوان إني قعدت أذاكر ليكي. معتز تعال خد البت دي. جاء معتز وفي يده ساندوتش..... إيه يالينا، عملتي إيه؟ لينا..... بيقولي فهد يعني إيه؟ قلتله يعني عمه. معتز..... غلطت في إيه البت؟ فهد..... لا بجد هتموتوني! هات السندوتش علشان على أخري منك أنت وبنتك. معتز..... أجيب لك مين يذاكر لك يالينا؟

حرام. اكتبي دول لحد ما أشوف نوارة عملت إيه. لينا..... آه روح روح. معتز..... روح روح! هو أنتِ ددرتها يابت؟ واتجه إلى نوارة، كانت تحل أسئلة في التاريخ. معتز..... عملتي إيه؟ نوارة بغيظ..... يعني محمد علي لازم يخلف كل دا؟ مراته أرنبة؟ معتز..... لا كتير! هخلص منك ولا منها. حرام أوي. أنا ماشي، ذاكروا أنتم تعبتوني. منه..... شفت أنا هادية إزاي. معتز..... جدعة. عملتي إيه بقا في محاضرة النهاردة؟ لخصتيها صح؟ وريني.

منه بتوتر..... مهو أصل... معتز بحده..... هاتي. وأخذ الكراسة، كانت كاتبة: بحبك يافهودي. معتز بغيظ..... ملخص المحاضرة: بحبك يافهودي. فهد..... قلب فهودك ياناس! أنا بقول بلاها الجامعة دي وخليكي جمبي. معتز..... والله موتي على إيديكِ. على إيديكِ قوموا نااااموا يالا. تركوا كل ما يشغلهم وركضوا على غرفهم. معتز..... يارب قويني عليهم بقا، عندي أربع عيال. فهد بياكل سندوتش..... حسبت منه معاهم. معتز..... حسبت ياخويا حسبت. ***

في جناح منه وفهد، فتح الباب. كانت تخرج من المرحاض ترتدي فستان أسود قصير للغاية يصل لفوق الركبة بمراحل، بحمالات رفيعة، تاركة خصلات شعرها على ظهرها. ترتدي صندل ذو كعب عالي وخلخال. مع كل خطوة كانها تسير على أوتار قلبه. بلع ريقه بصعوبة. يبدو أنها ليلة ولا ألف ليلة وليلة. اقترب وهو ينظر إليها بتوهان من جمالها الذي ازداد. فهو لم يقترب من حادثة الإجهاض. فهد..... أنتِ كويسة؟ اقتربت ولفت يداها حول عنقه تقول بدلال.....

أوي أوي. فهد..... ليه؟ منه..... ليه إيه؟ عايزة أنسى اللي فات. فهد..... متأكدة؟ منه بحب وقبلته بجانب فمه..... أوي. فهد بسعادة..... على البركة. واقترب ولم يبتعد. *** معتز..... حبيبتي مش ناوية تكبر بقا؟ نوارة..... في أحلى من الهبل والجنون ياميزو؟ معتز.....

يس. كل حاجة ووقتها ياقلب ميزو. قل أنا في الشغل بفضل أضحك وأهزر، ولا بكون جد. ولما بكون معاكوا بهزر وبضحك وبكون مجنون معاكوا كمان. كل حاجة وليها معاد يانوارتي، ماشي ياقلبي. نوارة..... ماشي. ممكن أنام بقا؟ معتز..... يالا نامي. نوارة..... نام علشان أنام. معتز بمكر..... وأنت مالك ومالي؟ نوارة..... علشان بنام هنا. وهيا بتشاور على قلبه. معتز..... طب تعالي وناموا في أحضان بعض. *** ورد..... صالح صالح. صالح..... نعم.

ورد باستغراب..... أول مرة تقول نعم على طول. حاجة تانية، إيه اللي معكر مزاجك؟ صالح..... زعلان على اللي عملته في شادية. مكنش لازم أوافق معتز أبداً. ورد..... حبيبي خلاص انسي. هي بقت في حالها ورجعت لعقلها. صالح..... ماشي ياورد. كنت عايزة إيه؟ ورد..... عايزة أنزل مصر. صالح..... مصر؟ تعملي إيه؟ ورد..... عايزة أكشف عند دكتورة كبيرة هناك. عايزة أعمل عملية. صالح برفض..... لا عملية، لا والف لا. إحنا نستنوا كرم ربنا الأول.

ورد بإلحاح..... علشان خاطري يا صالح نروح مصر ونتطمن. صالح..... بلاها. ورد..... وحياة ورد. صالح..... هفكر. ورد..... ماشي. فكرت. صالح..... أني لحقت؟ ورد..... آه. 3 ثواني حلوين جوي. صالح بضحك..... من بكرة نندله لمصر لجل عيون ورد. ورد..... بحبك ياصالح. صالح..... بتاعت مصلحتك. لأ بعشقك ياورد الجوري. *** في صباح يوم جديد، وهو المعتاد. الأطفال في الحضانه، ونوارة في المدرسة، ومنه في الجامعة، ومعتز وفهد في الشركة. فهد.....

أنا تعبت. معتز..... عندك حق. لازم نجيب مربية للأولاد. أنا مبقتش قادر. فهد..... طب هتشوف مين؟ معتز..... هشوف. المهم، شادية أطلقت من صالح؟ فهد بصدمة..... بتتكلم جد؟ معتز..... آه. وفي دكتور متقدم لها. فهد..... بالسرعة دي؟ معتز..... اللي حصل. بس صالح بيقول اتغيرت للأحسن. فهد..... طيب وحكاية الدكتور؟ معتز..... لسه هعرفها. جاء تليفون لمعتز. معتز..... الوووو....... إيه؟ لينا؟ فهد..... مالها لينا؟