رواية اسير براءتها الفصل السادس عشر 16 - بقلم ندا الشرقاوي

معتز: بس أنا متجوزتكيش، انتي اتجوزتي حد تاني، ابقي بصي كويس على اسم العريس. شاديه بصدمة: إيه! كيف بتهزر ولا إيه؟ معتز ببرود: وهزر ليه يعني؟ عيل قدامك عشان أضحك عليكي ولا إيه؟ اطلع ياعريس. طلع شخص ضخم طويل للغايه، قمحي البشرة، يوجد لديه عضلات بارزة. شاديه بصدمة: مين دا؟ صالح بسخرية: العريس ياعروستي. شهيره: يامراري يامراري. كارم بصرامة: اكتمي يامرة، مسمعش حسك. منه بخوف: فهد مين دا؟ كله دا هيبلعنا.

فهد: والنبي تهدي، أصل أنا خايف من شكله، معرفش أبويا حط إيده في إيده إزاي. معتز: عروستك في إيدك ياعريس. صالح: تسلم يامعتز بيه. نواره قربت من شاديه وهمست لها: مش أنا اللي تاخدي جوزي مني، شوفتي بقا على رأيك؟ حتة بنت 18 سنة أخدته منك، بس هو ليا، ليا، حطيها حلقة في ودنك. وجو إنك هتنتحري دا وفريه لنفسك، أصل جوزي مش عيل عشان يصدقك، يا طعمة. لينا: انت العريس؟ صالح نزل لمستواها: آه أنا. لينا: يا صغيرة على الموت ياشابة.

كانت شاديه واقفة وعلامات الدهشة والذهول على وجهها، أيعقل أنها من خسرت وأن كل شيء اتقلب؟ ضاع كل مخططها. وقفت نوارة بجانب معتز: كنتي بتقولها إيه؟ نواره وهي تدعي البراءة: ببارك وبأهني على الفرح ياميزو. معتز: ماشي، اصبري عليا. صالح: نستأذن إحنا بقا. شاديه بعصبية: نستأذن على فين؟ الجوازة دي بااااطل، أنا مش موافقة، اتخبلتوا في مخكوا إياك.

صالح: والله كان في شهود، وانتِ ماضية على العقد بإيدك اللي عاوزة تقطعيها دي. وشدها من إيديها للخارج. شهيره: سيبها ياواد، عملتها يامعتز، عملتها! هنقول إيه؟ ما انت طالع لامك. معتز بعصبية عند مجيء سيرة والدته: شهيررررره، سيرة أمي تيجي على لسانك أقطعهولك. فكرة إن اللعبة الرخيصة دي هتخبل عليّ ولا إيه؟ فهد: إني مش فاهم حاجة واصل. معتز بسخرية: أنا هقولك الست الوالدة عملت إيه. *** شهيره بدموع: الحقني ياولدي، الحقني.

معتز باستغراب: إيه ياما؟ شهيره: شاديه، شاديه في الوحدة (العيادة) معتز: ليه؟ إيه اللي حصل؟ شهيره بمسكنة: بجد جوازك قررت إنها تنتحر، انت عارف بتحبك كيف، بتعشق التراب اللي بتمشي عليه. معتز: طب بينا على الوحدة. وأخدها واتجهوا للوحدة، دخلوا، كانت شاديه نايمة على السرير، وفي أحد يداها إبرة للمحلول، وشريط طبي على يدها نتيجة الانتحار. معتز: ليه أكده ياشاديه؟ شاديه ببكاء: سبتني واتجوزت يامعتز. معتز: هو أنا وعدت بجاحة؟

أنا راجل عارف ربنا. كانت تبكي في صمت، أو بمعنى أصح تتصنع البكاء. دخلت الممرضة: حمدلله على السلامة، أنا أنقذنا حياتك المرة دي، المرة الجاية مش عارفين هنعمل إيه ياست البنات. المركز كانوا عاوزين يعملوا محضر، بس قولنا انجرحت من السكينة، لأنها حالة انتحار. ويا ريت تخلي بالك من صحتك. عن إذنك. شهيره بقلب واستعطاف: يا عيني عليكي يا بنت اختي، ليه تعملي في نفسك أكده؟ معتز: تتجوزيني ياشاديه؟ ***

معتز: ودا اللي حصل، ودا عقابك ياشاديه. مش عيل أنا ومختوم على قفايا عشان يضحك عليا. ودلوقتي اطلعي بره بيتي. شاديه: لا. صفعها صالح على وجهها بشدة، حتى إنها انجرح بجانب شفتيها وسال منها الدماء. منه بصدمة: شاديه! شاديه بوجع: انت اتخبلت في مخك ياحيوان! إن انت... صالح: بقولك إيه يامرا، انتي مش حمل قلم تاني يوقعلك صف سنانك. عن إذنكم. وشدها وطلع بره تحت نظر الكل.

كارم: لوا دراع شهيره. ارمي عليكي اليمين وأرميكي بره السرايا، بتعرضي بنت اختك على ولدي بطريقة رخيصة. فهد: يبوي ميصحش. كارم يزعيق: إيه اللي يصح؟ اللي أمك عملته دا يصح؟ بس أنا اللي أستاهل إني ربيت حية في بيتي. آسف يا ولدي إني جبتلك أم تعر. وغادر المكان. معتز: منه، أنا آسف على اللي حصل. منه: لا يامعتز، اللي ترخص نفسها تستاهل. بس ملقتش غير الحيطة دي. معتز: متخافيش، هو هيعلمها الأدب.

دخل سليم ومعاه صواريخ وولاعة، وولع صاروخ ورماه بجانب فهد وفرقع. فهد بخضة: ياماااا. سليم: معرفتش أعملهم في العريس، ليعمل مني شاورما. فهد: تقوم تعملها فيا يابن الكلب. معتز: راعي إن أبوه قاعد ياحيوان. منه: يعني انتي كنتي عارفة إنه مش هيتجوز، وأنا اللي صعبتي عليا. نواره بخوف: آه، كنت عارفة. فهد: اخص. نواره: يومها عضيته. *** معتز وهو بيفرك في يده: نواره. نواره: معتز، قولت نواره 6 مرات، فين المفيد؟ معتز: هتجوز شاديه.

نواره بتلقائية: عند أم ترتر، يالا. معتز بصدمة: معتز الشامي يتقاله يالا؟ نواره: وانت بتقولي جايب عروسة المولد ولا بتنقي في العرايس زي الشربات؟ معتز: كده وكده يعني. نواره: لا، عقلك فوت. معتز: بت! هتخليني أندم إني قولتلك. اتهدي واسمعي. وبدأ يقص عليها ما حدث. *** فهد: وأنا اللي صعبتي عليا؟ انتوا عيلة، استغفر الله العظيم. منه: وقولتله شوفلك كلبة ترضي بيك. نواره بغيظ: مهو طلع على دماغي. *** معتز

بيجري ورا نواره بالحزام: بقا أنا أشوف كلبة؟ يا كلبة! نواره بتنهج: اتهد بقا، الله يهدك، متعبتش، وبعدين مش وعدل الدور. معتز: كلبة يانواره! نواره: الجوازة الجاية هقولك اللي خدته الهانم تاخده مساحة السلالم. آآآه، بيوجع! معتز: تستاهلي، خلي لينا وسليم ينفعوكي. *** منه: روحت فين؟ نواره: في الحزام. منه: نعم؟ فهد: طيب، يوم سعيد، ويارب ميتكررش تاني. سليم ولينا، هش هش على الأوضة، وانتي يا هانم قدامي. وفضي البيت بأكمله.

معتز بتوعد: بقا أنا تحطيلي شطة في القهوة يانواره؟ نواره: مميزتش بين السكر والشطة. معتز: مبتشميش؟ طب مابتشوفيش؟ وتعالي هنا، إيه فتحة البرج اللي في الفستان دا؟ نواره: دي موضة. وطلعت تجري. معتز مسك العصا: والله لأطلع القديم والجديد عليكي، وهقطعلك الفستان. وطلع يجري وراها.