رواية اسير براءتها الفصل الخامس عشر 15 - بقلم ندا الشرقاوي

وجاء الليل وجهز الجميع ومعتز مستغرب هدوء الجميع وفاجاه انطفت الأنوار وفتحت مرة واحدة وظهرت نوارة وهي ترتدي فستان لونه أحمر ناري ضيق من عند الصدر وواسع من بعد الخصر مفتوح من ناحية واحدة وتضع القليل من المساحيق التجميل وليس الكثير وترتدي صندل ذو كعب عالي. اقترب منها معتز وهمس في أذنيها: "احنا متفقناش على كده." نواره: "بس قمر." معتز: "ليا مش لكله. حسابنا بعدين." شادية بسخرية: "قلة حيا لابسة قميص نوم."

نزلت منه وهي ترتدي فستان نسخة من فستان نواره لكن مقفول من الجنب ومن فوق وحجاب يناسب الفستان. فهد فتح فاه من جمالها: "إيه الحلاوة دي." منه: "بجد." فهد: "قمر." وكان كل من معتز وفهد يرتدون جلباب صعيدي وعمة وشال على كتفيه. معتز جلباب كحلي وفهد جلباب أسود. شهيرة بغيظ من هيئة نوارة: "فين المأذون يا معتز." معتز: "زمانه جاي." شهيرة: "تعالى اقعد جمب عروستك." معتز نظر إلى نواره على وجهها ابتسامة خبيثة. وقعد جنب شادية.

نظرت نواره إلى لينا وغمزت لها وفهمت لينا على الفور ووقفت أمامهم. لينا: "عاوزة أقعد." شهيرة سريعا: "تعالي اقعدي على رجلي." لينا: "لأ هقعد في النص." كارم: "حبيبة جدك تعالي جمبي." لينا: "وأنا قولت هقعد في النص، في مانع." منه: "إيه ما تسبوها تقعد." فهد بهمس لمنه: "ناويين على إيه." منه: "كل خير." فهد: "معرفش إن حبيبتي شريرة أوي." منه ببرائة: "أنا نسمة." فهد: "باين." نواره لسليم: "سولي." سليم: "نعم." نواره:

"قول للواحظ تجيب القهوة." سليم بخبث: "تؤمري." وبالفعل جاءت لواحظ بالقهوة للجميع. شادية: "قهوة في كتب كتابي مش كفاية مفيش فرح. فين الشربات." لواحظ: "ست نواره أمرت ننزل قهوة." شهيرة: "ستك مين يا عينيا." نواره: "أنا اللي قولت ننزل قهوة. حتى دا نوع غالي هيعجب العرسان." أخذ كل واحد فنجان وأخذ معتز رشفة واحدة وظل يكح ووجهه أحمر. نواره: "إيه مش حلوة." معتز بكح: "ليه جميلة." فهد باستغراب:

"القهوة جميلة فعلاً. معرفش انت بتكح ليه." لكن سمعوا عطسة شادية بشدة. نواره: "الحق العروسة هتفطس." شادية: "آه آه. بوقي. انتي حاطة إيه في الچهوه." نواره: "حاطة صباعي عشان كده مسكرة." ضحك كل من فهد ومنه. معتز: "تسلم إيدك على القهوة." شادية: "مايه مش چادرة. القهوة كلها شطة." نواره: "خد يا معتز. اديها المايه. جت منين الشطة." أخذت المايه وأول ما شربت شرقت وبدأت تكح أكثر. شادية: "المايه مملحة." كارم: "لأ كده كتير."

فهد بضحك: "يبدو أن لواحظ كبرت وخرفت." معتز: "بطلوا لعب عيال. فين المأذون." دخل الغفير: "الماذون وصل يا حج." معتز: "هات المأذون والشهود على المكتب." شهيرة: "ليه يكتب في المكتب. ما تكتبوا هنا." كارم: "دي شغل الرجالة مش شغلك." دخلوا المكتب. وبدأ المأذون في مراسم الزواج والعقد. طلع معتز بالدفتر لشادية: "امضي يا عروسة." أخذت شادية القلم ومضت وهي في قمة سعادتها. دخل معتز ثاني وكملوا. وقال

المأذون جملته الشهيرة: "بارك الله لكما وبارك عليكما وجمع بينكما في خير." طلع فهد بره: "زغرطي يا لواحظ." وطلع المأذون والشهود ومعتز وكارم. كارم: "ألف مبروك يا شادية." شادية: "الله يبارك فيك يا عمي." شهيرة بفرحة: "مبروك يا ولدي." معتز: "على إيه يا ما." شادية: "على إيه. كيف على جوازنا." معتز: "بس أنا متجوزتكيش. انتي اتجوزتي حد تاني. ابقي بصي كويس على اسم العريس." شادية بصدمة: "إيه." ياترى شادية اتجوزت مين.

وإيه اللي هيحصل.