رواية اسير قلبها الفصل الثاني 2 - بقلم اكسج ين

انت بتكدب عليا يا فارس ومش هتوديني لماما صح. = بصي يا ملك، ماما راحت عند ربنا. إحنا مينفعش نروح إلا ما نموت. _يعني إحنا مش هنروح لماما. وبدأت عيونها تدمع. = لا يا حبيبتي، مش بمزاجنا نروح لماما. ملك قعدت في الأرض وفضلت تعيط. "أنا بحب ماما أوي، عايزة أروح لها يا فارس، عشان خاطري وديني لماما." فارس عيونه دمعت لعياطها وهو حاسس بوجعها. "عارفة ماما كدا زعلانه منك علشان إنتي بتعيطي." ملك بطلت عياط وبصت له.

"هي ماما شايفاني دلوقتي." _آه، ولما بتشوفك بتعيطي بتزعل وكدا مش هتحبك تاني. = خلاص مش هعيط تاني، أنا بحبك أوي. _وأنا كمان يا ملوكتي. مش يلا ننام ولا هنفضل بقا قاعدين كدا، عندي دروس بكرة. وخدها في حضنه وناموا هما الاتنين. ********** _ياتري يا ملك روحتي فين. = يا بابا، أهي غارت في داهية، مش عارف شاغل بالك بيها ليه. _علشان دي بنت أخويا، وتبقا بنت عمك، يعني مفروض تخاف عليها زي أختك بالظبط.

= أنا مالي بيها، أنا رايح الدرس يا بابا. _روح يا أخويا، ربنا يهديك. ********** _صباح الخير يا ملوكتي. ملك وهي بتبتسم وهي مغمضة. "صباح النور يا أحلى ماما." فارس قلبه وجعه أوي لأنها مفكرة إن مامتها جمبها. قرب عليها وباسها من راسها. "قومي يا كسولة." _ماما فين. = إحنا قولنا إيه امبارح. _أنا عايزة ماما يا فارس، ماما وحشتني أوي. فارس حضنها. "بس بقا يا ملوكة، ماما كدا هتزعل منك."

_وأنا كمان زعلانه منها علشان هي مشيت وسابتني. = هجبلك شوكولاتة كتير وفساتين لو بطلتي عياط. ملك فرحت زيها زي أي طفلة بتفرح من أقل حاجة. "بجد هتجبلي فساتين وشوكولاتة." _آه يا حبيبتي، بس نبطل عياط الأول علشان أجيبلك. = اهو بطلت عياط، هتجبلي إمتى بقا. _هروح الدرس، ولما أجي هنروح أنا وإنتي ورغد نجيب ليكي اللي انتي عايزاه. = هييه هييه. _يلا ننزل علشان ناكل معاهم.

ونزلوا فطروا، وهو مشي على الدرس، وهي فضلت تعيط شوية وبعدين سكتت. فارس في تانية ثانوي، يجماعة، يعني عنده 16 سنة، ومش بيروح المدرسة كل يوم، بيروح أيام وأيام لا. ملك في 6 ابتدائي، يعني عندها 11 سنة. نرجع بقا لروايتنا. _يلا نخرج نلعب في الجنينة. = هييه يلا. _إيه رأيك نلعب كورة. = ماشي يلا. وهما بيلعبوا كورة، الكورة خرجت برا الفيلا. جريت ملك على الكورة. _ملك استنيييي. لااااااا.