رواية اسير قلبها الفصل الثالث 3 - بقلم اكسج ين

ملك حااسبي وشدها له. "انتي كويسه يا ملك؟ "آه انا كويسه." "بتجري ورا الكورة ليه ينفع كدا؟ العربية كانت هتخبطك." "انا آسفة." وخدها ودخل الفيلا. عدت الأيام والشهور والسنين لحد ما عدا عليهم 6 سنين وكبر فارس وملك. ودلوقتي ملك ف تالته ثانوي وفارس شغال ف المخابرات. "أبيه فارس بص جبت كام ف امتحان الكيميا؟ فارس كعادته بيشجعها. "شطورة يا حبيبتي اتجدعني كدا يا ملوكتي علشان تبقي أحلي دكتورة أطفال." "إن شاء الله."

ولاحظت مسج من بنت فاتضايقت اوي. "مين دي يا أبيه؟ فارس بتوتر. "مش عارف عادي هتلاقي واحدة بتبعت عادي." "طب افتح الشات اعملها بلوك." "ماشي هبقى أعمل لها يلا يا حبيبتي روحي كملي مذاكرتك." "مش هروح اذاكر الا ما تعمل ليها بلوك قدامي ودلوقتي." فارس بعصبية. "ملك مش هكرر كلمتي تاني روحي ذاكري يلا." ملك زعلت وخرجت من اوضته وفضلت تعيط. "مالك يا ملك بتعيطي ليه يا حبيبتي؟ "مفيش يا رغد انا هروح اذاكر."

"مش هسيبك الا ما تقولي فيه إيه." ملك بصوت مملوء بالبكاء. "انا.. مش هقدر أتكلم دلوقتي هبقى أحكيلك بعدين." ودخلت اوضتها بسرعة وقفلت الباب. رغد راحت ل فارس. "فارس يا فارس." "ادخلي يا رغد." "هو انت زعلت ملك؟ "هي بتعيط." "جدا انت عملت ليها إيه؟ "بعدين يا رغد هقولك سبيني دلوقتي علشان بعمل شغل مهم." رغد اتضايقت. "يووه هي تقولي بعدين هقولك وانت تقولي بعدين هقولك والله ل أروح أكلم آدم قرة عيني بلا قرف."

وخرجت من اوضته وراحت تكلم آدم خطيبها. "بقالي 6 سنين بدور عليها ومش لاقيها يعني إيه الكلام دا." "يووه يا بابا انت لسه بتفكر فيها ما هتلاقيها يا ماتت يا عايشة ف أي حتة بقا." "مش عارف انت طالع قلبك قاسي لمين يا ابني." "ولا قاسي ولا حاجة انت اللي حنين زيادة عن اللزوم." "بردوا هفضل أدور عليها لحد ما ألاقيها." "ملك يا ملوكة.. ملوكتي." ملك بصوت غاضب. "مش هفتح الباب يا فارس حتي لو عملت إيه." فارس بضحكة جميلة.

"حتي لو جايب لك شيكولاته كتير." وبسرعة البرق كانت فتحت الباب وهي بتضحك. "فين يا أبيه." "مش هديها ليكي الا ما تقوليلي مش زعلانة منك يا فارس." "هاتها الأول وبعدين هقولك." "طيب يا ستي خدي جايب لك علبة شيكولاته كاملة." "شكرا اتفضل انت بقا مع السلامة." "والله بقا كدا." "آه علشان انت زهقت عليا وانا معملتش حاجة وبعدين بتكلم البنت دي لي." "عادي هي كانت عايزاني أساعدها يستي ف مشكلة كدا." "مشكلة إيه واشمعنى انت يعني."

وبعدين قالت بغيرة وغضب. "آه من حقها تكلمك ما انت حاطط صورتك ومتشيك وعيون بني وشعر أسود على دماغك ف أكيد بتكلمك علشان عايزة تستغلك بنت ال... وراح حط إيده على بقها. "ششش افصلي أي دا كله. وبعدين هو انتي بتغيري عليا يا ملك." ملك بصت مكان ايده إنه يشيل إيده يعني وفعلاً شالها. "لا هغير عليك ليه يعني كتك القرف ف أم حلاوتك دي إيه بتبصلي كدا ليه مش بغير عليك على فكرة." "واضح أهو."

"طب اخرج بقا خليني أتنيلي أذاكر علشان المستر هيشرب من دمي + قولتلك ذاكر ليا درس الفيزيا اللي مش فاهمه فيه حاجة مذاكرتش ليا حاجة بردوا." "هاتي يختي كتابك واترزعي علشان أذاكرلك." "مش بقولك قمر انت إيه قمر." وجابت كتاب الفيزيا وهو قعد يذاكر لها. بعد شوية. "ملك بصي علشان انتي عارفة انتي غالية عندي أد إيه وعارفة أنا بحبك أد إيه بردوا ف انتي أول واحدة هتكوني عارفة بالموضوع دا." ملك بفرحة. "قول يا ابني قول."

فارس خد نفس طويل شوية. "أنا هخطب يا ملك."