أسيرة قلبي الفصل الحادي وأربعون 41 - بقلم انجي جمال

و مع بداية يوم جديد انقضي كله في التجهيز لهذا الحدث السعيد ف الجميع يعمل علي قدم و ساق من أجل إنهاء تجهيزات هذا العرس ...............

ف انجي قضت اليوم كله مع ميرنا من أجل تجهيزها في يومها السعيد هذا .......

و أيان كان مجبر علي ترك انجي طوال اليوم من أجل الوقوف مع آسر في يومه الذي طال انتظاره كثيراً و لكن ذلك لم يمنعه من الاتصال بها طوال اليوم ....

مروة .....صفية .....مرام ..... كل واحدة منهم منتظرة اكتمال خطتها ......

و مع انتهاء اليوم كان هذا الوقت المنتظر الذي يأتي به والد آسر محمد ليأخذ ميرنا و يهبط بها ك وكيل لابنة أخيه المتوفي لتنظر ميرنا له بدموع فرح ....

ليجد ميرنا ترتدي فستان زفاف و طرحه بطول الفستان و بوكيه ورد احمر اللون و ميك اب مناسب لبشرتها

محمد بحنان : و ليه الدموع دي دلوقتي يا بنتي ..

ميرنا بدموع و ابتسامه: كان نفسي بابا و ماما يكونوا معايا في يوم زي ده ..

لتهتز نظرات انجي اثر كلمات ميرنا ..

محمد بحنان: ربنا يرحمهم يا بنتي و بعدين هو انا مش زي يا بابا و ألا منفعش ..

ميرنا بلهفة: طبعاً و الله يا عمو ربنا اعلم انا بحب حضرتك أد اي ..

محمد بمرح و هو يمد لها يده : طب يلا حطي ايدك في أيدي علشان ننزل للواد آسر اصل تلاقيه جاي واخد من هنا لانه علي آخره ..

ميرنا بإبتسامة : يلا تعالي يلا يا أسيل..

انجي بسعادة: يلا يا حبيبتي ..

و كانت بطلتنا ترتدي فستان يلائم لون عينيها مع ميك اب يناسب لون الفستان و حذاء بكعب عالي ذو لون اسود

ليذهبوا جميعاً للخارج حيث يُقام الزفاف في ڤيلا العمري ليهبطوا الدرج ليجدا آسر يقف ببدلة ذات لونين ابيض و اسود مع ربطة عنق باللون الاسود و ساعة يد باللون الذهبي اللامع و حذاء جلدي باللون الاسود اللامع

و يقف بجانبه في نهاية الدرج أيان و هو يرتدي
قميص من اللون الاسود و بنطال جينز بنفس اللون مع سترة جلدية باللون الزيتي الغامق و يشمر عن ساعديه و يرتدي بإحدي يده ساعة باللون الاسود
و حذاء جلدي باللون الاسود اللامع

ليهبط محمد برفقة ميرنا و خلفهم انجي و بعض الفتيات ليلتقط آسر ميرنا من بين أيدي والده ..

محمد بتهديد: قسماً بالله لو في مرة واحدة بس زعلت منك انت حر يا آسر ..

آسر بسخرية : هو مش المفروض الكلام دا ليها هي كمان و ألا ليا انا و بس ..

محمد بتأكيد : لا ليك انت و بس يا ابن رقية ..

آسر بلهفة: يا عم دا انا ما صدقت اني خلاص اتجوزنها اقوم بعد ما اتجوزها ازعلها .

محمد : لما نشوف يلا خدها و اقعدوا في مكانكم ..

ليأخذ آسر ميرنا للمكان المخصص للعروسين لتذهب انجي خلفهم و لكن يوقفها أيان . .

أيان بإبتسامة و هو يمسك يد انجي برفق : أي يا حبيبتي رايحه فين كدا لوحدك ..

انجي بإبتسامة: هكون رايحه فين يعني يا أيان رايحه مع ميرنا يلا علشان هيكتبوا الكتاب دلوقتي ..

أيان بحب : عقبالنا يا قلبي ..

انجي بخجل و هي ترجع خصله من شعرها للخلف: إن شاء الله يلا بقا ..

أيان و هو يسير برفقتها : يلا ....

ثم يتجهوا لمكان تواجد المعازيم و العروسين و كان هناك صرح كبير جداً من الصحافه و الأقارب والأصدقاء و من بينهم عائلة الجارحي و عائلة السويفي جميعها بلا استثناء و لنجد مرام ترتدي فستان ابيض اللون ذو كتف عاري و الاخر قصير و فتحه من المنتصف يعانق منحنيات جسدها ك جلد ثاني له

و حازم يرتدي قميص ازرق غامق و بنطال جينز باللون الكافيه و حزام بني اللون

حازم بإستغراب : انتي ليه لابسه فستان ابيض يا مرام ..

مرام بخبث: و مالبسش ليه عادي يعني ..

فريدة بشك : و انتي من امتي بتحبي اللون الابيض .

مروة بتوتر: فيها اي يعني يا ماما عادي الفستان عجبها مفيهاش حاجة يعني انتوا مكبرين الموضوع ليه ..

عمرو بتأكيد : فعلاً عادي يعني لون الفستان يا جماعة خلونا نركز في الفرح علشان شويه و نمشي عندنا شغل بكرة كتير. .

عمار بتأييد : فعلاً الشغل كتير في الشركة اليومين دول ..

فريدة : خلاص تمام لما كتب الكتاب يخلص هنروح نبارك للعرسان و نمشي ..

حازم بلهفة : لا انا عايز افضل لغاية الفرح ما يخلص ..

رغدة بضيق : ليه يا حازم طالما هنروح كلنا انت كمان هتروح معانا .

حازم باعتراض: بس يا ماما انا عايز افضل هنا مع اصحابي ..

عمار بصرامة : خلاص يا حازم خليك و انا هخلي السواق معاك علشان متسوقش بالليل ..

حازم بفرح: حاضر يا بابا اللي انت عايزه ..

أما عند العروسين ف المأذون يترأس طاولة بمنتصف الحديقة و محمد و كيل ميرنا و أيان شاهد علي عقد القران و بعد عدة دقايق يقول المأذون جملته الشهيرة ( بارك الله لكما وبارك عليكما وجمع بينكما في خير) ليتقدم آسر ميرنا ليقبل جبينها و يحتضنها لتخجل ميرنا بشدة ليجلسوا في المكان المخصص للعروسين ليتقبلوا التهاني من الجميع ليحتضن أيان آسر بقوة ...

أيان بإبتسامة: الف مبروك يا حبيبي.

آسر بسعادة: الله يبارك فيك يا أيان عقبالك انت و أسيل ..

أيان بإبتسامة: يا رب ..

أما انجي هي تحتضن ميرنا بسعادة ...

انجي بإبتسامة: الف مبروك يا قلبي ..

ميرنا بإبتسامة: الله يبارك فيكي عقبالك .

انجي بإبتسامة: تسلمي يا قلبي .....

ليأني الباقي للتهنئة و من بينهم و الد و والدة أيان و بعد التهنئة تتجه صفية لأيان..

صفية بإبتسامة: أيان كنت عايزاك في موضوع ..

أيان بإبتسامة: اتفضلي يا ماما ...

صفية بتوتر : لا مش هنا تعالي ندخل الڤيلا ..

أيان باستغراب : تمام تعالي ..

ليتجهوا للداخل بسرعة و يدخلوا لأحد الغرف ...

أيان بإبتسامة: ها يا ماما خير اي الموضوع اللي حضرتك عايزاني فيه ..

لتنظر له صفية بدموع مزيفة تنهمر من مقلتيها ...

صفية بكذب : أيان انا عايزة أقولك حاجة بس توعدني انك مش هتقول لحد أبداً..

أيان بقلق : خير يا ماما انتي بتعيطي ليه ..

لتخرج صفية من حقيبة يدها ملف تحاليل ليلتقطه أيان من يدها بتوجس لتمر عدة دقائق و من بعدها يفهم ما به لينظر ل صفية مرة أخري ليجدها تبكي بشدة ليسقط الملف من يده بصدمة ........

أيان بعدم تصديق: ازاي انا مش مصدق و حضرتك عرفتي كدا امتي .

أيان بدموع مزيفة و مكر : من شهر بس محبتش انك تزعل بس الدكتور قالي اني لازم اعمل عملية قلب مفتوح في اقرب وقت و كلمني النهارده و قالي إن وضعي خطير و لازم يركبولي صمامات في القلب و ألا هموت ...

أيان بلهفة و دموع تترقرق في عينيه : بعد الشر عليكي بإذن الله مش هيحصلك حاجة أنا بنفسي هاخدك و نسافر برا و هعالجك عند احسن دكتور في العالم ..

صفية برفض : لا انا مش هتعالج و لا هعمل العملية غير لو نفذتلي طلبي ..

أيان بتأكيد : اطلبي مني اللي انتي عايزاه عمري كله فداكي ..

صفية بحقد : قبل ما اعمل العملية النهاردة لازم تكون خاطب مرام و أُدام الصحافة و الناس كلها ...

لينظر لها أيان بصدمة و لم يعد يستطيع استنشاق الهواء بشكل صحيح .....

أيان باختناق : بس انا مقدرش ابعد عن أسيل .

صفية بغيظ و دموع مزيفة : لكن تقدر تعيش من غيري يا أيان ..

أيان بحزن شديد و كأن سكين ملتهبة غرزت ب منتصف قلبه : اكيد لا طبعاً يا ماما بس أنا أموت لو بعدت عن أسيل دي روحي يا ماما ..

صفية بجبروت : خلاص خليك مع أسيل و سيب امك تموت يا أيان و انا مش هعمل العملية غير لو خطبت مرام و دلوقتي حالاً ...... لتخرج من حقيبتها علبة مخملية تضم خاتمي خطبة و تضعها بيد أيان. القرار قرارك ..

لينظر لها أيان بعيون مختنقة من الدموع و الحزن ..

أيان بحزن عميق: تمام يا ماما اللي تشوفيه ..

صفية بانتصار : تمام احنا هنطلع دلوقتي و انا هعلن خطوبتكم و مرام انا قولتلها طلبي و هتنفذه علشان اعمل العملية يلا نطلع الفرح .....
ليتجهوا للخارج لتتجه صفية لطلب مايك للتحدث في حين توجه أيان بسرعة لآسر ..

أيان بلهفة : آسر خرج أسيل من هنا بسرعة ..

آسر بقلق و استغراب : في أي يا أيان و مالك عينيك حمرا كدا ليه ..

أيان بعصبية و صوت منخفض: بقولك خد أسيل و خرجها من هنا بسرعة بقولك ..

آسر بتهكم : يعني لو مش واخد بالك انا العريس اخد صاحبة العروسة و امشي الناس تقول اي ..

أيان بضعف : بالله عليك خدها من هنا دلوقتي.

آسر بعدم فهم : مع اني مش فاهم حاجة بس تمام. .

أيان بامتنان : شكراً و انت شوية و هتعرف انا عملت كدا ليه ..

ليذهب آسر ل انجي بتوتر ...

آسر بإبتسامة : بقولك يا أسيل ..

لتنظر انجي له بابتسامة : نعم يا آسر ..

آسر بصوت منخفض : بقولك تعالي معايا انا كنت عامل مفاجأة ل ميرنا و عايزك تتأكدي إذا كانت كملت و ألا لا .

انجي بإبتسامة: تمام يلا ...

ليمشي الاثنان بجانب بعض و ما كادوا يخطوا بضع خطوات ألا و قد صدح صوت صفية بمكبرات الصوت ...

انجي بضيق: استني ثواني بس يا آسر اشوف طنط صفية و هي بتباركلكم ..

آسر بتوتر : لا تعالي بس نطمن إن كل حاجة تمام و هنرجع بسرعة ..

انجي بدهشة : يا ابني استني اهي بدأت اهه ...

أما عند صفية فهي تقف بإبتسامة و بجانبها أيان يقف بجمود ظناً منه أن أسر قد أخذ انجي و دلف للداخل و لكن انجي تقف بإبتسامة علي أول الڤيلا برفقة آسر الذي لا يعرف ماذا عليه أن يفعل ليجعلها تدخل معه للفيلا لبضع دقائق و لكن وقف بصدمة لم تختلف عنها ....

صفية بإبتسامة: طبعاً أحب ابارك لأسر و ميرنا بالمناسبة السعيدة دي و يا رب العمر كله مع بعض في الفرح و الحزن و يجعل أيامهم كلها سعادة و فرح ...... ليصفق لها الحضور بابتسامة ثم تستكمل حديثها .... و النهاردة قررنا انا و ايهاب إن الفرح لازم يبقي فرحين و بالمناسبة السعيدة دي احب أعلن إن النهاردة خطوبة أيان ابني الوحيد ..... لتبتسم انجي بخجل في هذه اللحظة ف هذا ليس الموعد المتفق عليه لكن تنظر بصدمة ...... علي مرام السويفي بنت صديقة عمري ليصفق المعازيم بفرح .........

ما عدا انجي و ميرنا و آسر و عائلته و ايهاب و عائلة السويفي ....

ميرنا تبكي علي صديقتها. .... أما آسر فينظر لأيان بدهشة كبيرة .........و ايهاب عقله لا يستوعب ما يحدث حوله ......... انا حازم ف حزن بشدة فهو يحب انجي ك أخته ......

صفية بسعادة: تعالي يا مرام يا حبيبتي علشان تلبسوا الخواتم لتصعد مرام بجانب أيان بغرور و سعادة واضحة ....

صفية ل أيان : يلا يا حبيبى طلع الخواتم و لبس عروستك خاتمها ...

ليمد أيان يده و يخرج الخواتم لينظر لهم ثم يلتقط يد مرام و يقوم بالباسها الخاتم ثم تتناول مرام الخاتم الآخر و تقوم بإدخاله بإصبع أيان ليصفق الجميع .. لينظر أيان لمدخل الڤيلا خلفه لتهتز نظراته بشدة و يشعر أن روحه تكاد تخرج من بين أضلعه لقد تمني أن يموت في هذه اللحظة و لا يري بعينيها هذه النظرة لقد رأي موته في عينيها لقد كانت خلفه فبعد هذا الكلام اقتربت علي أمل أن يتراجع أيان عن فعلته و يكذب صفية لتنظر له بدموع كانت تخرج من عينيها و مثلها ينزف بها قلبه لقد اختار حياة والدته علي حياته لقد اختار بقائها علي قيد الحياة و موته طول الحياة ليجد آسر يحاول سحبها و لكنها جامدة بمكانها فقد تنظر بقلب عينيه تشكوا منه له و لكن بما ينفع ...عينيها تُحدثه و كأنها تقول له لا يؤلمني أنك تخليت عني بملئ إرادتك . ما يؤلمني هو أن شئ بيننا قد انطفئ إلي الأبد........و لكن في هذه اللحظة التي أبعدت عينيها عن عينيه و نظرت ل خاتم الخطبة الموجود في يده تأكد أنه فقدها للأبد .
كم أخبرت عيناكِ أنه لا فراق يفرقنا سوي الموت
لم يحدث شئ ..... فقط متنا نحن و عاش الفراق ...

عقلي يدرك تماماً بأني فقدتك
و لكن كيف لي ...؟
أن أقنع قلبي بذلك ...
كانت الحياة جميلة و انتي بجانبي
أشعر بتفاهتها و أنتي بعيدة عني
إنها لا شئ...لا شئ بدونك .....

ما كان البعد زهداً بيننا
و كيف أزهد فيكي و انتي انا ..
و لكنها الأقدار خطت أمرنا
فضاق علي وسع الزمان لقاؤنا ......

ليُغمض عينيه بألم لتسقط دمعة لم يستطع منعها و في هذه الأثناء تطلب صفية من أيان أن يرقص مع مرام و آسر مع ميرنا ....

و في تلك الأثناء كان أسر و برفقته ميرنا يقفون بجانب انجي التي تبكي بحزن عميق و الم لم تستطع إخفائه...

ميرنا ببكاء لأسر : آسر انهي الفرح كفاية كدا ..

آسر بتأكيد : تمام انا ه. ... ليقطع حديثه صوت انجي .

انجي بصوت مبحوح اثر البكاء : لا اوعي تعمل كدا الفرح هيكمل علشان خاطري ..

ميرنا بحزن : لا يا أسيل مش هقدر افرح و انتي حزينه ..

انجي بإبتسامة مزيفة: انا بخير روحوا يلا علشان ترقصوا الكل مستنيكم و انا هستناكم و بعد الرقصة لو عايزين تقعدوا شوية و تقوموا تمام ...ليحاولوا الرفض و لكن تحت ضغط انجي رضخوا للأمر ..
ليتجه الأربعة لساحة الرقص المخصصة لهذه الفقرة لتجلس انجي علي اقرب مقعد تشاهد بألم

أما عند آسر و ميرنا ف يرقصوا بحزن و ينظروا ل انجي ....

أما مرام فهي ترقص بسعادة و علي النقيض أيان الذي كان يرقص و عينيه لا تفارق انجي أبداً

ولا كان الحب عمره باختيارنا ده كان قدرنا وبإيدنا إيه
سلمنا قلوبنا دبنا وبعيونا أنا وانتى شفنا الحب إيه
ولا كان الحب عمره باختيارنا ولا كان قدرنا وبإيدنا إيه
سلمنا قلوبنا دبنا وبعيونا أنا وانتى شفنا الحب إيه
وعرفتي الحب بيه عرفته بيكي ولا عمر الحب بينا مرة تاه

يا زمان أنت اللي عارف هنشوف إيه يوم بعد يوم
يا زمان هون علينا أي شيء
يا زمان خلينا نسهر في القمر ويا النجوم
يا زمان أنت اللي كاتب كل شيء
ولا كان الحب عمره باختيارنا ده كان قدرنا وبإيدنا إيه
سلمنا قلوبنا دبنا وبعيونا أنا وانتى شفنا الحب إيه
ولا يوم حبك في قلبي يهون عليه سهران ارسم في حلم مصدقاه

يا سلام لو كل عاشق شاف غرامنا وعاش غنانا
يا سلام دا إحنا اللي خلصنا الكلام
يا سلام لو كل قلب يذوق حلاوة نار هوانا
يا سلام مع بعض كملنا الغرام
ولا كان الحب عمره باختيارنا ده كان قدرنا وبإيدنا إيه
سلمنا قلوبنا دبنا وبعيونا أنا وانتى شفنا الحب إيه
وعرفتي الحب بيه عرفته بيكي ولا عمر الحب بينا مرة تاه
وإن مرة غنى قلبي يغنى ليكي ويا رب نعيش كده طول الحياة..........

أما عند مروة فهي ارسلت للمجهول بتفيذ الأمر الآن و هي تنظر ل مرام بإبتسامة .....

لتنتهي الرقصة و يجلس آسر و ميرنا بمكانهم و يقف أيان و مرام بجانب آسر و ميرنا ل استقبال التهاني من المعارف و الأقارب و الأصدقاء........

لتنظر انجي للخارج بألم لتبعد عينيها لتجد شئ ما قد لفت نظرها سرعان ما تتبع هذا الشئ لتنصدم مما تراه لتنظر أمامها باتجاه مرام و أيان لتجد حازم يقف و كأنه يتعارك مع أيان و مرام و عمار بجانبه .......

لتجري انجي بأقصى سرعتها ليعتقد الجميع أنها تتجه ل أيان و لكن خالفت انجي التوقعات بحيث قامت باحتضان حازم و شكلت بجسدها درعاً أمامه و ما كاد أحد يفهم ما يحدث ليدوي صوت طلق ناري اخترق جسدها بقوة لتسقط انجي بأحضان حازم ليتمسك حازم بها بقوة لتنظر له بإبتسام
متألمة ........

ليصرخ الجميع بأسمها ما عدا أيان الذي ينظر بصدمة و دموع تفيض من عينيه بغزارة "أنت الذي أخشي أن تؤذيه الحياة فيتأذي قلبي "..... ليتجه الجميع لها ....

حازم بدموع : ليه عملتي كدا ...

و ما كادت انجي أن تجيب ليسمع الجميع صرخة عالية متألمة بإسم ...؟

.........: انجي....لااااااااا

************************************

يلا كله يتفاعل مع البارت و يقولي رأيه في الكومنتات ❤️❤️

و شجعوني علشان لو لقيت تفاعل علي البارت هنزل كمان واحد و لو التفاعل قليل هنزل كمان يومين 🥺🥺🥺

البارت طويل زي ما وعدتكم ☺️☺️☺️