رواية اسيرة قسوته الفصل الأول 1 - بقلم ساسو خليل

ايه يعني إيه عايز تتجوز عليا يا كريم؟ بعد 3 سنين جواز تقولي هتجوز عليكي؟ طب وأنا ده أنا بخدمك برموش عيني وبحبك، تعمل فيا كده؟ كريم ببرود: بصي يا سما، أنا من حقي يبقى عندي طفل. أديكي شايفة الدكتور بيقول فرصة إنك تخلفي ضعيفة، منحقي أبقى أب. وغير كده كمان، أنا مغصوب عليكي يعني. عايز أتجوز واحدة من اختياري وبحبها.

سما بكسرة: وانت عارف إن الدكتور قال إن في علاجات، وإن شاء الله هحمل، لكن بلاش تتخلي عني بالأسلوب ده. أنا بحبك ومقدرش أشوفك مع واحدة غيري. وأنا عارفة إنك مغصوب عليا، بس أنا عمري ما عملتك وحش، ليه تكسرني كده يا كريم؟ كريم بملل: اوف، أنا زهقت من الاسطوانة دي. اسمعي، كتب كتابي هيبقى الخميس الجاي، ماشي؟ مش عايز كلام تاني. سما بجمود: وأنا مقدرش أعيش كده. أنا عايزة أطلق وتديني حقوقي وأمشي أروح بيت أبويا. كريم بعصبية

ضربها بالقلم ومسك شعرها: انتي بتقولي إيه؟ بت انتي طلعلك صوت؟ لا ياماما، مفيش طلاق ومش هديكي حقوق وهتعيشي هنا زيك زي الخدامة وتخدميني أنا مراتي، إيه رأيك؟ سما بعياط وهي ماسكة إيده اللي ماسك بيها شعرها: ااه، أنا مش خدامة حد. أنا مليش دعوة وإنت مش بتحبني. خلاص طلقني وخليني أعيش حياتي مع حد يستهلني، راجل يستهلني مش زيك، انت مش راجل يا كريم. كريم بغضب من كلامها نزل فيها ضرب وهي كانت بتصوت: أنا مش راجل؟

أنا هوريكي الراجل ده. مسكها جرها من شعرها لحد الأوضة وحابسها فيها وبصوت عالي: ورحمة أمي يا سما، مش هتخرجي من الشقة دي وهجيب مراتي هنا وإنتي هتبقي خدمتنا، ومفيش طلاق واتفلقي. ومشي خرج من الشقة كلها. سما جوه كانت ميتة على نفسها من العياط: إلله يرحمك يا بابا، ويسامحك. إنت اللي خليتو يتجوزني وهو مش عايز. آااه. وفضلت تعيط لحد ما نامت.

في نص الليل كريم رجع الشقة، دخل فتح الأوضة، لقاها نايمة في الأرض الدموع على خدها. متأثرش في شكلها، دخل زقها برجله: انتي قومي. سما قامت بفزع: إيه؟ في إيه؟ كريم: انتي هتعملي فيها هانم؟ قومي جهزي الأوضة اللي هتيجي فيها مراتي الجديدة، اخلصي. سما كانت هتتكلم بس افتكرت ضربه ليها، قامت بكسرة وضعف، دخلت جهزت الأوضة. وبعد فترة خلصت. طلعت من الأوضة بتعب: أنا خلصت الأوضة. كريم قام وهو مبتسم،

ورطب بإيده على خد سما: شفتي لما تبقي مطيعة بتبقي عسل إزاي؟ شاطرة يا سمسم. سما شالت إيده من على خدها وسابته ودخلت أوضتها. قفلت عليها وفضلت تعيط. عدى كام يوم وجه يوم الخميس. كانت سما واقفة في المطبخ سمعت صوت زغريط والباب بيتفتح. اتصدمت لما لاقت كريم داخل ومعاه مراته الجديدة. كريم بابتسامة: رحبي برحمة مراتي الجديدة.