رواية اسيري المتمرد الفصل الأول 1 - بقلم كوثر علي

يعني إيه يا ماما عايزة تتجوزي عمي؟ انتي واعية للي بتقوليه؟ أمي: وفيها إيه يعني؟ أبوكي مات، يعني مفيش مانع. صباح: أما أتجوّز. أمي: وصباح… يعني هتتجوزي عمي؟ وأبويا لسه متوفاش؟ وده فات له شهر. أمي: انتي شايفانا هنتجوز بكرة يعني؟ وبعدين أنا هتجوز وأنا مش باخد رأيك، أنا بعرفك. صباح: يا ماما الناس كلها طمعانة في الورث اللي أبويا سايبهولنا. أمي: مهو عشان كدا مش عايزة أتجوّز واحد غريب ياخد كل حاجة في عبّي.

أمي نفذت برضو اللي في دماغها واتجوزت عمي، وكانت فاكرة إنه هيلم علينا ويحافظ على فلوسنا. هو أول واحد نهبنا وخلّى أمي تعمل له توكيل بكل حاجة، وبعد ما حوّل كل حاجة باسمه، راح اتجوز واحدة. أمي ساعتها مستحملتوش وطلبت منه يرجع لها كل حاجة. فاجئها ساعتها إنه حوّل كل حاجة باسمه ومسبلناش ولا مليم. آخره المتم طردنا من البيت. وبعد ما اترمينا أنا وأمي في الشارع، اضطرينا ناخد شقة بالإيجار.

واضطريت أنزل اشتغل بعد ما كان كل حاجة بتيجي لي لحد عندي وأنا قاعدة. ساعتها اضطريت أنزل أشتغل عشان أغطي مصاريف الإيجار والأكل. حاولت أسأل على شغل في أماكن كتير بشهادتي، بس مفيش فايدة. آه صحيح، نسيت أقول لكم إني بكالريوس تجارة. لحد ما واحدة جارتنا قالت لي إن فيه واحدة ست كبيرة محتاجة واحدة تقعد معاها تديها علاجها وتهتم بيها وتبات معاها.

كنت رافضة الموضوع في الأول، لحد ما عرفت إن فلوس الشغلانة دي هتغطي مصاريف البيت وتزيد. ومفيش شغلانة تانية هتبقى بالمرتب ده، وخصوصًا إني تعبت من التدوير وملقتش شغل. خدت عنوان الست وركبت تاكسي وعزمت إني أروح لها. أول ما وصلت اتفاجئت إن الحي اللي فيه البيت ده راقي جدًا، والبيت اللي قاعدة فيه الست دي شبيه بالفيلا. المهم دخلت البيت قابلتني بنت شابة في عمر العشرينات كدا. قالت لي: انتي تبع ابتسام؟ صباح: أيوا أنا.

البنت: اسمك إيه؟ صباح: اسمي صباح. البنت: وأنا ناهد. ادخلي اتفضلي ادخلي. صباح: تسلمي. ناهد: اقعدي هنا في الانتريه وأنا هنادي بابا وماما يعرفوكي. صباح: بس أنا فاكرة الست عايشة لوحدها. ناهد: أيوا فعلاً. بابا عنده سفرية هيقعد فيها أكتر من 3 شهور. وأنا متجوزة يعني مش مقيمة معاها. مفيش غير أخويا الكبير أسر، وهو مش بيجي هنا غير عشان يطمن على مامته ويمشي على طول. صباح: تمام.

الأب: أنا همشي بقا يا ناهد دلوقتي عشان اتأخرت أوي على معاد الطيارة. لتستدير صباح لمصدر الصوت وتتفاجئ ب…