رواية اسيري المتمرد الفصل الثاني 2 - بقلم كوثر علي

اقعد هنا في الانتريه وأنا هنادي بابا وماما يعرفوكي. صباح… بس أنا فكرة الست عايشة لوحدها. ناهد… أيوه فعلاً، بابا عنده سفرية هيقعد فيها أكتر من 3 شهور وأنا متجوزة يعني مش مقيمة معاها. مفيش غير أخويا الكبير كريم وهو مش بيجي هنا غير عشان يطمن على ماما ويمشي على طول. صباح… تمام. الأب… أنا همشي بقا ياناهد دلوقتي عشان اتأخرت أوي على معاد الطيارة. تستدير صباح لمصدر الصوت وتتفاجئ ب… صباح في نفسها… عمايل إيه دي.

يتبادلا النظرات هي وعمها دون كلام. خيري (العم) … ممكن أكلم صباح شوية على انفراد ياناهد. ناهد… طبعاً يابابا، ممكن. بعد إذنكم. خيري لصباح: خيري… إيه اللي جابك هنا انتي؟ مش ناوي تسبيني في حالي انتي وأمك. صباح… أنا مكنتش أعرف إن ده بيتك أصلاً. أقصد بيت الست اللي اتجوزتها. خيري… واديكي عرفتي يا أختي. يا ريت مشوفش وشك هنا تاني. صباح… هيحصل.

خيري… بس متبينيش إنك كنتي تعرفيني. اتعرفي على الست عادي وبعد كده روحي واتحججي بأي حجة ومعتشتيش تاني. صباح… هو ده اللي هيحصل. بعد إذنكم. ينادي خيري على ناهد. خيري… أنا ماشي بقا يابنتي مش عايزا حاجة أجبهالك معايا وأنا جاي. صباح… عايزة سلامتك يابابا. خيري… وكمان أنا معنديش اعتراض على البنت دي إلا لو كان هي ليها رأي تاني. ينظر إلى صباح. خيري… أنا داخل أطمن على أمك. ما نمشي. ناهد… أوك. بعد خمس دقايق.

خيري… أنا ماشي بقا عشان اتأخرت ياناهد. عايزة حاجة أجبهالك معايا وأنا جاي. ناهد… ميرسي يابابا. يخرج خيري من المنزل. ناهد… ادخلي اتعرفي على ماما. صباح… تمام. تدلف صباح إلى غرفة يكسوها الكآبة والحزن. صباح… السلام عليكم. الست… لا رد.

ناهد… ماما عندها صدمة عصبية جامدة من ساعة وفاة كريم أخويا ومش بتتكلم مع حد، خصوصاً إن كريم مات وهي وماما زعلانين من بعض لأنه كان رفض جوازها من بابا خيري. مع إن بابا خيري ده حد كويس جداً واهتم بماما كتير. لولاه ماما كانت هتبقى حالتها أسوأ من كده. مش عارفة إن بقولك الكلام ده، أنا عفوية أوي على فكرة ومش بتكلم بطبيعتي. وكمان عشان عايزة إياكي تقدري الحالة اللي هيفيها وتعتبريها زي مامتك. صباح… ولا يهمك حاجة.

ناهد… إنتي ممكن تستلمي الشغل من بكرة لو تحبي. صباح… هشوف كده وهرد عليكي. ناهد… طيب هاتي رقمك. بعد أن تبادلا الأرقام. صباح… أنا ماشية بقا عن إذنك. في مكان آخر. خيري… أتلفي ورايا يابنت أخويا. أنا هعرف أوقفك عند حدك إزاي. ينظر إلى الساعة الذهبية في يده. خيري… دي أنا أخدت الساعة بتاعت أسلمعايا ومفيش حد دخل البيت غريب غيرك يعني كله هيشك إنك إنتي اللي سرقتيها. وبكده لا يمكن يقبلوا يشغلوكي عندهم. لو محبسوكيش أصلاً.

دخلت صباح منزلها وهي عازمة على عدم دخول ذلك المنزل مرة أخرى. صباح في نفسها… أنا لازم أقول للست دي أي حجة تقولها لناهد عشان أنا مش هينفع أشتغل هناك. بعد مرور ساعتين. تأتي الجارة. الجارة… صباح. صباح… كويس إنك جيتي. أنا كنت عايزة أقولك إن مش هينفع.

الجارة… استني بس اسمعي اللي أنا جايه أقولهولك. الناس اللي إنتي روحتيلهم لسه بنتهم رنّت عليا دلوقتي وسألتني على عنوانك لأن فيه حاجة غالية من عندهم مسروقة. وشاكين إنك إنتي اللي واخداها. صباح… إيه اللي إنتي بتقوليه ده؟ تقصد إن أنا حرامية؟!! لا يمكن أمد إيدي على. يخبط خبط شديد على الباب. صباح… مين اللي بيخبط بالطريقة دي؟ لتفتح صباح الباب تتفاجئ ب…