رواية اسيري المتمرد الفصل الخامس 5 - بقلم كوثر علي

صباح…. ممكن تجاوبني على أسئلتي. آسر…. أنا عارف إنك مسرقتيش حاجة إلا أخدت الساعة. خيري جوز أمي. صباح…. خيري؟!!! آسر…. أيوا خيري. صباح…. وانت عرفت إزاي؟ آسر…. ميخصكيش. صباح…. انت عايز مني إيه؟ آسر…. عايز أعرف إيه علاقتك بيه وليه يسرق حاجة غالية من البيت وهو عارف إنها هتتحط فيكي. انت عايز أعرف بينكم إيه. صباح…. ميخصكش. آسر…. امممم فعلاً ميخصنيش.

وانتي كمان ميخصكيش لما أقدم وصل الأمانة إلا انتي لسه ماضية عليه أبو مليون جنيه. صباح…. خيري يبقى عمي. آسر…. عمك؟!!! صباح…. اتجوز أمي بعد وفاة أبويا على أساس إنه هيحافظ على فلوسنا. بس العكس هو اللي حصل. خلى أمي تعمل توكيل بكل أملاكنا ونقل كل حاجة. يا سمو، واخر المطاف رمانا في الشارع وحالنا زي ما انت شايف. آسر…. أنا كنت عارف إنه وسخ بس مكنتش أعرف إنه بالوساخة دي. صباح…. عايز مني حاجة تانية؟

آسر…. أيوا طبعاً. أنا عايزك تشتغلي عندي زي ما قلت لك في البداية وعايز تجيب لي المعلومات إلا أنا عايزها عن خيري. صباح…. بس خيري سافر. آسر…. متخافيش مش هيطول. صباح…. أنا موافقة بس هو هيعمل المستحيل عشان مشتغلش عندكم. آسر…. لا مليكيش دعوة بالموضوع ده، سبيه عليا. آسر…. أنا هاخدك دلوقتي ع البيت. هتبدأي شغل من النهاردة. صباح…. تمام. ……………. أمام المنزل. آسر…. ادخلي. دلفا إلى المنزل سوياً. الطبيب بالداخل.

آسر بخوف…. أمي مالها يا دكتور. الطبيب…. أم حضرتك دلوقتي بقت كويسة بس أنا عايز أتكلم معاك موضوع على انفراد. آسر…. اتفضل في الأوضة دي يا دكتور. الطبيب…. تمام. آسر…. قولي أمي مالها يا دكتور.

الطبيب…. انت عارف طبعاً إن أمك عندها انهيار عصبي من ساعة موت ابنها. فطبيعي يحصل لها نوبات إغماء زي ما بلغتكم قبل كدا إنها محتاجة حد ملازم ليها. دا لولا اختك كانت موجودة اللحظة دي الله أعلم كان حصل إيه. وعشان كمان تديها الأدوية بتاعتها في المواعيد. آسر…. أنا عملت كدا فعلاً وجبت حد يهتم بيها وكمان أنا هفضل جنبها اليومين دول. الطبيب…. كويس أوي. أنا هقولها على الأدوية إلا المفروض تمشي المريضة عليها وهفهمها حالتها كويس.

آسر…. تمام. أنا هنادي عليها. آسر…. يا صباح يا صباح. صباح…. في حاجة؟ آسر…. ده الدكتور اللي متابع حالة ماما وشوفيها يقول لك إيه وإيه العلاجات المفروض تتنفذ لها علشان انتي اللي تتابعي حالتها من هنا ورايح. صباح…. تمام. أخذ الطبيب يشرح لها عن الأدوية وما هو مفروض فعله. صباح…. تمام. ف صباح اليوم التالي. قامت صباح بإعطاء السيدة الدواء حسب تعليمات الطبيب. ولكن لاحظت أن السيدة تريد أن تقول شيئاً ولكن غير قادرة على ذلك.

تقوم السيدة بتحريك شفتيها الملتوية بطريقة غير مفهومة. ولكن لاحظت أنها قادرة على تحريك كف يديها بطريقة بطيئة جداً تكاد تكون ملحوظة. صباح…. لو عايزة تقولي لي حاجة حركي صوابع إيدك. فقامت السيدة بتحريك أصابع يديها. صباح…. أنا هجيب لك ورقة وقلم وحاولي تكتبي لي أي كلمة أفهم بيها انتي عايزة تقولي إيه. فجاءت لها صباح بقلم وورقة. فقامت السيدة بالمساك بالقلم بصعوبة وبعد محاولات عدة من سقوط القلم ومحاولات الكتابة الفاشلة.

قامت السيدة بكتابة كلمتين فقط. حاولت صباح القراءة بصعوبة. فوجدتها كلمتان المكتوبتان هما: ( الدواء ضار) صباح بصدمة…. أييييه. الدواء ضار؟!!! يعني إيه الدواء ضار؟ فسري لي أكتر لو سمحتي. ولكن فشلت في الحصول على معلومات أكتر من تلك السيدة. قامت صباح بفتح الأدوية ووجدت أغلبها حبوب في علب تشبه علب الدواء المشروب. ومكتوب على العلب من الخارج أنها مهدئات للأعصاب. صباح…. يعني الأدوية مفيهاش حاجة مضرة أهي. أومال إيه بقا.

صباح…. معقول تكون الحبوب اللي جوه العلب دي مش هي نفسها إلا مكتوبة على العلبة من برا. أنا لازم أتأكد. قامت صباح بأخذ حباية من كل دواء ووضعتها في منديل ومن ثم في حقيبتها. ولكن سمعت صوت من ورائها. خيري…. بتعملي إيه هنا؟ صباح…. مبعملش حاجة. خيري…. إيه إلا رجعك تشتغليهنا تاني يابت انتي. امشي. غوري من هنا. أنا لو شفتك فطريقي حتى بالصدفة هقطع خبرك. آسر…. انت ملكش دعوة بيها. ودا مش بيتك عشان تطلع وتدخل فيه إلا على مزاجك.

خيري…. دي آخرتها يا آسر تكلم واحد في مقام أبوك بالطريقة دي. آسر…. انت مش في مقام أبويا ولا عمرك هتكون زيو. ولينتهي الحوار المشحون بالغضب بينهم. في المساء. صباح…. أنا عايزة أروح أطمن على ماما ساعتين بالظبط وجاية. آسر…. تمام. روحي بس متتأخريش. قامت صباح بالذهاب إلى أحد صديقاتها وكانت تعمل صيدلانية. صباح…. إزيك يا سارة عاملة إيه؟ سارة…. الحمد لله. وحشاني جداً. صباح…. وانتي أكتر.

صباح…. بصي يا سارة أنا عايز اكي ف مسألة حياة أو موت. وأخرجت من حقيبتها الأدوية. أنا عايزة أعرف الأدوية دي بتاعت إيه. سارة…. تعالي لي بعد ساعة أكون كشفت لك عليهم وعرفت المادة الفعالة بتاعتهم. صباح…. تمام. ذهبت صباح للاطمئنان على أمها وعادت بعد ساعة لصديقتها. صباح…. هاااا عرفتي حاجة؟ سارة…. عرفت نصيبة ياصباح. انتي جايبة الأدوية دي منين؟ دي مش أدوية دي سموم بطيئة المفعول. صباح…. انتي بتقولي إيه؟!!!!! يتبع….