رواية اسيري المتمرد الفصل الرابع 4 - بقلم كوثر علي

والله العظيم بنتي ما عملت حاجة يابيه. والله احنا مش كدا. لا ربيت بنتي على كدا. بنتي طول عمرها عينيها مليانة وعمرها ما تمد إيديها على حاجة مش بتاعتها. أكيد فيه سوء تفاهم. ربنا يرضى عليك يابني تتنازل. ده أبوها الله يرحمه عمره ما حرمها من حاجة. لولا بس الزمن هو اللي حوجنا. ادخل الضابط. إيه اللي دخلك هنا ياست انتي؟ اطلعي برا. تخرج الأم للخارج. أسر: أنا بس عشان أمك. اتنازل عن المحضر. بس بشرط.

صباح: أنا موافقة. موافقة على أي شرط تقولوه. أسر: أنا همضيكي هنا على وصل أمانة بمليون جنيه وهتشتغلي عندي لحد ما تسدي الفلوس. صباح: أشتغل عندك لحد ما أسد مليون جنيه؟!!! انت بتهزر. دا أنا عايزة عمرين فوق عمري عشان أعمل كدا. أسر: هو دا شرطي. صباح (في نفسها) : يخربيتك وبيت شروطك. أسر: بتقولي حاجة؟ صباح: أها، أنا موافقة. أسر: تمام. مضت صباح على وصل الأمانة. وقام أسر بالتنازل عن المحضر المقدم ضدها. في الخارج.

الأم: حمد لله على سلامتك يا بنتي. أنا قلبي كان مكسور عليكي. الحمدلله إنه نجاكي. صباح: الحمدلله يا ماما. الأم: يلا يا حبيبتي نروح. زمانك تعبانة. قعدتك في الزنزانة مع المجرمين والحرامية. صباح: لا يا ماما روحي انتي. وأنا... (وهي تنظر على أسر من بعيد) ... ورايا مشوار كدا. الأم: يا حبيبتي...

يغور الشغل وسنينه. أنا مش عايزة أتكلف. أنا هروح للمتسما عمك وهطلب منه فلوس. ده حقنا اللي له. وهيدينا غصب عنه. لأنه جبان وهيخاف لفضحو قدام مراته الجديدة. صباح: روحي يا أمي دلوقت. وأنا هبقى أحكيلك على كل حاجة. الأم: متتأخريش يا حبيبتي. صباح: حاضرة. تذهب الأم للمنزل. وتذهب صباح إلى أسر الذي ينتظرها أمام سيارته. أسر: اركبي. صباح: ركبت السيارة. صباح: إزاي هتشغل واحدة حرامية عندكم في البيت؟ أسر: بس انتي مش حرامية.

صباح: يعني انت عارف إني ما أخدتش حاجة؟ أسر: أيوا طبعاً. صباح: اومال حبستني ليه؟ وكمان مضتني على وصل أمانة ليه؟ أسر: ممكن تبطلي كلام لحد ما نوصل. صباح: نوصل فين؟ انت واخدني على فين؟ أسر: هنروح مكان هادي عشان نعرف نتكلم. ليصلا إلى كافيه. أسر: اقعدي. صباح: قعدت. ممكن تجاوبني على أسئلتي. أسر: أنا عارف إنك مسرقتيش حاجة. إلا أخد الساعة خيرى جوز أمى. صباح: خيري؟ أسر: أيوا خيري. صباح: وانت عرفت إزاي؟ أسر: ميخصكيش.

صباح: انت عايز مني إيه؟ أسر: عايز أعرف إيه علاقتك بيه. وليه يسرق حاجة غالية من البيت وهو عارف إنها هتتسبب في محنتك انتي. عايز أعرف بينكم إيه. صباح: ميخصكش. أسر: امممم. فعلاً ميخصنيش. وانتي كمان ميخصكيش لما أقدم وصل الأمانة اللي انتي لسه ماضية عليه أبو مليون جنيه. صباح: خيري يبقى عمي. أسر: عمك؟

صباح: اتجوز أمي بعد وفاة أبويا على أساس إنه هيحافظ على فلوسنا. بس العكس هو اللي حصل. خلى أمي تعمل توكيل بكل أملاكنا ونقل كل حاجة باسمه. وآخر المطاف رمانا في الشارع وحالنا زي ما أنت شايف. أسر: أنا كنت عارف إنه وسخ. بس ما كنتش أعرف إنه بالوساخة دي. صباح: عايز مني حاجة تانية؟ أسر: أيوا طبعاً. أنا عايزك تشتغلي عندي زي ما قلتلك في البداية. وعايز تجيبلي المعلومات اللي أنا عايزها عن خيري. صباح: بس خيري سافر.

أسر: متخافيش. مش هيطول. صباح: أنا موافقة. بس هو هيعمل المستحيل عشان ما أشتغلش عندكم. أسر: لا. مليكيش دعوة بالموضوع ده. سيبيه عليا. أسر: أنا هاخدك دلوقتي على البيت. هتبدأي شغلك من النهاردة. صباح: تمام. أمام المنزل. أسر: ادخلي. يدلفا إلى المنزل سوياً. ليتفاجأ بوجود... يتبع.