رواية اطفت شعلة تمردها الفصل الثالث عشر 13 - بقلم دعاء احمد

ارتد صالح ملابسه واقف أمام المرآة وهو يزرار قميصه الأسود. دخلت حياء بابتسامة جميلة وهي تقول بحنان: "صباحك نور يا صالح... ياله علشان نفطر، أبوك وإيمان قاعدين مستنينك." هز رأسه بإيجاب وهو ينظر في ساعته: "ماشي يا أمي جاي... بقولك أنا احتمال أتأخر النهارده، محدش يستناني وأنا هحصلكم على بيت الحاج منصور." شهقت حياء بصدمة من كلام ابنها: "انت بتقول إيه يا صالح؟ انت لازم تكون هنا من بدري، ولا في خطوبة بتحصل من غير العريس؟

أوعي تقولي إنك هتسافر." وقف أمام المرآة يسرح شعره ليقول بعملية: "معلش بقى يا أم صالح، لازم أطلع على بورسعيد... في بضاعة جايه للجمارك ولازم أستلمها بنفسي وأشيك عليها. إنتي عارفة الحاج كبر ومينفعش هو يروح وأنا موجود، وإن شاء الله هاجي بعد المغرب. هنحمل البضاعة على التريلا (عربية النقل) على العصر وهجيبها وأجي بإذن الله. وأي حد ييجي من بورسعيد بالعربية بتاعتي." حياء بخوف عليه: "انت اللي هتطلع على التريلا؟

خالي بالك على نفسك يا صالح، الطريق مالوش أمان." ابتسم وهو ينحني يقبل رأسها وأيديها: "سلميها لله يا أم صالح." نظر في المرآة يعدل حزام البنطلون لتكتمل هيئته الرجولية الوسيمة، فهو صاحب قوام رجولي ممشوق. وصل صالح مينا بورسعيد حوالي الساعة الثامنة صباحًا هو وصديقه علي. وصلا الجمارك منتظرين وصول شحنة كبيرة من القماش هتتنقل للمخازن الخاصة بعائلة الشهاوي. وقف مع عامل من عمال النقل في المينا. صالح بجدية:

"يعني شاكر ضرغام كان ناوي ياخد الشحنة دي؟ العامل: "ده اللي سمعته، وعرفت إنه كان هيموت عليها، وإن شاء الله حتى ياخدها من تحت الترابيزة، ولو هيدفع لكل اللي في المينا... "شوهلكن الحكومة الأيام دي مشددة على كل البضاعة اللي داخلة المينا." حك صالح ذقنه النابتة بشك واستغراب وهو ينظر لعلي. ظابط الجمارك: "تعالى افطر يا صالح، لسه الشحنة موصلتش وغير الإجراءات." على الساعة احداشر. صالح حط إيديه في جيب البنطلون

وهو ينظر للبحر وبجدية: "تسلم يا محمد، فطرت مع الحاج في البيت." ابتسم محمد بحسرة: "تصدق يا جدع، أقسم بالله أنا نسيت معنى الفطار في البيت من يوم ما اتجوزت وسيبت بيت أمي. ولو قلت كلمة واحدة تقولي العيال والبيت مش فاضية. كلام النسوان اللي مياكلش عيش ده." مال صالح عليه يسأله بحيرة: "هو الجواز وحش للدرجة دي ولا إيه؟ "زي الزفت... حاجة كدا زي تكفير عن ذنوب اللي عملتها طول حياتك... أوعى تتجوز يا صالح، انت كدا ملك أقسم بالله."

علي بمرح: "يا جدع اسكت، الراجل خطوبته النهارده، مش عايزين نطفشه من أولها كدا، خليه يعيش له يومين." صالح بمرح: "أنا بعد اللي سمعته بفكر أغير رأيي." ضحكوا التلاتة ليقول محمد بسعادة: "الف مبروك يا جدع، مش تقول كدا من الأول كنت أديك طاقة تفاءول." لؤي شفتيه بسخرية: "تفاءول إيه يا جدع؟ روح منك لله." بعدت ساعات من العمل الجاد المرهق بتحميل البضائع على عربيات النقل (التريلا) وإنهاء الأوراق الخاصة بالجمارك.

صعد صالح الشاحنة الضخمة. بيسوق التريلا في طريقه لاسكندرية مع أذان العصر، ووراه عربيتين تانيين كبار. كان قاعد جنبه علي ليقول بشك: "تفتكر شاكر ليه كان عايز الشحنة دي؟ مع إنه أصلاً بيشتغل في السمك ومالوش علاقة بالقماش. تفتكر بيعمل كدا عشان يرازي فيك؟ صالح بجدية: "معتقدش... شاكر دلوقتي عايز يعوض الخسارة اللي عنده، وشحنة القماش دي جاية بسعر مناسب، لو قدر يسوقها صح كان هيعرف يغطي الخساير اللي عليه." "عندك حق."

اكتفى علي بكلمة دي وهو بيفكر في شاكر وإد إيه هو إنسان حقير. بعد حوالي نص ساعة. كان علي شارد الذهن وهو ينظر للموبايل بتاعه. صالح بص له باستغراب. لأنه قاعد ومركز في الموبايل بطريقة ملفته. كان فاتح صفحة على الفيس بوك باسم "habiba Kassem". ينظر للموبايل بسخرية وهو شايف صاحبة الأكونت حاطة بوست على الفيس: "الحب؟؟!!! إن باعك الحب عليك إلا تشتريه ولو بأرخص ثمن." علي محسش بنفسه غير وهو بيدخل التعليقات بيكتب:

"البشر مخادعون..... كانت دائما تمثل البراءة في أوفى صورها، وفي لحظة أظهرت عن الشيطان بداخلها، ذلك الشيطان المهووس بالمال." كان هيضغط على إرسال لكن صالح شد منه الموبايل بسرعة وهو بيوقف التريلا بيدوس فرامل بقوة لدرجة إنهم اندفعوا لقدام، لكن استعادوا توازنهم بالتدريج. صالح بحدة وغضب من صاحبه: "انسى حبيبة يا علي، دي اتجوزت خلاص وأنت عارف اتجوزت مين؟

شاكر ضرغام. ابعد عن الشر و غنيله، بلاش تدخل في حياتها، أنت متعرفش إيه اللي جبرّها تتجوزه. وأكيد هو بيراقب موبايلها، بلاش تأذيها يا أخي." صرخ علي بجنون: "فما السبب الذي يجعلها تتخلى عنه؟ فهو أحبها منذ أن كان بالثانوية وهي تعرف ذلك، تعرف ذاك جيدًا.... كان بينهم محادثات كثيرة، فهي ابنة حارته من نفس عمره تقريبًا، أو لأكون دقيقة أصغر منه بشهور. الفلوس.....

هي اتخلت عن حبي ليها عشان الفلوس. لأ، وإيه طول الوقت طالعة كأنها البنت البريئة الملاك من السما وهي كدابة وغشاشة." ربت صالح على كتفه ليخفف عن صديقه شعوره بالألم، هو يعلم جيد كم يحب حبيبة، ولكن الشيء الصادم للجميع أنها تركته فجأة وتزوجت من شاكر (اللي حاول يقتل صالح)

علي شاب على عكس صالح من طبقة اجتماعية بسيطة، مكافح بسيط، ذكي، قدر يكمل تعليمه ويجوز أخته وبدأ يعدل من مستواه، اشتري شقة جديدة أكبر من شقتهم لكن بالتقسيط ورفض أي مساعدة من صالح غير أجرة على الشغل، ومع ذلك هما صحاب جدًا. صالح بجدية: "طب هات الموبايل دا... وبلاش شغل العيال ده، دي ست متجوزة دلوقتي... وأنت مش صغير." أخذه وحذف التعليق وخرج من صفحتها.

"على الله يا علي تعمل كدا تاني، فوق لنفسك، حبيبة اتجوزت، حطها حلقة في ودنك." علي دار وشه وبص من إزاز التريلا بضيق وغضب، لكنه أقسم بداخله يعشق تلك الفتاة لطالما كانت صديقته أو كما يسميها ملاك الرحمة، تميزت عن جميع الفتيات وخاطفت قلبه لتصدمه بالنهاية بزواجه من عدوهم شاكر ضرغام، لكن ده كله قبل سنتين. لكن هل ننسى من؟ صالح بص له وهو بيدور الشاحنة من تاني ولنفسه:

"حبيبة مش وحشة أوي زي ما أنت فاكر يا علي، ربنا يكون في عونها على اللي عايشة فيه." في مكان آخر، بيت كبير واسع جدًا ملكًا لشاكر ضرغام. جرس الباب يرن، خرجت بنت من المطبخ. جميلة نحيفة، على وجهها قسمات الحنان والطيبة، رقيقة، وقسمات القوة اكتسبتها من سباق الركض بين عقلها وقلبها والقدر المؤلم الذي جعلها زوجة شاكر ضرغام، رغم أنه أكبر منها بـ 15 سنة، لكن قدرها أن تقع تحت يدي ذلك الأربعيني. شعرها البني منسدل على ظهرها بنعومة.

(حبيبة قاسم) فتحت الباب وعلى وجهها ابتسامة رقيقة اعتادت أنها ترسمها تخفي بها مرارة زواجها الفاشل. خالتي (أم محمد) وهي تمسح وشها من العرق: "حبيبة، الحقيني بكوباية مياه، الجو حر أوي." حبيبة بابتسامة سعيدة: "وحشتيني أوي يا خالتي، تعالي ادخلي." "حاضر، ثواني." دخلت المطبخ بسرعة، طفت عن الأكل وأخذت كوباية مياه وطلعت بسعادة. بعد دقائق في الصالون.

حبيبة كانت قاعدة على الكنبة وهي ساندة دماغها على إيديها وساندة على مسند الكنبة وراها، وبتسمع خالتها وهي بتشتكي منها. حبيبة: "يعني عايزاه إيه يا خالتي؟ بتلفي وتدوري عليا، وحاسة إن الزيارة دي وراها حاجة." أم محمد: "بصي يا حبيبة، من الآخر كدا، جوزك هو اللي بعتني وعايزني ألين دماغك اللي زي الحجر دي. إنتي كدا بتخربي على نفسك." حبيبة بغضب ومع ذلك خوف منه: "هو بيشتكي لك مني؟ أم محمد: "أيوه يا عنيا...

بيقول إنك بتتلوعي عليه ومش عارف ياخد منك حق ولا باطل، حتى لما بتكونوا سوا مش عارف يطول منك حاجة. وكمان موضوع الخلفه." حبيبة بحزن وطيبة: "أعمل إيه بس؟ مش عايزاه أخلف منه. إنتي عارفة إني مش بحبه، أنا بكره نفسي لما بيقرب مني... لولا إني تعبت منه وخايفة كنت طلبت الطلاق." ضربت أم محمد على صدرها بقوة من كلام حبيبة الطايش: "إلهوي يا حبيبة، إنتي بتقولي إيه؟ اكتمي خالص. عارفة لو سمعك هيعمل إيه فينا؟

هيقطع خبرك من على وش الدنيا. وبعدين إيه يعني؟ دا جوزك يابت ومن حقه عليك إنك تجبيله حتة عيل يشيل اسمه ويكوش كل ده. أنتِ عارفة إنه مخلف من مراته الأولانية بنت ومراته التانية مخخلفتش، الدور عليك تجبيله الواد وتؤوشي." حبيبة بقله حيلة وسخرية: "اديكي قولتيها يا خالتي، أنا التلاتة ههه. قال جوزي قال!

أنا لما اتجوزت شاكر كان عندي اتنين وعشرين سنة، ودلوقتي عندي أربعة وعشرين. عارفة يا خالتي السنتين دول ضرب وإهانة وحبسني في البيت. فين وفين على ما بخرج. أنا بكره اليوم اللي بيجي فيه، وتقوليلي جوزك... منه لله اللي كان السبب. منه لله على البهدلة اللي أنا فيها. ولما أزعق وأقول كفاية، وأدور على حد يقف قصاده ملقيش حد منكم. سبيني في الغلب اللي أنا فيه يا خالتي." أم محمد بجدية وخوف:

"أوعي يا حبيبة تكوني بتشوفي اللي اسمه علي ده." حبيبة بصت له وسكتت، لكن للحظة ابتسامتها ظهرت. فاقت من شرودها على صراخ مرات خالها: "إلهوي يا حبيبة، لا تكوني لسه بتفكري فيه؟ فوقي يا بت، ينهار ملوش ملامح، لو جوزك شك في حاجة هيطين عيشتك." حبيبة بسخرية: "متخافيش أوي كدا، أنا نسيته أصلاً. وبعدين شاكر مانعني من الخروج... خليه يعمل اللي هو عايزه. مدام كله بالضرب والإهانة يبقى ينسى موضوع الخلفه ده، لا يمكن أخلف من واحد زيه...

وإن شاء الله هرفع عليه قضية خلع وأخلص منه." أم محمد بشك: "أوعي تكوني بتاخدي حاجة لمنع الحمل يا حبيبة." حبيبة بارتباك بتحاول تداريه: "هاخد إيه يعني؟ بقولك أنا عاملة الأكل اللي بتحبيه، هغرفلك." قامت بسرعة ودخلت المطبخ، قعدت على كرسي السفرة وشردت للماضي، وإد إيه نفسها ترجع له. بقالها سنتين في الغلب ده مع شخص عمرها ما حبته ولا هتحبه في يوم. افتكرت "علي"، أكتر شخص كانت بتحبه، وأكتر شخص حنين في الدنيا.