رواية إتهام "مكتملة" الفصل التاسع عشر 19 - بقلم من يريد يستطيع ♥️

"انت العُمر والعُمر مرة بالعُمر ♥"

في منزل يوسف نورماز

سمع موسي صوت باب الفيلا فذهب كي يفتح الباب
فوجد صديقه عمار ولكن هيئته لا توحي بالخير ابدًا فهو كان شعره مُشعث وعيونه حمراء متورمة من كثرة البكاء
موسي بقلق :خير يا عمار مالك فيه ايه
عمار بحزن وبكاء علي محبوبته :كلارا ضاعت مني يا موسي
موسي بتساؤل :ضاعت منك ازاي يعني يا عمار مش فاهم
عمار ببكاء:كلارا اتخطفت يا موسي ..كلارا اتخطفت

وقع هذا الخبر علي موسي كالصاعقة هل حقا كلام عمار صحيح ام انه مجرد خدعة وثواني حتي تحولت عيونه الي احمر دامي من كثرة الغضب

موسي بغضب شديد وهو يُمسك عمار من ياقة قميصه بقوة :انت عملت ايه في اختي يا عمار اتكلم عملت فيهاااااا ايه دانا مكنتش بثق في حد غيرك

عمار وهو يبرر عن نفسه تهمة اختطافها :والله يا موسي انا معملتش حاجة استني بس احكيلك الي حصل

حكي عمار كل ما حدث لموسي بداية من اعتراف عمار بحبه لكلارا واستعدادهم لكي يذهبوا الي موسي سويًا حتي لحظة اختطافها

عمار بخوف :والله يا موسي احنا كنا جايين في الطريق ليك عشان اتقدم لكلارا محسيتش بيها الا وهي عمالة تصرخ

موسي بغضب شديد :اقسم بالله انا هوري الكلب الي عمل كده ايام سودا والله لهقتله لو لمس شعرة واحدة منها

عمار :وانا جاي معاك انا مستحيل اسيبك لوحدك

فريدة بصدمة :انتوا بتقولوا ايه .....فهموني مين الي اتخطفت

موسي بحزن علي والدته :اهدي يا ماما متخفيش والله هجبها هنا في اقرب وقت

فريدة ببكاء علي ابنتها :اه ياني يا بنتي يارب خليك معاها واحفظها خليك جنبها يارب

ظلت فريدة تدعي لربها ان يحفظ لها ابنتها حتي فقدت الوعي فجاء مازن ويوسف علي صوتها

يوسف بقلق ودهشة وهو يجري باتجاه حبيبته:ايه ده فيه ايه ..ايه الي حصل حد يفهمني

وكان يوجه كلامه لفريدة :فريدة فوقي يا فريدة ..
فيه ايه حد يفهمني

مازن وهو ينظر لاخيه :فيه ايه يا موسي

موسي بقلق :كلارا اتخطفت

مازن بغضب :ايه الي انت بتقوله ده مين الي خطفها وازاي ...اقسم بالله ما هرحمه

يوسف بدموع منهمرة :بنتي اتخطفت طيب ازاي ربنا يسترها عليكي يا بنتي انا لازم اروح ادور عليها

موسي بقلق :خليك انت يا بابا مع ماما وانا وعمار مش هنسيب حتة الا لما ندور عليها فيها متقلقوش لو وصلت بيا هفديها بحياتي عشان هيا تعيش ..وانت يا مازن اتصل بالدكتور يجي لماما وخليك جنبها هي وبابا

مازن بقلق :ماشي يا موسي ابقي طمني

موسي :ان شاء الله

اتجه موسي الي سيارته وركب بجانبه عمار ثم اتصل موسي بأحد الصحفيين

موسي بحزم وقوة :انا دلوقتي هبعتلك صورة اختي تحطها في كل الجرايد الي معروفة في البلد مش عاوز جنس مخلوق واحد ميشوفش الاعلان وحط جايزة مليون جنيه للي هيلاقيها ويتصل بينا علي الرقم بتاعي ....بس اقسم بالله لو الكلام ده خد منك اكتر من خمس دقايق لهدفنك حي

الصحفي بخوف :حاضر يا موسي باشا

ثم اجري عمار اتصال هو الاخر

عمار لاحد رجاله:عايزك تجيبلي البنت الي انا هبعتلك صورتها دلوقتي من تحت الارض مش عايز شبر واحد يغفل عنكوا قدامكوا ٤٨ ساعة تكونوا جايبنلي مكانها ومين الي خطفها ولو ده محصلش اعتبروا نفسكوا كلكوا مرفودين

الرجل برعب من غضب عمار الشديد :حاضر يا باشا

انهي عمار الاتصال ثم نظر عمار وموسي لبعضهما البعض نظرة اصرار علي ملاقاة اغلي ما في حياتهما ثم انطلق موسي سريعا حتي يبحث عن اخته الصغيرة

~~~~~~~~~~~~~~~~~~~~~~~~~~~

"أُحبك كطفل رأي فيك أمنية بريئة ♥"

استيقظ مراد من نومه علي وجه محبوبته وهي بداخل احضانه كأنها تختبئ من العالم كله فيه فكان ينظر لها نظرة العاشق لا المحب نعم فهو اخيرًا اعترف لنفسه انه يعشقها لا يدري متي او كيف ولكنه يدري انه عشقها منذ النظرة الاولي حين تقابلت عيناه مع عيونها السوداء التي تشبه الليل فكان يتأمل كل إنش في وجهها ولم يدري بنفسه الا وهو يقبلها علي شفتيها قبلة طويلة ادت الي استيقاظ شهد ولكنها لم توضح له انها استيقظت فكانت تشعر انها في حلم وهي لا تريد ان ينتهي ابدا

مراد بعدما ابتعد عنها وهو يهمس بمرح بجانب اذنها: مش محتاجة تعملي نفسك نايمة علي فكرة عشان ابوسك

شهد وهي تفتح عينيها وتشهق بخجل :انت سافل وقليل الادب

قامت شهد من علي السرير وهي تنظر لمراد الذي تسمر في مكانه ولم ينطق بحرف من اندهاشه فكانت شهد غافلة تماما انها تلبس ما يظهر اكثر مما يغطي

نظرت له شهد بشماته :ايوا كده رجالة متجيش الا بالعين الحمرا

نظرت له شهد فوجدت ان نظره مُثبت علي جسدها فنظرت شهد مكان ما ينظر اليه مراد حتي شهقت بخجل

شهد بخجل وهي تجري من امامه بسرعة كالاطفال :يا نهار اسود ....شرفي ضاع اه يا سافل يا قليل الادب عااااااا متحرش الحقوني يا اللي هنا

فاق مراد من شروده علي صوت شهد وهي تجري من امامه حتي لحق بها وامسك يدها وقام بشدها نحوه ثم قام باحتضانها بتملك حتي كادت عظامهما ان تتحد من شدة القرب فابتعد عنها مراد قليلا وهمس في اذنها بطريقة اذابتها

مراد برقة وعشق:انا بعشقك يا شهد انا مش عارف امتي او ازاي كل الي اعرفه اني بقيت بفكر فيكي حتي وانتي جمبي بقيت بستني اللحظة الي تبصيلي فيها بقيت مش قادر ابعد عنك لحظة واحدة

كانت شهد تقف مصدومة من هذا الماثل امامها كيف له ان يكون بكل هذه المصداقية تحرك شيئًا ما في مشاعرها ولكن لم ترد شهد ان تستسلم له بهذه السرعة فهي اقسمت انها لن تحب ثانية بعد الحادثة التي عاشتها

شهد ببرود وهي تبتعد عنه : وانا مطلبتش منك انك تحبني عن اذنك عشان عايزة اغير هدومي واه حاجة كمان كل الي حصل ما بينا انا هعتبر نفسي نسيته وياريت تنساه انت كمان

كان مراد مُتفهم ردة فعل شهد ولكنه لم يلحق ان يتحدث فشهد اختفت من امامه بسرعة ثم دخلت الي الحمام وظلت تبكي كثيرا من حالتها تلك فهي كالمقيدة بذكرياتها لا تستطيع ان تطاوع قلبها ولا تستطيع ان تلحق عقلها فهي تشعر بشعور غريب تجاه مراد ولكنها لا تدري ما هو او هذا الذي تُقنع به نفسها
~~~~~~~~~~~~~~~~~~~~~~~~~~~

"Hayat randevusuz bir kavuşma ve" sebepsiz bir ayrılıktır "

دخل شاعر علي مازن المكتب بعدما طرق الباب وسمح له مازن بالدخول فاعطاه شاعر ملفين

شاعر :اتفضل يا فندم الملف ده فيه كل المعلومات الي عرفتها عن كارما والملف التاني فيه كل المعلومات عن خطيبها وللاسف يا فندم خطيبها عنده ٦٠ سنة

مازن بصدمة :ايه انت بتقول ايه
~~~~~~~~~~~~~~~~~~~~~~~~~~~

♥مشاعر تشاور تودع تسافر مشاعر تموت و تحي مشاعر♥
♥مشاعر تشاور تودع تسافر مشاعر تموت و تحي مشاعر♥

♥يادى يادى يادى المشاعر يادى يادى يادى المشاعر♥
♥يادى يادى يادى المشاعر يادى يادى يادى المشاعر♥
♥يادى يادى يادى المشاعر يادى يادى يادى المشاعر♥

♥اللي غرب نفسه سافر من الام المشاعر♥
♥و اللي نفسه يعشها تاني هي هي المشاعر♥
♥و اللي داب بابتسامه من عينيه مر المشاعر♥
♥و اللي نفسه قصاد حبيبه يبان عليه حبيت مشاعر♥

♥يادى يادى يادى المشاعر يادى يادى يادى المشاعر♥
♥يادى يادى يادى المشاعر يادى يادى يادى المشاعر♥
♥يادى يادى يادى المشاعر يادى يادى يادى المشاعر♥

♥اللى بيفكر يفارق بس لوله المشاعر♥
♥و اللى سامح حد غالى راضى ذل المشاعر♥
♥و اللى ايده فى اي حبيبه بس مش حاسس مشاعر♥
♥و اللى راجع بعد ما انتهى وقت المشاعر♥

♥كل حاجه ناقصه حاجة و انت مش جنبى بيبى♥
♥نفسى اعمل اى حاجه بس ترجعلى حبيبى♥

♥كل حاجه ناقصه حاجه و انت مش جنبى حبيبى♥
♥نفسى اعمل اى حاجه بس ترجعلى حبيبى♥

♥مشاعر تشاور تودع تسافر مشاعر تموت و تحي مشاعر♥
♥مشاعر تشاور تودع تسافر مشاعر تموت و تحي مشاعر♥

ايه رأيكوا يا بنات في البارت واستنوني كمان ساعة هنزل بارت كمان♥♥