رواية اطيب قلب الفصل الرابع عشر 14 - بقلم بسنت محمد

شهد بدموع: حمزه، هو انت مستخبي مني؟ حمزه بضيق من عياطها: كل شويه. حمزه بنرفزة: احنا مش هنخلص من الحوارات دي. شهد بعياط جامد بتقوم تسيبه وتمشي. بين يوم والتاني وحمزه مهمل شهد خالص، مش بيجيلها غير كل فين وفين. عند شهد: شهد عمالة ترن على حمزه وهو مش بيرد. حمزه أخيراً رد: حمزه بغضب: ايه زنان؟ عايزة ايه؟ شهد بدموع: حمزه، أنا قلقت عليك. انت بقالك أسبوع ما جيتش ولا حتى بتتصل. وأكملت بدموع: حمزه، طب انت هتيجي النهارده؟

حمزه بغضب: لأ. شهد بزعل: طب هتيجي امتى؟ حمزه بضيق: سلام يا شهد. عند ريم في الشات بينها وبين حمزه: ريم: هنتقابل فين؟ حمزه: اللي انتي عايزاه. ريم بدلع: خلاص ياقلبي، هختار أنا. حمزه: أشطا عليك يا وحش. عند أسر في الشركة: أسر بغضب: انتوا إزاي تغلطوا غلطة زي دي؟ الموظف: يا فندم، السكرتيرة قصدها على شهد. وأكمل: ومستقلتش، يبقى أجيب غيرها إزاي؟ أسر بعصبية: اطلع برا. عند شهد: بتقعد في البيت زهقانة وعايزة تخرج.

بتقوم تكلم حمزه تقوله إنها هتخرج تروحه. عند حمزه: بيبقى قاعد مع ريم في البيت وبيضحكوا. بيقطع ضحكهم رنة موبايل حمزه. بيقوم يرد في البلكونة. حمزه ببرود: فيه إيه تاني؟ شهد: حمزه، أنا عايزة أشوفك. وأكملت: طالما انت مش هتعرف تيجي، فهجيلك أنا. حمزه ببرود: تجيلي فين؟ شهد: إيه؟ هجيلك شغلك. وأكملت بفرحة: عملتلك الأكل اللي بتحبه. حمزه: شهد، اقفلي عشان أنا مش ناقص هبل. وفي يوم: شهد بتبقى قاعدة على الموبايل ومضايقة جداً.

أنا حمزه مبقاش يجي، وحشها أوي. وبترن عليه، فين وفين لما يرد. جه بليل والجرس رن. شهد طلعت بسرعة تشوف مين من العين السحرية. شهد بفرحة: حمزه، وحشتيني. حمزه ببرود: وانت كمان. شهد بفرحة بتجري تحضنه وبتكمل بعشق: كنت فين كل ده؟ كنت حاسة إني هموت من غيرك. حمزه بهدوء: هخش آخد شاور. شهد بحب: ماشي، عقبال ما أحضر الأكل ونأكل سوا. حمزه بيسبها ويخش. شهد بتخش تسخن الأكل وهي فرحانة أوي.

حمزه بيطلع، هي بتكون خلصت رسة السفرة، وبيقعودوا يأكلوا. شهد بتكون حاطة حاجة في الأكل. حمزه بغضب: لما انتي مش بتعرفي تتزفتي تطبخي، بتعملي أكل ليه؟ شهد بخضة من صوته: يا حمزه، منا بتعلم لسه. وبعدين الأكل أحسن من المرة اللي فاتت. حمزه بيقوم وبيسببها ويخش ينام. شهد بتاخد تنهيدة حارة: يا ترى إيه اللي مغيرك يا حمزه؟ تاني يوم: شهد بتقوم تحضر الفطار ويقعدوا عشان يفطروا. حمزه قاعد ماسك الموبايل ومتجاهلها خالص.

شهد: يا حبيبي، سيب الموبايل وكُل أكلك. حمزه بحدة: أنا باكل. شهد بتسكت. وتمسك التليفون. فجأة بيجي قدامها صورة خطوبة حمزه وريم. شهد من الصدمة بيقع من إيدها الموبايل.