رواية اطيب قلب الفصل الثالث 3 - بقلم بسنت محمد

شهد بصدمة: بجد؟ لحقتي تلاقي شغل إمتى؟ حمزة بضحك وغرور مصطنع: يابنتي انتي مش عارفة بتكلمي مين ولا إيه. شهد بفرحة: شكراً أوي، أنا مش عارفة من غيرك كنت هعمل إيه، انت أحلى حاجة في حياتي حرفياً. حمزة: طب يلا جهزي عشان هاجي أستناكي. شهد: ماشي، باي. شهد قفلت وراحت جري تغير هدومها. لبست دريس تحت الركبة بنص كم لونه موف، ولبست هيلز. عملت شعرها كحكة ونزلت كام قصة. حطت روج ومسكرا وتينت. وكانت أجمل ما يُقال عنها إنها ملاك.

شهد نازلة على السلم، لقيت حمزة واقف قدام الباب. حمزة أول ما شافها مقدرش يبعد نظره عنها. شهد بكسوف: حمزة. حمزة بتوهان: انتي جميلة كده إزاي؟ شهد بكسوف وفرحة: حمزة بقى. حمزة، وقد فاق على صوتها الأنثوي: حمزة بغضب: إنه حد غيره هيشوفها كده؟ وهو مش عارف ليه حاسس كده، بس شعور مضايقه. حمزة بغيره: انتي إيه اللي لابساه ده؟ الشركة كلها رجالة. شهد بخوف: ما طويل أهوه. حمزة بيجيب علبة

مناديل وبيمسحلها وشها: متحطيش حاجة تاني من الحاجات دي. شهد: ليه؟ انت مش عايز أبقى حلوة؟ حمزة بنرفزة: شهد، أنا قولت كلمة تتسمع. مش كفاية هسيبك لابسة الزفت اللي انتي لابساه ده. حمزة وشهد وصلوا شركة أسر، صاحب حمزة، عشان شهد تستغل فيها سكرتيرة. شهد قبل ما تنزل من العربية: حمزة: شهد استنيني، هاجي آخدك. شهد: تمام. حمزة: لا إله إلا الله. شهد: محمد رسول الله. ونزلت. دخلت الشركة. شهد: حضرتك، أنا كنت جاية أستلم شغل السكرتيرة.

البنت بغرور: اصبري أشوف أسر بيه فاضي ولا لأ. وسابتها ومشيت. بعديها رجعت بعد ربع ساعة. البنت: انتي يا اسمك إيه؟ شهد: نعم. البنت: خشي، مستر أسر مستنيكي. شهد راحت خبطت. أسر: خشي. شهد دخلت. لقيت شاب جميل قاعد ومنزل رأسه على لاب توب. شهد: احم، حضرتك أنا اللي حمزة ابن خالي قالك عني. أسر رفع رأسه وانبهر بجمالها وبرائتها. أسر: انتي شهد بنت خال حمزة؟ شهد بتوتر: اه يا فندم.

أسر بإعجاب شديد: حضرتك مقبولة، وتقدرى تستلمي الشغل دلوقتي. شهد بفرحة: انت شكراً جداً ليك يا فندم. أسر بإعجاب: العفو. شهد بعد يوم شغل طويل: شهد: أستاذ أسر، أنا كده خلصت، وادي الملفات أهي. أسر بإعجاب أكتر بشغلها: قدرتي تخلصي كل ده بسرعة ديه؟ شهد بكسوف: اه يافندم. أسر بابتسامة: استنى هاجي أوصلك. شهد: شكراً لحضرتك، حمزة هيوصلني. أسر بزعل مصطنع: يعني أول عزومة ليا تترفض؟

شهد بمقاطعة: أنا آسفة المرة دي، بس أوعدك لو عزمتني تاني هروح معاك. أسر: وعد. شهد: وعد. سلام أنا كده. وتمشي. شهد قدام الشركة بتلاقي حمزة. بتروح تركب العربية. حمزة بابتسامة: عاملة إيه؟ شهد: الحمدلله، عرفت اشتغل كويس. حمزة: أسر قالك حاجة؟ حمزة بغيره: امممم، نفسه. ماشي يا أسر يا كلب، أما أوريك. حمزة: يلا نروح ناكل، وبعدين نشتري لبس، وبعدين نروح. شهد: أنا مش قادرة يا حمزة، أنا هاروح دلوقتي. حمزة: شهد، أنا قولت كلمة تتسمع.

شهد: حاضر. بيروحوا مطعم. حمزة: هتيلنا اتنين بيتزا سجق، واحد عصير مانجو، واحدة قهوة سادة. وحمزة بيبص لشهد. هاني: واحد آيس كريم شوكولاتة. شهد بتبتسم. قاعدين بياكلوا وبيتكلموا. وشهد قالت لحمزة حاجة، خيلته يضحك بعلو صوته. وقاعدين بيضحكوا. ريم بعصبية. شهد بصدمة ودموع.