رواية ايتي العاشقة الفصل الثالث عشر 13 - بقلم ميرا ابو الخير

آية بسخرية: هسالك أي من واحدة رخيصة كانت متجوزة. بصت لأخو جوزها ولما زهق منها رماها وجاية تتسمح فيه اللي خانته. يارا وقفت قدامها ببرود: عملت إيه عادي يعني محدش مبيغلطش. آية مسكتها من شعرها، نزار زق آية وقعت على الأرض و… بتصحى من النوم مفزوعة بتدور على نزار حواليها مش بتلاقيه. آية بتاخد نفسها: الحمد لله طلع حلم. لا حلم إيه دا كابوس للدرجة دي خايفة منها. معقولة مش واثقة في نزار؟

لا لا أنا واثقة إنه مستحيل يبص لها، بس مش واثقة في الحربوقة يارا. قامت غسلت وشها وعدلت نفسها ونزلت عند حماتها. آية باستغراب من وجود تمارا: انتي مين. تمارا بابتسامة: أنا تمارا بنت خالة نزار. أنا وخالتي جينا نشوفه. آية بعدم فهم: خالة إيه ومين؟ أنا مش فاهمة حاجة. سهير جت: أنا هفهمك يا آية تعالي معايا. آية: تمام. تمارا بابتسامة: هو فين نزار؟ وإنتي بنت عمه ولا مين. آية بغيرة: لا يا حبيبتي أنا مراته وأم ابنه.

تمارا بحزن: احم، طيب عن إذنكم. سابتهم ونزلت. سهير حكت كل حاجة لآية، وآية فهمت لي نزار اتأخر عليها: طب هو نزار فين دلوقتي. سهير بتنهيدة: معرفش وخايفة عليه. آية لسه هتتكلم فونها رن باسم حب عمري: الو يا حبيبي انت فين. نزار بصوت شبه باكي: تحت البيت، هاتي شنطة هدومك وتعالي هنسافر يومين نرتاح. سهير كانت سامعة وهزت راسها إنها تروح معاه لأنه أكيد محتاجين راحة. آية بحنان: حاضر هطلع أجيب الشنط وجاية.

نزار بهدوء: بصي بلاها شنط تعالي بطولك، أنا هتصرف انزلي يلا عشان مش قادر أطلع. آية بحنان: حاضر مش هتأخر. طلعت تجهز نفسها بسرعة ونزلت وهو قفل معاها ورجع بظهره لورا على الكرسي وغمض عينه بحزن. آية نزلت ركبت جنبه وهو فتح عينه. آية بحماس: هنروح فين بقى. نزار بحب: هنبعد عن العالم كله يومين، هنروح مارينا نعيش وننسى كل حاجة. آية بفرحة: هيييي يلا. ابتسم وهي في نفسها: هحاول أنسيك وجعك يا نزار صدقني. عند ياسين.

كان بيعمل مقابلات للشغل بتدخل هي بابتسامة خبيثة. ياسين بجدية: اتفضلي اقعدي وهاتي السي في. تمارا بدلع: معنديش سي في. ياسين: أفندم وجاية لي. تمارا قامت راحت وقفت قدامه وشَدته عليها وفجأة بدأت تصرخ وتقول: الحقووونيييي متحررررررر”شش حرررام عليككك الحقونييي ياناااااس. ياسين اتصدم من اللي بتعمله والناس اتلمت ودخلوا جري. تمارا بتمثيل زقته وبعدت: يا حيو”ان بقا أنا جاية أقدم على شغل تحاول تعتدي عليااااا.

ياسين بغضب: محصلش انتي بتقولي إيه. تمارا بدموع تمثيل: لا حصل أنا مش هسيبك أنا هسجنك. شوفوا اللي عامل إنه راجل أعمال ومحترم طلع بيشغل البنات هنا عشان نفسه بجد اخص. طلعت تجري وهو بغضب: بتتفرجوا على إيه يا بها”يم كله برررررراااا. خرجوا جري وهو بغل: وحياة أمي ما هسيبك لا انتي ولا اللي باعك عندي. تمارا نزلت جري كان فيه حد مستنيها ركبت معاه ومشوا. تمارا وهي بتاكل لبّانة: كده شغلي خلص اتفضح على الآخر. الشخص: ودي فلوسك.

تمارا خدت منه الفلوس: من إيد منعدمهاش يا باشا نزّلني بقى هنا. الشخص: تمام. نزلت وبصت للفلوس بحزن واتنهدت. بليل. وصل نزار وآية قدام السويت بتاعهم وآية كانت نايمة. ملس على خدها بحب: آيتي القمر اصحي وصلنا. آية بنعاس: بجد. نزار بحب: اه يا حبيبي يلا تعالي السويت بتاعنا. آية نزلت بفرحة. نزلوا وخدها عرفها المكان وكان قدام البحر. آية بفرحة: الله المنظر حلو أوي يا حبيبي. نزار

بص لها بهدوء راحت حضنته: إحنا هننسى كل حاجة هنحاول نعيش. نزار رفع دماغها له: هنحاول تعالي ارتاحي عشان النونو. آية باست خده: يلا. تاني يوم. صحى نزار ملاقاش آية جنبه نزل يشوفها سمع صوتها في الحمام بترجع. فتح ودخل قعد جنبها. آية بتعب: دخلت لي اخرج. نزار بحنان وحط إيده على بطنها وبيملس على شعرها: هفضل جنبك في كل لحظة. آية لسه هتتكلم رجعت تاني. هو فضل جنبها سندها تقوم غسل وشها وشالها خدها برا نزلها على الكنبة.

نزار بحنان: أحسن دلوقتي. آية بارهاق: شوية بس دا عادي. نزار: ماشي هقوم أجيب الفطار وناكل ونبدأ رحلتنا. آية هزت راسها بـ ماشي. فطروا وآية لابست دريس ونزار بنطلون أبيض وقميص أسود. نزار ماسك إيديها وقاعدين على الرمل: تحبي ننزل المياه ولا أقولك تعالي. آية باستغراب: على فين. نزار شالها: هنغوص تحت المياة. آية بشهقة: إزاي. نزار بحب: هقولك. بعد شوية كانوا في غواصة إزاز شفافة وفي نص المياه نزلت وهم الاتنين جواها.

آية بانبهار: الله. شافوا الشعب المرجانية وأجمل أنواع الأسماك وأشكال روعة. نزار بص لها بحب وباسها وهي حضنته بفرحة. شوية وبيطلعوا وبيأخدها ويقعدوا على طرف المركب ورجليهم في المياه. آية بهدوء: أد إيه الدنيا حلوة أوي بعيدًا عن المشاكل مع شخص يحبك. نزار بحب: تؤ عاشقك. بليل. آية لابسة فستان أسود طويل ومنفوش لحد الركبة وسابت شعرها وصندل أسود. نزار لبس بدلة سودة من غير كرافتة وجزمة سودة.

آية خارجة من الأوضة لاقت ورد مفرود وسهم بيشاور على الطريق. مشيت لاقت هدية فتحتها لاقت عقد من اللؤلؤ وورقة (كملي الطريق وتعاليلي) مشيت لاقت هدية فتحتها لاقت شوكولاتة على شكل قلب وورقة (يلا كملي) كملت الطريق وخرجت برا السويت لاقته على الشط وفيه ترابيزة وبلالين حمراء بتطير وشمع في العلب زي كرتون روبانزل طاير حواليهم. وهو واقع قرب منها وقعد على ركبته: تقبلي تكملي باقي حياتك مع نزار. آية دموعها نزلت بفرحة: أقبل.

باس إيديها وشغل أغنية رومانسية وعاشوا أجمل أربع أيام في حياتهم. عند محمد. قمر بجمود: أنا هرجع بيتي وابني هبقى أجي أشوفه. سهير ببرود: خليكي ابنك سافر يومين وجاي. قمر بغضب: لو مكنتيش خدتيه مني مكنش دا كله حصل. سهير بسخرية: هتكدبي وتصدقي الكدبة؟ أي ناسيه إنك بعتيه ليا وخدتي التمن. قمر بندم: كنت غبية. سهير ببرود: مفيش ست محترمة تبيع ابنها لابن ضرتها وتيجي تفتكره بعد العمر دا كله.

أنا جبنك وسمحت لك بس تكوني موجودة لأجل عيون نزار. تمارا بغضب: جرى إيه يا ست انتي ما تحترمي نفسك. سهير بسخرية: هسالك إيه من عوالم. محمد بزعيق: بسسس خلاص تقدروا ترجعوا بيتكم ولما يرجع نزار يحلها ربنا. قمر مشيت هو وتمارا. رجعوا بيتهم. تمارا بنسيان: أنا نسيت أجيب حاجة مهمة من تحت مش هتأخر. قمر: تمام. نزلت عربية جت خطفتها ومشيت. عند محمد. فجأة الباب بيتكسر بيتخضوا. محمد بغضب: انتو مين. رجالة بتدخل: هنعرفك إحنا مين دلوقتي.

بعد شوية العمارة بتكون بتولع والسكان بيهربوا بالعافية. محمد مربوط هو وسهير. محمد حل نفسه بالعافية والنار حوالين منهم بيجري على سهير يحلها بيقومها ولسه هيخرجوا خشبة بتقع على دماغه ورجله بتعجز حركته. سهير بتحاول تشيلها مبتعرفش والنار بتزيد. سهير بتصوت: محمددد. محمد بضعف: اجري انتي بسرعة. سهير بدموع: لا مش هسيبك لا. محمد بألم: امشي وحياة ولادنا لتمشي، دا جزء كل اللي عملته زمان أرجوكي العيال محدش هيجمعهم غيرك. فزع فيها.

يلاااااااااا. اتخضت وخرجت والناس بتجري والاسعاف والمطافئ جت. سهير بصرخ: محمد والنبي محمد فوق. المطافي بتطفي المكان والاسعاف بتدور على الناس وبينزلوا معاهم جـ.ـثة محمد في الكيس الأسود ومتشوه خلاص. سهير بفزع وصدمة: لا يا محمد لاااا قوممم. عند تمارا. ياسين كان قاعد ببرود وهي قدامه بتفتح عينيها بدوخة: ازيك. تمارا بفزع: ا انت. ياسين بخبث: معاكي خمس دقايق تمضي هنا وتتجوزيني عرفي وإلا هعمل اللي قولتي عليه في الشركة بس لايف.

تمارا بصدمة: إيه ده عرفي مستحيل أنا أصلاً مطلقة. ياسين ببرود: عارف وهتجوزك عرفي مش انتي كنتي بتشتغلي في كباريه أنا هعمل فيكي معروف. تمارا بتوتر وكذب: طليقي مش هيسيبك. ياسين ببرود: ومين هو طليقك. تمارا بكذب: نزار بن خالتي، آه هو طليقي واحنا مش قايلين لحد. ياسين. عند آية. كانت بتاخد علاجها وحست بدوخة وإحساس غريب قعدت على طرف السرير بدوخة. عند يارا. يارا بخبث: شكراً أوي يا دكتور على اللي عملته. الدكتور: مش عاوز حد يعرف.

يارا بمكر: متخافش المهم إنك تكون حطيت لها المخدرات في علاجها عاوزها تكون مدمنة. الدكتور بخبث: حصل في أقرب وقت هتكون مدمنة.