رواية ايتي العاشقة الفصل الثاني عشر 12 - بقلم ميرا ابو الخير

محمد من وراه: لازم تصدق مراتك التانية خانتك بردو مع اخوك يا نزار. نزار بغضب وماسك اخوه: آية عمرها ما تخوني زي يارا. طارق بخوف: صدقني آية عملت كدا ويلي ف بطنها ابني آه ابني. نزار بغضب زقه وراح ديله بوكس ف شلوت ونازل عليه محمد مسكه بالعافية: هيموت ف إيدك. نزار ووشه أحمر وعينه احمرت من كتر الغضب: هيموت ده شيطان ده مستحيل يكون بني آدم. محمد بضعف: عشان خاطري في الأول والآخر أخوك.

نزار بص لأبوه: عندك حق أخويا أنا بالنسبة لي مليش إخوات واللي أنت بتدفع عنه ده رماك في مستشفى المجانين لولا إني خرجتك كان زمانك الله أعلم حصل إيه. محمد بدموع: خلاص بقى كفاية أي الذنب اللي عملته عشان عيالي يأكلوا في بعض كدا. نزار باس إيد أبوه: آسف بس طارق خلاص. طارق بضعف: مش هسيبك يا نزار. البوليس بيدخل… الظابط: هاتوه. طارق بغل: مش هسيبك يا نزار مش هسيبكم كلكم. الظابط ببرود: صوتك خدوه. أخدوا طارق تحت نظرات التوعد ليهم…

نزار بص لآية اللي كانت دموعها نازلة بصمت راح وخدها في حضنه: وحشتيني أوي أوي يا روحي. آية بدموع: كنت حاسة إنك عايش مستحيل نزار يسيب آيته صح. نزار باس دماغها بحب: صح يا قلب نزار وكمان ابننا معقول كنت أسيبكم. حضنها بحب ومحمد بص لهم بحزن… محمد نزل شقته. آية باستغراب: هو ليه أبوك قال كده عني. نزار بجمود: سيبه دلوقتي أنا هعرف ليه عمل كده تعالي ندخل نرتاح.

خدها وقعدها ع السرير: بصي ياستي أنا لما عرفت الحقيقة ونزلت خدت عربيتي وأنا ماشي لاقيت واحد مرمي ع الأرض نزلت أشوفه حد ضربني ع دماغي مفوقتش غير على إيد ياسين وهو بيشدني من العربية قبل ما تقع من ع الجبل. آية بصدمة: كان هيوقعك من ع الجبل. نزار دمعة نزلت منه: آه ومش بس كده عمل عملية تجميل لواحد ميت وغير له وشه خلاه زيي عشان يثبت إني متقدم الكل. آية بدموع: ياسين أنا طردته.

نزار بابتسامة: قالي مكنتش حابب أظهر دلوقتي بس لولا إني خوفت عليكي أكتر ظهرت وكتر ألف خيره ع وقفته جنبك ف المستشفى. آية باستغراب: هو أنت اللي خدتني المستشفى ولا هو. نزار بحنان: أنا يا روحي. آية ابتسمت بحب: حسبي الله ونعم الوكيل هو دلوقتي هيتحاسب. نزار نام ع رجليها: بس مش عاوز نفتح الموضوع ده تاني خلاص أنا تعبان عاوز أرتاح ف حضنك. آية بحب: وأنا كمان. خدها في حضنه وناموا ف صمت… عند محمد.

محمد كان قاعد ع الكرسي وبيفتكر عياله وهم صغيرين ودموعه نازلة: أكتر حاجة تكسر الأب إنه عياله يعملوا كده ف بعض طب أعمل إيه أنا دلوقتي ليه يا طارق بسببك كنت هدبس آية ف مصيبة أنا غبي إني قولت كده وهي ملهاش ذنب بس أنا أب برضه.. اتنهد بحزن وقام غير هدومه ونزل راح المستشفى.. بعد مرور تلات أيام. طارق كان محبوس وكر**هه بيزيد أكتر ليهم كلهم… سهير خرجت ونزار قرر ينسى ويعيشوا ف هدوء….

يارا بتخطط إزاي ترجع لنزار وإنه كدبتها إنها حامل ملهاش لازمة وجابت هكر مسح كل اللي نزل عنها وعرف مين السبب وتوعدت ليها…. ف يوم ما…. آية كانت بتطبخ دخل حضنها من ضهرها ومسك إيديها يقطع السلطة معاها وقال بهمس: وحشاني. آية بإبتسامة: مانا معاك طول الوقت. نزار لفها له: وانتي معايا بتوحشيني ها عاملة لنا إيه بقا والنونو أخباره إيه. آية: الحمد لله كويس وعاملة مكرونة وبانيه. نزار بهدوء: ماشي أنا نازل عند ماما. آية بحنان: ماشي.

نزل نزار لاقي أبوه قاعد ومعاه ست وما وجنبها بنت وسهير بتبص لهم بغيظ. نزار بابتسامة: أهلاً وسهلاً الظاهر عندنا ضيوف. الست راحت عليه جري حضنته وهو مستغرب بعدها عنه: أنت ابني نزار صح أنا أمك قمر وحشتني ياضنايا من زمان بدور عليك. نزار ببرود: اممم تمم وبعدين. تمارا راحت عندهم: أنت ابن خالتي قمر أنا تمارا بنت خالتك واسكت يا نزار أمك كانت هتموت عليك والله ومصدقت تلاقيك. محمد بهدوء: اتفضلوا اقعدوا نتكلم.

نزار بخنقة: أنا مش عاوز أتكلم ع حد هي مش بعتاني وخدت التمن خلاص أنا مليش أم غير سهير. سهير ابتسمت بحزن. قمر بدموع: ليه كده يا بني. نزار بزعيق: يوووه إيه اللي ليه أنا مش عاوزك ياستي خلاص بقى. خرج ورزع الباب. قمر بغيظ: أنت السبب أنت اللي خدته مني. محمد بهدوء: انتي اللي مصدقتي رميتيه. سهير بتتكلم: خلاص اتفضلوا ف أوضة الضيوف وأنا هتكلم معاه. محمد بصدمة: بس يا سهير. سهير بجمود: خلاص لو سمحتوا.

قمر راحت معاها أوضة الضيوف وسابتهم وخرجت. تمارا بسعادة: ابنك حلو أوي يا خالتي. قمر بحزن: يارب يسامحني أنا غلطت لما سيبته. تمارا بفرحة: هيسامحك متقلقيش. عند محمد. سهير: أنت اللي عرفتهم مكاننا يبقي متزعلش لما يقعدوا معانا أنتِ ناسى إنها لسه مراتك. محمد بتوتر: أنا طلقتها. سهير بسخرية: كدب. محمد بهدوء: يا سهير اسمعيني أنا… سهير مقاطعه: خلاص لو سمحت كفاية. سابته وخرجت. بليل.

آية كانت خارجة من الحمام لاقت نزار واقف ف الصالة وشهقت بذهول لما لاقت يارا قاعدة جنبه: إيه اللي جابها هنا. يارا ببرود: إيه يا يويو مش ترحبي بخطيبة جوزك حلو أنا ونزار اتخطبنا. آية بصدمة: نعمممممم. نزار ببرود: آه مش هسيبها تتشرد وخلاص هي اتعدلت ف هترجع تعيش معانا وهتجوزها. آية….. عند طارق. المحامي: أنا عملت اللي عليا مفيش بإيدي حاجة تانية. طارق بشر: لا ف أنا عاوزهم كلهم يموتوا ازرع القنبلة ف العمارة كلها.

المحامي بخبث: طب بدل اللفة دي كلها أنا هجيب لك نزار بمخدرات لحد عندك متلبس. طارق بشر: ماشي وعاوزك تقتل محمد وسهير ويارا وآية تحطوها ف المخزن وأنا ههرب وهتصرف معاها. المحامي بخبث: تمم.