رواية بائعة الخضار الفصل الثالث والعشرون 23 - بقلم محمد طه

المعلم يا باشا ما نسيتش.. بس أنا عملت لحضرتك خدمة زمان.. وبسببها خسرت مراتي أم بنتي.. واللي أنا فيه ده كان المقابل رضوان اسمع يا كامل.. أنا جاي آخد ابني من مستشفى عندك.. يعني قدامك وقت لحد ما أوصل.. تجيبلي فيه العيال اللي اتعرضت لابني المعلم بغضب ما كنا تبنا وبعدنا عن سكة العوء.. يلا يا أبو حجاج.. أقلع توب المعلم.. وألبس توب البلطجة وقلة الأدب..

(يتصل بجميع البلطجية اللي يعرفهم عشان يشوف مين فيهم اللي اتعرض لابن الباشا) بيت المعلم رضا المعلمة بغضب إيه يا إلهام.. هنبتديها لعب ولا إيه.. قفلتي الدكان ليه إلهام الله يسامحك يا معلمة.. بس والله حضرتك السبب.. لأن حضرتك اللي جايبالي بضاعة قليلة.. البضاعة كلها خلصت يا معلمة المعلمة باستغراب البضاعة خلصت.. خلصت إزاي.. دا مفيش يوم البضاعة خلصت فيه لبنى والله أنا كمان يا رضا ما مصدقة إلهام اتفضلي يا معلمة الإيراد

المعلمة كام دول إلهام والله ما أعرف يا معلمة.. بس لو عايزاني أعدهم.. أعدهملك المعلمة هوا انتي ما عديتهمش إلهام دا رزقك يا معلمة.. ما ينفعش أعده.. وبعد إذن حضرتك من بكرة إن شاء الله.. زودي البضاعة شويتين تلاتة المعلمة لأ إحنا بكرة عندنا مشوار مهم (وتبص ل لبنى) اتصلي بالمقر خليهم ما يعملوش حسابي في بضاعة بكرة إلهام بابتسامة مشوار فين يا معلمة.. هتسلمينا للحكومة تاني ولا إيه المعلمة بابتسامة

هوا المشوار عند الحكومة.. بس ما تقلقوش.. قوليلي يا إلهام.. هوا ليه ما فكرتيش تعملي ورق لمازن وتقبضي له معاش إلهام بتردد والله يا معلمة أنا ما كنت أعرف إن ممكن أقبض له معاش (والمعلمة بدأت تحس إن إلهام قلقانة من حاجة) المعلمة إن شاء الله بكرة هنروح نطلعلكم بطايق.. وهكلم المحامي عشان يخلصلكم نقل ملكية بيت الحاج طاهر.. ونسأله على الأوراق المطلوبة بخصوص معاش مازن إلهام وشها بدأ يتغير ماشي يا معلمة

المعلمة بتجاهل لتعبيرات وش إلهام هوا انتو منين يا إلهام إلهام بقلق من المنيا يا معلمة المعلمة بجدية ما تخافيش مني يا إلهام.. أنا حاسة إنك مخبية حاجة.. وأنا مش هجبرك ع الكلام.. لو حسيتي إنك عايزة تتكلمي.. هتلاقيني.. وعلى يدك أنا لحد دلوقتي مقصرتش معاكي في حاجة في المستشفى (رضوان الصباغ وصل المستشفى وكان معاه رجالة ملهومش عدد.. وكان جايب معاه عربية إسعاف مجهزة على أعلى مستوى مع فريق طبي كامل)

(ورجالة رضوان انتشروا في المستشفى وكأنها الحرب قامت.. وإدارة المستشفى أخدوا رضوان ووصلوه على غرفة نهاد اللي كانت متواضعة جدا.. وأول ما رضوان دخل عند نهاد.. جري عليه وأخده في حضنه) (وبعدين رضوان طلب من الفريق الطبي اللي جايبه معاه إنهم يكشفوا على نهاد ويفحصوه ويقدموا له تقرير مفصل عن حالته) (وفي الوقت ده الممرضة اتصلت بالمعلمة رضا تبلغها الأحداث اللي بتحصل) الممرضة أيوه يا حاجة.. أنا رحاب الممرضة المعلمة

خير يا رحاب.. فيه حاجة حصلت الممرضة الأستاذ اللي في غرفة 103.. اللي حضرتك قولتي لنا ناخد بالنا منه.. طلع ابن باشا كبير أوي المعلمة باستفهام ابن باشا كبير إزاي.. وإنتي عرفتي منين الممرضة ابوه الباشا موجود هنا في المستشفى.. ومعاه رجالة كتير.. وجايب معاه إسعاف وفريق طبي وشكلهم كده هياخدوه معاهم.. وسمعت إن أبوه الباشا.. أول ما دخل المستشفى.. دخل على الحسابات.. ودفع لهم نص مليون جنيه المعلمة

طيب خلاص اقفلي يا رحاب.. وقولي لزمايلك محدش يجيب سيرتي بأي حاجة (وتقفل معاها) المعلمة في سرها ابن باشا كبير.. هوا كان باين عليه ابن باشا.. طيب إيه.. أقوم أروح أشوفه.. لأ يا رضا.. انتي عملتي اللي عليكي وبزيادة كمان.. بدل ما خيرا تعمل شرا تلقي (وبعد تفكير كتير والفضول بدأ يراودها قررت إنها تروح المستشفى) في المستشفى (المعلمة وصلت المستشفى.. وقبل ما تنزل من التاكسي.. تتفاجأ بدخول المعلم كامل أبو حجاج المستشفى)

المعلمة باستغراب إيه اللي جاب كامل هنا (ونزلت المعلمة من التاكسي ودخلت ورا المعلم كامل وفضلت مراقباه من غير ما ياخد باله منها.. لحد ما دخل غرفة نهاد) المعلمة بصدمة كامل يعرف نهاد منين.. مصيبة ليكون نهاد ابن كامل.. طب إمتي وإزاي من داخل غرفة نهاد المعلم ألف حمد الله على سلامة الباشا الصغير رضوان الله يسلمك يا كامل (وياخده رضوان ويدخلوا في بلكونة الغرفة عشان محدش يسمعهم) رضوان بصوت واطي عملت إيه يا كامل المعلم

يا باشا أنا جمعت كل العيال البلطجية اللي في المحافظة دي.. وحتى اللي اعتزلوا وتابوا جبتهم.. وحجزتهم كلهم في هنجر.. مش فاضل غير إن الباشا الصغير ييجي ويتعرف على اللي عمل فيه كده رضوان تمام يا معلم (ويدخل رضوان عند نهاد.. ويطلع كل اللي في الغرفة بره.. ويقول لنهاد اللي المعلم كامل قاله له) نهاد برفض

لأ يا حاج.. العيال دي مش من هنا.. العيال دي جايه ورايا من عندنا.. لأن العربية اللي قطعت عليا الطريق نمرها مش نمر المحافظة دي.. نمرها نمر محافظتنا رضوان دا اكيد تمويه.. دول بلطجية.. يعني أكيد مغيرين نمر العربية.. إحنا هنخرج من هنا على هنجر المعلم كامل.. وأنته أكيد عارف وشوشهم نهاد حافظهم يا حاج.. وأطلعهم من وسط مليون واحد (وخرجوا كلهم من الغرفة وبدأوا يتحركوا من المستشفى على هنجر المعلم كامل أبو حجاج)

(والمعلمة أول ما شافت رضوان الصباغ افتكرته.. رغم إن عدى عشرين سنة من لما كان جوزها كامل أبو حجاج شغال عنده) (وبسرعة المعلمة وقفت تاكسي وطلعت وراهم.. وفي نص الطريق أفراد الأمن لاحظوا إن فيه تاكسي ماشي وراهم من لحظة ما خرجوا من المستشفى.. ف قائد فريق الأمن أمر ب..................