رواية بداية جديدة الفصل الثاني 2 - بقلم اميرة محمد

صحيت و صلت وفضلت أدعي ربنا يريح قلبها. وبعدين نزلت. سهام: أميرة راحة فين يا حبيبتي؟ أميرة بابتسامة: راحة الكلية يا أمي. سهام: طب استني مالك وأمير. أميرة: لا يا حبيبتي حابة أروح لوحدي. سهام: متأكدة إنك كويسة؟ طب تعالي افطري طيب. أميرة باست رأسها: مليش نفس يا أمي معلش. وبعدين مشيت. في الكلية. دنيا: إيه اللي نزلك وأنتي تعبانة؟ أميرة بخنقة: مخنوقة يا دنيا، مخنوقة أوي.

دنيا حضنتها: طب يلا يا حبيبتي، عندنا محاضرة لدكتور جاي جديد من بره، بس العيال بيقولوا مز. أميرة ضحكت غصب عنها: هقول لأحمد على فكرة. دنيا: لا يا ستي خلاص، سكت. أميرة ضحكت، وبعدين دخلوا المحاضرة. دنيا: هو من أولها كدا يتأخر؟ أميرة كانت سرحانة ومش مركزة مع حد. دنيا: أميييييرة! أميرة بخضة: إيه يا زفت؟ دنيا: عمالة بتكلم معاكي وإنتي ولا هنا. أميرة: معلش يا حبيبتي. بعد شوية الدكتور جه.

يوسف: أحب أعرفكم عن نفسي، أنا الدكتور يوسف، كنت بدرس في أمريكا بس نزلت مصر وقلت بلدي أولى. بيا أنا عندي 26 سنة، يعني أكبر منكم بحوالي 5 أو 6 سنين. أي حد حابب يتكلم معايا في حاجة، أي حد عاوزني أشرح حاجة، أنا تحت أمركم. يلا نبدأ. دنيا بهمس: طلع مززز يا بت. أميرة ضحكت على صاحبتها. بعد شوية أمير دخل المحاضرة. أمير بنهجان: معلش يا دكتور، والله كان غصب عني أتأخر. يوسف بعصبية: لا مفيش دخول، ويلا بعد إذنك عشان أكمل.

أميرة قامت بعصبية: إيه في إيه يا دكتور؟ هو قال لحضرتك إن كان غصب عنه، إيه اللي حصل يعني؟ يوسف بص لمصدر الصوت، لقاها بنت جميلة بس ملامحها باهتة خالص، بس قال بعصبية أكتر: اتفضلوا إنتوا الاتنين برا، وتيجوا على مكتبي بعد المحاضرة. أميرة مشيت مع أمير. أمير: عملتي كدا ليه؟ كان على الأقل واحد فينا حضر وشرح للتاني. أميرة: خلاص يا حبيبي، دنيا هتشرح لنا. أمير: طب تعالي عشان عاوز. أمير وأميرة راحوا الكافيه. أميرة: ها، في إيه؟

أمير بابتسامة: أصل أنا بحب وناوي إن شاء الله، لما مالك يخطب، هروح أخطبها. أميرة بفرح: الله بجد؟ مين مين؟ وهي عارفة؟ طب بتتكلموا؟ أمير: اهدي اهدي، إنتي بالعة راديو؟ أميرة: يستي منه السيوفي، وأه بنتكلم، وأنا قولتلها إن شاء الله أول ما أخويا يخطب، أو آخد رأيه ويوافق إني أخطب الأول، هروح لها. أميرة بفرحة لأخوها: ألف مبروك يا حبيبي مقدماً. طب أنا عاوزة أعرفها، هي في سنة كام؟

أمير: في سنة أولى. ثانية واحدة بترن. آه ياي، ياحبيبتي. منة بعياط: إنت فين يا أمير؟ تعالالي بسرعة. أمير قام من مكانه، وأميرة مشيت وراه. أمير: طب إنتي فين يا حبيبتي؟ منة بعياط: أنا قدام الكلية. أمير خرج هو وأميرة، لقوا منة واقفة بتعيط، وفي شاب بيشدها غصب عنها. أمير راح للشاب وضربة، وأميرة جريت على منة حضنتها.

حصل اشتباك بين الشاب وأمير، فالشاب كان معاه مطوة وضرب أمير في بطنه، وبعدين جري. الناس اتلمت وضربته، وأمير راح عند منة. أمير وهو حاطط إيده على بطنه والدم عمال ينزل: إنتي كويسة؟ منة بعياط: إنت، إنت بتنزف يا أمير. أميرة رنت على مالك بسرعة، وجه و خدهم للمستشفى. أمير بوجع: أنا كويس يا منة، متقلقيش. منة: خلاص خلاص، متتكلميش ونبي، هتتعب أكتر. وبعدين دخل العمليات. منة قعدت في الأرض، وأميرة

راحت ناحيتها وحضنتها: هيبقا كويس يا حبيبتي، متقلقيش. منة هزت راسها. بعد شوية الدكتور خرج. منة جريت على الدكتور: هو كويس صح؟ الدكتور ضحك: إنتي منة صح؟ منة: أيوا. الدكتور: طول ما هو في العمليات عمال ينادي يقول "منة، منة". إنتي كويسة؟ ربنا يخليكم لبعض يارب. حافظي عليه. منة بابتسامة: حاضر يا دكتور. الدكتور: هو الحمد لله كويسة، ممكن تدخلو تتطمنوا عليه، وليه شوية أدوية، حد ينزل يجبهالهم.

مالك خد الرشتة ونزل يجيب العلاج لأخوه، وأميرة ومنة دخلوا لأمير. أمير أول ما شاف منة: إنتي كويسة صح؟ منة بعياط وابتسامة: للدرجادي بتحبني؟ أمير بوجع: ده أنا لو أطول أجيبلك نجمة من السما كنت جبتلك. أنا بموت فيكي والله، وإن شاء الله هكلم مالك وأجي أتقدملك قريب يا حبيبتي. منة: إن شاء الله يا حبيبي. أمير بص على الباب، لقي أميرة واقفة وبتعيط. وهو فهم هي بتعيط ليه. أمير: تعالي يا حبيبتي، واقفة عندك ليه؟

أميرة مسحت دموعها: أنا هخرج أنا يا حبيبي عشان أشوف مالك وأسيبكم لوحدكم شوية. وخرجت قبل ما أميرة يعترض. منة: هي مالها يا أمير؟ أمير: أميرة أختي، شافت كتير في حياتها. منة: إن شاء الله يا حبيبي، ربنا يعوضها خير. أمير: إن شاء الله. في الكلية. طالب: أستاذ يوسف. يوسف: نعم؟ طالب: في واحد اتهجم على أخت حضرتك، بس في واحد جه وأنقذها، بس اتضرب بالمطوة في بطنه. واخت حضرتك راحت معاها هيا واخت الولد ده، وباين أخوهم الكبير.

يوسف بقلق على أخته: طب تعرف الناس دي؟ وراحوا على أنهي مستشفى؟ طالب: أيوا. يوسف خد الراجل وجري على المستشفى. بعد شوية وصل وعرف رقم الأوضة وراح. يوسف: منة، إنتي كويسة يا حبيبتي؟ منة جريت على يوسف وعيطت. منة: لو مكنش أمير، كنت زماني... يوسف حضنها جامد: خلاص يا حبيبتي، اهدي، اهدي. وراح عشان يشوف أمير. يوسف بصدمة: إنت؟ منة: إنت تعرفها؟ يوسف: ياااه، سبحان الله، سبحان الله. منة: في إيه؟ إيه اللي حصل؟

يوسف: أمير كان جاي متأخر وأنا مرضتش أدخله المحاضرة. شوفتي ربنا عمل إيه عشان ميحصلكيش حاجة؟ وشكراً ليك يا أمير، شكراً جداً ليك. أمير بتعب: الشكر لله، وده واجبي نحو مراتي المستقبلية إن شاء الله. بس أخف وأجي على طول أتقدملها. يوسف بابتسامة: تنور إن شاء الله. أميرة دخلت: يلا يا أمير عشان تاكل وتاخد العلاج. وبعدين بصت لقت يوسف. أميرة بعصبية: إيه اللي جاب الـ... ده؟ منة: احم احم، الـ... ده يبقى أخويااااا.

أميرة بصدمة: أخوكي الـ... ده اللي مش بيفهم ده، أخوكي؟ يوسف بعصبية: أنا سكت كتير، هتفضلي تغلطي كدا؟ مش هسمحلك. مالك: أميرة لمي نفسك. أمير: مينفعش يا أميرة، ده الدكتور بتاعنا. أميرة بصتلهم كلهم، وبعدين مشيت. وهي ماشية عمالة تبرطم بالكلام ومش واخدة بالها، خبطت في شخص. أميرة بصدمة: عبد الكريم؟؟؟ ياترى رد فعل عبد الكريم إيه؟ وإيه اللي هيحصل تاني لأميرة؟