تحميل رواية «بداية جديدة» PDF

اميره اغمي عليها، الكل اتخض. ياسر مسك تلفونه لقي امير ال بيتكلم.

ياسر: إيه اللي حصل يا أمير؟

أمير: أمي توفت.

ياسر بصدمة: لا إله إلا الله. البقاء لله يا حبيبي.

أمير: والدوام لله.

بعد شوية.

كريمة: مش راضية تفوق، هنعمل إيه؟

ياسر شالها وداها المستشفى.

بوسي رنت على مالك.

مالك: إيه يا قمر؟

عرفت إنه لسه معرفش.

بوسي: مالك، خد إجازة وانزل وهات مهاب معاك.

مالك باستغراب: ليه؟ في إيه؟ أميرة تعبانة؟

مهاب: أميرة مالها؟

مالك: استنى بس، في إيه يا بوسي؟

بوسي بعياط: طنط سهام ماتت.

مالك بصدمة: إيههههههههههههههه؟ انتي أكيد بتهزري، صح؟

مهاب بقلق: في إيه يا مالك؟

مالك بدموع: أمي، أمي ماتت. آآآآآآه.

مهاب حضنه وحاول يهديه. مهاب خد التلفون.

مهاب بقلق على أميرة: أميرة فين يا بوسي؟

بوسي: أميرة اغمي عليها ومش راضية تفوق، ودوها المستشفى.

مهاب بحزن: طب خليكي جنبها وأنا هنزل أنا ومالك.

بوسي: حاضر.

وقفلو مع بعض.

بليل كان مهاب ومالك نزلوا وروحوا البيت. مالك راح البيت بعد ما دفن أمه، ومهاب راح لأميرة المستشفى اللي لسه مفاقتش.

بعد شوية أميرة فاقت، بس مكنتش بتتكلم مع حد ولا كانت بتعيط بصوت. كانت دموعها نازلة وخلاص. مهاب حزن على شكلها وعلى زعلها.

سيف راح قعد جنبها: يا حبيبتي، ماما ارتاحت. والله ماما جت في الآخر كده وتعبت جامد. لو كنتي شوفتيها كنتي هتتمني لها الموت من الوجع بتاعها.

أميرة فضلت تعيط برضه ومردتش عليه.

كريمة: هتفضلي يا حبيبتي ساكتة كده؟

مهاب حضنها وفضل يعيط على حالتها.

محمد: اهدى يا ابني، إن شاء الله خير وهتبقى كويسة. متقلقش.

مهاب بحزن: إن شاء الله يا بابا.

دنيا دخلت هي وأحمد: البقاء لله يا حبيبتي.

أميرة بصتلها ودنيا فهمت هي عايزة إيه. راحت جنبها وحضنتها، وأميرة فضلت تعيط جامد ودنيا بتواسيها.

أحمد لمهاب: البقاء لله.

مهاب بحزن: الدوام لله.

اليوم التاني.

أمير ومالك جم علشان أميرة.

أمير: يا حبيبتي، اتكلمي معانا.

مالك باس راسها ومسك إيديها: علشان خاطر ماما، بطلي عياط واتكلمي يا حبيبتي.

أميرة فضلت تعيط.

منه: على فكرة، زمان ماما سهام شايفاكي وزعلانة منك جامد.

مهاب كان قاعد برا، حزن على حبيبته.

محمد أبو مهاب قعد جنبه: معلش يا حبيبي، هي برضه صدمة ليها. ولازم إنت تبقى أقوى من كده عشانها.

مهاب مسح دموعه وابتسم وقام راح ليها.

مهاب بابتسامة: يا جماعة، سيبوها براحتها.

مالك: مينفعش يا مهاب، لازم تتكلم معانا.

مهاب: أنا هتصرف معاها، متقلقش.

الكل خرج وسابها.

بعد مرور أسبوع، أميرة لسه زي ما هي. ومهاب خلاص إجازته خلصت وهيسافر. ودنيا بقت حامل.

مهاب: علشان خاطري يا أميرة، اتكلمي.

أميرة كانت سرحانة.

مهاب: أميرة.

أميرة حاولت تتكلم واتكلمت: نعم.

مهاب مخدش باله: سرحانة ف... إيه ده؟ إنتي اتكلمتي صح؟

أميرة بابتسامة: آه يا حبيبي.

مهاب حضنها جامد: وحشني صوتك أوي يا نور عيني.

أميرة بعياط: ماما وحشتني أوي يا مهاب، وحشتيني.

مهاب: يا حبيبتي، أكيد هي في مكان أحلى. والله ادعيلها بس.

أميرة: ربنا يرحمها.

مهاب: يارب يا حبيبتي. وبعدين ناموا.

الصبح.

مهاب وأميرة نزلوا.

مهاب بفرح: في مفاجأة.

أميرة بابتسامة: إزيكم؟

كريمة بفرحة: الحمد لله على سلامتك يا حبيبتي.

بوسي: يا عم، أخيراً سمعنا صوتك.

ياسر: مبروك يا بيروووو.

محمد: الحمد لله على سلامتك يا بنتي.

أميرة بابتسامة: الله يسلمكم كلكم. هروح أعملكم فطار.

كريمة: لا لا، ارتاحي انتي يا حبيبتي.

أميرة: لا يا ماما، مش هينفع. وبعدين دخلت المطبخ.

بعد شوية خلصوا الفطار وحطوه على السفرة وقعدوا ياكلوا. وبعدين الباب خبط.

مهاب: مين هيجي دلوقتي؟

وقام يفتح.

سمر بتمثل إنها بتعيط وجريت على حضن مهاب.

مهاب بص لأميرة لقاها بتبصله جامد إنه هو يبعد عنها، بس هو للأسف مفهمش كده.

مهاب: إيه يا سمر؟ في إيه؟

سمر بكذب: ماما عايزة تجوزني غصب عني يا مهاب، وأنا سبتلها البيت وجيت أقعد معاكم هنا.

كريمة: إزاي تعمل كده؟

سمر بكذب: أهو يا خالتو، عايزة تجوزني لواحد قد أبويا، فا أنا هربت وسبتلها البيت.

محمد: طب تعالي يا بنتي افطري.

سمر سابت الشنط وراحت قعدت جنب مهاب من الناحية التاني.

أميرة قامت: عن إذنكم.

مهاب: بس إنتي مكلتيش.

أميرة: شبعت الحمد لله.

وطلعت فوق.

مهاب قام وطلع وراها.

لقى أميرة في أوضة النوم.

مهاب: مكلتيش ليه؟

أميرة ببرود: كلت الحمد لله.

مهاب: لا، أنا مشوفتش إنك كلتي.

أميرة ببرود: روح اسأل السنيورة بتاعتك هي كلت ولا لأ.

مهاب: السنيورة بتاعتي؟ هو فيه إيه يا أميرة؟

أميرة بعصبية: معرفش يا مهاب، شوف إنت... حضنت مين؟

مهاب بعصبية: أنا محضنتش حد يا أميرة، وبطلي أم الهبل اللي في دماغك ده. وبعدين دي بنت خااالتي عادي يعني.

أميرة بدموع: هبل دلوقتي، هبل. وطيب، بنت خالتك وعادي. طيب تمام يا مهاب، أنا راحة عند أخواتي. لما ترجع لعقلك ابقى كلمني.

ومشت.

كريمة: في إيه يا بنتي؟

أميرة بعياط: مفيش يا ماما، أنا راحة لأخواتي شوية.

كريمة: لا، فيه. إنتي اتخانقتي إنتي ومهاب.

أميرة عيطت وسكتت.

مهاب نزل لقاها بتعيط.

مهاب: أنا آسف.

أميرة مسحت دموعها: ولا آسف ولا مش آسف. أنا راحة عند أخواتي.

ومشت وسابته.

كريمة: في إيه يا مهاب؟ مالك يا ابني؟

مهاب حط إيده على راسه: مش عارف يا أمي، تعبان أوي.

كريمة: أول مرة تتخانق مع أميرة كده.

مهاب: مش عارف يا أمي، بس أنا تعبان، تعبان أوي.

كريمة: طب ارتاح يا حبيبي، إنت هتسافر بكرة.

مهاب: لا، لازم أروح لها، أ صالحها.

كريمة: ماشي يا حبيبي، روح ربنا يهدي سركم.

مهاب باس دماغ أمه وبعدين مشي.

أمير: طب فهميني إيه اللي حصل طيب؟

أميرة: مفيش يا أميرة، مفيش. سيبوني لوحدي.

مالك: مهاب زعلك؟

أميرة: لا، مهاب ده مفيش أطيب منه ولا أحن منه.

سيف: طب، أمال في إيه؟

أميرة: لا إله إلا الله، يعني جيت أقعد معاكم شوية تقولوا فيه حاجة.

مالك: يعني إنتي كويسة؟

أميرة: آه يا حبيبي.

بعدين الباب خبط.

مالك: تعالى يا عم.

مهاب: فين أميرة؟

مالك: هو في حاجة حصلت بينكم؟

مهاب: إيه...

أميرة قطعت كلامه: إيه يا حبيبي؟ مش كنت بتقول إنك تعبان ومش هتقدر تيجي؟

مهاب استغرب بس فهم قصدها: آه، بس قلت لازم أجملكم.

أميرة: طب تعالى يا حبيبي، ادخل.

مهاب دخل ومالك دخل الأول.

مهاب مسك إيد أميرة، بس أميرة سابتها.

وبعدين دخلوا.

مهاب: إزيكم يا شباب؟

أمير وسيف: الله يسلمك يا عم.

أميرة: عن إذنكم، تعبانة شوية، هدخل أريح.

مالك: ماشي يا حبيبتي.

أميرة دخلت.

أمير: ممكن أعرف فيه إيه؟

مهاب: مفيش حاجة.

مالك: مهاب، إنت صاحبى وأميرة أختي، يعني فاهمكم أكتر من نفسي.

مهاب: زعقنا قصاد بعض.

أمير: لييييي؟

مهاب حكالهم كل حاجة.

مالك: طول عمرك غبي.

مهاب: هو أنا عملت إيه يعني؟

أمير: المفروض بنت خالتك جت، حضنتك تزقها بعيد عنك. وأميرة مبتحبش حد يزعقلها، لو كانت حتى هي اللي غلطانة.

مهاب: والله، أما أنا معرفش مالي. يا أمير، أنا تعبان ومخنوق أوي.

مالك: طب ادخل صالح مراتك يا مهاب.

مهاب قام وخبط على الباب. أميرة فتحت الباب وكانت بتعيط.

مهاب دخل وبعدين حضنها جامد: متعرفيش أنا محتاج لحضنك ده قد إيه. أنا معرفش مالي، أنا تعبان أوي ومخنوق. حقك عليا، أنا آسف والله، متزعليش مني. وباس دماغها.

أميرة بدموع: خلصت؟

مهاب: يا أميرة، بلاش الأسلوب ده.

أميرة: مهاب، سيبني هنا يا مهاب لحد ما تروح وترجع بالسلامة.

مهاب: يا أميرة، بس...

أميرة: معلش يا مهاب.

مهاب بيأس: ماشي يا أميرة. وباس دماغها ومشي.

مالك: عملت إيه؟

مهاب بص له ومشي من غير ما يتكلم.

مالك دخل لأميرة.

مالك: أميرة، في إيه؟ ومروحتش مع جوزك ليه؟

أميرة: مش عايزة أروح.

مالك: المفروض إن جوزك مسافر، المفروض تكوني معاه.

أميرة: سيبني يا مالك دلوقتي.

مالك: أميرة، متخلنيش أتعصب عليكي.

أميرة: وأنا مش هروح، وال ما تتسمى دي هناك.

مالك: وإنتي مالك بيها يا أميرة؟

أميرة بعياط: يعني لما تقرب من جوزي وأنا مش قادرة أتكلم معاها وبكتم جوايا، يبقى أعمل إيه؟ ولما أقوله يقولي عادي، بنت خااالتي. وشوية شوية هيقولوا هنجوزهاله عشان أمها متغصبش عليها حاجة. عايزاني أقعد ساااكتة؟

مالك حضنها: ليكي الحق يا حبيبتي تمسكها، ترنيها علقة عشان جوزك وملكش دعوة بأي حد. يلا يا حبيبتي روحي صالحي جوزك وقضوا يوم حلو، لأن ممكن منجيش دلوقتي يا حبيبتي.

أميرة مسحت دموعها: حاضر يا حبيبي.

بعد شوية أميرة مشيت راحت.

كريمة: أهلاً أهلاً، البيت نور والله.

أميرة: بنورك يا أمي. أمال فين مهاب؟

بوسي: فوق يا حبيبتي.

أميرة: والبت الشعنونة اللي هنا؟

بوسي بضحك: خرجت يا حبيبتي.

أميرة: ماشي يا حبيبتي.

وطلعت. جت تفتح الباب، مفتحش. استغربت، خبطت على الباب، فضلت تنادي.

ياسر من تحت: في إيه يا أميرة؟

أميرة بقلق: مهاب مش بيرد يا ياسر، تعالى اكسر الباب بسرعة.

ياسر طلع هو وبوسي وكريمة ومحمد.

ياسر فضل يزق في الباب لحد ما فتح. أميرة فضلت تدور على مهاب لحد ما دخلت أوضة النوم وانصدمت.

أميرة بصدمة: مهااااااااااب!

الكل دخل وانصدم من اللي شافه.

كان مهاب نايم مع سمر. وصحي على صوت أميرة، بس أميرة أغمي عليها.

بوسي بصدمة: مكنتش أتوقع منك كده أبداً يا مهاب.

مهاب: يا بوسي، صدقيني أنا معرفش إيه اللي حصل.

محمد ضربه بالقلم: إنت من بعد اللحظة دي، ولا ابني ولا أعرفك.

وخدوا أميرة ونزلوا.

فضلوا يفوقوا في أميرة لحد ما فاقت.

أميرة: أنا كنت بحلم، صح؟ قولوا إن هو كان حلم.

بوسي قعدت جنبها وحضنتها: والله لنجيب لك حقك يا حبيبتي.

كريمة: معلش يا روح قلبي، حقك عليا أنا.

أميرة ببرود: لا، سيبوه. محدش ليه دعوة بيه.

وجت تقوم.

بوسي: راحة فين يا حبيبتي؟

أميرة: طالعة.

ياسر: إنتي كويسة؟

أميرة: آه.

وطلعت. لقت مهاب قاعد في الصالة وحاطط إيده على راسه وبيعيط.

أميرة قعدت جنبه وحطت إيدها على ضهره. مهاب اتفاجئ بيها.

أميرة بعياط: ممكن تخدني في حضنك؟

مهاب استغرب، بس حضنها وفضل حضنها لحد ما نامت.

بليل أميرة صحيت، لقيته نايم وحضنها، وعلى وشه أثر العياط والزعل. أميرة جت تقوم، لقيته صحي.

مهاب: مالك يا حبيبتي؟

أميرة ببرود: مفيش. قامت من جنبه عشان تحضر له الشنط.

مهاب دخل، لقيها بتحضر له الشنط.

مهاب قعد على السرير وبصلها.

مهاب: أميرة.

أميرة وهي بتحضر الشنطة: نعم.

مهاب: إنتي مصدقة اللي حصل ده؟

أميرة: لا.

مهاب: أمال إنتي مش بتتكلمي ليه؟ ساكتة كده؟

أميرة بابتسامة: أتكلم أقول إيه؟

مهاب قام وحضنها جامد وعيط: يا أميرة، أنا بحبك وإنتي عارفة كده. وعارفة إني عمري ما أخونك لو إيه حصل. ده أنا كنت بطلبك من ربنا كل يوم وكل ليلة. هاجي أخونك بعد ما بقيتي معايا؟ أنا عمري ما أفرط فيكي يا حبيبتي، ده إنتي روحي وكل حاجة ليا. مقدرش أستغنى عنك يا حبيبت عمري وأيامي. بحبك أوي ومقدرش أستغنى عنك يا حبيبتي. أنا آسف يا حبيبتي، حقك على عيني يا نور عيني.

أميرة عيطت: أنا لما شوفتك إنت وهي، مقدرتش أستحمل. والله حسيت إن روحي بتتسحب. أنا بحبك أوي.

مهاب مسح دموعه ودموعها وقال بخبث: طب ما تيجي أقولك كلمة سر.

أميرة بضحك: يعم روح نام شوية عشان هتسافر الصبح.

مهاب: تعالي بس.

(وتسكت شهرزاد عن الكلام اللي غير مباح)

الصبح.

مهاب: خلي بالك من نفسك يا حبيبتي.

أميرة: حاضر يا حبيبي.

وباس دمغها ومشي.

وبعدين نزل تحت عشان يسلم عليهم.

جه يسلم على أمه، مردتش. ولا حد رضي يسلم عليه.

أميرة من وراهم: ماما، بابا، مهاب ملهوش دعوة بأي حاجة، وأنا هربي اللي كانت السبب.

مهاب: يا حبيبتي، مش عايزين مشاكل. سيبها لحد ما أجي.

أميرة: متقلقش يا حبيبي.

مهاب باس راسها وسلم على الكل ومشي.

كريمة: يلا يا حبيبتي نفطر.

أميرة: أمال فين الأبلة بنت اختك؟

كريمة: مشيتها يا حبيبتي، خلتها تمشي.

أميرة: ماشي يا حبيبتي.

ودخلوا جهزوا الفطار.

بعد مرور شهر.

أميرة بحزن: برضو لأ يا ماما.

كريمة: متزعليش يا حبيبتي، إن شاء الله خير.

أميرة بزعل: إن شاء الله.

مهاب من وراهم: السلام عليكم.

أميرة دارت حزنها: وعليكم السلام ورحمة الله وبركاته يا حبيبي. الحمد لله على سلامتك.

مهاب حضنها وباس راسها: الله يسلمك يا حبيبي.

مهاب سلم على أمه وطلع هو وأميرة.

مهاب: إيه يا حبيبتي؟ هتنزلي الكلية امتى؟

أميرة مكنتش مركزة معاه.

مهاب: حبيبتي.

أميرة: إيه يا حبيبي؟ بتقول حاجة؟

مهاب: لا، إنتي مش معايا خالص. مالك يا حبيبتي؟

أميرة بتردد: عاوزين ننزل نكشف.

مهاب باستغراب: نكشف على إيه؟ إنتي تعبانة يا حبيبتي؟

أميرة: لا يا حبيبي، أنا كويسة، بس...

مهاب: بس إيه؟

أميرة بعياط: نفسي في عيل يا مهاااب.

مهاب: يا حبيبتي، إحنا متجوزين بقالنا كام شهر بس، لازم نصبر.

أميرة: يا حبيبي، بس...

مهاب: يا حبيبتي، اسمعي الكلام. وإن شاء الله خير.

أميرة: ماشي. وقامت مشيت.

مهاب راح وراها.

مهاب: يا حبيبتي، إنتي عندي بالدنيا كلها. مش عايز أنا أطفال دلوقتي. وقت ما ربنا يأذن يا حبيبتي.

أميرة: ماشي. ونزلت تحت.

تسريع الأحداث. بعد مرور خمس سنين، أميرة زهقت من إنها لسه محملتش لحد دلوقتي، ومهاب قاعد يصبر فيها. وكل يوم تقوله: "عايزين نكشف"، وهو بيصبرها. مهاب خلص جيش واتخرج منه. دنيا بقى معاها ولد وبنتين. منه وأمير اتجوزوا وخلفوا ولد. ومالك وبوسي اتجوزوا وجابوا بنتين. أميرة خلصت كلية وسيف فضله سنة ويخلص. وياسر خلص وهيخطب البت اللي بيحبها. وسمر اختفت، بس هتظهر تاني، متقلقوش. ولسه أحداث تانية كتير.

في العيادة.

الدكتور: بصوا، لازم يكون عندكم إيمان بالله. وربنا كبير. وأكيد مع العلاج ومرور الوقت هتخلفوا.

أميرة: في إيه يا دكتور؟

الدكتور: في إن واحد فيكم فيه عيب، عشان كده مش هينفع تخلفوا دلوقتي.

أميرة: طب والعيب في مين يا دكتور؟

الدكتور: في أستاذ مهاب.

مهاب بصدمة: إيهييييييي؟

أميرة بصدمة: أكيد بتهزر، صح؟

الدكتور: لا طبعاً مش بهزر، بس إن شاء الله مع العلاج هتخلفوا.

أميرة ومهاب مشيوا. بعد شوية روحوا. ومهاب طلع الشقة وهو حزين.

كريمة: هااا، الدكتور قال إيه؟ وماله مهاب؟

أميرة بحزن: قال إن مهاب فيه عيب.

كريمة: يا حبيبي، يبني. طب اطلعيله يا بنتي.

أميرة طلعت ليه. لقيته قاعد وسرحان.

أميرة قعدت جنبه: إنت عندي بالدنيا كلها. وبعدين إنت معوضني عن كل حاجة. مش عايزة حاجة تانية من الدنيا والله.

مهاب بعياط: بس إنتي كان نفسك في طفل صغير.

أميرة مسحت دموعه: وربنا ما أراد يبقى خلاص.

مهاب: أنا آسف يا حبيبتي، حقك عليا.

أميرة: طب خلاص بقى. وبعدين أنا عايزة أفسح، مليش دعوة.

مهاب بضحك: طب قومي البسي يا حبيبتي.

أميرة قامت عشان تلبس.

مهاب في نفسه: مش عارف لو كنتي عرفتي إن العيب فيكي كنتي عملتي إيه. أنا عارف إنك هتعرفي في يوم من الأيام، بس هسيبها للظروف.

بعد شوية مهاب خد أميرة ونزلوا يتفسحوا.

مهاب: مبسوطة يا حبيبتي؟

أميرة: آه يا حبيبي.

مهاب باس راسها: دايماً يا حبيبتي.

وقعدوا على البحر شوية.

بعد شوية.

: الله الله! ما الـ حبايب مجتمعة هنا اهو.

بصوا وراهم.

أميرة بصدمة: عبد الكريم؟

عبد الكريم: آه، مالك اتصدمتي؟

مهاب: عايز إيه؟ اخلص.

عبد الكريم: مش عايز حاجة، يعم بهزر معاكم. عايز أفتح معاكم صفحة جديدة. مراتي بتحبك يا أميرة، ونفسها تتصاحب عليكي، بس خايفة وكده.

أميرة بابتسامة: لا، هاتيها و هنتصاحب. إيه خدمة؟

عبد الكريم: يعني مسمحاني صح؟

أميرة هزت دمغها بـ أيوا.

عبد الكريم: ماشي تمام. اتفضل رقمي أهو يا مهاب، وهبقى أرن عليك نتفق ونخرج سوا.

مهاب: تمام. وخد الرقم. وعبد الكريم مشي.

مهاب: يلا يا حبيبتي.

أميرة: يلا.

وعدى اليوم بسلام.

تاني يوم.

مهاب: والله يا حبيبتي، طلبوني في الشغل، أعمل إيه؟

أميرة بزعل: ماشي يا حبيبي، خلي بالك من نفسك كويس.

مهاب باس دمغها وبعدين مشي.

بعد شوية حد دخل الشقة من البلكونة وفضل يتسحب لحد ما وصل لأوضة النوم. وراح ناحية أميرة وأداها منوم، وهي فضلت تقاوم بس معرفتش، لحد ما نامت. وشالوها ومشوا.

الصبح.

كريمة استغربت إن أميرة منزلتش، لأنها على طول بتنزل بدري. قالت تستنى شوية يمكن راح عليها نوم ولا حاجة. بعد الضهر.

كريمة: ياسر، قوم تعالي معايا نخبط على مرات أخوك.

ياسر: ليه؟ في حاجة؟

كريمة: منزلتش من الصبح.

ياسر: طب يلا.

وطلعوا. فضلو يخبطوا محدش فتح.

ياسر زق الباب لحد ما اتفتح. لقوا الشقة فاضية. دخلوا أوضة النوم، لقوها متبهدلة. فضلو يدوروا عليها في كل مكان، ملقوهاش.

نزلوا يبصوا في الكاميرات. لقوا في ناس شايلنها وحطوها في عربية من غير نمرة.

كريمة بصدمة: أميرة اتخطفت.

ياسر رن على مهاب بسرعة: إيه؟ مهاب، إنت فين؟

مهاب: في الطريق. في حد رن عليا امبارح قال إنهم عاوزيني في الشغل، وطلع مفيش حد عاوزني.

ياسر: طب تعالى بسرعة.

مهاب: ليه؟ في إيه؟ وبرن على أميرة مبتردش ليه؟

ياسر: أميرة اتخطفت يا مهاب.

مهاب بصدمة: إيههههههههههههههه؟

يتبع... استنوا بارت 12، ياترى مين خطف أميرة؟ عبد الكريم ولا يوسف ولا سمر؟ نشوف مين هيقول صح.

لم_أميرة_محمد

مهاب جه باقصي سرعه عنده.

بعد شويه كان وصل البيت لقي الكل قاعد.

مالك بزعيق: اختي فين؟ معرفتش تحافظ على اختي.

مهاب: في ناس رنوا عليا ي مالك و قالولي محتاجينك في الشغل ضروري.

مالك: وانت متزفتش رنيت عليا لييييييي.

مهاب: منا قولت يمكن مش محتاجينك.

مالك: غبي غبي. قولي كدا هنلاقي اميره فين.

احمد: هو في حد كان حاطط اميره في دماغه.

دنيا: ال ما تتسمى سمرر.

كريمه: لا سمر عمرها ما تعمل كدا، متقدرش اصلا.

امير: يا جماعه بلاش زعيق، العيال جوه.

الكل هدا ما عدا مهاب اللي فضل رايح جاي، وبعدين وقف فجاءه وخرج.

بوسي فضلت تنادي عليه بس مردش عليها ومش.

عند اميره.

اميره فاقت من المخدر لقت نفسها مربوطه في الكرسي، فضلت تصوت.

واحد من الرجاله: ماتبطلي صداععع بقا.

اميره مسمعتش الكلام، فا الراجل جه وضربها بالقلم جامد علشان تسكت، فا منخرها جابت دم.

اميره بتعب: والله ما هرحمكم.

: مش هترحمي مين.

اميره انصدمت لان الصوت ده مش غريب عليها.

اميره بصدمه: يوسف.

يوسف بضحكه شريره: اه يوسف.

اميره بعصبيه: انتا واحد حيوان وزبالة. مهاب مش هيرحمك.

يوسف مسكها من الطرحة جامد: مهاب ده انا هوريك هعمل فيه اي علشان يبقى ياخد حاجة مش بتاعته.

اميره تفت في وشه، هو اتعصب جامد وضربها بالقلم جامد ومنخريها جابت دم تاني.

يوسف قرب منها: انتي عارفة ممكن أعمل حاجة دلوقتي واخليكي تندمي طول حياتك، بس لا انا مش هعمل حاجة دلوقتي، هخليها بإرادتك انتي.

وبعدين مشي وسابها.

عند مهاب.

راح لعبد الكريم وفضل يخبط على الباب، وبنت صغيرة هي اللي فتحت.

عبد الكريم من جوه: مين ي اميره اللي بيخبط.

اميره ببراءة: ده عمو باين عليه شرير.

مهاب ضحك غصب عنه، وبعدين عبد الكريم خرج ليه.

عبد الكريم: اهلا اهلا، نورت والله. اميره معاك ولا ايه.

مهاب دخل: اميره اتخطفت يا عبد الكريم ومش لاقيها.

عبد الكريم بصدمه: اييي.

مهاب: تعرف، انا كنت شاكك فيك والله.

عبد الكريم: انا اه كنت بحب اميره زمان، ودلوقتي بعتبرها اختي والله، بس مش للدرجة دي. متوصلش إني اخطفها، انا الحمد لله ربنا رزقني بمراتي واميره وريناد.

مهاب بابتسامة: ربنا يخليهملك يا رب. طب عن اذنك بقا.

عبد الكريم قام معاه: هاجي معاك، مش هينفع أسيبك لوحدك.

مهاب: شكرا يا صاحبي.

عبد الكريم: على اي يا عم، انت اخويا.

وقال لمراته إنه خارج وخرجوا.

فضلوا يدوروا عليها.

بعد مرور أسبوع محدش عرف حاجة لسه عن اميره، ومهاب معدش بياكل والكل حزين عليه، واميره نفس الشيء. كل يوم يوسف بيضربها وهي مبترضاش تاكل حاجة.

يوسف بخبث: أحب اعرفك سر جوزك حبيبك كان مخبيه عنك.

اميره بتعب: مش عاوزة أعرف منك حاجة.

يوسف: هقولك يستي، خلاص عرفت إن موضوع الحمل عندكم مفيش وإن جوزك فيه عيب. أحب أقولك انتي اللي فيكي العيب مش جوزك.

اميره بصدمه: انت بتقول ايه يا متخلف انت.

يوسف شدها من شعرها: لو قليتي أدبك هوريك أنا ممكن أعمل إيه.

اميره: أعلى ما في خيلك أركبه.

يوسف: تمام ماشي، هاتوا الكرباك.

اميره بخوف: انت هتعمل ايه يا مجنون.

يوسف ضربها بيه جامد وهي صوتت جامد وفضل يضرب فيها وهي تصوت لحد ما اغمى عليها.

يوسف فوقها تاني بميه ساقعة ومسكها من شعرها: عرفتي بقا أنا ممكن أعمل فيكي إيه، ولسه.

اميره بتعب بصتله، وبعدين تفت في وشه. الحركة دي عصبته جامد وزقها من على الكرسي ووقعت، وفضل يضرب فيها. جه يقرب منها ويقطع هدومها وفعلاً قطع هدومها ولسه هيقرب عليها لقي اللي بيزقه جامد وفضل يضرب فيه.

كريم: انت واحد حيوان وأنا هربيك.

مهاب جري على اميره غطاها وشالها جري بيها على المستشفى.

بعد شويه الدكتور خرج.

الدكتور: دي حالة اعتداء، لازم تبلغوا الشرطة. إحنا عملنا اللي لازم ليها، شوية أدوية ومرهم، ياريت حد يجيبهم، واتفضلوا تقدروا تشوفوها.

الكل دخل ليها وأولهم مهاب.

مهاب راح جنبها وحضنها وباس راسها.

اميره بوجع وبتعب: يا مهاب ابعد، جسمي وجعني.

مهاب بعد عنها: حقك عليا يا حبيبتي، حقك عليا.

اميره: مش عاوزة حد جنبي ولا معايا، سيبوني لوحدي ممكن.

مهاب بحزن: طب يلا يا جماعة معلش نسبها لوحدها شوية.

كلهم خرجوا ما عدا مهاب.

اميره بعياط: لي كدا يا مهاب لي كدا.

مهاب باستغراب: في ايه يا حبيبتي.

اميره: انت ازاي تخبي عليا إن أنا اللي فيا العيب مش انت.

مهاب بصدمه: مين اللي قالك.

اميره: يوسف اللي قالي يا مهاب.

مهاب: والله يا حبيبتي ما كنت عاوز أزعلك علشان أنا كنت عارف رد فعلك.

اميره: ولو يا مهاب تجيب الغلط فيك لييي.

مهاب: علشان بحبك يا اميره، علشان بحبك.

اميره: وأنا كمان بحبك اوووي وحضنوا بعض.

اليوم التاني.

اميره صحيت من النوم مفزوعة.

مهاب جري عليها وحضنها: متقلقيش ي حبيبتي، أنا جنبك اهو، خلاص اهدي اهدي.

اميره هديت وفضلت تعيط.

مهاب: بتعيطي ليه يا حبيبتي بقا.

اميره: خايفة اووووي.

مهاب: أنا جنبك يا نور عيني خلاص.

بعد شويه اميره هديت.

الباب خبط.

مهاب: ادخل.

كريم: الحمد لله على سلامتك يا بطل.

مهاب: الله يسلمك، تعالي اقعد.

كريم جه قعد.

مهاب: ما تحكيلي عرفت مكان اميره ازاي.

كريم: حاضر.

فلاش باك.

يوسف كان ماشي وكريم ماشي مش مركز وكانوا الاتنين باصين في الموبايل، فا خبطوا ببعض والتلفونات طارت منهم، بس التلفونين كانوا زي بعض.

يوسف بعصبيه: ما تفتح ي بغل.

كريم بعصبيه: مين ده اللي بغل. واتخانقوا مع بعض والناس حاشت وكل واحد خد التلفون ومشي.

بعد شويه كريم بيفتح التلفون لقها بتاع يوسف، بس لقي حد بيرن. كريم رد قال يمكن صاحب التلفون.

شخص: خلاص ياباشا، جوزها خرج وطلعنا جبنا اميره، بس فضلت تقاوم كتير اوووي وهنوديها على مخزن ******** زي ما انت قولت.

كريم حاول يتخن صوته: تماااام.

وقفل.

كريم: اميره لا لا مش يمكن هتلاقيها واحدة تانية.

وكبر دماغه، بس لقي رقم تاني بيرن وقالوا إن التلفون ده بتاعي وراح رجعوه، وبعدين سافر علشان شغله.

بعد أسبوع.

كريم: صوتك متغير ليه يا حبيبتي.

دنيا: اميره اتخطفت من أسبوع ومش لاقينها يا كريم.

كريم بصدمه: آه ي بن الكلب، خلاص أنا نازل وعارف مكانها.

ونزل في نفس اليوم وراح هو ومهاب وجابوا اميره.

باااااااااااك.

اميره: ويوسف عملتو ايه معاه.

كريم: سلمته للشرطة.

مهاب: شكرا ليك جداااااا والله.

كريم: اميره اختي وده واجب عليا، يلا عن اذنكم.

مهاب: اتفضل.

ومشي.

بعد مرور أسبوع.

اميره بتوتر: مهاب.

مهاب: اممم.

اميره: ما تتجوز عليا علشان تجيب أطفال.

مهاب بصدمه: هو انتي بتقولي ايه؟ انتي واعية للكلام ده.

اميره: اه اتجوز وأنا هجبلك عروسة عسل.

مهاب مش مستوعب اللي اميره بتقوله: اميره فوقي.

اميره: أنا فايقة يا مهاب، أنا عاوزة عيال لو حتى من واحدة تانية بس يكونوا شبهك.

مهاب مش عارف يرد يقول ايه: أنا نازل يا اميره.

ونزل. اميره قعدت فضلت تعيط.

كريمه: مالك يا ابني.

مهاب: اميره بتقولي اتجوز.

كريمه بصدمه: ليي.

مهاب: عاوزة عيال يا ماما.

كريمه: هو انت مش قولت العيب منك انت، فا ازاي بقا.

مهاب: لا عيب منها يا امي، بس مردتش أقولها ومكنتش ناوي أقولها والله، بس هي عرفت.

كريمه: طب ما تتجوز، أنا برضه نفسي في أحفاد.

مهاب بص لها: حتى انتي يا امي، ما انتي عندك أحفاد اهو.

كريمه: يا ابني نفسي أشوف عيالك قبل ما يحصلي حاجة.

مهاب: بعد الشر عليكي يا امي.

كريمه: يبقى تسمع كلامي وكلام مراتك.

مهاب حط ايده على دماغه.

بوسي: ازيكم يا اهل البيت. ايه ده، الاه مالك يا حبيبي.

مهاب: مفيش، عن اذنكم. وخرج برا البيت خالص.

مالك: امال اميره فين.

كريمه: فوق، اطلع ليها.

مالك طلع هو وبوسي.

لقوا اميره مغمي عليها.

مالك جري عليها: اميره اميره، في ايه يا حبيبتي. مالك.

وشالها وجري بيها نيمها على السرير وفضل يفوق فيها لحد ما فاقت.

اميره بتعب: أنا تعبانة اووووي يا مالك.

بوسي حطت ايدها على وشها لقتها سخنة اوووووي: اميره سخنة اوووي يا مالك، انزل هات الدكتور بسرعة.

مالك نزل والكل طلع عند اميره لما عرفوا إنها تعبانة. وكل ده مهاب ميعرفش حاجة ولا جه البيت.

الدكتور: حرارتها مرتفعة جداااا، لازم حد يفضل سهران جنبها يعملها كمادات، وايديها العلاج ده، ويأكلها، ولو منزلتش برضه رنوا عليا ناخدها المستشفى.

مالك: ماشي، شكرا يا دكتور.

الدكتور مشي.

بليل.

بوسي: أنا برن على مهاب مش بيرد عليا يا ماما.

كريمه: طب حاولوا من تليفون اميره، عمره ما يكنسل عليها، هيرد.

وفعلا حاولوا من تليفونها، بس جم يرنوا لقوه داخل، بس داخل ومعاه حد.

بوسي باستغراب: كنت فين كل ده، ومين دي.

مهاب: أحب أعرفكم، سلمي مراتي.

الكل انصدم.

مالك بزعيق: يعني ايييييييييييييي.

مهاب: يعني اتجوزت اختك، عاوزة كدا، وأمي عاوزة كدا.

كريمه: بس مش بسرعة دي يا ابني، اميره ممكن تروح فيها.

مالك: ولا هتروح فيها ولا حاجة، أنا هاخد اختي وهنمشي من هنا.

كريمه: يا ابني البت تعبانة، مينفعش.

مهاب: مين اللي تعبان.

بوسي: اميره نايمة جوه اهو، لا حول بيها ولا قوة.

مهاب دخل بسرعة، حسس عليها لقيها مولعة.

مهاب: مجبتوش دكتور ليييي.

كريمه: جبنا جبنا يا ابني، وقلنا لازم حد يبقى جنبها طول الليل، ولو متحسنتش لازم تروح المستشفى.

مهاب: تمام، أنا هفضل معاها.

مالك كان هيتكلم بس بوسي منعته وخدته ونزلوا.

سلمي ببراءة: محتاج حاجة أعملهالك.

مهاب وهو بيبص على اميره: لا شكرا يا سلمي.

بعد نص الليل.

سلمي: قوم انت و متقلقش، أنا هفضل جنبها.

مهاب بنوم: لا لا مش هقدر أسيبها.

سلمي: طب خلاص خليك، أنا هقعد جنبها الناحية التانية. وفضل طول الليل جنب اميره لحد الصبح.

اميره فاقت بتعب، بصت جنبها لقت مهاب نايم، و لقت حد داخل وفي ايده أكل. جت تقوم لقت مهاب صحي.

مهاب: انتي كويسة يا حبيبتي.

اميره بتعب: اه يا حبيبي. وبصت ل سلمي مين القمر دي.

مهاب مسك ايديها: مش انتي كنتي عاوزاني اتجوز. اتجوزت واحدة غلبانة وطيبة وجدعة، وفضلت جنبك طول الليل، منمتش كمان.

اميره بابتسامة: الف مبروك يا حبيبي.

مهاب: انتي كويسة.

اميره هزت راسها وسلمي حطت الفطار وجت تمشي.

اميره: تعالي كلي.

سلمي: لا شكرا، هاكل لوحدي برا.

اميره: خلاص نقوم ناكل كلنا برا.

مهاب: سلمي تعالي هنا كلي علشان اميره متقومش.

سلمي جت وقعدت جنب اميره وفضلوا ياكلوا.

اميره: الحمد لله شبعت.

سلمي: بس انتي مكلتيش حاجة.

اميره: لا كلت الحمد لله.

مهاب: طب كلي دي من ايدي.

اميره كلتها من ايدها وشاورتله على سلمي.

مهاب رفض بس اميره عملتها هيا: كلي دي بقا من ايدي.

سلمي ابتسمت وكالتها من ايدها.

بعد شويه.

مهاب: أنا نازل شوية يا حبيبتي، عاوزة حاجة من تحت.

اميره: هتلنا حبت تسالي لينا أنا وسلمي.

مهاب: عيوني. ونزل.

سلمي: انتي ازاي طيبة كدا.

اميره: بمعني.

سلمي: يعني ايه واحدة تلاقي جوزها اتجوز عليها بتزعل يعني وكدا.

اميره: أنا اللي قولته اتجوز.

سلمي: بجد.

اميره: اه والله، وأنا هعتبرك زي أختي ومش هعملك وحش خالص والله.

سلمي بفرحه: بجد والله هتعمليني زي أختك.

اميره بابتسامة: أنا طول عمري وحيدة، يعني عندي إخوات صبيان بس، وكان نفسي يبقى عندي أخوات بنات، لحد ما اتخطبت ل مهاب اعتبرت بوسي أختي، وهيا دلوقتي مرات أخويا.

سلمي: وأنا برضو كنت الوحيدة، أبويا وأمي ماتوا، وإخواتي كل واحد راح في وادي وسابوني لخالتي وجوز خالتي مكنش بيحبني خالص وكان على طول يضربني، بس مكنتش بقول لخالته علشان ميحصلش مشاكل بينهم، لحد ما مهاب الله يكرمه جه وأنقذني منهم. يلا علشان تاخدي العلاج.

اميره ابتسمت ليها: ماشي يا حبيبتي.

وخدت العلاج وفضلت قاعدة هيا وسلمي يتفرجوا على التليفزيون.

مهاب جه لقي اميره نايمه هيا و سلمي.

مهاب شال اميره و نامو جوه و نسي سلمي خالص.

الصبح اميره صحيت قبل مهاب، فضلت باصه لملامحه شويه، وبعدين لقت الباب بيخبط. قامت من جنب مهاب وخرجت، لقت سلمي جهزت الفطار.

اميره: انتي ال عملتي الفطار؟

سلمي: ايوا، متعوده اصحا بدري و أحضر الفطار.

اميره: طب تعالي نفطر ونقعد نتكلم لما مهاب يخرج.

سلمي: طب ادخلي صحي مهاب.

اميره: ماشي، و دخلت.

اميره: حبيبي.

مهاب بنوم: اممم.

اميره: يلا ي حبيبي نفطر.

مهاب مسك ايديها وشدها عليه: طب ما تيجي أقولك كلمة سر.

اميره: ولاا لم نفسك، سلمي براا.

مهاب بحب: يعني أي سلمي برا؟ طب منا عاوز أقولك كلمة سر بقا.

اميره بضحك: يبني هزعلك، قوم يلا.

مهاب قام معاها وخرج.

سلمي: صباح الخير.

مهاب: صباح النور.

وقعدوا فطروا.

وبعد مرور أسبوع.

في البلكونه.

اميره: احكيلي ازاي في يوم وليله خليتي مهاب يتجوزك.

سلمي اتوترت: اصل اصل هو خبطني بالعربية وقولتله خدني معاك، وحكيتله على ال جوز خالتي بيعمله معايا وإني عاوزة حد يحميني.

اميره بشك: اه تمام.

سلمي بتعب: أنا حاسة إني دايخة.

اميره: مالك يبنتي في أي؟

سلمي قامت جريت على الحمام وفضلت ترجع.

اميره رنت على مهاب وجه بسرعة وجاب دكتور معاه.

بعد شويه.

الدكتور: ألف مبروك، المدام حامل.

اميره بصدمه: أيييي! إزايييي! هو انتو مش لسه متجوزين امبارح؟

مهاب: طب تعالي ي دكتور أوصلك لحد الباب.

مهاب وصل الدكتور وبعدين راح لـ اميره اللي كانت قاعدة وعلى وشها ملامح الزعل والصدمة، وكان بيتردد في عقلها: معقول معقول كان متجوز عليا؟

مهاب جه جنبها: اميره ممكن نتكلم.

اميره قامت: عن إذنك، مش عاوزة أتكلم. وسابته ودخلت لـ سلمي.

اميره دارت الزعل: ألف مبروك، لي مقولتيش إنك إنتي ومهاب متجوزين من زمان؟

سلمي: هو قالي متقوليش، والله أنا آسفة.

اميره: تمام، ولا يهمك. وجت تقوم بتلم هدومها. سلمي راحت ليها.

سلمي: راحة فين؟

اميره ببتسامة مكسورة: هقعد عند أخواتي يومين كدا وبعدين هاجي، متقلقيش.

مهاب: مفيش خروج ي اميره.

اميره معبرتوش وجت تمشي. سلمي وقفت قدمها: اللي مفروض يمشي فهو أنا مش انتي.

اميره: ابعدي ي سلمي بالله عليكي.

سلمي: والله ي اميره كنت هحكيلك بس هو اللي كان مانعني، والله ومكنتش متخيلة إني هحمل بسرعة كدا.

اميره: اللي حصل حصل ي سلمي، سيبوني بقا عاوزة أبقى لوحدي يومين كدا.

مهاب بعصبية: وأنا قولت مفيش خروج.

اميره بعصبية: هخرج، وأعلى ما في خيلك أركبه.

مهاب مسكها جامد من ايدها وزقها: وأنا قولت مفيش خروج يعني مفيش خروج.

كريمه وياسر طلعوا جري على صوتهم.

ياسر خد مهاب ونزلوا.

كريمه: في أي يبنتي؟

اميره: مفيش حاجة. وقامت دخلت الأوضة وقفتلت على نفسها.

كريمه بصت لـ سلمي بقرف: كله منك، من ساعة ما دخلتي البيت ده وهما بيتخانقوا. ونزلت وسابتها. سلمي فضلت تعيط لحد ما نامت على الكنبة.

بعد شويه اميره هديت وخرجت لقت سلمي نايمة وعلى وشها أثر الدموع. اميره صحتها: مالك ي سلمي؟

سلمي: مفيش، أنا كويسة.

اميره ببتسامة: متزعليش من اللي عملته الصبح.

سلمي ابتسمت: لا ي حبيبتي، أزعل لي، ده حقك والله، وبكفايا إنك مستحملاني أصلا.

اميره: يبنتي إنتي أختي، متقوليش كدا.

سلمي: شكرا والله ي اميره على معاملتك دي والله.

اميره: حبيبتي، لازم بقا تاخدي مهاب وتروحوا تتابعوا عند دكتورة عشان البيبي يبقى كويس.

سلمي: حاضر ي حبيبتي، لما يجي قوليله.

اميره: أنا مش هتكلم معاه، قوليله انتي.

لقوا الباب بيفتح، عملوا نفسهم بيتفرجوا على المسلسل.

مهاب وهو بيبص على اميره: سلمي عاوزك.

سلمي قامت وراحت وراه.

مهاب: بصي، أنا حجزتلك عند دكتور كويس جداً، هتمشي معاه طول فترة حملك، تمام؟

سلمي: ماشي حاضر، بس عاوزة طلب ممكن؟

مهاب: قولي.

سلمي: صالح اميره، اميره غلبانة وطيبة والله، ومكنش ينفع تتعصب عليها كدا.

مهاب: ربنا يسهل، ناديلها، قوليها مهاب عاوزك.

سلمي خرجت: اميره، مهاب عاوزك.

اميره قامت ببرود وراحت عنده: خير.

مهاب قفل الباب: ي اميره اسمعيني.

اميره: ولا أسمعك ولا تسمعني خلاص، احمد ربنا أصلاً إني مطلبتش الطلاق.

مهاب: ي اميره سلمي كانت...

اميره قطعت كلامه: مش عاوزة أسمع حاجة، تمام. وجت تمشي. مهاب مسك ايدها: أنا بكلمك.

اميره: مهاب سيب ايدي.

مهاب: ي اميره اسمعيني.

اميره: مش عاوزة أسمع، سيبني ي مهاب، وإحمد ربنا إني لسه قاعدة معاك أصلاً.

مهاب ساب ايدها وهيا خرجت.

تسريع الأحداث (طبعاً انتوا عاوزين تعرفوا مهاب عرف سلمي إزاي، هتعرفوا بس بعدين).

بعد مرور 7 شهور، سلمي قربت تولد والعلاقة بين مهاب واميره متوترة، وسلمي تعبت جامد في الحمل واميره بتساعدها.

اميره: ي سلمي ارتاحي بقا.

سلمي: لا هعمل معاكي، مش هسيبك.

اميره: طب خلاص تعالي نقعد شويه.

وراحوا قعدوا في البلكونه.

سلمي: تعرفي ي اميره أنا حبيتك جدااا والله.

اميره ببتسامة: والله أنا اللي حبيتك أوووي بجد.

سلمي: اميره خلي بالك من البيبي.

اميره: لي بتقولي كدا؟

سلمي: مش عارفه، بس لو حصلي حاجة تخلي بالك منه.

اميره: إن شاء الله ي حبيبتي هتبقي كويسة والله وهتربي ولادك وهيبقوا قمر زيك انتي ومهاب.

سلمي بضحك: لا أنا بدعي يطلع زيك كدا.

اميره: حبيبتي والله، إن شاء الله خير ي حبيبتي متقلقيش.

سلمي: مش عارفه أنا من غيرك كنت عملت إيه.

اميره: أنا اعتبرتك أختي مش ضرتي والله.

سلمي حضنتها.

بعد مرور شهرين.

سلمي بتعب: اميره الحقيني.

اميره جريت عليها سندتها وندهت على مهاب. مهاب جه وخدها وطلعوا على المستشفى.

بعد مرور ساعتين.

الدكتور خرج والكل كان قلقان.

مهاب: طمني ي دكتور.

الدكتور: الأطفال الحمدلله كويسين.

كريمه بستغراب: أطفال؟

الدكتور: أيوا، المدام كانت حامل في توأم ولد وبنت، والحمدلله الاتنين كويسين.

اميره: طب وسلمي؟

الدكتور: متقلقيش، هيا كويسة بس محتاجة رعاية كويس. تقدروا تدخلوا تشوفوها.

الكل دخل ليها.

اميره: الحمدلله على سلامتك ي حبيبتي.

سلمي: الله يسلمك، شوفتي البيبي؟

مهاب: قمر زيك، بس الواد شبهي كدا كدا.

اميره زعلت من كلمة مهاب بس مبينتش.

سلمي: بس الولد لي؟ أنا كنت حامل في توأم؟

مهاب: اه ي حبيبتي.

اميره انصدمت أكتر من الكلمة، وسلمي لاحظت ده. الدموع كانت في عين اميره.

اميره: عن إذنكم.

بوسي قامت وراها لأنها فهمت إيه اللي حصل وهي زعلت من أي.

اميره خرجت برا المستشفى وفضلت تعيط. جه حد حط إيده على كتفها. اميره من غير ما تبص تشوف مين: امشي ي بوسي مش عاوزة أتكلم.

كريم جه قعد جنبها: بس أنا مش بوسي.

اميره بصتله ومسحت دموعها وابتسمت: إيه، إنت جاي هنا لي؟

كريم: يبنتي أنا شغال هنا أصلاً، انتي نسيتي؟

اميره: أيوا أيوا.

كريم بصالها بحب: مالك، كنتي بتعيطي لي؟

اميره: لا لا مفيش.

كريم: اميره مش عليا، ده أنا كنت أقرب واحد ليكي، كنت عارفك أكتر من نفسي.

اميره: عاوزة أطلق من مهاب ي كريم.

كريم بفرح: والله بجد؟ وبعدين أخفى فرحته وعمل نفسه مصدوم: أقصد لي؟ في أي؟

اميره حكتله على اللي حصل.

كريم: مش عارف والله أقولك إيه والله.

اميره: تساعدني في السفر.

كريم: هتسافري فين ي اميره؟

اميره: هروح تركيا، أي بلد.

كريم: بس أنا مش هقدر أسيبك لوحدك.

اميره: متقلقش، هبقى كويسة، بس عاوزة قبل ما أمشي أطلق الأول.

كريم مسك ايدها عشان يحسسها بالأمان، بس للأسف كان مهاب نازل يجيب حاجات لـ سلمي وشاف كريم وهو ماسك ايد اميره.

مهاب بعصبية: إيه الـ إنت بتعمله دهههههه! وراح ضرب كريم جامد ومسك اميره من ايدها جامد.

اميره سحبت ايدها منه جامد: ابعد عني.

مهاب ضربها بالقلب. كريم قام و ضربه جامد وفضلوا يضربوا في بعض. واميره جت تمشي كانت دايخة جامد ومكنتش مركزة، وجت تعدي الطريق عربية خبطتها.

بوسي بصويت: اميررررررررررره! وجريت عليها. كريم جري عليها هو ومهاب.

كريم شالها.

مهاب بزعيق: هو إنت مجنون دي مراتي، هات!

وفضلوا يتجادلوا برضو.

بوسي بزعيق: إنتوا إيه، البت بتموتتتتتتتتت!

كريم جري بيها على المستشفى ودخلت العمليات.

الكل كان واقف برا مستني اميره تخرج بفارغ الصبر.

مهاب بعصبية: عارف لو قربت من اميره تاني هتكون إنت اللي جبته لنفسك.

كريم كان هيتعصب هو كمان بس سكت.

بعد شويه الدكتور خرج.

بوسي: اميره عاملة إيه ي دكتور؟

الدكتور: المريضة كويسة الحمدلله، والبيبي كويس، متقلقوش.

مهاب بصدمه: بيبي إيه؟

الدكتور: انتوا مكنتوش تعرفوا إن المدام حامل؟

مهاب جري دخلها الأوضة بعد ما نقلوها من عمليات.

مهاب راح عندها، لقاها نايمة ودماغها مربوطة، ووشها باين عليه علامات الضرب.

مهاب قعد جنبها ومسك ايدها، وهيا صحيت وبعدت ايده.

اميره بتعب: ابعد عني.

مهاب: أنا آسف والله، آسف.

اميره بعصبية: ابعد عني، مش عاوزة أشوفك خااالص، ياريت تطلقني وتخلصني بقا.

بوسي جت قبل ما مهاب يرد على اميره.

بوسي بفرحه: ألف مبروك ي روح قلبي.

اميره بستغراب: على إيه؟ مش فاهمه.

بوسي: إنك حامل.

اميره بصدمه وحطت ايدها على بطنها وعيطت: بجد والله! أنا حامل!

كريم بحزن بس مبينش ده: ألف مبروك ي اميره.

اميره بفرحه: الله يبارك فيك، أنا فرحانة أوووووي.

بوسي: يارب دايما تكوني فرحانة ي حبيبتي.

مهاب: معلش ي جماعة، عاوز اميره في كلمتين، ممكن؟

الكل خرج.

مهاب: اميره ممكن تسمعيني.

اميره: مش عاوزة أسمع حاجة، أنا هاخد ابني وهمشي من حياتك خالص.

مهاب: إيه الـ إنتي بتقوليه ده؟

اميره: اللي سمعته.

مهاب: ي اميره أنا بحبك وإنتي عارفه إني عملت كل ده عشانك، والله إنتي قولتيلي اتجوز، اتجوزت.

اميره بعصبية: أنا معاك في كل ده، بس إنت كنت متجوز بقالك كتير، الله أعلم من امتى بقا. وبعدين لما تتجوز عليا يبقى عشانى، لما تضربني قدام الناس كلها يبقى عشانى، لما تقول لـ سلمي هيطلعوا حلوين زيك، ماشي ي حبيبتي، برضو عشانى. إنت متعرفش أنا بتوجع قد إيه! سيبني أعيش حياتي بعيد عنك بقاااا، أنا تعبت والله.

وبعدين أغمي عليها.

مهاب لحقها وفضل ينادي على دكتور. الدكتور جه وكشف عليها.

الدكتور: العصبية غلط عليها، وبعدين هيا ضعيفة، لازم تتغذى عشان الحمل، وإن شاء الله هتبقى كويسة ولازم محلول، وإن شاء الله خير، بس أهم أهم حاجة بلاش عصبية، العصبية غلط عليها.

مالك: أختي هتروح معايا البيت ومش عاوزة مجادلة.

مهاب: بس...

مالك بعصبية: مبسش، اميره هتروح معايا.

بوسي: ي حبيبي خليها مع جوزها.

مالك: بوسي ممكن تسكتي.

بوسي سكتت.

ومالك نزل عشان ياخد إذن خروج، وفعلاً اميره خرجت وراحت مع مالك.

بليل سلمي برضو روحت ومهاب، ومهاب مكنش عارف يعمل إيه.

مالك: ي اميره لا مش هتسافري.

اميره: مالك، سبني أعمل اللي أنا عاوزاه، أربي ابني بعيد عن كل حاجة بتحصل هنا.

مالك: ي حبيبتي اسمعي الكلام، عاوزة تتطلقي هنطلقك، متقلقيش، بس بلاش تبعدي.

اميره: معلش ي مالك، اسمحوني، بس لازم أمشي.

سيف: خلاص، أنا هاجي، هكمل تعليمي برا.

اميره: اللي إنت عاوزه، بس أهم حاجة مهاب ما يعرفش أنا سافرت فين.

مالك: ماشي.

بعد مرور 5 سنين، اميره سافرت تركيا هي وسيف، وخلفت طفلين زي القمر، ولد وبنت برضو، ومهاب كان كل يوم بيسأل عليها، بس محدش راضي يقوله سافرت فين، لحد ما يأس خالص، فضل متجنب سلمي، وسلمي حاسة بكدا وزعلانة. (آه صحيح، تعالو أعرفكم على الأطفال اللي في الرواية: أولاد مهاب وأميره: يحيى ومريم، أولاد مهاب وسلمي: نوح وقمر، أولاد أمير ومنه: ملك ومحمود وعبد الرحمن وآيه، أولاد مالك وبوسي: سما وبتول، أولاد أحمد ودنيا: رودينا وعلي، أولاد عبد الكريم وسمر: أميره ومحمد ومصطفى).

سيف: عاوز أنزل أعمل الفرح في مصر.

اميره: بس أنا مش عاوزة أنزل مصر.

سيف: اميره، مهاب ليه الحق يشوف ولاده وهما ولاده زي ما هما ولادك.

اميره: مش عارفه والله ي سيف أعمل إيه.

سيف: هننزل مصر.

اميره: طيب ي سيف.

بعد مرور أيام، اميره وسيف جهزوا الشنط ونزلوا مصر.

مالك وأمير كانوا مستنينهم.

اميره جريت على أخواتها وحضنتهم.

مريم: وسعي كدا، عاوزة أشوف خالو.

مالك: قلبه خالو. وفضل حضنها.

يحيى: طب وأنا؟

مالك نزل مريم وسلم على يحيى، وبعدين سلموا على اميره، وبعدين سيف سلم عليهم، وبعدين مشيوا.

في البيت.

اميره: وحشتيني أوووي ي بت ي بوسي.

بوسي: إنتي أكتر. وحضنت يحيى ومريم كتير أوي: وحشتوني أوي، أنا عمتو بوسي.

مريم: طب أنا نفسي أشوف بابا، هتوديني ليه؟

اميره: هنروح كلنا بليل ي حبيبتي. أمال فين منه ي أمير؟

أمير: عندهم والعيال معاها.

اميره: أوعى تكون مزعلها.

أمير: لا لا مفيش الكلام ده.

بوسي: العيال جم أهو.

سما وبتول: إزيك ي خالتو، وحشاني والله.

اميره: إنتوا أكتر ي حبايبي والله.

بوسي: يلا عشان نأكل.

قاموا كلهم وكالوا، وبعدين لبسوا ونزلوا راحوا عند مهاب.

اميره خبطت على الباب وكريمه اللي فتحت.

كريمه بصدمه: اميره.

اميره ببتسامة وحضنتها: وحشتيني أوووي ي ماما.

كريمه: إنتي أكتر ي حبيبتي. وبعدين خرجت من حضنها وبصت للعيال.

اميره: دي تبقى تيته كريمه، سلموا عليها.

سلموا عليها، وكريمه فضلت حاضناهم، وبعدين دخلوا.

مريم: أمال بابا فين؟

كريمه: زمانه جاي ي...

ولسه مكملتش الكلمة، لقت مهاب داخل.

مهاب وهو مش واخد باله: إيه ده، هو إحنا عندنا ضيوف ولا إيه؟

اميره: عمرنا ما كنا ضيوف.

مهاب بصدمه: ااااميرره.

  رواية بداية جديدة الفصل الرابع عشر 14 - بقلم اميرة محمدكريمه: زمانه جاي ي...  ولسه مكملتش الكلمه لقت مهاب داخل مهاب و هو مش واخد باله: اي ده هو احنا عندنا ضيوف ولا اياميره: عمرنا ما كنا ضيوف مهاب بصدمه: ااااميرره