تحميل رواية «بديت أنساك يا لون السعاده» PDF

شوق بقهر وهي تعدل شعرها للخلف : حسبي الله عليها الله يأخذها وارتاح منها

فاطمة بلامبالاه وهي تجلس على الكنبه باللون البني الغامق : تستاهلين ما أحد قال لك لسانك يكون طويل

شوق بقهر بعد ما عدلت شعرها : وهي من حطها جاسوس علي؟!

واشرت على نفسها بقهر!!

شدت على اسنانها  بغيض وهي تتابع كلامها:  اكرهها هي وامها شوشو!!

مسكت فاطمه فنجان القهوة وبنفس البرود : انكتمي لا يسمعك ابوك ويرجعلك مره ثانيه!!

وبدل المحاضرة الي اخذتيها

يمسح فيك الارض والا وحده عاقله وفهمانه

تشتم الابله قدام البنات وتتمسخرين عليها

وين الاخلاق ؟؟

فوق ما هي متحمله ثقل دمكم بكل  وقاحه تشتمينها ...لزوم تحطينها على راسك وتقدرينها

مو تتمسخربن عليها

شوق قاطعتها بترقيع من انفعال امها: بس يمه الابله ما سمعتني وما كانت موجوده اصلا «وشدت على على حرف الصاد» بس الزفته مريم

قاطعتها فاطمة بحده : لو سمعتك كان الحين انت مفصوله من المدرسه

وبجديه ناظرت ابنتها وهي تصغر عيونها : تدري يا ليتها سمعتك

وفصولك من المدرسة الي وجودك وعدمك واحد

جالسه مثل الدرج بالصف على الاقل لو انك جالسه بالبيت تساعديني بالشغل

قاطعتها شوق بتأفف: افف دايما هذي الاسطوانة تفتحينها؟!

خلاص الفصل هذا رح يكون غير ورح تشوفين

كملت فاطمة عنها بترييقه وهي تقلد صوت شوق : رح اكون من الاوائل وتك وتك وتك واخر السنه نستأجر شاحنه علشان تشحن المواد الراسبة فيها

ناظرتها شوق بحنق وهي تشبر بيدينها : انا الحين بسالفه الفتانه مريم وانت نقلتي على سالفه الدراسه

الله يأخذها هالمريم كل شيء بسببها!!

وبنظره توعد : لكن يصير خير

والله لتندم

وسحبت نفسها وتوجهت لغرفتها

هزت فاطمه راسها بفقدان امل منها

وبنفس الوقت تضايقت من مريم لو خبرتها كان تصرفت مع شوق بدون ما توصل السالفه لابوها

وقفت وبيدها الفنجان وراحت تشوف الاكل

::

::

::

::

::

في نفس البيت ... بالدور الثاني

شريفه بلوم جلست جنب مريم بالصالة : ليه قلتي لابوك عن شوق ؟؟؟

مريم بهدوء ورقه وهي ترجع خصله من غرتها خلف اذنها : انت ما شفتيها بالمدرسة

والله اني استحي بتصرفاتها

وإلي خلاني اقول لبابا عنها لما سمعت البنات يقولون  ما عندها اهل يربونها لسانها يبغى له قص وتحترم الي اكبر منها

تصرفاتها محرجه بالنسبة لي وخاصه البنات يعرفون اني اختها

تنهدت شريفه :الله يهديها هالشوق

عكس امها...اخلاق وطيبه وسنع ولا اخذت صفه سنعه من امها ما ادري على مين طالعه

مريم وقفت بهدوء : الله يهديها ما ادري تعاملنا وكأننا ماكلين حلالها

شريفه تغير الموضوع : يالله بدلي وتعالي علشان الغداء

ابوك معصب حده من بعد السالفه

هزت مريم راسها وتوجهت لغرفتها وهي تمشي بخطوات واثقه وهاديه

**

**

**

جالسه على سفرة الاكل وبيدها الملعقة تأكل بهدوء وتناظر بشوق ما عندها مصطلح زعل او كرامه

ابوها اعطاها محاضره ادبيه طويله وعريضه وكان معصب من تصرفها والحين جالسه تتغدى ولا كأنه صار شيء

لو وحده ثانيه كان رفضت وزعلت وعملت فيلم

قاطع افكارها شوق وهي تتكلم والأكل بفمها : يمه

قاطعتها فاطمه بتنبيه : لا تتكلمين والاكل بحلقك

وبتذكير كم مره قلت لك ؟؟

شوق بلعت اللقمه وبعباطه : ما اذكر كم مره!

المهم سمعت انه جدتي البارحه راحت على المستشفى بالليل

فاطمه رفعت حاجب : ما سمعت وش وفيها ؟؟؟

شوق بالامبالاه وتكمل اكلها : لا تخافي هذي مثل القطوه بسبع ارواح

فاطمه بنهر : شوق

انتقي الفاظك لو ابوك موجود كان شفتي الصلصه بوجهك

شوق بلامبالاه : عادي خله يسمع

وبعدين يمه اشوفك خايفه عليها وهي الي خربت بيتك...وحطت فوق راسك ضره

فاطمه بدون اهتمام لثرثره شوق : والله جدتك

احترمها واحبها ولها معزه بداخلي واعتبرها مثل امي

قاطعتها شوق بقهر : مثل امك ؟؟

فاطمه ببرود : ايه مثل امي الحين لو امي ابنها جلس سنين بدون عيال اكيد رح تزوجه

والدين حلل اربع

يعني لا هو حرام ولا عيب

عضت شوق على اصبعها : اخخخخخ يالقهر

تراك يمه تجلطيني ببرودك

لو انك طلبتي الطلاق وقتها كان الحين

عايشه انا على هواي ما أحد يتدخل بحياتي

وخلي شوشو تنفعه

ابتسمت فاطمه على شوق : لو طلبت الطلاق

وقتها كان الحين مصفي راسي من ثرثرتك

وما رح تكونين موجودة بذي الدنيا

فتحت شوق فمها تستوعب الكلام وبعدها ارخت

ملامحها : الحمد لله انك ما زعلتي عند جدي

والا كان انا مو موجوده ومريم وشوشو وعيالها يلعبون على كيفهم وما في حد يوقفهم عند حدهم

وقفت فاطمه وصارت تزيل الصحون : الحمد لله

انه ابوك موجود وموقفك عند حدك

ما ادري ليه تكرهين اخوانك لذي الدرجه

وقبل ما تفتح شوق فمها بإسطوانه : اقول قومي

ساعديني ما ابغى اسمع ثرثره زياده

شوق لوت بوزها وحملت صحن

فاطمه رفعت حاجب : خذي معك هذا

شوق بتهرب : لا يا يمه ثقيل

فاطمه بقهر : وقسم بالله اخوانك الصغار يساعدوني احسن منك

شوق بدون مبالاة : ليه ودتيهم اليوم عند عيال فوزيه ؟؟

فاطمه بنرفزه : ترى الكلام معك ضايع

وتوجهت للمطبخ وهي ضغطها مرتفع من شوق

ناظرت شوق امها ورجعت الصحن على الطاولة

وبسرعه ركض على غرفتها

رجعت فاطمه للصاله وشافت الصحن مكانه

هزت راسها بأسف وكملت

تنظيف..وهي غاسله يدها من هالبنت !!

**

**

**

بعد المغرب

فاطمه واقفه عند باب غرفة شوق : خلصيني

قومي إلبسي تأخرنا

الحين ابوك يعصب

شوق بضجر ناظرت غرفتها الي يغلب لونها الموف : قلت لك ما ابغى اروح

فاطمه بمكر  رفعت حاجب: خلاص براحتك الحين ادق على ابوك

قاطعتها شوق وهي توقف بتأفف : انا جايه

وسحبت العباية وصارت تلبس

فاطمه بقهر : ارحميني لمتى تطلعين بملابس البيت ؟؟

شوفي اخواتك وبنات عمك

قاطعتها شوق وهي تحط الطرحة على وجهها : ما علي من احد

هزت راسها  فاطمه بأسف وطلعت وخلفها شوق

**

**

**

**

**

طلعت شوق بالسياره بالخلف وامها من قدام

بعد ما ردت السلام بهدوء

حرك ابوها السيارة وهو يتكلم مع فاطمه

ومندمجين بالكلام!!

ناظرت يد ابوها ماسك يد فاطمه وهو يسوق باليد الثانية

ويتكلمون بالالغاز ويضحكون

زمت شفتها شوق بقهر ما تبغى امها تعامل ابوها

كذا

تبغى امها تحقره وما تهتم له وخله يروح عند

شوشو

فوق ما هو متزوج عليها عادي الوضع ولا كأنه شيء

استوى وين كرامة الحريم ؟!

قاطع افكارها ابوها الي يحاول يدمج بين الاخوان

وما يكون في حاجز بين الاخوه وكأنهم من ام وحده : ليه ما رحتي مع اخوانك ؟؟

طالعته شوق بتوتر تهاب ابوها وتخاف منه  : ها

تكلمت فاطمه عنها وهي تعرف انها شوق تخاف

وتتوتر من ابوها مع انه ما يضربها ويعاملها زين بس تخاف منه : ما قلت لها يا ناصر ويمكن ما يكون فيه مكان لها

ناصر ناظر بالمرايه وابتسم لها : لا ضياق ولا شيء كان تونستي معهم بالطريق

وبنغزه ترى ما في اجمل من جلسات الاخوان

طالعته شوق وبنفسها ايه كثر منها انا ما اطيق

اسمع اسمهم كيف اجلس معهم

ومع ذلك هزت راسها بالموافقة بدون ما تتكلم.. وتحس بالملل ما لها خلق تقابل زوجة ابوها وعيالها!!

**

**

**

دخلت عند الحريم خلف امها

سلمت على الموجودين

وعلى شريفه وبناتها  برؤوس اصابعها سلمت...

والكل لاحظ هذي الحركه

بس ما احد تكلم

جلست عند بنات عمها

وناظرت امها وكانت مندمجه مع الحريم

بعدها ناظرت اخواتها وبنات اعماها

الكل متشيك ومرتب عمره والي يشوفهم يقول

العريس على الباب ينتظر يدخل ويملك

لوت بوزها ما يعجبها ذي الحركات!!

قاطع أفكارها صوت خلود وهي تمزح : نفسي اشوفك متشيكه يا شوق دائما تيجي بملابس البيت !!!!

التفتت فاطمه لكلمة خلود وناظرت الموجودات

الكل متشيك ومرتب عمره الا شوق

دوم تطلع بملابس البيت لا واليوم طالعه بالبيجاما

تحس بالإحراج بس الكل عارف شوق وراسها

اليابس تنهدت ورجعت تكمل سوالف

شوق ناظرت خلود وهي رافعه حاجب وبعدها التفتت على اميره : ما أحد خبر بنت عمك انه دمها

ثقيل

اميره بضحكه : ههه لا ما أحد خبرها

لعيونك الحين اخبرها

وناظرت خلود : ترى في ناس تقول عنك دمك

ثقيل

خلود ضحكت : هههههه من غيرتها

لوت شوق بوزها : على وش اغار يا حسره

قاطعتهم الجده بابتسامة محبه وهي تناظر حفيدتها : شوق ناويه تنامين

عندنا لابسه بيجاما؟؟؟

شوق بنفسها انام بالصحراء والبرد ولا انام عندكم

وقبل ما ترد

سبقتها فاطمه وردت خافت شوق تجيب العيد بكلامها : كنا مستعجلين وبسرعة طلعت قبل ما تبدل

هزت الجده راسها وطالعت فوزيه : خلاص

نويتم تخطبون لفهد ؟؟

شوق صار وجهها الوان لما سمعت سؤال الجده

وفتحت اذانها عالاخير علشان تسمع كل حرف

فوزيه بابتسامة تعبر عن فرحتها : خلاص نوينا

وهاليومين نكون في بيت ناصر

شوق الي قلبها يدق طبول واخيرا رح تنخطب وتطلع من البيت وما تشوف شوشو وعيالها وتخلص من محاضرات ابوها الطويله

وتعيش مثل ما تبغى

ما في لا مريم ولا فارسوووو يفسدون عنها لابوها

وعضت على شفتها بندم لو تدري كان رتبت نفسها

الجده بفرحه بانت بعيونها : على بركة الله

الا قلتي لي اي وحده شوق والا مريم ؟؟؟

عقدت شوق حواجبها باستغراب وبنفسها وش دخل مريم

بالموضوع ؟؟/

فوزيه : تدري يا خالتي عمي الله يرحمه وصى من بنات ناصر

وحنا قلنا له هو بنفسه يختار الي يبغاها

وناظرت مريم وابتسمت لها

وكانت كل الاعين على مريم وكأنه خلاص هي

الي رح يخطبها

شوق خلاص ولعت معها نفسها تقوم وتصفق الموجدات كل وحده كف وتطيرهم من شوشتهن

وتصرخ بأعلى صوت فهد ليييييييي اناااااا

بس سكتت تشوف اخرتها معهم

وتهز رجلها بتوتر وعاضه على شفتها حتى ما تتهور بالكلام

وطالعت جدتها وهي تسأل وكأنها ما معها خبر و

ما تدري عن شيء : وكيف رح يختار ؟؟

فوزيه ابتسمت : كل شيء بوقته حلو

الجده هزت رأسها: على بركة الله

ورجعوا الحريم يكملون سوالفهم

وشوق تغلي غلي والافكار تدور براسها

اخذت نفس وهي تحاول تكون طبيعية

وتشوف اخر هالمهزله

ناديا بابتسامة :، متحمسه تصير بالعائله مناسبه

علشان ألبس وارقص

اميره بحماس : وانا مثلك .... ترى فهد اول واحد يخطب بالعائله الكريمه

خلود بابتسامة وهي تناظر مريم : ان شاء الله

يتمم على خير وافرح بأخوي

ابتسمت مريم باحراج ونزلت نظرها للارض

لاحظت شوق  حركات اخوات فهد ونغزاتهم بس سكتت وما قالت شيء وتمت تسولف مع بنات عمها وعمتها وتضحك مع وجود تصادم بينها وبين خلود وناديا اخوات فهد..رح تسلك وتسكت وتشوف نهاية المهزله..

بعد مرور الوقت اتصل ناصر فيهم حتى يرجعوا

تجهزوا وطلعوا وشوق تحس نفسها مثل البركان رح تنفجر بأي وقت

*

**

**

شوق

كنت امشي خلف امي واكتم غيضي

مو قادره اتحمل اكثر

نفسي امسك احد واطلع حرتي فيه

ويا ليت تكون شوشو

عضيت على شفتي بتوعد لما

شفت مريم وشوشو توجهوا لسياره فارس

لويت بوزي لاني ما اطيقه والي زاد قهري ابوي

لما كلمني : شوق روحي اركبي مع اخوانك

واشر لفارس : انتظر شوق خلها ترجع معكم

وصل الضغط عندي ألف

هذا الناقص اركب معهم..ما اطيقهم !!

انقذتني امي لما قالت :خليها يمكن ما في مكان لها

رد ابوي بإصرار : في مكان وليد وعبود رح يرجعون معي

ما في الا ام فارس ومريم ودانا

ناظرتني امي بمعنى روحي

بس انا مستحيل ارضى وبمحاوله اخيره

تكلمت وقلبي طبول من الخوف : بس يبه ما ابغى

قاطعني بحزم : انا وش قلت ؟؟

سحبت نفسي بدون نقاش وتوجهت لسياره فارس وانا بأي لحظه انفجر

كان  فارس واقف عند السياره ولما قربت تكلم برؤوس خشومه : سنه حتى حضرتك تشرفين ؟؟

طالعته بقهر : وانت وش وظيفتك ؟؟

وجاوبت بدون ما انتظر جوابه: السواق ينتظر

وما يتأفف

قاطعني بصوت منخفض عصبي : حسابك بالبيت علشان نشوف مين السواق...انقلعي على السياره اشوف!!

لا تلوموني احب ارفع ضغطه وبما انه طلع بوجهي قلت خلني اطلع حرتي فيه : لا يطق لك عرق

روق!!

وتوجهت للسيارة ودخلت وهو مفور من العصبيه

وسكرت الباب بقوه

دخل السياره معصب وناظرني والشرار يطلع من عيونه: كسر يكسرك

ان شاء الله

تدخلت شوشو وهي تناظر فارس بلوم : استغفر الله وش هالكلام يا فارس ؟؟

فارس بقهر وتوعد وهو يناظرني : وقسم بالله لتندمين يا زفته

قاطعته شريفه : خلاص يمه حرك ما نبغى مشاكل وفضايح

اخذ نفس وحرك السياره وانا اعلك واتعمد تطلع العلكه صوت ولا كأنه شيء استوى

وقف السياره على جنب وبعصبيه التفت لي وهو يصرخ : ارمي الزفته الي بحلقك

ناظرته شريفه باستغراب: وش فيك عليها ؟؟

فارس بعصبية وعناد : مو متحرك اذا ما رمت الزفت الي بحلقها!!

تعمدت اطلع صوت بالعلكه بدون ما ارد بحرف

واحد

بس نقزت من صرخته : انا وش قلت ؟؟؟

شريفه ناظرتني : خلص يا شوق ارميها وفكينا من المشاكل

رديت عليها ببرود وانا اعلك : والله انا حره وما له

دخل فيني

خله يسوق وهو ساكت

هز راسه بتوعد ومسك الجوال

بصراحه خفت يتصل بأبوي ويطلع سالفه تأليف

من عنده مع شوي من البهارات

وطبعا ابوي عنده فارس مصدق بكل شيء

وبسرعه قبل ما يتصل قلت بقهر : خلاص رميتها

ناظرني بالمرايه وللحين معصب

بس نزل الجوال وما اتصل

وحرك السياره... تنهدت براحه اهم شيء قهرته!!

مريم ودانا ما تكلموا ساكتين طول الطريق

اول ما وصلنا نزلت من السياره وبسرعه

توجهت للبيت...بعد ما ضربت باب السياره بقوه

وفارس نزل يتوعد فيني!!

***

***

***

***

***

نزل  فارس من السياره ما يشوف قدامه من العصبيه

بس توقف لما مسكته امه من يده

وبصوت راجي : الله يوفقك يمه خلي هالليله تعدي

على خير وما نبغى مشاكل

قاطعها وهو مفور من العصبيه : ما شفتيها وش عملت

هزت راسها بالموافقة : شفت يمه بس خلاص تحملها علشان أمها

أخذ نفس عميق يطفي البركان الي بداخله

وفك يد امه بشويش وتوجه للبيت

تنهدت شريفه بضيق وناظرت بناتها الي دخلوا بهدوء

بدون كلام وتوجهت خلفهم وهي تستغفر ما تدري متى تفك شوق شرها عنهم!!

**

**

**

**

**

باليوم الثاني قاعده على الارض قدام امها

والدمعه بعيونها وماسكه يد امها : شفتي يمه

أكيد رح يخطبون مريم كل نظراتهم تقول كذا

فاطمه ناظرت شوق وكأنها تمثل مقطع وما مسكت نفسها واطلقت ضحكات عاليه

وشوق تناظرها وهي فاتحه عيونها عالاخير : انا الحين اشكي لك وانت تضحكين

فاطمه وهي تمسح دموعها من الضحك : هههههه حاضره فيلم وجايه تطبقينه عندي

ههههههه يقطع شرك يا شوق ههههه

وضمتها وباستها على خدها بقوه

شوق ابعدت نفسها عن حضن امها وتكلمت بقهر : انا اتكلم جد اي فيلم واي خرابيط

عريس المستقبل رح يطير مني وانت قاعده تضحكين

فاطمه اخذت نفس وناظرتها والدموع بعيونها من بعد ما رجعت البارحه وبعد كلام فوزيه توقعت انهم رح يخطبون مريم....مع انه من كانت شوق

صغيره وعمها يقول انها لفهد بس ما تدري كيف

صارت الحين مريم بالموضوع

بس ما حبت تظهر قدام شوق ردت بهدوء : وخير يا طير خله يخطب مريم

انت وهي واحد هذي اختك ولازم تفرحون لبعض

شوق بقهر قاطعتها : لا تقهريني يمه بكلامك فوق قهري

فاطمه حزنت عليها بالرغم من اخطاء شوق بس تبقى ابنتها الي انتظرتها من سنين قطعه من روحها تنهدت وردت : وش تبغين مني اروح اقول لهم لا ترى فهد لشوق ؟

حطت يدها على كتف شوق وبنبره حانيه : يا يمه كل شيء قسمه ونصيب

اذا لك نصيب فيه رح يكون لك غصب عن الكل واذا

ما لك نصيب فيه لو الكل موافق ما رح يتم النصيب

شوق بغصه : ادري يمه بس صعب موقفي

كيف اختي تأخذ مني

قاطعتها فاطمه : يمه انسي ولا تفكري بالموضوع وبعدين بعدك صغيره ما شبعت من

شوفتك خلك عندي على وش مستعجله

هزت راسها والتفتت على ابوها الي دخل البيت

قفل الباب خلفه بهدوء

وتقدم للصالة...رد السلام وجلس بهدوء جنب فاطمه

فاطمه بابتسامة ردت السلام وهي تهلي وترحب فيه

ناصر ابتسم لها و ناظر شوق الي جالسه على الارض قدام امها هو بطبعه يحب النظام : ليه جالسه على الارض؟؟

شوق بتوتر : ها وبعدها وقفت

ناصر ناظر فاطمه وابتسم : هالبنت نفسي اسألها وتجاوب بجواب مثل العالم والناس دايما تقول ها

فاطمه ناظرت شوق الي وجهها احمر وتناظر الارض ابتسمت وهي عارفه شوق تستحي تكلم ابوها : شوق شوفي اخوانك بالغرفه تفقديهم

هزت راسها وبسرعه طلعت من الصاله

ابوها له هيبه عندها تتوتر بوجوده

طالعها ناصر وهي طالعه وبعدها التفت على فاطمه ،: تصدقين اني احيانا اشك بالشكاوي الي اسمعها

عن شوق لاني لما اشوفها اقول مستحيل تعمل

كذا شكلها بريء ومو صاحبة مشاكل

فاطمه بنفسها لا صدق وتعمل ابو ابوها بس ابتسمت على هبال بنتها الي تموت عليها

وطالعت ناصر : بعدها صغيره باكر تكبر وتعقل

قاطعها ناصر : اي صغيره الله يهديك ؟؟

للي بعمرها متزوجات وعندهم بزران

وهي للحين لازم كل يوم تيجيني شكوى عنها

واليوم فارس يشتكي منها طولت لسانها عليه

حتى يقول انه فهد كان قريب وسمع وما احترمته

والباب بغت تكسره

ومع ذلك سكتت وما قلت لها شيء ولا فتحت

معها الموضوع

فاطمه ما تدري وش ترقع عن شوق : الله يهديها

ناصر بهدوء : امين

**

*"

***

دخلت غرفه اخوانها وتنفست براحه

وناظرتهم وهم يلعبون

وبتحقيق بعد ما تخصرت : البارحه ليه تلعبون مع وليد وعبود ؟؟

خالد بلامبالاه : ذول اخواني ولازم العب معهم

شوق بحده وهي تناظرهم : لا مو اخوانكم

ذول ما يحبونا

لو كنتم تحبون امي كان ما لعبتم معهم

سامي  زم شفته بملل: بس امي وابوي يقولون لازم نلعب مع بعض وما نفترق لأننا اخوان

شوق رفعت يدها بتهديد: لا تبسبس

من متى تسمع الكلام

يا ويلكم اذا شفتكم تلعبون معهم الا اقول عنكم انكم

وناظرتهم بتوعد

خالد بخوف طفولي : خلاص ما رح نلعب معهم

بس لا تقولين

هز سامي راسه بالموافقه

ابتسمت شوق بنصر وطلعت من غرفتهم

وحقدها معميها ما فكرت انها قاعده

تقطع بالرحم الي ربنا امرنا نوصلهم

أطفال صغار ليه نزرع فيهم الحقد والبغض من

الصغر ؟؟!!

اطفال الي مفروض نزرع فيهم المحبه والتسامح

بس حقدها وكرهها  لزوجة أبوها اعماها ما ندري وين رح توصل بحقدها

**

**

**

**

بنفس البيت بس بالدور الثاني

جلست على سريرها وتكورت على نفسها

وهي تفكر بعلاقتها بشوق

ما تدري ليه تعاملهم كذا ؟؟؟

تنهدت وهي تفكر لو خطبها فهد وش رح تكون

رد فعل شوق ؟!!!

هزت راسها بالخفيف ما تبغى تزيد الفجوه

بينها وبين شوق

تذكرت لما قالت لأمها تقول لابوها

يخبر فهد اذا يبغى يخطب انه يخطب شوق

وهي يطلعونها من الموضوع كله

امها عصبت عليها وقالت لها روحي بنفسك

وقولي لابوك

لانها عارفه نقطة ضعفها مستحيل تروح تقول لابوها وتطلب منه هالطلب

حتى فارس لما سمع مسح فيها الارض

يقولون هذا هبل زايد عندها

لانه شوق ما تستاهل التضحية

دوم يقولون لها انها هبلة وسهل انه ينضحك

عليها بكلمتين

تنهدت باستغراب غريبه هالدنيا الي يتسامح مع الغير يقولون عنه اهبل

هي مو رافضه فهد بالعكس كل بنت تتمناه

بس خايفه من العقبات الي رح تواجهها اذا خطبها

وشوق اكبر عقبه قدامها

لانها تعرفها قوية وما رح تسكت عن هذا الامر

رفعت راسها وقررت تروح تساعد امها بالمطبخ

احسن من القعده مع افكارها العقيمة

**

**

**

**

**

جالس بين امه واخواته وهو يسمع

كلامهم

حك راسه وهو

يتذكر من زمان جده كان يقول رح يخطب له

شوق

بس الحين مريم دخلت بالخيارات

رفع حاجب بتعجب صاير تغيرات على الموضوع

وناظر امه الي تستخدم اسلوب الاقناع : يمه صدقني شوق ما تنفعك بنت ملسونه

عكس مريم جمال واخلاق وسنعه

خلود تكمل عن امها : وبعدين مريم بنت خالتك واولى من شوق

يعني لازم تخطب بنت خالتي شريفه

ناديا : بعدين انا سمعت عمي ناصر مو فارقه

معه يقول مريم او شوق للي يبغاها يخطبها

تنهد فهد وناظر امه : ومين قال لك اني ابغى اخطب الحين ؟؟؟

فوزيه عقدت حواجبها : انت قلت بعد ما تتوظف

رح تخطب

وهذا انت توظفت

فهد هز اكتافه ببرود : قلت وغيرت رأيي

ما افكر بالموضوع الحين

فوزية بهتت ملامحها : يعني تبغى تطلعني كذابة

قدام الحريم ؟؟؟

انا قلت لهم قريب نروح نخطب من بنات عمك

ناصر

تبغى تطلعني بسواد وجهي ؟؟؟

وقف وهو يحط يدينه بجيوبه : انت بطريقتك

إلغي الموضوع

واستأذن وطلع

خلود ناظرت امها الي القهر باين بوجهها

فوزيه تكلمت بقهر : اخوك رح يجلطني

دينا بلوم: انا اقول انك تسرعت يمه المفروض

خبرتيه قبل ما تقولين قدام الحري...

قاطعتها فوزيه بعصبية : انقلعي عن وجهي

ترى مو فايق لمحاضراتك

حسبي الله على إبليس

خلود تخفف عن أمها : انت الحين اهدي واترك

الموضوع اسبوع يمكن يتقبل هالموضوع

وانا متأكدة الاسبوع الجاي رح يوافق يخطب

بس قاعد يتدلل علينا

فوزيه بأمل ضعيف وهي تعرف ابنها اذا قال لا

صعب يتراجع : ان شاء الله يوافق واطلع من الموقف البايخ

الي انحطيت فيه

**

**

**

**

في اليوم الثاني جالسه بالفسحه مع اميره بنت عمها

ومنال بنت عمتها

وصوت ضحكهم مرتفع شوي

اميره قطعت ضحكتها وبتذكر : فهد ما جاء عندكم

يخطب ؟؟؟

لوت شوق بوزها : لا ما جاء

منال باستغراب : كيف رح يختار بينكم ؟؟

اميره بجديه وهي تناظر شوق : اكيد رح يختار مريم

ما شاء الله تلفت الانظار يعني انا بنت وتلفت

نظري كيف اذا شافها رجال ؟؟

يميزها جمالها ونعومتها ورقتها وادبها وذكا

قاطعها ضربه على راسها من شوق وملامح الغيره على وجهها : وش رأيك نخطبها لك ؟؟

اميره ضحكت : ههههههه

مو قصدي شيء بس انا اقول الحقيقه حتى ما تنصدمين بالواقع

شوق بحنق : لا تخليني اقول تلاقيك شاحنه وتصدمك علشان تتكلمين زين

منال ضحكت على شكل شوق : هههههههه

والله انك تحفه يا شوق هههههه

برطمت شوق شفايفها تتظاهر بالزعل

اميره مطت خدينها وابتسمت : لا تزعلين يا حلوه

انت تدرين لو عندي اخ كان خطبتك له وما بخطب

مريم

تدرين ليه ؟؟

حررت خدينها من اميره وابتسمت كلامها رفع معنوياتها شوي : ليه تختاريني انا ؟؟/

أميره وقفت وابتسمت : لانها مريم مثاليه كثير

وانا ما افضل هذا النوع

احب زوجة اخوي تكون مثلك

منال غمزت لاميره وشوق : قصدك انها شوق

همجيه ؟؟

وضحكت بصوت عالي

فتحت شوق عيونها عالاخير : انا همجيه ؟؟؟

اميره وهي تحط يدينها على بطنها من الضحك

ووجهها احمر : لا لا ههههههههه انا ما قلت هههه كذا هههههههه

واشرت على منال : هي الي قالت

وانفجرت من الضحك

منال وهي تحاول تتكلم بدون ما تضحك: هذا معنى كلامك يا اميره هههههههههه

تنهدت شوق وعدلت جلستها وغطت وجهها بيدينها

سكتت منال واميره وناظروها وتندموا على كلامهم

خافوا انها زعلت وجلستها كذا اكبر دليل

اقتربوا منها وجلسوا على مستواها

حطت اميره يدها على ركبتها وبندم : شوق أنا

قاطعتها منال : والله مو قصدنا شيء

كنا نمزح معك

وانت تدرين بمعزتك عندنا

اميره تكمل : والله

فجأة حطت يدها على راسها مكان الضربه

ومنال نفس الشيء

وفتحوا عيونهم بدهشه وهم يشوفون شوق

وقفت وهي تضحك : هههههههه صدق انكن مخبولات ههههه

وقفت منال : يا دبه

وركضت خلفها واميره معها حتى يمسكونها

كانت تركض وتناظر للخلف وتمد لسانها

وتضحك بصوت مرتفع

فجأة حست نفسها ضربت بشيء ضخم

وقاسي

رفعت نظرها بصدمه وغمضت عيونها بألم

من قوة الاصطدام

ومنار واميره شهقوا وحطوا يدينهم على

فمهم من الصدمه

والبنات يناظرون الموقف بدهشه ......

**

**

**

**

**

**

نايمه بحضن أمها على السرير ودموعها تنزل بهدوء

كل شيء يوجعها غمضت عيونها بألم

مسحت فاطمة على شعرها بحنان : بعده يعورك؟؟

هزت راسها بالخفيف مو قادره تتكلم

حاسه راسها يدور فيها للحين

تكلمت فاطمه بحنيه : الحين مع المسكن بروح

الوجع

رجعت غمضت عيونها وما تكلمت...والموقف ينعاد عليها

كانت تركض وتضحك وهي تناظر للخلف

ما انتبهت قدامها

تفاجأت لما اصطدمت بشيء قاسي

رفعت نظرها ما شافت الا بياض قدامها

ومزين باللون الاحمر

تحسست مكان الضربه وهي تحس بلزوجه مكان الضربة

تأكدت انه اللون الاحمر الي على الجدار

هو لون دمها

ناظرت كتفها كان لونه احمر

ضغطت مكان الضربه حتى توقف تدفق الدم

الي كان وكأنه حنفيه

حست بتجمع البنات حولها

بس ما تدري عن شيء الا بعد ما رجعت على البيت

بدأت تستوعب الي حولها

نزلت دموعها وهي تحس جسمها مهدد

من قوة الصدمه

غمضت عيونها بقوة وهي تتمنى تنام

لعلها تنسى وجع جسدها...

**

**

**

**

**

**

**

بعد المغرب نزلت شريفة مع بناتها لبيت فاطمه

دخلوا بعد ما سلموا وجلسوا بالصالة

شريفه بهدوء : اخبارها شوق ؟؟

فاطمه هزت راسها : بخير

الحمد لله

شريفه بهدوء: ان شاء الله ما تشوف شر

فاطمه هزت رأسها : الشر ما يجيك

دخل ناصر البيت ورد السلام ومشى بخطواته

باتجاه غرفة شوق بس

وقفه صوت فاطمه : اتركها يا ناصر

دوبها نامت

ناظر فاطمه وهز راسه ورجع جلس معهم بالصاله

بعد ما اعطى فاطمه كيس صغير : هذي مسكنات للوجع

هزت فاطمة راسها بعد ما اخذت الكيس

وعم الصمت بالمكان للحظات

التفت ناصر على مريم وبتساؤل  نطق: انت كنت موجوده  لما صار الموقف مع شوق ؟؟

ناظرت مريم ابوها بتوتر : لا

وناظر دانا : وانت ؟؟؟

دانا بنفس التوتر : لا

فاطمه باستغراب : ليه تسأل ؟؟

ناصر بقهر : ودي اعرف يمكن وحده من بنات المدرسة ضربتها وشوق تداري عنها

قاطعته شريفه : بس منار واميره كانوا معها

وقالوا انها ما انتبهت على الجدار واصطدمت فيه

ناصر بضيق كل ما يتذكر شكل شوق ودمها ينقهر : هذي السوالف ما تمر علي!!

كيف ما انتبهت للجدار ؟؟!!

يمكن يسترون على الموضوع ما يبغون تصير مشكله

وبحده : والله لو ادري انه وحده من البنات ضاربيتها

ما يحصل خير

ليه ابنتي جايبها من الشارع حتى يضربونها ؟؟

فاطمة بهدوء : انا اعرف ابنتي مخبوله

تمشي وما تناظر قدامها

ما احد ضربها

بس انت هدي وما له داع لكل ذي العصبيه

هز راسه بتوعد : يصير خير

وعم الصمت المكان وكل واحد غارق بأفكاره

**

**

**

**

**

**

جالسين بالمطعم ويغلب الهدوء على الاجواء

فارس بحقد : يا ليتها كانت القاضيه

وماتت وخلصنا منها

فتح مهند عيونه باستنكار : وش تقول انت ؟؟

استغفر ربك يا رجال

فارس بفحيح : اكرهها ما تتصور كرهي لها

فهد باستغراب : بس ما تصل لذي الدرجة !!

فارس هز راسه بقرف  : تراكم ما تعرفونها

ذي حيه !!

وعض على شفته  بقهر: خليني ساكت احسن لي

تدرون وش الي خايف منه ؟؟

تقول انه وحده من اخواتي هي الي ضربتها

فتح فهد عيونه بصدمه : معقول توصل لذي الدرجه ؟؟؟

فارس بحقد : واكثر من كذا

تراها انسانه خبيثة خبيثة الله يكفينا شرها..ما تعرفونها!!

سكت مهند وفهد بصدمه ما توقعوا

بنت عمهم تكون كذا !!!!!

**

**

**

**

**

**

جلست على السرير بتعب وناظرت ابوها

ونزلت نظرها وهي تفرك يدينها بتوتر :ءء كنت امشي وما انتبهت للجدار

ناصر وكلامها ما دخل راسه : شوق هذا الكلام ما يدخل راسي

وقف وهو يناظرها : هذا انا رح امشي باتجاه

الجدار وبدون ما انتبه له

ما رح يصير جرح مثل الي براسك

قولي لي الصحيح

مين ضربك ؟؟؟

فتحت عيونها على وسعها وناظرته : ما احد ضربني

هز ناصر راسه بتفهم : براحتك

واقترب منها وباسها على راسها واستأذن وطلع

من الغرفة

تنفست براحة من تحقيق ابوها

وناظرت الباب لما شافت امها داخله ومعها

كأسه عصير وتناظرها بابتسامة

ردت الابتسامه لأمها بملامح شاحبه!!

جلست امها على السرير بعد ما حطت الصينيه على جنب ومسكت يد شوق : كيفك الحين ؟؟

هزت راسها : بخير

فاطمه بهدوء: اشربي العصير مفيد لك

هزت راسها بهدوء وما تكلمت

فاطمة بابتسامة: لو ادري انك بعد الضربه

رح تعقلين كان من زمان ضربتك بالجدار

هههههههه

ابتسمت على كلام امها وما تكلمت

فاطمة وهي تسحب منها الكلام : والحين ابغى

بالتفصيل الممل كيف صقعتي بالجدار ؟؟

شوق بصوت متعب : كنت جالسه مع منار واميره

ونضحك وقمت اركض وهم من خلفي

يلحقوني وكنت اناظرهم وانا اركض بسرعه

وما انتبهت لزاويه الجدار واصطدمت فيه بقوه

هزت فاطمه راسها بعبوس  وهي تتخيل الموقف: هذا درس لك علشان تتعلمين مره ثانيه تناظرين قدامك يا متسرعه

هزت راسها ونزلت دمعتها وعيونها تنذر بسيل

من الدموع

مسحت فاطمة خدها وبابتسامه : ليه الدموع

يا بعد روحي ؟؟

شوق ودموعها تنزل بخفه: تمنيت وقت الحادث يكون عندي أخت توقف معي وتسعفني

فاطمه وهي تمسح على شعرها : عندك اخوات

بس انت مو معترفه فيهم وما اعطتيهم فرصه !

ردت شوق بنبره استهزاء : أخوات ؟؟؟؟!!!

فاطمه حطت اصبعها على فم شوق : خلاص

ما ابغى تفتحين هذي الاسطوانه

وتنهدت وهي تناظرها : ما ادري متى يطيح الحطب الي براسك ؟!!!

اخواتك مثل البلسم اتركي عنك الحقد وافتحي معهم صفحة جديدة!!

ناظرت امها وسكتت ما لها مزاج تتكلم

**

**

**

**

**

**

ناصر وهو يكلم بناته بعتب ولوم بعد حادثة شوق : انا كل عتبي عليك انت يا مريم

انت الكبيره العاقله المفروض تكونون دوم مع بعض

لازم تكونون يد وحده .......ما ادري وش اقول لك

اختك بنفس المدرسه وبنفس المرحله وما تدرين

عنها وما معك خبر عنها ؟؟؟

ليه اميره ومنال معهم خبر ؟؟؟

شريفة ترقع عن مريم : يا ناصر تراها شوق

الي رافضه وجود مريم معها

ناصر بحده :مو على كيفها شوق

انت اختها الكبيره ولازم تسمع كلامك وتكون معك

واذا رفضت تعالي وقولي لي وانا اتفاهم معها

مريم  بضيق :بس انا ما احب افرض نفسي على أحد

ناصر بزعل : قولي انك ما تبغينها وانتهينا

ما توقعتك كذا يا مريم

لكن مشكوره!!

حمل مفتاح سيارته وطلع من البيت!!

مريم بصدمه من كلام ابوها سكتت وما ردت واكتفت تناظره بعد ما خرج!

فارس الي دخل على اخر الكلام انقهر : الحين ليه حطت مريم بالسالفة ؟؟

والله متوقع تحط مريم بالسالفه وقلت هالكلام

من قبل

لكن يصير خير

وناظر مريم الي تبكي بصمت : لا تهتمي

بقلعتها

طالعت شريفة فارس بهدوء : اسكت تراك فاهم الموضوع

شوق ما قالت شيء بس ناصر عاتب على مريم ليه ما يمشون مع بعض بالفسحة

فارس بقرف : والله مو مضطره مريم تسد نفسها بالجلسه مع هالاشكال بالفسحه

شريفه خزته بعتب : وبعدين معك ؟؟؟

فارس ناظر مريم : ولا تهتمي لهذي الاشكال

انا للي رح أخذ حقك منها

وتوجه لغرفته وهو يتوعد

هزت شريفه راسها بضيق : لا حول ولا قوة إلا بالله

وناظرت مريم : ليه تبكين الحين ؟؟؟

مريم وعيونها حمر هزت راسها بالنفي: ما في شيء

وراحت لغرفتها

ودانا ووليد وعبود يناظرون بهدوء

**

**

**

**

في اليوم الثاني

راحت مع امها للمركز الصحي تنظف الجرح

الي براسها

ورجعوا عند البيت بعد ما دخلت امها

شافت فارس نازل من الدرج ومستعجل

بس وقف لما شافها ورفع حاجب باستهزاء : سلامات سلامات

ان شاء الله المره الجايه تكون القاضيه ونرتاح

منك للابد

ناظرته بكره العالم وتكلمت : رح ابقى شوكه

بحلقك وبحلق امك واخواتك

احتدت ملامحه : وقسم بالله كلمه زايده عن امي واخواتي امسح فيك الارض

لفت وجهها وطنشته ودخلت وقبل ما تقفل الباب

ناظرته : إن شاء الله تموت امك واخواتك قدام

عينك وما تقدر..

وبسرعه قفلت الباب بالمفتاح لما شافته متوجه لها

صرخ بصوت عالي : والله لتندمين يا زفته

وتمتم الله يأخذك ويريحنا منك

وتوجه طالع من البيت وهو يغلي من العصبيه

يكرهها وشوفتها تنرفزه

**

**

**

**

دخلت لغرفتها واسندت نفسها على الباب

وهي تتمنى تغير من حالها

مشكلتها تتنرفز وتتكلم بدون وعي

توجهت تبدل ملابسها بحذر

بعدها ناظرت نفسها بالمرايه وجهها منفخ

من حر الضربه

للحين أثار الدوخه فيها

ناظرت الباب لما شافت خالد دخل عليها : تعالي

جدتي لطيفه هنا

تنهدت وهزت راسها وطلعت من الغرفه

خلف اخوها

دخلت الصاله ولما شافتها الجده

وقفت وعملت فيلم آكشن

وجلستها جنبها وباهتمام مسكت يدها : يوجعك

شيء ؟؟

هزت شوق راسها بالنفي بدون ما تتكلم

طالعتها الجده وهي تمسح دمعها من طرف عينها : يا ويلي عليك كيف وجهها منتفخ

انا ما ادري انه صاير كذا

قالوا شوق ضرب راسها بالجدار وهي تمشي

ما كنت ادري انه هالجدار عامل فيك الحسايب

لو كنت ادري كان من البارحه كنت فوق راسك

ناظرتها شوق وبنفسها الحمد لله انك ما دريتي

كان صجت راسها من البارحه

ما تنكر حنان جدتها لها بس لما تتذكر انها

هي الي شجعت ابوها على الزواج تكرها

مدت الجده يدها الي كلها تجاعيد ومسحت على

شعرها بحنيه : الحمد لله انك بخير يا حبيبتي

وناظرت فاطمه الي دخلت ومعها صينية العصير : ترى انا ما رح اجلس عندكم لحتى اطمئن

على شوقتي انها بخير

فاطمه بابتسامة : حياك الله البيت بيتك خالتي

شوق برطمت شفايفها وبنفسها عشتو

هذا الي ناقص تقابل خشتي لاجل غير مسمى

والله لتطلع روحي فيها

جدتي واعرفها الله يكون بعوني

ناظرت امي الي قرصت عيونها تتوعد فيني

تبغاني اتكلم وارحب فيها ناظرت جدتي : ما في داعي

تكلفين على نفسك يا جده وتجلسين هنا

انا بخير

فاطمه اعطت شوق نظره حاده وغيرت الموضوع : نور البيت بوجودك يا خالتي

الجده بابتسامة : منور بوجودك

وين ناصر ؟؟

فاطمه ناظرت ساعة يدها: قريب يوصل ان شاء الله

ارتاحي يا خالتي

وبدأت فاطمه والجده بالسوالف باندماج

وشوق حاطه يدها تحت خدها وتسمع

السوالف بملل

***

***

***

***

***

بعصبية : انت تبغى تجلطني ؟؟؟

فهد ببرود : وليه اجلطك ؟؟

فوزيه مو عارفه كيف تقنعه تمنت لو لسانها

انقص ولا تكلمت قدام الحريم

هذي جزاتها فرحانه انها تبغى تزوجه وتفرح فيه

تنهدت وتكلمت بنفاذ صبر : لما يرجع ابوك انا رح اخليه يتفاهم معك

يعني بعد ما قلت للجماعه جاي الحين تسود

وجهي

فهد مو عاجبه تصرف امه : ومين قال لك تروحين تقولين لهم ؟؟؟

انا الحين ما ابغى اخطب ولا مفكر بالموضوع

وخاصه بهذا الوقت

فوزيه بقهر : اعطيني سبب واحد بس يقنعني

حرك فهد شفتيه بملل وقبل ما يتكلم

تكلمت خلود وهي داخله : يمكن مو عاجبه

بنات عمه

ناظرها فهد وابتسم : أموت على للي فاهميتني

فتحت فوزيه عيونها بصدمه : وش تقول ؟؟؟!!!!!

**

**

**

جالسه بالغرفه وتحس بالكتمه مخنوقه

من لما ضربت بالجدار ما طلعت من البيت

كانت تسلي نفسها بالمدرسه

اما الحين كونها أخذت اجازه تحس بالملل

فتت روحها وامها مو بالبيت واخوانها طالعين مع العيال

توجهت للمرايه وناظرت نفسها

وهي تتحسس ملامحها للحين تحس في انتفاخ

بوجهها الي يشوفها ينصدم

متغيره مع الانتفاخ

اميره ومنال وبنات عمها زاروها الامس

وتحمدوا لها بالسلامة

تحسست مكان الضربه بشويش

تنهدت وقررت تطلع للحديقه تغير جو

طلعت من البيت وناظرت المكان بتملل ومشت خطوات بطيئة تناظر حولها رفعت نظرها

للدور الثاني

وحست بكتمه بداخلها وجودهم معها بنفس

المكان يخنقها

لو كانوا بمنطقه ثانيه يمكن يكون اخف عليها

ما تتوقع ييجي يوم وتحبهم

جلست تحت شجره النخيل واسندت ظهرها

عليها

بعد ما ضمت رجلينها

تفكر بحياتها وش يخبي لها المستقبل ؟؟؟؟

حاسه بتخوف بداخلها للايام الجايه وما تعرف

سببه

ناظرت السماء بلونها الازرق وبعض الغيوم

تغطي السماء

جلست تتأمل الغيوم وهي تتخيل اشكال

كونتها الغيوم بحركتها

تحب تتأمل اشكال الغيوم وهي سارحه بافكارها

تنهدت ووقفت وهي تحس بالحر

بعد ما فركت عيونها من اثر النظر للسماء

ونفضت ملابسها وعادت ادراجها للداخل

بس توقفت لما شافت دانا نازله عن درج بيتهم

وتناظر شوق وبعيونها كلام

وبدون ما تسألها شوق تكلمت وهي تصطنع البراءه : بارك لمريم فهد خطبها

شوق ناظرت دانا وحست كلامها صاعقه ضربت جسدها حتى افحمها

وصارت كوم من فحم اسود

بلعت غصتها وهي تحس وكأنهم اخذوا حق لها

من صغرها وهي على اسم فهد

وش رح يكون موقفها قدام بنات عمها وصديقاتها

عضت على شفتها وهي تكرر بنفسها صديقاتها

الي دوم كانت تكلمهم انها مخطوبه لفهد

رسمت احلام ورديه لحياتها المستقبليه

والحين كل شيء بلحظة اختفى

وحل مكانه سواد بسواد

غمضت عيونها بلحظات تستوعب الكلام

وبداخلها تردد

المفروض يخطبها هي

كيف تحولت السالفه وانقلبت لصالح مريم

كيف اختار مريم ؟؟ ومتى اختارها ؟؟؟

شدت على قبضة يدها وناظرت دانا الي تتكلم

وشوق مو يمها بالها مشغول

ما تبغى تسمع شيء خلاص صرخت بصوت عالي : انقلعي عن وجهي

الله يأخذك انت وامك واخوانك كلكم

ان شاء الله تموتون كلكم

شريفه طلعت على صوتها : وش فيه يا شوق ؟؟

صوتك طالع ؟!!

شوق بكره وعصبيه وهي تردح بيدينها : تعملين نفسك غشيمه مو عارفه !!

اشبعي انت وتبنتك بعريس الغفله

ما استبعد اي شيء عنكم حبكتيها مع اختك فوزيه

وخلتيه يخطب مريم

وبنبره حقد

يا خطافات الرجاجيل

شريفه تضايقت من كلامها ومسكت نفسها

انها تعطيها كف يمكن لسانها يتعدل وبحده : شوق وش هالكلام ؟؟؟؟

احترمي نفسك

مريم ببراءه طلعت على صوتهم : وش صاير ؟؟

شوق بقهر : لا تفكري انت وامك وخالتك اني ميته

على هالفهد !

لا يا حلوه لاني ما اتشرف اخذ واحد عديم شخصيه

يعني بالمختصر

خروف وطرطور لامه وخالته

اخذتم ابوي والحين

سكتت بقهر وطالعتهم بنظره ناريه

ودخلت لبيتهم

قفلت الباب واستندت على الباب

وعيونها تلمع بالدموع

غافلتها دمعه ونزلت على خدها

مسحتها بأصبعها بشويش

وتوجهت لغرفتها

وهي تحس بالقهر كيف خطب مريم ؟؟!!!

متى صار هالكلام ؟؟؟؟؟

رمت نفسها على السرير

خلاص كرهت الدنيا والعالم كله

**

**

**

**

**

شريفه باستغراب بعد ما دخلت شوق : علامها ذي هبت فينا كذا ؟؟

مريم : ليه تكرهنا كذا ؟؟

شريفه ناظرت دانا باتهام : قلت لها شيء ؟؟

دانا : ايه قلت لها انه فهد خلاص خطب

مريم

شريفه بحده : من وين تجيبين هذا الحكي ؟؟؟

مريم بنبره لوم وهي تناظر دانا : فهد ما خطبني حتى تقولين كذا

عيب هذا الكلام يا دانا

وبعدين انا وشوق ما في فرق لو خطبها

والله لافرح لها

ليه كذا تعمل ؟؟

ومصره تعمل حاجز بيننا !!

دانا لوت بوزها : هذي مريضه نفسي والله لاقول لبابا عنها

قاطعتها شريفه بتوعد : وقسم بالله لو اسمع كلمه وحده

وصلت لابوك او لفارس ما يصير لك خير

هزت راسها بعدم اقتناع ودخلت خلف امها للي كانت مستغربه وهي ومريم كيف هبت فيهم

شوق وكأنها بركان

بس ما حد انتبه للشخص للي كان واقف قريب

من البوابه الخارجيه ويسمع الكلام بدون ما يشوف الاشخاص

**

**

**

**

**

في اليوم الثاني

جالسه بالصاله وتلعب على جوال امها بعد ما قررت

تنسى موضوع الخطوبه وما تعكر مزاجها فيه

تناظر الجوال ومتحمسه واصابعها يتحركوا على الشاشه وكأنها آله

هلكت حتى وصلت للدور النهائي

وهي مندمجه عند اخر مرحله وتحصل على المركز الاول

رن جوال امها وكانت شريفه انقهرت لما شافت

كل جهودها طارت بالهواء

والسبب شوشو

وبعصبيه بدون وعي ضربت الجوال بالجدار بعصبية

وبعدها استوعبت الموقف

و عضت على شفتها بندم لما شافت

جوال امها تكسر وكل قطعه على الارض

وبسرعه ركضت تجمع بقايا الجوال

وهي تشتم نفسها وقلبها يدق طبول من الخوف

لو يدري ابوها

لفت للخلف ومدت يدها تلتقط البطاريه

بس وقفت يدها لما شافت رجلين قدامها

رفعت راسها ببطئ وبلعت ريقها لما شافت امها

متخصره وتناظر فيها بنظره قويه

شوق بتردد وخوف : ي يمه

فاطمه بعصبيه : وجع شوفي وش عملت بالجوال

وبتوعد

ابوك على وصول خله يتفاهم معك لاني خلاص طق كبدي من تصرفاتك الغبية

وقفت شوق عند امها وبندم : والله ما كان قصدي

والله ما اعيدها بس لا تقولين لابوي

فاطمه تهز راسها بعناد : خليه يتفاهم معك

شوق بقهر من امها : كل هذا علشان جوال

فاطمه بعصبيه من عدم مبالاه شوق

وكل ما تكبر يقل ادبها وبقهر من تصرفها

قرصتها بيدها بقوه : ايه علشان جوال

يكفي اني ما قلت له عن سواد وجهك البارحه

مع ام فارس

تراني صرت انحرج من تصرفاتك وانحرج من...

سكتت بعد ما ناظرتها بقهر ودخلت على المطبخ

شوق تناظر زول امها الي اختفى عن انظارها وبصوت عالي مقهور وهي تفرك مكان القرصه : هذا جزاتي لاني اتكلم كذا من حرقتي عليك

لكن خلي شريفه تنفعك

دوم واقفه بصفها وانا اخخخخخ يالقهر

عضت على شفتها

وتوجهت للغرفه وهي مفوره من العصبية

**

**

**

**

**

**

تعوذت فاطمه من الشيطان

بس حركاتها وكلامها يستفزوها

حتى الجوال وما سلم منها

كل ما كبرت يزيد جنونها

ما تدري وش سببه ؟؟!!

مع انها دايما تحاول تغرس فيها الاخلاق الحلوه

بس هي تتكلم يمين وشوق بالشمال

تعبت معها وما تدري كيف تتعامل معها

دخل ناصر معصب ونادى على فاطمه

طلعت وناظرته مستغربه من عصبيته : وش فيه ؟؟؟؟

ناصر بغضب : ليه ما تردين على الجوال ؟؟؟

ام فارس اتصلت فيك وما رديتي وبعدها اعطى مقفل لما نتصل

عضت شفتها فاطمه لما تذكرت انها طلبت منه وهم راجعين يتصلون فيها توصيهم على بعض الحاجيات وبترقيع عن شوق : وقع الجوال وانكسر

ناصر زفر بضيق وجلس على الكنبه : دامه كذا مسموحه

وبنبره هادية : خلاص اليوم يوصلك احلى جوال

فاطمه براحه : تسلم ما تقصر

قاطعهم دخول سامي : يمه وين الغداء ؟؟؟

فاطمه ناظرته : روح نادي اخوانك وتعال

سامي : ان شاء الله

بعدها بلحظات دخلت شوق وهي تتكلم مع خالد

وتضحك ومبسوطه على الاخير

ناظرتها فاطمه بطرف عينها وهي فاقده الامل

منها قاعده تضحك ولا كأنه شيء استوى

بس لما شافت زول ابوها سكتت وبلعت ضحكتها

ابوها له هيبه في نفسها وتحسه انسان جدي

جلست بهدوء بعد ما ردت السلام

بعد وقت جهزت فاطمه السفرة ..جلست ريم وبدأت تتناول الاكل بهدوء

عم الصمت بالمكان الا من صوت الملاعق

لانه من طبع ابوها ما يحب الكلام على الاكل

كانت تحس بنظرات ابوها يطالعها كل شوي

اكملوا تناول الاكل وانسحب ناصر للصاله

ينتظر الشاهي لازم بعد الغداء يشرب شاهي

اما خالد وسامي رجعوا لغرفهم يذاكروا

نظفت الطاوله فاطمه وتوجهت

تجهز الشاهي تحت انظار شوق الي جالسه على الكرسي

تكلمت فاطمه بدون ما تناظرها : ودي الشاهي لابوك الحين ألحقك

وقفت بهدوء واخذت الصينيه وتوجهت للصاله

عند ابوها الي ماد رجوله على الكنبه

بعد ما شاف شوق عدل جلسته

ناولته شوق الشاهي وكانت تبغى تروح لغرفتها

بس وقفها ناصر : شوق علامها يدك كذا ؟؟

شوق تلقائي حطت يدها مكان قرصة امها : ها

وبترقيع يمكن ضربت بالباب

ناصر عارف ومتأكد انه الاثر هذا مكان قرصه

فاطمه اذا بغت تضرب العيال تقرصهم

وبنفس الوقت

يعرف انه فاطمه ما تضرب الا لما تكون السالفه قويه ربط الاحداث

بعقله الجوال مكسور وفاطمه ضربت شوق

فاكيد صار شيء وبحده : ليه ضربتك امك ؟؟

فاطمه وهي بالمطبخ لما سمعت صوت

ناصر طلعت تشوف وش السالفه

لما وصلت وسمعت كلامه : وش فيه ؟؟

ناصر  بتحقيق: ليه ضربتي شوق ؟

وقبل ما تجاوب كمل : علشان الجوال

ناظرته فاطمه وهي عارفه ذكاء ناصر خافت يروح باله بعيد تكلمت : امممم بصراحه

ترى شوق هي الي كسرت الجوال

وقع منها وتكسر وانا عصبت وقرصتها

هز ناصر راسه وطالع شوق ساكته : لمتى تريحين

امك وتعقلين ؟

وما انتظر منها اجابه وناظر فاطمه :تعال اشربي

شاهي

ناظرتهم شوق وطلعت بسرعه قبل ما يفتح لها ابوها تحقيق ثاني ....

كانت فاطمه تبغى تسأل عن فهد وش صار بالموضوع

بس ترددت وقررت تنتظر وتشوف وش رح يصير

**

**

**

**

مر يومين والوضع هادي

لبست العبايه وبدت تعدل الشال وترتبه

تبغى تروح مع امها بعد المغرب عند صديقتها

بس افزعها لما دخل خالد عليها : شوق ابوي يبغاك

ضروري بالمجلس وتراه معصب ويقول لك .. وقبل ما يكمل كلامه

بدون وعي من الخوف توجهت للمجلس تركض

وقلبها يتراقص من الخوف

وهي تتذكر وش عملت حتى ابوها يطلبها

عضت على شفتها وهي مو ذاكره انها عملت شيء

وتردد بداخلها والله ما عملت شيء

ولا شيء

وحتى شوشو وعيالها ما شفتهم

وبتذكر

ايه قال لي ارتب المجلس ونسيت

يا فضيحتي الحين

ودخلت المجلس مدرعمه وبدون وعي

تكلمت وبنبره خوف : والله يبه إني نسيت انظفه!!

سرعان ما وقفت وبلعت ريقها لما شافت فهد جالس بالمجلس... تمنت الارض تنشق وتبلعها

موقف ما تنحسد عليه ابدا

داخله عليهم مثل الغبيه

صدقت منال  واميره لما قالوا عنها همجية طالعت ابوها الي تكلم بحزم  : اجلسي يا شوق

رجعت خطوه للخلف بس

صوت ابوها الحازم خلاها تجلس بأقرب مكان لها

جلست وهي خلاص شوي وتبكي

على هذا الموقف الي انحطت فيه

وبسرعه لمعت فكره في بالها

فهد بالمجلس وابوها وهي

فهذا يعني انه جاي يخطبها

حست تبغى تطير من الفرح

وتحلق لبعيد من الفرح

بس سرعان حست جناحيها انقصوا

وهوت على الارض

لما شافت من الباب الخارجي للمجلس شريفه ومريم داخلات

سلمت شريفه على فهد وجلست

وجنبها مريم الي وجهها مورد من الحياء

عقدت حواجبها وهي تفكر ليش ابوها جمعهم هنا ؟!

بعد صمت دام لثواني تكلم ناصر بجديه: شوف يا فهد ذول بناتي... لك حرية الاختيار بينهم

عضت شوق على شفتها بقهر تستوعب الكلام ؟!!!

وش شايفهم

بندوره وخيار حتى يختار ؟؟؟

وش هذي المهزله ؟؟

لازم تنهي هذي المهزله ؟؟؟

وش يظنونها مشفوحه على الزواج حتى يحطونها

بهذا الموقف ؟؟؟؟

اذا الزواج رح يكون بذي الطريقه تفضل انها تعنس

طول حياتها ولا تبقى دقيقه هنا

استجمعت كل قوتها حتى توقف كل هالمهزله

وناظرت ابوها حتى تتكلم

وخلال لحظات تبخرت شجاعتها

لسانها انربط مو قادره تتكلم

قررت تطلع وتترك لهم المجلس بدون كلام

بس رجلينها خانوها

ناظرت مريم الي كانت ملفته للنظر بأناقتها

وترتيبها وجمالها وبنعومه بشرتها الخاليه من الميك اب

بمقارنه مع نفسها وهي تتذكر شكلها قبل

ما تطلع من الغرفه

اكيد مريم هي الي رح يختارها

حست بالدمعه بعيونها متحجره

وش هذا التصرف ؟؟

لو كانت تدري كان ما دخلت ورح ترفضه لانها مو بندوره يعرضها ابوها كذا !!!

وبنبره اضعف او على الاقل اعطوها خبر ترتب

نفسها

مو تدخل مدرعمه مثل الغبيه العبيطه

قرفت حياتها خلاص متى تطلع من المجلس

ما تبغى فهد ولا غيره

وجودها بالمجلس يخنقها اكثر

ناظرت بطرف عينها وشافت فهد عيونه

مسلطه على مريم

كيف ما يناظرها وهي بهذا الجمال ؟!!!

وشريفه ابتسامتها شاقه الحلق

ومريم عيونها بالارض من الحياء

غمضت عيونها وهي تسمعه يكلم مريم : اي سنه

يا مريم ؟؟؟

مريم رفعت عيونها للحظات ونزلتهم للارض وتوردوا خدودها وزاد جمالها بذي الحركه وبصوت ناعم هادي : ثالث ثانوي

فهد بابتسامة : على خير ان شاء الله

وش ناويه تدرسين ؟؟؟

مريم باحراج : حسب المعدل

فهد بابتسامة : ان شاء الله تحصلين علامات ترفع الراس

وتدخلين التخصص الي تبغينه

شريفه بابتسامة: ان شاء الله

ناصر بفخر : تراها من الاوائل وان شاء الله تجيب نسبه ترفع الراس

فهد بابتسامة يناظر مريم : ان شاء الله

تستاهل مريم كل خير

كانت تحس نفسها موجوده بالمكان الغلط

اصعب شعور تكون على الهامش

يتكلمون ولا كأنها موجوده

زاد حقدها على شريفه ومريم

ما تدري ليه نادوها يمكن فازا بالزاويه للزينه

تنهدت بنفسها ويا شين هالفازا

بلعت ريقها لما سمعت فهد يتكلم بهدوء وهو يناظر ابوها : والله يا عم نسبك يشرفني

وبناتك اعزهم واحترمهم

وان شاء الله ما احد يزعل من اختياري

وكل شيء قسمه ونصيب

بعد اذنك يا عم اقول اختياري

ناصر زم شفته : هذا حقك وما احد يزعل

الزواج حياه يختار شريكه الي يناسبه

حتى يكمل حياته معه

وسواء مريم او شوق كلهم بناتي واتمنى لهم

الخير

ولولا اني اعرفك مثل ولدي ما سمحت لك تختار

بينهم

فهد بابتسامة : تسلم يا عمي

اخذ نفس وتكلم بهدوء : والله يا عمي انا اطلب

يد مريم

تهلل وجه شريفه ومريم حمر وجهها من الاحراج

اما ناصر تكلم بهدوء وبداخله ضيق ما يدري وش سببه ما ينكر انه كان يبغى يكون الاختيار من نصيب شوق لها معزه بقلبه تفوق كل اخوانها

يكفي انها بنت فاطمه

بس مستحيل يفرق بين عياله مثل ما يعامل

بنت فاطمه يعامل بنات شريفه

تنهد وتكلم :، على بركه الله

وطالع مريم : مبروك يا مريم وفهد ان شاء الله رح يسعدك

وناظر شوق والغصه بحلقه وقبل ما يتكلم

استجمعت شوق قوتها وقفت بدون ما تناظرهم وملامحها جامده

تحس انه كرامتها انهدرت وانذبحت

خلوها مسخره

وين امها تدافع عن حقها المغصوب ؟؟؟

طلعت وهي تجر اذيال خيبتها

قفلت باب المجلس

شدت على قبضة يدها

اخذت نفس عميق تحاول تسترد روحها

الي ذبحوها قبل لحظات

مشت خطوات بطيئة شافت امها وهي طالعه

من المطبخ : شوق وين كنت ؟؟

ناظرت امها الي المويه تمشي من تحتيها وهي ما تدري

توجهت لغرفتها وما ردت على امها

***

***

***

***

***

ما مسكت نفسها واطلقت زغروده

تعبر عن فرحتها

كيف ما تفرح وأمنيتها تحققت بعد ما خطب

فهد مريم

الي من زمان تتمناها لفهد

ناظرت فهد ودموعها على خدودها من الفرح

وبصوت تخنقه تعابير الفرح : مبروك يمه مبروك

مسح على راس امه بابتسامة : الله يبارك فيك

ومسح دموعها : ليه هذي الدموع ؟؟

فوزيه بابتسامة : من الفرحه واخيرا رح اشوفك

عريس

وبنبره استغراب : كيف خطبت وانت قبلها كنت

رافض الزواج ؟؟؟ !!!

فهد بضحكه قصيره : الحين اهون عن الزواج

قاطعته بخوف انه يغير رأيه : كل شيء ولا تغير

رأيك

تعال تعال اجلس وقول لي وش صار لما شفتها

مشى معها وهو يبتسم على لهفة امه

***

***

***

في اليوم الثاني

جالس بالمطعم مع فارس بهدوء

فارس الي يضحك بصوت عالي : ههههههههه

وبصوت منخفض : الحمد لله شمتتني فيها

اكرهها كره مو طبيعي

يا ليتني كنت جالس وصورتها هههههههه

فهد ابتسم مجامله ومن داخله يحس

بالحزن على شوق بس كلامها استفزه

لما قالت عنه خروف فحب يوريها الخروف والطرطور على اصوله

ولما عرض عليه عمه انه يشوف شوق ومريم

استغل الفرصه

بس ما ندم على اختياره لمريم عجبته حيل

فارس بابتسامة : شوف وش رح اعمل الحين

ناظره فهد وابتسم وهو يناظره

مسك فارس الجوال واختار الاسم

وضغط اتصال

وحط الصوت على السماعة الخارجية وابتسامته شاقه الحلق

بعد كم رنه وصله صوتها :الو

فارس بنبره سخريه : هلا والله اخبارك يا ب

وبهتت ملامح لما شاف قفلت الخط

احتدت ملامحه واتصل مره ثانيه انقهر لما اعطته

مشغول

فهد ضحك بهدوء : هههه وش تبغى فيها ؟؟

فارس حط الجوال بقهر : كنت ابغى اقهرها

هالزفته

فهد قاطعه: وانقلبت الايه وقهرتك ههههههه

فارس وملامح القهر عليه : تخسى

والله لتندم علشان مره ثانيه تقفل الخط وانا اتكلم

فهد بمزاج رايق : لو يدري عنك عمي ناصر بيزعل

اتركها بحالها

فارس : ما ارتاح الا اذا نكدت عليها

وبلقافه : ما قالت شيء لما اخترت أختي مريم ؟؟؟

فهد خزه: يا لقافتك !!!

قلت لك ما قالت شيء

حملت نفسها وطلعت بهدوء

حتى عمي ناصر كان يبغى يقول لها شيء

بس طلعت وما تكلمت

فارس بتفكير : تدري عندي موظف بالشركه

افكر ازوجه لها واخلص منها

فهد عقد حواجبه بانزعاج : الظاهر إنك انجنيت

وبعدين عمي ناصر مستحيل يقبل

فارس بغموض : انا اقنعه وتشوف

سكت فهد وهو مو عاجبه تصرف فارس

بس ما حب يجادله لانه يعرف عمه ناصر

مستحيل يقبل بهذا الشيء ......

***

***

***

***

وقفت بضجر عكر مزاجها فوق ما هو معكر

لو ادري انه هو الي يتصل كان ما ردت

تحس للحين متنرفزه من صوته

شتمت نفسها لو شافت المتصل قبل ما ترد

تأففت بضجر وتوجهت للمرايه

بقلب ميت موجوع

ناظرت نفسها بتأمل

عيونها أوسع من عيون مريم بكثير

حواجبها نفس حواجب مريم

تحسست انفها بارز للامام بطريقه تعجبها

مو كبير ولا صغير مناسب مع تقاسيم وجهها

عكس مريم انفها صغير كثير

ناظرت فمها مو صغير

بنات عمها وصديقاتها يقولون اجمل ما فيك

لما تبتسمين

شفايف ممتلئه رسمتها جميله وخاصه مع الابتسامه والغماز تطلع شيء جذاب

اما مريم فمها صغير كل شيء فيها صغير

وجميل تجذب كل من شافها بأناقتها ونعومتها

واكبر دليل

البارحه فهد انسحر بها وظل يطالعها طول الوقت

عضت على شفتها وهي تفكر

المفروض ابوها ما دخلها وللحين الضربه

اثارها واضحه على وجهها

وبفحيح امل

يمكن لو انتظروا حتى تروح الاثار يختارها فهد

بس سرعان ما نفضت الفكره من راسها

ما تبغى فهد ولا غيره

خلاص عافت الزواج قررت تبغى مع امها

طول حياتها

وخلي الزواج لبنات شريفة

ما خبرت أمها عن الي صار البارحه وقررت تنسى

كل شيء

وكأنه ما صار

بس لما تتذكر الوضع الي انحطت فيه

وكيف كانت وكأنها جدار بينهم

تزيد حقدها على مريم وامها وعلى فهد

مو طايقه تشوفهم

تنهدت تتمنى يروح الكره والحقد الي بقلبها

بس غصب عنها تحقد عليهم

مو بيدها

والي قهرها ابوها كيف رضي بهذي المهزله

كيف وافق ؟؟؟!!!!!

***

***

***

***

***

بعد يومين تتكلم مع اميره على الجوال ...

اميره بعدم اقتناع: يعني ما تضايقتي لانه

خطب مريم ؟؟؟

شوق ببرود : وليه اتضايق ؟؟؟

اصلا ما يهمني ولو خطبني كنت رح اوافق علشان ابوي بس والا فهد ما همني بقلعته

اميره مو قادره تصدق لانها عارفه صديقتها

الروح بالروح دوم ترسم احلام ورديه

مع فهد والحين تقول كل هذا ما له اصل : طيب

كيف اختار مريم ؟؟؟

يعني هو جاء وقال ابغى اخطب مريم ؟؟؟

شوق بنرفزه من الموضوع وذكرتها

بالموقف البايخ الي انحطت فيه .. نطقت بنرفزه: وانا وش عرفني

؟؟

بقلعته هو ومريم

اميره بابتسامة: علامك تقولينها كذا

وقبل ما شوق ترد قالت : انتظري شوي

وش تقولين ......مين الي قال لك ؟؟ ........

وش رح يعملون ؟؟؟ ........

شوق الي كانت متنرفزه : انت وينك رحتي ؟؟؟

ومع مين تتكلمين ؟؟

اميره بتمثيل متقن: هذي امي تقول انه الفحص بين

فهد ومريم مو زابط

شوق  بلامبالاة: وانا وش دخلني ؟؟؟

اميره رفعت حاجب : يعني الحين عمي ناصر رح يزوجك لفهد علشان الناس

قاطعتها شوق بعصبية : تخسين اخذ هذا الخروف

وبعدين انا مو حجر احتياط ما تم الموضوع مع

مريم يحطوني انا ؟؟

لو ما بقى ولا رجال بالعالم ما تزوجت هالفهد

اميره بابتسامة : علامك عصبتي تراني ام.....

قاطعتها شوق بعصبية : اكلمك بعدين

لانه عندي شغل لازم انهي هالمهزلة

وقفلت الخط وهي مفوره من العصبية

واميره تطالع الجوال بصدمه ما توقعت

تنفعل كذا

وبسرعه رنت عليها قبل ما تعمل لها مشكله ...لزوم تعرف إنه مقلب..

بس شوق اعطتها مشغول وطلعت من الغرفه

**

**

**

**

جلست مع فاطمه الي ظاهر عليها التأثر بعد ما سمعت

انه فهد اختار مريم ومع ذلك باركت لشريفه ومريم

بكل محبه وتمنت لها السعاده

بس مستغربه شوق ما فتحت السيره ولا تكلمت

قطعت الصمت : وش رايك تطلعين للسوق وتشترين شيء للملكه ؟؟

شوق عقدت حواجبها : اي ملكه ؟؟؟

فاطمه : وش فيك ملكة مريم ابوك الصبح

خبرني انه الفحص ممتاز والحفله رح تكون بعد

اسبوع

شوق بشرود وهي تتذكر مكالمة اميره

شدت على يدها وهي تتوعد فيها

كانت تضحك عليها

التفتت على امها بذهن شارد

فاطمه ؛ وش رايك بعد المغرب اليوم نطلع ؟؟؟

شوق ببرود تتظاهر فيه ومن داخلها نيران  تحرقها: لا

فاطمه رفعت حاجب : طيب وش ناويه تلبسين ؟؟

شوق بتفكير وتخطيط

ردت بمراوغه : عندي الفستان الزهر

فاطمه مو عاجبها بس بنظرها ولا البلاش : براحتك

**

**

**

**

**

اميره بخوف رايحه جايه بالغرفه حاطه يدها

على قلبها

تروح شوق تنشر هالكذبه الي قالتها

عضت على شفتها بندم ما كان قصدها

كانت تمزح معها بس توقعت شوق تصدق

بذي السهوله

عضت على اصبعها لو تدري امها او ابوها

رح تروح فيها

وخاصه امها تموت من القال والقيل

بلعت ريقها لما شافت امها واقفه عند الباب _ اميره

ناظرت امها وبلعت ريقها وملامحها مرعوبه

ام احمد رفعت حاجب : وش فيك ؟؟؟

هزت راسها بالنفي : ما في شيء

ام احمد بحده : ليه تقولين

فتحت عيونها عالاخير لما شافت ملامح امها المعصبه

وبدايه السؤال ليه تقولين

فأكيد امها وصلها الخبر غمضت عيونها بقوه

تنتظر الاعصار من امها

بس تنهدت براحه لما سمعت امها تكمل السؤال

ليه تقولين لخالتك اني مو بالبيت ؟؟

طالعت امها بعباطه : ها

ام احمد تنرفزت منها : وقسم بالله اذا عملت هالحركه مره ثانيه لا تلومي الا نفسك فاهمه

هزت راسها براحه

وبسرعه بعد ما طلعت امها اتصلت بشوق

كمحاولة اخيره

تقول لها انها تمزح بس تبغى تشوف رد فعلها

حست الروح ردت لها لما سمعت صوت شوق

الي تتكلم من رؤوس خشومها :نعم ؟؟

اميره بفرحه : الله ينعم عليك يا احلى ورده بالعالم وما خلت فرصه لشوق تتكلم عبرت عما بداخلها

بسرعه : تراني كنت امزح معك يا دبه

وبصوت قريب للبكاء : والله كنت امزح معك

شوق مهما عملت اميره تحبها وبسرعه تسامحها تكلمت بثقل ويقال انها زعلانه : وهذا مزح ؟؟

انت متخيله لو انا تكلمت

قاطعتها اميره بندم : خلاص انسي

والله ما فكرت بالعواقب لو انت تكلمت وانتشرت هالكذبه

شوق : تدرين امنيتي اشوفك الحين قدامي

واصفعك كف على وجهك على هذا المقلب الي مثل وجهك

خلاص قفلي ترى قلبي عليك مليان

اميره بضحكه بريئه : صافي يا لبن ؟

شوق بدون نفس : صافي يلا طيري

قفلت الخط اميره وسجدت على الارض شكر

لله انه ما صارت سالفه بسبب كذبتها

وبندم اعلنت توبتها ما رح تكذب مره ثانيه

ما وصلها الا وجع الراس من الكذب

ورددت بداخلها فعلا انه الصدق منجاه

والكذب ما ييجي منه الا المصايب

***

***

***

***

باليوم الثاني

فاطمة بابتسامة : الله يجيب الي فيه الخير......ان شاء الله .......اكيد ما رح نلاقي احسن من

مهند ... .. تسلمين .......والله ما ادري .......امممم خلاص اشوفك اليوم ...... الله يسلمك مع السلامة

قفلت الخط فاطمه وابعدت شوق عنها بضجر : اعوذ بالله ملقوفه

شوق بانتعاش : صدق يمه عمتي تبغى تخطبني

لابنها ؟؟

فاطمه حطت الجوال جنبها : تراه كلام مو رسمي

قالت انها تبغى تخطبك بس بعده ما صار شيء

يا ويلك اذا سمعت انك متكلمه بحرف

قدام احد

شوق وتذكرت رفض فهد لها وانمحت ابتسامتها وببرود : ومين قال لك ابغى اتزوج ؟؟

فاطمه بعبوس : ليه ناويه تعنسين ؟؟

شوق بلامبالاه : ايوه ابغى اعنس

واجلس عندك طول حياتي

فاطمه ابتسمت : لما تخطبين رح تغيرين رايك

وبتشوفين

شوق وقفت وتركت امها وتوجهت لغرفتها

خلاص عافت الزواج

تمنت لو كانت شاطره بالمدرسه وتشغل نفسها

بالدراسه

مسكت ورقه بيضاء وسرعان ما مزقتها ورمتها

بالزباله

وزفرت بضيق وهي محتاره

هل ترفض مهند ؟؟

بس عيون امها الي كلها فرحه لما خبرتها ام مهند

ما تدري تختار بين فرحه امها والا كرامتها

عضت على شفتها لما تذكرت عمتها كيف تحبها

وتفرح بشوفتها

صعب ترفض ابنها وتكسر بخاطرها

حضنت راسها بيدينها وهي محتاره ما تدري وش يكون موقفها من الخطوبه هذي

توقفت افكارها للحظه

لو رفضت مهند رح يقولون انها تبغى فهد وعلشانه رفضت مهند

مع انه فهد ما يعني لها شيء

عضت على شفتها بقهر ذبحها التفكير وما استقرت

على موقف محدد

**

**

**

**

**

: لا تهتمي يا مريم هذا نصيب

مريم بتأثر وحزن لما تذكرت الموقف : صحيح انها تكرهنا

بس الوضع الي كانت فيه بصراحه يجرح

المفروض فهد ما اختار قدامنا

لو اختار بعد ما طلع واعطى الجواب لبابا

مو كذا الاسلوب

شريفه  زمت شفتها: ما ادري عنه ليه قال كذا على طول

دانا جلست جنب امها : خالتي فاطمه معها خبر

قاطعتها شريفه : لا ما تدري عن شيء

وانا لولا فارس خبرني كان دخلت المجلس

معك مثل الاطرش بالزفه

ابوك ما خبر احد

بس الله اعلم وش في بالها هذي البنت

اخاف تخرب الحفله

مريم بخوف وهي تتوقع اي شيء من شوق : معقول تعملها

شريفه ما تستبعد عن شوق اي شيء : والله شوق اذا عصبت ما تشوف قدامها

الله يهديها

دخل ناصر البيت بهيبته

مريم توترت لما شافت ابوها هي من الاول تستحي منه والحين مع الخطوبه زاد الوضع

ناصر بهدوء جلس بعد ما رد السلام : وش صار على الغداء ؟؟

شريفه بابتسامة : جاهز

توجهت مريم بسرعه تجهز السفره مع اختها

**

**

**

**

**

ناصر ناظر شريفه السعاده تشع من وجهها من يوم

ما اختار فهد لمريم

تنهد وهو للحين متضايق من الموقف بعد ما صار

كل شيء ...تندم قد شعر راسه

بس كل شيء قسمه ونصيب

ناظرته شريفه وعقدت حواجبها باستغراب : وش فيك ؟؟؟

ناظرها وبدون نفس تكلم : ما في شيء

شريفه بضيق من تصرفه وهي متأكده كل هالضيق لأن فهد ما اختار شوق وبنبره فيها

من القهر : ترى كلهم بناتك !!

ناصر اعتدل بجلسته وناظرها بحده : وش قصدك ؟؟

شريفة بندم على تسرعها ؛ ولا شيء

ناصر وهو على نفس الوضع : الي يحلم يفسر

أما تقعدين تقطين حكي هذا انا ما احبه

وتركها وتوجه لغرفته ما يحب احد يقول

انه يفرق بين عياله عمره ما فرق بينهم

كلهم يعاملهم مثل بعض ليه تقول كذا

ضرب بيده بالجدار

لذي الدرجة باين الضيق بملامحه علشان شوق

تنهد بعد ما جلس على السرير

غصب عنه يميل لشوق بس عمره ما ميزها عن اخوانها

كيف يميز بينهم والرسول  عليه السلام وصى العدل بين العيال

ولو بالقبله

ما رح يفرق بين عياله لو كان اخر يوم بحياته

سمع صوت فارس وهو يدق الباب عليه بهدوء

ناظره وهو يدخل عليه وابتسم غصب عنه

وكيف ما يبتسم وهو يشوف فارس قدامه

صار رجال كبير

اتسعت ابتسامته وهو يشوف فارس اقترب منه

وباس راسه : ما تبغى تتغدى يالغالي ؟؟؟

هز راسه بالموافقه وهو يناظره وده يدخله بقلبه

ويسكر عليه

له معزه بقلبه ما يوصلها إنسان ويعامله غير عن كل الناس

فارس ابتسم : علامك تناظرني كذا

وكأنك اول مره تشوفني ؟!!

ناصر تنهد : ما تدري كم افتخر فيك يا ولدي

الله لا يحرمني منك

فارس بمحبة : امين

يلا قوم معي للغداء عز الله ما رح نلحق شيء

وليد وعبود شفتهم دخلوا المطبخ

وقف ناصر وابتسم : الله يهديهم إخوانك ذول

ما ادري متى يكبرون ويريحوني من ازعاجهم ومشاكلهم

هز راسه فارس : ييجي اليوم للي يكبرون فيه

دخلوا المطبخ والكل جالس ينتظر فيهم

وليد حط اللقمه بفمه ولما شاف ابوه داخل

بلعها بسرعه وحسها وقفت بحلقه

كح كح كح

وبسرعه مسك كاس المويه وشربه على نفس واحد

واخذ نفس بعد ما دق على صدره

ناصر جلس وناظره بنص عين : من الادب انك ما تسبق امك وابوك على الاكل

وليد بترقيع : يبه بس لقمه

عبود قاطعه : كذاب لا ترد عليه يبه

امي قالت له انتظر ابوك و اخوك

قال اذا خلص الاكل المطاعم وش وظيفتهم ؟؟

ناصر ناظر وليد الي بلع ريقه : صحيح هذا الكلام؟؟

وليد حك راسه باحراج : كنت امزح ههههه

ناصر ضحك على ضحكته يسايره : هههههه

وبحده قوم اشوف على غرفتك علشان لسانك الطويل يتربى

وليد باعتراض : بس يبه

ناصر بحده : انا وش قلت ؟؟؟

ناظر فارس يستنجد فيه وهو يعرف معزته

وابوه ما يرفض لفارس طلب

بس فارس افحمه : روح ذاكر باكر عليك امتحان

فتح عيونه بقهر وهو يتوعد بفارس

وتوجه طالع من المطبخ

والباقي يناظر وساكت

اما عبود يوزع ابتسامات ومبسوط على طرد ابوه لوليد بس فز لما سمع صوت ابوه : وانت يلا على الغرفه

علشان مره ثانيه تنقل الكلام

وبحزم اكبر : يلاااا

طلع عبود بدون اعتراض

وتوجه للغرفه وضرب الباب بقوه

طالعه وليد وهو مستلقي على السرير

وضحك بشماته : تستاهل ما جاك يا فتان

عبود بعصبية : ترى مو ناقصك الحين احط حرتي

فيك

تراني مو طايقك

وليد ميل فمه بسخريه : لا انا اموت عليك

اقول تلايط من هنا

ترى شوفتك تجيب لي

قاطعه عبود بعصبية : وليد خلاص انكتم

نهض وليد نفسه شوي وبتحدي : واذا ما انكتمت وش رح تعمل ؟؟

عبود بعصبية هجم عليه واشتبكوا مع بعض

بعراك

بعد وقت من العراك ابتعدوا عن بعض

وكل واحد يلهث بتعب

ناظروا بعض وبعدها انسدحوا على الارض

من الضحك

وليد وهو يضحك : هههههههه شكلك تحفه هههههههه

عبود رد وهو يضحك : شوف شعرك تقول صايبه

التماس كهربائي هههههههه

وضجت الغرفه بأصوات ضحكاتهم

وبعدها جلسوا وناظروا بعض واشكالهم حوسه

وتكلموا مع بعض : كم معك فلوس ؟؟؟

واطلقوا ضحكاتهم مره ثانيه

وليد اخذ نفس : قوم قوم غداك اليوم على حسابي

عبود ابتسم : إلى الامام سرررررررر

اقترب وليد من عبود وحط يده على رقبته وحضنه وبصوت منخفض : بس جيب معك «...»

تراني مفلس

دفعه عبود بخفه عنه : اقول انقلع

وقلد صوته بسخريه : «قوم قوم غداك اليوم على حسابي »

وهذي اخرتها !!!!

وليد دفعه على ظهره بابتسامة : امزح معك يا رجال

قوم ترى الجوع ذبحني

وقفوا وجهزوا نفسهم وطلعوا من الغرفه

بخفه علشان ما احد يشوفهم

ويطلع لهم ابوهم بسالفه ثانيه

وبسرعة انطلقوا خارج البيت

تحت نظرات شريفه وابتسامتها مرسومه

وهي تشوفهم يكبروا قدام عينها

وليد صار عمره 15

وعبود عمره 14

بس تحسهم اكبر من عمرهم

غمضت عيونها للحظات وهي تدعي ربنا يحفظهم لها

**

**

**

**

ناظرته بحنق : وبعدين معك ؟؟؟

رد ببراءه : وش فيك ؟؟

ناظرته امه وبعدها اشرت على الواكس : شوف

حطيت كل العلبه على راسك يا مهبول

تأفف رائد : اففففف يمه

قاطعته بحده : ولا تقل لهما اف

كمل رائد بابتسامة : ولا تنهرهما .

وصار يلعب بحواجبه

ام رائد بعصبية : رائد

طالعها : وش فيك من لما دخلت تصرخين علي ؟؟؟،

تكتفت وهي تهز رجلها بعصبية : غسل شعرك

يا غبي

تراك تنهبل لما تيجي عندنا

بح ما يصير فيك عقل

ناظر امه وهو يظهر نفسه مو فاهم مع انه

لما سمع انها اليوم جايه بسرعه توجه لغرفته يرتب نفسه

هزت راسها بقهر منه : تعمل نفسك ما تدري ؟؟

بعد شوي راجع ويا ويلك اذا شفت شعرك

بذا الشكل

ما تلوم الا نفسك

تكلم بحنق : يمه تراني مو صغير تعامليني كذا

تراني رجال واعرف مصلحتي

رفعت حاجب مو عاجبها : ايه رجال

بس يا ليت يا رجال تترك هالحركات الطايشه

طلعت من الغرفه وهي تكلم نفسها بصوت مسموع : عمره 15 سنه وعامل حاله رجال ابو 30 سنه

ما اقول الا مالت عليك

قاطعها صوته وهو مطلع راسه من الباب : ترى عمري 15سنه و 7 اشهر

يعني قريب ادش 16

لفت وناظرته وارتفع ضغطها لما شافت شعره

واقف كله وكأنه جني

صرخت عليه : انقلع غسل شعرك

مالت عليك قال 16

الله يصبرني عليك قال سن المراهقة

الله يعيني اصبر كم سنه وتخلص هالمراهقه واشوف

نهايتها معه

**

**

**

**

**

وقفت بقهر نفسيتها زفت وقررت تروح مع امها

عند خالتها تغير جو

بس لو تدري انه فارس الي رح يوصلهم

ما طلعت من البيت

وقفت قريب من السياره وهمست لامها : خلاص هونت ما ابغى اروح

مسكت فاطمه يدها وهمست : اقول اركبي

وبلا هذره فاضيه

شوق بعناد : ما ابغى اروح او خلي السواق

يوصلنا

اما هذا مستحيل اركب معه

رجعت للخلف ناويه ترجع بس امها

مسكتها من يدها ودخلتها السياره بالغصب

جلست وهي تتأفف

ناظرها فارس وهو عافس ملامحه بقرف

وهز راسه وحرك بدون ما يتكلم

احترام لفاطمه والا كان سمعها كم كلمه

تبرد حرته فيها

طول الطريق الصمت يعم السياره

الا من تهامس خالد وسامي

تناظر من الشباك وهي مو طايقه حالها

تحس هالفتره مضغوطه نفسيا

بس تهللت ملامحها لما شافت رائد واقف ينتظرهم

برا

وقف فارس وعقد حواجبه وهو يشوف رائد واقف عند السياره

وعيونه على الي داخل السياره

رائد والابتسامه شاقه حلقه : هلا هلا تو ما نور البيت نزلت فاطمه وسلم عليها

وعيونه على داخل السياره

وبعدها سلم على خالد وسامي

وزادت ابتسامته لما شافها نزلت من السياره

تقدمتهم فاطمه للداخل

وخالد وسامي ورائد وشوق يمشون خطوه

ويتكلمون باندماج

حس النار مولعه بداخله يبغى ينزل ويكسر راسها

ويحط حرته بخالد وسامي الي الوضع عندهم عادي

نزل من السياره وهو ناوي عليها

بس عاد ادراجه لما شافها

تركتهم ودخلت داخل

وعيون رائد عليها

حرك السياره وهو يتوعد برائد ....

***

***

***

***

بصاله متوسطه الحجم باللون الابيض والاثاث مدمج باللون الاحمر والابيض

وقف رائد وهو طاير من الفرحه وبمرحه المعتاد : خالتي ابنتك هذي اشك إنها حوله

ما تشوف

قاطعته شوق : اقول تلايط من هنا يكون احسن

ام رائد باستغراب : كيف صقعتي بالجدار ؟؟؟

حركت شوق شفايفها تتكلم

بس قاطعها رائد وهو يدق على صدره :أنا اقولك

كيف صقعت بالجدار

وقف وهو يقلد شوق وصار يركض وملتفت للخلف

حتى وصل الجدار وبخفه مثل انه ضرب بالجدار

وصار يعمل حركات مسخره على شوق

مسكت شوق الخداديه ياللون الاحمر وضربته فيها وناظرت خالتها : خالتي شوفي ولدك

خالد وهو يتربع على الكنبه : تراه فنان مثل الدور

بإتقان

سامي : وكأننا نشاهد اختنا العبيطه لما صقعت بالجدار بث حي ومباشر

شوق لوت بوزها : تغارون مني

وقضوا الوقت وهم يتناقرون

وام رائد وفاطمه جالسات مع بعض ومندمجات بالحديث

ام رائد ما عجبها الكلام : وموافقه انت على مهند ؟؟

فاطمه باقتناع : ايه موافقه ما رح تحصل شوق احسن من ابن عمتها

ام رائد  خزتها: ورائد ؟؟

فاطمه عقدت حواجبها : وش فيه ؟؟؟

ام رائد : من يوم وهو صغير وانا اقول لك شوق له

قاطعتها فاطمه مو عاجبها الكلام : لا تنسين شوق

اكبر منه

ام رائد  بقهر: وش فيها اكبر منه عادي الرسول كان

قاطعتها فاطمه : رائد بعده بالمدرسه تبغين تربطين شوق فيه حتى يجهز نفسه

بعد عشر سنين

وتخيلي بعد هالعمر والانتظار يغير رايه

ويقول ما ابغاها

لا فكيني من هذي السالفه وبعدين بعده صغير

وش يعرفه بذي السوالف

وشوق تعتبره مثل إخوانها خالد وسامي

ام رائد لوت بوزها : خلاص خلاص انسي السالفه

وخلي مهند ينفعك

ما ادري ليه مستعجله علشان تزوجينها

فاطمه بابتسامة : البنت مو فالحه بالدراسة

حتى اقول ازوجها بعد الدراسه

خلها تتزوج يمكن تعقل هالبنت

ام رائد وهي تناظر شوق دموعها تنزل من الضحك : والله يا خيتي مو طالعه من نفسي

يا رب تكون من نصيب رائد

فاطمه مو عاجبها : اسكتي

ناويه تخلين شوق تعنس حتى يجهز هالرائد

ام رائد زمت شفتها بقهر: تراه ما عندي غيره

ما اسمح لك تقللين من قدره

غمزت لها فاطمه : ومين الي قبل شوي فتح ملف شكاوي عنه

ضحكت ام رائد بخفه : ههه الله يعيني عليه

مطلع روحي هالولد

يا ليته مثل خالد وسامي هاديين وما اشوف عليهم

حركات المراهقه زي العله الي عندي

فاطمه ابتسمت : صل على النبي لا تصكيهم عين

وينجنوا ويصيرون مثل رائد وشوق

**

**

**

رجعوا للبيت مع السواق وتوجهت شوق لغرفتها

ونفسيتها أحسن بكثير

غيرت جو ونسيت كل شيء يعكر مزاجها

بعد ما بدلت رمت نفسها على السرير

والإبتسامه مرسومه على خدها

خلاص قررت توافق على مهند حتى تسعد

أمها

غمضت عيونها وهي ترسم أحلام وردية

وخلال لحظات اخذتها أحلامها الوردية

لعالم الاحلام .......

في اليوم الثاني صحيت بنشاط غير عن العاده

طلعت للصاله

وشافت خالد واقف ويعدل قميصه

مشت بخفه حتى وصلت لعنده

وضربته على رقبته كف :وش قاعد تعمل ؟؟

طالعها بعصبيه : عيدي هالحركه وشوفي وش

يصير

رجعت ضربته على ظهره بخفه : امزح معك يا دب

ناظرها ويبغى يكسرها تكسير بس خاف بأي لحظه يدخل ابوه : يا ثقل مزحك

رايقه على هالصبح تخففين دمك ؟؟

هزت راسها وهي تبتسم بعباطه : اليوم يوم الابتسامه العالمي

ناظرها وهو عابس ملامحه مو رايق لسماجتها

طنشها وطلع من البيت

لما سمع صوت سامي ينادي عليه من برا

ناظرته وهو يطلع وتمنت لو كان بنت كان

الوضع غير

تنهدت ورفعت نظرها باتجاه الصوت

كان جوال أمها

بحثت بعيونها عن أمها

سمعت حركتها بالمطبخ توجهت للجوال

الملقى على على الكنبه

وحملته بخفه وتوسعت ابتسامتها

لما شافت ينور بإسم أميره

ضغطت الزر الاخضر وتوجهت لغرفتها

**

**

**

**

**

فارس

طلع من مكتبه وهو يناظر الموظفين

وعيونه تبحث عن شخص محدد في باله

حس بالشخص الي حط يده على كتفه ..وبدون ما يلتفت فارس  نطق وهو يعرف هوية الشخص : هلا فهد

فهد ناظره وحس انه يدور على أحد : تبغى احد ؟؟

ناظره فارس وابتسم وغمز له : ادور على عريس شوق

فهد سحبه من يده ...ما يدري وش يبغى بالمشاكل ...عمه لو عرف بسوالف فارس ما رح يسكت له ... بس فارس معند إلا يكسر رأسها ...نطق بضجر: يا رجال وش تبغى بوجع الراس

اتركها بحالها...

فارس زم شفته بعدم رضا ...صمم على هذا الشيء ومستحيل يتراجع ...تحرك مع فهد على مضض وهو يسخب فيه حتى يهون عن فكرته ... غادر وبداخله عازم ينفذ الي برأسه ..نفسه يشوفها مكسورة وذليله .. الأذى الي حصلوه منها ما هو قليل ...رح يرد لها الصاع صاعين بس يحتاج لوقت !!

***

***

***

***

***

شوق متربعه على  سريرها ومندمجه بالكلام مع اميره : ههههه بايخة

أميره بتذكر : صحيح تدرين اليوم عمتي ام مهند  رايحين يخطبون سلوى لمهند!!

انخطف وجه شوق ..حست وكأنها سمعت غلط .. عمتها رايحه تخطب سلوى... ما تظري ذي من كذبات اميره الي معتاده عليها ...مستحيل دوبها خبرت أمها حتى تخطبها ...كيف كنسلوا الموضوع بكل سهوله ...

خلال ثواني تحطمت كل احلامها .....وهي الغبيه تقنع نفسها توافق علشان تفرح أمها ..صدق المثل رضينا بالهم والهم ما رضي فينا ...حاولت جاهده تكون طبيعيه وما تظهر شيء قدام اميره ....وبصعوبه نطقت : مين قال لك ؟؟

أميره بتأكيد على هذا الخبر: عمتي اليوم كلمت امي

وقالت انه كان في بالها بنت بس مهند رفضها

وقال يبغى سلوى بنت عمه!!

تردد صدى الكلمه على مسمعها

رفضها

رفضها

رفضها

فهد شافها ورفضها

ومهند بدون ما يشوفها رفضها

عضت على شفتها  بقهر ...وش فيهم عليها ...بلعت غصتها وانهت المكالمه...نا لها نفس تنطق حرف واحد!!

تحس نفسها بقايا رماد

وبكل سهول طار مع الريح

مسحت دمعه نزلت غصب عنها

اصعب شعور تكون مرفوض

وليه يرفضها ؟!

شدت على قبضه يدها...وغمضت عيونها بألم

وتذكرت فرحة امها لما خبرتها عمتها انها ناويه

تخطبها....ما تبغى تزيد على امها يكفي

قلبها انكسر مرتين

ما له داعي تكسر قلب امها

اخذت نفس تحاول تكون طبيعيه

ورح تكتم  وجعها بقلبها ولا تخلي احد يتشمت فيها

بس لمتى ؟؟؟؟

شعور موجع مو قادره تكتمه ...نفسها تصرخ بوجه عمتها وتقول لها " دامك ما تمونين على ولدك ليه تكلمينا"

اخخخخ من مهند نفسها تكسر خشومه حتى تعرفه كيف يرفضها ...رح تموت اذا ما طلعت حرتها بأحد ...اخخخخخ يالقهر!!!!

*

*

**

*

*

ام مهند جالسه وماده البوز وتهز رجلينها بتوتر بعد ما فشلها مهند قدام فاطمه ..وش تقول لها الحين !!!

ناظر امه ورفع حاجب : بعدك للحين زعلانه ؟؟

ردت بشراسه  وقهر: ايه ولاخر يوم بحياتي رح ابقى زعلانه

مهند بهدوء  يقنع فيها : يا يمه هذا زواج وهذا اختياري لزوم تحترمين اختياري ...والزواج ما هو بالغصب

ام مهند بحنق : وشوق وش ناقصها حتى ترفضها

مهند  رفع حاجب: وأختي منال وش ناقصها ؟؟؟

ام مهند بقهر من تفكيره : وش دخل منال بالسالفه ؟؟؟

مهند تكتف : والله اشوف فهد خطب بنت عمه

وش ناقصها منال ليه ما خطب أختي ؟؟؟

وفارس سمعت يبغى يخطب اميره بنت عمه

ليه اختي وش ناقصها ؟؟

هذا هم خطبوا بنات عمهم وانا رح اخطب بنت عمي

ام مهند عقدت حواجبها باستنكار  من تفكيره: هذا وهم ربعك تقول عنهم  كذا؟؟؟

مهند بلامبالاه : ربعي على عيني وراسي

بس أختي اولى منهم

مثل ما انهم ما خطبوا من عندنا فما رح اخطب من عندهم وخاصه هالشو

سكت وما كمل كلامه وكلام فارس عنها يتردد

بذهنه مستحيل يقبل بفتاه تحمل صفاتها مع انه امه ومنال دوم يمدحونها بس فارس

ساكن بنفس البيت وكاشفها على حقيقتها

هز راسه وطرد كل هالافكار الي مالها داعي

خلاص الي في باله نفذه

وماله داعي يخوض بالموضوع

استأذن من امه وطلع من البيت

***

***

***

***

***

يوم ملكة مريم

من الصبح مقفله الباب على نفسها...ما تبغى تروح وتشوف الشماته بعيون الناس...

مع انه ما أحد يدري انه فهد جلس مع مريم وشوق

واختار مريم !!

وتممها عليها مهند  بعد ما رفضها ....

لا والمشكله من قراده حظها تتدلل

وتفكر انها توافق او لا

وبالاخير طلع عريس الغفله رافضها

اه يالقهر!!!

بنفس الوقت يرفضونها اثنين!!

نفسها تطحنهم طحن !!

زفرت بضيق وقررت تقضي وقتها بالغرفه وتتهرب من امها ما رح تحضر الملكه !!

مر الوقت عليها وهي بالغرفه مسنتره ...كلما تطق امها تقول بعدها تجهز نفسها

وجلست على ذي الحال لوقت

موعد الحفله!!

طرقت امها الباب وهي تعجل فيها ... فتحت شوق  الباب بخمول وناظرت امها وهي عافسه ملامحها!

شعرها مرفوع بإهمال ولابسه بيجاما

شهقت فاطمه وهي تشوفها بملابس النوم

وبعصبيه نطقت من إهمالها : ليه ما لبست للحين ؟؟؟

ناظرتها شوق وتكتفت بعبوس: ما رح احضر

فاطمه انقهرت من تصرفها ..ما تدري متى يطيح الحطب الي برأسها على اخوانها ...لو شافت منهم شيء سيء كان قالت معها حق ...بالعكس يا ليت تكف شوق شرها عنهم ..نطقت بقهر: هذي اختك

كيف ما تحضرين حفلتها!!

شوق بقهر وكره لزوجه ابوها وعيالها : مو اختي انا ما عندي اخوات

فاطمه تحاول تقنعها  باللين: يا شوق  الحين الناس تقول غيرانه.....علشان كذا ما حضرت

قاطعتها شوق بقهر : خلهم يقولون ما يهمني احد

فاطمه بتهديد : الحين اتصل بابوك وخله يتفاهم معك

شوق بلامبالاه : اتصلي الحين ابوي عنده الرجاجيل

مو فاضي لذي السوالف وما رح يرد على الجوال

طالعت فاطمه شوق وهي تعرف راسها

اليابس مستحيل تغير كلمتها ما يكسر

كلامها الا ابوها والحين ناصر مو فاضي

قررت تنسحب وبعدين تعاقبها على عنادها

تنهدت بعد ما طلعت امها

وبدأت دموعها تجري على خدها مهما

حبستهم الا ينزلون...القهر الي بداخلها ما هي قادرة تكتمه أكثر

وبنفس الوقت مجروحه مو قادره تنسى الموقف وهي جالسه مع فهد مثل الجدار .. وكأنه يشتري طماطم!!

ما تضمن نفسها اذا حضرت الحفله... تقلبها رأس على عقب فوق رأس مريم وامها خطافات الرجال!!

والا كيف تناظر عمتها بعد ما رفضها ابنها

وحتى منال كيف تجلس معها واخوها رفضها!!

عضت على شفتها والدموع اخذت مجرى على خدودها!!

الي يقهرها امها مو شاعره فيها ولا حاسه بالموقف البايخ الي انحطت فيه

وزاد قهرها وهي تتذكر بالمدرسه خلود ومريم مع بعض ويتساسروا  مع بعض

تحس انهم يجاكروا فيها

وخاصة لما سمعت كلام انه فوزيه وخلود

هم الي اقنعوا فهد بمريم

تحس بالحقد عليهم مو من حقهم يتدخلوا

كانت محيره له ولما كبرت

حبكوا الموضوع وخلوه لمريم

بأي حق اخذوه منها ؟؟؟؟

وحتى مهند كيف يرفضها بدون ما يشوفها ؟؟؟

كيف ؟/!!!!

غمضت عيونها بألم ورمت نفسها على السرير

تشكي قهر الايام

***

***

***

بالحفله والمكان مليان بالمعازيم

الجده تهمس لفاطمه : وين شوق ؟؟؟

فاطمه بترقيع بدون ما تناظرها : تعبانه

الجده ما اقتنعت بالكلام : انا اعرفك يا فاطمه عدل

قولي الصحيح

فاطمه بصوت منخفض فيه نبره حزن : لا تلوميها يا خالتي

الجده بهدوء : كل شيء قسمه ونصيب ان شاء الله ربنا يرزقها ويوفقها

فاطمه هزت رأسها : امين

تمت الحفله وكانت عائليه مع وجود تساؤلات

عن شوق وخاصه من بنات عمها

الي علاقتها معهم قويه باستثناء خلود

وكان العذر انها مريضه

***

***

***

***

***

***

ناصر

من خلال الكلام سمع انه شوق ما حضرت الحفله

احتدت ملامحه بعصبية

اكره ما عليه يكون حواجز بين عياله

يبغى تكون علاقتهم مع بعض حلوه وقويه

بس يحس شوق تحاول تحط حواجز بين عياله

توجه لبيت فاطمه ودخل معصب وخلفه فاطمه تحاول تهدي فيه!!

شاف شوق جالسه على التي في ومندمجه!!

تقدم منها وهو يصفق بيدينه : ما شاء الله

سمعنا انك مريضه ؟

طالعته شوق بخوف ونزلت نظرها للارض

ناصر بعصبية ناظرها : كيف ما تحضرين حفله اختك ؟

هذي اختك من لحمك ودمك

غيرك يتمنى يكون عنده اخوه وانت ما شاء الله

كل ما قدرت تقطعينهم ما تقصرين

انا كم مره قلت لك اخواتك حطينهم بعيونك

وهم نفس الكلام

والا لازم تكسرين كلامي ؟؟

وبنهر بسرعه روحي البسي عباتك واطلعي بارك لمريم

شوق بصدمه مستحيل تبارك لها فوق ما سرقته منها لا مستحيل

نقزت على صوت ابوها الحاد: بسرعه

ناظرت امها تستنجد فيها

بس صدمها كلام امها : عجلي وباركي لاختك

توجهت شوق لغرفتها وتحس في بركان بداخلها...كيف تبارك لمريم بعد ما خطفت فهد منها ...ما يهمها فهد بقلعته ..بس الي قهرها الاسلزب وطريقة الخطوبه ..للحين ما قدرت تتجاوزها!!

دخلت خلفها فاطمه بهدوء وهي تناظرها بصمت ...

لبست العبايه وتغطت وتوجهت لأمها

وبصوت مخنوق  نطقت: ارتحتي الحين ؟؟

الحين ابارك لشوشو ومريم وانا مشاعري

بالهواء!!

ستين داهيه خلفي!!

لمتى تهتمين لكلام الناس اكثر من مشاعري

فاطمه بحزن على شوق : بس يمه هذي اختك ولازم تكون علاقتك اقوى من كذا

شوق وتحس بغصه : مو اختي ... انت ما تدرين

كيف فهد اختار مريم ؟؟

انت ما تدرين عن شيء اصلاً ..دوم المويه تمشي من تحت رجولك بدون ما تدرين!!

فاطمه رفعت حاجب بحده: وش هالكلام؟!

شوق بقهر والموقف للحين ينعاد قدامها : تدرين إنه

ابوي جمعنا المجلس انا ومريم  وشوشو الزفت ...وكان فهد بالمجلس حتى حضرته يختار العروس إما أنا او مريم .. وكأنه جالس بالبقالة يشتري!!

وطول الجلسه يسولف مع مريم وشوشو

وانا مثل الكرسي ما احد عبرني

وبالاخير قدامنا يقول لابوي انا ابغى مريم

اكيد لانها احلى مني اختارها

وباتهام

مو انت دوم تقولين مريم احلى مني

ارتاحي الحين هذا هو فهد اختارها

وبألم والحين تبغيني اروح ابارك

لها!!

تركت امها وطلعت من الغرفه

وتركت امها مصدومه من الكلام ما عندها خبر بالموضوع

طلعت خلف شوق وهي عقلها مشوش

بس ما لقتها وتأكدت انها طلعت لبيت شريفه تبارك

لمريم

وبسرعه توجهت خلفها

**

*

*

*

**

دخلت بيت شريفة وعيونها تجول بالمكان

تبحث عن قطعه من روحها مكسوره

قلبها دق بقوه وخوف لما بحثت عنها وما لقتها

كانت تبغى تتصل بناصر

تخبره بس خافت تصير مشكلة اكبر

وهو الحين مو فاضي عند الرجاجيل

ناظرت فوزيه الي تكلمها : علامك واقفه اجلسي

هزت فاطمه راسها بتوتر ووجهها مخطوف

والكل لاحظ هذا الشيء

جلست وبدون وعي تفرك يدينها وهي تفكر

وين راحت ؟؟

الجده باستغراب لحالها : وش فيك يا ام خالد ؟؟؟

فاطمه بتوتر : ما في شيء

ووقفت استأذنت وطلعت

تحت انظار الاستغراب

**

**

**

جالسه على السرير ومتكوره على نفسها

وخصلات من شعرها نازله ومغطيه

وجهها

لما طلعت من غرفتها ما شافت ابوها استغلت الفرصه

وتوجهت للمطبخ وانتظرت امها لما طلعت

رجعت على غرفتها

مستحيل تكسر نفسها وتهينها اكثر من كذا

لو على جثتها ما تدخل بيت شوشو وتبارك

لهم

ما رح تسمح لكرامتها تنهان اكثر من كذا

سمعت دق على باب غرفتها

عرفت انها امها وهي تناديها

تكلمت بصوت مهزوز : يمه اتركيني ابغى انام

بعدها اختفى صوت امها

تنهدت هي مو هامها فهد ولا يعني لها شيء

بس الموقف هو الي ضايقها

تحس انه المفروض تكون ملكتها هي مو مريم

اسندت راسها على راس السرير وغمضت عيونها

لعل القادم يحمل لها اجمل .....

**

**

**

فاطمه تحس كل قهر الدنيا بداخلها ... نفسها تخنق ناصر بيدينها

كيف يخلي شوق وكأنها سلعه يعرضها قدام فهد

وين صارت هي؟!

ما فكر بمشاعر البنت وهو يعرضها بذي الطريقه المهينه ؟!

ما فكر بحالها ونفسيتها لما يرفضها فهد قدامهم!!

لهنا وبس ما رح تسكت

ناظرته والشرار يطلع من عيونها لاول مره يرتفع صوتها على صوته: انت كيف تسمح تخلي شوق

سلعه

ييجي يختار فهد بينها وبين مريم ؟؟؟

اسمع يا ناصر تراني سكتت لك كثير

وما رح اسكت هذي المره ولو على قص رقبتي

فاهم ؟؟

ناصر كتف يدينه ورفع حاجب وناظرها وبتساؤل : فاطمه انت تكلميني أنا ؟؟؟

فاطمه بقهر وصورة شوق في بالها ومكسور خاطرها : اي اكلمك انت مو شايف أحد هنا غيرك ناصر بحده : فاطمه قصري صوتك احسن لك

ولا تخليني اعمل شيء ما يعجبك

قاطعته بلامبالاه : بلط البحر تراني خلاص

طق كبدي

ما رح اسمح لاحد بالدنيا يهين ابنتي ويكسر بخاطرها

مين ما كان يكون

حاطين ضد هالبنت الشاطر ييجي شوق عملت وشوق وقالت

وكأنهم محطوطين عليها جاسوس

وبعصبيه

خلاص اتركوها بحالها

ناصر بعصبية من صوتها المرتفع: قصري حسك

والي يسمعك ماسكين البنت وذابحينها

فاطمه ناظرت جوالها الي يرن وردت

وهي مفوره من العصبيه : هلا .......ايه دقائق

واكون جاهزه ....سلام

قفلت الخط وناصر يناظرها : وين رايحه؟؟؟

فاطمه اخذت نفس : لبيت اهلي

خلاص انا ما لي قعده هنا لأنه وجودي وعدمي

واحد

المويه تمشي من تحت رجليني

لذي الدرجة ما لي قيمه بالبيت ؟!!

دامك ناوي تخلي فهد يتزوج مريم ليه

تعمل هذي المسخره كلها ليه ؟؟؟

ناصر وهو ماسك أعصابه : وش خلاصة هالكلام كله ؟؟؟

فاطمه زمت شفايفها وتكلمت : الخلاصه ما لي قعده هنا لا أنا ولا عيالي

انا راجعه لبيت اهلي وهو المفروض

صار من زمان

ناصر استغفر بداخله تكلم وهو عارف انها

ما تقدر تبعد عنه : براحتك تبغين تروحين عند

اهلك روحي

قاطعته فاطمه بعصبية : طالعه بدون ما تقول

ونادت بصوت عالي ؛شوق يا شوق

رفع حاجب وهو يراقب تصرفاتها المجنونه

اول مره تصير بذي الشراسه : وش تبغين فيها ؟؟؟ فاطمه بدون ما تناظره : رح تيجي معي

لاني ما رح اسمح لشوق تنهان اكثر من كذا

مسحتوا فيها الارض

وش تبغى اكثر من كذا

تبغاني اتركها هنا علشان تعرضها المره الجايه

بالشارع

سمعت صوت بوري السياره مشت خطوه

حتى تجيب اغراضها وتجيب معها شوق

حس ناصر انه الموضوع جدي وانها ما رح تعدي

السالفه على خير

وبدون شعور صرخ عليها من خوفه انه يفقدها : فاطمه

نقزت على صوته وما ردت

كمل بدون ما ينتظرها ترد : انت عقلك فيه شيء ؟؟؟

تعوذي من الشيطان ولا تحديني على شيء

فاطمه وللحين تحس قلبها محرور : اعمل الي تبغى لانه خلاص ما عادت تفرق معي

وكملت طريقها تجيب الاغراض بس وقفت

لما سمعته يقول بعصبية : رح تكونين طالق اذا

طلعت من باب البيت

تابعت خطواتها  فاطمه بدون اهتمام لكلامه ... بس وقفت لما مسكها من معصمها ولفها لجهته مو قادر يستوعب فكره فراقها

عاش معها على الحلوه والمره

والحين تتركه على موضوع زي كذا

تكلم بحده : اقسم بالله لو تطلعين من باب

البيت الا ازوجها لجارنا الشايب ابو علي وهذا انا حلفت

كانت واقفه عند باب غرفتها وتسمع امها وابوها شهقت وحطت يدها

على فمها من كلام ابوها ما تدري وش تعمل

ما توقعت توصل الامور لهذا الحال

قطعت افكارها وهي تسمع بدقه لرد فعل امها... وقلبها خايف أبوها يصمم على رأيه ويزوجها لأبو علي!!

**

**

*"

جالس على سريره وبعصبيه : والله على جثتي ما يتزوجها انا اولى فيها

ام رائد بحده وهي متخصره : ولا كلمه ....لا تقعد تصرخ فوق راسي ترى مو فايقه لك

والبنت ابن عمتها اولى فيها منك

سوالف المراهقة هذي فكني منها تراك اقرفتني

والبنت ما لك امل فيها

قاطع امه بعصبية : تراني احبها مو على كيفكم تزوجونها

لوت بوزها بقرف من حركات ولدها

وطلعت من الغرفة بعد ما قفلت الباب خلفها بقوه

توجهت للصاله

كان داخل ابو رائد البيت

هبت بوجهه مثل العاصفه : اسمع شوف حال لولدك

صار له كم يوم بدون اكل عامل حاله العاشق الولهان

ما يصير كذا ؟!!

تراني مليت من تصرفاته

طق كبدي منه اففففففف

طالعها وهو رافع حاجب : وعليكم السلام ورحمة الله وبركاته

طالعته بخجل من تصرفها دخل وهبت فيه وكأنها

بركان وانفجر... ابتسمت ترقع صراخها وتكلمت بنبره هاديه : السموحه بس ولدك

طلع الجنان بعقلي شوف حل معه

ما يصير يبقى بدون اكل

هز راسه بهدوء بدون ما يعلق على كلامها

وتوجه لغرفة رائد وهو يقول بصوت هادي : الحين اشوفه

هزت راسها بفقدان امل لانه ما رح يطلع بنتيجه

مع رائد

جلست على الكنبه وهي تهمس بنبره ساخرة على رائد : قال احبها حبك قرد

مسكت الجوال واتصلت على امها... ضيق خلقها

رائد من لما قالت له انه شوق رح تتزوج مهند

وهو معتكف بالغرفه

قطعت افكارها لما سمعت صوت امها وتكلمت : هلا وغلا اخبارك يمه؟؟؟

ام عمر بهدوء : الله يسلمك اخبارك واخبار رائد؟؟

زفرت بملل : اقرفني يمه من لما قلت له

انه ابن عمتها رح يخطبها وهو حابس نفسه بالغرفه

ما يطلع ولا يوكل

ما ادري اي فيلم حاضر وجاي يطبق عندي

ام عمر باعتراض : صبرك عليه يمه هذا السن صعب شوي

قاطعتها : لا والله يبغى كم عقال على ظهره يسنعوه بس ما يقهرني الا ابو رائد

ما يقول له شيء وتاركه على راحته

ام عمر مو عاجبها تصرف ام رائد لانه من طبعها تحب تدلل العيال : ما ادري كيف تفكرين تراه ولدك بالسياسه عامليه

ما عندك اسلوب تربيه كان انت والا اختك الثانيه

تاركه ولدها اكثر من 6 اشهر ما سألت عنه

ام رائد بملل : فكينا منه الحين

متى رح تملك شوق ؟؟؟

ام عمر بنبره استغراب : تملك شوق ؟؟

على مين تملك ما عندي خبر !!

ام رائد عقدت حواجبها : علامك يمه مو قالت فاطمه انه عمتها

تبغاها لولدها مهند

ام عمر لوت بوزها : مالت عليك فكرت في احد خاطبها

جديد

تنهدت ام عمر ما ادري عنك دوم توصلك الاخبار متأخره

يا الخبله ابن عمتها خطب بنت عمه وهون عن شوق

شهقت ام رائد : قولي قسم !!

ما قالت لي فاطمه !!

وش السبب ؟؟!!

وانا الهبله الي افكر وش ألبس بحفلتها

ام عمر : هذا للي همك وش تلبسين بالحفله

ما اقول الا مالت عليك

خلاص قفلي الخط تراك رفعت ضغطي

الله يعين ولدك عليك ما ادري كيف متحملك للحين

ضحكت ام رائد على رد فعل امها

لما سمعت ام عمر ضحكاتها قفلت الخط بوجهها من القهر

***

***

فاطمه بعد تهديده... ارتخت ملامحها وناظرته بحزن

وتكلمت والعبره خانقيتها : اذا هان عليك

تتطلقني...يهون عليك تزوج شوق لابو علي

قاطعها بعد ما تنهد : والله ما تهوني علي

ابيع الدنيا كلها ولا افقدك

قلت لك غلطه وندمت عليها لما دخلت شوق ومريم مع بعض

تعامليني وكأني معصوم عن الغلط

تراني بشر مثل كل الناس

كل انسان يغلط بحياته لا تهدمي بيتك علشان

غلطه انا اقترفتها

وهذا انا اقول لك اني اعترفت بغلطتي

لو يرجع الزمن مره ثانية مستحيل اكرر هذا الفعل

وانت تدرين الي بقلبي

فلا تقعدي تتوهمين اشياء ما لها اساس

وانت ادرى بها

تنهد بتعب.. وبعدها  تابع كلامه: لا تجلطيني يا فاطمه

اذا تبغين يقولون باكر ناصر مات خلاص اطلعي

اذا هذا الشيء يريحك

وفتح لها مجال للخروج

بس توقف لما سمع انفعالها : اسكت اسكت

ولا تعيد هذا الكلام مره ثانية

بعيد الشر عنك وربي يطول عمرك

تنهدت بندم : لا تلومني ما ادري تنرفزت

قاطعها بحنيه : لا تعتذرين انا الي غلطت بحقك

فاطمة قاطعته : لا انا الي غلطت ورفعت صوتي عليك ...

قفلت شوق باب غرفتها بعد ما حامت كبدها ...لوت بوزها

ما تحب المثاليه لازم امها زعلت وعملت كرامه

لهم وآكشن  مو زي كذا

مو ترضى بذي السهوله لا وبعد تعتذر

عضت على شفتها اخخخخ يالقهر

المشكله امها ترضى بسرعه يمكن هذي اول مره تشوف بينهم مشكله

دائما سمن على عسل

جلست على اللاب بملل وهي متحسفه انها امها

ما زعلت

وعقلها الصغير ما فكر بالعواقب

الي رح تصير لو امها عاندت وطلعت من البيت

**

**

***

دخل ابو رائد غرفه رائد بهدوء وقفل الباب خلفه

وناظر رائد الي معطيه ظهره ويتكلم بدون ما يلتفت : قلت لك يمه ما ابغى اكل !!

تكلم ابو رائد بصوت هادي : ليه ما تبغى اكل يا وليدي

تفاجئ رائد بوجود ابوه وما ترك له فرصه ابو رائد يرد كمل حديثه : تحبها يا رائد ؟؟؟

هز رائد راسه وكأنه عاشق ولهان

ناظره ابو رائد وكتف يدينه : وش الحل بنظرك ؟؟

رائد بحريه يتكلم ومتعود على الدلال : تخطبونها

لي او تحيرونها

المهم تكون لي

وما رح اكل ولا اشرب حتى تخطبونها لي

ابو رائد هو يحك ذقنه : اممم انا عندي طريقه

افضل

لانك رح تموت من الجوع كذا حتى نخطبها

وامور الخطوبه يبغى لها وقت

فأنا عندي طريقه افضل بكثير والنتيجه مرضيه

ان شاء الله

وش قلت ؟؟

هز رائد راسه بالموافقه وسرعان ما قفز عن ظهر السرير لما حس

بلسعة العقال على ظهره

ابو رائد مسكه ونزل بالعقال : عامل حالك عنتره

وعشقان عبله وانا ما ادري

سكتت لك كثير وانا اقول باكر يعقل باكر باكر باكر

وانت ولا عندك علم

كل ما فيك تصير ازفت من اليوم الي قبله

رائد وهو يستنجد : خلاص يبه والله اصير مثل ما تبغى

يبه يبه الله يخليك يبه

وابو رائد مستمر بالضرب ومطنش كلامه

بعدها وقف ابو رائد وهو يلقط انفاسه ورمى

العقال على الارض

ومسك الكيس الي كان معه اول ما دخل الغرفه

فتحه

تحت انظار رائد الي يناظر ودموعه على خدوده

وانفجع لما شاف للي بيد ابوه ونزل تحت رجلين ابوه : توبه يبه والله ما اعيدها يبه بالله

قاطعه ابو رائد : ولا كلمه وقسم بالله لاربيك من اول وجديد

تراك مو شايف نفسك اذا طلبت امك منك طلب

تفضحنا بالحاره اذا قلنا لك اعمل كذا تروح تعمل

العكس ما ادري شغل عناد

والحين عامل حالك عنتره وقسم بالله لاخليك تندم

جلس رائد على الكرسي غصب عنه وبدأ شغله

ورائد دموعه تنزل وهو يمسك شعره الي يوقع على الارض

شعره الي كان يقضي ساعات بتزيينه خلال دقائق

طار

كمل ابو رائد وهو ملامحه متجهمه : قوم غسل

بسرعه خمس دقائق اشوفك هنا منغرز فاهم

هز راسه  ودموعه تنزل بصمت وتوجه للحمام

***

***

***

جهزت الغداء وتنتظر ابو رائد ينزل استغربت تأخره لفت لجهة الباب لما سمعت صوت اقدامهم

بس ما مسكت نفسها وانفجرت من الضحك

لما شافت زوجها ومعه رائد وشعره على الصفر

ناظر ابوه وكأنه يقول له شفت امي

اعطاه ابو رائد نظره بمعنى انكتم

جلس رائد بمكانه وهو يسمع ابوه يتكلم بحزم : شايف هذا الصحن كله تأكله فاهم

كان يبغى يعترض بس سكت لما ناظره ابوه بحده

كان يسترق النظرات لامه وابتسامتها شاقه الحلق

عض على شفته بقهر وهو يشتم الحب وطريقه

***

***

***

****

ضرب بخفه على راسه : يا عيني على البطيخه هههههه

ابعد رائد يده عنه بقرف : انقلع عن وجهي

وليد بضحكه ورجع حط يده على راس رائد : ههههههه بكم البطيخه اليوم ؟؟

رائد مو رايق له : خالد خلي اخوك يسد حلقه

وينقلع من هنا

سعيد : والله غريبه يا رائد تحلق على الصفر !!

وانت طول الوقت تناظر المرايه وتسرح شعرك

حتى بالحصص

كيف بذي السهولة تخليت عنهم

والكل ناظره نظرة شك

عض رائد على شفته وهو يتذكر البارحه

وحتى ما حد يلاحظ ابتسم : ان شاء الله

بالعطله رايح عمره

ومن الحماس حلقته من الحين

وابتسم وهو يمسح على رأسه

ناظروه الموجودين نظره تكذيب

ناظرهم بقهر : علامكم تناظروني كذا ؟؟؟؟

وليد ضحك باستهزاء : سلامتك يا غالي

بس ما ادري حسيت المقص انكسر ههههههه

حمد بسخريه : قال علشان العمره ابوك يالكذب

رائد بدفاع : اذا مو مصدق اسأ

قاطعه وليد : خلاص صدقناك

وناظر عادل الي يناظرهم وهو ساكت : اشوفك ساكت يالعاشق وش صار معك؟؟؟

سرح رائد بفكره وهو يناظر عادل وهو يتكلم

من بعد البارحه حرم انه يحب او يمشي بهذا الطريق

كل المصايب وقعت على راسه من سبب هالخرابيط

تنهد بحسره ومسح على راسه الاصلع

يتحسر على شعره

حلف من بعدها ما يفتح قلبه لذي الامور

وينشغل بشيء يفيده أكثر

بس يا ترى رح يستمر على هذا الطريق والا رح

يرجع كعادته القديمه

وشوق وش موقعها صار بعد الامس بالنسبة له ؟؟؟؟

**

**

**

**

تكلم بهدوء والفرحه باينه على ملامحه : خلاص

نويت ان شاء الله قريب

رح اقول لامي تخطبها لي

فهد هز راسه بتأييد : خير ما تعمل ترى نسب

عمي ابو احمد ما يتعوض انسان فهمان

مهند جالس يستمع ويهز راسه كان يتمنى واحد منهم يتزوج من اخواته

بس كل شيء نصيب

فارس : الله يتمم على خير ان شاء الله

كمل جملته وعفس ملامحه

فهد رفع حاجب باستغراب : علامك انقلب حالك ؟؟

فارس باشمئزاز وصوت منخفض : شوف من جالس بالطاوله للي قدامنا

يا كرهي له

انسان غثيث ما اطيقه

مهند ناظر قدام ورفع حاجب باستغراب : ليه ما تطيقه ؟؟

فارس بقرف من سيرته : لو تتعامل معه

وقتها رح تعرف ليه ما اطيقه

فهد وهو يحط يده تحت خده : احس انه مو سهل هالنواف

مع اني ولا مره تعاملت معه بس لما تناظره

تحس انه مو سهل ابد

فارس : اصلا احس كل عائلتهم المكر واللؤم والحقد

يسري بدمهم باستثناء  خالتي ام ياسر

قاطعه مهند : شوف الظاهر انه رح يطلع من المطعم

ناظروه لما وقف التفت عليهم وناظرهم

من فوق لتحت نظره تقييم

وطلع مع صديقه من المكان كله

مهند وهو يناظر زوله : صدق والله الخبث باين بعيونه

فارس بتأييد : قلت لكم تراه خبييييث

فهد : فكونا من هالسالفه

وخلينا نطلع من هنا

مهند وقف : صادق تأخرت عندي موعد ضروري

اشوفكم بعدين

استأذن وطلع

وقف فارس وهو يعدل ثوبه : حظ اليوم ما داوم

الموظف الي قلتلك عنه

فهد مشى خطوه وهو مو عاجبه الوضع : انا حذرتك

اترك البنت بحالها ترى لو يدري عمي ناصر بمخططاتك

انت صاحي ترقي الموظف من مراسل

لمدير مكتب وبعد الزواج

فارس قاطعه: انت وش الي مضايقك

فهد بنصيحه : ترى عمي ناصر ما رح يسكت لك ورح يزعل منك اذا عرف بالموضوع

فارس باستبعاد : ما رح يدري ورح اكسر

راسها بطريقتي الخاصه وبتشوف

والحين امشي قدامي

***

***

***

طلعت من المدرسه بتكاسل وخمول

ومتضايقه...

كانت مريم تمشي قدامها بهدوء

وصلت للسياره واستغربت لما شافت فارس

جالس جنب السايق

ما اهتمت وركبت بهدوء جنب مريم

كالعاده بدون ما ترد السلام

حرك فهد وناظر فارس : حشى داخله على يهود ؟؟ الواحد يرد السلام

فارس يقهر شوق : ناس مريضه نفسي

الله لا يبلانا

فهد ابتسم على جنب : اخبارك يا بنت العم ؟؟

ما ردت ولا عبرت احد ما لها خلق لاحد

فهد يكمل وهو رايق : الظاهر انها ما تسمع بنت العم

ليه ما راجعتم فيها بالمستشفى

فارس ضحك : هههههههه الله يسمع منك

وتصير ما تسمع ههههههه

اقترب فارس من فهد وهمس بإذنه بكلمات

وبعدها انطلقت ضحكات عاليه منهم

فهد تنحنح ويعدل صوته : اقول مريم

كيف الدراسه ؟؟؟

مريم بضيق من تصرفاتهم وكأنهم بزران ردت بدون نفس : زينه

فارس بنغزه : مريم ما شاء الله دافوره مو مثل بعض

ناس تعيد الصف مرتين ههههه

فهد بضحكه : هههه انت ما تدري تحب تتفقد الرعيه هههههههه

طول الطريق ساكته وما فتحت حلقها بكلمه

وهم يتريقوا عليها

بعد ما وصلوا فتحت الباب وناظرتهم قبل ما

تنزل وبصوت واثق : طنش الحمير تعيش امير

ونزلت بعد ما ضربت الباب بقوه

فهد دق على صدره بابتسامة : كأنها شتمتنا ؟؟

نزل فارس معصب كيف تقول كذا وتقفل الباب

بذي الطريقه وهو الف مره منبه عليها ما

تقفل الباب كذا

نزل فهد ومسكه : هدي يا ابن الحلال

فارس بعصبيه : كسر يكسر يدينها

فهد يهدي فيه : لا تنسى ترى حنا للي استفزيناها

فارس بعصبيه : وقسم بالله لتندم اذا ما خبرت

ابوي ناصر عنها

خله يمسح فيها الارض

ضربه فهد على كتفه بشويش : بسببك نسيت اتكلم مع خطيبتي

فارس وهو مولع : روح انت وخطيبتك عن وجهي

مالت عليك وعليها

ضحك فهد على شكل فارس

وناظر مريم : اقول مريم ..

ناظرته مريم بزعل ودخلت داخل بدون ما تكلمه

مقهوره منهم ليه يكلمون شوق كذا

فهد عقد حواجبه : علامها مريم

فارس ما له خلق : وش دراني

**

**

**

دخلت البيت وهي مخنوقة للحين الصدمات الي

اخذتهم ما نسيتهم

وزاد عليها فارس وفهد كأنه ينقصها ثقل طينتهم!!

واول ما التقت عينها بعين ابوها

ما ثبتت نفسها وانفجرت بالبكاء

وكأنها طفله صغيره جلست على ركبتيها

انفجع ناصر لما شافها تبكي كذا

وهب واقف على حيله والافكار تروح وترجع وش

سبب انهيارها

اقترب منها وهزها على الخفيف : شوق وش فيك ؟؟؟

شوق هزت راسها ودموعها تنزل على خدودها

بدون توقف

عاد السؤال والخوف بقلبه : وش فيك يا شوق ؟؟؟

تكلمت وهي تشاهق : ف ف ا رس

ناصر بخوف على فارس يكون صايبه شيء: وش فيه فارس ؟؟

دوبه مكلمني ما فيه الا الخير !!

وش صار له ؟؟؟

شوق وهي تمسح دموعها وبصوت مبحوح من البكاء : لمتى استحمله ؟!!

لمتى ؟؟!!

دوم يغلط علي ويتمسخر علي قدام الكل

واليوم قدام فهد طول الطريق وهو يتمسخر

علي ويقول عني مريضه نفسي وانا ساكته

وان شكيت لك ما تصدقني !!!

وش له دخل فيني حتى توصل فيه يلحقني علشان

يضربني !!

ترضاها يمد يده علي ؟!!

وبنبره حزن : اذا انت ابوي ولا مره مديت يدك

علي

ييجي هو

قاطعها ناصر بعد ما تنهد وتضايق من تصرف فارس : خلاص اليوم اكلمه

ومن يوم رايح ما رح يتعرض لك

انا رح اتفاهم معه

هزت راسها وتوجهت لغرفتها وهي للحين الحزن

مغرق قلبها

جلست على السرير بتعب وهي مستغربه من

نفسها لاول مره بحياتها تكلم ابوها بذي الطلاقه

من قهرها وضيقها نسيت خوفها واحراجها

من ابوها

حطت راسها بين يدينها وهي تستغفر

وبداخلها قهر وخاصه من فهد يتكلم معها

بكل حريه ومطيح الميانه معها

وناسي الموقف البايخ للي حطها فيه

*

*

*

*

جالس بالسياره ويهز رجلينه بقهر نفسه

تكون قدامه ويكسرها تكسير

عض على شفته لما تذكر كيف زعل منه ناصر

واعطاه كلمتين

"اذا غلطت عليك شوق تعال قول لي وانا اتفاهم

معها

تراها ما عادت مثل اول "

واعطاه نظره تمنى تنشق الارض وتبلعه

كل شيء عنده ولا ابوه ناصر يزعل

منه والسبب الزفته شوق

زاد اصراره على تنفيذ مخططه وخلها تذوق

الفقر والحرمان على اصوله

يمكن لسانها الطويل ينقص

عض على شفته متى ييجي ذاك اليوم

**

**

**

شوق

جالسه تحس بالملل اشتاقت له

كان يملي عليها وقتها شوي

شافت خالد معه الكتاب وداخل الصاله

نادته بحماس لعلها تغير من نفسيتها وتنسى كل شيء صار ...وتبدأ الحياه من جديد : تعال ادرسك يا خالد

خالد عفس ملامحه بقرف: لا مشكورة ما ابغى اغلبك

سامي من خلفه : ههه قول الحقيقة

وناظر شوق

ترى كل حلك للمسائل غلط والاستاذ

قال له مين الغبي الي حل لك المسائل

وقام رائد من خلفه وقال للاستاذ : هذي اخته

شوق الي حلت المسائل مكمله بكالوريوس بالثاني اعدادي

كل سنه ترسب علشان تشرح لزميلاتها المسائل

الصعبة

خالد بقهر لما تذكر الموقف الي حطه

فيه رائد وكل العيال بالصف انسدحوا من الضحك

حتى الاستاذ لف لجهة السبوره يكتم ضحكته

حطه بموقف محرج

الغبي رائد ما يثمن كلامه وما يعرف يتكلم

عض على شفته بقهر

شوق بقهر من الكلام : هو الغبي اصلا وش يفهمه بذي المسائل

ورائد التافه حسابه عندي

اقول يا خالد استاذك متزوج ؟؟

خالد عقد حواحبه ونفسه يخنقها على الموقف البايخ للي حطته فيه : ليه تسألين ؟؟

شوق بفهاوه وهي ترسم انه يخطبها لو كان اعزب :هاه

سامي بوعيد : رح اقول لابوي عنك تسألين عن

اعطته شوق نظره قويه : قول وانا اقول عنك

واعطته نظره تهديد

وحتى ترقع : اصلا سألت لانه عندنا ابله زوجها

استاذ عندكم قلت يمكن يكون هو نفسه

فقلت اوصيها تقول لزوجها ينجحكم

سامي ابتسم على جنب : بما انه عندك واسطات

خلها تنجحك هذي الابله انت اولى

ههههههه

كشت عليه بقرف : انت انقلع من وجهي

يا ثقل دمك

وناظرت خالد : تعال ادرسك وما رح تندم

حمل خالد كتابه وتوجه لغرفته : مشكوره على خدماتك

كشت عليه : اصلا هذي المسأله اتذكر جاءت بالامتحان الفاينل وما احد عرف حلها الا انا

سامي ابتسم : علشان كذا خلوك تعيدين ثاني اعدادي ههههههههههه

ناظرته بحنق : انقلع يا ثقل دمك

طلع من الصاله وهو يضحك عليها

ناظرت التي في وهي مولعه من كل الي حولها

والحين رائد نفسها تمسكه وتخنقه

على كلامه

وقفت بحزم خلاص لازم تنهي هذي المهزله

وتهتم بدروسها وتكون من الاوائل

ما رح تسمح لاحد يتمسخر عليها

ورح تثبت لهم انها ذكيه ورح تدرس طب

بالخارج

حكت راسها باحباط ابوها ما رح يرضى انها تسافر

بس سرعان ما رجعت عزيمتها رح تحطه بأرض الواقع وتدرس غصب عن الكل

ورح تشوفون

غمضت عيونها وهي تحلم وتتوظف بالمستشفى

وتكون امهر طبيبه ويعجب فيها مدير

المستشفى ويكون شاب وسيم

ويتقدم لخطبتها

ويخطبها من ابوها ويسألها

ابوها مدير المستشفى خطبك موافقه يا شوق

وترد عليها بكل حماس

فرصه لا تعوض مواااااافقه

حطت يدها على راسها مكان الضربه وفتحت

عيونها بصدمه وهي تشوف ابوها فوق

راسها ويسألها : على وش موافقه ؟؟؟!!!

ناظرته بفهاوه : ها

وبعدها استوعبت السؤال وتذكرت الاحلام الي رسمتها

وصار وجهها احمر من الاحراج

ما تدري وش تجاوب

ناصر هز راسه : روحي اعملي لي شاهي

يخلف على ام جابتك

هزت راسها ومثل الطياره توجهت للمطبخ

وهي تحمد ربها انه ابوها ما سمع شيء

والا كانت الحين بالمستشفى

وبعدها ضحكت بخفه على افكارها

**

***

***

مريم واقفه مقابل امها وترتب فستانها قبل وصول فهد : تدرين يا ماما اني نفسي شوق تخطب

دانا لوت بوزها : ليه تتمنين لها الخير

وهي تتمنى لنا الشر

شريفه وهي تتصفح مجله بيدها : ان شاء الله ربنا يرزقها ابن الحلال

ما ادري ليه تكرهنا بذا الشكل ؟؟؟

مع اني ما احمل لها بقلبي ذره كره

واعتبرها مثلكم

بس ما ادري ليه مصره تعاملنا بذي الطريقه

مريم بنعومه : اقسم بالله كنت ابغى اقول لبابا

اني ما ابغى فهد

علشان يخطب شوق

بس خفت من بابا وسكتت

انا ما ابغى واحد يفرق بيننا

بس هي الله يسامحها مصره تحط فروق بيننا

دانا: انا اقول مثل فارس انها مريضه نفسي

شريفه بنهر : وش هالكلام ؟؟؟

وقسم بالله لو اسمع هذا الكلام مره ثانيه

الا اخبر ابوك وانت تعرفينه تراه ما يرضى على شوق

هزت دانا راسها وسكتت

***

**

**

**

واقفه تنتظر امها واخوانها بالحوش

عفست ملامحها لما شافت فهد داخل

لفت وجهها للجهة الثانيه

دخل فهد لما شافها ابتسم وبصوت مسموع : اخبارك يا بنت العم ؟؟

طنشته وما ردت

فهد : انا اليوم رح اطلب من عمي لازم تروحين

للمستشفى وتفحصين سمعك

اكيد انك

قاطعه صوت مريم وهي نازله من الدرج بنعومه : فهد

ناظرها فهد وابتسم : هلا هلا نورت

نزلت راسها مريم باحراج

فهد بحاجب مرفوع : علامها اختك ما ترد علي السلام ؟؟؟

ناظرته مريم بعتب

طلعت فاطمه ومعها سامي وخالد

وقاطعتهم وهي ترد السلام

فهد : هلا اخبارك خالتي ؟؟،

فاطمة بهدوء : بخير اخبارك واخبار امك ؟؟/

فهد : بخير

اذا تحبون اوصلكم ؟؟

فاطمة بامتنان: مشكور هذا اخوي على وصول

وناظرت البوابه : هذا هو وصل

وطالعت شوق الي معطيتهم ظهرها : يالله يا شوق

خالك وصل

هزت راسها وتوجهت خلف امها

بعد ما غادروا ناظر فهد لمريم : تدرين

احسها فعلا مريضه نفسيا

مريم تضايقت من كلامه : لا تقول عن اختي كذا

وش تبغى فيها ؟؟؟

فهد بتبرير : والله مو قصدي شيء

وقلت لك من قبل اني اعتبرها مثل اخواتي

واحب انرفزها مثل اخواتي

هزت مريم راسها وتوجهوا للداخل

*

*

*

*

ام عمر بنهر : اتركيه يا شوق

شوق وبيدها عصاه وتؤشر فيها : والله لاخليه

يندم ابو قرعه علشان يثمن كلامه

رائد متخبي خلف جدته ويضحك : ههههههه

والله ما قلت الا الحقيقه

مو عدتي ثاني اعدادي 4 مرات هههههه

شوق بحنق اقتربت منه : كذاب والله بس مرتين

ام عمر وهي تبعدها عنه : خلاص خليها بوجهي

وسامحيه هالمره ترى الي حصله كافي

هز رائد راسه بتمسكن

نزلت شوق العصاه وبتوعد : سكتت لك هذي المره

علشان جدتي وبس ويا ويلك تعيد سخافتك هذي

نواف وهو يضحك على شكل رائد وهو متمسك

بثوب جدته : هههههههه خايف من بنت هههههههه

فاطمه ناظرت شوق وهي تناظر رائد وتتوعد

فيه : الله يكون بعونه الي رح يتزوجك

ما حد سالم منك

نواف يناظر عمته : بالعكس ما شاء الله عليه

يكفي انها ادبت بعض ناس

وناظر رائد وضحك هههههههه

رائد وهو يعدل قميصه : تخسى اخاف منها

سامي يناظر نواف : بما انك صيدلاني

ما عندكم دواء للخوف هههههه

ام رائد : واذا في دواء للهبل وللمراهقه

اكون لك ممتنه

رائد يحرك حواجبه وهو يناظر امه : واذا عندك دواء للضغط ههههههه

ام رائد : وقح يعني تتعمد ترفع ضغطي

ام عمر بدفاع : انا اشهد انه بناتي ما تعرفوا

شيء بالتربيه

والا رائد ما في احسن منه

وشوق ما

قاطعتها فاطمه : والله ما احد خربهم الا

دلالك الزايد

ام رائد بتأييد: صادقه

دخل زيد وهو يبتسم : وش فيه صوتكم طالع

شوق : يا لقافتك لازم تعرف كل شيء

زيد جلس جنب فاطمه : اعوذ بالله من لسانها

اقول يا عمه لمين طالعه ملسونه

والله انك من الصابرات متحمله لسانها للحين

ام عمر بحده : عند شوق وقف ما اسمح لك

زيد ابتسم : تدخل محامي الدفاع

فاطمه بابتسامة : كيف خالد وسامي بالمدرسه ؟؟؟

زيد بمدح : ما شاء الله مستواهم ممتاز

وسألت الاساتذه عنهم ومدحوهم

فاطمه : الحمد لله

شوق رفعت حاجب : ورائد كيف مستواه ؟؟

نواف خزها : وش دخلك فيه ؟؟

شوق مدت لسانها : كيفي ...اخوي الصغير واسأل عنه

وش دخلك ؟؟

رائد عفس ملامحه مو عاجبه : نعم اخوك الصغير ؟؟

اعطته امه نظره بلاه يفضح الدنيا ويكشف المستور

لوى بوزه مو عاجبه

زيد ابتسم بخبث : وكيف مستواك يا شوق

بالدراسه ؟؟؟

فهمت شوق انه رح يتريق عليها: مالك دخل فاهم

خليك بالمدرسه وبطلابك احسن لك

ام عمر : علامكم قاعدين للبنت على غلطه

اتركوها بحالها

والبنت ما لها الا بيتها وش تبغى بالشهادات

وناظرت شوق ولا تردين عليهم

دراستك ارميها خلف ظهرك

فاطمه لوت بوزها : لا تخافين تراها رامييتها

من زمان

بس على الاقل تعرف تكتب اسمها مثل الناس والعالم

فتحت شوق عيونها باستنكار : حرام عليك

والله اعرف أكتب اسمي صح

فاطمه : مو طالبين شهادات بس على الاقل اذا تزوجت تعرف تدرس عيالها

ام عمر بنغزه: هذي انت معك شهاده وما عرفت

تدرسين شوق

قاطعتها فاطمه بدون انتباه : ناسيه يمه ... تراها عاشت عندك ....ومن فتره قريبه استقرت عندي

يعني انا ما درستها

ام عمر بزعل : قصدك اني اميه وبسببي طلعت

ابنتك غبيه بالمدرسه

فاطمه بتبرير : والله مو قصدي

شوق وهي تتخصر : انا الحين غبيه يا جده

وطول الوقت وانا حاطك محامي دفاع

والحين تقولين عني كذا

ناظرتها الجده وضحكت بخفه : مو قصدي

نواف بابتسامة : لو مكانك يا شوق كان زعلت تراها قويه بحقك

خالد وهو يحط رجل على رجل : وليه تزعل من كلمه الحق

تراها غبيه

ضربته شوق على راسه : انت الغبي

ليه تيجي عندي علشان احل لك المسأله دامني غبيه ؟؟؟

خالد  ناظرها بغل: يا نصابه قلت لي حل هذي المسأله

موجود على كتابك القديم وقلت انك نقلتي الحل

من السبوره

وانا الاهبل الي صدقتك واعطيتك

تنقلين الحل وما دققت بالاجابه

والا مسأله حلها بسطر

حاطه الاجابه صفحه كامله وخرابيط ما ادري من

وين جبتيها

شوق وهي تعدل الشاله : اصلا لما جيت انقلها

ما اقتنعت بالحل الاجابه سطر واحد

فقررت احلها لك بطريقتي الخاصة

ام رائد تناظر فاطمه : الله يكون بعونك

مصيبتي اهون من مصيبتك على الاقل

رائد شاطر بالمدرسه

فاطمه ابتسمت وهي تناظر شوق : الله يعيني

على ما ابتلاني بشوق وبياسر

قاطعها سامي : يمه خلينا نرجع الحين

الوقت تأخر وباكر عندي حصه اضافيه

فاطمه وقفت تجهز نفسها : صادق اخذنا الوقت

وناظرت شوق : يالله قومي وش تنتظرين ؟؟

شوق برجاء : خلينا شوي هنا ملحقين على الملل بالبيت

فاطمه بحزم : قومي قدامي عندك مدرسه باكر

قدامي اشوف

وقفت وهي تتحلطم مو عاجبها

**

**

**

وقف باب البيت قبل ما يدخل شاف

السياره باتجاه بيتهم ...وقف

يناظر بعد ما وقفت السيارة ...

نزل خالد وسامي وخلفهم فاطمه ومعهم شوق

وانجن جنانه لما شافها حاطه اللثمه ونص وجهها

برا... والي يقهر نواف الي جايبهم

عض على شفته وهو يغلي من داخله

بعد ما غادر نواف

ردت فاطمه السلام : السلام عليكم

فارس وهو يهدي نفسه : وعليكم السلام

وناظر شوق الي تعدل باللثمه : ما في داعي

لابسيتها على الفاضي ونص وجهك برا

قدام ابن خالك

انت ما تستحين على وجهك ؟؟

وناظر سامي وخالد : وانتم رجال على الفاضي

اختكم كاشفه نص وجهها قدام رجال غريب

سامي باستغراب : وين المشكله اصلا شوق

تكشف وجهها قدام نواف عادي

ناظرته فاطمه بلوم وبتوعد على لسانه الطويل

ناظر سامي امه وهي تتوعد فيه بنظراتها

وهو مو فاهم ليه تناظره كذا ما قال شيء غلط

لانها شوق تكشف قدام عيال اخوالها وخالاتها

فارس بعصبية : وش تقول ؟؟؟؟

فاطمه بتلعثم وخاصه انه ناصر ما يدري عن

هذا الموضوع : ءءءء

شوق وهي تعدل اللثام وبحده : انت ما لك دخل

ألبس قدام الي ابغى واكشف قدام الي ابغى

فارس بعصبية فوق غلطها ترادد ؛ ولا كلمه

شوق بعصبية : تخسى تسكتني يا

فقد اعصابه ورفع يده يعطيها كف

يسنعها ويبرد حرته بس في يد وقفته

رفع حاجب فارس وهو يشوف ملامح وليد بعد ما مسك يده ...نطق والشرار يطلع من عيونه : جرب مد يدك عليها

واقسم بالله إلا أكسرها فاهم

ونفض يد فارس بقوه

ناظره فارس بدهشه واشر على نفسه : وليد انت

تكلمني ؟؟؟

وليد وللحين متضايق من تصرف فارس : ايه اكلمك... ااعتبرك مثل اخوي الكبير على عيني وراسي

بس تمد يدك على شوق اكسرها لك فاهم

واعطاه نظره قويه

فارس يناظره وهو فاتح عيونه مو مصدق وليد

اخوه الصغير للي دوم يحترمه وما يرد الكلمه

له الحين يتمادى معه بالكلام

ولا بعد يبغى يمد يده عليه وبدون وعي ضرب وليد كف وبحده : ثمن كلامك قبل ما تتكلم يالبزر

انا تبغى تمد يدك علي وعلشان مين ؟؟؟

وليد حس الدم احتقن بوجهه ما عاد صغير يمد يده

عليه ويضربه قدام الموجودين

ما رح يسكت له وبعصبيه مسك فارس من ياقه

ثوبه وكان الطول بينهم متقارب بالرغم من الفارق بالسن : لا تمد يدك فاهم

اكسرها لك وقسم بالل

قاطعه صرخه من ناصر : بس

لما شاف وليد ابوه ترك فارس وتنهد بقهر

ناظرهم ناصر وسلط نظره بحده على وليد

وهز راسه مو عاجبه تصرفه : ما شاء الله

تمد يدك على اخوك الكبير ؟!!

وليد بتبرير للموقف : فارس

قاطعه ناصر بعصبية : ولا كلمه

انت ما تستحي على وجهك

وليد بقهر : طيب اسمع السالفه قبل ما تحكم

ناصر وللحين صوره وليد وهو ماسك

فارس من ياقته ما راحت عن باله مهما كان

السبب ما يسوغ له يمسك اخوه الكبير بذي الطريقه

الاخ له معزه ومنزله واحترام بين الاخوه

اما انه يهين اخوه بذي الطريقه مستحيل يقبل كذا

وما يبغى تبريرات للموقف شافه بعيونه

وهو يتهجم على اخوه وبنبره صارمه متوعده : حسابك بالداخل

وناظر فاطمه وعيالها واقفين بالحديقه ويناظروهم

بسكوت ناصر تكلم بدون نفس : وانتم وش تناظروا ؟؟؟؟!!!

يلا ادخلوا داخل

وانت يا وليد تعال معي

دخلت فاطمه وعيالها للداخل بدون نقاش

فارس ناظر وليد وحس قلبه يعتصر على

اخوه

مهما غلط يبقى اخوه الصغير تكلم بهدوء :

ترى انا الي غلطت على وليد

قاطعه ناصر : ما ابغى اسمع السبب ما في شيء

يسوغ له انه يتهجم عليك بذي الطريقه

فلا تدافع عنه وناظر وليد الحقني

وليد والقهر بعيونه مشى خلف ابوه بدون نقاش

مو فارقه معه او يمكن لانه يعرف ابوه اذا قال شيء ما يتراجع عنه

توقف ناصر لما وقفه فارس وبنبره راجيه : اذا لي خاطر عندك اترك وليد

قاطعه وليد حس وكأنه ذليل وتحت رحمه فارس

يتصدق عليه بالعفو

ليه بس هو الي كلمته مسموعه عند ابوه

ما يبغى عطف احد لو يموت ما يبغى

يكون تحت رحمه بشر صرخ من القهر الي بداخله : مو محتاج عطفك فاهم

وكل شيء بسببك فلا تقعد تتدخل وتعمل نفسك

قاطعه كف من ابوه : ولا كلمه يا قليل الادب

تكلم اخوك كذا

قدامي ؟!!

فارس ما هان عليه وليد : خلاص اتركه

وليد ناظره من فوق لتحت ودخل للداخل

ناصر بعصبية : انقلع لا بارك الله فيك

قاطعه فارس : لا تقول كذا

تعوذ من الشيطان

ناصر بضيق : اعوذ بالله من الشيطان الرجيم

ودخل للداخل وهو يتوعد بوليد

**

**

جالسه على السرير ومتربعه وتقضم اظافرها

بتوتر....ما تدري ليه خايفه على وليد

ابوها ما رح يعدي السالفه على خير

وخاصه انها السالفه فيها فارس

ما تدري ليه يعاملهم بكفه وفارس بكفه لوحده

وطبعا فارس كفته الراجحه

ما توقعت من وليد هذا التصرف

دافع عنها ووقف بوجه فارس

عكس اخوانها من امها كانوا يناظرون بصمت وما احد فتح حلقه بكلمه ...

غمضت عيونها وهي تحس بالخجل من نفسها

وهي تتذكر هالموقف بينها وبين وليد قبل شهر

لما سمعت طرق على الباب ... وفتحته كان وليد

عفست ملامحها وتكلمت من رؤوس خشومها : نعم ؟؟

وليد بمرحه المعتاد : الله ينعم عليك

لوت بوزها بقرف: وش تبغى ؟؟

وليد بابتسامة : كذا الناس تتعامل ؟!! قولي تفضل

اشرب فنجان قهوة

قاطعته بشراسه: جعلك بالسم

صفر باستغراب : حشى ماخذ حلالك وانا ما ادري !!!

شوق بدون نفس : الحين اقفل الباب وش تبغى؟؟

حك حواجبه وابتسم بعد ما دفعها ودخل : جاي

اشرب فنجان قهوة من تحت يدين أختي الحلوه

شوق بقهر واثق من نفسه : جعل يديني للكسر اذا

عملت لك اقول انقلع من هنا..ناقصني بزران

ضربها على جبهتها بخفه باصبعه وضحك بخفه :ههه صدقتي حالك  تعملي لي قهوة...قالوا لك ناوي اتنوم بالمستشفى

وين خالد وعبود ؟؟؟

ناظرته باحتقار : اقول انقلع من بيتنا احسن لك

واخواني اذا شفتك تقرب منهم رح تندم فاهم

ورفعت اصبعها بتهديد

مسك اصبعها بروقان : حاضر عمتي

اوامر ثانيه

سحبت يدها بقرف وصارت تمسح

اصبعها وكأنه لامسه شيء مقرف

ناظرها باستغراب وبنبره حزينه متقنة : تقرفين

من اخوك ؟؟؟

شوق بقرف : ايوه اقرف منكم كلكم

ويلاااا انقلع برا بيتنا

ناظرها بحزن : اسف ازعجتك يا اختي

الحين اطلع ولف وجهه باتجاه الباب

وشوق تناظره وهي تحس بالندم بس

سرعان ما شهقت وهي تشوفه يدخل

باتجاه غرفه اخوانها وضحكاته ترن بإذنها وهو يقول : ههههههه قال انقلع ههههههه

متى ما صار البيت باسمك وقتها اطرديني

هذا بيت ابوي يعني بيتي

وانتم اخواني وغصب عنك ادخل واطلع ههههههه

ناظرته وهو يدخل غرفه اخوانها وعضت على شفتها بغيض

تقدمت خطوه علشان تطرده من بيتهم

بس لما سمعت صوت ابوها داخل البيت

كنسلت الفكره وراحت على غرفتها وهي مقهوره

ابتسمت على هذا الموقف وليد الي كانت دوم

تطرده من بيتهم

دافع عنها ووقف بوجه فارس حتى بدون ما يعرف

السالفة...

ما تدري ابوها وش تصرف مع وليد

بس اكيد رح يعاقبه عقاب شديد لانه تعرض

للاستاذ فارس ولوت بوزها بقرف

كل يوم يزيد كرهها لفارس نفسها تنفيه

عن وجه الارض

تنهدت وهي تكلم نفسها

امي متضايقه وخايفه فارس يقول لأبوي

اني اكشف عند عيال خالي

أنا اتغطى قدام عيال عمي

واكشف عند عيال اخوالي وخالاتي

انا عشت اغلب وقتي مع اهل امي وتعودت

عليهم وكأنهم اخواني

اذكر لما امي قالت اتغطى عنهم علشان ابوي

لو يدري اكيد رح يعصب

وقتها رفضت ذول مثل اخواني عشت معهم

كيف اتغطى عنهم حسيتها صعبه

ولما عرفت جدتي ام عمر عصبت على امي

وحلفت يمين اذا تغطيت عن عيالهم

لسانها ما يناطق لسان امي

وقتها سكتت امي وهي خايفه يوصل خبر

لابوي

بس انا مو مهتمه خله يعرف

وما يطلع له يقارن بين عيال اهل امي وعيال اخوانه

وش جاب الثرى للثريا

فرق شاسع بينهم مع اني ما اختلط بعيال عمي

يكفي اني شفت منهم نسختين وتعاملت مع هالنسختين

احقر من كذا ما شفت منهم

رسمت ابتسامه على ثغري وانا اتذكر امي

اول ما دخلنا اعطت سامي قرصه بكتفه

وشدته من اذنه وهي تلوم فيه على لسانه الطويل جيت اتكلم بس ناظرتني نظره بمعنى اني

انا السبب لاني رفضت اتغطى

ولما شفتها اقتربت مني

وبسرعه 360 توجهت لغرفتي

خفت احصل قرصه منها

امي سلاحها القرص دوم لما نغلط لازم

تحط علامه

عكس ابوي ما اذكر انه مد يده علي

مع ذلك اخاف منه

عكس امي الي اذا غلطنا تضربنا بس مع

ذلك متعودين عليها واقول الي ابغى بدون

حساب

انا ورفيق دربي طلعنا الشيب براس امي

الله يهديه اشتقت له

قاطع افكاري دخول امي وعلامات الضيق

على وجهها

الظاهر اني ما رح انام الا بعد ما احصل قرصة

على كتفي

الله اعلم وش رح يطلع اللون

احمر او ازرق او نهدي حسب العصبيه

كلمتني أمي بقهر : الحين ابوك لو عرف بالموضوع

رح يعصب وأكيد

قاطعتها وأنا أرد بلامبالاه: خله يعصب وبعدها يروق وينسى

ناظرتني والشرار من عيونها : هذا لسانك انا الي رح اقصه

انت عقلك ما يحسب للعواقب

شوق ببرود : اي عواقب ؟؟

اسوأ رد فعل يطردك على بيت جدي

وناظرت امي وانا رافعه حاجب :مو هذا الي كنت تبيه قبل ايام ؟؟

ردت بعصبية : شوق

تكلمت بفرح وأنا  أتخيل يعمل كذا : يا رب يرجعك لبيت جدي واروح

معك ونعيش هناك

احسن من هنا بكثير

عضيت على اصبعي من الوجع  لما قرصتني بقوة.. نطقت بقهر: يمه والله يوجع

ردت بعد ما سحبت يدها بغل : خله يوجعك!!

عبست ملامحي لأني متأكده ما رح انام الا لما أحصل ذي القرصه ...

مسحت مكان القرصه وحركت شفايفي اتكلم بقهر

بس قاطعتني بعصبيه : ما ابغى اسمع صوتك

وطلعت وهي مفوره من العصبية

ما ادري ليه خايفه كذا ؟؟!!

وخير يا طير !!!

انا الحين رح اتصل بابوي واقول له السالفه

كلها...وقفت وتوجهت للحمام... صدقتم اني اقول لأبوي..... انا اخاف من ظله تبغون اقول له

اني اكشف قدام عيال اخوالي علشان يدفني بمكاني ......

***

***

***

***

***

***

جالس فوق راسه يبغى يعرف كل التفاصيل

وليد بعصبية : قلت لك انقلع من وجهي

ترى مو ناقصك انت الثاني

عبود ضحك : ههههه مين الاول قصدك ابوي

وغمز له ما رد عليه وليد

عبود يدافع عن اخوه الكبير : ترى فارس

كان يدافع عنك قدام ابوي

انت مجنون تمد يدك على فارس

وليد دفن نفسه تحت اللحاف : واكسر راسه

اذا تعد حدوده

عبود مو فاهم السالفه : والله ما انا فاهم عليك شيء

بس خلاص اسكت لا يسمعك ابوي

وليد بصوت مخنوق من تحت اللحاف : خله يسمع عبود ناظره وهو تحت اللحاف وسكت

وهو يفكر كيف يعرف السالفة كلها

**

**

**

**

**

جالسه بغرفتها وطلعت مثل المقروصه

لما سمعت صوت صراخ ابوها

بلعت ريقها وناظرتهم بدون ما يشوفوها

وشعرها نازل بإهمال

ناصر والشياطين تنطنط فوق راسها :أنا تستغفليني يا فاطمه ؟؟؟

انا للي قاعد ومطمئن انك تنتبهي لها

انا

وبقهر سكت ما في كلمه تعبر غضبه

وقسم بالله لتندمين

فاطمه وقلبها يدق بقوه وحاسه بغلطتها : شرحتلك موقف امي

قاطعها بعصبية : ما احد خرب عيالي غير امك

انا الغبي الي

فاطمه ودموعها تنزل : خلاص صار الي صار

هدي

قاطعها وهو مفور من العصبيه : صار الي صار

لكن يصير خير

اذا شفت شوق رجلها عتبت بيت امك اكسرها

فاهمه تبغين تزورين امك زوريها

بس ابنتي عندي

ما رح اسمح لها تخرب شوق مثل ما خربت ياس

قاطعته بعصبيه مهما كان ما ترضى على امها

وما رح تسكت له : ما اسمح لك تتكلم على امي

يكفي انها اعتنت بعيالي ايام تعبي

هذا جزاتها تتكلم عليها كذا ؟؟!!

ناصر بتحسف : يا ليتها ما اعتنت فيهم

انت بنفسك شوفي الفرق بين سامي وخالد

وبين عيالك الي ربتهم واحكمي

فاطمه بقهر : ما اسمح لك تتكلم على امي تفهم

وعيالي حلالها خلها تعمل الي تبغى فيهم

ناظرها بقهر : والله

فاطمه وبتحدي : وما يطلع لك تحرمهم من جدتهم

وشوق رح تروح على جدتها مثل اول واكثر

مو فارس الي يمشي كلمته علينا

ما له دخل في شوق تراني للحين ساكته

وما ابغى اخرب بيتي

من اول ما تزوجت وانا ساكته ساكته لكن توصل فيك

تتكلم على امي

ما رح اسكت فاهم

هذي امي

قاطعها بسخريه : أمك الي بغت تخرب بيتك

تنهدت بقهر من ناصر ما يحب امها : يا ليتني

رديت عليها من ذاك اليوم

انقهر منها ندمانه على عيشتها معه : ما فات شيء

على ندمك تقدرين الحين تنفذين كلامها

ناظرته وقررت تروح على غرفتها لانها ما تضمن نفسها

تترك البيت كله تعوذت من الشيطان وتوجهت للحمام تجدد الوضوء وتصلي لها ركعتين افضل لها من النقاش العقيم!!

**

**

**

**

واقفه تناظر غرفة امها وابوها وهي تفكر

معقول امها تروح وتتركهم

مستحيل ترضى رجلها على رجلها

بس نقزت من الخوف لما شافت ابوها

واقف فوق راسها ويناظرها والشرار

يطلع من عيونه... نطق  بحده: مبسوطه على نفسك ها

جهزت نفسها ترد وش فيها لو كشفت قدام

عيال اخوالها هم مثل اخوانها

وما حد له دخل فيها تلبس وتعمل مثل ما تبغى

اخذت نفس وناظرت ابوها وشافت الشرار يطلع

من عيونه تبخرت كل قوتها والكلام الي جهزته

طار خلال ثواني بلعت ريقها وبخوف نطقت : جدتي غصبتني اكشف ءءء أنا ما ابغى اكشف بس

قاطعها لما ضرب الجدار جنبها بقوه : جدتك

جبرتك تطق الميانه معهم ضحك ومزح

وتكلميهم بالجوال

جدتك غصبتك جاوبيني

نزلت عيونها للارض وهي تفرك يدينها بخوف

وش عرفه ابوها

عضت على شفتها ما تدري وش ترقع

كمل بعصبية وتهديد : وقسم بالله لو اشوف

رجلك عتبت باب جدتك لأكسرها

والجوال لو اشوفه بإيدك لأكسر رأسك ...فاهمه

هزت راسها بخوف وقلبها تحسه رح يطلع من مكانه ...

وطيران على غرفتها توجهت لما ابوها توجه لغرفتهم تنفست براحه وصارت تكلم نفسها

مش على كيفهم ما يقدرون يمنعوني من جدتي وعيال اخوالي

وخالاتي... وغصب عنهم رح ابقى أكلمهم

والي مو عاجبه يبلط البحر

انا ادري انه كل هذا بسبب السوسه فارس

الله يأخذه

بس لحظه فارس وش عرفه اني امزح والوضع فري بيني وبين عيال اهل امي

ما يدري عن شيء

ابوي وش عرفه

غمضت عيونها بتفكير

وفتحتهم بوعيد

ما في غير سامي ابو لسان طويل وقسم بالله

لاخليه يندم هالحيوان

وطلعت من غرفتها وهي تتوعد بسامي

وسرعان ما رجعت لغرفتها وقفلت الباب

لما شافت ابوها طالع من غرفه امها

جلست على السرير وهي تمسح رجلينها : يا ويلي

أصابتني ام الركب

يمه يخوف وهو معصب بغيت اعملها على نفسي

افففففف من البارحه وحنا بالنكد وياليت حصلنا

على شيء يفرح

انا قلت تزعل امي ونروح نجلس عند جدتي

آآآآ ه يا حبي لها

هي الوحيده الي فاهميتني وتدللني

وتدافع عني

يا ليتها الحين موجوده كان وقفت بوجه ابوي

وقالت له حدك شوق ما اسمح لك

اخخخ وش الفائده اتخيل على الفاضي

ما طالنا الا النكد حسبي الله على العدو

اليوم كله ما رح اطلع من الغرفه

تحسب لاي هجوم .....

***

***

***

***

***

تكلم وهو جالس على كرسيه قدام مكتبه الخشبي من اللون الاسود : ما ادري !

فهد وهو يحط رجل على رجل : طيب عمي ناصر

وش عرفه ؟؟

فارس عقد حواجبه : الي فهمته انه سأل سامي عن

مشكله البارحه

وطبعا سامي اكثر من ثرثرته ما فيه

من الخوف قال له كل شيء يصير في بيت جدته ام عمر

فهد زم شفايفه مو عاجبه : شفت قدامنا ما تتكلم

واذا تكلمت تغلط علينا ومع عيال اهل امها

مطيحه الميانه

مع انه حنا عيال عمها أقرب لها

فارس بقرف : الي يسمعك يقول ميتين علشان

تكلمنا...تراني انقرف لما اسمع صوتها يجيب لي

المرض

ابتسم فهد : وليد وش صار عليه ؟؟

فارس تنهد : والله انه كاسر خاطري

ابوي منعه يطلع من البيت شهر كامل

حتى الرحله الي كان مخطط يروحها مع اصدقائه

منعه منها

حتى المصروف سحبه منه

والجوال والبلايستيشن كل شيء ممنوع

وفوق هذا ما يكلمه

فهد صفر بدهشه : كل هذا علشانك

فارس ابتسم  : قل اعوذ برب الفلق

كش عليه فهد : مالت عليك

شوق وقليلة عليك

وبتذكر : معقول تصير مشكلة بين عمي ناصر وزوجته

فارس باستبعاد: ان شاء الله ما يصير بينهم شيء

والله اني احترمها واقدرها

بس الي ابغاه يمسك شوق ويكسرها تكسير

ويقص لسانها

علشان ما تكلم هالزفته نواف

فهد بملل : يا رجال خلاص فكنا من هالسيره

تراك اغتبت بما فيه الكفاية

فارس ناظره وهو يخزه: تراك انت الي فتحت الموضوع

وانت تعرف عند شوق ونواف ما أمسك لساني

فهد هز راسه : ان شاء الله تتزوج قريب

وترتاح منها

ابتسم فارس بخبث : إن شاء الله قريب ويتحقق

كل الي في بالي

فهد عدل جلسته : يا خوفي ينقلب السحر على الساحر

فارس ما اهتم لكلامه وهو يفكر بمخططه

بدقه حتى ما يصير اي غلطه ويخرب الموضوع

**

**

**

من الملل تذكرت انها قررت تدرس وتبذل جهدها

جلست على السرير وتربعت وحطت

الكتاب بحضنها

وعقدت حواجبها وش هالخرابيط ؟؟؟

مو فاهمه شيء

قررت تبدأ بكتاب ثاني يمكن يكون اسهل

وقررت تحفظ

اااق ق ق ر ر ر أ اقرأ

ا ل ف ق ر ا ت البقرات ( الفقرات )

ا ل ا ت ي ه التاليه ( الآتيه)

وبدت تكرر الجمله

اقرأ البقرات التالية

اقرأ البقرات التالية

اقرأ البقرات التالية

اقرأ البقرات التالية

اقرأ البقرات التالية

اقرأ البقرات التالية

غمضت عيونها وهي تحفظ

اقرأ البقرات التالية

اقرأ البقرات التالية

اقرأ البقرات التالية

اقرأ البقرات التالية

اقرأ البقرات التالية

اقرأ البقرات التالية

مضى وقت وهي تردد هاي العباره وتحفظ فيها

والحين تبغى تشوف انها حفظت او لا

سكرت الكتاب

وحاولت تتذكر الجمله

اقرأ

امممممم ضربت جبهتها

ما تذكرت وبقهر ضيعت وقتها على الفاضي وما حفظت

رمت الكتاب من يدها لانه مستحيل

تفلح بالدراسه

استلقت على السرير وزفرت بضيق

ما تدري كيف يحفظون الكتاب

كامل وش يحطون بعقلهم كمبيوتر

اعوذ بالله هي جمله وما قدرت تحفظها

وقفت وطلعت من الغرفه

وهي تحس بالملل اجواء البيت

خانقه امها معصبه وابوها نفس الشيء

طلعت للصاله

وركضت من الفرحه وضربته على كتفه وهي تنطق بفرح لشوفته:هلا والله

سرعان ما مسحت على يدها من الالم وبصوت طفولي : حرام عليك والله توجع ليه تضرب!!

لازم تتعود على ذي الحركه ما احد يضربك على كتفك الا انا

طالعها وهو يخزها  : تستاهلين وانت المفروض تعودتي على ذي الحركه ههههه

تعرفيني ما احب احد يلمس كتفي!

نسيت شوق ورجعت ضربته على كتفه ..وهي تنطق بابتسامة: امزح معك يا شيخ

وصرخت وهي تنفخ على يدها وماده بوزها لما رجع ضربها : شرير

انقلع لا تكلمني

وجلست على الكنبه

اقترب منها وبسخريه نطق: لا يا شيخه اموت علشان تكلميني

طالعته شوق ... وباستغراب نطقت : وش جابك هنا ؟؟

جلس جنبها ومد يده خلفها : كيفي

شوق بتذكر ضربته على كتفه : صحيح ما قلت لك

ورجعت تنفخ على يدها بعد ما ضربها: شرير ليه تضرب

طالعها بنص عين : قلت لك ما احب هذي الحركه...لا تلمسين كتفي!

يالله وش السالفه ؟؟

شوق مدت بوزها بزعل : ما رح اقول انقلع من وجهي

مسكها من رقبتها بمزح : قولي والا اشد

حركت راسها بالرفض ما رح اقول انقلع

شد شوي وفلتها لما شاف فاطمه

ابتسم : هلا والله

ناظرته بفوقيه وما عبرته

اقترب منها وبروقان : اموت على الزعلان يا ناس

فاطمه بنرفزه لما شافته قرب منها : ابعد عني

لا اعرفك ولا تعرفني انقلع من وجهي واطلع من البيت احسن لك

شوق من خلفه تضحك بخفه وتكرر بصوت ينرفز : عاق عاق عاق عاق عاق

طالعها بضجر : سدي حلقك

وناظر امه وابتسم : اخبارك يا ام ياسر ؟؟

فاطمه مو رايقة له : انا ام خالد ما عندي غير عيال اثنين وبنت وبس

ياسر  عبس ملامحه: وانا ؟؟

فاطمه ناظرته من فوق لتحت بتقييم : طول ما انت بهذا الشكل انا متبري منك

ولا اعرفك ولا تعرفني

رد وهو يرجع شعره للخلف : يمه بعدني صغير ابغى اعيش حياتي واتمتع فيها

قاطعته بقهر : تضمن عمرك ؟؟

تأففف وهو يجلس : افففففف وبعدين

مع ذا النكد

وش تبغين فيني ؟؟؟

فاطمه بعصبية من افكاره : كيف وش ابغى فيك

كيف ارتاح وانت ركعه وحده ما تركع لربك

عايش حياتك بالترف واللهو

شوف شكلك اخخخخخخ منك

ابتسم وبطول امل : لما اتزوج اصلي

واهتدي

ضربته شوق على كتفه : تضمن عمرك يا حمار

ونفخت على يدها من الوجع مكان الضربه وبهمس : شرير

ياسر خزها بعبوس : اول مره اشوف واحد يهدي واحد ويشتمه !!

ما تدرين انه ما تصير تشتمين الناس

يوم القيامه ربنا يعطيني من حسناتك مو حافظه حديث المفلس

طالعته فاطمه بحسره على حاله يعرف الحلال والحرام مو جاهل تنهدت بوجع : الله يهديك

حك ذقنه وابتسم : امين

وضرب شوق على راسها بخفه : ما قلت لي وش السالفه ؟؟

عفست ملامحها بقهر منه : ما قلت لنا سبب

رجوعك ؟؟

قاطعتها فاطمه وهي مفوله من العصبيه : يعني مو عارفه اكيد خلص مصروفه وجاي يتشحد

حط رجل على رجل وابتسم : اولا هذي مو شحده

بيت ابوي لو اخذت منه فلوس ما يعتبر شحده

ثانيا صدقتي يا امي العزيزه فلوسي خلصوا

قاطعته فاطمه بقهر : وليه ما تنقلع تشتغل ؟؟

مو فالح بدراسه ولا بشغل ولا بشيء

حرام لو الحين تدرس بالجامعه

مط خد شوق : وهذي ليه ما تعطيها محاضرات بالدراسه تراها حماره مثلي

والا بس ياسر الي لازم يدخل جامعه

فاطمه تكتفت : الحمد لله انك اعترفت انك حمار

بلاه تدرس روح اشتغل واصرف على نفسك

قاطعها ببرود : تو تو تو ابغى اعيش حياتي الحين

ملحق على الشغل

شوق بلقافه : وين كنت طول هالمده ؟؟

طالعها وغمز : بفندق 5 نجوم الله يخليه لنا

اكل واشرب وانام ببلاش هههههه

فاطمه فتحت عيونها باستنكار : بالله ما انت قاعد عند امي

هز راسه بابتسامة : الله يخليها لنا

حتى اصحابي تعزمهم وما تقصر

قاطعهم دخول ناصر ناظر ياسر من فوق لتحت

ومشى وهو مطنش وجوده

وقف ياسر وهمس لشوق : اروح اسلم على بابا

فاطمه صحيح ما تكلم ناصر بس وضع

ياسر ما ينسكت عليه لازم يتدخل..نطقت بقهر : قبل ما تروح تنام....تعال شوف حل مع ولدك !

بدون ما يطالعها وقف : لما كنت ابغى اربيه

وقفت بوجهي وقلتي لا تتدخل يا ناصر انا بطريقتي اتفاهم معه

يلا تفاهمي معه وعدلي تربية أمك اشوف... وتركهم

ودخل الغرفه

ناظرته فاطمه وهو متوجه للغرفة وانقهرت منه...

زفرت بضيق وناظرت ياسر بعجز لتغيير حاله

تركته وراحت وقلبها يتقطع

ياسر بكرها الي انتظرته سنوات

لكن للاسف فشلت بتربيته

قررت تطرده لعل وعسى يتغير بس ما في فائده

الحين رجع يبغى فلوس

مو حب فيهم راجع

توجهت للمطبخ وهي مخنوقة ومتضايقه

وقف يطلع بعد ما راحت امه مسكته شوق : وين رايح خليك هنا

ابعدها عن طريقه وبابتسامة: مكان فيه ابوي

ما اجلس فيه

اخاف يغير رايه ويقرر يربيني من اول وجديد

هههههههه

طالعته بخيبه: مالت عليك

دخيلك خذني معك ترى وضع البيت مقرف

كله نكد

قرص خدها بابتسامة : وين احطك ؟؟

بعدين تبغين نويصر يدفني بمكاني

لا حياتي خلك منطقه هنا وخليني اعيش براحه

لوت بوزها : هذا ابوك مو نويصر

ابتسم : ادلعه هههههه

ناظرته ولوت بوزها : سخيف

وبلقافه : ما اخذت مصروف

تنهد بضيق: ما توقعت امي تستقبلني كذا فكرت

تأخذني بالاحضان

مو تتكلم من رؤوس خشومها ولا كأني ابنها

وما اتوقع تعطيني فلس واحد

ارجع للفندق احسن لي

طلع من الباب وبتذكر حطت يدها على ظهره : انتظر

وعفست ملامحها وهي تنفخ على يدها صارت حمراء مكان الضربه : شرير

ضحك عليها بصوت عالي : هههههههه

تستاهلين كم مره حذرتك بس ما تفهمين

باي

وارسل لها بوسه بالهواء

هزت راسها بفقدان امل منه

قفلت الباب ودخلت المطبخ

عند امها وبلوم : يمه ليه ما استقبلتيه؟؟/

فاطمه بدون نفس : لو عنده كرامه ما رجع لبيت

انطرد منه

شوق بضيق مهما كان هذا اخوها لمتى رح يبقى

مشرد كذا عايش على هواه

الي بعمره بالجامعه تتمنى تشوفه انسان جدي

بس حياته كلها مهزله بس الغلط من اهلها المفروض ما يتركونه على حاله هذا

وباعتراض : يمه انتم تدمرونه

قاطعتها فاطمه بعصبية : شوق انقلعي من وجهي

ترى مو فايقه لك....انت واخوك طلعتم الشيب براسي

ناظرت امها كيف هبت بوجهها : انا وش عملت ؟؟

فاطمه واعصابها تلفانه : شوق اتركيني بحالي

طالعت امها بقهر وطلعت ما عملت شيء علشان

تعصب عليها كذا

دخلت غرفتها وزفرت بضيق وضع البيت لا يطاق

ما احد يكلم الثاني

واذا تكلم يهب بالوجه وكأنه بركان

ما تدري لمتى يستمر الحال...الله يأخذك يت فارس الفتان!!

****

****

****

****

****

****

دخل البيت بدون ما يستأذن ناظر الصاله

فاضيه توجه لغرفتها فتح الباب

وناظرها وهي ماسكه كتابها وتحضر

اقترب منها بهدوء وغطى على عيونها بيدينه.....

تلمست يدينه وبصوتها الناعم : وليد ؟؟؟

شد بخفه دلاله على انه الاجابه غلط

بتفكير : اممم عبود

شد بخفه

تحسست يدينه مره ثانيه وابتسمت بنعومه : فارس

شد بخفه

احتارت يد مين هي يد رجال بالرغم من نعومتها

بس مين ما تدري : امممم خالد او سامي

شد بخفه

ما تدري لسانها زل مع انه شيء

مستحيل : فهد

ترك عيونها وهو يصفق : ما شاء الله فهد !!!

تعالي هنا من متى بناتنا يجلسون مع الخطيب

طالعته وابتسمت باستغراب لوجوده

وقربت وسلمت عليه بابتسامة واسعه: اخبارك ياسر ؟؟؟

جلس على الكرسي وتنهد بتعب متقن : ما تسرك احوالي....تأثرت لحاله يعيش مشرد واهله موجودين

بس ما يطلع بيدها شيء : ربك رح يفرجها

ضحك : ههههههه اموت على الحساسين

حزنانه على حالي

هزت راسها مريم والدموع بعيونها حزن على حاله

قرص خدها بخفه وتنهد : وين خالتي و فارس ودانا والمزعجين ؟؟

طالعته وردت بهدوء : دانا عند خالتي فوزيه مع امي

وفارس ما رجع للحين

والمزعجين نايمين بغرفتهم

هز راسه ووقف : اروح اشوفهم زمان عنهم

وش اخر اخبارهم ؟؟

مريم ابتسمت : بخير

رد لها الابتسامه : باي اشوفك مره ثانية

وسلمي على خالتي ودانا

ردت بهدوء : يوصل ان شاء الله

طلع من الغرفه وهي تناظره لما تشوفه

تحزن عليه

شاب يبغى يعيش على هواه وهوى ربعه

بس امه وابوه ما عجبهم حاله

وانتهى فيه الامر انطرد من البيت وامه متبريه

منه

صحيح انه ياسر كله غلط بس لو عاملوه بأسلوب

ثاني يمكن يستجيب لهم

لانه قلبه طيب وحنون ومرح

رفعت يدينها للسماء تدعي له بالهدايه والتوفيق

***

***

***

***

فتح الباب بقوه وبصوت عالي : نايمين

وهجم على وليد وسحب اللحاف : قوم نايم يالرخمه

وليد رفع راسه بفجعه من هذا الهجوم والصراخ

وعيونه وحده مفتحه والثانيه مسكره

وشعره مفعوس: وش فيه ؟؟؟

جلس ياسر على السرير وحط رجل

فوق رجل : ما تدري وش فيه ؟؟

وليد دق قلبه خاف انه صار شيء : وش فيه ؟؟؟

ياسر بثقه : انا جيت

ما كمل جملته الا وليد ضاربه بالمخده على راسه : انقلع من هنا

انت وخشتك

ياسر بروقان : افا ما هقيتها منك

ما اشتقت لي غايب عنكم كم شهر

وليد وهو يرجع راسه على المخدة: عمرك لا جيت

قالوا لك مشفوح على شوفتك

انقلع عن وجهي خلني اكمل نومتي

ياسر سحب المخده من تحت راسه : نو نو نو

ما في نوم بعد اليوم

وتوجه لعبود الي نايم وفاتح فمه

وابتسم بخبث وضربه على وجهه بالمخده

فز على حيله وناظر حوله

ياسر ضحك على شكله : ههههههه

قوم قوم يا

قاطعه صراخ وليد : بعدين مع ثقل طينتك..

الاخ مصنع ساردين

تستورد ثقل الدم من وين ؟؟؟

ياسر حك شعره وابتسم : امممم بصراحه

ما استورد ليه استورد

وثقل الطينه المحليه موجوده واشر على وليد

ههههههه

وليد وهو عافس ملامحه خرب نومته : يا ثقل طينتك

عبود وهو يتثاوب : غريب جاي !!

ياسر وهو يناظر الغرفه : جاي اتفقدكم وحشتوني ..وختم كلامه بضحكه!!

وليد جلس وتربع على السرير : يمه عالكذب

ليه انت لما تكون عند جدتك ام عمر تذكر احد

تبيع اهلك كلهم علشانها

ياسر جلس جنبه وابتسم لذكراها : والله ابيع الدنيا

كلها علشان جدتي الله يطول بعمرها

وبنبره استغراب :غريب خابركم بهذا الوقت

تلعبون بلايستيشن ؟!!!

عبود رمى نفسه على سريره بقهر : انسحب منا

ضحك ياسر عليهم : هههههههههه عقاب

اكيد عقاب من البابا

الحمد لله تاركني على هواي ومو عايش عنده

والا كان كل حياتي عقابات ههههه

وليد باستغراب : ما تشتاق تعيش

بين امك وابوك ؟؟

ياسر  بلامبالاة: جدتي هي امي وابوي

عشت اغلب حياتي عندها واجي هنا

زياره وكأني ضيف

ولما ألزمنا ابوي انا وشوق نعيش هنا

ما قدرت أتأقلم هنا

عشت عند جدتي حياة مختلفة كليا

عن هنا

ما قدرت أكمل هنا وبدأت المشاكل لين انتهى فيني الامر ...وطردتني امي من البيت

ناظرهم متأثرين لحاله ضحك على شكلهم : هههههههه علامكم كذا ؟

ترى انا مبسوط اني انطردت وعايش على مزاجي

وعند جدتي

عبود : خالتي فاطمة ما تدري انك عند جدتك

هز راسه ياسر : ما تدري لانه لما كانت تزور جدتي

اطلع من البيت

وجدتي طلبت من اخوالي وخالاتي ما احد يخبرها

اني عندها

بس الحين عرفت ههههههههه

وليد ناظره باستغراب يضحك ومبسوط على حياته

ما يدري هل هو مبسوط والا يكابر ويخفي

بقلبه

ضرب ياسر جبهته : اوه نسيت اقول لشوق

نواف يسلم عليها

وطلب مني لما اشوفها اخليها تكلمه

وليد بحده : انت ما عندك دم ؟؟!

ياسر ناظره : وش فيك ؟؟

خلك فري شوي

وش فيها لو كلمت ابن خالها تراه مثل اخوها

وشوق متعلقه فيهم وكأنهم اخوانها وعاشت

معهم اكثر ما عاشت مع اخوانها

وليد مو عاجبه كلامه : ترى لو يدري ابوي

ما رح يسكت

اذا على سالفه انها تكشف قدام عيال اخوالها

صارت سالفه طويله وعريضه

زم ياسر شفايفه مو عاجبه : وش فيها لو كشفت

اصلا النقاب مختلف فيه

دفعه وليد عنه بقرف : تعرف الحلال والحرام وهذا حالك !!!!

ياسر يغيض وليد بكذب : اصلا يا دوب من شهر صارت تلبس عبايه قدامهم

والا كانت تكشف شعرها والوضع عادي

فرررررررري

وليد فور من العصبيه : انا الحين رح افرك

على طول يدي من الشباك

يا اخي خلي عندك دم

تراها اختك !!

اذا ترضاها تراني ما ارضى على اختي

كذا

فاهم

ياسر ضحك بصوت عالي على شكل وليد : هههههههههههههه

حط يده على بطنه من الضحك

بدون ما يدري عن الشخص الي يسمع كلامهم

شد على يده من القهر وتركهم وتوجه لغرفته

ياسر وهو مستمر بالضحك وبكلام متقطع : ههههه ا هههه ام ههههه امزح هههههه

والله امزح معك ههههههه

وليد ارتاح شوي : على بالي والله بغيت

انحرك

ياسر وقف وابتسم : تراك اكبر من عمرك

مو مثل الرخمه خالد وسامي وعبود كل الوضع عندهم فري

ههههههه خلك مثلهم ولا تكون مثل اخوك

الهمجي فروس ههههههه

خلك مثلي صدقني الا تنبسط وخلي كل شيء

فري

صح عبود

وليد وقف ومسكه من طرف بلوزته وتوجه فيه

باتجاه الباب : عاجبك وضعك مبروك عليك

بس تعدي عبود بوقاحتك

اسمح لي مع السلامة

يلا انقلع

ضحك ياسر وابعد يد وليد ورتب بلوزته : ههههههههه خلك فري

وطلع والابتسامه شاقه الحلق

وسكر باب وليد خلفه

وناظر فارس وهو طالع من غرفته ابتسم

وهو يرحب فيه : هلا والله بفروس

طالعه فارس والشرار يطلع من عيونه

بعد الكلام الي سمعه منهم

ما عنده دم ما عنده حروريه رد بجفاء : هلا

اقترب منه ياسر وسلم عليه : علامك تقولها كذا

ابتسم يا رجال دوم معصب

وش اخبارك ؟؟

فارس وهو يحاول يتحكم باعصابه : بخير

رن جوال ياسر ابتسم بعد ما شاف الاسم : هلا وغلا 100 مرحبا .........هههه وش اعمل احبك ....... لا والله في بيت بابا 2 ههههههه .........والله

فوق ما طردتني تبغى تطردني من عندك .........لا ما قال شيء .........ههههههههه والله ابنتك

رح انتحر بالاخير وهي السبب ......هههههه بعين الله .......يبغى يكلمها قولي له اني طلعت من عندها

المره الجايه ههههههه .......طيب الحين جاي

مع السلامة يا حياتي

ناظره فارس مو عاجبه شيء ونفسه يكسره

تكسير انسان ما عنده دم

طالعه وتركه لانه لو بقى ما يضمن نفسه

وبنفسه مخططات لازم ينفذها

**

**

**

**

**

**

جالسين على الغداء من بعد ذاك الموقف

الهدوء يعم البيت ولا احد يكلم الثاني

خاصه فاطمه وناصر ما يكلمون بعض الا بالقطاره

حطت اللقمه بفمها وناظرت سامي

ولوت بوزها كل المشكله بسبب لسانه الطويل

ناظرت امها تأكل بهدوء

وابوها نفس الشيء ولا واحد يكلم الثاني

اما خالد ساكت وما فتح فمه بكلمه وحده

من بدايه الموضوع

وضع البيت مو عاجبها مقرف اذا كلمت امها

تصرخ بوجهها ومعصبه 24ساعه

وابوها من قبل ما تقدر تكلمه

كيف الحين

الحمد لله اليوم رح يجتمعون في بيت

جدتها لطيفه

على الاقل تغير جو وتشوف اميره ومنال

ناظرت خالد الي يتكلم بهدوء: اليوم رح نروح عند بيت جدي ؟؟؟

ناصر بحده راح باله عند ام عمر : مين جدك ؟؟

خالد بتوتر :، جدتي لطيفه

ارتخت ملامحه ورد : ايه رح نروح كلنا

ناظرته فاطمه وهي عافسه ملامحها وبعدها

صدت عنه

وش قصده بسؤاله يبغى يمنعنها عن اهلها

ولا كمان عيالها الظاهر ممنوع يروحون

طنش نظراتها وكمل أكل

كانت تناظر امها وابوها نزلت نظرها للاكل

بس سرعان ما رفعت راسها وناظرت امها

وهي تتكلم بحده : انا ما رح اروح

الي يبغى يروح يعرف الطريق

ناظرها ناصر وهو مو مصدق انها فاطمه

من فتره متغيره حيل عمرها ما كانت كذا

يتذكر لما صارت مشاكل في بدايه زواجهم

عمرها ما قطعت اهله وكانت تقول

اذا تشاجرت معك اهلك ما لهم دخل علشان اقطعهم

بس الحين العكس مو فاطمه هذي

فاطمه الي لو صار بينهم سوء تفاهم ما تتركه

حتى يرضى

بس الحين من يوم  الموقف ما تكلمه ابد

وصاده عنه وكأنها شايفه جني

عض على شفته بقهر ووقف وبحزم :بعد صلاه المغرب الكل يكون جاهز

واعطاها نظره تحدي

وطلع من البيت كله

شوق ناظرت امها بعد ما طلع ابوها : بتروحين ؟؟ فاطمه بنرفزه : وش دخلك اروح ما اروح

كافي لقافه افففففف

وقامت من المكان كله

شوق بقهر ناظرت سامي : كله بسببك شوف

كيف امي وابوي حالهم

سامي وحاس بالذنب : والله مو قصدي

قاطعته : اسكت اسكت

اقول انقلع من هنا

طالعها خالد وما تكلم وطلع وبعده

طلع سامي

تنهدت بقهر

من بعد السالفه امها ما تنظف شيء

كل شيء برقبتها

تنهدت وبهمس : اذا زعلانه ما تنظف المطبخ

كله فوق راسي

الله

هزت راسها ما تدري على مين تدعي

ما في غيره فارس

الله يأخذك يا فارس الزفت

بسببه الحين أجلي وأنظف

لا والمشكله لا جزاء ولا شكورا

بدأت تنظف وهي تونس نفسها الاجر عند ربنا

كملت تنظيف واخذت نفس ترتاح

وبسرعه طلعت من المطبخ لما سمعت حركه بالصالة وبفجعه : يمه وين رايحه ؟؟؟

فاطمه بعبوس : عند أهلي

قاطعتها شوق ومسكت يدها : والله ما تطلعين الا رجلي على رجلك

تتركيني هنا

لا والله ما لي دخل

فكت فاطمه يدها : لا تخافي راجعه

انت خليك هنا مو هذا الي يبغاه ابوك

ما يبغى تدخلين بيت اهلي

مو من مستواه

شوق عيونها تلمع بالدموع : والله ما تطلعين

بدوني.... ما رح ابقى هنا بدونك مستحيل

فاطمه بتعب : لا تزيديها علي يا شوق

ترى الي فيني مكفيني

شوق بضيق :طيب ابوي يدري انك طالعه

فاطمه تنرفزت من ذكر ناصر : ابعدي عن طريقي

شوق مسكت يد امها : الحرمه الي تطلع بدون

اذن زوجها تلعنها الملائكه من لما تطلع حتى ترجع

ناظرتها فاطمه اول مره تسمع شوق تقول شيء

مفيد

تنهدت وكلام شوق ينعاد بعقلها كيف

نسيت هذي النقطه

تعوذت من الشيطان وعادت ادراجها

لغرفتها

زفرت شوق بضيق لحال امها وابوها

الحين حست بالنعمه الي كانت عايشيتها

بين ام واب حياتهم متفاهمه وما في مشاكل بينهم

حياه كلها محبه وسعاده

الحين حست بقيمة النعمه الي كانت عايشه

فيها

تمنت من كل قلبها ترجع المياه لمجاريها

وينتهي الزعل والنكد

وترجع امها وابوها مثل قبل واحسن

**

**

**

****

**

**

**

بعد المغرب

جالسه مع بنات عمها وتحس انها وحيده

تحس شيء ناقص

بدون امها الجلسه ما تكمل

غمضت عيونها لثواني وهي تتذكر قبل ما يطلعوا

تشاجر ابوها مع امها لانها رفضت تزور اهله!!

دخلت عمتها ام مهند وسلمت على الجميع وناظرت باستغراب : وين فاطمه ؟؟

شوق بهدوء اعادت نفس الاجابه لكل واحد يسأل : تعبانه شوي

ام مهند هزت راسها بتفهم : سلامتها

ردت شوق بنفس النبره : الله يسلمك

حطت يدها تحت خدها تسمع لسوالف بنات

عمها وعمتها

ومريم ودانا مندمجات

قلبها مثل النار قلقانه على امها

ما كانت تبغى تيجي بس من عصبيه ابوها

اضطرت تيجي

زفرت بضيق متى تخلص هالسهره وترجع

للبيت

بس ناظرت باستغراب لما سمعت كلمة سافر

ناظرت جدتها : مين الي سافر ؟؟

ردت الجده : ابوك سافر الحين

عنده شغل ضروري

وناظرت الحريم قلت له خليها هالسفره للصباح

بس قال شغل ضروري الله يهديه

شريفة بهدوء : ان شاء الله يروح ويرجع بالسلامه

فوزيه بتساؤل : اخبار ياسر زمان عنه ....سمعت جاي قبل يومين ؟؟

الجده بتحسف : الله يسامح الي كان السبب

ام مهند لتغيير الموضوع : متى رح تزوجون فهد

فوزيه  ابتسمت: قريب ان شاء

والله استنى اليوم الي اشوف مريم عندي وتكون

زوجه ولدي الغالي

ناظرتها شوق من فوق لتحت وحست انها

قاصديتها تكلمت من رؤوس خشومها : اول مره ارحم مريم

فوزيه فتحت عيونها : وش قصدك ؟؟

شوق حطت رجل على رجل : الي على راسه بطحه

يتحسس عليها

خلود وقفت بعصبية : حطي لسانك بحلقك

وثمني كلامك احسن ما اقصه لك

قولي انك غيرانه وميته غيره لانه فهد

ما خطبك ترانا عارفين

ناظرتها شوق من فوق لتحت وباستهزاء : لا يا شيخه خلي عنك

تراني بغيت انتحر علشان اخوك المنغولي ما خطبني

خلود بعصبية : قلت لك حطي لسانك بحلقك

احسن ما امسح فيك الارض

وقفت شوق والشر بعيونها : تعالي اشوف كيف تبغين تمسحين الارض فيني

تقدمت ام مهند والبنات يبعدونهم عن بعض

شوق بصوت مرتفع : اتركيها خليني اشوف كيف تبغى تمسح الارض

وبصوت اعلى علشان اخليها تندم على اليوم

الي جاءت فيه هنا

فوزية بحده : احترمي نفسك

الجده بغضب من شجارهم : خلاص انت وهي

ما في شيء اسمه احترام

شريفة بهدوء : صلوا على النبي يا جماعه

قاطعتها شوق هجوم : انت بالذات لا تتدخلين فاهمه

وخلك بنفسك احسن لك

تراها واصله هنا

واشرت على انفها

مسكتها الجده من يدها وبحنيه : هدي يا ابنتي

علامك معصبه

جلست جنب جدتها والغصه بحلقها

مخنوقه كل شيء بالدنيا يخنقها

مسكت الجده بيدها ومسحت عليها بحنان

وهمست بإذنها : لا تكدرين خاطرك

فوزيه بقهر : انا نفسي افهم شيء واحد

ليه تميزين عيال ناصر وابن محمد عن عيالنا

سمعتيها بإذنك وش قالت

فوق هذا تطبطبين عليها

ام مهند  بانزعاج : وش فيكم ما في داعي تعملون ذي المشكله

الجده بهدوء : كلكم عيالي وما افرق بين احد

فلا تجيبين كلام من عندك

شوق مو رايقه للمشاكل بس مستحيل

تفوت فرصه تقهر فيها فوزيه : يعني تبغين تجبرين جدتي تحب عيالك غصب

تراهم ما ينحبون ولا ينبلعون

وخاصه المنغولي هذا الي تتفاخرين فيه

شدتها الجده لجهتها وبهمس حازم: شوق انتهينا

ناظرت جدتها : لا ما انتهينا خليها تعرف

قاطعهم صوت من خارج الغرفه : صوتكم واصل

للمجلس

ما في احترام ؟؟

الكل سكت لما سمعوا ابو احمد يتكلم بنبره غاضبه من صوتهم المرتفع ...

ناظرت شوق خلود وحركت حواجبها بخفه

بدون ما احد ينتبه

خلود نسيت وجود عمها وبصوت عالي : وقسم بالله

اذا قمت لك الا اكسرك تكسير فاهمه

ناس زباله

وقفت شوق وبعصبيه : والله ما احد زباله

غيرك انت

خلود مدت يدها تضربها مسكت شوق

يدها : وقسم بالله لو تمدين يدك اني اكسرها

تراك تعديتي حدودك

خلود تحاول تفلت يدها : اقول لك اتركي يدي

فوزيه بحجمها الكبير دفعت شوق عن

خلود

للحظات فقدت توازنها وصرخت بصوت عالي

وخبط راسها بزاويه الجدار

بقوه وبعدها فقدت الوعي

اجتمعوا الحريم حولها

الجده رفعت راسها والدم يتدفق بقوه

وبصراخ : ذبحتوا البنت ارتحتوا الحين

حسبي الله عليكم

وبصوت حزين وهي تشوفها مغرقه بدمها : يمه

شوق قومي انا جدتك

ردي علي

ضربت على وجهها بخفه وبصرخه مو قادره

تستوعب : شوق قومي يمه قومي

ام مهند بخوف : يمه يمكن فقدت الوعي

وبصرخه ناظرت اميره : نادي واحد من اعمامك بسرعه

انطلقت اميره واول ما طلعت شافت ابوها

ابو احمد الي يسمع صراخهم مو فاهم شيء تكلمت اميره وهي ترجف : يبه شوق ما ادري وش فيها ما ترد

دخل ابو احمد بدون ما يسأل عن السبب

وشاف الحريم متجمعات حولها اقترب

وشافها والدم حولها جن جنونه

لو يشوفها ناصر وش رح يصير فيه وبصرخه : بعدوا عنها

وحملها بين يدينه بعد ما غطوها بالعبايه

وطلع بسرعه من البيت

الجده ناظرت فوزيه بقهر : ارتحتي الحين

ذبحتي البنت

حني يدينك الحين

وصارت عيونها تنهمر بالدموع

وش اقول لامها ابنتك الي سنين انتظرتيها

راحت

ابنتك الوحيده ما عاد تشوفينها

ابنتك الي كنت تنتظرين تكبر وتزفيها لزوجها

خلاص رح تزفيها للقبر

قاطعتها ام مهند وقلبها ما هو متحمل اي شيء سيء يصير : خلاص يمه البنت ما فيها

الا العافيه

ادعي تقوم بالسلامه

الجده تمسح دموعها : ناصر ناصر وش رح يقول لنا ؟؟؟!!

دوم يقول لي يمه ما اتخيل الحياه بدون

شوق

شقيه بس احبها يمه حبها تربع هنا واشر على قلبه

وش رح يقول لنا الحين

فوزيه بتبرير وخوف : والله ما كان قصدي

بغيت ابعدهم عن بعض

ام احمد تهدي الوضع : خلاص ان شاء الله

ما يصير الا خير

لا تكبروا الموضوع مجرد وقعه والحين ترجع مثل الحصان واحسن بعد

شريفه وهي تفرك يدينها بقلق خايفه

ان صار لها شيء وش يخلص

فوزيه من هالمشكله

طلعت برا تكلم فارس يشوف وش صار ويطمئنها

مريم جالسه تبكي منظر شوق مصور بين عيونها

غمضت عيونها ودموعها تنزل وتدعي بقلبها

تقوم بالسلامه

اما دانا ساكته تتابع بصمت بملامح جامده

اما اميره ومنال اقرب شيء لها جالسات على اعصابهم خايفات عليها

***

***

***

جالسه بالصالة وهي تشعر بالراحه : ربك ستر

جرح بسيط وخيطوه بس جدتك تحب تعمل

اكشن وتكبر الموضوع

فهد بلوم : يا يمه اتركي البنت بحالها

يعني لو سمح الله وصار لها شيء رح تصير مشاكل

واحمدي ربك انه امها وابوها مو موجودين

والا كانت صارت سالفه

فوزيه لوت بوزها بقهر من ناصر : قال عنده شغل ضروري..... وأخذ ست الحسن فاطمه معه!!

لا والي يسأل تقول انه امها مريضه هالكذوب!!

فهد تنهد : يمه وش تبغين فيهم ؟!!

فوزيه بقهر : ما انقهر الا على حظ اختي المايل

ليه ما سافرت هي مكان فاطمة

فهد ما يحب سوالف امه دامهم متفقين مع بعض

وما في مشاكل ليه الكلام الي ما له معنى : يا يمه

دام خالتي شريفه مو معترضه ولا قايله شيء

وشهوله تعترضين

طالعته والدموع بعيونها: لا تلومني ينحرق قلبي لما اشوفها تراها ذاقت بحياتها

واشوف الحزن بعيونها

تراها انغصرت بحياتها وتمرمرت وانغصبت على اشياء ما تبغاها

غمضت عيونها لثواني ونزلت دمعتها على خدها: الله يسامحك يبه ويرحمك ويجعل مثواك الجنه

فهد حتى يغير موضوع مر عليه السنين

وما يحب يسمعه: خلاص الي فات مات

وحنا عيال اليوم

وكل شيء اقدار

هزت راسها وقلبها محترق على اختها

***

***

***

***

***

***

مجتمعين على الفطور بهدوء

ناظرتهم بمحبه : لا تستحون تراكم في بيتكم

خالد هز راسه بحياء مو متعود وخاصه امه وابوه مو هنا حتى شوق مو جالسه معهم

الجده تنهدت : الله يهديها شوق رفضت تنزل تفطر

سامي باستغراب : طيب ما قالوا لنا انهم مسافرين ؟!!

الجده بحنيه : والله يا ولدي ما ادري اتصل وقال انه مسافر مع امك

وقفت : كملوا فطور اروح اشوف شوق

الظاهر انها زعلانه لانه ما احد خبرها عن السفر

توجهت لغرفة شوق

بعد ما طلعت الجده حط خالد اللقمه مكانها

ما له نفس بشيء بس اكل مجامله لجدته : مليت وضعنا هذا....شيء يقرف نكد بنكد مو مرتاح بالجلسه هنا ابغى ارجع البيت

سامي بنفس الضيق : المشكله ابوي قايل لها نقعد عندها لحتى يرجعوا من السفر

وممنوع نطلع من هنا او هنا

خالد لوى بوزه : قصدك دار جدي ابو عمر ممنوع

ندخلها حتى يرجعوا

والله حال

سامي بقهر : حتى على بيتنا ممنوع نروح

خالد اسند ظهره للكرسي : يمكن علشان شوق... تعرف لسانها الطويل

اكيد رح تتذابح مع خالتي شريفة وبناتها

يمكن اختصار للمشاكل

يعني كل شيء ممنوع والسبب شوق

ولا يا ليت معبره احد من البارحة ماده البوز وما ترد على احد

ما ادري على شو شايفه نفسها والله مريم احسن

منها

سامي اشر له : اسكت لا تسمعك وش يخلصك من لسانها الطويل

عفس خالد ملامحه واشر لسامي : تأخرنا على المدرسه

**

**

**

**

**

**

ابتسم بسعاده كل شيء ماشي مثل ما خطط

بس ينتظر رجوع ابوه

طلع من غرفته وهو يلعب بالسبحه وجلس بالصاله عند امه بالصاله ....اخوانه بالمدرسه

شريفه ابتسمت له بهدوء

رد لها نفس الابتسامه  وهو يتفقدها: اخبارك اليوم ؟؟

شريفه هزت رأسها : الحمد لله بخير

وانت ؟؟

فارس بفرحه : الحمد لله بخير

شريفه  بنفس الهدوء: اذا انك طالع خذني معك على بيت جدتك ...اروح اشوف شوق

قاطعها بقهر : ليه تزورينها جعلها بالحريقه

وحده مثلها ما تستحق تناظريها

شريفه بهدوء : بعدها صغيره ما ألومها

وبعدين امها عسله علشان امها مو موجوده

اروح اطمئن عليها

فارس زفر بضيق: يا كرهي لها

شريفه بضجر : ما ادري وش تبغى فيها

خلك بحالك وهي بحالها يكون افضل

هز راسه وهو مصمم ينفذ الي في باله

مجنون يتركها بحالها

**

**

**

**

طالع امه وضحك بخفه على كلامها : طردتيني من البيت والحين جايه تطرديني من هنا

فاطمه بعصبية : ايه اطردك ما ادري امي

كيف تستقبل واحد صايع مثلك سكير

تنرفز من كلامها : قلت لك والله ما اسكر

قاطعته : شفتك بعيوني لما رجعت للبيت وانت سكران

ياسر بقهر مو راضية تصدقه : والله بالغلط

صار الموضوع

ليه مو راضيه تصدقيني ؟؟

ام عمر بنرفزه : علامك على الولد من لما جيتي

وانت قاعده له

اتركيه على راحته تراك خنقتيه

يقول لك ما اسكر واخذ الكأسه بالغلط هي لصديقه

فاطمه مخنوقة ومعصبه من كل شيء : هذا انت قلتيها اذا صديقه كذا وش رح يطلع

باكر يرجع مدمن م خدرات

وقف بنرفزه ومحرق من القهر: انا وش دخلني بصديقي

الاهم انه انا ما اسكر

اخذت نفس وهي كاتمه عصبيتها : الصاحب ساحب

طول ما انت داير مع هالشله التعبانه متبري منك

وانت حر

الجده زفرت بضيق من فاطمه : يقال جايه تجلسي عندي علشان اني مريضه

تراك زدتي مرضي بكلامك

خلي الولد يعيش حياته وباكر بنفسه

يعرف الصح من الغلط

ابتسم على جنب ؛ عاشت جدتي

وقام باسها على راسها : الله يخليك يا رب

ناظرته فاطمة من فوق لتحت ولوت

بوزها

مو طايقه احد ومخنوقه ما تطيق كلمه

من حولها

تذكرت شوق بعدها ما كلمتها اكيد الحين متضايقه لانها جالسه عند جدتها

ناصر قال انهم سافروا حتى ما يلفتوا الانتباه

وعيالهم ما يحسون بالمشاكل الي بينهم

حطت يدها على راسها ذبحها الصداع

ناظرت ياسر بحسره نفسها تتفاخر فيه

وتقول ولدي دكتور او مهندس او استاذ او ضابط

او اي شيء

مو داير بالشوارع

ما تدري وش الحل معه

ياسر جلس جنبها : الحلو سرحان بشو ؟؟

طالعته ولفت وجهها عنه

وقفت ام عمر بزعل : وقسم بالله ما تستاهلين

هالقمر

ربي اعطاك إياه

والحين ترفسين هالنعمه

وقفت فاطمه والهموم فوق راسها : الي فيني مكفيني

دخل ابو نواف عليهم وسلم

وناظر فاطمه بزعل

ام عمر استغربت من نظراته : وش فيك انت الثاني ؟؟

ابو نواف بنبره زعل وهو يطالع فاطمه : ما في شيء

فاطمه تنرفزت من نظراته كل شيء يحطون اللوم عليها تحس نفسها مضغوطه نفسيا: ليه تناظرني كذا

تبغى اخذها وازوجها غصب عن ابوها

قلت لك مو راضي ورافض الفكره نهائيا

وش بيطلع بيدي قول ؟؟

ابو نواف بنبره شك : والله الكل يعرف بقيمتك عند ناصر وكلمتك مسموعه

والا الحين ما عاد يسمع منك ؟؟!!

قولي انك ما تبغين نواف وخلصنا

فاطمه بقهر : ليه مو راضي تصدق

ام عمر عقدت حواجبها : كيف ناصر يرفض

نواف ؟؟

وبعدين شوق ابنتي وانا الي ربيتها وما له دخل

ورح تتزوج نواف غصب عن نصور هذا

فاطمه جلست بتعب على الكنبه : يمه يرحم

والدينك فكيني من المشاكل ونواف ربنا يرزقه البنت

الي تستاهله

ابو نواف بحده : شفتي قلت لك انك ما تبغين

نواف وتحججت بناصر

ياسر كتف يدينه : ونواف وش ينقصه علشان يرفضه ابوي

والا فهد احسن ؟؟

ام عمر بتوعد : رح يتزوجها غصب عن الكل

فاطمه بقهر من كلام امها : يمه تراها شوق

مو ابنتكم تتحكمون بزواجها

لها اهل يوافقون ويرفضون لا تقهروني فوق القهر الي بداخلي

ياسر  بقوة: انا اخوها ورح تأخذ نواف غصب مثل ما قالت جدتي

تكلمت فاطمه وهي رح تنفجر بأي لحظه : ياسر لا تقعد مثل البغبغاء

تعيد كلام جدتك ... صدقني كلام ابوك لا انت ولا غيرك يكسره واتركوا البنت بحالها

ابو نواف زم شفايفه بقهر : وإلا نسبنا ما يشرف الاستاذ ناصر

ليه اخذك دامنا مو من مستواه

فاطمه ما لها خلق تجادل : ليه تفسرون الكلام على كيفكم

ما يبغى يطلعها من العائله وخلصنا

ام عمر بعتب : ليه تكلمين اخوك كذا ؟!!

تراك تغيرتي يا فاطمه !!

زفرت بضيق وهي تردد الله يطولك يا روح : الشاطر يقول تغيرتي يا فاطمه وانا وش عامل فيكم

عملتم سالفه من لا شيء البنت ابوها ما يبغى

يزوجها...هو غصب عندكم الزواج

ام عمر عصبت من كلامها وطريقتها : وقسم بالله

الا غصب عن لحيته هالناصر إلا شوق تأخذ نواف

ونشوف مين الي تمشي كلمته

وانت خليك محكومه له حتى على امك واخوانك

انقلبتي علينا

قاطعتها فاطمه وهي تبكي : بالله عليكم ترحموني

وتتركوني بحالي

ليتني اموت وارتاح من هالعيشه

وتركتهم وطلعت وهي تحس الدنيا مسوده بوجهها

مو طايقه احد وحاسه بالضيق يخنقها

تشاجرت مع ناصر على سالفه نواف

وعصب منها وزعل

يمكن زادت العيار بالكلام بس اخوانها طيبين

وين عينها منهم لما ترفض ابنهم

وما يحق له يرفض على كيفه المفروض شاور

شوق

هي الي رح تتزوج مو هو

عضت على شفتها بقهر مقهوره منه كلما

تتذكر موقفه لما تناقشوا بموضوع نواف

جرحها بكلامه قبل ما يسافر

هو شدد على الرفض لما عرف انه شوق

تكشف قدامهم

خلاص نفسها عافت البيت وناصر وكل شيء

مطعونه منه تتمنى تموت وترتاح

من هالدنيا كلها

مسحت دموعها وكلامه الاخير مو قادره تنساه

ما زال يرن بإذنها

**

**

**

**

**

**

ناصر

مر يومين حاولت خلال سفرتي أغير جو

لعلها ترجع المياه لمجاريها

انا معصب وهي معصبه واذا شدينا الاثنين

ينقطع حبل الموده

بيننا وهذا الي ما ابغاه

حسيت انه عيالي تعقدوا من وضعنا وخاصه

لما رفضت تروح لاهلي

وعصبت عليها لانه اهلي ما لهم دخل بالمشكله

بس هي متغيره كثير صارت تزعل كثير وتعصب

من بعد ما خطبت مريم

خطب نواف شوق وانا رفضت بس بدون

ما اظهر اسباب الرفض الاساسيه

صحيح تضايقت فاطمه بس كان الوضع عادي

مر وقت ورجعت فتحت الموضوع مره ثانيه

لغايه قبل ما اسافر تشاددنا بالكلام

وزعلت

وديت العيال عند امي وقررت اوديها عند اهلها

لوقت رجوعي

يمكن تتحسن نفسيتها وترجع مثل اول

وانا سافرت

وقلت لأمي اني سافرت انا وفاطمه ما ابغى

العيال يحسون بشيء

ابغى ترجع المياه لمجاريها

احس نفسيتي صارت احسن

والحين متوجه لبيت اهلها اجيبها معي

مع اني رنيت عليها وجوالها مقفل

رح اطول بالي واقول يا رب ارزقني صبر ايوب

وقفت عند باب البيت اخذت نفس ونزلت من السياره

والجو حار ... طرقت الباب وانتظرت

دقائق بعدها انفتح الباب

واستقبلتني اكره مخلوقه على قلبي حماتي

لا تقولون وش سبب الكره

من عند الله ما احبها ولا اطيقها

وفعايلها بالماضي زادت كرهي لها رديت

السلام بهدوء : السلام عليكم

حسيتها ردت بدون نفس : وعليكم السلام

وتكلمت معها من باب الاحترام : اخبارك خالتي ؟؟

وردت بنفس الطريقة : بخير

وبكلمه رخوه : تفضل تقهوى

رديت بهدوء : مشكوره

بس بغيت فاطمه اتصل فيها جوالها مغلق

ردت علي بهدوء واحس بعيونها كلام : الحين اشوفها

تنهدت بعد ما راحت

صحيح حنونه على عيالي وتدلعهم بس ما احبها

ولا احب عيالي يزورونها

تراها تلعب بعقل عشيره

احس بالحر وسندريلا ما طلعت

بعد لحظات طلعت للباب وحسيت نفسي انسدت لما شفتها : فاطمه ما تبغ

سكتت لما شافت فاطمه خلفها طالعه

ومعها اغراضها

لا اخفيكم تنهدت براحه لما شفتها

تراها حنونه وانسانه رائعه راقيه

بس ما ادري وش قالبها هالفتره

سلمت على امها وطلعت لي وردت السلام

بهمس وباين انه بدون نفس

تعمدت اني ما ارد عليها ورديت بنفسي

ماده البوز وكأني ذابح اهلها

ركبنا وحركت السياره والصمت يعم بالمكان

ناظرتها بطرف عيني صاده جهة الشباك

خليها اشوف متى ينزل الحطب من راسها

**

**

**

**

**

**

**

فاطمه

جالسه جنبه وللحين مقهوره ومتضايقه

ما ادري مو قادره انسى كلامه

وهو ولا عند باله

ما رح ارجع واعتذر لاني ما غلطت

كل مره انا ارجع لما اغلط بس هالمره انا ما غلطت

هو الي غلط وزادها بكلامه

حتى ما كلف نفسه يسأل عني ولا كأني موجوده

وقف السياره عند اهله

قصدي بيتنا

ترى البيت الي ساكنه فيه امه لنا

بس ناصر تركه ورحل لمنطقه ثانيه

نزل من السياره ولا قال انزلي ولا عبرني

كنت ما ابغى انزل بس اشتقت لعيالي

كم يوم وما قدرت افارقهم

وخاصة

خالد وسامي احسهم حساسين ويستحون

من الي حولهم

بعكس شوق وياسر يأخذون حقهم وزيادة

ابتسمت شبح ابتسامه لذكرى شوق

ونزلت من السياره

وتوجهت خلفه بهدوء

اول ما دخلت شفت خالد وسامي يسلمون على ناصر

والفرحه باينه بعيونهم بشوفتنا

صحيح قلبي مليان هموم ونكد بس ذول بدايه حياتهم

وش ذنبهم يتعقدون من حياتهم

تصنعت الابتسامه وسلمت عليهم

بحراره ذول قطعه من روحي

غلاتهم غير يمكن لاني انا الي ربيتهم

بعدها سلمت على خالتي بهدوءوناظرت باستغراب : وين شوق ؟؟؟

ردت خالتي بابتسامة : الحين جايه

استغربت ما اشتاقت لنا ولا كلفت نفسها تنزل تستقبلنا

شفتها وهي نازله من الدرج بهدوء

اقتربت وسلمت على ابوها بهدوء وسكون وجمود

وبعدها سلمت علي بنفس البرود والجمود

وانا احس عيونها فيها حكايه

يمكن زعلانه مني ما حكيت معها

سألتها عن احوالها طالعتني وابتسمت

شبح ابتسامه اقرب للاستهزاء

واعطتني نظره ما فهمت قصدها

وهزت راسها

ورجعت لاغراضها تحملهم

غمضت عيوني للحظات ادري انها زعلانه

وما تبغى تكلمني

بس اعرفها ما تعرف الزعل لحظات ورح ترجع

شوق الثرثاره

بعدها قال ناصر نرجع للبيت وطلعنا

والصمت يعم السياره

**

**

**

**

**

بعد العصر

مريم بفرحه : بابا الحين جاي

عبود : للي يسمعك صار له غايب سنوات

تراه ما سافر الا كم يوم !!!

مريم بنعومه : لو سافر ساعه اشتاق له

واحب اشوفه حتى لو ما اكلمه

بس شوفته تسعدني

عبود بسخريه : طلع لها لسان هالمثاليه !!

ناظره وليد وابتسم بدون نفس وما رد

دخل فارس وجلس معهم

وناظر وليد الي للي يده تحت خده وماد البوز شبرين

قاطعهم دخول ناصر رد السلام بصوت عالي

وقف فارس وهو يرحب ويهلي فيه

وسلم عليه بحراره بادره ناصر نفس السلام : اخباركم؟؟؟

فارس بابتسامة : الحمد لله كلنا بخير

وسلم على زوجته وعلى البنات وعلى عبود

بابتسامة

ولما وصل عند وليد كشر ومد يده بدون نفس

سلم وليد وحز بخاطره

حتى ما سأله عن حاله

جلس وحاس بالغصه بحلقه وش هالذنب الي اقترفه حتى يعمل فيه كذا

تعوذ من الشيطان بداخله وهو يحس بداخله

نار تشتعل

جلس ناصر وقلبه على وليد يدري انه قسى عليه

بس يبغى انه يعلمه درس

كيف يحترم اخوه الكبير وما يمد يده عليه

مهما كان السبب

في الف طريقه للتفاهم بس بدون الضرب

للحين متضايق وليد الي بالمدرسه يتمادى

ويمد يده على اخوه الكبير الي بينهم سنوات

مو قليله

المفروض يكون فيه حدود ما يتعداها وليد

كثير يتضارب مع عبود وخالد وسامي ولا مره

عاقبته بالشكل هذا

لانهم تقريبا نفس العمر

والمضاربه بهذا السن بينهم شيء رسمي

لكن غير المعقول انه يتمادى على اخوه الي يفوقه بسنوات

ناظرت شريفه وحسيتها انها متضايقة علشان وليد

ادري انها ام وتضايق لضيق ولدها

بس طنشت ابغاه يتعلم من اغلاطه

بس والله قطع قلبي وانا احسه مخنوق

والدموع بعيونه

وغصب عني جلست جنبه وضربت على كتفه

بخفه : اخبارك يا وليد ؟؟؟

حسيته تفاجئ واستغرب ابتسمت على شكله

مسحت على شعره: علامك تناظرني كذا ؟؟

هز راسه بالنفي

حسيت دموعه تنزل بأي لحظه همست بإذنه : قوم اشرب مويه وارجع اجلس معنا

هز راسه وقام بدون كلمه واحده

واحس بعيون الجالسين فرحه لاني تكلمت مع وليد

**

**

**

**

**

من لما رجعت لا اكلم ناصر ولا يكلمني

الهدوء يعم البيت

حتى شوق معتزله بالغرفه وزعلانه ما تكلمني

ما تدري انه مشاكلي مع ابوها

بسببها

واليوم امي متصله علشان نواف والله ما ادري وش اعمل

ناصر رافض نهائيا بس رح اكلمه مره ثانيه مع اني متأكدة من الاجابه

رفعت راسي وشفته داخل وراسم الكشره

على ملامحه

تدرون اول مره تصير بيننا مشكله وما نكلم بعض

مثل هذي المره

لانه ولا واحد مننا تنازل واعتذر

رد السلام بهدوء

وتوجه للغرفه بس وقفته لازم افتح الموضوع

مره ثانية : انتظر شوي

لف وناظرني وكأنه مو طايقني انقهرت منه

بس طنشت : بالنسبة لشوق ترى اهلي اليوم جايين يخطبونها رسمي

حسيته تنرفز وتكلم بحده : فاطمه قلت لك

هالموضوع منتهي ولا تفتحينه

والا شغل احراج جايين

قولي لهم ضيوف حياهم الله خطابين لا

تنرفزت منه : ما يحق لك ترفض

شاور البنت يمكن تبغى ولد خالها

ما يطلع لك تقرر عنها

طالعني باستخفاف ولف وجهه : انسي الموضوع

قهرني ورفع ضغطي : قول انه فارس مو موافق

وخلصنا

ناظرني وعقد حواجبه : وش دخله فارس بالموضوع ؟؟؟

ناظرته بقهر : لمتى فارس يتدخل بحياتنا

وش دخله فينا ؟؟؟

عصب وبصوت حازم : جيبي سيره فارس على لسانك مره ثانية

والله ما يحصل خير

وفارس ما له دخل انا الي رفضت

والاسباب قلتها لك

وتركني ودخل

اتصلت بأمي اخبرها عن رفض ناصر النهائي

**

**

**

**

**

ام عمر بعد ما قفلت من فاطمه ناظرت ياسر مستلقي على الكنبه

وهي تفكر بعدها كلمته بهدوء : ياسر

وش تقرب لك شوق ؟؟؟

ناظر جدتها وبعدها اسند نفسه وابتسم : جده

الظاهر انك فقدتي الذاكره

تكلمت بجديه : اقول لك وش تقرب لشوق ؟؟

ياسر هز كتوفه وهو يبتسم بعباطه : يقولون اختي

ام عمر وصلت لمربط الفرس وبخبث : انت مسؤول عنها ليه ما تزوجها انت لنواف

ناظرها بتفكير وبعدها تكلم : ابوي موجود

تبغين ألغي وجود ابوي

لا لا انسي الموضوع

ام عمر بخبث: اذا ابوك ما يعرف مصلحه شوق

تبقى ساكت وتناظر

لا هذي اختك لا تترك فارس يتحكم فيها

سحب سيجاره وولعها وسحب نفس بعد

ما اشعلها ونفث الدخان : ترى ابوي وليها

كيف ازوجها انا...ما رح يرضون حسب معلوماتي

ام عمر باقناع : اذا اعترضوا نقول لهم انه ابوها

ما يعرف مصلحتها

ومن هذا الكلام

حرك حواجبه بالرفض : انسي الموضوع

تنهدت بتفكير وبعدها ابتسمت بمكر

: خلاص لقيتها اسمع الخطه

عدل جلسته وهو يناظر جدته ويسمع كلامها

بدقه

**

**

**

**

**

**

**

جالس بالمكتب وهو يسمع لفارس

بعد ما كمل فارس ناظره : وش رايك بالموضوع ؟؟؟

ناصر تنهد بحيره : ما ادري

اسأل عن الشاب واشوف رأي شوق

واعطيك الجواب

فارس خاف اذا طال الموضوع ينكشف ويتفركش

كل شيء : خلاص اذا مو مرتاح انسى الموضوع

واذا تبغى تسأل عن الرجال اسأل

مع اني قلت لك رجال وموظف عندي

اذا مو واثق بي خلاص انسى الموضوع

ناصر ناظره : لا لا مو قصدي شيء

بس انت تعرف الزواج مو لعبه

وبما انك تعرفه وسألت عنه

خلاص اشوف شوق وارد لك خبر

فارس باعتراض : وليه تسألها انت تعرف مصلحتها

وما في داعي تسألها اذا انت موافق خلينا

نتوكل على الله

ناصر هز راسه بالرفض : ما رح ازوجها

الا بموافقتها

فارس انقهر : طيب انت رفضت نواف بدون ما تستشيرها

ناصر بهدوء : رفضت نواف لاسباب تعرفها

واسباب ما تعرفها

ولصالح شوق رفضت نواف

لانه مصلحة ابنتي فوق كل شيء

وخلاص انا اشوف شوق وارد لك

تنهد بقهر وهو خايف كل مخططاته

تفشل...نطق بتحذير : بس لا تقول لها انه عن طريقي

انت تعرفها يمكن ترفضه لانه بس عن طريقي

هز ناصر راسه : خلاص ان شاء الله

طلع فارس وظل ناصر يفكر بحيره

وما يدري موقف فاطمه اذا عرفت

يمكن تعصب علشان نواف

رح يكلم شوق عن الرجال للي من جهة فارس

مع انه حاليا ما يبغى يزوجها حتى تهدأ

الاوضاع

بس ما يبغى يقطع نصيبها

تنهد بتعب متضايق ومخنوق كيف انقلب

حالهم

وقف وهو مقرر يطلع من البيت شوي وبعد ايام

يكلم شوق

***

***

***

***

***

فاطمه

دخلت غرفتي وانا احس بالضيق مو طايقه احد

ما ادري وش قلب حالي كذا

تعوذت من الشيطان وتوجهت للرف تناولت

القرآن الكريم وأنا ناويه اقرأ سوره الدخان ويس والمعوذات

أكيد رح أشعر بالراحه ويروح الضيق الي مو راضي يفارقني

بعد ما كملت تنهدت براحه سبحان الله

سوره يس والدخان تريح النفسيه

وتشعرك بالراحه

رجعت القرآن مكانه وتوجهت اخذت العبايه

ولبستها وتغطيت وتوجهت عند شريفه

اغير جو...

يمكن تستغربون علاقتي معها

بس شريفه انسانه طيبه تجرعت المر في حياتها..

ارحمها كثير

طلعت من غرفتي وناظرت غرفة شوق

تنهدت بعجز من لما رجعت وهي معتكفه

بالغرفه وما تكلمنا

حاولت فيها بس معنده الله يهديها...عنيده

مع اني مستغربه شوق ما تعرف تزعل وما تعرف تسكت ...

كيف ماسكه نفسها للحين وما تكلمت بشيء ولا عاتبتني على كذبة سفرها!!

طلعت وانا ناويه بعد ما ارجع اكلمها مره ثانية

واعرف الي مزعلها للحين

**

**

**

**

**

**

طالع جدته وهي تشرح وتتكلم بخطتها بدقه...

وياسر حاط يده تحت خده ويناظر جدته بهدوء

بعد ما كملت من خطتها ...نطقت بابتسامة ماكره : وش رأيك ؟؟

زم شفته بضيق وهو يفكر  بعمق...يبغى يخطب شوق لأسباب كثيره...

أمه عارضت هذا الزواج ...مو مهتم لرفض أمه لأنها بالنهاية رح ترضى بالواقع دام ابوه  معه ...ناظر ياسر وبتساؤل : وياسر موافق على كلامك؟؟؟

ام عمر متحمسه لتنفيذ خطتها : ايه موافق وخلينا ننفذها بأسرع وقت!!

ياسر ناظر جدته ويحس بضيق بداخله

خطوه قويه رح يكسر فيها كلمه ابوه

صحيح طول حياته عودته جدته انه يكسر كلام

امه وابوه

بس هذي المره غيرحاس انها صعبة وثقيله

بحق ابوه..

كيف يطعن ابوه بظهره ويتغفله بذي الطريقه ...

يحس بحمل جبل على كاهله مو قادر يرفض

هالطلب لجدته

بس نفس الوقت ابوه صعب يكسر كلمته

ويتعدى الحدود ويعدم وجوده تنهد وتكلم بدون نفس : متى رح ننفذ هالكلام ؟!!

نواف ناظره ورفع حاجب وهو يحس انه ياسر ما له

خاطر بالموضوع كله : اذا مو عاجبك نسبنا يا ياسر

خلاص انسى الموضوع

وخلي فارس يمشيكم على كيفه

ياسر تنرفز : مو كذا السالفه

وبعدين فارس ما له دخل بالموضوع

ليه تكرهون بعض كذا ؟؟؟

ام عمر لوت بوزها : كم مره قلت لك هالفارس ابعد

عنه ولا تكلمه لا خير ولا شر

بس انت ما تسمع الكلام واي فرصه تلاقيك تتلصق فيه وبإخوانك

والا هالاشكال

قاطعها ياسر بضيق : يا جده وبعدين مع هالسالفه

ام عمر بحنق : ما احد يفش غلي فيهم الا شوق

مو مثلك انت وامك الهبله طول وقتها تتلصق بشوشو...ما ادري عقلها ضارب

والله شوق احسن وحده فيكم والله اشتقت لها

زمان عنها اكيد نويصر مانعها تيجي

لكن هين خلني انفذ خطتي وبعدها يصير خير

تأفف ياسر بضيق وبداخله تردد وخوف من

خطط جدته

لو يعرف عنها ابوه الله اعلم وش رح يصير

***

***

***

***

***

دخل وليد البيت وشاف فاطمه

جالسه بالصاله مع امه واخواته... اقترب بهدوء

والبسمه مرسومه على وجهه سلم على فاطمه وباس راسها : اخبارك يا خالتي ؟؟

ابتسمت فاطمه له : بخير الله يسلمك

اخبارك ؟؟

وليد وهو يجلس جنب مريم : بخير

وين شوق ؟؟؟

فاطمه بابتسامة: نايمه

هز وليد راسه وناظر مريم الي جالسه جنبه : سمعت حددوا العرس ؟؟؟

مريم حمروا خدودها وهزت راسها بالموافقه

فاطمه بابتسامة وهي تناظر مريم

بنت خجوله هاديه ما تنكر انها تتمنى شوق مثلها

بس عندها احساس رح ييجي يوم وتعقل شوق

تتذكر لما كانت اختها ام رائد صغيرة كانت مثل شوق ملسونه بس كبرت تغير كل شيء... نطقت  بابتسامة وعيونها على مريم: ان شاء الله على خير

وربنا يوفقك يا مريم تستاهلين كل خير

ابتسمت مريم وناظرت امها الي تتكلم : عقبال عند شوق ان شاء الله

وليد بضحكه : الله يعين الي رح يتزوجها هههههه

ناظرته فاطمه وما تكلمت تضايقت بداخلها

الكل عنده نفس النظره عن شوق

بس نفس الوقت تعرف وليد مو قصده شيء

يحب المزح

وما تلومه لانه عمره ما شاف ريق حلو من شوق

دوم لما ييجي عندهم تطرده شوق

حتى تذكر مره دخل عندهم وقدمت له عصير

ولما دخلت شوق وشافته...انجنت وقبل ما يشرب العصير سكبتها عليه

ومسكته من قمصيه تدفعه برا البيت

ما تنكر إنها بداخلها كثير تخجل من تصرفات شوق ...

ناظرت شريفه الي خزت وليد بعينها : وليد عيب

عليك هذي اختك

ضحك وليد : هههه وانا وش قلت؟!

دانا لوت بوزها. : على وش تضحك ؟؟

صدق انك

سكتت لما شافته نهض نفسه  حتى يضربها

ابتسمت دانا بعباطه : صدق انك مزيون

جلس مكانه بثقه : ايوه كوني كذا ....ناس ما تيجي الا بالعين الحمراء

شريفه خزته : لو يدري ابوك تستقوي على اختك

وليد بلامبالاه : عادي

ناظرته شريفة بنص عين : عادي ؟!

ضحكت فاطمه على وليد : تراك مثل شوق

لما يكون ناصر مو موجود لسانها مترين

وعادي مو خايفه

ولما تسمع صوته بالبيت تصيبها ام الركب من الخوف

وليد ضحك على كلامها: هذا مو خوف هذا احترام زايد

**

**

**

**

**

ام رائد مرت من الصاله وناظرتهم ولوت بوزها

وهي تشوفهم على الارض جالسين وعيونهم

وشوي تنقلع وهم مركزين على الشاشه

اقتربت منهم وتخصرت بعد ما سحبت سلك الكهرباء : يا سلام يقال جايين تدرسون مع بعض

خالد حك راسه وابتسم : نبغى نريح شوي من الدراسة

ام رائد خزته بعيونها : انتم فتحتم الكتاب علشان ترتاحوا

رائد يصفق بيدينه : ام الشباب

ممكن تتركينا نرفه عن انفسنا من ضغط الدراسه

سامي وهو يرتكي على خالد : يا ليت تكسبي فينا اجر

خالد ابتسم : ياليت كمان قبل ما تروحين تجيبين

عصير خلينا نبرد على انفسنا

طالعتهم وهي مفتحه عيونها عالاخير : صدق قليلين حياء لكن انا ادطراويكم

الحين إلا اتصل بفاطمه واقول لها إنكم ما فتحتم الكتاب

قاطعوها الثلاثة ومسكوا يدها برجاء : والله نمزح معك

رائد وهو يبوسها على راسها :وش فيك صايره حساسه وبسرعه تصدقين ؟!

دفته ام رائد عنها : انت حسابك عند ابوك

اذا ما خليته

قاطعوها الثلاثة وهم يعتذرون ويتأسفون ما يعيدونها

****

****

****

****

****

دخل مكتب ناصر بتردد خايف يشك فيه

وعلى لهفته للموضوع

بس ما عنده صبر ينتظر اكثر دخل ورد السلام بهدوء

ابتسم ناصر لما شافه ورد السلام بترحيب...

تردد فارس يسأل او لا؟!

بس مو قادر يصبر اكثر... لزوم يعرف وش صار... وبعد تردد تكلم : ءءء بغيت اسألك عن موضوع شوق وش صار عليه

ناصر ناظره باستغراب: علامك مستعجل

تراك البارحه كلمتني بالموضوع وبعدني ما كلمتها

فارس كتم قهره وش ينتظر للحين..وبترقيع : مو مستعجل بس الرجال يسألني

هز ناصر رأسه بتفهم : قول له على الاقل ينتظر اسبوع خلي البنت تفكر تراه زواج مو لعبه

هز راسه فارس وبداخله نار... يحس كلما تأخر الموضوع مو من صالحه

استأذن وطلع واتصل على فهد يلتقي معه

**

**

**

**

**

فاطمه تنرفزت من تجاهلها : انا اكلمك يا شوق!!

ما كلفت نفسها تناظر امها....مسلطه نظرها على الشباك

طلعت فاطمه وهي متنرفزه من تطنيشها

كلها يومين الي غابتهم عنها وزعلت.... هذا لو تركتهم وزعلت عند أهلها وش رح تكون رد فعلها!!

رددت بصوت هامس الله يهديها

ورسمت ابتسامه صغيره لما شافت ناصر دخل

استغرب لما شافها تبتسم له

وسرعان ما رد لها الابتسامه : السلام عليكم

ضحكت فاطمه بنعومه وردت السلام

ناصر  تنهد براحه انها رجعت لوضعها الطبيعي

ما يدري وش الي قلبها عليه...

بس اهم شيء إنها رجعت لوضعها الطبيعي

ونزل الحطب الي بينهم

جلست معه بالصالة ....بعد ما خاضوا بعض الاحاديث

ناظرها ناصر بجديه وبداخله تردد يخبرها بس استجمع الكلام وقرر يخبرها لأنه بالأول والأخير

هي أمها ومن حقها تعرف : امم شوفي في واحد كلمني...يبغى يخطب شوق لواحد يعرفه ويمدحه

كثير

فاطمه سكتت للحظات وتكلمت: غريب ؟؟؟

هز ناصر راسه : ايه غريب

فاطمه بتفكير ما عندها مانع اذا كان جيد...بس ينفس الوقت انقهرت ....وعضت على شفتها لما تذكرت انها قالت لأخوها إنه ناصر ما يبغى يزوجها برا العيله وكانت كذبه من عندها...

تعرف ناصر اذا كان الرجال كويس مستحيل يرفضه لانه مو من العيله..وما عنده مشكله يكون غريب او قريب...

اكيد اخوها رح يزعل اذا عرف انها تزوجت

من برا العيله ...تنهدت وهي تفكر إنه مصلحه شوق أهم من كل شيء... نطقت بهدوء: الي تشوفه اذا مناسب الله يكتب الي فيه خير

ناصر ارتاح بعد ما سمع كلامها خاف تزعل

وتعمل مشكله علشان نواف بس الحمد لله

ما عندها اعتراض : على بركه الله

متى نكلم شوق عنه ؟؟؟

فاطمه بحيره : والله ما ادري هالبنت رح تحط فيني

جلطه

اكلمها ولا تكلف نفسها تعبرني

يقال زعلانه

ناصر عقد حاجبه : زعلانه ؟؟؟

وليه تزعل ؟!!!

فاطمه ابتسمت : علشان سافرنا وتركناها هههههههههه

ناصر ابتسم : وفرضنا سافرنا لازم نأخذها حقيبه مجاز ؟؟؟

والله حاله !!!!

خلاص باكر اكلمها بالموضوع واشوف رد فعلها

فاطمه هزت راسها وغيرت الموضوع ودخلت بسالفه ثانيه

***

***

***

***

***

فارس بابتسامة بعد ما غمز لفهد : اول ما سمعت

انه خطبها على طول اتصلت بأبوي ناصر

وقلت له يرفض هذا الي ناقص

نزوج بنات العيله من هالأشكال

فهد ناظر قدامه وهو يشوف نواف قاعد

قريب منهم مع ربعه ومعطيهم ظهره

اشر بعيونه لفارس يسكت ما يبغى مشاكل

وتوصل للمضاربه

فارس طنش وهو يرجع ظهره للكرسي

وكتف يدينه..وهو يتكلم باستفزاز  : فقررت ازوجها عن طريقي حتى ما يخطبوها ناس ويزعجونا

اتوقع خلال هاليومين ملكتها

اتفقنا وكل شيء تمام

فهد فتح عيونه : صحيح ؟!

وعمي ناصر موافق ؟؟

فارس يخلي نبره صوته عالية شوي : تدري ابوي ناصر

اول ما خبرته وعرف انه عن طريقي العريس وافق مباشره....وما عارض بما انه عن طريقي

فهد يغير الموضوع ما يبغى مشاكل : كيف الشغل

؟؟

فارس ناظره : خايف من هذي الاشكال ؟؟؟

فهد بقهر من فارس بخفوت: يا رجال اسكت ما نبغى مشاكل!!

واعطاه نظره يختصر ما له خلق للمشاكل!!

زم شفته فارس على مضض ودخل بمواضيع ثانيه بعيده عن العائلة!!

بعد مرور وقت قصير ...عقد فارس حاجبه وهو يشوف ياسر دخل المكان وتوجه لطاوله نواف سلم

على ربعه والابتسامه شاقه الحلق

فهد اشر لفارس بعيونه : شوف ياسر دوم مع عيال اهل امه ولا كأننا عيال عمه

بالمناسبات يا دوب نشوفه

فارس ابتسم باستهزاء : ام عمر فوق راسه

كويس إنه يسلم علينا

فهد مو عاجبه وضع ياسر: ما ادري عمي ناصر ليه

ساكت على هذا الوضع والا لازم زمان سحبه عنده

مو تاركه كذا لا شغل ولا مشغله

فارس زم شفايفه نفس الشيء مو عاجبه الوضع : انا كلمته بموضوع ياسر وقال لي انه ساكت بمزاجه يبغى يشوف وش نهايتها مع هالعجوز

حرك فهد شفايفه يتكلم بس سكت وناظر

جهة نواف وصوت ضحكهم بالمكان

فارس وعيونه تحدق  بياسر وهو يتكلم مع نواف وشلته : أهل أمه ما أثروا عليه مثل هالحقوده شوق...

ذيك الي الحقد يطلع من عيونها لو تشوفها

كيف تتعامل مع اخواني

وقسم بالله نفسي اكسر رأسها

فهد وهو يناظر ياسر : هي تكره اي شيء له صله

بخالتي شريفه

شوف كيف تكره امي واخواتي وفرق بين تعاملها

مع بنات عمي وعمتي ام مهند

فارس لوى بوزه بقرف : قلعه تقلعها ما أثقل طينتها

فهد تنهد : اتركنا منها الله يصلح حالها

فارس هز راسه وهو يتوعد بداخله متى تتنفذ خطته

**

**

**

**

**

دخل البيت وهو يعلك ويدندن والسماعات بإذنه

ناظرته فاطمه وشعره كله واقف والسلسله برقبته : هاي مام

فاطمه لوت بوزها بقرف : خير وش عندك جاي ؟؟

ياسر ابتسم وهو يعلك : امممم اشتئتلك يا روحي

اخذت نفس فاطمه وطنشته وتركت الصاله

كمل طريقه باتجاه غرفة شوق

طق الباب وفتحه وهو يناظر انحاء الغرفه

وبعدها استقر نظره عليها جالسه

على السرير

ابتسم وهو يقترب منها : هاي

طنشته وما ردت عليه

جلس جنبها : متفقه مع امك علي ؟؟

ما ردت عليه

حرك شعرها المربوط بإهمال : اكيد في شيء

بالدنيا

شوق تسكت لمده دقيقة هههههه

شكلك محصله قرصه من الماما او مسحت

فيك الارض ههههههه

يلا اعترفي

ناظرته نظره ما فهم قصدها وهو مستغرب

وش صاير بالدنيا شوق تمسك لسانها!!

تنهد وناظرها بجديه : شوق شوفي

اذا امي زعلتك  وضايقتك ..اتركينا من هالسالفه لأنك  متعوده على فطوم واسلوبها ...وخلينا بموضوع أهم ؟؟

ناظرته يكمل كلامه بصمت ...

لما شافها استجابت له .. كمل كلامه قبل

ما تيجي امه وتخرب عليه الموضوع : تدرين انه

نواف خطبك من ابوي ؟؟؟

هزت راسها بالرفض والصدمه على وجهها

توقع ياسر انه ما عندها خبر : طبعا ابوي رفض

نواف ورجع تقدم لك اكثر من مره

وابوي رفض

وخالي تضايق كثير

اخذ نفس وكمل : جدتي حلفت يمين ما تتزوجين الا نواف لو بالغصب

علشان كذا قالت لي اني ازوجك نواف

فتحت عيونها وهي تناظره باستنكار وش يخربط هذا !!

تابع كلامه بجديه : اسمعي اتفقنا انا وجدتي انه ازوجك لنواف من باب المزح ويكون فيه شهود

وكذا تكوني زوجته ونروح على المحكمه ونثبت هالكلام

وكذا ابوي ما يقدر يعمل شيء

وش قل

قاطعته فاطمه وهي داخله والشرار يطلع من عيونها كانت واقفه وتسمع كلامه : انت انجنيت رسمي ؟؟

وش هالتخاريف هذي ؟؟

تبغى تذبح ابوك ؟!!

لمتى امي تمشيك على كيفها اصحى يا غبي

كافي كافي

وناظرت شوق : وانت ساكته له تبغين تموتين ابوك ؟؟؟

ياسر قاطعها : يمه هذا لمصلحتها

ما يطلع لابوي يرفض نواف بدون ما يستشيرها

اذا شوق موافقه الرأي لها

لو سمحتي يمه اتركيني معها خليني اتفاهم معها

فاطمه بعصبية : انا طالعه اكلم جدتك اكيد انجنت

خليني اتفاهم معها لانه لهنا وكافي ما رح اسمح

لكم تكسروا كلمه ناصر سامع

تركتهم وطلعت

ياسر تنهد وجلس جنبها : وش قلت يا شوق ؟؟

ناظرها وهي منزله راسها وكتوفها تهتز

رفع راسها وجهها مغرق بالدموع : ليه الدموع ؟؟

اذا ما تبغين نواف خلاص انسي السالفه كلها

هزها على الخفيف : تكلمي لا تحطين بقلبك وش الي يخليك تبكين ؟؟

ما ردت عليه وهي مستمره بالبكاء

قرب وهو يناظرها : وش فيك ؟؟

رفعت يدها بتردد واشرت بعجز على حلقها

ناظرها بصدمه وكأنه فهم بس يبغى يطرد الفكره

من راسه : وش فيك تكلمي

مسحت دموعها ومدت يدها وتناولت دفتر بجنبها

وكتبت بيد ترتجف وببطئ ناتج عن ضعف الكتابه عندها ودموعها تتساقط على الدفتر

«م قدر كلم » ما اقدر اتكلم

واشرت على فمها بعجز

متعود على كتاباتها ويفهم خطها بالرغم من الاخطاء

اخذ نفس يستوعب الكلام كيف ما تقدر تتكلم

؟؟

من متى ؟؟

وليه ما احد خبره ؟؟

ما احد يدري عنها؟؟ !!!

وبضيق : امي تدري انك ما تتكلمين ؟؟

هزت راسها بالرفض انها ما تدري

وبعصبيه ؛ وليه ما قلتي لي

ليه ساكته

طيب قومي على المستشفى

طيب كيف صار فيك كذا ؟؟

زم شفته بتفكير ...كيف فجأة ما عادت تقدر  تتكلم؟؟

اسئله كثيره برأسه مو لاقي لها جواب

وقف : طيب قومي الحين على المستشفى

اشوف السبب

هزت رأسها بالرفض واستلقت على السرير

ودموعها تسيل على خدودها

مسكها من يدها : وش فيك قومي

هزت رأسها بالرفض ودفنت نفسها تحت الغطاء

يعرف عنادها وما رح تروح.... ما احد يقدر عليها إلا أبوه

طلع وهو مقرر يكلم أبوه ويشوف حل لهذي المشكله

مو قادر يستوعب

اول مره يشوف شوق منهاره كذا

لو يبيع الدنيا مقابل يشوف بسمتها على طول ما رح يتردد

**

***

**

***

**

***

فاطمه بغرفتها وهي مفوله من العصبيه : يمه وش هالكلام ......ما يطلع لك ....مو من حقك ......ترى شوق مو ابنتكم تتحكمون فيها .......لا ناصر قال لا يعني لا ........يمه لا تعملين مشاكل ....

لمتى تتعمدين تخلين ياسر يكسر كلمة ابوه لمتى ......يمه الله يخليك انسي السالفه ......ونواف كيف يسمح لنفسه يتزوج من وحده اهلها ما يبونه .....كذا ما يبغى نواف .......هو حر في شوق

......اقسم بالله لو صارت هذي المهزله ما ادخل بيتكم ولا لساني يناطق لسان احد فيكم ......طيب مع السلامه

قفلت الجوال وبداخلها نار لو يدري ناصر

رح يقوم الدنيا

ما يقهرها الا الغبي ياسر ما فيه عقل

يبغى يجلط ابوه

ما فكر بالعواقب

جلست على السرير وهي ما تدري وش تتصرف

وقفت تروح تكلم شوق

وتعرف منها وش قالت لياسر

بس سرعان ما جلست مكانها لما شافت ناصر دخل

الغرفه

اخذت نفس تحاول تغير تعابير وجهها

حتى ما يحس بشيء ويقلب الدنيا

رح تحل المشكله بطريقتها

**

**

**

**

**

اليوم الثاني

دخل ناصر غرفتها بعد ما طرق الباب

ناظرها وهي جالسه على السرير : السلام عليكم

ناظرت ابوها باستغراب لوجوده بغرفتها

معقول ياسر خبره بشيء

وقفت بسرعة وهي تعدل بلوزتها

ابتسم ناصر على حركتها العفويه وما انتبه انها ما ردت السلام

جلس على السرير وسحب يدها وجلسها جنبه

وقلبها يرقع طبول خوف من ابوها

مسح على شعرها ناصر : اخبارك ؟

هزت راسها

توقع كالعاده تخاف تكلمه فما اعطى الموضوع

اهميه

ناظرها : اسمعي يا شوق تراك غاليه علي ومستحيل افرط فيك بذي السهوله

قبل كم يوم خطبك رجال اسمه حسين الكل يمدحه وانا حبيت

أخذ رأيك إذا موافقه أو لا

والرأي الأول والأخير لك انت... ما رح أجبرك على شيء ما تبغيه

وش رأيك ؟؟

حست كل احراج العالم فوق راسها

وجهها احمر ويسألها عن رأيها

والمشكله صوتها الي اختفى مو قادره تعبر او تحكي عن شيء

وبلحظة عجز وضعف هزت راسها بالموافقة

حتى يطلع ابوها من عندها

طالعها ناظر باستغراب ما توقع توافق بذي السهوله : طيب فكري بالموضوع واستخيري

وارجع لك بعدين

هزت راسها بالنفي ما تبغى ابوها يرجع مره

ثانيه

فهم من حركتها انها ما تبغى تفكر بالموضوع

واستغرب من موافقتها بهذي السرعه

وما تبغى فرصه للتفكير هز كتوفه : براحتك

دامك موافقه الرجال مستعجل ويبغى الملكه

بأسرع وقت

بعدين نعمل الحفله

يمكن باكر نملك بالبيت وبعدها نعمل الحفله

كانت منزله عيونها للارض وتفرك يدينها

وتشتم نفسها

وش عملت باكر ملكتها بسبب حركاتها الغبيه

خربت كل شيء

وبدأت الدموع تتجمع بعيونها

تبغى تصرخ بأعلى صوتها وتقول ما ابغى اتزوج

ابغى صوتي يرجع لي

تنهد ناصر وباسها على رأسها : الله يوفقك

يا شوق

وجهزي نفسك باكر وطلع من الغرفه

وسرعان ما رمت نفسها على السرير ودخلت بنوبه

بكاء

كيف صارت حياتها كذا ؟!!!

وين ياسر راح وتركها وما سأل عنها

كيف تتزوج بذي الطريقه !!

ورجعت دخلت بنوبة بكاء

**

**

**

***

فهد وهو جالس بغرفته وعند اخوه صالح

: عمي كيف يطلعها غريبه

فهد تنهد وهو نفسه يخبر عمه ناصر عن فارس بس

ما يبغى مشاكل تمنى انها ترفض بس تعقد الموضوع بعد الموافقه : ما ادري عنه

صالح بتفكير : المفروض عمي استشارنا بالموضوع

يمكن احد يبغى يخطبها وحنا اولى من الغريب

فهد بملل : تبغاها روح اخطبها هذا انت ما بقى عليك الا فصل وتتخرج

طالعه صالح وطلع من الغرفه وهو يفكر

**

**

في اليوم للثاني

رد عالجوال وهو منشغل بالتجهيز :الو ...... ايه ناصر ......اي مركز ......... ان شاء الله مع السلامه طالعه فارس : وش فيه ؟؟؟

ناصر ببرود : فيه غيره

حضرة ياسر متضارب مع واحد وهو الحين بالسجن موقوف

خله يعفن بالسجن مو رايح له

فارس تنهد : يا كثر مشاكله

ام عمر رح تيجي ؟؟؟

ناصر بقرف : ما اتوقع لانه ما في حريم

بس أخوالها رح ييجون

فارس وهو مبسوط كل خططه مشت مثل ما يبغى

**

**

**

**

وقت الملكه

فارس

يناظر نواف  وملامحه عاديه ما هو ظاهر عليه الانزعاج ...وجالس جنب ابوه بكل هدوء..

ابتسم فارس بنصر بعد ما نفذ الي برأسه!!

تجاهل نواف نظرات فارس وما رد  عليه ..يعرف كيف يرد له الصاع صاعين ....

بعد وصول اهل العريس والترحيب

تكلم رجال كبير بالسن من اهل العريس

وهو يطلب يد شوق قبل وصول المملك....

بعد ما كمل الرجال كلامه ...

نطق نواف بثقه وصوت عالي : نسبكم على الرأس

والعين يا عم ...بس البنت محيره لولد  عمها محمد!!!

وانت تعرف ولد العم اولى ببنت عمه!!

سكت الجميع واثار الصدمه على وجوه الموجودين من كلامه

**

**

**

**

**

بعد ما تمت الملكه طلع وهو يحس بالنصر

بس باقي الجزء الثاني من انتقامه

ركب سيارته وهو يتذكر مكالمة عمته فاطمة لما كان ناوي يتزوج شوق "طلبتك يا نواف قول تم

نواف بتردد بس مستحيل يرفض لعمته طلب : تم فاطمه برجاء : تترك خطط جدتك

قاطعها بقهر : بس يا عمه ما في حل غير كذا

انا ابغى شوق وابوها رافض

فاطمه اخذت نفسها : وليه تفرض نفسك على ناس ما يبغونك يا نواف ؟؟؟

كان يبغى يقاطعها بس ما خلت له مجال : اسمع يا نواف

اقسم بالله اني اعزك مثل عيالي

وانت ما شاء الله عليك كل بنت تتمناك والله حتى ناصر يمدحك

بس خلاص كل شيء قسمه ونصيب

انسى الموضوع ولا تفكر بهذي الخطه السخيفه

انك رح تتزوج شوق

بالعكس ما تدري عن المشاكل الي رح

تصير

ابوها واعمامها وحتى عيال عمها ما رح يسكتون

نواف قاطعها : رح يرضون بالامر الواقع

قاطعته وهي تبكي : وياسر ؟؟،

نواف عقد حواجبه : وش فيه ؟؟

فاطمه بقهر من بين دموعها : ما فكرت وش رح يصير

فيه بعد هالخطه ؟؟

تبغون تحطونه بالورطه هذي وتتركونه

تبغون اهله يتبرون منه لما يعرفون انه باع اخته

حرام عليك تراه بعده صغير

لا تدمرونه

يكفي لعبتم بعقله واخذتوه من اهله

نواف تنهد وهو يفكر كلامها صحيح كله رح يقع على

راس ياسر بس ما عجبه كلامها الاخير : حنا ما اخذناه من احد

فاطمه بقهر : لا تقهرني يا نواف فوق قهري

قاطعها : خلاص ولا يهمك خلاص ما ابغى شوق

وقبل ما يكمل قاطعته : الله يسعدك ويوفقك

مثل ما ريحتني "

تنهد وهو يطرد هالموقف من باله

وقف سيارته عند باب البيت نزل وهو ينتظر الفرصه الثانيه علشان يكمل انتقامه من فارس

**

**

**

**

**

دخل ناصر غرفته بعد ما تمت كل الاجراءات

وهو يفكر وش هدفه نواف من هذا كله

مجهز كل شيء

حتى اوراق الفحص مجهزها ومزورها

جلس على الكنبه وناظر من جهة الشباك

واخذه سرحانه للماضي

غمض عيونه والذكريات قدامه وكأنها الان

#

دخلت الصاله عند امي مع اخوي حمد وهو حامل بيدينه فهد

ابتسمت امي لنا وعيونها مليانه دموع

سلمنا عليها وجلسنا عندها

ما قدرت تمسك نفسها اكثر ونزلت دموعها غصب عنها

تنهدت وانا اعرف سبب هالبكاء : ليه يالغاليه الدموع ؟؟

ردت من بين دموعها : مو بيدي لما اشوف عيال اخوك واختك

وانت الوحيد ما عندك عيال ما اقدر اتحمل

نفسي اشوفك حامل بيدك ولدك ويناديك بابا

حمد وهو يمسح على راس فهد : يا يمه كل شيء بيد ربنا

ردت امي وهي تمسح دموعها : له متزوج اكثر من خمس سنين

وش فيها لو شاف نصيبه

قاطعتها بضيق ما انكر انه نفسي يكون عندي طفل او طفله من فاطمه سألتها : وفاطمه ؟؟

تنهدت وطالعتني : والله انها عزيزه علي واغليها مثل عيالي

بس لمتى تنتظرون ؟؟

وفاطمه جالسه بالبيت معززه ومكرمه

قاطعنا دخول زوجه محمد وماسكه بيدها

طفلها وهو يحاول يفلت يده منها

ردت السلام وجلست بهدوء وهي تلاعب بطفلها وجالس بحضنها

ناظرتني امي : فكر بالموضوع

زفرت بضيق وما رديت عليها

ناظرت امي زوجه محمد : اسمع صياحه بالليل وش فيه ؟؟

ردت وهي تلاعب فيه : يمكن ممغوص

دخلت فاطمه بهدوء وردت السلام وابتسمت

لما شافت ولد محمد الصغير

وسرعان ما اخذته وباسته وهي تلاعب فيه

تحب الصغار وتموت عليهم

ناظرتها وانا احس بالغصه بداخلي

ودي ابكي على حالها وانا اشوف لهفتها على الصغار

جلست جنبي وهي تلاعب بالطفل ومبسوطه

عليه

تكلمت بفرح : شوف كيف يضحك !

اخذته منها وبسته بقوه على خده

انزعج وبدأ يبكي

اخذته مني وناظرتني بلوم : وجعته حرام عليك

ورجعت تلاعبه

مرت الايام وامي تحاول تقنعني بالزواج

كنت اشوف الحزن بعيون فاطمه من ناحيه

زواجي

وطلبت مني اذا ابغى اتزوج تكون من ديره ثانيه

غريبه عن المنطقه كلها

كنت اعرف انها وافقت وبداخلها نار

بس ماطلت بالموضوع لعل وعسى

ربنا يرزقني لو بطفل واحد

اسكت فيه الجميع

لحد يوم

لما خبرني اخوي ابو فهد انه ابو رباح زوج خالتي

عامل اكل وعازم وجوه العشيره

وطلب منا نحضر

جهزت نفسي وطلعت من البيت وتوجهت لبيت خالتي

دخلت وسلمت على الموجودين

بعد العشاء تكلم ابو رباح

وهو يناظر الجميع

«جمعتكم اليوم علشان اعلن هالخبر

الي رح يسر الجميع

ترى ناصر خطب ابنتي على سنه الله ورسوله

وانا وافقت

وباكر رح نعمل الفحوصات ونملك

امتلئ المكان بالتبريكات »

كنت اناظر بصمت واحس وجهي قلب اسود

ما توقعت هذا التصرف

صحيح انه ابو رباح مخرف وما يدري وش يقول

لو كان بينهم كان طنش الموضوع

بس المشكله انه قدام وجوه العشيره

وش هالورطه

عضيت على شفتي وصوره فاطمه قدام عيوني

وش رد فعلها

وهي الي طلبت مني اذا تزوجت تكون غريبه

كيف الحين موقفها لما تعرف اني خطبت

بنت خالتي

حسيت الدنيا صارت سوداء بوجهي

وانحطيت بموقف لا احسد عليه

في اليوم الثاني حاولت الغي الموضوع بس ما قدرت

اضطريت نكمل اجراءات الملكه بالمحكمه

وصارت بنت خالتي زوجتي

ما ادري وش رد فعلها

الي يهمني فاطمه

ما ادري وش رد فعلها لاني من البارحه ما رجعت البيت

ما لي وجه احط عيني بعينها

لو كان عندي خبر بالموضوع مسبقا كان تصرفت

بس وقعت بالفخ بسهوله

رجعنا عالبيت

وزوجتي الجديده معي لكن وقفت اول ما دخلنا

واجهتنا عاصفه من الشتائم ما خلت ولا كلمه ولا شتيمه الا قالتها

كتمت غيضي حتى ما ارد عليها

لكن تمادت ومسكتني من ثوبي بقرف : يا قليل الحياء

هذي اخرتها تتزوج على ابنتي

والله ما تبقى على ذمتك

وبصراخ : طلقها الحين خلاص الي بينك وبين فاطمه انتهى

والحين تتطلقها

رديت عليها ببرود : ومين الي انهى علاقتنا ؟؟

ردت ام عمر والشرار يطلع من عيونها : أنا انهيتها

الحين فاطمه تيجي معي والي بينكم انتهى

فاهم

رديت بحده : لا مو فاهم

وفاطمه شبر واحد مو طالعه من البيت

ردت وهي تردح : بأحلامك

وبصوت عالي : يلا يا فاطمه ما لك قعده هنا

خلي هالزفته تنفعه

طالعت بعيوني جهة فاطمه كانت تناظر امها

بدون رد فعل

بس حسيت كل حزن العالم بعيونها

تدخلت امي : يا مستوره اتركي فاطمه بحالها

لا تخربين بيتها

ام عمر بحقد : انا الي رح اخربه وما اكون

ام عمر اذا ما خربته

وناظرت فاطمه بصراخ : قدامي اشوف

اخوك على الطريق الحين على وصول

قبل ما يصدر من فاطمه اي فعل

التفتت خارج البيت وانا اسمع الصراخ

والتهديد

طلعت اشوف وش فيه

تفاجأت لما شفت عمر يتهدد ويتوعد فينا

طلعت ام عمر عليه : شفت الي ما يستحون هذي اخرتها

عمر بصراخ : خلها تطلع ما لها جلسه هنا

وناظرني بتهديد : باكر توصل ورقتها والا والله

ادفنك بمكانك

وانا اكتم عصبيتي جاي ويتهدد علينا في بيتنا : احترم نفسك احسن

قاطعني بعصبية : اعلى ما بخيلك اركب

خلي اختي تطلع ويا دار ما دخلك شر

رديت بقهر : زوجتي وما اسمح لك

سكتت لما هجم علي عمر : عمرك ما سمحت رح

اخذها غصب عنك

بعدته عني بنفس الوقت الي وصل فيه

ابو عمر وقف بيننا وناظر عمر بعصبية : ولا كلمه

فضحتنا قدام العرب ما في حشيمه؟؟!!

ام عمر بقهر : ما لهم حشيمه عندنا

ابو عمر ناظرها بعصبية : ولا كلمه انت

حسابك بالبيت نتفاهم بعدين

وناظرني : السموحه منك

اعتذر لك بالنيابه عنهم وزوجتك عندك

ما حد له كلمه عليها غيرك

وربنا يوفقكم ويرزقكم

والحين نستأذن

ناظرته باعجاب واقتربت وقبلت راسه : ربي يحفظك

ما قصرت

ناظرني عمر نظره توعد : رح تندم والايام بيننا

اذا ما خليتك تذوق نفس الكاس

قاطعه ابو عمر بحده : انتهينا

بعد ما طلعوا تنهدت براحه لو ألف العالم ما ألقى مثل ابو فاطمه انسان راقي لابعد الحدود

رجعت ادراجي للداخل ودخلت للبيت وعرفت من امي

انها فاطمه اتصلت بأبوها

تنهدت براحه وحمدت ربي انها امها ما لعبت بعقلها

طالعت امي الي تكلمني واحس كل هموم الدنيا فوق راسي : روح يمه عند زوجتك شريفة

وبتردد

تراها عروس

زفرت بضيق :مو صغير تراني تعلميني وش اعمل

وتركتها وطلعت لفوق

وتوجهت لجناح فاطمه لازم اطيب خاطرها

واشرح لها موقفي

دخلت بهدوء وحسيت بحركتها بالمطبخ كالعاده

توجهت بخطوات متردده ما ادري وش اقول

بس تابعت خطواتي ودخلت المطبخ

وناظرتها وهي تعمل قهوه رددت اسمها بهمس : فاطمه

ما ردت رجعت ناديت اسمها بنبره مليئه بالضيق : فاطمه انا

قاطعتني بجفاء بدون ما تناظرني : اتركني بحالي

ما ابغى اتكلم بكلام ونندم عليه بعدين

ناظرتها وقررت اتركها حتى ترتاح نفسيتها

وتركت المكان وطلعت

بعد مرور الايام تأقلمت فاطمه مع الوضع

وخاصه انها تعرف اني انا وشريفه ما لنا

يد بالموضوع

بس احس انها مجروحه من الداخل

حتى لو تتظاهر انه الوضع عادي

وخاصه لما اكون مع شريفه

بس مهما كان حب فاطمه بقلبي مستحيل

افرق بينهم

احاول قد ما اقدر اعدل بينهم

واحس  دوم يتردد بداخلي حديث الرسول عليه الصلاة والسلام:"

( مَنْ كَانَتْ لَهُ امْرَأَتَانِ فَمَالَ إِلَى إِحْدَاهُمَا جَاءَ يَوْمَ الْقِيَامَةِ وَشِقُّهُ مَائِلٌ ) صححه الألباني في "صحيح الجامع"

صحيح احب فاطمه اكثر بس أحاول قد ما أقدر أعدل بينهم

مر سنه على زواجي من شريفه وفاطمه ما حملت خلال هالفتره حملت شريفه مرتين ونزلت

من الاشهر الأولى

دخلت البيت وانا ماسك بيد فارس

ويسولف فوق راسي

جلست عند امي وحطيت فارس بجنبي

ومسحت على راسه كنت اتكلم مع امي

قاطعني فارس : بابا ما ابغى حلاوه

ثني يودعني «بابا ما ابغى حلاوه سني يوجعني »

ناصر باسه على راسه : ان شاء الله

وناظر امه وابتسم : جنني بالبقاله ابغى حلاوه

والحين بعد ما اكلها عمل نفسه فهمان

امي بابتسامة : لا هو شاطر ما رح يشتري صح يا فارس

فارس هز راسه : فهد مو ثاطر بيثتري حلاوه «فهد مو شاطر بيشتري حلاوه» بث انا صح بابا

ناصر قرص خده بخفه : ايه صح

دخلت شريفه الصاله وردت السلام

ركض عليها فارس بفرح وحضنها : ماما بابا اثترى لي حلاوه

مسحت على شعره بحنان : مو قلت لك ما تشتري حلاوه

وبالليل تجنني اسناني اسناني

فارس ضحك بطفوله : احبها

وتركهم وطلع يلعب بالحديقه

لو اصف لكم حبي لفارس ما تصدقون

قلبي تعلق فيه وخاصة لما يناديني بابا

احس كل الدنيا تضحك لي

وين ما اروح لازم اخذه وهو متعلق فيني كثير

وما انسى حديث الرسول عن اليتيم

فارس اعتبرته مثل عيالي

حاولت قد ما اقدر اعوضه عن فقدانه اخوي محمد

الله يرحمه رحل وترك هالطفل اجمل ذكرى

نتذكره فيها

والحمد لله مرتاح اني قدرت اوفر له كل احتياجته وما يحس بالنقص من اول ما وعي على هالدنيا وهو يناديني يبه

وحتى

شريفه مرتاح معها انسانه هاديه وما عندها

مشاكل

**

**

*

فارس

يحس كل قرود الدنيا تنطنط فوق راسه

شد على قبضة يده على الموقف السخيف الي انحط فيه...

دخل غرفتها وشافها فاتحه الخزانه ومنهمكه بالبحث ومعطيته ظهرها

تقدم منها خطوات وهو نفسه يدفنها بمكانها

صفق بيدينه حتى تحس بوجوده : ما شاء الله

حبكتيها مع ولد خالك ؟!

كانت مندمجه تبحث بالخزانه

بس تجمدت لما سمعت صوته

ومثل المقروصه قفزت تدور على الشيله

مسكها من يدها : ما له داعي هالتمثيليه كلها

وباستهزاء

دامك تبغين اخطبك كان قلتي لي من البدايه

وما في داعي لهذي السخافه الي عملتيها

ناظرته باستغراب وهو ماسكها من ساعدها

مو فاهمه شيء من كلامه

وبسرعه تبدلت ملامحها للعصبيه وهي تشوفه

ماسكها وهي مو متغطيه

لو يشوفها ابوها كان صارت علوم

انقهرت وهي تحس بالعجز مو قادره تمسح فيه الارض وتعرفه قدره

حاولت تفلت يدها منه

ابتسم بسخريه : وين صوتك يا عروس

دوم يلعلع كل هذا حياء

وناظرها وهو يفكر بسخريه : غريب حسب معلوماتي الحياء بوادي وانت بوادي

كانت تناظره بنظرات كره قاتله

طنش نظراتها ورمى يدها بقرف لما سمع

صوت قريب من الباب

دخلت عليهم فاطمه وهي تحس بالضيق

هذا اخر شيء كانت تتمناه انه فارس يتزوج شوق

تتمنى نواف قدامها وتطلع كل حرتها فيه

على هذي الحركه

يبغى ينتقم من فارس طيب شوق ما فكر فيها

اخذت نفس وحاولت تصطنع الابتسامه : مبروك فارس

ناظرت شوق بأمها بعدم تصديق كاشفه قدام

فارس

وتبارك له !!

وما قالت شيء على دخلته عليها وهي مو متغطيه

اسئله كثيره تدور في راسها مو قادره تسأل عنها

بس وصلتها الفكره لما قالت فاطمه : مبروك عليك فارس يا شوق

جلست على السرير بانهيار تحس نفسها بحلم

مستحيل

فارس زوجها؟!!

كيف صار كذا ؟؟!!

كيف ما شافت الاسم ؟!!

غمضت عيونها وهي تتذكر لما جاب ابوها

لها الدفتر توقع

ما حست السعاده بعيونه وكان مغطي بيدينه

مكان الاسم وكأنها حركه عفويه

غبيه غبيه وطول عمرها غبيه

كيف تعيش مع اكره انسان ما تطيقه

لازم تروح تقول لأبوها ما تبغاه

مستحيل يتم الزواج

حطت راسها بين يدينها بعجز

كيف تعبر عن رفضها

ما تبغى تشوف احد مو قادره تستوعب شيء

وقفت بدون ما تناظر احد وتوجهت للحمام

وضربت الباب خلفها بقوه وقفلته عليها

وهي تفكر بحل لمشكلتها

ناظر فارس فاطمه ورفع حاجب مو عاجبه تصرفها

فاطمه بهدوء ترقع : انت تعرف انها ما تدري عن شيء

ويمكن تفاجأت بالموضوع

وبتردد انت تعرف انها ما تبغ

وسكتت

فارس هز راسه وهو يتوعد يربيها من اول وجديد

وخاصه انها الفرصه وصلت لعنده وما احد له عنده رد بهدوء : باكر بتتعود

واستأذن وطلع

زفرت فاطمه بضيق وطلعت من الغرفه

باتجاه غرفتها

**

**

**

**

**

**

ناصر

مو مرتاح بعد ما احرجهم نواف قدام الرجال... توجه لغرفة فارس وطق الباب ودخل

شافه مشبك يدينه فوق راسه وكأنه كل هموم العالم فوق رأسه ...

ضاق صدره وهو يشوف فارس بهذا الحال

رفع فارس راسه لما شاف ناصر

واجبر نفسه على الابتسامه : هلا يبه

ناصر جلس عنده وما يدري كيف يبدأ بالكلام

جمع افكاره وتكلم بهدوء : ادري انه نواف حطك

بموقف ما تبغاه

مع اني ما ادري وش هدفه من الموضوع ذا كله

لكن الي يهمني انت

ما ابغى تنجبر على شيء ما تبغاه يا ولدي

انا اقول بعد فتره تطلقها وكل يمشي في طريقه

وانا متأكد شوق ما رح تعارضني

لأنك مثل اخوها

ناظره فارس وبنفسه كثر منها قول عدوها تنهد وبداخله مستحيل يفشل الرجال الي رباه

واعتبره مثل عياله واغلى : اذا نسبي مو عاجبك

خلاص اطلقها

وغيره ما عندي كلام ثاني

خلاص شوق صارت بذمتي وما له داعي لهذا الكلام

ناصر عارف انه يكابر وما يبغى شوق لو كان يبغاها

كان خطبها من زمان مو يجيب رجال غريب يتزوجها : براحتك

فارس قام وباس على راسه : كل شيء نصيب

الله يجيب الي فيه الخير

ناصر مو مرتاح حتى لو فارس رضي بالامر الواقع

بس شوق

يمكن ما ترضى بالواقع وما يبغى يغصبها

على شيء

لام نفسه المفروض ما سكت بعد كلام نواف

ما يدري وش اصابه وقتها تفاجئ بالموضوع

وما حس الا لما قالوا له خلي البنت توقع

وكل الرجاجيل مجتمعه

ما قدر يقول شيء وانجبر بغير ارادته يزوج شوق

يحس بشيء كاتم على صدره كل شيء ولا تنغصب

وحده من بناته على شيء ما تبغاه

**

**

**

**

وليد جالس بالصاله ومبسوط :سبحان الله

مين قال انه رح ييجي يوم وشوق تتزوج فارس

عبود ابتسم : وانا مثلك احس اني بحلم

مريم للحين مو مستوعبه كيف فارس وشوق

وهزت راسه بالنفي الفكره مو داخله عقلها

كيف بأرض الواقع رددت بهمس : النصيب

وليد ضحك : هههههههه تخيل

اخوي تزوج اختي

حلوه هذي والله ههههههه

عبود : بالمدرسة اذا سألوني العيال اخوك مين تزوج ؟

اقول لهم اختي ههههههههههه

ناظرتهم دانا ولوت بوزها : الحمد والشكر لله

على وش تضحكون

بدل ما تقولون الله يعين فارس على هذي المصيبه

قاطعها وليد : انت وش دخلك

بكيفنا نضحك قال مصيبه

نفسي انزل واشوف رد فعل شوق ههههههه

بس اخاف ترميني من الشباك ههههههه

مريم : طيب خالد وسامي وش رد فعلهم ؟؟

عبود : مبسوطين عادي

دانا: وياسر ؟؟

وليد عقد حواجبه ؛ ما شفته

وبنبره تعجب

غريبه ما حضر ؟!!

قاطعهم خروج فارس من غرفته بملامح بارده : كيف يحضر وهو بالسجن

وتركهم وطلع

فتح وليد عيونه عالاخير : بالسجن !!!

دانا وهي تسأل وليد : وليه بالسجن ؟؟؟

ناظرها : يا سخفك وانا وش عرفني

دوبني سمعت مثلك !!!

تنهدت مريم : الله يهديه

**

**

**

**

***

**

من اول ما جلسوا وهم ساكتين ما احد تكلم

ناظره فهد : لمتى وانت ساكت؟؟

زفر فارس بضيق : وش اقول ؟؟؟

الي فيني مكفيني

فهد تنهد : قلت لك لا تتدخل بلاه ينقلب الموضوع عليك ما رديت علي

عض على شفته بقهر : ما ادري من وين طلع لي

هالنواف الزفت

فهد بصراحه يتكلم : تراك انت طول الوقت تنرفزه وتضرب فيه بالكلام وهو ساكت

لحتى ما افحمك وعرف كيف يسكتك

وما تقدر تفتح فمك بكلمه وحده يوم الملكه

فارس بقهر : انا جاي اريح نفسيتي وانت قاعد

تزيدها علي

خلاص اسكت مو ناقص محاضرات

عسى ان تكرهوا شيئا وهو خير لكم

والله لاربيها من اول وجديد وكل الديون القديمه

رح اطلعها من عيونها

فهد رحم شوق وتمنى لو خطبها بدل مريم كان الحين ما في مشاكل زفر بضيق : ما يقهرني الا نواف وش دخله حتى يتكلم ؟!

مين سمح له يتكلم ؟؟

اتوقع المشاكل تزيد لاني ما اتوقع شوق

تسكت

فارس ابتسم بخبث : وانا لها لاخليها

قاطعه فهد بضيق : اسكت اسكت

ترى الحياه مو كذا

اذا ما تبغاها طلقها وخلصنا

تفكر الزواج لعبه

فارس نفض الفكره من راسه : ما اقدر اطلقها

وين عيني من ابوي ناصر ؟؟؟

عض على شفته وكل افكاره مشتته

فهد ابتسم على جنب : مهند يقول طول الوقت يذمها قدامنا

وبالاخير طلع العاشق الولهان

كل هذا خوف نخطبها قبله

فتح عيونه باستنكار: هو قال كذا ؟؟؟

فهد ابتسم : نواف قايل له انك تحبها

وكنت خايف ينقدوك اذا خطبتها

قاطعه فارس وضرب الطاوله بقوه

اهتزت الاكواب واصدرت صوت خفيف : خطبها قرد

وحبها قرد

يا اخي هذي تنحب ؟؟؟

دواه عندي نواف الزفت ما اكتفى بموقفه الحقير

لا وبعد ينشر اشاعات

وعض على شفته بقهر : اخخخخخخ يالقهر

وبجديه : ومهند صدق الكلام ؟؟؟

ضحك فهد على تعابير فارس : هههههه

علامك عصبت كذا

فارس بعد ما شرب مويه : مجرد الكلام اني احبها

ينرفزني كيف لو كان حقيقه

ما استبعد انتحر

ما بقى الا هالشيفه احبها

ردد فهد بهمس ما سمعه فارس : والله انت الشيفه

طالعه فارس وعقد حواجبه : وش قلت ،؟؟

ابتسم فهد بدون نفس : سلامتك يا غالي

طالعه فارس بقهر وما تكلم

**

**

**

**

**

**

متنكده من اول ما سمعت بالخبر

ما تبغى شوق لولدها

تبغى ولدها يتزوج ويستقر مو حياته نكد بنكد

كيف تسعده شوق وهي تكره فارس

الاثنين ما يطيقون بعض كيف يتزوجون

وخايفه تكلم ناصر ويفكر انها ما تبغى شوق

تنهدت هذا ابنها ومصلحته تهمها

كيف تشوف حياته تتدمر وتبقى ساكته

بس الي مضايقها سكوت فارس وتقبله للموضوع

متأكده ناوي على نيه شينه اذا كان من قبل

يفقد اعصابه ويبغى يضربها وهي مو من محارمه

كيف الحين وصارت زوجته

مو مرتاحه لهذا الزواج كله وخايفه من نتائجه

الي باين من بدايتها الفشل

**

**

**

**

**

**

ام عمر رايحه جايه وتفرك يدينها بقهر

وتتكلم بعصبية : ما بقى الا ابن شوشو يتزوج

شوق

هزلت

والله ما اسكت لهم !

كيف تتزوج شوق من هالزفته

وفاطمة الغبيه ساكته لهم

انا لازم انهي هذي المهزله ....

اذا ما خليت شوق تطلع القرون برأسك

يا فارس المصدي

والا ياسر الزفته سحب على خطتي وما رجع ولا شفته من يومها

وين راح

اخخخخخخخخ يالقهر احس بنار بداخلي

كيف اسكت

وكلمة ناصر هي الي تمشي

عضت على اصابعها بقوه من شده القهر

وهي تفكر كيف تلغي هالزواج

**

**

***

***

ما صدقت وهو يفتح الخط وبعصبيه : نواف

رد بهدوء : نعم

فاطمه من بين اسنانها : نعامه ترفسك قول امين

ضحك بخفه : الله يسامحك يا عمه

فاطمه بقهر : وش هالعمله الي عملتها ؟؟

ما توقعتها منك يا نواف

وبتحسف

وانا اقول طول عمري نواف العاقل الفهمان بس للاسف

طلع تفكيرك مثل تفكير البزران

نواف بدفاع : وش فيك يا عمه ؟؟

فاطمة : لا تعمل نفسك ما عندك خبر

كذا ترمي شوق هالرميه ؟!!

نواف بنغزه : رميه ؟؟

مو رفضتوني علشان فارس رفض زواجي من شوق ...

بما انه فارس شيء كثير عندكم زوجت شوق له

لازم تشكروني

فاطمة اخذت نفس : انت شارب شيء ؟؟

توقعت شوق عزيزه عليك وما ترضى لها هذا

الشيء

وانت تعرف انه فارس ما يطيقها

من عقلك كيف رح تكون حياتها معه ؟؟

سكت وهو يحس بالندم من اول وزاد عليه كلام

فاطمه وبتبرير : يا عمه شوق قدها

رح تطلع المر بحلقه

قاطعته فاطمه : ليه حاطها بحلبه مصارعه

خلاص قفل قفل

الحكي معك ضايع

وقفلت الخط بوجه نواف

اخذت نفس وهي تحس بالقهر

باع شوق علشان ينتقم من فارس

وش دخلها شوق ؟؟

استغفرت بداخلها

واتصلت مع اختها ام رائد تفضفض لها

*

*

*

في اليوم الثاني

طلع ناصر من غرفته يبغى يجلس مع شوق

ويشوف رد فعلها

ويحاول يقنعها اذا كانت رافضه

ورح يحسسها انه معها

ضحك بداخله بسخريه الناس يصير عندهم

زواج ويفرحون الا هو مو فرحان

وقف باب غرفتها وطق الباب ودخل وناظر الغرفه

ما في احد

سمع صوت بالحمام قرر يرجع لها

مره ثانية ويجلس معها

طلع من البيت وتوجه للشركه يكمل بعض الاشغال عليه

قبل ما يحرك شغل على قرآن وحرك وهو متوجه

لشغله وطول الطريق عقله منشغل

بموضوع فارس وشوق

دخل مكتبه وجلس على كرسيه الاسود

مسك الملفات وبدأ على طول يشغل نفسه فيهم

بعد مرور وقت حس بطرقات على باب المكتب

وبعدها دخل

بدون ما يرفع ناصر عيونه تكلم : عبد القادر جيب

قاطعه وهو يرد السلام

لما سمع صوته رفع عيونه وما رد عليه

تنهد وجلس على الكنب باللون الاسود بهدوء : السلام سنه ورده واجب

زم شفايفه مو عاجبه : ما شاء الله

يقولون ما لا يفعلون

ياسر بهدوء : ابغى اكلمك بموضوع مهم

ناصر وهو منشغل بالملفات تكلم بنبره سخريه : موضوع مهم ؟؟

حلو

وش هالموضوع ؟!

وكمل قبل ما يتكلم ياسر : فلان ضربني وابغى اشتكي على فلان

وفلان بالمستشفى تعال ادفع الحساب

وفلان سجني وتعال تكفلني

هذي هي مواضيعك المهمه فيه غيرها ؟؟

وبحده كمل : لا

هز يده بانفعال : تراك يا ياسر اقرفتني

والله اني استحي اقول للناس هذا ولدي

وجاي الحين تقول موضوع مهم !!

ياسر تضايق من كلام ابوه وبضيق : يبه ابغى اكلمك بموضوع

قاطعه ناصر : لما تصير رجال

وما تحركك الحريم يمين وشمال

وقتها تلاقي مكتبي مفتوح لك وغيره لا

يالله تقدر تتسهل عندي شغل مو فاضي اضيعه

زفر ياسر بضيق : صدقني لولا انه الموضوع يخص شوق والله ما اجي هنا

ولا حتى اطلب منهم يتصلون فيك بالمركز

قاطعه ناصر وهو يقرص عيونه : وش فيها شوق ؟؟

ياسر وقف : خلاص ما ابغى اضيع وقتك الثمين

قاطعه ناصر بحزم : اجلس اشوف

وش هالموضوع ؟؟!!

ياسر جلس بقهر : يبه انا رح اتكلم بس علشان شوق

بس يا ليت تسمعني بجد وبدون سخريه الي اشوفها الحين بكلامك

هز راسه وابتسم شبح ابتسامه : تفضل يا ياسر

ياسر ناظر ابوه : يبه ليه هالاهمال لشوق

لذي الدرجه ما في اهتمام ؟؟/

عقد حواجبه ناصر : جاي تحاسبني حلو والله

ليه شوق شكت لك ؟؟

ياسر : بدون ما تشكي انا شفت بعيوني الاهمال منك ومن امي

ناصر تنرفز يحاسب فيه : مضيع وقتي على هذي السوالف

عندك شيء قوله اما تقعد تقط حكي

هذا انا الي ما احبه

ياسر زفر بضيق وهو يحس ضيع الوقت على الفاضي ما له نفس يتكلم بس علشان

شوق كل شيء يهون : يبه انت تدري انه شوق

ما تتكلم

ناظره ناصر وهو معقد حواجبه ولما استوعب

الكلام ضحك بقوه على كلامه

بعد لحظات من الضحك مسح اطراف عيونه الي دمعت من الضحك اخذ نفس : الله يهديك يا ياسر

ادخل بالموضوع وما في داعي تلف وتدور وتدخل

شوق بالسالفه

ياسر انقهر انه ما صدقه وبنفس الوقت ما يلومه

لانه دوم يكذب فمن حقه ما يصدقه : يبه والله ما اكذب

ترى انا جلست معها وطلعت من عندها اخبرك

ما كنت بالبيت وبالصدفه ضربت سيارتي بواحد

قاطعه ناصر بحزم : وقسم بالله لو تطلع كذبه من كذباتك

ما تلوم الا نفسك

ياسر حس بالراحه انه ابوه صدقه : والله ما اكذب

عليك

وحتى حاولت اخذها للمستشفى ورفضت

ناصر عقد حواجبه وكلام ياسر مو داخل عقله : وامك تدري عنها ؟؟

ياسر بنفي : لا ما تدري

ناصر بضيق : طيب وش السبب ؟؟

وليه ما احد خبرني ؟؟؟

ياسر وقف : ما ادري عن شيء ...ولما عرفت بغيت ابغى اقولك وصارت مشكلتي وتوقفت بالمركز ..وانت رفضت

وقف ناصر واشر له بعد ما  قاطعه: امشي قدامي اشوف

**

**

**

**

**

**

**

فاطمه جالسه جنبها وشوق تبكي بنحيب : يا يمه هذا نصيب

خلاص ارضي بنصيبك

وفارس طيوب بس انت احترميه

وصدقيني بتعيشين بسعاده

هزت راسها بالرفض ودموعها على خدودها

ما أحد فاهمها

قاطعهم دخول ناصر ووجهه متجهم وخلفه

ياسر ناظر شوق وهي تبكي اقترب منها ،: شوق

ناظرت ابوها ووجهها متورم من البكاء وانفها احمر

ناظرت ابوها ونزلت نظرها للارض

رفع رأسها بيده : ردي علي

ما ردت وهي مستمره بالبكاء

ناصر وهو يحس انه ياسر صادق : تكلمي

هزت راسها بعجز مو قادره تتكلم

انجن جنونه وهو يشوفها بهذي الحاله

فاطمه باستغراب : عن وش تتكلم تبغاها ؟؟

ناصر بقهر : البنت ما تتكلم يا فاطمه

ومسك يد شوق ووقفها : بسرعه البسي عبايتك

الحين طالعين عالمستشفى

هزت راسها بالرفض

بس سرعان ما وقفت لما سمعت صوت ابوها

الحازم

فاطمة مسكت يد ناصر وهي مو فاهمه شيء : انتم وش تخربطون ؟؟

ياسر من جنبها : يمه شوق ما تقدر تتكلم

ولا تسأليني عن شيء لاني ما ادري

فاطمه وهي تشهق : عين ما صلت على النبي

حسبي الله ونعم الوكيل

ناصر وخلقه ضايق : فكينا من سوالفك

يا فاطمه

لبست شوق عباتها وتغطت ودموعها على خدودها

**

**

**

**

**

جالس على اعصابه عند الدكتور وينتظر نتيجه الفحوصات بفارغ الصبر

الدكتور وهو يعدل النظاره ويطالع بالاوراق ويقلبها

وعقد حواجبه باستغراب : اممم بصراحه

البنت ما في عندها شيء

فحوصاتها كلها سليمه

ناصر واعصابه فالته : طيب كيف والبنت ما تقدر تتكلم

الدكتور تنرفز وبنفسيه : يا اخي اقول لك فحوصاتها سليمه

روح لاي مستشفى وشوف

البنت ما عندها شيء

وقف ناصر وهو نفسه يصفق هالدكتور كف

على طريقة تعامله

تركه وطلع

وهو محتار لوضعها عملوا كل الفحوصات وما عندها

سبب واحد يمنعها من الكلام

**

***

**

**

**

**

طول الطريق السكوت يعم المكان والحيره

تخيم بذهونهم

وش الي صار وخلاها ما تقدر تتكلم

نزلوا من السياره بعد ما وصلوا... وكان فارس

باستقبالهم بعد ما خبره ناصر بالسالفه

نزلت شوق والتقت عينها بعينه وهي تشوف بعيونه الشماته

تمنت تصرخ بصوت عالي وتقول له جعلك بالساحق الماحق ..........

بس عضت على شفتها بعجز

اقترب منهم وبصوت عالي : سلامات سلامات

واقترب منها وهمس بصوت ما يسمعه غيرهم : يا ليت على طول تنخرسين

ومد يده يسلم قدام ناصر

طالعته بكره وحقد وانقهرت لما سمعت ابوها : سلمي على فارس يا شوق

كالعاده شخصيتها ضعيفه قدام ابوها

اضطرت تسلم وسلمت برؤوس اصابعها

وتركتهم ودخلت وهي تحس بالنار بداخلها

تبغى تعبر عن اشياء بداخلها بس مو قادره .....تبغى تمسح الارض بفارس وتعرفه قيمته ... رح تموت من القهر اذا ما طلعت حرتها !!!

**

**

&*

**

**

**

ناصر بضيق نطق وهو محتار من حالة شوق : مو عارف وش الحل ؟؟ أنا لو اعرف السبب وكيف صار هالشيء؟! حتى نقدر نعالجه!!

الجده عقدت حواجبها  وهي تنطق بتأكيد لكلامها: عين ما ذكرت الله ... وأصابتها بالعين!!

دانا همست لمريم : اكيد  صابوها بالعين على لسانها الطويل

ضربتها مريم بكوعها وهمست بخفه : انكتمي

شريفه بتفكير : سمعت واحد زي كذا فجأة

ما عاد يقدر يتكلم....يقولون بسبب الرعب..يعني خاف وما عاد يقدر يتكلم ...وبعد ما تعرض لرعبه وخوف رجع يتكلم من جديد!!

وليد  زم شفته بتفكير: مثلا تكون واقفه على البلكونه وندفعها خارجها

خالد خزه : انت ناوي بوجهها على المقبره

خزهم ناصر بعيونه : تعرفوا تنكتموا شوي

فاطمه والدموع بعيونها وقلبها نار ما تدري

وش الحل زفرت بضيق لحال شوق

ناظرتها الجده : وكلي امرك لله وان شاء الله

ترجع مثل اول واحسن

وليد يهمس لخالد : عشتو مثل اول واحسن

يعني لسان مضاعف

خالد حرك شفايفه يتكلم

قاطعهم ناصر بعصبيه : انتم الاثنين  جالسين تتهامسوا انقلعوا برا....ما ابغى اشوف رقعة وجوهكم هنا!!

وليد بدون مجادله وقف وطلع  لأنه يعرف ابوه اذا كان متنرفز ما يطيق اي شيء يزعجه ...تحرك خلفه خالد وهويحك حاجبه بملل ..ما عمل شيء حتى يهب بوجههم كذا!!

شريفه ناظرت الجده وعندها نفس الهاجس الي عند

الجده انها شوق تأثرت لما دفعتها فوزيه

بس تكتموا على الموضوع خوف من المشاكل

قاطع الهدوء دخولها وهي تردح : حسبي الله عليكم

ذبحتوا البنت يا ويل حالي عليها

وينها حبيبه القلب ؟؟

حسبي الله عليكم ضيعتوا مستقبل البنت

زوجتوها لواحد متخلف والحين انخرست

من الظلم الي عايشيته

كل الاعين تناظرها بصدمه

فاطمه تحس بالاحراج من تصرف امها

وقفت : هلا يمه

ام عمر بعصبيه : انت اخر وحده ابغى اسمع صوتك

ضيعتي شوق بهبلك الزائد وزوجتيها للمتخلف

وينه وينه هالصايع الي زوجتيه لشوق

قولي له من باكر يطلقها

هذا الي ناقص ازوجها للحثاله

شوق الف واحد يتمناها

كانت تتكلم وتتكلم والكل يناظرها...يشوفون اخر هالموشح

بس سكتها دخول فارس الي كان واقف عند الباب ويسمع كلامها المسموم ....دخل وهو ينطق بتمثيل : هلا والله وانا اقول البيت منور

طلعت ام عمر هنا

ناظرته بملامح معصبه وحواجبها معقوده من كلامه الي ما توقعته ... اقترب منها وسلم عليها وابتسم : قمر والله يا ام عمر

ما شاء وانا اقول خالتي فاطمه لمين طالعه مزيونه

تفضلي وارتاحي ...نور البيت بوجودك!!

ناظرته بعد هالمديح وارتخت ملامحها

وحل مكانها علامات الرضا بعد المدح

الي حصلته وكأنها ارضت غرورها!!

تتذكر فارس وهو صغير شافته مره او مرتين

بس اعجبها شخصيته..ولسانه الحلو

ابتسمت وجلست بدون ما تسلم على احد

وحطت رجل على رجل : تدري وانا اقول انك احسن واحد بالبيت يا حظ شوق فيك!!

الكل فتح عيونه على الاخير باستنكار دوبها

مسحت فيه الارض وهي تشتمه والحين تمدحه !!!

وبسرعه فزت لما تذكرت شوق : حسبي الله عليكم

نسيت حبيبة  قلبي

وتوجهت لغرفه شوق ونظرات التعجب على ملامحهم!!

دانا تهمس لمريم : اشك انه عقلها ضارب

ابتسمت مريم وهزت كتوفها : يمكن

فاطمه ناظرت ناصر وشافت ملامحه معصبه

بس مهما كان تبقى امها

طنشت نظراته ولحقت أمها على غرفة شوق

فارس بعد ما طلعت فاطمه نطق بقرف : الله يعينك يبه على هالحماه ما تنطاق ..ولسانها اعوذ بالله!!

ناصر زفر بضيق : يعين الله ما ادري متى أنفك منها

الجده بانتقاد: حتى ما كلفت نفسها تسلم علينا

وقف ناصر ومشى خطوتين

قاطعته امه : وين ؟؟

ناصر بعدم راحه : بصراحه ما اضمن تلعب بعقل فاطمه وشوق اروح اجلس فوق رأسهم

الجده بنبره راجيه : برضاي عليك يمه إنك لا تروح

الحين ترمي كلمه وانت ما تمسك نفسك

خلي هاليوم يعدي على خير

فارس بقرف : اتوقع انها مريضة نفسي

قاطعه دخول ياسر الي تضايق من كلامهم : احترم نفسك يا فارس....ما اسمح لك فاهم

ناصر طالعه بحده : انت الي جبت هالعله هنا

ياسر بحنق ما يحب احد يغلط على جدته : يبه رجاء هذي جدتي وما ارضى عليها

هي بمقام امي وهي الي ربتني

ناصر ميل شفايفه باستهزاء: ونعم التربيه

ياسر تكتف : اذا مو عاجبكم تربيتي انا والله عاجبيتني ومبسوط على حالي

ناصر طالعه من فوق لتحت : اكيد رح تعجبك

تربيتك دامها الدكتوره ام عمر مربيتك

وبسخريه

معها شهاده دكتوراه بتربيه الشوارع

انقهر ياسر وبدأت علامات الانزعاج على ملامحه من كلام ابوه : يبه

تكلمت الجده بهدوء : خلاص يا ناصر

فكنا من المشاكل بلاه تسمعك وش يسكتها الحين

ياسر طالع جدته ورفع حاجب باستنكار : تتكلمين وكأنها همجيه

ناصر قاطعه وهو يحط رجل على رجل : بالضبط جدتك همجيه وما في كلمه توصف حقها صراحه

ياسر ناظر ابوه وهو مقهور مهما كانت جدته ما يحب احد يغلط عليها تركهم وتوجه لغرفه شوق ما يضمن نفسه يزود بالكلام مع أبوه

**

**

**

**

ام عمر وهي تمسح على راسها : يوجعك شيء ؟؟

هزت راسها شوق بالنفي

ام عمر بتفكير : طيب قولي آآآآآآآآآه

طالعت شوق جدتها بملل وبنفس مخيسه وما ردت

ام عمر حطت يدها على صدرها وشهقت : يا خوف قلبي البنت ما تسمع

فاطمه بضيق : الحين سألتيها اذا شيء يوجعك

وهزت راسها

كيف ما تسمع ؟؟

ام عمر وهي تناظر شوق : كل هذا قهر وغبن

لانهم غصبوك على المتخلف فارسووووو

فاطمه كتفت يدينه وقرصت عيونها : دوبك مدحتيه امداك تقلبين عليه ؟/

ام عمر بسخريه : هو انت صدقتي

ترى ما مدحته الا علشان ما يمنع شوق عني

يعني مدح مؤقت لحتى الاقي طريقه واطلقها منه

والا هو ما يسوى نعال نواف

قاطعتها فاطمه بحنق : نواف انت كل شيء عندك

نواف

مو كأنه نواف هو الي خرب زواجها ووقف بوجه الرجال...وقال انها محيره لفارس

هذا هو نواف الي دوم رافعيته فوق

باع شوق وما اهتم لشوق ولا لمشاعرها

ام عمر بدفاع عن نواف : اصلا هو عمل كذا

لانه عارف انه فارس رح يطلقها

وبعدها رح يخطبها

قاطعتها فاطمه بقهر ؛ عذر اقبح من ذنب

وش ذنبها شوق يطلقون عليها لقب مطلقه

وهي بعدها اول حياتها

وش هالانانيه هذي ؟؟؟

كانت ام عمر تبغى تتكلم بس سكتت لما شافت

شوق تبكي بصمت

حطت يدها على كتفها : شوق

ابعدت شوق يدها بقهر

وبداخلها بركان يبغى ينفجر

حياتها لعبه بين يدينهم يحركونها يمين يسار

ونواف الزفت وش دخله يتدخل ويقرر عنها !!

حطموا حياتها ...حياتها صارت بلا لون ولا طعم

خلاص كل شيء بحياتها انتهى

رمت نفسها بحضن امها ودخلت بنوبه بكاء

وهي تحس بوجع بقلبها يمزقها تمزيق

هذي نهايتها تتزوج فارس!!

قاطعهم دخول ياسر للي جن جنونه وهو يشوف اخته بهذي الحاله : خلاص اتركوها بحالها

ام عمر لوت بوزها : حنا وش قلنا لها؟!!

**

**

**

**

**

**

مرت الايام الوضع مثل ما هو ما في اي تغيير

جلست على طاوله الطعام مع امها وخالد وسامي

بهدوء واهتمام امها الزائد فيها أحياناً يخنقها!!

أشرت لأمها على شيء تبغاه

ناظرتها فاطمه واشرت على الصحن الي قدامها

هزت راسها بالرفض ورجعت تؤشر بيدها

فاطمه مو فاهمه عليه : تبغين من هذي الصلصله

هزت راسها بالرفض بانزعاج : وحاولت توصل الكلام لامها بالاشاره بس فاطمه ما فهمت عليها

فاطمه بعجز مو فاهمه : تبغين تروحين لجدتك

هزت راسها بقهر ودموعها بعيونها وقامت عن الاكل

وهي تحس بالغصه مو قادره تعبر عن للي تبغاه

حتى الاشياء البسيطه

اول مره تحس بالعجز بهذي الصوره

دخلت الغرفه وقفلتها بالمفتاح وجلست على السرير وتكورت على نفسها وبدأت تبكي

مو معتاده على هذا الوضع

انسانه ثرثاره وملسونه فجأة تنخرس

وما تقدر تعبر لو بكلمه واحده

كان صعب عليها

ناظرت للسقف ودموعها على خدودها

وبداخلها تردد يا رب فرجك ..

**

**

**

**

**

اليوم قرر ناصر انهم يروحون عند امه ..عزمتهم على العشاء ... اجبر شوق تطلع معهم تغير جو يمكن تتحسن نفسيتها

لبست وطلعت غصب عنها وكانت ماسكه بيد امها

ناصر كالعاده طالعها : تعالي اركبي يا شوق مع فارس

ناظرته شوق وبداخلها نار اخر مره شافته

لما كانت راجعه من المستشفى

تمسكت بيد امها بقوه وهزت راسها بالرفض

ناصر بحزم : انا وش قلت ؟؟

فاطمه تنهدت : خلاص خلها تركب معنا

قاطعها ناصر بحزم : خلها تركب مع فارس

لازم يتعودون على بعض

فاطمه تأففت مو عاجبها الوضع كله : خلاص روحي يا شوق

انقهرت شوق ونفسها يرد لها صوتها وتقول لابوها ما ابغى اروح

بس سرعان ما حركت شفتها بسخرية كان عندها لسان وش طوله وما كانت ترد الجواب لابوها

زفرت بضيق وتوجهت لسياره فارس

وقفت عند السياره طالعها فارس من فوق لتحت

وبفوقيه : مصدقه نفسك تركبين قدام

اقول ارجعي للخلف

ناظرته ورفعت حاجب اصلا مو ناويه تجلس

جنبه هذا الناقص

اخذت نفس وبداخلها يا رب ارزقني صبر ايوب

ركبت السياره

وركب بنفس الوقت تأفف وهو ينطق : ناس تسد النفس.....استغفر الله

الله يسامحه ابوي ضروري يغثني

كانت صاده جهة الشباك ولا ناظرته ولا كأنه احد

يكلمها وهي تفكر كيف

تتطلق منه ؟!!

انسان غثيث ما تطيقه كيف تكمل باقي عمرها معه

فارس رفع حاجب : تدرين كنت ابغى اعمل عشاء بمناسبة خرسانك

على الاقل ارتاحت الناس من لسانك الطويل

بس كنت مستغرب لمين طالعه ملسونه

بس تأكدت لما شفت جدتك  ام عمر

سبحان الله ملسونه زيها

بس تبغين الصراحه اممممم

اقول يا شوق

ما له داعي هالتمثيليه كلها ؟؟

وش الهدف من هالتمثيليه انك ما تتكلمين

وبتفكير تبغين تلفتين الانتباه ؟؟

او حاضره فيلم وتبغين تطبقينه ؟!

ليه ساكته تكلمي !!

ما احد هنا يعني ما احد رح يدري عن كذبك

ووعد ما اخبر احد

بس قولي ليه عملتي هذا الفيلم ؟؟؟

طالعته بنظره لو كانت تقتل لقتلته

وصدت لجهة الشباك

حرك شفايفه يتكلم بس سكت لما شاف امه و مريم ودانا متوجهات للسياره

بعد ما ركبوا حرك بهدوء وطول الطريق وهو يتأفف بقرف

شريفه تنرفزت منه : علامك طول الطريق تنافخ ؟؟

فارس ميل شفته بقرف : شفت بعض ناس

وسدت نفسي

عرفت شريفه قصده : خلاص اسكت

هز راسه وتابع طريقه..وشوق متجاهله وجوده ..كل عقلها يفكر كيف تتطلق منه!!

**

**

**

**

**

**

بعد ما وقف نزلت شريفه وبعدها مريم ودانا

حاولت تفتح الباب بس ما فتح

ناظرته بقهر وهي عارفه انه هو الي مقفله

توجهت للباب الثاني نفس الشيء مقفل

ناظرته ونفسها تكسره تكسير

فارس وهو يلعب بشعره : خلصيني انزلي

قاعده تتلصقين فيني

ناظرته بحقد ورجعت تحاول بالباب تفتحه

فارس ناظرها : وش فيك ما تنقلعي وتنزلي

عاجبيتك القعده هنا

تتمنى لو يرجع صوتها لحظات وتمسح فيه الارض

فكرت للحظات حتى لو كانت عاجزه عن النطق

يدها مو عاجزه وخلال ثواني

حط فارس يده على رقبته وكتفه مكان الضربه

رجعت شوق حقيبتها جنبها ولا كأنه شيء استوى

التف عليها فارس وهو حاط يده على رقبته وكل الشياطين تتنطنط فوق راسه

نزل من السياره وهو ناوي يربيها من اول وجديد

فتح الباب الي من جهتها

وسحبها بقوه من السياره

وقبل ما يعمل شيء دفها بقرف لما شاف سيارة ناصر وصلت ...

عدلت عباتها وناظرته بفوقيه

وطالعت باب السياره المفتوح وبسرعه

قفلته بأقوى ما عندها

فتح عيونه والشرار يطلع منهم ....الف مره نبه عليها ما تقفل الباب كذا

شد قبضة يده لما شاف ابوه ناصر نزل من السياره

ناظرت شوق فارس من فوق لتحت وتوجهت للداخل

وتركته بركان يحترق بداخله

قبل ما تدخل شافت فهد وصالح عند الباب

مرت من جنبهم

وطنشت وهي تسمع فهد يتحمد لها بالسلامة

صالح ابتسم : طنشتك هههههههه

فهد بلامبالاه : عادي اصلا المفروض عمي يراجع

فيها بمستشفى الامراض النفسيه

صالح فتح عيونه باستنكار : وش تقول انت

فهد ببرود طالعه وما رد عليه وتقدم من عمه ناصر والعيال يسلم عليهم

**

**

**

**

**

بالمطبخ بصوت عاشق ولهان : شوق انا احبك

ما تتصورين فرحتي يوم ما ملكت عليك

ردت بصوت خجول : وانا احبك فروسي

شهقت منال واميره لما حسوا ببروده المويه على صباحهم

منال وهي تمسح بالمويه : شريره

اميره وهي تحس برجفه من بروده المويه : الحق علينا عملنا لك فيلم رومنسي

ناظرتهم شوق وهي عافسه ملامحها

منال وهي تضحك : لا تعملي نفسك ثقيله

بالمدرسه صجتينا بكرهك له

وفجأة اسمع انك مخطوبه له

اميره خزتها : وحنا المغفلات

بصراحه ما اتصور حياتك معه

تخيلوا يوم العرس لابسه الفستان ورافعيته وتتشاجرين مع فارس..رح يكون شكلكم تحفه!!

ابتسمت شوق وهي تتخيل الموقف !!

ناظروا الثلاثه بعضهم وضحكوا بصوت واحد

دخلت خلود المطبخ فجأه وناظرتهم ورفعت حاجب : العقل نعمه

اميره ناظرت خلود ورجعت دخلت بنوبه ضحك

خلود انقهرت من هالتصرف واخذت العصير وطلعت بعد ما ضربت الباب بقوه

منال اخذت نفس وهي تعدل صوتها : يا لئيمه وانا بالمدرسه افكرك زعلانه منا وما تكلمينا

ليه ما خبرتينا وحنا مثل الاخوات

زفرت شوق بضيق وهزت كتوفها بمعنى ما تدري

اميره بتفكير : تدرين اتوقع لما دفعتك خالتي ام فهد من الخوف لما وقعت بطلتي تقدرين تتكلمين

منال بتأكيد  : ايه صح كثير ناس من الخوف ما يقدرون يتكلمون

او الضربه اثرت على عقلك

جلست شوق على الكرسي وهي تناظر لأميره

الي تفكر لحل لمشكلتها

منال طلعت من حقيبتها قلم وورقه ومدتها

لشوق : اكتبي توقعك وش السبب

وبمزح تابعت كلامها: مع انه خطك عبري وخرابيش جاج ما ينفهم

بس انا واميره لها رح نفك الشيفره !!

ابتسمت شوق واخذت الورقه وبدأت تكتب

اميره ومنال يناظروها بعد ما كملت مدت الورقه

لهم

تناولت منال الورقه وبدأت تحلل الشيفره مع اميره

بعد التحليل والتفكيك

كانت كاتبه «لما اخذني ابوي على المستشفى الدكتور الي مسك حالتي يجنننننننن »

ناظروا منال واميره بعضهم وطقوا من الضحك

منال بخبث مسكت الورقه وهي تلعب فيها : الحين رح اعطيها لفارس..وغمزت لها

قاطعهم دخول سلوم اخو اميره خطف الورقه من منال وركض فيها للخارج

انخطفت وجوه البنات

وبسرعه شوق ركضت خلفه ومن حسن حظها للحين

لابسه العبايه والطرحه

سلوم يضحك ويركض بالورقه وتوجه للخارج

وشوق خلفه مثل الطياره

ضرب سلوم بدون ما ينتبه بفارس

فارس بنرفزه : ما تناظر قدامك

سلوم ناظر خلفه وهو يلهث والورقه بيده شاف شوق تركض خلفه وصارت قريبه

مشى خطوه يهرب بس مسكه فارس من يده

لفت انتباه فارس الورقه

سحبها من يد سلوم وقبل ما تستقر بيده

سحبتها شوق بقوه

وهي تلهث

ناظرها فارس وهو رافع حاجب مستغرب وش الي يخليها تركض علشان هذي الورقه

وذبحه الفضول يعرف وش فيها

تكلم بحده : هاتي الورقه

هزت راسها بالرفض ولفت نفسها ترجع

بس مسكها فارس من يدها وللحين قلبه مليان

عليها : اقول هاتي الورقه

حاولت تفلت منه ما قدرت

وباستسلام مدت يدها تعطيه الورقه

ابتسم فارس بنصر وترك يدها ... بس سرعان فتح عيونه بصدمه

لما شافها حطت الورقه بفمها وصارت تعلك فيها

وبسرعه بلعتها

وناظرته وهي تحرك حواجبها تغيضه ...

فارس جن جنونه اقترب يمسكها بس سرعان ما هربت....عض على يده بقهر فلتت منه

والشك دب بقلبه من هالورقه وش السر فيها ؟؟

سلوم ناظره : اصلا منال كانت تقول لشوق تبغى تعطيك هالورقه

فارس وعقله مشوش وبعصبيه : وش كانوا يقولون

سلوم لما شاف ملامحه خاف وسرعان ما اختفى

عن عين فارس

وتركه بحيرته وهو يفكر وش فيها هالورقه

زفر بضيق والله لتندمين يا شوق

**

**

**

**

**

دخلت المطبخ وهي تلهث بتعب

وتوجهت للمويه وشربت وهي منقرفه وتحس بقايا الورقه بحلقها

واخذت نفس وجلست بتعب بعد الركض الي حصلته

اميره بضحكه : ههههه نشف دمي لما شفته راح لعند فارس

ناظرتهم شوق وهي تقرصهم بعيونها

منال بضحكة : طلعنا نشوف وين رح يروح هالمقرود

اميره تنهدت براحه : حركه حلوه منك يا شوق

كنت ابغى اصورك وانت واقفه مع الحبيب

ولعبت بحواجبها

منال بضحكه : تدرين على سيره الحبيب اتصلت علي سلوى خطيبة مهند

تسأل صحيح انك خاطبه

عاد تقول لي الناس تقول اكيد بينهم قصة حب وخرابيط عايشين بنفس البيت

اميره: ههههههه عجبتني قصة حب

عفست ملامحها شوق بضيق من الكلام

ضايقها حتى لو مو حقيقه صحيح عمرها ما مشت

بهذا الطريق المنحرف بس الكلام ضايقها

لانها مستحيل تعصي ربها وتمشي بطريق

وهم الحب

ومستحيل تخون ثقة اهلها فيها وتمشي بهذا الطريق

اميره : تدرين عاد يقولون الدكتور  الي عالجك نفسيه وشايف حاله ويتكلم من رأس خشمه

ناظرتهم شوق وهي تتذكر كيف كان يتكلم معهم

بفوقيه وكأنهم عبيد عنده

لوت بوزها فعلا الزين ما يكمل

منال ضحكت : ههههههه شوق تدرين انه

قاطعهم دخول ام مهند خزتهم : ليه جالسات هنا ؟؟

اميره ابتسمت : اسرار زوجيه

ضحكت شوق ومنال واميره

وكلما يناظروا بعض يزيد ضحكهم

طالعتهم ام مهند بحده : اشوف اطلعوا قدامي

ناظروا بعض وضحكوا من جديد

وطلعوا من المطبخ

وام مهند تناظرهم باستغراب من ضحكهم

اول ما دخلوا الغرفه سكتوا لما شافوا حريم غريبه

سلمت شوق والبنات وجلسوا بهدوء

عرفت الجده البنات على الحريم

تضايقت شوق لما سألوها الحريم عن حالها

بسرعه جاوبت امها عنها

بس الحريم فكروها مستحيه

نزلت راسها وهي تحس خلقها ضاق

من الجلسه

لو جلست بالمطبخ احسن لها

جاءت عينها بعين اميره سألتها بهمس بعيد : وش فيك ؟؟

هزت شوق راسها بالنفي وابتسمت ابتسامه الم

**

**

**

**

مهند رفع حاجب بعدم تصديق : اها

فارس بقهر ويتكلم بصوت خافت : اقول لك والله ما بيننا شيء ونواف الزفته هو الي

قاطعه مهند بصوت منخفض : ودك تقنعني انه

نواف عمل هذا من رأسه...بس حركتك بايخة ما كان له داعي تشوه صوره البنت قدامنا وانا صدقتك قلت عايش مع البنت وعارفها

بس طلع كله كذب بس علشان تتزوجها

والا المفروض سمعت كلام امي واختي الي دوم يمدحونها

قاطعه فارس بحاجب مرفوع : لا تقول انك بغيت تخطبها ؟؟

تنهد مهند وبنبره غامضة : ما يخصك

سكت فارس وهو يفكر ويناظر مهند الي الضيق

واضح عليه ما توقع انه يبغى يخطبها

ومتضايق لانه خطبها

يمكن في سبب ثاني اقنع نفسه انه اكيد في سبب ثاني

لانه بنظره شوق انسانه بغيضه ومستحيل احد يحبها

تذكر حركاتها اليوم وزاد حقده عليها يبغى يبرد

حرته فيها...

بعد مرور وقت قام من عند مهند وجلس عند

ناصر .....وانتظر الفرصه الي يكلمه فيها

وبهدوء همس له : يبه ابغى اخذ شوق معي بالرجعه

ناصر بدون اهتمام : خذها

فارس اخذ نفس : لا قصدي يعني لوحدنا

نتعشى بمطعم ونتعرف على بعض اكثر

ناصر سكت ما يحب هذي الحركات

فارس حس انه ناصر ما يبغى : خلاص انسى اذا ما تبغى

ناصر ناظر فارس ويثق فيه: خلاص روح بس لا تتأخروا وانتبه عليها

تراها

قاطعه فارس بابتسامة ماكره : ان شاء الله يبه

لا تخاف

عدل جلسته وهو يفكر كيف يعرف الي مكتوب بالورقه

هز راسه وهو مقرر انها تعترف غصب

عنها

**

**

**

**

**

جلسوا البنات مع بعض ....خلود وهي تتدلع

وقاصده تقهر شوق : جهزتي للعرس يا مريم

ترى ما بقى عليه شيء

مريم اخذت نفس  وقلبها يدق  بقوة من طاري الزواج : باقي اشياء بسيطه

خلود  بنبره مستفزه: وانا باقي لي  اغراض ما شريتها

وطالعت اميره ومنال : اشتريتم شيء للزواج؟!

اميره بملل وهي تثاوب : قبل الزواج بأسبوع افرفر بالاسواق

منال هزت رأسها : وانا مثلها

خلود ناظرت شوق : وانت يا شوق

وبعدها حطت يدها على فمها بخبث : اوه سوري نسيت إنك ما تتكلمين

بس يالله هزي راسك آه او لا

طالعتها شوق بنظره ما فهمتها...خليها بس ترجع تتكلم والله لتطلع كل حركاتها من عيونها ...

وقفت شوق  وطلعت من المكان تحت استغراب

البنات

**

**

**

**

**

**

راحت عند امها اخذت الجوال بهدوء

بدون ضجه وبدون ما تنتبه عليها امها

وارسلت رساله  منه ...وجلست تناظر الجوال وهي تنتظر

الجواب

وخلال لحظات جاها الرد... ابتسمت ومسحت كل شيء

وطلعت بهدوء مثل ما دخلت والحريم منسجمات بالحديث

شافت بوجهها اميره ومنال : وش فيك

ابتسمت بهدوء واشرت على الحمام

وتركتهم

اميره ومنال فهموا انها تبغى الحمام تركوها براحتها

بعد ما تأكدت انه ما في احد لبست وطلعت برا

تنتظره بالشارع

حتى ما احد يشوف سيارته

انتظرت دقائق حتى وصل وبسرعه ركبت معه

واول ما ركبت دخلت بنوبه بكاء بعد ما حرك...

ياسر ناظرها باستغراب : وش فيك ؟؟

احد ضايقك ؟؟

شافها مستمره بالبكاء قرر يتركها على راحتها

وتبكي يمكن ترتاح

طول الطريق وهو يسمع شهقاتها ضاق صدره

على حالها وهو عارف انها الحين في مرحله

حساسه ورح تتحسس من اي شيء

وصل لبيت ابوه ونزل من السياره ونزلها معه

وهو ماسك بيدها

توجه لغرفتها وجلست على السرير

جلس على الارض قبالها وبصوت حاني : وش فيك ؟؟

وكمل وهو متوقع هالشيء: احد عايرك علشانك ما تتكلمين ؟؟

هزت راسها بالموافقة ودموعها نزلت

مسح دموعها : واكيد خلود

هزت راسها بتأكيد

ضحك عليها : وهذي الاشكال تنزل دموعك ؟؟؟

ما كنت اخبرك ضعيفه كذا

وين شوق الملسونه والي ما تسكت عن حقها لو ما أخذته بلسانها تأخذه بيدها

مسحت دموعها ومسكت يده واشرت بيدها

وهي في بالها موال لازم تنفذه

**

**

**

**

**

اتصل ناصر بشريفه وخبرها يطلعوا

وقفت فاطمه وشريفه

وسلموا وطلعوا بعد ما خبروا البنات

وقفوا برا

وفارس على نار ينتظر شوق بتوعد

استغرب لما شاف امه وفاطمه ومريم ودانا

اقترب منهم : وين شوق ؟؟

ناظرت فاطمه للخلف وما شافت شوق مع البنات

استغربت : يمكن بعدها بالداخل

وسألت مريم : وين شوق ؟؟؟

مريم ردت بهدوء : ما ادري

فاطمه : مو كانت معكم ؟؟

دانا : ايه بس تركتنا وقامت

ناصر تنهد ؛ شوفيها مع البنات بالداخل

بسرعه توجهت فاطمه تشوف شوق

وبعد وقت رجعت وقلبها مخطوف

شوق مو موجوده !!

ناصر والخوف دب بقلبه : كيف مو موجوده

سلوم واقف عند الدرج : شفتها طلعت وقفت بالشارع وبعدها طلعت بسياره

فارس عقله صار يودي ويجيب

والشك ذبحه

وطالع ناصر باستغراب....

ناصر ما اهتم لكلام سلوم... عرف انها السياره لياسر وعنده ثقه ببناته...بس ما عجبه تصرف ياسر المفروض يعطيه خبر انه اخذها للبيت!

طلع جواله واتصل وخلال لحظات

وصله الرد تكلم بحده : ليه اخذت شوق بدون ما تخبرني ؟؟ ........طيب الحين جاي واتفاهم معك ....وقفل الخط

ناظرهم ونطق بضيق : ياسر رجعها البيت

وتوجه للسياره

اما فارس شد على قبضة يده بقهر

كل مخططه طار بالهواء

**

**

**

دخل البيت معصب من حركه ياسر المفروض اعطاه خبر انه رجعها البيت... اول ما دخل نادى بصوت عالي غاضب : ياسر ياسر

طلع ياسر على ابوه وبهدوء وداخله نار  من تعامل أبوه: نعم

ناصر بعصبية : نعامه ترفسك... كيف ترجعها بدون علمي ؟؟

ياسر كتف يدينه : اذا ترضاها انه اختي تكون مهزله قدام البنات ويعايرونها انها ما تتكلم

تراني ما ارضى على شوق احد يجرحها بكلمه

ناصر عقد حواجبه ؛ مين عايرها ؟

ياسر بقهر : خلود

ناصر تضايق من قلة عقل خلود: احد يعاير احد بالمرض

فارس واقف عند الباب ..رفع حاجب بتكذيب: وانت وش عرفك؟!

الواحد لازم يسمع من الطرفين

ياسر طالعه بقوة : والواحد لازم ما يخفي الحقيقه

وناظر ابوه : ابشرك اهلك الي دوم تفتخر فيهم

وصجيتوا راسي فيهم

قاطعه ناصر بتهديد : احترم نفسك وكلمه وحده

على اعمامك ما يصير خير

ياسر طالعه وابتسم بسخريه : خليني اكمل ابشرك انهم سبب خرسان شوق

خزه فارس بعيونه بقوة!!

طنش ياسر نظراته .. وتابع كلامه: تتذكر يبه لما سافرت...وشوق  واخواني جلسوا عند جدتي

يومها خالتي ام فهد ضربت شوق ووقعت على الارض على راسها....واخذوها على المستشفى ومن يومها شوق

فقدت القدره على الكلام

وطبعا تكتموا على الامر ولا كأنه شيء استوى

فتح ناصر عيونه بصدمه من الكلام وناظر

شريفه ينتظر منها تعليق على كلام ياسر

ان كان صح او كذب

توترت شريفه وما تدري كيف ترقع السالفه

حركت شفايفها بتردد

بس قاطعها فارس بصوته القوي الواثق مستحيل

يسمح احد يحط امه بهذا الموقف تكلم

وهو يناظر ناصر : الموقف صار بس مو بالصوره الي

وصلها ياسر...

انا يا يبه كنت موجود في بيت جدتي

وسمعت الكلام من الحريم الموجودات وعرفت السالفه

واذا مو مصدق تقدر تسأل الحريم الموجودات

السالفة انها شوق وخلود صار بينهم نقاش حاد بالكلام وتشابك بالايدي

قامت خالتي ام فهد تبعدهم عن بعض

وانت تعرف خالتي ما شاء الله حجمها كبير

مقارنه لشوق

ولما ابعدت شوق اختل توازن شوق ووقعت على الارض من دون قصد

وخالتي ما قصدت تضرها بس بغت تبعدهم عن بعض

اما انها صارت ما تتكلم فلا تصدقها يا يبه

انا بعد ما طلعت من المستشفى كلمتها

وللاسف شتمتني وكلمتني من رؤوس خشومها

فسالفه انها ما عادت تتكلم بسبب الطيحه

فلا ترد واكبر دليل انه الاطباء لما راجعت فيها

قالوا ما عندها شيء

لو اثرت فيها الطيحه كان عرفوا الاطباء

وهذي كل السالفه وما قصدنا نخفي الموضوع لشيء بس لانه حادث بسيط

وحتى لا امي ولا خالتي ولا جدتي ولا احد يدري

انها ما تتكلم الا لما خبرتونا

وما أحد عنده علم بالسالفه

طالعه ناصر وكلام فارس كان مقنع له اكثر من ياسر..

كانت واقفه عند باب الغرفه وتسمع كلامهم

نفسها تصرخ وتقول بصوت عالي كذاب يا فارس كذاب

ياسر حمر وجهه من القهر : شوق ما تكذب

وهي خبرتني

قاطعه ناصر بحزم : خلاص انسى وخلي السالفه

هذي على جنب

وتركهم وطلع من البيت كله

ياسر بحنق طالع فارس : شوق اصدق منك

كل هذا علشان تطلع خالتك بريئه ومسكينه

وقسم بالله إنك ما تستاهل شوق

ما ادري حظها العاثر الي رماها عليك

لو انك رجال

قاطعه فارس بسخريه : خليت المرجله لك

وناظره من فوق لتحت باشمئزاز

ياسر انقهر من نظراته : تدري لو اخر يوم بحياتي ما تتزوجها

فارس بتحدي : اعلى ما بخيلك اركب

وشوق زوجتي غصب عنك

فاطمه بضيق : خلاص انت واياه ما في احترام ولا حشيمه ؟؟

ياسر طالع امه :اشوفك مستانسه بعريس الغفله هذا

وهذا انا حلفت اذا تممتوا الزواج الا ازفه

يوم العرس على المقبره

يا اخي خلي عندك كرامه البنت ما تبغاك

استقبلناك في بيتنا ضيف لمتى خلاص روح

واطلع من عندنا!!

قاطعه كف من شريفه ويدها ترتجف : اسكت ولا كلمه

وبنبره حزن

ما كنت كذا يا ياسر وش غيرك

طالعها وتنهد وحس انه تمادى بكلامه مع فارس

بس تضايق من حال شوق

وما عرف وش يتكلم

واقترب من فارس الي يناظره بصمت وعيونه

فيها بريق

قبله على راسه وبنبره ندم ما يحب يجرح احد بالكلام : اسف ما كان قصدي

طالعه فارس وابتسم شبح ابتسامه اقرب للسخريه : الظاهر انك انعديت منها

وتركه وطلع

متجاهل  امه الي تنادي عليه

فاطمه بضيق ما تحب احد ينجرح : انت ما تفهم ما تثمن كلامك ؟؟

ياسر بطبعه متسامح وما يحب يحقد على احد

تكلم بندم : والله مو قصدي ما ادري كيف

وسكت مو قادر يختار كلمه تعبر عن اسفه

شريفه ناظرته وطلعت لبيتها وخلفها بناتها

اما فاطمه اعطته نظره لوم وتركته

مسح على وجهه وزفر بضيق حتى لو جرح

فارس

بس الاهم شوق اخته ما احد يجرحها لو بكلمه

**

**

**

**

**

فاطمه جالسه على السريروحاطه راس شوق

بحضنها وتمسح على شعرها : لا تهتمي

باكر ترجعين مثل اول

ولا تتضايقين اذا حد عايرك

تراه نقصان عقل لان المرض من عند الله

وما احد يتعاير فيه

اصبري ولك الاجر ان شاء الله

وما عليك من احد

وصدقيني فتره مؤقته وترجعي تتكلمين

بصلاتك لا تنسي الدعاء

وابتسمت تخفف عن ابنتها تذكرين لما كنت اجلسك بحضني غصب عنك وتبكين وتصرخين ما تبغين تجلسين عندي

تبغين جدتك ام عمر

ناظرت امها وعيونها لها بريق حزن وهزت راسها

كملت فاطمه بأسى لذي الذكرى حسبي الله ونعم الوكيل ناس ما عندها ضمير

بعدتك عني انت وياسر

وكسروا فرحتي فيكم الي انتظرتها سنين

نزلت دمعه من عيون فاطمه لذي الذكرى

وطردت هالذكرى من راسها

وكملت تدرين يا شوق انك اغلى وحده بعيالي كلهم

لك ميزه خاصه بالرغم من شقاوتك

من قبل ما اتزوج وانا ادعي ربي يرزقني بنت

احب البنات كثير

وطول فتره حملي بياسر وانا ادعي تكون بنت

ولما اكدت لي الدكتوره انه ولد

بقى عندي امل تطلع بنت

حتى ناصر دوم يقول لي انك لك ميزه عن دون عياله

وهو نفس طبعي يحب البنات اكثر من الاولاد

كانت رافعه عيونها وتناظر امها

نزلت دمعه من عيونها سالت على خدها

مسحتها فاطمه وابتسمت : ليه الدموع ؟؟

ما خبرتك دلوعه كذا

اقول قومي معي نعمل شيء نشربه

ونعدل مزاجنا صدقيني اذا بقيتي حاجزه نفسك هنا

رح تتعب نفسيتك بزياده

يلا قومي

نهضت شوق نفسها ومشت مع امها

وفاطمه تقرقر فوق راسها حتى تعدل نفسيتها

**

**

**

**

**

**

**

ابتسم فهد وحط يده تحت خده : لو شفت

عمي ناصر مسح الارض بخلود

بغيت اصوره لو شفته كيف معصب والشرار يطلع من عيونه

وتحلف فيها لو تغلط بحق شوق كلمه وحده

ما تلوم الا نفسها

فارس ما عجبه وانقهر : وحضرتك ساكت وما دافعت عن اختك

فهد وهو يتكتف بشماته : خلها تستاهل ليه تعايرها حرام ما يجوز

فارس فتح عيونه بقهر : يا غبي يمكن هالشوق كذابه

الا اكيد كذابه وتفتري على اختك

وانت على طول صدقت

فهد بدون اهتمام : سوالف حريم ليه اوجع راسي فيهم

فارس بقهر : ليتك ما قلت لي قهرتني

فهد رفع حاجب : يا اخي استحي على وجهك تراها خطيبتك

والا مو ناوي تكمل معها ؟

فارس زم شفايفه بتوعد : مستحيل افرط فيها

جاءت الفرصه لعندي والله لاوريها نجوم الليل بعز الظهر

بس خليني اضبط اموري وبعدها احدد الزواج

وامشيها على كيفي

فهد تنهد : تدري رحمتها هالشوق احسها رح

تتزوج مجرم

ليتها تزوجت الموظف المنتف ولا تزوجتك

على الاقل يمكن يحترمها ويعزها مو مثلك يذلها

هذي وهي بنت عمك

فارس طنش كلامه وهو مقرر ينفذ الي في باله

**

**

**

**

**

**

**

في اليوم الثاني

اصدر ناصر قرار تفاجئ منه كل الموجودين

: من اليوم رح نرجع لبيتنا

سامي رفع حاجب : وجدتي ؟؟

ناصر : الحين هي عند عمك احمد ورح ترجع تسكن عندنا

عبود يستغبي : اي بيت ؟؟؟

ناصر ناظره : تعمل نفسك ما تدري انه البيت الي ساكنه فيه جدتك لنا

ورجع وزع نظره للجميع ورح يكون الفطور والغداء والعشاء كلنا نجتمع مع بعض

وما ابغى احد يتغيب

و ما ابغى مشاكل وكلام زائد مفهوم

شوق لوت شفايفها مو عاجبها هالقرار

لمحها فارس بس ناصر ما انتبه عليها

وليد وخالد وسامي وعبود طاروا من الفرح

ما رح يكون حواجز بيوت بينهم ورح يكونوا بغرفه وحده يجلسون

وما في شوق تطردهم وتبعدهم عن بعض

اما مريم ودانا فكان الوضع عندهم عادي

**

**

**

**

**

**

**

انتقلوا للبيت وكان ناصر مجهز لكل واحد

غرفته حتى ما تصير مشاكل وكل واحد يقول يبغى هذي الغرفه ....

طلعت شوق من غرفتها وتوجهت لصاله الطعام غصب عنها

وشافت الكل مجتمع على الفطور

زفرت بضيق وتقدمت بهدوء والكل يناظرها

سحبت كرسي جنب امها وجلست بهدوء

بعد ما ردت السلام بعيونها

طالعها ناصر بحنان : شلونك اليوم يا شوق ؟؟

عساك طيبه ؟!

طالعت ابوها وهزت راسها وهي متوتره

بس سرعان ما ابتسمت لما لمحت فارس

يناظرها بغيض

وشكله متضايق

لعبت بحواجبها بخفه بدون ما احد ينتبه عليها

وحست بنشوة الانتصار وهي تشوف

القهر بعيونه.. خليه يموت بقهره

وخاصه وهو يشوف فاطمه تحط الاكل قدامها

واحيانا بيدها تحط الاكل بفمها

وشوق زادت العيار بالدلع الماصخ

وليد ناظر امه : شوفي يمه خالتي فاطمه

وتعلمي منها

عمرك ما دلعتيني على الاكل لنا الله

شريفه بهدوء : كمل اكلك وانت ساكت

خالد : الحال من بعضه

ناصر طالعهم واعطاهم نظره بلعوا لسانهم

وكملوا اكل بهدوء

فارس ويحس بنار بصدره ..مو قادر يكتمها ..لاعت كبده من دلعها الماصخ ..يا شين السرج على البقر...

طالع شوق  وبلعانه نطق: اعطيني يا شوق الكأس الي جنبك

ناظرته وطنشته بس انقهرت لما قال ابوها : شوق اعطي فارس الكأس

عضت على شفتها  بقهر...ومدت يدها تعطيه

بحركه متعمده من فارس طيح الكأس منه وببراءه نطق: حصل خير

الله لا يهينك جيبي لي كأس ثاني من المطبخ

ناظرته والضغط ارتفع عندها الف

وقامت لما سمعت ابوها يحثها تروح

جابت الكأس وحطتها قدامه وبداخلها

تقول سم الهاري محل ما يسري يهري

ابتسم وهو يشوف ملامحها المتضايقه: شكرا

وارتفع الضغط بزياده لما سمعت ناصر يقول : بسرعه اجهزي يا شوق لا تتأخرين على فارس

من يوم ورايح فارس يوديكم للمدرسه

كتمت غيضها وتوجهت لغرفتها وهي تردد بداخلها

الله يطولك يا روح .....

**

**

**

**

**

**

حرك السياره بقهر بعد ما خبرته مريم انه شوق غايبه

وما تبغى تروح للمدرسه

كان يبغى ينزل ويخليها تداوم غصب عنها

بس ناظر ساعته تأخر الوقت وعنده اجتماع مهم

وصل البنات للمدرسه وتوجه للشغل

وعند باب الشركه بعد ما دخل

وقفه احد الموظفين وهو يمد له بظرف

اخذ الظرف باستغراب : وش ذا ؟؟

الموظف : جاء رجال وطلب مني اعطيك اياه

هز راسه فارس بتفهم وتوجه لمكتبه وهو حامله بيده

**

**

**

**

خلود بالمدرسه تناظر مريم : اكرهها

يا ليتها دوم تبقى منخرسه

مريم بضيق من كلامها : استغفري ربك حرام

خلود زفرت بضيق : قهرتني

انت ما شفت كيف عمي ناصر مسح فيني الارض

ويتوعد وحالته حاله

ومسحت دموعها

مريم تنهدت : ما ادري عنكم

خلود بحقد وكره : هالخرساء ما اكتفينا من شرها

وفوق هذا سرقت فارس

واداركت نفسها وسكتت

مريم فتحت عيونها بصدمه : انت تحبي

قاطعتها خلود بقهر : خلاص انسي

ليتها ما تتهنى

قاطعتها مريم : استغفري ربك حرام عليك

ليه تدعين عليها

وبعدين كل شيء قسمه ونصيب

خلود بغبن : تدرين احيانا اتمنى انه فهد خطبها

علشان فارس يخطبني

طالعتها مريم بصدمه وكأنه احد كب عليها مويه بارده

ما توقعت هذا الكلام من خلود

وقفت وهي تحس للحين مصدومه من كلام

خلود

مسكت يدها خلود : مو قصدي شيء

بس انا متضايقه

طالعتها مريم وناظرتها بتعجب من وقاحتها وتركتها

*

*

*

*

*

*

**

بعد العصر لبست عبايتها وجهزت نفسها

وطلعت عند امها بالصاله يزورون ام رائد

بعد ما استأذنت فاطمه من ناصر

عند البوابه وقفهم فارس الي دوبه دخل : السلام عليكم

فاطمه بهدوء : وعليكم السلام

فارس ناظر شوق من فوق لتحت وبتحقيق : على وين يا شوق ؟؟

فاطمه تنهدت : رايح زياره عند اختي

فارس بتحكم : الله يسهل طريقك بس شوق ترجع

انا ما سمحت لها تطلع

فاطمه بضيق : ب

قاطعها بحزم : انت يا خالتي على عيني وراسي

رجاء لا تكسري كلامي

وخلها ترجع

خالتها اذا بغت تشوفها تيجي هنا وغيره ما عندي

يلا يا شوق ارجعي للداخل

ناظرته شوق بهدوء وهزت راسها وتوجهت للداخل

استغرب منها ما عاندت

هز كتوفه وتوجه للداخل وبسرعه لغرفته

عنده اشغال

**

**

**

**

**

**

ام رائد بترحيب : هلا هلا والله نور البيت بشوق ابتسمت شوق بمحبه لخالتها

فاطمه بضيق جالسه من حركة شوق ..لو يعرف ناصر وش يخلصها منه!!

ناظرتها ام رائد ورفعت حاجب : وش فيك

الي يشوفك يقول كل هموم الدنيا فوق راسك

فاطمه بقهر : ما يقهرني الا هالعنيده

الحين وش يفكنا من المشاكل

ام رائد جلست جنبها وحطت رجل على رجل : اي مشاكل ؟؟

فاطمه ناظرت شوق ورجعت ناظرت ام رائد الي جالسه جنبها : فارس قال لها ما تروح معي وترجع البيت

وحضرتها لفت نفسها ورجعت وانا على بالي انها عقلت وصارت تسمع الكلام

ووقفت انتظر السواق ولما جاء وركبت ما شفتها الا جالسه جنبي

الحين لو يدري فارس رح تصير مشاكل

عفست شوق ملامحها بقرف من سيرته

ام رائد طالعت شوق وبلوم : يا شوق ما يصير حتى لو كنت ما تبغينه بس

خلاص صار الحين زوجك ولازم تسمعين كلامه

وما يصير تطلعين بدون اذنه

قاطعها صوت يلعلع : لا تردي على هذا الزوج

يخربون بيتك وتصيرين هبله مثلهم

ما له ولد شريفه كلمه عليك

تروحين وترجعين بكيفك

ذول يبغون يمسحون شخصيتك وتصيرين طرطوره

لولد شريفه

قاطعتها فاطمه بضيق : يمه الله يرضى عليك

اتركي البنت بحالها

هذا صار زوجها ولازم تسمع كلامه

جلست ام عمر جنب شوق وناظرتهم بحده : وش رايكم تستعبدون البنت

ان بغت تطلع من البيت لازم تستأذن منه

هزلت هذا الي بقى

يتحكمون بشوق

وحضنت شوق لا تردين على احد واطلعي وروحي وين ما بغيت

خذيها مني نصيحه الزوج اذا ما ورتيه العين الحمراء من اول يوم

يستعبدك ويصير يشور وهو الامر والناهي

وانت تصيرين رجل طاوله ولا لك كلمه

خذي مني الكلام

الي اكبر منك بيوم اعلم منك بسنه

وهذا الزوج الي تشوفيهم خبلات

كل وحده رجل طاوله في بيتها ما لها كلمه

والا هذي الخبله واشرت على ام رائد زوجها

ما عاد يجيب اولاد ما عندها الا هالولد

لو ردت علي وتطلقت منه كان الحين عندها

عيال مو قاعده على ولد واحد

قاطعتها ام رائد بقهر من كلامها : يمه

ام عمر : وحطبه

ليه لو كان العيب فيك كان صار متزوج عليك

من زمان

هذي هي اختك ما خلفت اول ما تزوجت راح تزوج عليها

بس وش اقول بناتي خبلات ما يفكروا..سلطت نظرها على ام رائد وتابعت كلامها: ابن خالك كان شاريك ويبغاك

قاطعتها ام رائد بغضب : وبعدين مع السالفه ذي

انا مرتاحه مع زوجي وابغاه

انت وش مضايقك ؟؟

خلاص ابن خالي صار عنده درزن عيال وبعدك تقولين ابن خالك

افففف شيء يقهر

ام عمر طالعتها : خليك على هبلك

المهم عندي شوق ما تمشي طريقتكم بالحياه الفاشله

ومسكت يد شوق مثل ما علمتك ما احد له كلمه

عليك

والي مو عاجبه يطق راسه بالحيط

فاطمه تكتم غيضها مهما كان تكون امها : استغفر الله العظيم

ام عمر رفعت حاجب : ادري مو عاجبك كلامي

المهم وين القهوه؟!

طالعت فاطمه شوق الي مستانسه على كلام جدتها

همست ام رائد لفاطمه قبل ما تقوم: ما ينلام ناصر لما يبعد شوق عن امي

وطلعت من الصاله

ام عمر رفعت حاجب بانتقاد : ادري انكم تحشون فيني

لكن والله ما اسامحكم

فاطمه ببراءه : وحنا وش قلنا

من اول ما دخلت وحنا نستمع لك وانت تتكلمين

ام عمر بملامح محتده : قصدك اقرقر

فاطمه عقدت حواجبها بصبر : يمه الله يهداك انا

ما قلت شيء ليه تفسرين الكلام على كيفك

قاطعهم دخول ام رائد ومعها القهوه : تغطي يا شوق رائد عند الباب

غطت شعرها ولبست العبايه

وجلست

ناظرتها امها : غطي وجهك يا شوق

هزت راسها بالرفض

ام عمر بردح : نعم نعم وليه تغطي هذا ولد خالتها

انا اشوف تبغون تحطون البنت بعلبه وتغلقون عليها

وناظرت شوق لا تهتمي للخبله هذي

واشرت على فاطمه

ام رائد طالعت شوق : الحين انت متزوجه

وزوجك رح يعصب اذا عرف

قاطعتها ام عمر : حطي لسانك بحلقك ولا تتدخلين

وقفت فاطمه بقهر : اقول قومي يا شوق

خلاص انا راجع للبيت ترى مو ناقصني مشاكل

واذا بتمشي خلف جدتك صدقيني رح يخرب بيتك

ام عمر : اصلا خربان دامها متزوجه هالفارس

سمعوا صوت رائد : مطولين وانا واقف انتظر الحين ادخل وما علي من احد

ام رائد بصرخه : رائد انقلع على غرفتك

احسن ما اجرم فيك

ام عمر بغضب : علامك تصرخين كذا على الولد

خرعتيه

لا ترد عليها يا رائد وادخل ما به احد غريب

ام رائد طلعت على رائد واخذته على غرفته

اما فاطمه لبست عبايتها وناظرت شوق بقهر : قومي

الحين رح نرجع

وقبل ما ترد ام عمر رن جوالها اخذت نفس وردت بهدوء

**

****

**

**

**

**

طلع فارس من غرفته بعد ما خلص اشغاله وحب ينرفز شوق

ونادى بصوته عليها : يا شوق شوق

قاطعته دانا وهي نازله عن الدرج وتكلمت ببراءه : راحت مع خالتي فاطمه

فارس ابتسم بانتصار وهو يلعب بالسبحه : لا ما راحت

وكمل ينادي شوق

دانا عقدت حواجبها باستغراب : بس انا شفتها من الشباك لما طلعت بالسياره مع خالتي فاطمه

عقد حواجبه بعدم تصديق وتوجه لغرفتها

طق الباب وفتحه وناظر المكان فاضي

ما في اي احد طلع والشياطين تنطنط فوق راسه

دور بكل البيت ما لها اثر

مسك جواله والشرار يطلع من عيونه

*

*

*

*

*

*

*

منشغل بالملفات انزعج وهو يسمع صوت الجوال

ما يبغى احد يقاطعه

نزل الاوراق على الطاوله ومسك الجوال وهو معقد

حواجبه هلا ........ايه بالشغل ......وش فيه

.........لا ايه صحيح كلامك ........يمكن بالبيت ......لا والله ما يصير وما يطلع لها تكسر كلامك .....لا الحين اشوف وما يصير خاطرك الا طيب .....ان شاء الله ......مع السلامه

قفل الجوال وبحث عن اسمها واتصل

*

*

*

_.*

*

*

ردت فاطمه بهدوء : هلا ناصر

ناصر : شوق معك ؟؟

فاطمه بتوتر : ايوه معي

قاطعها ناصر بعصبية : وعلى اي اساس تروح معك

فاطمه ترقع السالفه : انا سألتك وقلت تروح عادي

قاطعها : ايه صحيح بس دامه فارس قال لها ترجع خلاص ترجع

وما في داعي للعناد

والمفروض ما اخذتيها معك

والحين دقائق واشوفكم بالبيت عندي ونتفاهم

بالبيت

وقبل ما ترد انسحب من يدها الجوال

وبصوت آمر :اطلع منها يا ناصر وشوق ما أحد له كلمه عليها

وفاطمه ما رح ترجع لك لا هي ولا شوق

وخلي هالحشره يطلقها

والي بيننا انتهى فاهم

استغربت ما في رد فعل لناصر ناظرت الجوال

وفتحت عيونها بصدمه وبقهر : قفل الجوال بوجهي

ناظرت فاطمه امها وبلعت ضحكتها على شكل امها بالرغم انها قرفانه حالها بس

منظر امها ضحكها

ما علقت على امها وناظرت شوق : بلا يا شوق

قومي

هزت راسها بالرفض

صرخت فاطمه وهي مو طايقه نفسها والحين

اكيد رح يعمل سالفه : اقول قومي قدامي

ولا ترفعي ضغطي

ام عمر ناظرت شوق واقتربت منها : اقول يا شوق تعالي معي واتركي هالعائله المتخلفه

ولبست الجده ومدت يدها : يلا تعالي معي

فاطمه فتحت عيونها بقهر اليوم رح تقوم المشاكل : شوق امشي معي اشوف

هزت راسها بعناد وهي متمسكه بجدتها

ام رائد دخلت على كلامهم وبهدوء : شوق ارجعي مع امك واتركي الهبل

احسن ما ييجي ناصر ويجرك من شوشتك

ام عمر عفست ملامحها بقرف : يخسى هالناصر

وشوق مو رايحه الا معي

واشوف مين الي يمشي كلامه

ام رائد بقهر : يمه ليه تحبين تعملين مشاكل لفاطمه

الحين زوجها وش يقول لها ان رجعت بدون شوق

ام عمر ضحكت بسخريه على ام رائد : ومين قال لك

انه فاطمه رح ترجع لناصر

خلاص الايام الضايعه الي قضتها معاه كافيه

والحين لازم تشوف حياتها

وتنفك من هالعيله المتخلفه

وترى عيال خالك للحين يبغونكم انت واخت المتخلفه

ام رائد بعصبية : لا تخليني ادعي عليهم

فاطمة اخذت نفس : طيب مثل ما بدك يمه

بس بالاول نرجع للبيت ونأخذ اغراضنا

ونيجي عندك انا وشوق وش قلتي

ام رائد فتحت عيونها بصدمه : انت انجنيتي

غمزت لها فاطمه بدون ما تنتبه امها

ضحكت ام عمر وطالعت فاطمه :،شايفيتني خبله اقول امشي قدامي اشوف انت وشوق

وانسي ناصر الزفت

فاطمه ناظرت امها بحنق وتوجهت لجهة شوق

وسحبتها من يدها غصب عنها

وام عمر خلفها تسب وتشتم

وشوق تحاول تفلت من يدها

فاطمه بعصبية وهي نازله عن الدرج باتجاه السياره : امشي اقول لك

سحبت شوق يدها بقوه وارتخت يد امها

اختل توازنها واتعثرت بعباتها و هي على حفة الدرج

ومن الخوف صرخت بقوه : يمه

وتعلقت بسرعه بالدرابزين

واخذت نفس وقلبها يدق بقوه من الخوف

فاطمه بفرحه وكأنها سمعت غلط: شوق انت رجعتي تتكلمين

عدلت وقفتها وناظرت امها وحطت يدها على حلقها وبصوت عالي : يمه انا

لولولولوللولولويش

فاطمه تناظر حولها : حسبي الله على الشيطان فضحتينا

شوق بفرحه ركضت لعند امها ومسكت يدها :

بسرعه يمه خلينا نرجع البيت

ام عمر بلهفه من خلفها :، لولولولولولويش

الحمد لله يا رب

امشي معي لبيتي اعمل لك احلى حفله بذي المناسبه

بس فاطمه ما خلت مجال لامها وسحبت شوق ودخلتها السياره

وطلبت من السواق يتحرك بسرعه

فاطمه تنهدت براحه انه ابنتها رجعت طبيعيه

وبتذكر قرصتها بكتفها

شوق وهي تتوجع : حرام عليك ليه فرصتيني والله يوجع

فاطمه ناظرتها : لما اقولك نرجع للبيت يعني نرجع

مو تعاندين

تبغين ابوك يعمل عرس

شوق بعباطه : يا ليت يعمل عرس علشان ارقص

ناظرتها فاطمة وتنهدت : الله يعيني عليك

والحين وريني وش يخلصنا من ابوك

تراه معصب

شوق بلامبالاه : بيرضى

عضت فاطمة على شفتها بغيض : شوق

انا نفسي اشوف لسانك هذا يلعلع قدام ناصر

سبحان الله قدامه اشوف لسانك مقصوص

وعندي لسانك بشعبتين

ضحكت شوق بخفه : الاهم انه رجع لساني

ينطق واخيرا

اخخخخخ كاد ان يصيبني اكتئاب يا أماه

فاطمه : وانا رح يرتفع ضغطي من هنا لحتى نوصل

طالعتها شوق : خلاص ما رح اتكلم

وحطت يدها على فمها

دام الصمت للحظات وخافت فاطمه ترجع شوق

مثل اول ما تتكلم

فاظطرت طول الطريق تدخل بسالفه وتطلع بسالفه

علشان تتطمئن انه شوق تتكلم

**

**

**

**

**

**

كنت جالس بالصاله انتظرهم واهز رجليني بتوتر

متأكد انه فاطمه رح تيجي

وما اهتميت لكلام العجوز الشمطاء

اصلا قفلت الخط مو فاضي اسمع صوتها النشاز

بس شوق حسابها عسير ما رح اتهاون معها

لازم تفهم انه خلاص فارس صار

زوجها ولازم تسمع كلامه

وشغل العناد هذا ما ابغاه

وقفت اول ما شفتهم دخلوا وعيوني الشرار يتطاير منهم

بس لما شفتها منكمشه وملزقه بفاطمه

غصب عني قلبي يرق لها

والله ما اصدق بالشكاوي الي اسمعها

عنها

احس كل براءه العالم فيها ومستحيل تضر او تجرح انسان بكلمه

بس هذي المره لازم اقسي عليها

وبدون تعاطف مع حالتها تكلمت بحده : وين يا انسه شوق ؟؟

ناظرت امها ونزلت عيونها للارض

فاطمة بتردد : ناصر

ناصر بعصبية : لمتى هالبنت ما تسمع الكلام

؟؟

الحق عليك ليه تسمحين لها تروح وزوجها مو راضي

انت رح تخربين البنت بالدلع الزائد هذا

وفوق هذا امك تتفلسف علي

ليه ما بقيتي عندها علشان ترضى عنك

لمتى اسكت عن امك وحركاتها

دوم تهدد ابغى اخذ فاطمه

ليه ما رحتي وخلصتينا من هالسالفه كلها

انقهرت شوق من كلام ابوها وناظرت امها

وحست الدموع بعيونها

ولامت نفسها كل شيء بسببها صار

وبدون سابق انذار ما تدري

من وين جاءت لها القوه ..نطقت بتبرير: لا تلوم امي

انت مو فاهم السالفه

اخذتني لانه سمعنا انه في حرمه تعالج مثل حالتي

ورحت معها وعالجتني

ناظرت فاطمه شوق بدهشه من وين هالكذبه

اخترعتها

وناصر يناظر بصدمه : شوق انت تتكلمين

شوق ورجع لها التوتر والخوف زال مفعول القوه الي ما استمر الا للحظات

هزت راسها بتوتر

ابتسم ناصر بفرحه وتقدم منها وباسها على راسها : الحمد لله على السلامه

اللهم لك الحمد

وبتذكر وهو يتوعد فيها حتى ما تكرر حركتها : اذا سمعت انك طالعه بدون اذن فارس لا تلومين الا نفسك هذي المره سماح

وحول نظره لفاطمه لكن سرعان ما تركتهم  فاطمه وتوجهت لجناحها والزعل باين عليها

تنهد وحس انه غلط بحق فاطمه بس ما يدري

يتنرفز من شيء اسمه ام عمر

وتوجه خلفها للجناح

حس بمويه بارده انكبت عليه لما دخل وسمع صوتها يلعلع بالبيت...جال بنظره يبحث عنها وصوتها يوصله  .....شافها أول ما نزلت عن الدرج وتتكلم بالجوال وتضحك بصوت عالي

ضغط على يده بقهر وهو الي كان يتمنى تبقى خرساء طول حياتها

التقت عينه بعينها

ناظرته من فوق لتحت وعفست ملامحها بقرف

وكملت المكالمه : هههه لا ما في شيء بس

مريت من جنب سله الزباله ههههههه....... دوم تفهميني ههههههههه...وناظرته وهي تلعب بجواجبها

وتتكلم بغنج يلوي الكبد: خلاص اوكي .....ههههه...باي حبي

رمقها وهو معقد حواجبه وبنفس مكانه ما تحرك

تكلمت وهي ترجع خصله من شعرها خلف اذنها : نعم يالاخ مضيع شيء بوجهي ؟!!

ولوت شفايفها باشمئزاز

تكلم ببرود عكس النار الي بداخله :إيه والله مضيع

نعالي وادور عليه بوجهك

مو كنت خرساء ومرتاحين من صوتك النشاز

وش الي صار ورجعت تتكلمين ؟؟؟!!

فتحت عيونها على وسعهم : صدق انك ما تستحي وما عندك ذوق

طالعها ورفع حاجب باستخفاف : تركت الذوق لك يا زباله

وأعطاها نظره بمعنى انها الي بدأت بالغلط

وكمل بوعيد : والبادي اظلم

ضحكت بسخريه وتكلمت وهي تتريق : تدري خفت

تراني مو قادره امشي من الخوف

فارس ما تحرك  من مكانه... وبنبره تحذير : شوق اخر انذار لك تعدلي وتسنعي احسن لك

واتقي شري تراك مو قدي

شوق بمسخره ردت : ايه والله مو قدك انا صغيره مثل العصفور

وانت قد الثور

قطعت كلامها لما شافته تقدم خطوه وبسرعه توجهت للدرج تركض وهي تلهث بقوة ....

تحس بخطواته خلفها .....وبسرعه دخلت الغرفه وقفلتها

بالمفتاح..... وزفرت براحه انها نجت من قبضته .....سرعان ما نقزت وابتعدت عن الباب

لما ضربه فارس بقوه وهو يتكلم من بين اسنانه بوعيد : والله الا تندمين ورح تشوفين

وضرب الباب بقوه مره ثانيه ..رح يموت من القهر اذا ما طلع قهره فيها!!

تنهدت شوق  براحه وهي تسمع خطواته تبعد عن غرفتها

توجهت للسرير ورمت نفسها عليه وهي تتنفس الصعداء...

ابتسمت بعباطه على تهورها لو مسكها

كان خلاها كفته ناعمه

تنهدت مره ثانية وما زالت مبتسمه وهي تتوعد

الا تطلع الشيب براسه

::

::

::

::

::

::

::

::

فارس

جلست بغرفتي وانا النار شابه بصدري

نفسي امسكها واطلع كل حرتي وكرهي لها

وعض على شفته وبصوت شبه مسموع

اخخخخخخخخخ اكرهها اكرهها

ما اظن في احد يحبها هالمخلوقه بغيضه بغيضه

ولسانها طويل ما تحشم احد ابد

لزوم أربيها من اول وجديد

ضربت قبضة يدي بكفي بغيض نفسي اطحنها

بين يديني

تذكرت الملف الي اعطاني اياه الموظف

وابتسمت بصراحه على سخافه الشخص الي أرسلها

وسخافة كلامه....ادري انه يبغى يستفزني بالكلام علشان اطلق شوق لكن حامض على بوزه

ورح ادفعهم كلهم الثمن غالي بس ينتظر الفرصه

**

**

**

**

**

**

انتشر الخبر بالعائله انه شوق رجعت مثل اول

وتتكلم طبيعي

واميره ومنال اول ما سمعوا الخبر زاروها

وباركوا لها

والجده بالمناسبة هاي رجعت للبيت

بفرح

وكل شوي تكلم شوق حتى تتطمئن إنها رجعت لطبيعتها!!

شوق بضجر من جدتها : اففففففف وبعدين يا جده

فاطمه بكوعها خزتها بخصرها واعطتها نظره قويه لقلة ادبها ..يعني جدتها مهتمه فيها لمصلحتها نهي جالسه تتأفف!!

شوق ترقع خافت توصل السالفة لابوها  بسبب بوجود الجواسيس من حولها نطقت بترقيع: اففففففففف حر الجو

وبدأت تهف على نفسها

الجده بابتسامة : الجو حلو ...ننزل التكييف

شوق بابتسامة مجامله وهي تطالع جدتها:  لا لا ...يمكن مرتفع ضغطي

وبهمس خافت : من بعض الوجوه الي تغث!

قرصتها فاطمه بخصرها «هالبنت رح تجنني تدور على المشاكل دواره اعطيتها نظره بمعنى تختصر ولا معها خبر »

ناظرت شوق امها وهي تفرك مكان القرصه «وانا وش

سويت كل شوي قارصيتني اففف عيشه

تقصر العمر بس ما تكلمت بشيء حتى ما احصل

قرصه ثانيه»

الجده ناظرتها باهتمام: الحين اخليهم يحضرون لك شيء حلو علشان يتعدل الضغط عندك

شوق وهي تتربع وتتغشمر ...وبصوت وكأنها عجوز : لا والله ما اقدر تعرفين السكري عندي مرتفع ما اقدر آكل حلويات

دخل على كلامها «يا ليت يصيبك سكري ويقضي عليك ويخلصني منك »وبهدوء تكلم : السلام عليكم

الجده بترحيب : هلا والله

وعليكم السلام ورحمة الله وبركاته

شوق وهي تضحك بسخريه وبعدها تكلمت : حسستيني يا جده انك بالمدرسه هههههه

ما بقى الا تقولين مس زفت

قرصتها فاطمه بدون ما احد ينتبه «اكيد الحين رح تشتم فارس انا ادرى بها »وبهمس : وبعدين معك

عبست ملامحها وزاد عبوسها لما سمعت جدتها تقول : اجلس عند زوجتك

لوت شوق بوزها بقرف «هذا الناقص اجلس جنب هذا المتخلف »

وانقهرت شوق من رده : ابغى اجلس عند جنتي

والباقي ملحق عليه

اهم شيء جنتي وتاج راسي !!

باس امه على راسها !!

شريفه صار وجهها احمر وبمحبه  نطقت: الله يوفقك

شوق تناظرهم بقرف «الله يأخذك انت وامك بيوم واحد »

فارس طالعها وحس من حركاتها انها مقهوره

وحب يقهرها بزياده : شوق جيبي لي

قاطعته شوق بحده وهي تحط رجل على رجل

وتعمدت تطلع صوت للعلكه وهي تعرف انه يكره

هالحركه : خلي جنتك ترورح تجيب لك

او واشرت بفوقيه على دانا ومريم

او ذول يروحون لاني

وقبل ما تكمل طلعت صوت للعلكه عالي

الجده ناظرتها بلوم : عيب يا شوق هذا رجلك وما قاطعتها شوق بلامبالاه : انا

فاطمه  قطعت عليها بعصبية : شوق

شوق بقهر « انا تصرخ علي قدام هالزفته وتفشلني قدامه »  نطقت بإصرار: ما علي من احد وانا مو خدامه عند احد..

عنده يد وش طولها ورجل وش طولها

من هنا لسنه يصير طول يده مترين

وانا مو مجبوره اشتغل شغاله كل واحد يخدم نفسه

شريفه بحسن نيه : بس هذا باعتبار انه زوجك

قاطعتها شوق بحده : وانت امه

قاطعها فارس بصرخة : شوق

ناظرته شوق بحقد « ثقب اذني يقول حمار وينهق »

فارس كمل كلامه : جييبي لي كوب مويه وبدون

كلام زائد

طالعته شوق وبشبح ابتسامه : ان شاء الله

وطلعت من الصاله

ابتسم فارس بنصر «جبانه وما تيجي الا بالعين الحمراء »

وناظر فاطمه الي تتكلم بهدوء وهو بداخله مستغرب من يصدق انها هذي الحمامه الوديعه

ابنتها النسره شوق

فاطمة باحراج من تصرفات شوق : طول بالك عليها يا فارس

بعدها ما تأقلمت على الوضع اصبر وعينك الله

ومع الايام رح تعرف حجم اغلاطها

فارس بهدوء : حصل خير يا خالتي

الجده باستغراب : مو كأنها تأخرت شوق ؟!!

روحي يا دانا شوفي شوق بلاه يصيبها شيء

قامت دانا وناظرها فارس وهي طالعه  وبقلبه:«الله يأخذك يا شوق »

بس استغرب لما رجعت دانا : ما في احد بالمطبخ

تنهدت فاطمه وهي فاهمه شوق وحركاتها

وحتى تتأكد طلبت جوال من شريفه

واتصلت على جوالها لانه كان مع شوق

وبعد كم رنه ردت بنفس خايسه : نعم ؟؟

فاطمة من بين اسنانها : نعامه ترفسك

وين ذلفتي ؟؟

شوق بسخريه : ادور على خرطوم مويه علشان

نوصله من الحنفيه لحلق المفشوح الي عندك ويشبع مويه!!

كان صوت السماعه مرتفع

والموجودين يسمعون الكلام

فاطمة انحرجت من كلامها : اذا لقيتي قولي لي

وترى المكالمه مسجله

وقسم بالله الا اخلي ناصر يسمعها

وهو يتصرف معك لانك زودتيها ما تحشمين احد

شوق بلعت ريقها « لا بالله رحت وطي » وحتى ترقع : ترى امزح وضحكت بعباطه

هذا انا جايه!!

وللحظه تذكرت موقف كانوا جالسات البنات مع بعض وبالصدفه سألت خلود مريم اذا كان

جوال امها يسجل المكالمات وقالت  لها مريم لا ....ضحكت  شوق ضحكه شريره ..وبلامبالاة نطقت : عادي قولي لأبوي ..اصلا جوال شوشو ما يسجل مكالمات

والمكالمه الحين احذفها من جوالك

انقهرت فاطمه وبقهر : شوق

شوق برواقه : عيونها

فاطمة بأمر : انزلي بسرعه

والتفتت فاطمه وشافت ناصر دخل ورد السلام

كملت كلامها : والا اقولك هذا ابوك خله يتفاهم معك

واعطت الجوال لناصر : تفاهم معها هالملسونه

ناصر عقد حواجبه مو فاهم السالفه وبهدوء : هلا

شوق بلعت ريقها بتوتر : اهلين

ناصر وهو يجلس جنب الجده : وش فيه امك معصبه ؟؟

شوق بتفكير تقلب السالفه لصالحها وبصوت متعب : صحتني من النوم تبغاني انزل وانا تعبانه

ناصر قاطعها : سلامتك وش يوجعك ؟؟

شوق وهي تكمل التمثيل وزادت العيار : جسمي يوجعني....زلقت رجلي  عند باب الحمام وحسيت جسمي كله متهدد

وامي مو تاركيتني بحالي ابغى اريح جسمي

ناصر بحرص : لا تنزلي وارتاحي ونامي لك ساعه

وان شاء الله رح تصحي وما فيك الا العافيه

قفل الخط وناظر فاطمه : الله يصلحك اتركي البنت بحالها

كان الكل يناظر وفاتحين عيونهم بصدمه من كذبها

وكيف حبكتها خلال ثواني

فاطمة وهي ناويه عليها كم مره نبهت عليها تترك الكذب

وتقول لها اذا صارت دوم تكذب رح تكتب عند الله كذابه

وتحذرها من الاثم بس ما في فائده تنهدت بقهر : ان شاء الله

كان فارس يبغى يكشفها ويلعن خيرها بس سكت لما شاف نظرات جدته وهي تترجاه بعيونها

انه خلاص يمشي السالفه

تنهد والنار بقلبه تزيد وش يطفيها

استأذن وطلع من البيت لانه ما يقدر يمسك نفسه وما يضمن اذا جلس

انه يروح ويدفنها بمكانها

**

**

**

**

**

**

بالليل بعد ما مسحت فيها فاطمه الارض

فركت شوق يدها وهي عافسه ملامحها : اعوذ بالله كأنك كماشه تقرصين

فاطمة خزتها بعيونها : وتستاهلين اكثر

والحين بدلي ملابسك

وانزلي اعمامك والحريم تحت

وقبل ما تكمل امها ركضت خارج الغرفه

بفرح تبغى تقهر خلود

وتغيزها وبدل الجواب رح تلاقي عشره

كانت تركض عن الدرج بدون وعي الاهم توصل للحريم

بس وقفتها يد وصوت ساخر : بشويش

اليوم انزلقت رجلك وجسمك مهدود

طالعته بفوقيه وقبل ما ترد

قاطعها صوت اسفل الدرج حازم : شوق وش هاللبس ؟؟؟

ناظرت نفسها لابسه بروتيل _علاق_ فسفوري

وبنطلون بنفس اللون برمودا وماسك على جسمها «يا فضيحتي واه خجلاه طلعت بدون ما انتبه على لبسي والفضيحه قدام فارس »

وبسرعه 360 انطلقت لغرفتها وضربت جبهتها دوم غبيه وما تفكر

ابوها مشدد عليهم باللبس حتى قدام اخوانها

توجهت للمرايه وهي تحس بالفشيله

اما عند ناصر الي ناظر فاطمه وهي ترقع عنها : تراها طلعت مثل المجنونة لما عرفت انه بنات عمها هنا وما انتبهت على لبسها

هز ناصر راسه : قولي لها مره ثانية تنتبه

وناظر فارس بهدوء : اعمامك هنا يلا انزل

هز فارس راسه ونزل اصلا ما انتبه للبسها

لولا ناصر

توجه خلف ناصر الي  يحس انه للحين متضايق من لبسها

وهو يعرفه متشدد باللبس كمان على مريم ودانا...ما امداه يشوفها ...الموقف صار بسرعه!!

**

**

**

**

**

**

جلست بعد ما سلمت وهي تناظر خلود ودينا ودانا ومريم وكأنهم حشرات

وبدأت السوالف من هنا ومن هنا

وللصدفه ذكروا فارس

وانتبهت شوق على ملامح خلود الي تغيرت

ملامح وجهها

وابتسمت بخبث وحست من معالم وجهها انها

عينها على فارس حطت رجل على رجل وبدلع : برأيكم بنات وين احلى مكان لشهر العسل

سألني فروس وقلت له افكر

اعطوني اقتراحات

اميره ابتسمت وغمزت لها : حركات والله

وابتسمت شوق بنصر وهي تشوف ملامح خلود

المقهوره

وبدون ما احد ينتبه رنت وفصلت على فارس من جوال امها

وصارت تسمع اقتراحات البنات وناظرت خلود : وانت يا خلود وش تقترحين وين اروح شهر العسل

خلود ناظرتها « لجهنم الحمراء جعله شهر بصل » وقبل ما ترد

رن جوال فاطمه ابتسمت شوق وناظرت الجوال : هذا فارس

عن اذنكم

ضغطت على الزر الاحمر وعملت حالها تتكلم بالجوال

وتتدلع وهي اصلا فاصله الخط

خلود شدت على اصابع يدها وهي نفسها تقوم

ومن شعرها تجرها

ورجعت تتكلم مع مريم وبداخلها نار

صحيح انها رجعت واعتذرت لمريم عن كلامها بس للحين مريم حاز بخاطرها الكلام

**

**

**

**

**

**

**

فوزيه تهمس لشريفه : ما لقيتي الا هالشيفه

تزوجيها لولدك

شريفه تنهدت : تراني عرفت بالموضوع مثلكم

يعني لما عرفت كان كل شيء منتهي

وبعدين كل شيء نصيب

وما تدري يمكن تتعدل مع الايام

مع اني كنت حاطه براسي اخطب له خلود او اميره بس كل شيء نصيب

فوزيه « هذا الي قاهرني كنت متأمله يخطب خلود » بس ما بينت قدام شريفه : كل شيء نصيب

ام مهند : كملتم جناح فهد ؟؟

فوزيه : تقريبا قرب يجهز

الجده : على خير ان شاء الله

**

**

**

**

**

نزلت تفطر قبل ما تروح على المدرسه

جلست تفطر وتتدلع على امها

وهمست لامها بغنج علشان امها تطعمها بيدها!!

مسكت فاطمه لقمه وقربتها من فمها

بعدت راسها  شوق وبدلع : لا مامي كبيره اللقمه

ناظرتها فاطمه وهي فاهمه حركاتها وبنفسها « الله يرحم فشاحتك والاكل وهو يطلع من فمك وانت تتكلمين » بس ما تكلمت ورجعت تصغر اللقمه

ناظرت شوق امها بدلع وهي فاهمه نظرات امها

انبط كبد فارس ولاعت كبده ووقف وهو ماسك نفسه بصعوبه

ناصر ناظره باستغراب: وين يا يبه كمل فطورك

فارس «الله يأخذها سدت نفسي عن الفطور »  وبهدوء ظاهري نطق: مشكور يبه بس شبعت

انا بالسياره انتظر البنات

وطلع وهو نفسه يكسرها تكسير حامت كبده من دلعها

وليد طالع شوق وباستغراب : اول مره اكتشف انك دلوعه

وانا افكر انك دوم عربجيه و

قاطعه ناصر بحزم : حنا على الاكل مو تحليل شخصيات

وليد سكت وكمل فطوره

بعد ما كملوا توجهوا للمدرسه

طلعت بالسياره من الخلف بدون كلمه

وبعدها دخلت مريم ودانا

وردوا السلام وحرك وهو ينافخ...وحاول انه ما يناظرها لانه ما رح يمسك نفسه ...خلاص انفجر منها !!

بعد وقت وقف عند باب المدرسه ونزلهم بدون اي كلمه...

دخلت شوق  المدرسه وتوجهت لصديقاتها

تحت انظار خلود الي تناظر شوق ابتسامه خبيثه ما اهتمت لها شوق!!

بالحصه ثانيه تفاجأت شوق بالتفتيش وخاصه

حقيبتها!!

طلعت الآبله الصور من حقيبة شوق وناظرتها وهي رافعه حاجب...وبتحقيق : وش هذي الصور ؟؟

ما انتظرت اجابه من شوق .. نطقت بأمر: الحقيني على الادارة

ناظرتها شوق بصدمه وطلعت خلفها

باتجاه الاداره ..

**

**

**

**

**

خلود جالسه بفصلها ومبسوطه وهي تتخيل شكل شوق

ولما يطلبون ولي امرها

وموقف عمها ناصر

وابتسمت بانتصار

نفسها تكون موجوده على كل الاحداث

وتشمت فيها

**

**

**

**

**

المديره والصور بيدها : وش هالصور هذي ؟/

كم مره نبهنا عليكم ممنوع هذي الصور

ما في حياء ؟؟؟

الحين رح اتصل بولي امرك ونشوف

شوق مطت شفتها بقهر من اسلوبها «خلي عنك انت وخشتك »: والله انا حره بنفسي احط صور الي ابغى وما احد له دخل فيني ودامهم محفوظات بكتابي وهذا شيء من خصوصياتي وما اسمح لكم تتدخلون فيها

المديره رفعت حاجب : والله طالت وشمخت

الحين نتفاهم مع ولي امرك

وقبل ما تتصل ناظرتها شوق وهي تمثل البرود وبكذب : عادي اتصلي برقم ابوي لانه مفصول الخط

انقهرت المديره : اعطيني رقم امك

شوق «هذا انا الي ابغاه » وحتى ما تظهر شيء : وش تبغين بأمي

المديره بحزم : اقول اعطيني الرقم

شوق لوت بوزها بتمثيل خذي ونقلتها الرقم

وبعد المكالمه انتظرت وقت شوق

وتهللت ملامحها وهي تشوف احب انسانه على قلبها

دخلت وهي رافعه خشومها للسماء

وسلمت وجلست وناظرت المديره : طلبتيني وش فيه؟؟

المديره عقدت حواجبها وهي تشوف

كيف مهتمه بنفسها ومع ذلك مبين انها كبيره

بالسن بس طنشت ودخلت بموضوعها : شوفي

وش لقينا معها

ومدت لها الصور

ناظرت ام عمر الصور وبعدها ناظرت شوق : تدري

نسيت اعطيك صوره وهو بالنمسا

منزلها جديد

لو تشوفينها رح تنخبلين

فتحت المديره عيونها باستنكار : الحين جبناك

عون وصرت فرعون

ام عمر بلامبالاة : وش فيها صور فنان معجبه فيه

ومحتفظه فيها

واتوقع هذا شيء من خصوصياتها وما يطلع لكم

تفتشون فيها

المديره  بحده: والله هذي الصور ممنوعه عندنا بالمدرسه

تشابكت ام عمر مع المديره بالكلام

وانقهرت المديره منها

وبحزم : هذا انذار

ومفصوله من المدرسه ثلاث ايام

فزت شوق بفرح : ينصر دينك يا شيخه

يا ليت تخليه كمان اسبوع

ام عمر بابتسامة : خلاص خذي مني اسبوع فصل ههههه

طالعت المديره ام عمر بحنق

وتبغى تحلف ١٠٠ يمين انها سكرانه

والا فيه وحده عاقله تعمل كذا

اخذت حقيبتها شوق وطلعت من المدرسه مع جدتها

وركبت السياره

ام عمر بتساؤل : من وين هذي الصور والله انه خقه

شوق لوت بوزها وفي بالها موال لازم تعرفه

بس لما ترجع عالبيت تفكر برواق

وناظرت جدتها : طيب اذا سألتني امي عن سبب الغياب

ام عمر ضربتها على راسها بخفه : نامي بالفراش

طول هالايام واعملي حالك مريضه

والله افكر ارجعك عندي

قاطعتها شوق وهي تتذكر اخر مره كيف ابوها عصب على امها : لا انسي ابوي ما رح يرضى

ورح يعمل مشكله لامي

ام عمر لوت بوزها : طيب تعالي عندي لوقت الرجعه وانا ارجعك

شوق باعتراض : لا لمحتني خلود وانا طالعه

الحين تقول لمريم ودانا

وتصير سين وجيم

ما ابغى اوجع راسي

وبتذكر صحيح وينه ياسر ولا شفته ولا جاء يتحمد

لي بالسلامه

ام عمر : ما يدري عنك الحين هو مسافر

مع ربعه يقول شغله ضروريه

بس الي فهمت منه يبغى يسأل دكتور شاطر

عن حالتك

قاطعتها شوق : أها

وصلت شوق عند البيت ونزلت بعد ما ودعت جدتها

اول ما دخلت شافت امها وشريفه والجده

قاعدات بالصاله ومندمجات بالكلام

وطالعوها مع بعض باستغراب ...وبصوت واحد : علامك راجعه الحين ؟؟

ناظرتهم شوق وحطت يدها على صدرها : بسم الله اكلتوني بقشوري

فاطمه باستغراب : ليه راجعه الحين ؟؟

ومين رجعك ؟/

شوق حطت يدها على خاصرتها : يوجعني هنا

وطلبت اذن ورجعت مع جدتي

فاطمه رفعت حاجب: وليه ما اتصلتي فيني ارجعك انا

قاطعتها شوق بسخريه : ما حبيت اخرب مؤتمر

الغيبه هذا

الجده رفعت حاجبها ؛ والله ما اغتبنا احد

لا تتبلي علينا

شوق بدون اهتمام : الحين تعبانه ابغى اروح ارتاح

وتركتهم وطلعت

ناظرت فاطمه زولها وهي عارفه انها تتحجج

بالمرض وما فيها الا العافيه

تابعت السوالف بدون اهتمام للموضوع

**

**

**

**

**

**

**

جالس بالسياره ينتظرهم يطلعون من المدرسه

واخيرا شرفوا

عقد حواجبه باستغراب وبعد ما دخلوا ناظر مريم

جنبه : وينها مو فاضي انتظر وأخر نفسي علشان هذي الاشكال

دانا من الخلف : خلاص حرك لانها رجعت

ناظرها بالمرايه : مع مين رجعت ؟؟

دانا : رجعت من الحصه الثانيه مع جدتها ام عمر

فارس عقد حواجبه : وليه رجعت من الصبح

يعني مريضه ؟؟

دانا بلقافه: لا مفصوله من المدرسه

مريم بحده : دانا

فارس بحزم : خلها تكمل وليه فصولها ؟؟

دانا ناظرت مريم وبعدها فارس : يقولون معها صور

ءءءء انا ما لي دخل

فارس بعصبية : كملي اقول صور ؟؟

دانا بتردد : ءء يقولون صور شباب ما ادري

عن شيء

مريم : قصدها صور فنانين وهذي الخرابيط

فارس بعصبية : يعني يقال حضرتك ترقعيها

حرك السياره وهو يتوعد فيها

**

**

**

**

**

**

**

مجتمعينن على الغداء وفارس كل شوي يناظرها

طنشت نظراته

وحطت اللقمه بفمها

وحست اللقمه وقفت بحلقها لما سمعت

فارس يناظرها بتحقيق: ليه المدرسة فصلوك

من المدرسه ؟؟؟

تحولت كل النظرات بين فارس وشوق وباستنكار

ناصر  نطق: اي فصل ؟؟

فارس بسخريه : هذي الاخبار الي وصلتني... المدرسه فصلوها 3 ايام مع انذار

فاطمه طالعت شوق : وليه ما قلتي ؟؟

ناصر والغضب باين على ملامحه : اذا انت يا فاطمه ما تدري... مين راح لها للمدرسه ؟؟؟

وانا ما احد كلمني من المدرسه

فارس بخبث وهو يتشمت فيها اكيد رح يعصب ناصر لما يعرف انها رجعت مع جدتها : مع جدتها ام عمر

ناصر بعصبية من سيره ام عمر : وهذي وش عرفها وكيف وصلت للمدرسة

فارس ناظر شوق الي منزله راسها وملامحها مو باينه

وهي تسمع الهجوم عليها من كل النواحي

رد فارس بسخريه : اكيد حضرتها متصله فيها تيجي

تتكفلها

ناصر تنهد بقهر ..يموت ولا تقترب ام عمر من عياله: طيب وش المشكله ؟؟

فاطمه بقهر تناظر شوق وهي منزله راسها : وليه ما قلتي لي...وانا لما سألتك قلتي مريضه

ليه ما قلتي ؟؟

شوق ما تدري كيف تدافع عن نفسها

ابوها ومعصب قبل ما يعرف السبب

لو يدري ما رح يرحمها وخاصه انه اكره ما عليه

هذي الحركات

حست نفسها محاصره من كل الاتجاهات

ما تدري وش تقول وش تدافع

خلاص السالفة واقعه فيها واقعه

وحتى امها المره هذي ضدها

غمضت عيونها وهي تفكر وتفكر

والي قاهرها وش عرف فارس ؟؟

وزاد حقدها اكيد دانا او مريم هم خبروه!!

ناصر بحزم : شوق ردي علي ليه فصلوك من المدرسه ؟

عبود ببراءه تكلم لانه وهو نازل للغداء سمع مريم ودانا يتكلمون بالسالفه : علشان معها صور شباب

وبلع لسانه لما شاف ملامح ابوه

ناصر والشرار يطلع من عيونه من كلام عبود

ما يسمح لأحد يطعن بوحده من بناته لانه ثقته فيهم جاوزت الحدود ..نطق بحده: انكتم وثمن كلامك

قبل ما تتكلم ثاني مره

وطالع شوق وهو يهدي اعصابه : وش السالفه؟؟

شوق رفعت راسها والدموع بعيونها : انا وش ذنبي

فتشوا بالصف ولقت الابله صور الفنان «.....» بكتبي

انا وش عرفني مين حطهم بكتبي

اشرت على اخواتها وهي تتابع كلامها: وذول  ما صدقوا  يسمعوا خبر ونشروا السالفه انها صور شباب

وطعنوا فيني

وش تبغوني اقول لكم

فاطمه ناظرتها : وليه ما اتصلتي فيني ؟؟/

شوق بقهر ؛ اكيد ما رح توقفي معي

وخاصه انه الصور بحقيبتي

ما لقيت حل الاجدتي لانها الوحيده الي رح تتفهم الموضوع

مو انتم الي تشككون الواحد بنفسه

وتركتهم وهي تبكي وتوجهت لغرفتها

ناصر زفر بضيق وطالع مريم ودانا نظره قويه : وهذي هي اختكم تتكلمون عليها

مريم بتوتر ودفاع والدموع بعيونها : انا ما قلت

قاطعها ناصر : وعبود وش عرفه بالسالفه

وناظر عبود : وش عرفك بالسالفه ؟؟

عبود بتوتر : ءءءء

ناصر بعصبية : تكلم

عبود : بصراحه انا سمعت دانا ومريم يتكلمون

فارس بدفاع عن اخواته وخاصه مريم

حساسه كثير وما لها دخل بالسالفه : يبه اسمع مني

دانا ومريم مثل ما سمعوا من البنات تكلموا

وبعدين سحبت انا منهم الكلام

وعرفت والا المفروض ما تسكت لشوق

المفروض حنا اهلها اول ما نسمع بالسالفه

مو نسمع من الناس الغريبه

والي فهمته من خالتي انها لما رجعت من المدرسه

كتمت على الموضوع ولا خبرت احد

المفروض حنا تخبرنا مو ام عمر

وبغض النظر عن موضوع الصور تراها غلطانه

كيف صور ما تدري من حطهم بحقيبتها ؟؟

الجده تنهدت بضيق: لا تكبروا السالفه

يعني صور فنان مشهور وانت تعرف انه البنات بهذا السن

فارس قاطعها بقهر من ترقيعها  : جده رجاء لا ترقعي والحين اثبت لك انها شوق

قاطعه ناصر بحزم : فارس خلاص انسى السالفه

وسكر على الموضوع

فاطمه بضيق من فارس وكأنه يبغى يثبت انها شوق عاطله ناظرته بقهر : ترى ابنتي وواثقه فيها

واذا الثقه معدومة خلينا على البر احسن لنا

وتركتهم وطلعت

شريفه ناظرت فارس تلومه على كلامه وأسلوبه ..حتى لو كانت غلطانه شوق تبقى ابنتهم!!

ناصر وقف وبحزم : اول مره واخر مره اسمع هذا الكلام هنا

وتركهم وطلع خلف فاطمه

بعد ما طلعوا ضرب فارس الطاوله بقوه : اكذب من هالبنت ما شفت منافقه

ضحكت عليهم بدمعتين وصدقوها

سخيفة

شريفة  بضيق من النكد والمشاكل: وبعدين معك خلاص

فارس طلع وهو مقهور

مريم وهي تمسح دموعها ...ما تتحمل ابوها يتكلم معها بحده ...طلعت لغرفتها بدون ما تتكلم!!

وليد ناظر عبود : تراك ما عندك فهم ولا تثمن كلامك

لو انك رجال كان لما سمعتهم يتكلموا على شوق كذا

المفروض كسرت اسنانهم مو تتكلم ولا الموضوع يخصك

عبود بلامبالاه : محسسني اني اتكلم مع خالد او سامي اوياسر اخوانها

قاطعه وليد بعصبية : مو كأنها اختك يالغبي

دانا لوت بوزها وناظرت وليد : الي يسمعك يقول

سايبه علشان يكسر راسنا تراك ماخذ بنفسك مقلب

وقف وليد ومسكها من شعرها وشده : الحين اراويك

واكسر راسك

دانا وهي تبعده عن شعرها :انقلع

ضربها كف على وجهها وبحده : علشان مره ثانيه لسانك ينقل كل شيء يسمعه

صارت تبكي ويدها على خدها

الجده بقهر : كسر بعدوك ليه تضربها ؟؟

وليد بقهر : والله لو مريم الي انفصلت كان تسترت على الموضوع

دانا بقهر : انا حر وما لك دخل والله ما استر عليها

بشيء

والله اخوانها لو كانوا موجودين ما احتروا عليها

مثلك

ما ادري من وين نازله الحنيه

دفها عنه بقرف وناظر امه : علميها

يمكن ما تدري انها شوق اختي مثل ما هي اختي

واخوان شوق اخوانها

وتركهم وطلع

ودانا خلفه تدعي على شوق

الجده ناظرت شريفه : كيف هالعيال خشبهم

مو متراكب

الله يهديهم

شريفة ناظرت عبود : كله منك ما تعرف تتكلم

وقلدت صوته بتريقه

معاها صور شباب

استغفر الله بس

**

**

**

**

**

**

جلست بعد العصر بالحديقه

تغير جو وهي منهمكه بالتفكير

وما حست الا بالشخص الي يوقف قدامها وما في بينهم مسافه

رفعت نظرها له بملامح جامده

وبادرها وملامحه تبث الكراهيه : اشوفك هنا ؟؟

طالعته من فوق لتحت وما ردت

كمل كلامه : اعطيني اشوف الصور

طالعته وبسخريه : وش تبغى فيهم ؟؟

والا تبغى تقلدهم وتصير حلو مثلهم

وباستهزاء : ما انصحك تحتاج لالف عمليه تجميل

وما رح تطلع بنتيجه

ضحك باستخفاف : لا اموت انا خلي عنك

يا صنوايت

اقول الظاهر انك مضيعه المرايه وزمان ما شفتي وجهك

واممم بصراحه ما انصحك تشوفين وجهك

بلاه تتخرعين

قاطعته وهي تخزه : هذا انت تطالع وجهي ما اشوفك تخرعت

الا ملتصق وين ما اروح تلحقني

وبنبره غرور وتابعت كلامها :والدليل الحين

وحركت حواجبها تغيزه وبدلع سألته :صح

حط يده على قلبه ؛ بالله لا تتدلعين

تراه تحوم كبدي

يا شين السرج على البقر مو لايق ابد

وانصحك روحي شوفي نفسك بالمرايه

حركت وجهها بغرور وما ردت عليه

فارس ناظرها : قلت جيبي الصور وش يضمن لنا انها صور فنان

ابغى اطمئن قلبي

حطت رجل على رجل : طمن بالك وريح اعصابك

ولا يروح فكرك لبعيد

تراها صور اخو صديقتي

ما شاء الله عليه يجن

قاطعها بكف على وجهها

ناظرته بصدمه وهي فاتحه عيونها : انا تضربني

فارس بعصبية ؛ واكسر راسك

وقسم بالله لو ما تتسنعين الا اعرف اسنعك

بطريقتي

واقترب منها فاهمه

دفعته بكل قوتها عنها

اختل توازنه ووقع بسبب درجتين خلفه

ناظرته وهو واقع على الارض.. ونطقت  بكره وحقد : جعلك للكسر ان شاء الله

وتركته وراحت للداخل ولا كأنها عملت شيء

رفع نفسه بصعوبه ورفع بنطاله وشاف رجله

كيف انجلط الجلد مكان الضربه وبصوت هامس وهو عافس ملامحه بألم : الله يأخذها

هالحيوانه

اخخخخ الله ستر والا كان انكسرت رجلي

مشى وهو يغز على رجله بالخفيف

وهو يتوعد فيها الا يدفعها ثمن هالحركه

**

**

**

**

**

**

**

بالليل ملت وهي متحصنه بالغرفه

خايفه تنزل وتصير علوم

بس وضع البيت هادئ هذا طمئنها انه فارس ما صار شيء فيه

مو خوف عليه والا هو بالحريقه بالنسبة لها

بس خافت من المسؤوليه الي رح توصلها

قررت تطلع من الغرفه وتنزل تحت ما رح

يقدر يعمل لها شيء

قدام الموجودين

فتحت باب الغرفه وصرخت بصوت عالي

لما شافته قدامها : ياسر يا دب

وحضنته بقوه

ضحك على هبلها وابعدها عنه : متى تكبرين ؟؟؟

ابتسمت له اجمل ابتسامه وزادها الغماز جمال : تعال نجلس بالغرفه

هز حواجبه بالرفض : ادخلي والبسي عازمك على العشاء

بمناسبه رجوع لسانك الطويل ههههه

خزته بعيونها : الحين ازعل واهون عن الروحه

ياسر ببرود وعارف حركات اخته : بكيفك

يلا باي

ولما شافته معطيها ظهره ورايح وبسرعه تقدمت

ومسكته من كتفه : انتظر انت صدقت

وسرعان ما فركت يدها مكان الضربه وتكلمت وهي ماده بوزها بحركه طفوليه : شرير

ياسر ضحك على شكلها : كم مره قلت لك ما احب احد يلمس كتفي المفروض حفظتي الدرس

شوق بحنق : خلاص انت افهم الدرس انه انا

قاطعها بدون اهتمام : خلصيني تبغين تروحين ؟؟

هزت راسها بعباطه وابتسمت : ثواني واكون عندك

ومثل الطياره لبست بسرعه وطلعت له

فتح عيونه وابتسم : ما شاء الله سرعه اتقان

والنتيجة بهذله وشرشحه

وش هذا صحيح قلت لك استعجلي بس مو معناته تطلعين معي بالشكل هذا

وتفشليني

افرضي واحد من الربع كان هناك وشافك معي

تبغين يقول عني ياسر الستايل

قاطعته وهي عافسه ملامحها : وش فيه لبسي ؟؟

ياسر تقدم منها : كم مره قلت لك رتبي نفسك قبل ما تطلعين

شوفي النقاب كيف نازل من هنا وطالع من هنا

والشاله ما ادري كيف والعبايه مو

قاطعته بتأفف : هو انا طالعه لعرض ازياء

ياسر وهو يعدل نقابها : والله برستيجي ما يسمح لي اطلع مع وحده الي يشوفها يقول متسوله وعندها درزن عيال

طالعته وخزته بعيونها « ابغى اضربه كف علشان يعدل كلامه بس اخاف يلغي الطلعه »..وبتسليك: يا حبك للمبالغه حرام عليك

كل هالزين وتقول متسوله

طالعها وهو يعدل لها الشاله : وش دخل الزين بالتسول

ترى لا يغرك اعرف متسوله تطير الطير من السماء

انا اتكلم عن لبسك كيف مبهذل

ابعدته عنها : يا خوفي تطلع متزوج متسوله

وهي تصرف عليك

انتظر الحين وارجع لك يا ابو البرستيج واحقق معك

ياسر وهو يرتكي على الجدار

: هذا انا انتظر وش وراي

بعد وقت طلعت وهي تسبل بعيونها : كيف الحين ؟؟

ياسر ابتسم وهو يشوفها معدله نفسها ولابسه النقاب ومرتبيته وعبايه جديده تجنن عليها :معقول انت المتسوله نفسها الي كنت واقفه معها قبل شوي هنا

خزته بعيونها : الحين ارجع للشكل الاول

مسك يدها بسرعه وسحبها لتحت : ما صدقت

انك تكشخين يلا قدامي اشوف

نزلوا تحت وكانت الجده وشريفه والبنات جالسات

ناظرهم ياسر وبمرح : هاي

الجده : وعليكم السلام

وين رايحين ؟؟

ياسر بابتسامة : طالع مع هالقمر واشر على شوق

عازمها على العشاء

واشر لهم بيده : باي

وطلعوا للخارج وهم متوجهين للسياره

صادفهم فهد

وقف ياسر يسلم على فهد

اما شوق ناظرته باحتقار وتوجهت للسيارة تنتظر

ياسر

*

*

*

*

*

*

شريفه ناظرت الجده : يا خوفي يعمل فارس

لنا مشكلة

الجده بهدوء : اكيد استأذن ياسر من فارس

شريفه  هزت رأسها: ان شاء الله

مو ناقصنا مشاكل

كنت ابغى اقول لها فارس يدري بس خفت الحين تهب بوجهي

وانت تعرفينها كلامي ثقيل عليها

قاطعتهم الشغاله تخبر مريم انه فهد بالمجلس

شريفه ناظرتها : روحي الحين جاي انا وجدتك

هزت راسها مريم وتوجهت للمجلس

سلمت وجلست وهي مستغربه

سرحان فهد بس ما سألته

طالعها فهد وهو مستغرب وبتساؤل : شوق الي طالعه مع ياسر

مريم باستغراب لسؤاله: ايه وبتردد ليه ؟؟

فهد  يصرف الموضوع: ها لا بس استغربت اذا فارس عنده علم او لا

هزت راسها وما علقت على الموضوع

قاطعهم دخول فارس : هلا والله بالنسيب

فهد سلم عليه : تسلم

متى جيت ؟؟

فارس ابتسم : الحين

وجيت اخرب عليكم الجلسه ههههه

فهد بتوعد : صدقني الا اخلي وليد او خالد

يخرب عليك بقعدتك مع خطيبتك

فارس ضحك من قلبه على فهد وبعدها ناظره : صدق انك غبي

ومين قال لك اني ابغى اجلس معها والا اشوف

خشتها

طالعته مريم بضيق من كلامه «اذا مو طايقها لذي الدرجه

خلاص يطلقها وكل واحد بطريقه حرام يظلمها » بس سكتت وما علقت على الموضوع

فارس باستغراب : ياسر كان هنا ؟؟

شفت سياره طالعه من البيت وانا قريب من البيت

فهد هز راسه : ايه كان هنا وطلع

ابتسم فارس ووقف : اخليكم

خمس دقائق وراجع اقعد على قلوبكم

ابتسمت مريم بحياء

اما فهد : عادي حياك الله

قرص عيونه فارس: الحين ارجع واجلس

فهد بسرعه تكلم : الله معك وينور طريقك

امزح معك

عندكم الواحد ما يجلس مع خطيبته كل شوي يطلع واحد بوجهك

اعوذ بالله

فارس ضحك بخبث : تعرف لازم نتفقد الأوضاع

فهد لوى بوزه :روح اجلس مع جدتي تبغاك

قاطعته وهي تقول : تكذب علي وانا بعدني عايشه

وجلست قام فهد سلم عليها تكلمت وهي تناظره : ما قلت ابغى اسلم على جدتك

قلت انا اجي واسلم عليك

ضحك فارس عليه وكلمه وهو يلعب بحواجبه : دام جدتي هنا وهذي جلسه هههههه

فهد طالعه وهو يتوعد بعيونه

بس فارس طنش وهو يسولف مع جدته

وفهد حاط يده تحت خده« نفسي اجلس معها بروحنا بدون مراقبين اعوذ بالله تقول وكأنهم نظام شفتات واحد يسلم واحد يجلس مكانه لكن الشكوى لله...ما في احد يفهم قد ياسر... صادق يوم قال لي

اعزمها على العشاء واجلس براحتك معها مو هنا

مسنتر وجهك كل شوي واحد طالع بوجهك

اخخخ لو يرضى عمي قهرني يوم طلبت منه

ورفض.. والي يقهر إنه  عمي  وافق لفارس يطلع مع شوق!!

ليه هو احسن مننا!!

الله يصلحه عمي!!

طلعت حرتي بمريم وانا اناظرها والزعل باين بعيوني

بس رحمتها مو بيدها شيء »

جلس فهد شوي وبعدها استأذن

ولما جاء يطلع فارس والابتسامه شاقه الحلق : خليك يا رجال

فهد بقهر وصوت هامس : اشبع بجدتك

ما تنلام شوق لما قالت عنك غثيث ودمك ثقيل

ضحك فارس على ملامح فهد الزعلان ومسك يده : ههههه لا ما هقيتها منك

دفعه فهد عنه بخفه وتركه وطلع وهو مقهور من فارس

مو اكتفى بس بنفسه لا احضر العائله الكريمه

فوق راسه

**

**

**

**

**

**

**

**

بالمطعم جالسين ويضحكون ومبسوطين عالاخير ويخططون ياسر بابتسامة : خلاص باكر افتح مع ابوي الموضوع

شوق باستبعاد : ما رح يرضى ابوي يزوجك على الاقل رح يقول لك اشتغل بالاول

ياسر لوى بوزه : يا هالشغل الي طالعين فيه

وبعدين يقدر يقول للجماعه اني اشتغل معه بالشركه

وانتهت السالفة

ناظرته شوق وهي تقرص عيونها : تبغى ابوي يقول كذا

هههههه احلامك كبيره

ولنفرض انه وافق

مين العروس ؟؟

ياسر بابتسامة : معقول ما عرفتيها للحين ؟؟

شوق عقدت حواجبها : لا والله ما اعرفها

ياسر وهو يضحك : ولا انا اعرفها ههههههه

شوق خزته: يا سخافتك وانا الي فكرت عندك سالفه

ياسر رجع صوته للجديه : اختاريها انت ولازم تكون من صديقاتك علشان لما اخذك عندي تعيشين

ما تقعد تقول لي اختك واختك

غمضت شوق عيونها بحالميه : ياه لو يقبل ابوي وانتقل اعيش معك

ونفل ابوها

بس سرعان ما عفست ملامحها بألم وناظرت

ياسر بعبوس: ليه تضرب ؟؟

ياسر وهويكتم ضحكته : علشان اصحيك من احلام اليقظه

شوق رجعت تدعي : يا رب يا رب يرضى ابوي

ياسر اسند ظهره على الكرسي : وحتى لو وافق

حكومه الماما رح توقف بوجهنا

شوق بلامبالاه : لا تخاف بنسلط عليها وزيرة الدفاع جدتي ام عمر وغمزت له

ياسر ناظرها بابتسامة : والله جبتيها

بس يبقى مشكله

من وين نجيب فلوس نصرف

كانت تناظره وهي تفكر

وقبل ما تتكلم سبقها ياسر : خلاص ازوجك واحد غني غني معاه فلوس كثير

وتضحكين عليه ونأخذ الفلوس

ونهرب

صح؟!

حس بالمويه البارده على وجهه : احححح

شوق حطت رجل على رجل بعد ما اسندت ظهرها

على الكرسي : تبغى تأخذني وتستغلني يا طماع

وبعدين وين اروح بالعله الي على قلبي

ياسر لوى بوزه : لا تخافين رح يطلقك فارس غصب عنه

شوق لوت بوزها بقهر : متى لما يصير عندي درزن عيال

ياسر ناظرها وهو يقرص بعيونه : اشوف الاخت ناويه

قاطعته شوق والكأس بيدها : الحين تشوفه براسك

ياسر حط يده على فمه : خلاص سكتنا

شوق زفرت بضيق : شوف لي حل تراني ما اطيق هالانسان

حسبي الله عليك يا نواف ورطتني مع هالنشبه

ياسر بقهر لما تذكر نواف : والله انه حقير

قال يرقع ويقول عمل كذا لانه متأكد انك رح تطلعين الشيب براس فارس

قاطعته شوق بعصبية : والله

هدم مستقبلي فعلا انه سخيف ووقح

لا وللحين جدتي تدافع عنه

وانه يبغى يخطبني

قاطعها ياسر بغيض : لا تردي كذاب لانه

سكت

اقول لك خلاص انسي الموضوع

وفارس رح نلاقي حل وما تدري يمكن

تتقبلوا بعض

شوق فولت من كلامه : انكتم تراك غثيتني بسيرته

هز ياسر راسه وابتسم بعد ما غمز لها : ما بعد العداوه الا المحبه

تأففت شوق ومجرد الفكره مو داخله عقلها

وضحك ياسر عليها : خلاص سكتنا

وهاتي سالفه ثانيه

وبتذكر وش سالفه الصور

قالت جدتي لي وانا طالع بس ما فهمت منها

شوق لوت بوزها : والله ما ادري مين حط الصور بحقيبتي

وبلغ عني

ياسر رفع حاجب : طيب ليه ما قلتي للمديره انها مو لك

شوق بعدم اهتمام : لانها ما رح تصدقني

فحبيت اقهرها واعمل العكس هههههه

ياسر ابتسم وهو يطالعها : يالقويه

شوق بابتسامة : اعجبك

بس تدري لو اعرف البنت الي حطتهم الا اروح اشكرها

عجبوني الصور كثير

ياسر بلهفه : اعطيني اشوفهم ترى جدتي متهبله

على الصور ما تقول الا يجنن ويجنن

ههههههه

وقالت لي اجيب من عندك كم صوره لها هههههه

شوق ضحكت على جدتها : لا تعطيها اخاف

تروح تتزوج مسيار ههههه

ياسر زم شفته بابتسامة: ما استبعد عنها شيء

الله لو تسمعنا الحين كان رحنا وطي ههههه

**

**

**

**

من لما عرف انها طالعه مع ياسر وهو يغلي

لانه عارف انها تتعمد تعانده

ناظر ناصر وهو ساكت ...وبداخله رضا لانه شيش

ابوه ناصر عليها

ورح يطلع حرته فيها ..وما عليه الحين الا يبتسم ويطالعها بشماته

والي يقهر الزفته ياسر مقفل جواله

حتى امها ما طلبت منها اذن ولا كلفت نفسها تعطيها

خبر ...تظن نفسها بوكاله بدون بواب ...لكن هو لها بالمرصاد ..شحن ابوه ناصر عليها ...

والحين بس ينتظر رجوعها ..حتى يناظر ويتشمت فيها ...

وقف على حيله لما شافها داخله ومعها

ياسر !!

وقف ناصر قدامه وباينه العصبيه بملامحه  وهو يكلم ياسر: كم الساعه يا سيد ياسر

ياسر بكل عباطه ناظر ساعته :11.30

ناصر بعصبية : انت تستعبط؟! والا غبي ؟! ليه متأخر

ياسر رفع حاجب  من هجوم ابوه عليه كالعاده ..ومع ذلك رد بهدوء: والله مو متأخرين

قاطعه ناصر  بغضب: انكتم ما ابغى اسمع صوتك!!

وناظر شوق بعصبية : مو قلت لك اذا بغيت تطلعين تستأذني فارس

ومع ذلك رميتي كلامي بعرض الحائط وطلعتي!!

كان فارس يناظر وهو مبسوط ايوه كذا ويتمنى تحصل كم طراق حتى يستمتع أكثر!!

بس ياسر بالمرصاد ما رح يسمح لذي المهزله .. نطق  بقوة: اسمح لي يبه ...فارس ما له كلمه عليها

ناصر عقد حواجبه  باستنكار: نعم ؟!!

ياسر بحزم،: ايه ما له دخل فيها هي مجرد خطيبه

ومتى ما عمل زواج واخذها لبيته

وقتها لازم تطيعه وتستأذن منه بكل طلعه

لكن الحين لاااا

لانها في بيت ابوها وان بغت تطلع تستأذن من ابوها او اخوانها

وفارس ما له علاقه فيها ابد

وحتى يا ليت الكلام يكون محدود وما يطيحون الميانه

لانها خطيبه والشيطان شاطر

ناصر طالع ياسر وهو ساكت ويحس كلامه

مضبوط ١٠٠٪ كان غافل عن ذي النقطه !!

فارس انقهر منه  ومن تدخله وخاصه وهو يشوف ملامح ناصر تغيرت ولانت ..نطق بقهر: انا زوجها غصب عنك

ياسر رفع حاجب مستفز  : طيب انت زوجها اوكي ما اختلفنا!!

ابغى أسألك ... الحين مريم خاطبه مثل شوق

يا ترى كل مشوار تستأذن مريم من فهد قبل ما  تروح او لا

ليه ما يطلع فهد مع مريم لوحدهم

دامه زوجها

ليه بالمجلس ما يجلسون لوحدهم كل شوي واحد

يطلع بوجهه

لو طلعت مريم مع وليد او معك يا فارس

واعترض فهد على طلوعها

وش رح يكون موقفك

وكمل وما انتظر اجابه : رح تقول ما له دخل فيها

متى ما راحت على بيته يتدخل فيها

اما الحين هي بحكم الخطيبه والشور لابوها

واخوانها

وانت يا فارس مجرد ابن عم لشوق وخطيب

وما لك كلمه عليها

ورجاء كلام زائد معها مرفوض وحتى الاحتكاك

والخلوه مرفوضه

ومتى ما تزوجتها هي حلالك طلعها دخلها

على كيفك

اما الحين ولا كلمه لك عليها

واعطاه نظره قويه

طالعه فارس والشرار يطلع من عيونه «الخكري صار له لسان ويتكلم » حرك شفايفه يرد ويبرد حرته فيه وبأخته

بس قاطعه ناصر بعد ما تنهد وطالع شوق : مره ثانية تبغين تطلعين مع اخوانك اعطيني خبر واستأذني مني او اعطي امك خبر

وانت يا ياسر لا تتأخر معها بالطلعه اكثر من الساعه 11 لازم تكون بالبيت

وطالع فارس : بعد الزواج صدقني ما رح تطلع عن

شورك

واشر للكل يجلس بمكانه

جلسوا بالصاله وفارس النار شابه

بحلقه وهو يشوف نظره الانتصار بعيونها

شرب مويه لعل وعسى تطفي النار الي بداخله...ما يدري من وين طلع لياسر لسان وصار يتكلم!!

ناصر ناظر ياسر بتساؤل : ومتى ناوي تشتغل يا ياسر ؟؟

ناظرته شوق وابتسمت « اتاك الموت يا تارك الصلاه »

ياسر ناظر ابوه : امممم بصراحه يبه انا نويت

ناصر تهلل وجهه مو مصدق : خلاص نويت ان شاء الله تشتغل

ياسر ابتسم وناظر شوق ورجع ناظر ابوه : قصدي اني نويت اتزوج واكمل نص ديني

ناصر عفس ملامحه ؛ نعم ؟!!

فارس وجاء الدور عنده يبرد حرته فيه : كمل نص دينك الاول بعدين كمل نص دينك الثاني

ياسر اعطاه نظره «وش دخل ام امك فيني »..وبجفاء نطق : رجاء لو سمحت انا اكلم ابوي يا فارس

وناظر ابوه مطنش كلام فارس :وش قلت يبه ؟؟

ناصر ناظره باستخفاف : ومين الي ترضى تتزوج واحد عطال بطال ؟؟

ياسر ابتسم : لا تخاف يبه موجوده واكيد رح توافق

عقد ناصر حواجبه : مين ؟؟

ياسر بفرح لانه ابوه اخذ واعطى معه بالكلام : ريتاج بنت خالتي

فاطمه باستنكار : انت مجنون عقلك فيه شيء

ياسر طالعها : علامك عصبتي كذا

فاطمه بعصبية : تراك انهبلت وما في عندك مخ

وقسم بالله اشك انك شارب

ناصر طالعه باحتقار : ظنيت عندك سالفه

وصار عندي امل انك صرت تفهم او تبغى تصير مثل الناس والعالم

بس حسافه

فارس باستغراب من الهجوم الي على ياسر : وش فيها البنت ؟؟!!

ناصر بعصبية : يبغى يخطب وحده متزوجه

ياسر طالعهم وبداخله غصه منهم ...نطق بقهر : طول عمركم متسرعين وما تتركوا الواحد يكمل

كلامه....وتحكمون كذا بالهواء ...

وبنبره قهر طالعه من أعماقه  نطق:ترى  ريتاج ابنة خالتي....خبرتني عن بنت عمها علشان اخطبها

وناظر امه بغبن : لا تخافي مو شارب  شيء وعقلي

الحمد لله سليم وما انخبلت للحين...بس حسافه على نفسي الي ظنيت إني بيوم

سكت يحس الكلام طار من قهره ...رمقهم بنظره حسافه وطلع!!

تنهد ناصر بارتياح بعد خروجه  : للحظه ظنيت إنه ضيع عقله او سكران

الجده بلوم  وعتب : الله يهديكم الاثنين هبيتوا فيه وما خليتوه يكمل السالفه

ناصر ابتسم على الموقف : الله يهديه اقول له من تبغى تخطب

يقول ريتاج

ما بين او قال عن طريق ريتاج

فاطمه تنهدت بارتياح وطالعت ناصر وابتسمت على تسرعهم

ومسكت الجوال تكلم ياسر بلاه يصير فيه شيء بالطريق وهو مسرع

ناظرها ناصر وهي تتصل عليه : قولي له اذا يبغى يخطب البنت ييجي من الصبح ويداوم بالشركه

وبعد اسبوع اخطب له

اتصلت فيه وبعدها نزلت الجوال عن اذنها : جواله مغلق

شوق بخوف على ياسر : اتصلي بجدتي

اذا وصل يخبرنا

فاطمه هزت راسها وقامت تتصل بأمها

وقفت  شوق بسرعة حتى تلحق امها....

التقت عينها بعين فارس.... اعطاها نظره سخريه واستصغار.. وبنفسه «خفي علينا يالحنونه » طنشت نظراته شوق وطلعت خلف امها!!

**

**

**

**

**

بعد ما ارتاحت انه ياسر بالبيت توجهت لغرفتها

ترتاح وتنام

وبداخلها سعاده وحب يزيد كل يوم لياسر

الي وقف فارس عند حده

وما يتدخل فيها

لانها ما تتحمل فكره كلما بغت تطلع تستأذن منه وزادت فرحتها لما شافت القهر

بملامح فارس ..تمنت لو صورته علشان كلما ضاق صدرها تناظره وتضحك!!

زفرت براحه وأخيراً احد برد حرتها فيه ...رافع خشومه على قلة سنع وبكل شيء يبغى يتدخل ويفرض رأيه...بس لزوم تلقى حل للطلاق ..باكر إن وقع الفأس بالرأس وش يخلصها منه .. والكل رح يكون ضدها ويجبرها تسمع كلامه!!

وهذا الشيء مستحيل تقبل فيه ...وفارس يكون ولي امرها!!

**

**

**

**

**

في اليوم الثاني

بما انها مفصوله من المدرسه

صحيت الصبح متأخره وتناظر حولها

وهي مفتحه عين ومسكره عين

ازعجتها الشغاله كل شوي فوق رأسها...

قامت عن السرير بتكاسل

وقررت تنزل تحت

بعد ما غسلت وبدلت ملابسها

نزلت بهدوء واثار النوم بعيونها

شافت امها وشريفه وجدتها كالعاده

جالسات ومندمجات بالكلام...

قطعت اندماجهم بصوت ناعس : صباحوووووووو

فاطمه طالعتها : صباح النور

تفطرين ؟؟

شريفه بحسن نيه : اي فطور الحين قريب الظهر

واذا افطرت ما رح تتغدى

قاطعتها وهي ترد من رؤوس خشومها : كيفي والله

وجلست جنب امها وهي تفرك عيونها

نعسانه بقوه

الجده وهي تطالعها : نايمه لهذا الوقت وبعدك نعسانه

شوق وهي تغمض عيونها وترتكي على يد الكنبه : احس صار لي سنه ما نمت

خلاص كملوا حشكم وكأني مو موجوده

طالعوها وهي نايمه ولسان حالهم يقول «لله في خلقه شؤون »

بعد وقت راحت فاطمه وشريفه والجده

يتجهزوا للصلاه

وبعدها للمطبخ وشوق نايمه بالصاله..ما تدري عن شيء حولها!!

##

##

##

فارس

دخلت البيت وكان يعمه السكون اول ما دخلت الصاله

ناظرت بأنحاء الصاله وبعدها استقر نظري

على شوكه فوق الكنبه

عفست ملامحي باشمئزاز ولو يطلع بيدي ارميها

لأقرب زباله

تمالكت نفسي واقتربت من الكنبه

وناظرتها وهي حاطه يدها تحت خدها

وفاتحه فمها على الخفيف وشعرها نازل بإهمال....حلوة بس بشعه بنفس الوقت ...وش الفائدة يكون الشخص جميل من الخارج ..واخلاقه بشعه !!

هزيتها على الخفيف : شوكه يا شوكه

حركت راسها على الخفيف بانزعاج : هممممم

فارس رجع هزها : شوكه

وما معها خبر

شاف كأس المويه على الطاوله ولمعت براسه هالفكره

وتوجه يتناول الكاس اخذه والتف لجهة شوق

وسرعان ما شهق وهو يشوف المويه

على ملابسه

طالعته شوق وابتسمت بخبث :  انقلب السحر على الساحر ...اكيد بردان وانت جاي من هالحر

قلت ابرد عليك

طالعها والشرار يطلع من عيونه : يعني لما صحيتك كنت سامعه

وليه ما قمت ؟؟!!

هزت كتوفها : كنت نايمه وصحيت على صوت نشاز

وقلدت صوته

شوكه شوكه

وطالعته بتحقيق وهي تقرص عيونها : ليه تناديني شوكه ؟؟

فارس طالعها بكره : لانك شوكه بالحلق

واشر على حلقه

وحركتك هذي رح الحين اقول لابوي عنها

انا تكبين المويه علي ؟؟

شوق رفعت حاجب  بدفاع: انت كنت تبعى تكب علي بالاول

وانا شفت الكأس خلفك وقريب مني

فقلت اتغدى فيك قبل ما تتعشى فيني

طالعها بعصبية : والله ؟؟!!

وبتوعد الحين ابوي ييجي وخله يشوف حل معك

لاني ما استحمل ثقل دمك

قررت تهرب من الصاله ...وتراجعت للخلف خطوتين

قبل ما ييجي ابوها

بس فارس فهم حركتها ومسكها وكتفها وبفحيح : لا تفكري اني غبي اتركك الحين رح اقول لابوي لما يوصل..حتى يكتشفك على حقيقتك!!

حاولت تفلت نفسها وتفاجأت لما ناظرت جهة الجدار

وبنفس الوقت دخل ناصر وبسرعه صرخت : اتركني

اتركني والله لاعلم ابوي عليك تحسب الدنيا سايبه عندك وبدأت ترافس وتصرخ

فارس ناظرها وبهتت ملامحه بعد ما التفت وشاف

ناصر ...وسمع كلامها وحركاتها

ارخى يدينه وتركها

ناصر اقترب منهم و باستغراب : وش فيه ؟؟

فارس حرك شفايفه يشكي عنها

بس سرعان ما قاطعته شوق وهي تبكي : لمتى انا اتحمله ؟؟

لمتى يضربني وانا اسكت له ؟؟

وكأني ما لي اهل يدافعون عني

وحطت يدها على خدها ومسحت مكانه وهي تبكي

فارس فتح عيونه بصدمه : انا

شوق اشرت على خدها : تبغى تنكر

ناصر شاف خدها احمر ومعلم مكان اصابع خفيف

طالع فارس بضيق من تصرفه : ليه تضربها ؟

شوق وهي تمسح دموعها : لاني بالغلط تعثرت

وانسكبت المويه عليه

هذا ذنبي الي اقترفته

خلاص طلقني منه انا مو مستعده اعيش حياتي كلها طق وطق وشتم!!

اذا هذي اولها ينعاف تاليها

وتراها مو اول مره يطقني

بعد ما ملكنا ضربني بالحديقه وسكتت

بس لمتى اسكت

خلاص لهنا وكافي ما عندي صبر اكثر

ختمت كلامها وبدأت تمسح دموعها بيدها!!

ناظرها فارس بقهر مو قادر يدافع عن نفسه

لو يحلف يمين لناصر انه ما ضربها

ما رح يصدق وخاصه مع الاثار الي بوجهها

وشافه وهو ماسكها وهي تحاول تفلت منه

زفر بضيق وما عنده اي كلمه

وبداخله يردد ان كيدكن عظيم

ناظر ناصر وتمنى الارض تنشق وتبلعه

وهو يشوف نظرات اللوم والعتب والزعل بعيونه

اقترب من عمه وباس راسه : انا اسف يا يبه

بس

سكت وعيونه كلها قهر من شوق

بس التفت للخلف وهو يشوف شريفه

واقفه قريب منهم : ناصر لا تستعجل وتحكم اذا ما سمعت من الطرفين

ترى شوق كانت نايمه بالصاله والاحمرار الي بوجهها مكان يدها الي كانت نايمه عليها

وطبع مكان اصابعها عليه

لا تفكر اني ادافع عن ولدي

بس انا مع الحق

شفت فارس وهو داخل الصاله

وكانت شوق نايمه اقترب منها يصحيها وهزها علشان تصحى

بس ما صحيت

تركها وقام وتوجه يجلس للكنب شاف كأس المويه وأخذه

والتفت يشوفها صحيت او لا

بس تفاجئ بالمويه الي كبتها شوق عليه

تضايق من هذا الموقف

وقال لها انه لما تيجي رح يقول لك عن شوق

وتشوف حل معها

وكانت تبغى تهرب مسكها

لانه عارف انك على وصول وعلشان تحكم بينهم

بس تفاجئ مثل ما تفاجأت انا... بالسيناريو

الي الفته شوق

لانه والله الي رفع سبع سموات ما ضربها ولا مد يده عليها

قاطعتها شوق بقهر من وين طلعت لها : لا تحلفي

تراه طقني من قبل بالحديقه

شريفه  بقهر من كذبها: بس انا اقول الي شفته ولا ارضى انه ابني ينظلم وابقى ساكته

شوق وناسيه وجود ابوها وبانفعال : انت وحده كذابه

قطعت كلامها لما  استقرت كف ناصر على خدها ..وهو ينطق بحده : ولا كلمه

ما عندك احترام للناس الي اكبر منك

فارس تنهد بارتياح : والله يبه انه الي قالته امي هو الي صار....ما ضربتها وانا تفاجأت بحركتها

نزلت  شوق يدها عن خدها وتحركت تبغى تروح لغرفتها

بس وقفها ناصر لما مسك يدها بعصبية : وقسم بالله لو تكررين هذي الحركه ...ما يصير طيب

شوق انقهرت من ابوها  كيف على طول صدقهم وكذبها ..وبلحظة انفعال نسيت نفسها  من القهر كيف يضربها قدام اعدائها...نطقت بقوة وهي تكلم أبوها  : الحين صدقتهم وكذبتني انا ؟!!

خلاص لاعبه بعقلك هالشوشو

الله لا يوفقها

الله

قاطعها ناصر بصرخه  وهو يمسك يدها بقوة: شوق

نزلت راسها وهي تمسح دموعها بضعف...الي قاهرها لو ضربها بغرفتها اهون عليها ..ما لقى الا فارس وامه يضربها قدامهم!!

فاطمه كانت واقفه وتناظر الموقف وتحس بقلبها

خناجر...مهما غلط ابنك ما تحب احد يهينه او يضربه ...

توجهت  لهم وفكت يد شوق من ناصر بملامح جامده...طالعت شريفه ونطقت بقهر : الحين صار الحق على شوق ؟؟

ناظرت ناصر بانفعال : انا شفت فارس بعيونب لما ضربها بالحديقه ومع ذلك سكتت

قلت ما أبغى تكبر المشكله!!

بس بما انك قاعده تدافعين عن ولدك

وانا رح ادافع عن ابنتي الوحيده

وما رح اسمح لاحد يهينها او يمد يده عليها

ناصر ناظر فاطمه بضيق من المشاكل: خلاص

فاطمه بانفعال : لا ما خلصنا

لها ساعه تتكلم وتدافع عن ولدها وما قلت لها اسكتي

وطالعت فارس بوعيد : وقسم بالله لو تمد يدك عليها

ما يحصل لك طيب

واذا ما تبغى شوق من الحين طلقها

اذا هذي اولها ينعاف تاليها

تراها غاليه عندي وما جبتها من الشارع

علشان تطقها بالطالعه والنازله

وتفرد عضلاتك عليها!!

ناصر زفر بضيق وبهدوء : فاطمه

طالعته بقهر بدون ما تتكلم  ...بعدها سحبت يد شوق وتوجهت فيها لفوق

تنهد ناصر بتعب وناظر امه الي واقفه تناظر المشهد بصمت : يمه انت كنت موجوده ؟؟

تقدمت الجده منهم وجلست على الكنبه ..وبهدوء نطقت: والله يا ولدي

انا بالمطبخ وما ادري عن شيء

فارس ناظر ابوه ناصر وبداخله بركان «يسأل جدتي يعني مو مصدقنا....الله يأخذها كله بسببها طول عمره ابوي ناصر اذا انا قلت شيء خلاص كلامي هو المصدق...اما الحين....اخخخخ يالقهر إن كيدكن عظيم ...بحياتي ما شفت

مثلها بسرعه قلبت الموضوع لصالحها

بس ربي يسر امي تكون شاهده معي!!

حتى قلبت امها علي

حسبي الله عليها

ناظرت ابوي ناصر وهو يسأل جدتي »

ناصر  يسأل أمه : شوق وين كانت نايمه ؟؟

الجده ما تبغى تتدخل وتزيد المشاكل : كانت نايمه هنا

واشرت على الكنبه

ناصر وكأنه بتحقيق : وكانت يدها تحت خدها ؟؟

الجده بتردد

فارس طالعها وهو مخنوق :بالله يا جده قولي الحق

والله لما دخلت كانت يدها تحت خدها ولما قامت خدها احمر مكان يدها والله العظيم

الجده هزت راسها : ايه كانت يدها تحت خدها

طالعهم ناصر وزفر بضيق : يصير خير

وتركهم وتوجه للطابق الثاني

الجده زفرت بضيق من المشاكل الي ما تخلص: الله يهديكم ناقر ونقير

وطالعت شريفه : لو ما تكلمت احسن بلاه تزيد المشكله

فارس وحاس ببركان بداخله : والله امي ما قالت الا الي صار

شريفه بدفاع : والله ما اسكت وانا اشوف ابني مظلوم

لانها هالشوق زادتها وحنا ساكتين لها يعني لمتى ؟؟

وفاطمه عارفه ابنتها وقاعده ترقع لها

فارس هز راسه بتوعد : والله لاخليها تندم

ورح تشوف

**

**

**

**

**

**

فاطمه حاضنه شوق وتمسح على شعرها بهدوء وتكلم نفسها «احس كل قهر العالم بداخلي انا ما ارقع عن شوق

واعرف انها مو قليله بس الموقف الي كانت فيه ضايقني

مع اني ما ادري مين الصادق ومين الكذاب

بس احس فارس ما رح يسعدها وخاصه انه يكرهها

وانا شفته لما ضربها بالحديقه وسكتت وما حبيت اعمل مشاكل

مقهوره وخاصه بعد دفاع شريفه عن ولدها

وبسببها ضرب ناصر شوق

وهو ولا مره مد يده عليها

ترى ما اطيق ناصر يمد يده على واحد من عيالي حتى لو غلطت شوق ما ادري احس لو ضربتها انا عادي

اما ناصر يضربها هذا الشيء مرفوض عندي بتاتا

وخلاص بديت افقع من فارس وتحكمه

بناصر

كلامه مسموع عنده وكأنه عامل له حجاب

وتقديسه له زاد عن الحد

للحين بداخلي قهر وانا اشوف ناصر لما ضربها قدامهم

الحين يكبر راس فارس عليها

لما يحس انه ناصر معه

الرجال اذا حس انه زوجته ما في عندها سند

ما يحاسب على تصرفاته مع زوجته

كيف ييجي ناصر ويضربها قدام فارس

حتى لو غلطت يتفاهم معها بغرفتها

ويعلمها الصح من الغلط »

مسحت على شعرها بحنان

شوق وهي تبكي  من القهر: طول عمري وانا اقول هالشوشو حربايه

ما قالت ولدها وش قال لي وش غلط علي

بس لفقت الموضوع لصالح ولدها

والله العظيم راح يجيب الكأس علشان يكبه علي

وشفت كأس المويه قريب مني

فكبيته عليه وهو عصب

فاطمه بلوم : يا يمه كم مره قلت لك الكذب

اتركيه

ليه تقولين انه ضربك ؟؟

شوق وهي تمسح دموعها وبعدت عن حضن امها : لما مسكني علشان يقول لابوي عني

عرفت انه ابوي ما رح يوقف معي

ورح يكون بصف فارس لانه دوم يفضله علينا

حاولت افلت منه بس شفت وجهي بالمرايه الي على الجدار

وكان احمر مكان يدي

ومع دخول ابوي قلت الي قلته

حتى ابوي ما

قاطعتها فاطمه : شفت هذا انت كذبت بس

ما نجاك الكذب

بالعكس وقعت على راسك

خلك صادقه دوم وصدقيني بتعيش بسعاده

الحين وش استفدت لما ابوك عرف بالموضوع

رح يناظرك انك كذابه

واي موقف رح يصير ما رح يصدقك

لانك كذبتي عليه من قبل

شوق والدموع تتجمع بعيونها من جديد..وبغصه: بس يمه انا ما اطيقه حرام عليكم طلقوني منه

زواج من بدايته فاشل

دخيلك يمه طلقوني ولا تظلموني قبل ما يفوت الاوان

فاطمه تنهدت : يا يمه صدقيني فارس ما شاء الله عليه

بس انت من صغرك خليتيه يكرهك

وخلتيه يرسم لك صوره سيئة بعقله

تقدرين تغيرين هالصوره ويتعدل حالكم

ترى الطلاق مو سهل !

بعدك صغيره ويقولون مطلقه ومن ابن عمها

حاولي تكسبين فارس ..

ورح تكتشفي انك غلطانه بالحكم عليه

وكثير ازواج كان يكرهون بعض وانجبروا على الزواج

وبعد الزواج تغير حالهم

الحب بعد الزواج بس انت خلي كلامك حلو

وبلاه لسانك يلعلع ويتطاول على الاكبر منك

وحتى لو حسيتي انها خالتك شريفه ظلمتك

رب العالمين حقك عنده ما يضيع

لما تغلطين عليها وش تستفدين ؟؟

تأخذين سيئات

شوق بحنق  : مو بيدي ما احبها

فاطمه بهدوء ؛ هذا انت قلتيها ما تحبينها

ليه تعطيها حسانتك على الجاهز

انت تصلي وتصومين وتجمعين حسنات علشان تعطينهم

لفلانه وعلانه حافظي على حسانتك

وامسكي لسانك

الانسان مو معصوم يمكن تمر فيه حاله يعصب

ويفقد اعصابه

لانه مو ملاك ....اما انت دوم يا شوق ما تخلين أحد من شرك ..ولسانه وش طوله ..وما تحترمين الي اكبر منك!!

حاولي خففي وحسني اخلاقك يا حياتي

هزت شوق راسها

ابتسمت فاطمه وحطت يدها على كتفها ؛ مع اني متأكده إنه كلامي

دخلوا من هنا وطلعوا من هنا

واشرت على اذان شوق

لاني دوم اذكرك بس ما في فائده

شوق بتبرير : انسى نفسي وما اقدر اتحكم بأعصابي

فاطمه بنصيحه : حاولي وان شاء الله تقدرين

الله يوفقك ويصلح بينكم

والحين اسمحي لي انزل عند شريفه وخالتي

حاسه بالندم اني يمكن صرخت عليها

شوق لوت بوزها بقهر : ما ادري هم ساحرينك؟؟

فاطمه وهي توقف : ما الومها تشوف ولدها مظلوم اكيد رح تدافع عنه

هذا انا تحرك فيني الدم وما قدرت اشوفك

تنضربين واسكت مع اني ما كنت ادري مين الصادق ومين الكذاب

فكيف هي الي شافت الحدث بعيونها

لوت شوق بوزها : ما اقدر ابلعها لا هي ولا عيالها فاطمه اكتفت بهذي الجمله : الله يهديك

وطلعت من الغرفه قفلت الباب

وتفاجأت بناصر بوجهها

اقترب منها وقبلها على راسها باحترام: لو ادور العالم

كله ما الاقي مثلك

ناظرته وهي تقرص عيونها : العالم كله

ناصر ابتسم: ايه والله بس يا ليت طلعت شوق لك

قاطعته فاطمه : باكر تكبر وتعقل بس المفروض

ما ضربتها

قاطعها : فقدت اعصابي وقولي لها تراني للحين

زعلان عليها كثير... وما رح اعدي السالفه على خير

فاطمه تنهدت : الله يهديها

لا تلومها ترى من الخوف منك عملت كذا

قاطعهم خالد وهو متوجه لغرفته بسرعه

وقفه ناصر : وش فيك ؟؟

خالد الي انتبه على امه وابوه تكلم بعجله : مستعجل

ابغى اعطي رائد دفتره ينتظرني تحت

ناصر ناظره بحزم : لا تتأخر على وقت الغداء

دخل خالد غرفته وهو يقول : ان شاء الله

**

**

**

**

**

**

ناظرت وجهها وهي تلمس خدودها بيدينها الرقيقه

ما تذكر انه ابوها ضربها

بس اليوم ضربها وقدام ابغض مخلوقين على وجه الارص بالنسبة لها

تعتبرها اهانه كبيره وما رح تنساها ورح ترد لفارس

بدل الصفعه صفعتين بس تنتظر الوقت المناسب

تحس الكره الي بداخلها تضاعف اضعاف

وخاصه لشريفه

بس ما رح تسكت لهم...اذا ما انتقمت منهم ما رح ترتاح ... وكلام امها كله طار ...

**

**

**

**

**

**

وقت الغداء

نزلت غصب عنها ..بعد ما خبرتها أمها .. ابوها يبغى يجتمع على الغداء... جلست جنب امها

بهدوء وبدون ما ترد السلام وهي ماده

البوز ..وما ناظرت احد !!

طالعها ناصر وهو مو عاجبه تصرفاتها : وعليكم السلام

ما ادري داخله على يهود ما تسلمين ؟!!!

طالعت ابوها بتوتر وسرعان ما نزلت نظرها للارض وبنفسها « ايه داخله على بعض اشكال

انذل من اليهود بس يا ليت يكون عندي القوه واتكلم »

ما شاف منها ناصر رد تكلم بحزم : قومي

واشر على بدايه صاله الطعام

وادخلي من جديد وقبل ما تجلسين ردي السلام

يلا قومي اشوف

همست لها فاطمه : قومي

وقفت وهي منزله راسها وشاده على قبضة يدها

ما تبغى ترفع راسها وتشوف الشماته بعيون فارس

وشريفه «الله يأخذك يا فارس انت وشوشو »

وتوجهت لبدايه الصاله والكل يناظر بصمت

وصلت عند الطاوله وبصوت هامس ردت السلام

بس نقزت على صوت ناصر : علي صوتك

ردت والقهر يذبحها: السلام عليكم .. وبقلبها تدعي «الله لا يسلم فيك عظمه يا شوشو يا ام الزفت

جعلك للساحق والماحق والمرض المتلاحق يا اخت فوزيه الدبه وام القرود الي قبالي »

جلست بقهر وما ناظرت احد حتى ما تشوف الشماته

ووجهها احمر من القهر..رح تنفجر بأي لحظه

**

**

**

**

ناصر

ناظرتها بعد ما ردت السلام ووجهها احمر من القهر

صحيح احبها بس ما ارضى بالغلط

مهما كانت شريفه غلطانه بس ما تصرخ بوجهها كذا وكأنها تكلم بزر

فوق هذا تقول بوجهها انها كذابه حتى لو كانت

شريفه مو صادقه

بس فيه شيء اسمه احترام للكبير

وتقدر تدافع عن نفسها بطريقه ثانيه

باحترام

وفوق هذا طلعت كذابه وفارس ما ضربها

ولا ونازله الحين وماده البوز شبرين ولا كلفت نفسها

ترد السلام

فعلا صدق المثل شين وقوي عين

صدقت فاطمه لما قالت انه الكلام الي تقوله لها

اذن من طين واذن من عجين

وانا سمعت فاطمه وهي تنصح فيها بس ما في فائده

بس احس قلبي يتقطع وانا اناظر خدها الي ضربتها عليه

صحيح ما في علامه على خدها واضحه

بس يمكن لاني اول مره اضربها

الله يصلحها هي الي خلتني افقد اعصابي

وفارس الثاني جلست معه وطلبت منه يطلقها

مع انه من داخلي اتألم ما ابغى يطلق عليها لقب مطلقه وهي بعدها بأول حياتها

بس يتطلقون على البر احسن

بس فارس رفض بشده ما ادري هل هو متعلق فيها

والا وش سالفته ما ادري؟!

ما ابغى شوق تنظلم معه بس ما اقدر احكم

الحين بعد الزواج غالبا يتغير الوضع

قطعت افكاري وناظرتها باستغراب وانا اشوف صحنها ...هالبنت غريبه مستحيل تزعل عن الاكل كملت صحنها وطلبت من فاطمه تحط لها صحن ثاني

ناظرت فارس الي يكلم فاطمه بابتسامه : لا يا خالتي لا تحطي لها كمان....ما احب زوجتي تكون سمينه

ناظرته شوق بعبوس وبداخلها «يا ثقل دمك »

اعطاها نظره ورفع حاجب وبداخله « موتي بقهرك »

بعدها اخذت الصحن من فاطمه وكملت اكل

وهي مطنشه وجودهم من حولها....

مصطلح الزعل محذوف وترميه خلفها عند الأكل!!

ابتسم ناصر بداخله  وهو يتمنى تتحسن الأوضاع والكل يعتبر الثاني عائلته!!

**

**

**

**

**

مر يومين بسلام وشوق ما شافت فارس

لانه ما يحضر لا غداء ولا عشاء

ملتهي بشغله

طفشانه نزلت على المطبخ ....وهي عافسه

ملامحها من الملل.... دخلت المطبخ واقتربت من الثلاجه

فتحتها وناظرت محتوياتها

ومدت يدها على حبة شوكولاته اخر حبه

مسكتها بس في يد سحبتها منها

رفعت شوق جاجب وبنرفزه : نعم يالاخت

وسحبت الحبه منها هذي لي انا اخذتها قبلك

دانا بعناد : لا هذي لي انا اخذتها قبلك

شوق ما عبرتها وقفلت الثلاجه والحبه بيدها

مدت دانا يدها تسحب الحبه : اعطيني اياها

شوق ببرود : بأحلامك يا ماما

اقول تلايطي من هنا

حركت يدها شوق وبسرعه خطفتها دانا منها

وركضت خارج المطبخ

وبسرعه ركضت خلفها شوق

وهي تصرخ وتسب وصوتها يهز بالبيت

وما فيه احد

الا هي ودانا

حاصرتها شوق بالزاويه وبصراخ وهي تلهث : اقول لك هاتيها

دانا بعناد وهي تلهث من التعب : لا

انقضت عليها شوق وهي تحاول تسحب الحبه

لانه صارت السالفه عناد

شدت شعر دانا بقوه ودانا مقاومه للاخير

ما تستسلم

بس فيه يد سحبتها وابعدتها عن دانا : انت ما تستحين

الناس مو خالصه من شرك

عند اخواتي وما اسمح لك فاهمه

دانا لما شافت فارس صارت تبكي بقوه

شوق بعصبية وللحين تلهث : علم اختك ما تسرق الاشياء

واشرت على الشوكولاته

وبأمر  ناظرت دانا : اعطيني إياها

هزت دانا راسها بعناد وهي تبكي

فارس ناظرها بفوقيه : تعرفي تنقلعين من هنا

وهذي الحبه لدانا

وجربي وخذيها وشوفي وش يصير لك

واعطاها نظره قويه

دانا بعد كلامه ابتسمت بانتصار والدموع على خدودها

تنهدت شوق ونفضت يدينها باستسلام : اوكي

اشبع انت واختك السراقه فيهم

ولفت ظهرها باتقان

وسرعان ما خطفت الحبه من يد دانا الي تفاجأت

من حركتها

وفتحتها بسرعه وهجمت على دانا

وفركت الحبه بوجه دانا وبشعرها ...لانها كانت شبه ذايبه من المعركه الي شهدتها ...ونطقت بقهر: اشبعي الحين يا مفشوحه

مسكها من كتفها فارس بقرف وابعدها عن دانا :

كيف تعملين كذا بدانا ؟؟!

انت قد هالحركه هذي يا حيوانه ؟؟

شوق سحبت نفسها ومسحت بقايا الشوكولاته

بثوب فارس وبصوت قوي : قدها وغصب عنك

وبسرعه ركضت لغرفتها بأقصى سرعه

وهي تلهث من التعب وقفلت الباب خلفها

بالمفتاح للاحتياط

وبسرعه اتصلت من جوال امها للي اغلب الوقت معها

بياسر

ما رد عليها ارسلت له كالعاده كلام مكسر «انا شوق رد بسرعه »

وخلال ما وصل المسج بعدها بلحظات

شافت الجوال ينير اسم  ياسر

فتحت خط وتكلمت وهي تلهث.. وبصوت خافت : اسمع تعال خذني عند

جدتي بسرعه ......بعدين اخبرك ......ايه امي قالت لي اروح معك .... بس الحين ابغى اروح ......طيب صف بعيد عن البوابه وانا الاقيك .....

اسمع خلاص تعال من البوابه الخلفيه ....ايه ...خلاص بعدين اخبرك ....لا تتأخر ...

قفلت وبسرعة لبست وجهزت نفسها

اقتربت من الباب وحطت اذنها على الباب

ما سمعت اي صوت

اخذت نفس وفتحت الباب بشويش

ناظرت يمين يسار

ما في احد

وبسرعه توجهت للدرج الخلفي كان قريب من غرفتها

ونزلت بسرعه وهي تتلفت حولها

**

**

**

**

**

جالسه عند جدتها وتحس الشياطين

تنطنط فوق راسها من فارس واخته

تنهدت بقهر : وهذي هي السالفه

وجيت الحين هنا علشان اذا بغى يقول لابوي شيء

اطلعه كذاب وانهم يكذبون علي وانت الشاهد اني عند جدتي وما كنت بالبيت

وزفرت بضيق وقسم بالله للحين مقهوره

ياسر ابتسم وهو ينفخ الدخان من فمه : وليه قاهره نفسك على ذي السالفه

ومد لها يده : خذي اسحبي لك نفس ارجيله وهدي اعصابك

ام عمر وهي تعدل جلستها : لا تهتمي لهذي الاشكال وبعدين انت الي قهرتيهم

ياسر مد لها : خذي نفس وما عليك من احد طنشيهم

اخذت شوق منه وسحبت نفس

بس سرعان ما رمتها على ياسر وصارت تكح بقوه

وتحس نفسها مخنوقه

حطت يدها على صدرها وهي تكح وبسرعه تناولت

كأس المويه وشربته على نفس واحد وبصوت مخنوق : حسبي الله على ابليسك حسيت روحي

طلعت

ورجعت تكح مره ثانية

ابتسم عليها وسحب نفس وبعدها نفث الدخان

بروقان : اقول طيري من هنا

وش فهم الحمار بشرب البيبسي صح يا جده

شوق بحنق : والله ما احد حمار غيرك

ولوت بوزها بزعل

ام عمر وهي مندمجه بالجوال : والحين اكيد فارس رح يقول لابوك

عنك وانت يا الخبله تفكرين ناصر رح يوقف معك

بالفيلم الي عملتيه

انا اشك انه هالفارس  ساحره ...لو تشهد الناس

ضده غير يكذب الكل ويصدقه