رواية بديت أنساك يالون السعادة~للكاتبة ضاقت انفاسي الفصل الحادي والعشرون 21 - بقلم BlackButterfly002

بسم الله

ساري ومعه كأس مويه ويمسح وجه نايف ويسمي عليه
نايف باختناق مو قادر يأخذ النفس
ويحرك يدينه ورجلينه بعشوائيه يبغى هواء
وشوق وشمس وقمر وسميه من حوله يصرخون
ويبكون
ساري بصراخ وعصبيه : ابعدوا عنه خله يحصل له
نفس يتنفسه
ام صقر اقتربت وهي تلهث بتعب : وش فيه ؟
وجن جنونها لما شافت نايف بذي الحاله
ومسكت يده ودموعها تنزل خوف على
حفيدها ما تبغى تفقده مثل ما فقدت ابوه
وبصوت مفجوع : ولدي وش فيه؟!
ساري فقد اعصابه منهن وهو يشوف ملتفات
حوله الشخص الطبيعي ينكتم من هالالتفات
كيف التعبان للي مو قادر يتنفس صرخ : وبعدين ؟!
ابعدوا عنه خله يتنفس
شوق بعناد : هذا زوجي وما ارح اتركه
ساري خلاص وصلت معه صرخ فيها : تدرين فكرته السواق حقك
وبنرفزه لا حول ولا قوة الا بالله
وحط يده تحت رقبة نايف واسنده
وبالغصب ابعدهن عنه
وتوجه للمستشفى مطنش وجودهن وكلامهن
ام صقر بعد ما طلع ساري وما رد عليها
ناظرت شوق :وش صار ؟!
شوق هزت كتوفها وهي تمسح دموعها : ما ادري حط صينيه العشاء
وطلع علشان يجيب عصير من المطبخ تحت
قاطعتها ام صقر بشراسه : حاط ولدي عندك خدام
ينزل يجيب لك سم الهاري
شوق انقهرت منها ردت وهي متكتفه ورافعه حاجب : محتره مني الظاهر زوجك ما كان يعبرك
قاطعتها ام صقر والشرار يطلع من عيونها : تخسين
انا ما قاهرني الا حفيدي
من لما تزوجك
وانقلب حال هالولد
شوق وهي ماسكه نفسها ما تحوسها : كله منك انت من كثر ما تزنين فوق راسه رفعت ضغطه
ام صقر اشرت على نفسها باستنكار : انا الحين للي رفعت ضغطه ؟!
مو كأنك انت للي
قاطعتها سميه بخوف : يا خالتي ادعو له الحين
يقوم بالسلامه
مو وقت هالكلام
شمس ناظرت شوق من فوق لتحت باشمئزاز
اقتربت شوق خطوه وبتوعد : وقسم بالله حركتك
ما افوتها ورح تشوفين
اسراء وعيونها تقدح شرار
: قاعده تهددين عينك عينك ؟!
وش قله الادب هذي ؟
طنشتها شوق بعد ما اعطتها نظره احتقار
وتوجهت لجناحها
ام صقر بقهر : حسبي الله عليها هالشوق
ونزلت تحت تنتظر رجوع نايف
**
**
**
**
**
**
طلعوا من المستشفى بعد ما تحسن وضعه
ساري بعد ما تحرك تكلم بهدوء : الدكتور يقول انه صار شيء وضايقك !!
وش للي قلب حالك ؟!
نايف ساند راسه على الكرسي وما رد
ساري رفع حاجب : نايف وش فيك تغيرت
ما عدت مثل اول صاير تخبي عننا
ولا كأنك تعرفنا
نايف بضيق : صدقني ما في شيء
ساري بعدم قناعه : يعني تبغى تقنعني فجأة كذا تعبت ؟!
نايف بصوت هامس وصل لمسمع ساري : ندمان
ساري عقد حواجبه باستغراب : ندمان ؟!!
نايف زفر بضيق : يستر على اهلك اتركني بحالي
ما لي خلق تحقيقات
ساري هز راسه وهو متضايق من رد نايف بس عذره يمكن تعبان
وصلوا البيت ونزلوا بهدوء
اول ما دخلوا كانت ام صقر بوجههم وعلامات
القلق باينه عليها : الحمد لله على السلامه
يا وليدي
نايف بصوت متعب : الله يسلمك
اسراء : الحمد لله على سلامتك
هز راسه : الله يسلمك
وناظر حوله يبحث عنها نزل نظره بخيبه
توقع تكون اول ما يدخل تكون باستقباله
رفع راسه لما تكلم ساري : يلا تعال علشان ترتاح
شافها واقفه بنص الدرج تناظره
من التعب ما شافها ابتسم بتلقائية لما ناظرها
ام صقر ولعت لما شافته كذا وبعصبيه : الحين
حنا للي استقبلناك
وما اعطيتنا وجه
ولما شفت خشة زوجتك قاعد توزع ابتسامات
عفس ملامحه بضيق من هالكلام ليه يفسروه
حسب مزاجهم ؟!
تأكد بعد ما شاف ملامح ام صقر انه صارت بعد ما طلع الحرب العالميه
عض شفته بضيق ندمان انه سكن معهم بنفس البيت
المفروض استأجر بيته لوحده
ساري : يمه مو وقت هالكلام
ومسك يد نايف : تعال ارتاح
هز راسه نايف وما تكلم مو قادر الحين يفتح
باب العتاب
وقفت شوق لما اقتربوا منها ومسكت بيده تساعده
ترك نايف يد ساري ومسك بيدها
انقهر ساري من حركة نايف ومع ذلك كمل معهم لباب الجناح : اي شيء تحتاجه رن علي
نايف بهدوء : ان شاء الله
الله يجزيك الخير
هز ساري راسه ومط شفته على جنبه مو عاجبه
هالتصرف وتركهم
**
**
**
**
**
**
**
مر كم يوم و تحسن وضع نايف وطلب منها تقلل نزولها تحت
للتخفيف من المشاكل
جالسه بالصالة وتكلم امها : وليه ما اخذتوني معكم ؟!
فاطمه : وين تروحين وانت بعدك عروس جديده !!
شوق لوت بوزها : ايه طيب وكيف العروس ؟!
فاطمه مو عاجبها العروس ولا اهلها : عادي
شوق : يعني مو حلوه ؟
فاطمه بتفكير : حلوه انداري عادي
شوق تحس نفسها تسحب الحكي من امها سحب والفضول ذابحها : طيب وياسر وش رايه فيها ؟
فاطمه : للي يشوفه يقول اول مره يشوف بنت
شوق : يعني موافق ؟
فاطمه : طلب يملك بنفس اللحظه بس اهلها
رفضوا حتى البنت تفكر
شوق : عساها ترفض
انقرضوا البنات حتى يتزوج من بعيد
فاطمه : تخيلي اخذت الطريق روحه ورجعه
6 ساعات
الله يسامحه ملزم عليها
شوق : الله يوفقه
فاطمه : متى ناويه تزورينا
شوق : اليوم بعد العصر بإذن الله اكون عندكم
طالعت نايف للي دخل على اخر جمله
ورفع حاجبه وزم شفايفه مو عاجبه
قفلت شوق الجوال بعد ما كملت من امها ناظرها : على وين العزم ان شاء الله ؟!
شوق بثقه : عند اهلي
نايف احتدت ملامحه : والله ؟!
ما عندك زوج تستأذني منه يا حرمي المصون ؟ !
شوق وقفت : وليه استأذن ؟!
تقدم منها خطوتين وبنظرة حازمه : من يوم ورايح
قبل ما تنزلي الصاله تحت ابغى تستأذني مني فاهمه
ردت شوق مو عاجبها كلامه : والله ؟!
تابع كلامه وهو مطنشها : واليوم روحه لعند اهلك ما في
علشان مره ثانيه تتعلمين قبل ما تصدري قرار
تستشيريني
قاطعته بعصبية : مو على كيفك ورح اروح لعندهم اليوم
رد بعصبيه اكبر : وقسم بالله اذا طلعتي الا اليوم تنامين بقبرك
شوق بردح وصوتها يلعلع : باحلامك
تفكر الدنيا سايبه عندك ؟!!
عندي اهل يدفنوك بمكانك
مسك يدها وشد عليها والشرار يطلع من عيونه : ابلعي صوتك ولا نفس
ابعدت يده عنها بعصبيه : مو ساكته ورح اروح عند اهلي رضيت والا عمرك ما رضيت
نايف خزها بعيونها : والله ما تروحين
واشوف كلمه مين تمشي
شوق : الحين اتصل بابوي ييجي يأخذني
قاطعها بوعيد : خلي ابوك ييجي واقسم بالله
ما ترجعين لذمتي
وخلي ابوك يخللك عنده
وتناول الجوال ومده لها : اتصلي الحين اشوف
خله ييجي
اخذت الجوال منه بعصبيه
وحطته بجيبتها تخاف ان اتصلت بابوها تكبر المشكله
وما رح يرجعها له وهي ما تقدر تبعد عنه
واقف يناظرها يترقب رد فعلها
طالعته بقهر : الله يأخذ هالقلب
واشرت على قلبها

**
**
**
**
**
**
متوجه لتحت يجلس بالصاله استوقفه
صوتهم العالي والصراخ عرف انها مولعه
بينهم
هز كتوفه ونزل لتحت وهو يحمد ربه انه رزقه بسميه بنت عاقله وكل شيء تتمناه تلقاه فيها
جلس عند امه بهدوء
وطالع اسراء للي تكلم ام صقر : وقسم بالله صوتهم واصل لاخر الدنيا
وش هالحريم هذي ؟!!
ام صقر هزت راسها : وتلوموني لما قلت لكم يطلقها !!
ساري : الله يهديهم
ام صقر بشماته : عسى تيجيني البشاره الحين
ويقولون طلقها
ساري تضايق : حرام عليك يمه
ام صقر : متى ابرد حرتي فيها واشوفها مطلقه
عاجبك حياة نايف من لما اخذها وهو دائما منكد
قاطعهم نزول نايف توجه لعندهم بابتسامه
ام صقر : على وش تبتسم يا حظي ؟!
وناظرت ساري :،يمكن حصل نعال على وجهه
نايف عقد حواجبه بزعل : وش هالكلام يمه ؟
ام صقر بقهر على حاله : صوتها عليك واصل لعندنا
كأنك بزر !!
وين هذي صارت ؟!
من متى الحرمه يطلع صوتها على رجلها ؟!
ما يطلع الا لما يكون رجلها رخمه
نايف زفر بضيق من كلام امه : انا قابل بالوضع وعاجبني
اسراء عفست ملامحها مو عاجبها رده : اذا انت قابل حنا منزعجين من صراخها
نايف عصب من كلام اسراء وطالعهم وطلع من البيت
ساري ناظرهم بلوم : تراكم زودتوها بالكلام عليه
ام صقر بعصبية: عاجبك وضعه معها
ساري : يا يمه اي زوجين بداية زواجهم تصير مشاكل شيء طبيعي
ام صقر : لا والله متزوج نايف ملسونه
اذا ما خليته يطلقها ما اكون ام صقر
**
**
**
**
**
**
فارس بعصبيه : وقسم بالله ليندم
ناصر وهو يكتم غضبه : خله هذي تجاره
فارس هز راسه بتوعد : مو انا للي يحط راسه براسي هالنايف
ناصر زفر بضيق : خله يشبع بالصفقه هذي
وربنا يعوضنا بالخير
فارس جلس وهو مولع : ما ادري كيف زوجته شوق
ناصر بندم : النصيب
رن جوال ناصر رد بهدوء الو .......ما ادري يمكن اتاخر .....متى جايه .....خلاص ان شاء الله
اكون العصر بالبيت ....زوجها معها ......طيب يصير خير .....مع السلامه
ناصر وهو يرتب اوراقه تكلم : لازم ارد البيت الحين شوق جايه
فارس وهو يخفي ملامح الكره : خلاص انا اكمل
الشغل
هز راسه ناصر بالموافقه

**
**
**
**
**
**
**
ناظرته وهي تتكلم بالجوال : لا ما اقدر اليوم ......ايه صحيح قلت لك .....لا بس جاء لنايف ضيوف وما نقدر نيجي .....نيجي بعد المغرب ؟
ناظرته بحيره
اشر لها بالرفض بعيونه
حاست بوزها مو عاجبها وكملت : لا ما نقدر بعد المغرب
خلاص خليها لبكره
وسكتت لما اعطاها نظره قويه
عدلت كلامها خلاص اشوف نايف واعطيك خبر
يمكن عنده باكر شغل ....ان شاء الله ....مع السلامه
قفلت وناظرته : عجبك الحين احرجتني مع امي
تقول ابوي ترك الشغل ورجع للبيت علشاني

ابتسم لما تذكر الشغل : اذا ما كان عندي شغل باكر
نزورهم
والحين قومي خلنا نطلع نغير جو
ونتعشى برا
ابتسمت وهي تتخيل شكل ام صقر لما تشوفهم طالعين مع بعض
**
**
**
**
**
**
جلسوا بالمطعم ونايف راسم الابتسامه
نايف بتفكير : وش رايك نطلع في بيت لوحدنا ؟!
شوق بهدوء ورقه للي يشوفها ما يصدق انها نفسها للي صوتها يلعلع : امممم فكره حلوه
بس وين رح نسكن ؟؟
نايف بتفكير : وش رايك باكر ننزل ونشوف شقه
مفروشه
شوق بتأييد : ايه موافقه
نايف وهو يحزم امره بتفكير : خلاص باكر
ننزل
شوق بنغزه : بس خالتي ام صقر يمكن ترفض ؟
نايف بعدم اهتمام : رح احطهم بالامر الواقع
انت انتبهي تفتحين حلقك بكلمه وحده
شوق : لا تخاف ما رح اتكلم
لاني ابغى اخذ راحتي في بيت مستقل
رن جواله وقبل ما يفتح خط ناظرها : دقيقه وراجع
هزت راسها وحطت يدها تحت خدها تنتظره
«اخبارك يا عروس »
استغربت الكلام ورفعت راسها وهي عاقده حواجبها باستنكار وبهمس : فارس
ابتسم فارس بخبث وجلس مكان نايف : ايه فارس
اخبار الزواج ؟!
ولعب بحواجبه

رن جواله وقبل ما يفتح خط ناظرها : دقيقه وراجع
هزت راسها وحطت يدها تحت خدها تنتظره
«اخبارك يا عروس »
استغربت الكلام ورفعت راسها وهي عاقده حواجبها باستنكار وبهمس : فارس
ابتسم فارس بخبث وجلس مكان نايف : ايه فارس
اخبار الزواج ؟!
ولعب بحواجبه
قاطعه فهد وهو واقف فوق راسه : وين طسيت يا رجال ؟!
فارس ناظره وهو رافع عيونه وراسم ابتسامه خبيثه : تعال سلم على شوق
طالعها فهد وعرفها من عيونها وبابتسامه بريئه : سلام يا بنت العم
ناظرتهم وانا خلاص وصلت معي منهم الحين لو ييجي فهد الا يعمل لي عرس وقفت وناظرتهم بعصبيه : الله لا يسلم فيك مغزه ابره
واخذت شنطتي وطلعت من المكان
وامشي وانا مفوره من العصبيه من تصرفهم
جال نظري على المكان اشوف فهد وقعت عيني عليه
تحركت لمكانه
ناظرني باستغراب وهو يتكلم بالجوال
كمل المكالمه وسألني بعد ما قفل الجوال : علامك جيتي هنا
ناظرته وانا الكذبه مجهزها : ابغى الحمام وخفت اروح وترجع ما تلقاني
نايف ناظرتها وما تكلمت
تابعت كلامها : وبعدين اخاف اروح للحمام لوحدي تعال انتظرني
فهد لويت بوزي بس ما بيدي ارفض مجبور اروح معها كونها لوحدها هزيت راسي واشرت لها تشرف
بانت ابتسامتها من عيونها وهمست ؛: شكرا
ما ادري من وين نازل عليها الهدوء
شوق ناظرته وانا مرتاحه كذا لاني لو بقيت داخل ما رح يتركني فارس بحالي
**
**
**
**
**
فهد
جلست بعد ما راحت شوق وناظرت فارس
وعلى ملامحي شبح ابتسامه : اللهم سكنهم مساكنهم
وش فيها هبت فيني كذا ؟
فارس ابتسمت بسخريه :، كأنك ما تدري انها مريضه نفسي
فهد خزيته بعيوني: تراك انت للي طلعت الإشاعة
وصدقتها
وكملت قبل ما يقاطعني : كنت تمشي معي
وش وصلك لها
فارس ابتسمت بخبث : شفت زوجها فحبيت اعمل اكشن
فهد ما تعجبني تصرفات فارس احسه زودها مع شوق وبنبره عتاب: يا اخي وش تبغى فيها
اتركها
فارس ناظرت بالسقف لثواني وبعدها ناظرته بتحدي : مستحيل
اذا مانكدت عليها حياتها ما اكون فارس
التفتت شفتها داخله معه وماسكه بيده خايفه يطير منها
ما اكون فارس اذا ما نكدت عليها
طالعت فهد بخبث : شوف وش رح اعمل فيها
اذا ما
فهد قاطعته بعصبية من تصرفاته وش
له فيها البنت بدأت حياة جديده ليه يخربها
اعطيته نظره توعديه : اعمل اي حركه او كلمه
وقسم بالله لو تموت ما كلمتك وانسى شخص اسمه فهد خلاص كل شيء بيننا انتهى
واعطيته نظره حازمه
فارس انقهرت من فهد ومن كلامه يا ليتني ما جيت معه او خبرته بشيء كلمته بدون نفس : خلاص ما رح اتكلم بس لو جاء لعندنا ما رح اسكت
ورح ابرد حرتي فيه وفيها
فهد ميلت شفتي بسخرية : وين ييجي انت ما شفته لما وقع نظره علينا عفس ملامحه
فارس عضيت على شفتي بقهر كان نفسي اقهرهم واولعها بينهم

**
**
**
**
**
عفست ملامحي لما شفت عيال عم شوق نفس الطاوله للي كنا عليها معقول شوق تدري عنهم
وجلسوا معها ؟!
وش الصدفه للي تخليهم يجلسون نفس المكان للي كنا فيه!!
ناظرت شوق بطرف عيني كانت منزله راسها ومنشغله بالشنطة
غيرت مساري وتوجهت لابعد طاوله حتى لا اشوفهم
ولا هم بعد يشوفونا بعد ما جلسنا
ناظرتها وهي بعدها تحوس بشنطتها : وش فيك تحوسين فيها ؟!!
اشوف عيال عمك هنا ؟؟
كنت ابغى اشوف رد فعلها
شوق رفعت راسي بعدم اهتمام وناظرت حولي : وين هم ؟؟؟
ورجعت احوس بالشنطه
نايف حسيتها ما اهتمت بس احسها تتظاهر بالبرود : ما رح تشوفينهم جالسين على نفس
الطاوله للي كنا فيها
فهد وفارس وش يقربون لبعض
ناظرته وانا رافعه حاجب على غباء هالسؤال
رديت بجواب اقرب للسخريه :ما يقربون لبعض
يا حظي
تقول عيال عمك هنااا
والحين تسأل وش يقربون لبعض ؟!
رفعت حاجب وما عجبني ردها : يا الفهيمه
ادري انهم عيال عم
اقصد من جهة الام ؟!
شوق لويت شفتي بقرف لما تذكرت ام فهد : ام فهد خالة فارس
ناظرتها وانا معقد حواجبي : وليه تقولينها كذا
شوق: ما اطيقها ام فهد مثل اختها شريفه وألعن
حتى عيالها اعوذ بالله
وخاصه للي اسمه فهد ما ينطاق
قاطعهتها وانا مستغرب من هالكره لهم : فهد
يكون زوج اختك ؟!
شوق لويت بوزي بضيق للحين متأثره لما رفضني حسبي الله عليه كسر بخاطري
نايف بفضول : طيب وام فهد تكرهك ؟!
شوق : ايه تكرهني وما تطيق تشوفني
قاطعتها بفضول : طيب ليه تكرهك ؟
شوق مطت شفايفها بقرف : لاني كنت محيره لفهد
وهي ما تبغاني لولدها تبغى اختي مريم
طالعتها وكأني ما سمعت :وش قلت ؟!
مو كنت مخطوبه للي ما يتسمى فارس ؟!!
زفرت بضيق من الماضي وش اقول له حضره السيد فهد شافني وما عجبته ورفضني وخلال ثواني حبكت كذبه من راسي : بالاول كنت محيره له بس انا رفضته
وبعدها خطبني فارس وانفصلنا
نايف تكدر مزاجي من كلامها وخاصه لما جابت سيره فارس خلاص ما ابغى اسمع زياده قاطعتها : الحين وش تبغين تشربين ؟!
شوق حمدت ربي انه غير الموضوع
استغفر الله على الكذب للي اقوله
**
**
**
**
فارس جالس ويهز رجلينه
تنرفز فهد منه : وبعدين معك ؟؟
فارس بدون نفس : وش فيك ؟
فهد وهو يحط الكوب من يده : جالس تهز رجلينك رجيت مخي
فارس وقف : اقول لك قوم من هنا
فهد طالعه باستغراب من مزاجه وبعدها وقف : لو طلعت مع مهنداحسن لي
طالعه فارس : اقول امشي
فهد بابتسامة : وش رايك اروح اسلم على عديلي
فارس : مالت على عديلك شو طينته ثقيله
فهد مسك يده ومشى خارج المطعم
**
**
**
**
في اليوم الثاني جالسه تناظر الجوال وهو يرن
وتهز رجلينها بعصبيه
دخل الصاله وطالعها بنرفزه من صوت الجوال: ردي على الجوال صايبك صمم ما تسمعين
ناظرته وهي ماسكه نفسها : ما ابغى ارد
اقترب منها ومسك الجوال وطالع الاسم وبعدها ناظرها : ليه ما تردين على امك ؟
سحبت منه الجوال بعنف وشوي وتبكي : ارد عليها وش اقول لها ؟!
اكيد تبغى تسألني اي ساعة رح ازورهم
وش اقول لها
زوجي الموقر رافض الزياره ؟!
رد عليها ببرود : ايه قولي لها انه زوجك الموقر رافض الزياره
شوق وهي شاده على اسنانها : انتوش تبغى مني ؟!
ما ترتاح الا لما تحرمني من اهلي يالحقود
ناظرته بهدوء ووقع نظري على الجوال
وهو يرن سحبته منها ورديت بهدوء
وهي تناظرني تبغى تأكلني : الو .....هلا خالتي .....الحمد لله بخير .....شوق الحين مشغولة ....بغيت شيء منها ؟......لا اليوم ما نقدر
مره ثانية تزوركم .... ان شاء الله ......مع السلامه
نايف طالعتها بعد ما قفلت الجوال وابتسمت : ما تعرفين تعتذرين ؟؟
ما ردت وهي تناظرني بحقد
جلست على الكنبه بهدوء
وعم الصمت ثواني وبدأ صوتها يلعلع : اسمع مو بكيفك انا اليوم رايح عند اهلي
رضيت ولا عنك رضيت
مو حياه هذي
نايف ناظرتها وانا ناوي اقهر اهلها مثل ما قهروني والسبب الثاني انا ما احب الحرمه كل يوم طالعه
رح تتضايق في بدايتها وبعدها رح تتعود
طنشت كلامها وما رديت عليها
شوق بعصبية من تطنيشه : انا اكلمك جاوبني
نايف وقف : اخفضي صوتك جعلك
وسكت وطلع من الجناح
شوق بصوت اعلى ما خلت كلمه والا قالتها

**
**
**
**
**
**
طلع من الجناح وصادف ساري عند الدرج
ناظره ساري وهو يسمع صوتها يلعلع
واعطاه نظره انتقاد : وش هذا الصوت ؟!
نايف وهو ينصت للصوت الطالع بإنصات : اممم صوت العندليب
وابتسم
ساري ما عجبه رد نايف ابدا : وش هالكلام ؟!
قاطعه نايف يغير الموضوع : امي ما شفتها اليوم
ساري احتقن وجهه بالقهر ورد بدون نفس : طالعه ما ادري وين ؟
وقف لما شاف ام صقر داخله وابتسم لها نايف
ام صقر لوت بوزها : هلا للي يطلع ويغير جو
وما يقعد مع اهله
نايف ابتسم : بدل شهر العسل
ام صقر وهي تجلس : شهر بصل
ساري هز راسه بتأييد بس ما تكلم
**
**
**
**
ناصر بعصبية : وش قصده من هالحركه ؟!
البارح كنسلها واليوم كمان ؟!
فاطمه بترقيع : يمكن مشغولين
ناصر وهو يشد قبضه يده : كذاب مو مشغولين بس لعانه فيه
لكن وقسم بالله ما اسكت له
فاطمه بضيق : طول بالك الحين تعمل مشاكل
افرض طلقها وش يقولون الناس عنا ؟!
وقف ناصر : ما يهمني كلامهم والحين رح يشوف وش رح اعمل فيه هالنذل
وطلع بدون ما يسمع كلام فاطمه
وهو يحس انه نايف يتحد فيهم
وانه يفرض سيطرته على شوق ويمنعها عن كل اهلها
بس حامض على بوزه رح اوقفه عند حده
***
**
***
**
***
***
ام صقر تطالعه : وكيف شغلك الحين ؟
نايف : الحمد لله بخير
ساري بعدم اقتناع بشغله : يا ابن الحلال لو شفت لك وظيفه حكوميه احسن لك من هالشغل
وتعب البال
ام صقر : يا حظي على الشهادات للي معه
علشان يتوظف
نايف يكمل عنها بابتسامه : حتى الثانوي ما نجح فيه
ام صقر هزت راسها بلوم : ومبسوط على خيبتك
نايف بابتسامة هاديه : اصلا
قاطعه رنين جواله ناظر الاسم وعقد
حواجبه
واستأذن يرد على المكالمه
**
**
**
**
**
شوق ببكاء وهي تكلم امها : بس ما يطلع له
يمنعني عنكم
فاطمه تهديها : طولي بالك وش فيها لو ما زرتي
اهلك
هذي انا مو طول وقتي عند اهلي

وبالفتره الاخيره منعني عن امي
وش أقول وش اشكي ؟
وسكتت
شوق تقاطعها بعصبيه: لانك هبله
فاطمه قاطعتها : شوق وش هالكلام ؟!
شوق تنهدت : يمه مو قصدي طلعت بدون قصد
بس انت الغلط منك سكت مع انه ما يطلع له يمنعك عن اهله
فاطمه : اصبري بعدك عروس صدقيني رح
هو بنفسه يجيبك لعندنا
وانتبهي ترى ابوك معصب وطلع والشرار يطلع من عيونه
اتوقع رح يتذابح مع نايف واكيد اخرتك عندي مطلقه
شوق : خله يكسر رأسه علشان مره ثانية ما يمنعني عنكم
قاطعتها فاطمه بعصبيه : شوق لا تجلطيني بكلامك
وقفلت الخط بوجه شوق من القهر
وهي مو متخيله كيف رح تيجيها شوق مطلقه