رواية بديت أنساك يالون السعادة~للكاتبة ضاقت انفاسي الفصل الثاني والعشرون 22 - بقلم BlackButterfly002

بسم الله

بارت 22

ناصر وهو يضبط اعصابه : ممكن اعرف وش معنى هالحركه ؟؟
نايف ببرود قهر ناصر وخلى النار تشب بداخله : اي حركه ؟!
ناصر بعصبية خلاص وصلت معه : وش مقصدك انك تحرم البنت من زيارتنا ؟!
نايف عقد حواجبه : يعني هي شاكيه لك مثلا ؟
ناصر بقرف : لا ما شكت بس امها الحين خبرتني انها ما رح تيجي و..
قاطعه نايف بحزم : اسمع يا عمي متى ما بغيت
سمحت لها تزوركم بكيفي انا
ولع ناصر من كلامه : مو بكيفك
نايف بطريقه تنرفز رد : لا تنسى انها حرمي المصون
ناصر بنفسه حرمت عليك عيشتك واخذ نفس يهدي نفسه : حرمك المصون مثل ما تريد
خلاص ما ترسلها عندنا
بكيفك لكن وقسم بالله الا ..
قاطعه نايف بحده : اسمع لا تهدد فاهم ؟
وابنتك متى ما بغيت أرسلتها وغير هالكلام
ما عندي
يلا سلام
وقفل الخط بعصبيه
هذا الناقص يتدخل حضرة الافندي ناصر
متى اطلعها وادخلها
توجه للجناح ودخل وهو معصب
سمع حركتها بالمطبخ توجه لها واستند عند الباب : وش رايك يا حرمي المصون تروحين لسماعه المسجد وبالسماعه تنشرين إني مانعك عن اهلك
سكرت الثلاجه وناظرته بكشره : لا تغلب نفسك الحين انشرها على كل المواقع
قاطعها بعصبية : بدون سخافة
مين سمح لك تتصلين لاهلك وتشكين ؟!
ناظرته وما لها نفس بالكلام : ما اتصلت
وفتحت الثلاجه
وسرعان ما شهقت لما سكر الثلاجه بقوه وبصرخه : انا قاعد اكلمك
ناظرته بشراسة: وانا قلت لك ما اتصلت
ناظرها لثواني وبعدها رفع اصبعه بتهديد : وقسم بالله لو اسمع انك متصله تشكين لاهلك الا ورقه
الطلاق تكون بين عيونك فاهمه
ناظرته بصدمه : كيف تبغى تمنعني افضفض لاهلي كمان ؟!
اعطاها نظره قويه : تفضفضي ؟!
للي يسمعك يقول حاطك بسجن لا اكل ولا شرب
حتى تفضفضي !!
وبنظره جديه متوعده : انت حره روحي اشكي لاهلك علشان بنفس الوقت توصلك ورقتك
وبالنسبة لزياة اهلك اجلتها لوقت غير معلوم
عقاب لك
حركت شفايفها تعترض
حط يده على شفته : و لا كلمه خلاص انتهينا
شوق انقهرت منه كيف يمنعها عن اهلها
ويبغى تقول له سمعا وطاعه لا باحلامه
ما رح تسكت له ناظرته بقهر والدموع تلمع بعيونها : مو على كيفك ؟
طنشها وهو طالع من المطبخ وترك خلفه بركان
على باب الانفجار
**
**
**
**
/*
**
بعد ايام والأوضاع تعدلت شوي
بس شوق للحين متضايقه من قراره
بس ما بيدها تعمل شيء تخاف ان فتحت فمها بكلمه لامها
يوقع يمين الطلاق
عرف كيف نايف يربطها وما تتكلم
زفرت بضيق من هالسيره
أم صقر رفعت حاجب : علامك تنافخين ؟
طالعتها شوق وخلقها ضايق فقررت تضيق
خلق ام صقر : مضايقه شوي ؟
ام صقر وهي تخز فيها : وليه متضايقه ؟
شوق وهي تحط رجل على رجل بغرور : اممم نايف ملزم نطلع اليوم نختار شقه وانا ما لي خلق أطلع اليوم
ام صقر والخبر نزل عليها مثل الصاعقه وبدأت هجومها على شوق : نعم ؟!!
وليه ان شاء الله الشقه ؟
والله ما احد لعب براسه غيرك يالعقربه
تبغين تبعيدينه عنا يالقطوعه !
حسبي الله عليك
شوق زمت شفايفها بعد ما لمحت زول نايف وعدلت كلامها حتى تظهر امامه انها مسالمه : لو سمحتي يا جده احفظي لسانك وبلاه الغلط
ام صقر عصبت بزياده لما قالت لها جده : تخسين اكون جدتك يا قليلة الحياء
شوق بمسكنه : الله يسامحك
قاطعتها ام صقر : الله يأخذك ويخلصني منك
وينه زوجك الخروف خليني اتفاهم معه ؟
دخل نايف وملامحه ما تتفسر طالع شوق واعطاها
نظره توعد واقترب من ام صقر : السلام عليكم
ناظرته ام صقر وصارت دموعها تنزل : خلاص سحبتك مننا ...اخذتك .....نسيت اهلك ....تبغى تروح تتركنا ...فرت مخك هالحيه
نايف تنهد : يا يمه الله يسعدك
قاطعته ام صقر بعصبية : روح روح عندها
خلاص ما عدت نايف
دخلت سميه وخلفها اسراء : وش فيه صوتكم طالع ؟!
ام صقر وهي تناظر ساري ومحمد من خلفهن : تعالوا شوفوا ولد اخوكم يبغى يطلع من هالبيت
شفتم باعنا علشان زوجته !
ما قال عندي ام لازم كل يوم تشوفني وتصبح علي
يبغى يحرمني شوفته للي تخمد من شوقي لولدي
خلاص روح يا نايف وبالله عليك تنسى هالبيت
وتنسى للي فيه
اهم شيء حرمك المصون
حرمك المصون
وبدأ صوتها يضعف جلست على الكنبه بتعب
وتحس بضيق
اقترب نايف منها بسرعه : وش فيك يمه ؟ ؟
ام صقر تبعده عنها : ابعد عني ما ابغاك
روح عند زوجتك للي تكره اهلك
روح عندها خلها تنفعك
محمد يمسح على راسها : ارتاحي يمه
لا تشدي على حالك الحين يرتفع الضغط عندك
ام صقر بصوت متعب : خليني اموت
علشان يرتاح نايف وينبسط مع زوجته
وصارت تبكي هذي جزاتي تتركني وتروح
ليه يا نايف ليه ؟ !
نايف يحس الدنيا سوداء بوجهه : والله مو قاصد
شيء
والله ابغى اريحك من شوفتها لانك ما تحبيها
ام صقر بتعب والدموع على خدها : مو شرط تحطها في بيت لحالها علشان ما اشوفها وانغث
خلاص طلقها ويا دار ما دخلك شر
عم الصمت للحظات
ام صقر تكررها : لو تبغى راحتي وصحتي طلقها
الحين
ناظرها بملامح باهته وبلع ريقه
ناظر عمه محمد للي اشر له بعيونه ما يرد على ام صقر
التفت على جنب شافها واقفه تناظره
غمض عيونه لثواني وهموم الدنيا ركبته
وبصوت مخنوق : مثل ما تبغين الحين اطلقها
اذا هالشيء يريحك
وبعدها وقف وناظر شوق : شوق انت طارق
ام صقر فزت على حيلها : طلقتها يا مجنون ؟
نايف ناظرها باستغراب : مو انت طلبتي مني ؟
ام صقر : كان انتظرت تجلس عندك سنه الحين
وش يقولون الناس عنها
حسبي الله على عدوك رجعها لذمتك رجعها
وبعدها فقدت الوعي
ناظروا بعض باستغراب من تصرفها
محمد حمل امه : اسراء بسرعه هاتي عباتها بسرعه
ساري بضيق : لا حول و لا قوة إلا بالله
رجعت اسراء ومعها العبايه وطلعوا بسرعه متوجهين للمستشفى
اسراء بترفع بعد ما طلعوا ناظرت شوق : كله بسببك
سميه بتوتر من الموقف : خلاص اسراء مو وقت هالكلام
شمس عند الباب واقفه : ليه تسكتين امي؟!
مو كأنها هالحربايه خربت حياتنا
ويلا الحين جمعي اغراضك وروحي عند اهلك

مالك جلسه بعد ما طلقك
وبشماته
شفت كيف ما لك قيمه عنده اول ما طلبت جدتي منه
يطلقك على طول طلقك
قاطعتها اسراء وهي تجلس على الكنبه بغيره : ومين قال لك انه طلقها ؟!
مسكينه يا شمس
شاف خالتي كيف تبكي وتعبانه والسبب
زوجته
ومع ذلك بقى متمسك فيها للنهايه
ولا كلمه قال لها
وناظرت شوق بغيره
شمس بخيبه : انا سمعته لما طلقها
كانت شوق واقفه وتناظرهم يتكلمن
وكيف الغيره طالعه من عيونهم
قرأت سوره الفلق بنفسها
غمضت عيونها لثواني بتفكير
ما تدري وش العواقب ؟
تخاف تموت ام صقر ويحطونها برقبتها
وش يخلصها من نايف
بلعت ريقها لما تذكرت نظرات التوعد نبه
عليها ما تجيب سيره الشقه
وهي بكل بجاحه نشرت السالفه
الحين اذا رجع وش يخلصها منه
ما عندها الا هالحل هو يخلصها
وبسرعه توجهت لجناحها بدون ما تلتفت لكلامهن
**
**
**
**
**
بعد ما تحسن وضعها وقفوا بالممر
محمد بعتاب : وليه حضرتك ناوي تطلع من البيت ؟
ساري بعصبية مكبوته : هاي الاوامر للي انملت عليه
نايف بضيق من كلام ساري : افففف من هالسيره
يا عمي انا مو مرتاح بالجلسه بالبيت
ساري بحده : قول انها هي مو مرتاحه
نايف تكتف :وين المشكله اذا هي مو مرتاحه ؟!
ساري وملامحه محتده : المشكله انك صاير خروف عندها
محمد اعطى ساري نظره : ساري وش هالكلام ؟
نايف بقهر : يعني الحين اذا سكنت زوجتي في بيت لوحدها صرت خروف ؟!
ساري عفس ملامحه بقرف : ليه هي واقفه على البيت ؟!
نايف رح اقولها لك على بلاطه
شفت الزباله في بيتك ما بتمون عليها
وكلمه زوجتك هي الماشيه
وانت بين قوسين خيخه بين ايدينها
عصب نايف من كلامه : ساري احترم نفسك
ساري رفع حاجب بترفع : علشان بقول الحقيقه ؟!
محمد : ساري تراك تتدخل بامور ما تخصك
هو وزوجته وش لك فيهم ؟!
ساري بقهر : مالي دخل لكن وقسم بالله لو
يصيب امي شيء
ما رح تمر السالفه على خير
وتركهم وتوجه لغرفة ام صقر
محمد يلطف الجو : ما تهتم لكلامه متضايق على امي
نايف بقهر مكبوت : وبتلومني ليه ابغى ارحل
من قبل ما اتزوجها امي ما تحبها بدون ذنب
ومن لما تزوجتها لازم كل يوم تعمل لي مشكله
عكس معاملتها لساري وزوجته
نكدوا علي حياتي من بدايتها وقسم بالله
قرفت الحياه
يا ليتني ما تزوجت يا ليتني متت مع اهلي
اريح لي من وجع الراس
محمد تكدر خاطره بزياده : وش هالكلام ؟
تبغى امي تموت بعدك ؟!
انت تعرف كم متعلقه فيك وتحبك !
نايف بصوت مخنوق : لو بتحبني
ما تطلب مني أطلق البنت للي حبيتها
واختارها قلبي
محمد حط يده على كتفه : توكل على ربك
نايف زفر بضيق : والنعم بالله
**
**
**
**
**
بعد اجراءات الخروج توجهوا للبيت
والصمت عم الاجواء
دخلوا البيت وتوجهت ام صقر لغرفتها بمساعدة نايف واولادها
محمد وهو يعدل الغطاء : ما تشوفين شر
ام صقر بتعب : الشر ما يجيك
اسراء : اجيب لك عصير خالتي
ام صقر هزت راسها بالرفض
سميه بلطافه : طيب اعملك شوربه خالتي ؟
ام صقر بتعب : لا ابغى ارتاح
نايف ناظر المكان وشوق مو موجوده عصب بزياده
حتى ما كلفت نفسها تنزل تسلم على ام صقر
كتم غيضه وهو يتوعد فيها
طلعوا من غرفه ام صقر وهو بسرعه مشى متوجه لجناحه
بس وقفه صوت اسراءالتمس فيه نبره فرح : ترى زوجتك مو هنا !

التفت لها وبتساؤل: وينها ؟
اسراء بهدوء ظاهري عكس قلبها للي يتراقص سعاده : بعد ما طلعتوا اخذت اغراضها وطلعت
من البيت
سألتها وين رايحه بس ما ردت علي
شد نايف قبضه يده بقوه كيف تطلع بدون ما
تخبره وتوجه لجناحه بدون اي كلمه
**
**
**
**
نزلت من السياره ومعها شنطة صغيره
وهي متردده للي عملته صح او غلط
ناظرت ياسر بحيره
اقترب ياسر منها بعد ما خبرته بالسالفه : لسانك
هذا رح يجيب لك المصايب
انتبهي تجيبي سيره قدام اي احد انك زعلانه
حتى امي ما تخبريها
طالعته وعقدت حواجبها: ليه ؟
ياسر بهمس : ترى أبوي ينتظر الزله ويبغى الخلاص من نايف
فتحت عيونها بصدمه
كمل ياسر كلامه : وللمعلومه لو صار لك كم شهر متزوجه كان طلقك منه
بس للي كاسر ظهره انك بعدك عروس
وتعرفين كلام الناس ما يرحم
فحطي عقلك براسك اذا تبغين زوجك انتبهي تشكين لابوي بشيء
شوق بنبره خوف : خلاص رجعني عند نايف
انا ما ابغى الطلاق
مسك يدها : امشي الحين وش تقولين لنايف اذا رجعتك ؟
خلاص ادخلي الحين واعملي بالكلام للي قلته
لك
وانا باكر اتصل فيه واكلمه
شوق بحرص : انتبه يظن اني شاكيه لك
ترى والله ما شكيت بس قلت لك للي صار
ياسر ابتسم على جنب : لا تخافي يصير خير ان شاء الله
والحين ادخلي وكأنك جايه تنامين ليله فاهمه
هزت شوق راسها ودخلت معه
اول ما دخلت شوق وقف ناصر باستغراب : شوق ؟
ناظرت شوق ابوها وقلبها يرقع طبول وبتوتر : ايه شوق
فاطمه اقتربت منها وسلمت عليها بحراره : هلا بالعروس
سلمت على الموجودين بهدوء
وجلست جنب امها وعقلها مشوش وهي تفكر
بحل لهذي المشكله
عبود رفع حاجب بتساؤل: غريبه جايه هالحزه !!
شوق انقهرت من سؤاله وبعصبيه ما لها داعي : لما اكون جايه لبيتك وقتها تفلسف فاهم ؟
الجده باستغراب : وش فيك هبيت بالولد ما قال شيء
شوق بنرفزه : انت ما شفتي شكله كيف لما سألني ؟!
اشر لها ياسر بعيونه انها تهدي شوي رح تفضح نفسها بطريقتها بالكلام
اخذت نفس وسكتت
وطول السهره سرحانه واذا حدا سألها تجاوب
اجوبه ما لها دخل بالسؤال
واستغرب الاغلبيه وضعها
ما صدقت خبر تنتهي السهره وطيران على غرفتها قفلتها
بالمفتاح وبدلت ملابسها وجلست على السرير
بفكر منشغل
تذكرت الجوال صامت يمكن اتصل فيها
وبسرعه طلعته من الشنطه
وحست بالخيبه بعد ما فتحته
ما في لا مكالمه ولا رسائل ولا شيء
صار قلبها يودي ويجيب
وصارت تقنع نفسها انه يمكن بعده بالمستشفى وما يدري عنها
**
**
**
**
** ثاني يوم نزلت على الغداء وهي تحس بالخيبه وقلبها مقروص
ولا حتى مسج عبرها فيه !!
جلست على الكرسي وملامحها معفوسه
وناظرت امها للي تكلمها : علامك ما رديت السلام ؟
شوق اشرت على نفسها : انا
وليد بضحكه قصيره : لا للي خلفك
ناظرت خلفها ما شافت حد
خالد بابتسامة : وش نوع الحشيش للي تستخدميه تراك من البارحه مسطوله
شوق بلعت ريقها بسب تصرفاتها الغبيه اكيد رح
يشكون بالموضوع
الجده بحسن نيه : اليوم راجعه لبيتك ؟!.
شوق كأنه حد كب عليها مويه بارده بلعت ريقها
بصعوبه وحطت الكوب بقهر
وش هاللقافه للي عليهم وقفت بعصبيه : اذا متضايقين مني الحين اطلع
دخلت خلود: يا ليت والله نرتاح
شوق رفعت يدها بعصبية : والله هذا بيت ابوي متى ما طخت براسي اجلس فيه فاهمه
انا الداخله وانت الطالعه
شريفه : وش هالكلام ؟
شوق عفست ملامحها بقرف : انت يا خطافه الرجاجيل اخر وحده تتكلم
وليد عصب من كلامها كله ولا امه : شوق احترمي نفسك
شوق لوت شفايفها : هذا الناقص بزر
فاطمه مسكت يد شوق : خلاص يمه ما نبغى مشاكل
شوق بعصبية : لا مو ساكته
وابغى اعلم هالحشرات قيمتهم
سكتت وهي تشوف يد وليد تنطبع على
خدها وبصوت مقهور : انت أختي واحطك على راسي
بس تقللين من احترام امي
ادفنك بمكانك فاهمه
ناظرته بصدمه كيف يمد يده عليها
خلود رسمت ابتسامه شماته : تسلم هاليد
شوق والدم يفور بداخلها وهي تشوف نظرات خلود
تكرهها من كل قلبها وما تطيقها وبدون شعور
تناولت الكوب ورمته بكل قوتها على خلود
**
**
**
**
ياسر يمثل الجديه : كذا يا نايف تطلقها بذي السهوله ؟
حرام عليك ما كملت الشهر عندك
وش تقول الناس عنها ؟!!
وش الذنب للي عملته قول لي ؟
نايف اخذ نفس وبهدوء : هي وش قالت لكم :!
ياسر وهو ماسك الضحكه : قصدك قالت لي
ترى اهلي ما يدرون حتى امي
قالت لهم انها جايه تزورهم وما خبرت احد
بس انا قالت لي انك طلقتها
وانا ما ابغى احد يدري من اهلي حتى ما تكبر السالفه
فحبيت اكلمك بالاول واتفاهم معك اذا عندك نيه تراجعها ترجعها وبدون ما احد يدري بسالفه الطلاق
وش قلت ؟
نايف بهدوء : ومين قال اني طلقتها ؟!
ياسر بكذب : يا رجال البارحه ذبحت نفسها بكي معي بالسياره
وتقول انك طلقتها
نايف : انا ما طلقتها هي فهمت غلط انا قلت طارق ما قلت طالق
بس اختك تبغى الفرصه وتيجي
قاطعه ياسر بهدوء : لا تلومها يا اخي اي حرمه تسمع كلمه الطلاق من زوجها وش تنتظر منها رد فعل ؟!
والحين وش اقول لها ؟
نايف بهدوء : خلاص العصر امر انا واخذها معي للبيت
ياسر ابتسم : ان شاء الله وربنا يوفق بينكم
نايف بهدوء : آمين
**
**
**
**
**
خلود بعدت نفسها عند اخر لحظه والا كان كسر راسها
حطت يدها على قلبها براحه وناظرت شوق
بنظرات ناريه : مجنونه ؟!
وليد وقف عند شوق : لا الظاهر انك انهبلت ؟!!
فاطمه : وش عملت يا شوق
لو دخل براسها
قاطعتها شوق واعصابها تلفانه : احسن نرتاح منها
خلود بعصبية : وقسم بالله لتندمين ع على الحركه هذي
شوق بردح : خوفتيني
قاطعهم دخول ياسر : ليه صوتكم طالع لبرا
شوق شافت ياسر وبسرعه ركضت باتجاهه وسحبته طلعت لفوق
وليد وهو يناظر تصرفها : البنت هذي انجنت رسمي بعد الزواج
اعطت فاطمه لخلود نظره تقييم ولفت وجهها
وراحت للمطبخ
**
***
**
***
**
شوق دخلت ياسر الغرفه وقفلت الباب وبلهفه : وش صار ؟؟
ياسر يلعب باعصابها ورسم نظره الحزن : يقول خلاص طلقك وما في رجعه
شوق فتحت عيونها بصدمه : بس هو ما قال طالق قال
قاطعها بتمثيل وجلس على الكرسي : قلت له
بس قال انه يبغى يطلقك ما عاد يستحمل لسانك الطويل
فتحت عيونها بدهشه
كمل ياسر بتمثيل : والحين رح اطلع واخبر ابوي علشان
يكون عنده علم
وقف ياسر وقبل ما يتحرك مسكت يده : انتظر يالغبي يمكن يتراجع عن قراره
انا ما ابغى الطلاق !!
ياسر ناظرها بنص عين : ما تبغين الطلاق احترمي زوجك واهله وما تعانديه
شوق بندم : طيب وش اعمل الحين ؟!
ياسر ومن داخله يضحك على شكلها بس يبغى يعطيها درس علشان تمسك لسانها : الحين اتصل فيه واقنعه
يمكن يعدل عن قراره
هزت راسها بالموافقه وناظرته بامتنان : يا ليت تعمل خير
طلع من غرفتها وتوجه لغرفته وانسدح على الارض من الضحك
اخذ دقائق وهو جالس يضحك بعدها أخذ نفس
وحس بتأنيب الضمير كيف كذب
همس بالاستغفار وبعدها توجه للحمام غسل وجهه
وطلع من غرفته وتوجه لشوق
اول ما دخل فزت على حيلها : وش صار ؟
ياسر بهدوء : اسمعي خلاص العصر رح يمر عليك
بس انتبهي تجيبين سيرتي انه شاكي لي عن طول لسانك
انا مالي دخل بالسالفه بس اتصلت فيه يرجعك
وقال اوكي فهمت
شوق بفرحه : متأكد قال لك العصر بيمرني ؟!
ياسر : ايه متأكد
ترى انتبهي قال هذي اخر فرصه لك فاحفظي بيتك احسن لك
ونصيحة مني وش تستفيدين لو طلقك ؟!
شوفي حولك كم وحده او واحد رح يتشمت فيك ؟! وانت فاهمه مين اقصد
هزت راسها وتصورت شكل فارس وخلود
كيف رح يتشمتون فيها
وين كان عقلها المفروض تحط نايف على راسها لو يذوقها المر اهون عليها من فارس وخلود والشماته
ياسر قاطع افكارها : يلا الحين جهزي نفسك علشان تكونين جاهزه وما تتأخرين عليه
هزت راسها بفرحه و حست الدنيا ابتسمت لها من جديد
**
**
**
**
فارس يزيد العيار : مو من حقه يمنعها عنكم لو
مكانك يا عمي غصب عنه اجيبها
ناصر وهو يرتب الملفات : انا ما ابغى اعقدها
اخاف يركب راسه ويطلقها وبعدها ما كملت الشهر
وبعدين اخاف اظلمها احسها متعلقه فيه
عفس ملامحه بضيق اكره ما عليه يشوفها مبسوطه
امنيته يشوفها منذله
تنهدوناظر ناصر : والحين وش رح تعمل ؟
ناصر :للحين ما عندي فكره
بس بما انه ارسلها البارحه رح اسكت واشوف اخرها معه
رن جوال فارس فتح خط بهدوء ورد وناصر
يراقب ملامح وجهه للي تغيرت وبعدها تحولت ملامحه للعصبيه وبعدها قفل الجوال وناظر ناصر بعصبيه : لحد هنا وكافي
توصل فيها تضرب زوجتي بالكوب
قاطعه ناصر : وش فيه ؟
من تقصد ؟!!
فارس والشرار يطلع من عيونه : من غيرها حرم نايف
ناصر باستغراب : شوق ؟!....

ام صقر : يعني لذي الدرجه تحسبني بزر تضحك علي ؟
نايف بهدوء : يمه ا نت حصرتيني بزاويه وما خلصت نفسي الا بذي السالفه
ام صقر : لا تخاف رح اسكت الحين لعده شهور
وبعدها تتطلقها
نايف بتطنيش لكلامها : وين عمي محمد ؟!
ام صقر ما عجبها تطنيشه بس سلكت له : طلع عنده
شغل
نايف وقف استأذن وطلع
اسراء رفعت حاجب مو عاجبها: سبحان الله الحين حنا شايلين رجالنا على كفوف الراحه
بس علشان يرضون مو طالعين بالريحه الطيبة
وزوجته طول النهار صوتها يلعلع وتصرخ عليه وكأنه بزر
وشوفي كيف يركض خلفها مثل المجنون
سميه بنظره انتقاد : قولي ما شاءالله
الله يوفق بينهم
اسراء بتأفف : سميه لا تغثيني بالمثاليه
تراها هالشوق غثيثه وما تنبلع
سميه : تراك قاعده تغتابي الحرمه
ام صقر بتأييد : تراها ما قالت شيء غلط
غثيثه وما تنحب ما ادري حفيدي المجنون على وش منجن عليها ويراكض خلفها
سميه: يا خالتي اذا ما تحبيها خلي هالشعور بقلبك
ما يصير تتكلمين على الحرمه
وليه تعطيها من حسناتك
اسراء : مين حاطك محامي دفاع؟
كان واقف ويسمع كلامهن وثرثرتهن
زم شفايفه بقهر
وطلع من البيت كله
**
**
**
**
ينتظر بالسياره طلوعها ويكلم نفسه
معقول انا مجنون فيها مثل ما يقولون ؟!
والا كلام حريم والغيره لاعبه بعقلهن ؟!
بس ساري نفس الكلام يقول ؟
تنهد واسند راسه على الكرسي للي يعرفه
انه ما يقدر يفارقها بالرغم من عيوبها
بس تعلق فيها
ورح يعدلها باسلوبه ويكون اسره جميله
وامهم شوق المجنونه
ابتسم على لما مر طيف شوق بباله وهي تردح له
يمكن البعض يقول عنه عديم شخصية لما ترفع صوتها عليه
بس هو متأكد رح تنصلح مع الايام
وتكون الزوجه المثاليه
رفع راسه لما سمع طق على القزاز
كانت شوق مسك نفسه قبل ما يبتسم لها
يبغى يكون معها جاد للحين ما نسي سالفه
الشقه هذا وهو منبه عليها
ما تتكلم
فتح لها الباب وجلست بهدوء
بعد ما ردت السلام بهمس
ناظرها وهو رافع الحاجب الادب نازل اليوم رد بدون نفس متعمد : وعليكم السلام
شوق لما شافت رد فعله تأكدت انه زعلان وكلام ياسر مضبوط
طالعته بتردد : نايف انا
قاطعها بعد ما حرك السياره : مو وقته الحين الكلام
حسابك بعدين انا اراويك كيف لما اعطيك سر وتنشرينه
وبتوعد يصير خير
شوق بندم : والله نسيت لساني زل
قاطعها بحده : هذا لسانك ابغى اقصه واريح راسي
كانت تبغى ترد بس تذكرت كلام ياسر وتراجعت عن الردح وبين عيونها فارس للي ينتظر الزله حتى يتشمت فيها
ناظرته بزعل ولفت وجهها وما ردت
استغرب انها ما ردت مو بعادتها وبنفسه اكيد انها
محمومه : وش فيك سكت ؟!،
طالعته بنفس النظره : وش اقول ؟ !
بدون ما يناظرها : لا تقولين شيء

عم الصمت السياره حتى وصلوا
نزلت بهدوء من السياره ووقفت تنتظره من السياره
بعد لحظات نزل وراسم الكشره على ملامحه
مشى معها ودخلوا بدون اي كلمه
كالعاده ام صقر واسراء جالسات
تقدمت شوق بهدوء وارغمت نفسها على الابتسامه
فكرت تضرب عصفورين بحجر تظهر قدام نايف انها صاحبه واجب وتلطع ام صقر كلمه بطريقه غير مباشره
وسلمت على ام صقر وهي راسمه
ابتسامه خبيثه : الحمد لله على سلامتك يا جده
ام صقر احتدت ملامحها : انا كم مره قايله لك
لا تقولين جده
ونفضت يدها بقوه
ناظرت شوق وهي راسمه ملامح البراءه
ورجعت تكلم ام صقر : مو انت جده نايف ؟
وبعدين شمس وقمر ينادونك جده
ليه تزعلين لما اقولها وانا اقدرك واحترمك بذي الكلمه
ام صقر برد قوي : كذا مزاج ما ابغى تناديني
كذا
ولا حتى تكلميني انت بحالك وانا بحالي
ويا ليته البارحه طلقك وريحنا منك
ناظرت شوق نايف والدموع بعيونها
وانسحبت لجناحها بهدوء
نايف بضيق من تصرف ام صقر : وش سوت لك وهبيتي فيها كذا
كله علشان كلمه جده ؟!
ام صقر بلامبالاه : انا قلت لها ما تناديني
كذا بس هي تتعمد تناديني كذا
والحين خايف على مشاعرها بالطقاق للي يطقها
نايف ناظر ام صقر ومو طالع بيده يتكلم
والزعل باين عليه
سحب نفسه وتوجه لجناحه
ام صقر بغيره :رايح يراضي ست الحسن والجمال
اسراء زفرت بقهر : حظوظ
وعضت على شفتها بغيره
**
**
**
**
**
قبل ما يتكلم نايف رن جوال شوق
ردت بهدوء هلا .....وش فيك ؟؟ ........انا ؟؟
ما عملت شيء .......خلود ........انا كنت........
بس هي للي بدأت ......طيب اسمع مني .....هي قاطعها .......يبه والله .......كله علشان ست خلود .........يبه ............وناظرت الجوال وهو مقفل بوجهها
وبعدها التفتت على نايف جالس جنبها
وسمع المكالمه وهز راسه بكتم غيض : مجنونه انت ؟
في وحده عاقله تضرب حرمه بكوب ؟؟
وش هالذنب للي عملته علشان تضربيها ؟
شوق بدفاع عن نفسها وتحس كله اجتمع عليها
اليوم : تراها غثيثه مثل زوجها
نايف: حسبي الله على عدوك تبغين تورطينا مع زوجها ؟!
مين زوجها ؟
شوق لوت بوزها : فارس

بسم الله

بارت 22.3

**
**
**
**
قبل ما يتكلم نايف رن جوال شوق
ردت بهدوء هلا .....وش فيك ؟؟ ........انا ؟؟
ما عملت شيء .......خلود ........انا كنت........
بس هي للي بدأت ......طيب اسمع مني .....هي قاطعها .......يبه والله .......كله علشان ست خلود .........يبه ............وناظرت الجوال وهو مقفل بوجهها
وبعدها التفتت على نايف جالس جنبها
وسمع المكالمه وهز راسه بكتم غيض : مجنونه انت ؟
في وحده عاقله تضرب حرمه بكوب ؟؟
وش هالذنب للي عملته علشان تضربيها ؟
شوق بدفاع عن نفسها وتحس كله اجتمع عليها
اليوم : تراها غثيثه مثل زوجها
نايف: حسبي الله على عدوك تبغين تورطينا مع زوجها ؟!
مين زوجها ؟
شوق لوت بوزها : فارس
نايف عفس ملامحه بقرف : فارس
تكلم وهو ماسك اعصابه : وبعدين مع لسانك ما خليتي حدا من شرك
وبتوعد : لكن اذا ما ادبتك من اول وجديد ما اكون نايف
عقدت حواجبها باعتراض
قبل ما تتكلم او بالاحرى تردح رفع يده بتهديد : كلمه وحده والله ما يحصل لك خير
سكتت بخوف بعد تهديده وهي تشوف نظراته ما تبشر بخير
تأففت بصوت مسموع
ناظرها بعصبيه : لا تتأففين فاهمه
عفست ملامحها بقهر وتوجهت للمطبخ وهي تبربر : حتى النفس ممنوع افففففف من الحياه
طالع زولها وهي تدخل المطبخ وشاف جواله يرن
ميل شفته بقرف وهو يشوف رقم فارس
حطه صامت ومد نفسه على الكنبه
وغمض عيونه
**
**
**
**
**
ام فهد بردح : لا يا اختي ما يطلع لها
فاطمه ببرود : تراك مكبره الموضوع ابنتك ما صار لها شيء
وليه قاعده ..
قاطعتها ام فهد : ليه انتظر لوقت ينكسر راسها ؟!
تظنين اني خبله وهبله مثل شريفه اسكت لها
؟!!
لا يا حلوه انا اوقفها عند حدها
خلود وعينها قويه بوجود امها : ايه نوقفها عند حدها
فاطمه وهي تحط رجل على رجل بكل برود وما ردت عليهن
ام فهد ولعت من تطنيش فاطمه لها : انا قاعد اكلمك !!
فاطمه ناظرتها من فوق لتحت : والله انت جايه
تردحين وتتمشكلين
وانا ما لي خلق لذي السوالف
خلاص سالفه وانتهت ليه تحيين فيها ؟!!
ام فهد ما عجبها الرد : والله ؟!
شريفه : خلاص يا ام فهد
قاطعتها ام فهد : لا ما خلصنا هذي ابنتي وما اسمح لاحد ييجي بساحتها لو بحرف
قاطعها ياسر بعصبيه مكبوته : تبغين تجلسين باحترامك حياك الله اما غيره الباب ينتظرك برا
هذا بيت مو شارع
ام فهد فتحت عيونها باستنكار : تطردني ؟!
ياسر تكتف ببرود : افهمي للي تبغينه
شريفه بانتقاد : ياسر وش هالكلام ؟!
طنشها ياسر وناظر امه : يمه تعالي ابغاك بموضوع
وقفت فاطمه بهدوء
وتوجهت لفوق مع ياسر
وام فهد مولعه من القهر
**
**
**
**
**
**
**
مر الاسبوع والهدوء يعم حياة شوق
نايف هادي وقليل ما يعصب
وشوق ما تحتك باهله اختصار للمشاكل طول الوقت بالجناح ضايق خلقها
ابوها ما يكلمها للحين زعلان منها تتصل فيه
وما يرد
زفرت بضيق وقررت تتصل لاخر مره يمكن يحن عليها ويرد
رن عده رنات وبعدها فتح خط ردت بفرح : الو
عفست ملامحها من الصوت للي وصلها : نعم
شوق وهي تناظر الجوال وتتاكد من الاسم
وبعدها رجعته لإذنها ما تدري من وين طلع لها هالفارس تكلمت بعصبية : اتوقع انا متصله على ابوي
وليه ترد حضرتك ؟!
رد بدون نفس : يقال ميت حتى اسمع صوتك
ترى ابوي ترك الجوال عندي وازعجتيني وانت ترنين
افهمي ما يبغى يكلمك فخلاص سكت لما
استغرب ما لها حس ناظر الجوال وعصب لما شافه مقفل
كيف تقفل الخط بوجهه
حط الجوال بعصبيه وهو يتوعد فيها
**
**
**
**
**
دخل البيت معصب شاف ام صقر جالسه رد السلام بدون نفس
وتوجه طالع لجناحه
استغربت ام صقر وضعه
دخل الجناح وناظرها جالسه على الكنبه
سألها بعصبيه : جالسه بدل ما تجهزين الغداء ؟!
ناظرته وش فيه معصب كذا : الأكل جاهز
غسل وتعال
قاطعها بعصبيه : ما ابغى سم الهاري
ناظرته باستغراب وتقدمت منه بابتسامة ومسكت يده : تعال والله عملت لك كبسه
نفض يدها بقوه : ما ابغى سم ما تفهمين
وتركها وتوجه للغرفه
وهي واقفه تسمعه يتكلم بصوت عالي ويشتم
جلست على الكنبه بعد ما فهمت سبب عصبيته
بعد وقت طلع ناظرها وهي حاطه يدها تحت خدها
وسرحانه
تقدم وجلس مقابل لها : شوق
ناظرته ولفت وجهها وما ردت
نايف بندم : انا اسف مو قصدي اعصب عليك
انا
شوق بقهر: انا ما لي دخل بينك وبين ابوي بالشغل
حتى تحط حرتك فيني ؟!
نايف زفر بضيق : انا خسرت الصفقه بسبب ابوك
وفارس
شوق قاطعته وشوي وتبكي : وانا وش دخلني ؟!
نايف بقهر : لاني متأكد انهم متعمدين هالحركه
قاطعته : التجاره ربح وخساره
تقدر تعوض وتربح الضعفين
وبنبره رجاء : دخيلك لا تدخل الشغل بحياتنا
تنهد وناظرها : ان شاء الله
يلا الحين قومي نتغدى
وقفت بدون معارضه لانها ميته جوع
**
**
**
**
**
**
**
بعد ايام جالسين بالصاله
ام صقر بعصبية : وش تقول ؟؟!
نايف حزت بخاطره : بدل ما تباركين لي ؟!
ام صقر وقفت : مو قلت لك بعد سنه تطلقها
والحين تقول حامل
نايف وقف بقهر : انا قلت لك مستحيل اطلقها
ام صقر ولعت من تعلقه فيها : لاتطلقها
تزوج وحده ثانيه ت..
قاطعها بعصبيه : ولا الف حرمه ابدلها بشوق
هذي حياتي وانا حر فيها
و طلع من البيت معصب
ساري زم شفايفه مو عاجبه : الف حرمه ؟!
وهمس
مستحيل يكون طبيعي وكأنه محجوب
ام صقر ما سمعت وش قال : وش تقول ؟!
ساري استغفر بنفسه : ما في شيء
أم صقر مطت شفتها مو عاجبها : مبسوط قال حامل !!
يا حسرتي على العيال للي رح تكون شوق امهم
يبغى اقوم أرقص له من الفرحه
هذا لو زوجته مثل الناس والعالم تقعد معنا وتضحك وتسولف!!
بالله يا ساري متى اخر مره شفتها !
هذي وهي ساكنه بنفس البيت ما نشوفها
ويبغى افرح لها !!
ساري : بس كأنها صار لها فتره ما لها صوت
ام صقر مطت شفتها : ليه يطلع صوتها والرخمه
نايف صار خاتم بإصبعها
ساري ابتسم : احتمال وارد
**
**
**
**
**
**
فاطمه بفرحه بانت بعيونها : إيه حامل
ناصر ابتسم : ادري اتصلت فيني وخبرتني وباركت لها
فاطمه بابتسامة : يعني خلاص صالحتها ؟!
ناصر بهدوء : ما حبيت اكسر خاطرها
هزت راسها بتفهم : عقبال ياسر ان شاء الله
ناصر : امين
فاطمه براحه : احس انها مرتاحه مع زوجها
كثير ودوم تمدحه
ما ادري ليه ما تطيقه يا ناصر ؟!
ناصر بجمود : ما اطيق اسمع اسمه
احس انه مغرور بنفسه كثير
فاطمه : بالعكس ما احسه كذا
ناصر وقف : وش عرفك بالناس انا اعرفه
وتركها وطلع
**
**
**
**
خلود بحسد : جعلها ما تتوفق اكرها
ما ادري كيف رح تكون ام وهي
تبغى مين يربيها
دانا : بهذي النقطه صدقت تبغى مين يربيها
لانه خالتي فاطمه دلعتها كثير
الله يعيني على شوفتها اليوم عند مريم
خلود بقرف : معقول تيجي ؟
دانا: اكيد رح تيجي
وتجلس تتدلع مع هالحمل
مالت عليها
خلود مسحت على بطنها : ما ابغى اشوفها
اخاف اتوحم واجيب طفل يشبه لها
دانا ابتسمت : وش رايك اليوم نقهرها
؟!
خلود بابتسامة خبيثه : ونجلطها بعد
واطلقت ضحكه وتبعتها ضحكه من دانا
**
**
**
**
/*
وهي تنظف المطبخ تكلمت : عند مريم
نايف وهو جالس على الكرسي بالمطبخ : زوجة فهد ؟!
شوق تكمل تتظيف وترد بدون ما تناظره : ايه
نايف : حسب علمي ما تحبين اخوانك من ابوك
قاطعته وهي تناظره : وش دخل هذي السالفه ؟
نايف رفع حاجب باستغراب : كيف تروحين عند ناس ما تحبينهم ؟!
شوق وهي ترجع تكمل مسح : عادي
اتفقت مع امي اروح معها علشان ابوي ما يزعل
لو عرف اني ما زرت مريم
هز راسه نايف دام السالفه فيها ناصر بالطقاق للي
يطقه خله يزعل ويطق راسه بالجدار تكلم بحزم : اتصلي بأمك وكنسلي
تركت للي بيدها وباستغراب : ليه ؟
نايف ببرود: قلت لك من البدايه انا ما احب الحرمه
كل يوم في بيت
فلانه تزوجت فلانه خطبت فلانه خلفت فلانه ماتت
خلاف بيت اهلك زياره ما في طلعه
وعلاقه مع اعمامك ما ابغى
شوق ما تحب حد يمنعها من شيء : بس هي اختي !!
نايف بحزم : قلت لك كنسلي وخلصنا
شوق بقهر : انا نفسي افهم ليه تكره اهلي لذي الدرجه ؟!
نايف ببرود : نفس ما تكرهين اهلي
تعااااادل صح ؟!
وابتسم
انقهرت منه ورجعت تكمل شغلها
**
**
**
**
**
**
تمر الحياه واغلبها روتين لا تخلو من المشاكل
مرت ايام حمل شوق بصعوبه
وروتينيه لا احتكاك بينها وبين اهل نايف
وكل ا سبوعين تزور اهلها مره
وانتهت فتره الحمل بولادتها بتوأم
شوق بتعب عدلت جلستها
فاطمه بابتسامة : اجهز اغراضك ياسر على الطريق
اليوم خروج
هزت راسها
بس قاطعها نايف للي كمل اجراءات الخروج : وليه ياسر انا موجود
فاطمه بهدوء : والله ما ابغى اغلبك
توصلنا لبيتنا وبعدها ترجع
نايف رفع حاجب : وين ارجع ؟
فاطمه ببراءه : لبيتك؟
نايف ابتسم بسخريه : على اساس شوق عندكم
هزت فاطمه راسها : ايه كل البنات يجلسون عند اهلهم
قاطعها بعدم اهتمام لكلامها: ما علي من احد
زوجتي تطلع من المستشفى لبيتي
وغيره ما عندي كلام
فاطمه باعتراض : بس انا
نايف يقطع الجدال : انتهينا
فاطمه ما استسلمت ناظرت شوق : مو اتفقنا انك
تيجين عندي؟
شوق. زفرت بتعب وهي عارفه لو تتكلم لباكر ما رح يغير رايه : خلاص يمه نروح لبيت نايف
ابغى ارتاح
انقهرت فاطمه من ردها : بكيفكم
نايف حس فيها تضايقت ما حب تزعل منه
وخاصه ما عمرها ضايقته فاطمه : لا تزعلي خالتي
لا تتصورين فرحتي بعيالي وزوجتي
ابغى يكونوا عندي لو راحت عندكم
ما رح اخذ راحتي
وبعدين اهلي اكيد يبغون يشوفونهم
مدت شوق شفتها باستهزاء قال اهله ولا واحد فيهم
كلف خاطره يتصل يبارك
فاطمه بهدوء : ما زعلت الله يوفقكم
نايف بابتسامة: الله يخليك
طلعت شوق من المستشفى متوجه لبيت نايف
دخلوا البيت ونايف ساندها
وحرصه وخوفه باين بعيونه
تقدمت ام صقر وهي تمسح دموعها
واطلقت زغروده حتى لو ما تحب شوق غصب عنها تفرح لنايف : مبارك يا نايف
وتوجهت للشغاله واخذت منها الطفل للي معها
وهي تذكر الله عليه
شوق بهمس متعب : طلعني ابغى ارتاح
هز نايف راسه وطلعها لغرفته
ولحقتهم فاطمه وهي حامله بيدينها الطفل الثاني
سميه بفرح دخلت وباركت لها
اما اسراء باركت بدون نفس
ام صقر وهي جالسه عند التوأم وكانها اول مره
تشوف اطفال : انا رح اقول لنايف. يسمي البنت
الجوهره والولد مشعل
عفست شوق ملامحها بقهر وقبل ما ترد
اشرت لها امها بعيونها ما ترد عليها
سميه وهي تمسح على راس البنت : يشبهون بعض
كثير
قاطعهم طرق على الباب : نايف
بعدها دخل واخذ كرسي وتوجه بالقرب من شوق وجلس : كيفك الحين احسن ؟!
شوق وهي تشوف نظرات الغيره من ام صقر واسراء هزت رأسها بتعب
نايف بابتسامة : ولا يهمك دواهم عندي عيالك
تعبوك
قاطعتهم ام صقر وتقطت مصارينها من الغيره : وش رح تسمي العيال ؟!
انا قلت البنت الجوهره والولد مشعل
شوق بقرف مخلوط بتعب : تبغين تعقدين العيال بهذي الاسماء ؟!
اعطتها فاطمه نظره انها تسكت
عفست ام صقر ملامحها وهي مستشره : نعم ؟!
نايف ناظرهم وتنهد من زمان عن شجارهن
وتكلم حتى ينهي النقاش : العيال سميتهم وخلصنا
ما في داعي للكلام
شوق وام صقر بنفس اللحظه تكلموا : سميتهم ؟!
نايف تكتف :ايه سميتهم جواد و جود
ام صقر مطت شفتها بقرف :وش هالاسماء ؟!
نايف يقطع النقاش : خلاص سميتهم وانتهينا
والحين وش عاملين غداء ؟!
ام صقر : هذا للي هامك بطنك ؟!
نايف بمسكنه: حرام عليك يمه
ابغى الغداء لشوق اكيد الحين جوع ذابحها
ترى شوقي تحب الشوربه ساخنه
وقفت ام صقر بقهر : يلا يا سميه واسراء
نشوف الغداء
واشرت بعيونها يلحقونها وطلعت
طلعوا خلفها بهدوء
وقفت ام صقر بعد ما طلعت : وش هذا ؟ !
وكأنه ما حد جاب عيال غيرها !!
اسراء من خلفها بسخريه :
اكيد ذابحها الوجوع
ام صقر : فقعوني وانا متأكده هي للي اختارت
الاسماء
سميه بهدوء : هي للي تعبت وش فيها لو اختارت الاسماء
اسراء وقفت على الدرج وناظرتها : قولي كذا لانه ساري ما رضي تسمي ولدك
سميه : مو كذا
ام صقر : جايه تقارني ساري بالرخمه نايف
ساري رجال ولا كل الرجال
ابتسم ساري وهو يسمع المديح
إسراء طالعت ساري : الحين يكبر راسه
ام صقر نزلت لحد ساري : شفت نايف راح سجل عياله بأسماء ما ادري من وين جايب هالاسماء
اكيد اختيار زوجته الخايسه
ساري بعدم اهتمام : بكيفهم
اسراء بقهر : ويبغى اكل لزوجته يتأمر علينا وكأننا خدم عند زوجته
وبسخريه شوقي تحب الشوربه ساخنه
ساري ابتسم على كلامها
**
**
**
**
**
**
**

بعد المغرب
ناظرت مريم وابتسمت بالرغم انها شوق ما زارتها بس ما قاست ومن اول يوم جاءت تزورها
مريم وولدها بحضنها : الحمد لله على سلامتك
شوق ابتسمت : الله يسلمك
الجده وهي تناظر التوأم : يجننون و يشبهون بعض
شوق بخوف : اذكري الله يا جده بلاه تصكينهم عين
الجده فتحت عيونها بزعل : انا اصكهم عين يا قليله الحياء
شوق بجديه وخوف على عيالها وضربه لام صقر للي جالسه : والله يا جده يقولون
العجايز وخاصه الجدات يصيبون بالعين
الجده تجلس بزعل : ومين الغبي للي قال لك هالكلام ؟!
انا عيني بارده
مريم : ما شاء الله ربي يحفظهم
شريفه بحسن نية : حصنيهم بالليل والصبح وما رح يصيبهم شيء
ما ردت شوق وحست بثقل كلام شريفه عليها
ما تستقبل منها شيء
ام صقر بقهر من شوق حتى مع اهلها مو مؤدبه : جدتك فيها البركه
الجده بانتعاش : الله يبارك فيك
واعطت شوق نظره توعد
مريم بابتسامه : احسهم يشبهون ولدي
الجده بحنق من شوق : لا يا مريم ولدك احلى
عيال شوق مثل السحليه
قاطعتها شوق : بسم الله على عيالي
ام صقر رفعت حاجب مو.عاجبها : وش هالكلام
عيال نايف مثل القمر
ربي يحفظهم
شوق تطالع امها : ياسر وين ؟!
فاطمه عفست ملامحها : رجع
الجده : والله بنت الذين اخذت ياسر وهجت وسحبته
عند اهلها وما نشوفه الا بالمناسبات السعيده
ام صقر : وزوجته ما تيجي معه ؟
الجده : شفناها يوم العرس وبعدها سحبته عند
اهلها وما شفناها
ام صقر : طيب هو وش موقفه ؟!
الجده : مثل الخروف خلفها
يدور رضاها وترك المنطقه واهله
ام صقر : طيب كل اسبوع يزوركم ؟!
الجده بسخريه : كل اسبوع ؟!
كل اربعة اشهر ينزل ليله وبعدها يرد و ..
قاطعتها شوق بقهر من جدتها قاعده تنشر غسيلهم : جده احسك نحفانه
الجده : المرض هدني
فاطمه : قلنا لك يا خالتي لا تتركين العلاج
الله يهديك

**
**
**
**
**
**
مر اسبوع على ولاده شوق ومرارتها فقعت
من ام صقر كل شوي تلقي نصائح
وساكته علشان نايف
حملت جواد وحطته بحضنها تمسح على راسه
رفعت راسها وام صقر تتكلم : حطيه بالسرير
الحين وقت نومه
شوق وهي ماسكه نفسها : ليه حاطه جدول
لوقت النوم ؟!
ام صقر : ايه حاط جدول والحين
حطي الولد خليه ينام
شوق بعناد : ما ابغى
ولدي احمله بالوقت للي ابغى
ام صقر : يا حسرتي عليهم انت امهم
شوق تلعب بحواجبها : قصدك يا حظهم
ام صقر عصبت : تجاكرين فيني ؟!
انا ادري كل حركاتك علشان ما ادخل الجناح
لكن حامض على بوزك
قاعده على قلبك هنا
شوق : يعني متعمده بجلستك هنا ؟
ام صقر تجلس على الكرسي : ايه متعمدة
شوق تغلي غلي متعمده تضايق عليها : اجلسي ما عندي مشكله
بس ما لك تشورين وتمونين علي
ام صقر تحط رجل على رجل : والله جالسه عند حفيدي الامر بيدي وانا اشور مثل ما ابغى
شوق بقهر : انا ما ابغى حد يجلس عندي
صحتي مثل الحصان واحسن
اقدر اخدم زوجي وعيالي
بس فارقي
ام صقر لما حست بدخول نايف وبصوت عالي : تطرديني ؟!