رواية بديت أنساك يالون السعادة~للكاتبة ضاقت انفاسي الفصل الخامس 5 - بقلم BlackButterfly002

البارت الخامس

**
**
**
**
**
**

5.1
حس ناصر انه الموضوع جدي وانها ما رح تعدي
السالفه على خير
وبدون شعور صرخ عليها من خوفه انه يفقدها : فاطمه
نقزت على صوته وما ردت
كمل بدون ما ينتظرها ترد : انت عقلك فيه شيء ؟؟؟
تعوذي من الشيطان ولا تحديني على شيء
فاطمه وللحين تحس قلبها محرور : اعمل للي تبغى لانه خلاص ما عادت تفرق معي
وكملت طريقها تجيب الاغراض بس وقفت
لما سمعته يقول بعصبية : بتكوني طالق اذا
طلعت من باب البيت
تابعت خطواتها بدون اهتمام بس وقفت لما مسكها من معصمها ولفها لجهته مو قادر يستوعب فكره فراقها
عاش معها على الحلوه والمره
والحين تتركه على موضوع زي كذا
تكلم بحده : اقسم بالله لو تطلعين من باب
البيت الا ازوجها لجارنا الشايب ابو علي وهذا انا حلفت
كانت واقفه عند باب غرفتها وتسمع امها وابوها شهقت وحطت يدها
على فمها من كلام ابوها ما تدري وش تعمل
ما توقعت توصل الامور لهذا الحال
قطعت افكارها وهي تسمع بدقه لرد فعل امها
**
**
**
**
**
جالس على سريره وبعصبيه : والله على جثتي ما يتزوجها
انا اولى فيها
ام رائد بحده وهي متخصره : ولا كلمه ولا تقعد تصرخ فوق راسي ترى مو فايقه لك
والبنت ابن عمتها اولى فيها منك
سوالف المراهقة هذي فكني منها تراك اقرفتني
والبنت ما لك امل فيها
قاطع امه بعصبية : تراني احبها مو على كيفكم تزوجونها
لوت بوزها بقرف من حركات ولدها
وطلعت من الغرفة بعد ما قفلت الباب خلفها بقوه
توجهت للصاله
كان داخل ابو رائد البيت
لاقته بعاصفه من الهجوم : اسمع شوف حال لولدك
صار له كم يوم بدون اكل عامل حاله العاشق الولهان
ما يصير كذا ؟!!
تراني مليت من تصرفاته
طق كبدي منه اففففففف
طالعها وهو رافع حاجب : وعليكم السلام ورحمة الله وبركاته
طالعته بخجل من تصرفها دخل وهبت فيه وكأنه
بركان وانفجر ابتسمت ترقع صراخها وتكلمت بنبره هاديه : السموحه بس ولدك
طلع الجنان بعقلي شوف حل معه
ما يصير يبقى بدون اكل
هز راسه بهدوء بدون ما يعلق على كلامها
وتوجه لغرفة رائد وهو يقول بصوت هادي : الحين اشوفه
هزت راسها بفقدان امل لانه ما رح يطلع بنتيجه
مع رائد
جلست على الكنبه وهي تهمس بنبره ساخرة على رائد : قال احبها حبك قرد
مسكت الجوال واتصلت على امها ضيق خلقها
رائد من لما قالت له انه شوق رح تتزوج مهند
وهو معتكف بالغرفه
قطعت افكارها لما سمعت صوت امها وتكلمت : هلا وغلا اخبارك يمه؟؟؟
ام عمر بهدوء : الله يسلمك اخبارك واخبار رائد؟؟
زفرت بملل : اقرفني يمه من لما قلت له
انه ابن عمتها رح يخطبها وهو حابس نفسه بالغرفه
ما يطلع ولا يوكل
ما ادري اي فلم حاضر وجاي يطبق عندي
ام عمر باعتراض : صبرك عليه يمه هذا السن صعب شوي
قاطعتها : لا والله يبغى كم عقال على ظهره يسنعوه بس ما يقهرني الا ابو رائد
ما يقول له شيء وتاركه على راحته
ام عمر مو عاجبها تصرف ام رائد لانه من طبعها تحب تدلل العيال : ما ادري كيف تفكرين تراه ولدك بالسياسه عامليه
ما عندك اسلوب تربيه كان انت والا اختك الثانيه
تاركه ولدها اكثر من 6 اشهر ما سألت عنه
ام رائد بملل : فكينا منه الحين
متى رح تملك شوق ؟؟؟
ام عمر بنبره استغراب : تملك شوق ؟؟
على مين تملك ما عندي خبر !!
ام رائد عقدت حواجبها : علامك يمه مو قالت فاطمه انه عمتها
تبغاها لولدها مهند
ام عمر لوت بوزها : مالت عليك فكرت في احد خاطبها
جديد
تنهدت ام عمر ما ادري عنك دوم توصلك الاخبار متأخره
يا الخبله ابن عمتها خطب بنت عمه وهون عن شوق
شهقت ام رائد : قولي قسم !!
ما قالت لي فاطمه !!
وش السبب ؟؟!!
وانا الهبله للي افكر وش ألبس بحفلتها
ام عمر : هذا للي همك وش تلبسين بالحفله
ما اقول الا مالت عليك
خلاص قفلي الخط تراك رفعت ضغطي
الله يعين ولدك عليك ما ادري كيف متحملك للحين
ضحكت ام رائد على رد فعل امها
لما سمعت ام عمر ضحكاتها قفلت الخط بوجهها من القهر
***
***
***
***
***
بعد كلامه ارتخت ملامحها وناظرته بحزن
وتكلمت والعبره خانقيتها : اذا هان عليك
تتطلقني
يهون عليك تزوج شوق لابو علي
قاطعها بعد ما تنهد : والله ما تهوني علي
ابيع الدنيا كلها ولا افقدك
قلت لك غلطه وندمت عليها لما دخلت شوق ومريم مع بعض
تعامليني وكأني معصوم عن الغلط
تراني بشر مثل كل الناس
كل انسان يغلط بحياته لا تهدمي بيتك علشان
غلطه انا اقترفتها
وهذا انا اقول لك اني اعترفت بغلطتي
لو يرجع الزمن مره ثانية مستحيل اكرر هذا الفعل
وانت تدرين للي بقلبي
فلا تقعدي تتوهمين اشياء ما لها اساس
وانت ادرى
تنهد بتعب لا تجلطيني يا فاطمه
اذا تبغين يقولون باكر ناصر مات خلاص اطلعي
اذا هذا الشيء يريحك
وفتح لها مجال للخروج
بس توقف لما سمع صراخها : اسكت اسكت
ولا تعيد هذا الكلام مره ثانية
بعيد الشر عنك وربي يطول عمرك
تنهدت بندم لا تلومني ما ادري تنرفزت
قاطعها بحنيه : لا تعتذرين انا للي غلطت بحقك
فاطمة قاطعته : لا انا للي غلطت ورفعت صوتي عليك ...
قفلت شوق باب غرفتها ولوت بوزها
ما تحب المثاليه لازم امها زعلت وعملت كرامها
لهم وآكشن زي كذا
مو ترضى بذي السهوله لا وبعد تعتذر
عضت على شفتها اخخخخ يالقهر
المشكله امها ترضى بسرعه يمكن هذي اول مره تشوف بينهم مشكله
دائما سمن على عسل
جلست على اللاب بملل وهي متحسفه انها امها
ما زعلت وعقلها الصغير ما فكر بالعواقب
للي رح تصير لو امها عاندت وطلعت من البيت

***
***
***
***
***
دخل ابو رائد غرفه رائد بهدوء وقفل الباب خلفه
وناظر رائد للي معطيه ظهره ويتكلم بدون ما يلتفت : قلت لك يمه ما ابغى اكل !!
تكلم ابو رائد بصوت هادي : ليه ما تبغى اكل يا وليدي
تفاجئ رائد بوجود ابوه وما ترك له فرصه ابو رائد يرد كمل حديثه : تحبها يا رائد ؟؟؟
هز رائد راسه وكأنه عاشق ولهان
ناظره ابو رائد وكتف يدينه : وش الحل بنظرك ؟؟
رائد بحريه يتكلم ومتعود على الدلال : تخطبونها
لي او تحيرونها
المهم تكون لي
وما رح اكل ولا اشرب حتى تخطبونها لي
ابو رائد هو يحك ذقنه : اممم انا عندي طريقه
افضل
لانك رح تموت من الجوع كذا حتى نخطبها
وامور الخطوبه يبغى لها وقت
فأنا عندي طريقه افضل بكثير والنتيجه مرضيه
ان شاء الله
وش قلت ؟؟
هز رائد راسه بالموافقه وسرعان ما قفز عن ظهر السرير لما حس
بلسعة العقال على ظهره
ابو رائد مسكه ونزل بالعقال : عامل حالك عنتره
وعشقان عبله وانا ما ادري
سكتت لك كثير وانا اقول باكر يعقل باكر باكر باكر
وانت ولا عندك علم
كل ما فيك تصير ازفت من اليوم للي قبله
رائد وهو يستنجد : خلاص يبه والله اصير مثل ما تبغى
يبه يبه الله يخليك يبه
وابو رائد مستمر بالضرب ومطنش كلامه
بعدها وقف ابو رائد وهو يلقط انفاسه ورمى
العقال على الارض
ومسك الكيس للي كان معه اول ما دخل الغرفه
فتحه
تحت انظار رائد للي يناظر ودموعه على خدوده
وانفجع لما شاف للي بيد ابوه ونزل تحت رجلين ابوه : توبه يبه والله ما اعيدها يبه بالله
قاطعه ابو رائد : ولا كلمه وقسم بالله لاربيك من اول وجديد
تراك مو شايف نفسك اذا طلبت امك منك طلب
تفضحنا بالحاره اذا قلنا لك اعمل كذا تروح تعمل
العكس ما ادري شغل عناد
والحين عامل حالك عنتره وقسم بالله لاخليك تندم
جلس رائد على الكرسي غصب عنه وبدأ شغله
ورائد دموعه تنزل وهو يمسك شعره للي يوقع على الارض
شعره للي كان يقضي ساعات بتزيينه خلال دقائق
طار
كمل ابو رائد وهو ملامحه متجهمه : قوم غسل
بسرعه خمس دقائق اشوفك هنا منغرز فاهم
هز راسه وتوجه للحمام
***
***
***
***
***
جهزت الغداء وتنتظر ابو رائد ينزل استغربت تأخره لفت لجهة الباب لما سمعت صوت اقدامهم
بس ما مسكت نفسها وانفجرت من الضحك
لما شافت زوجها ومعه رائد وشعره على الصفر
ناظر ابوه وكأنه يقول له شفت امي
اعطاه ابو رائد نظره بمعنى انطم
جلس رائد بمكانه وهو يسمع ابوه يتكلم بحزم : شايف هذا الصحن كله تأكله فاهم
كان يبغى يعترض بس سكت لما ناظره ابوه بحده
كان يسترق النظرات لامه وابتسامتها شاقه الحلق
عض على شفته بقهر وهو يشتم الحب وطريقه
***
***
***
****

ضرب بخفه على راسه : يا عيني على البطيخه هههههه
ابعد رائد يده عنه بقرف : انقلع عن وجهي
وليد بضحكه ورجع حط يده على راس رائد : ههههههه بكم البطيخه اليوم ؟؟
رائد مو رايق له : خالد خلي اخوك يسد حلقه
وينقلع من هنا
سعيد : والله غريبه يا رائد تحلق على الصفر !!
وانت طول الوقت تناظر المرايه وتسرح شعرك
حتى بالحصص
كيف بذي السهولة تخليت عنهم
والكل ناظره نظرة شك
عض رائد على شفته وهو يتذكر البارحه
وحتى ما حد يلاحظ ابتسم : ان شاء الله
بالعطله رايح عمره
ومن الحماس حلقته من الحين
وابتسم وهو يمسح على شعره
ناظروه الموجودين نظره تكذيب
ناظرهم : علامكم تناظروني كذا ؟؟؟؟
وليد ضحك باستهزاء : سلامتك يا غالي
بس ما ادري حسيت المقص انكسر ههههههه
حمد بسخريه : قال علشان العمره ابوك يالكذب
رائد بدفاع : اذا مو مصدق اسأ
قاطعه وليد : خلاص صدقناك
وناظر عادل للي يناظرهم وهو ساكت : اشوفك ساكت يالعاشق وش صار معك؟؟؟
سرح رائد بفكره وهو يناظر عادل وهو يتكلم
من بعد البارحه حرم انه يحب او يمشي بهذا الطريق
كل المصايب وقعت على راسه من سبب هالخرابيط
تنهد بحسره ومسح على راسه الاصلع
يتحسر على شعره
حلف من بعدها ما يفتح قلبه لذي الامور
وينشغل بشيء يفيده أكثر
بس يا ترى رح يستمر على هذا الطريق والا رح
يرجع كعادته القديمه
وشوق وش موقعها صار بعد الامس بالنسبة له ؟؟؟؟

***
***
***
***
تكلم بهدوء والفرحه باينه على ملامحه : خلاص
نويت ان شاء الله قريب
رح اقول لامي تخطبها لي
فهد هز راسه بتأييد : خير ما تعمل ترى نسب
عمي ابو احمد ما يتعوض انسان فهمان
مهند جالس يستمع ويهز راسه كان يتمنى واحد منهم يتزوج من اخواته
بس كل شيء نصيب
فارس : الله يتمم على خير ان شاء الله
كمل جملته وعفس ملامحه
فهد رفع حاجب باستغراب : علامك انقلب حالك ؟؟
فارس باشمئزاز وصوت منخفض : شوف من جالس بالطاوله للي قدامنا
يا كرهي له
انسان غثيث ما اطيقه
مهند ناظر قدام ورفع حاجب باستغراب : ليه ما تطيقه ؟؟
فارس بقرف من سيرته : لو تتعامل معه
وقتها رح تعرف ليه ما اطيقه
فهد وهو يحط يده تحت خده : احس انه مو سهل هالنواف
مع اني ولا مره تعاملت معه بس لما تناظره
تحس انه مو سهل ابد
فارس : اصلا احس كل عائلتهم المكر واللؤم والحقد
يسري بدمهم باستثناء ام ياسر
قاطعه مهند : شوف الظاهر انه رح يطلع من المطعم
ناظروه لما وقف التفت عليهم وناظرهم
من فوق لتحت نظره تقييم
وطلع مع صديقه من المكان كله
مهند وهو يناظر زوله : صدق والله الخبث باين بعيونه
فارس بتأييد : قلت لكم تراه خبييييث
فهد : فكونا من هالسالفه
وخلينا نطلع من هنا
مهند وقف : صادق تأخرت عندي موعد ضروري
اشوفكم بعدين
استأذن وطلع
وقف فارس وهو يعدل ثوبه : حظ اليوم ما داوم
الموظف للي قلتلك عنه
فهد مشى خطوه وهو مو عاجبه الوضع : انا حذرتك
اترك البنت بحالها ترى لو يدري عمي ناصر بمخططاتك
انت صاحي ترقي الموظف من مراسل
لمدير مكتب وبعد الزواج
فارس قاطعه: انت وش للي مضايقك
فهد بنصيحه : ترى عمي ناصر ما رح يسكت لك ورح يزعل منك اذا عرف بالموضوع
فارس باستبعاد : ما رح يدري ورح اكسر
راسها بطريقتي الخاصه وبتشوف
والحين امشي قدامي

***
***
***
***

طلعت من المدرسه بتكاسل وخمول
ومتضايقه
كانت مريم تمشي قدامها بهدوء
وصلت للسياره واستغربت لما شافت فارس
جالس جنب السايق
ما اهتمت وركبت بهدوء جنب مريم
كالعاده بدون ما ترد السلام
حرك فهد وناظر فارس : حشى داخله على يهود ؟؟ الواحد يرد السلام
فارس يقهر شوق : ناس مريضه نفسي
الله لا يبلانا
فهد ابتسم على جنب : اخبارك يا بنت العم ؟؟
ما ردت ولا عبرت احد ما لها خلق لاحد
فهد يكمل وهو رايق : الظاهر انها ما تسمع بنت العم
ليه ما راجعتم فيها بالمستشفى
فارس ضحك : هههههههه الله يسمع منك
وتصير ما تسمع ههههههه
اقترب فارس من فهد وهمس بإذنه بكلمات
وبعدها انطلقت ضحكات عاليه منهم
فهد تنحنح ويعدل صوته : اقول مريم
كيف الدراسه ؟؟؟
مريم بضيق من تصرفاتهم وكأنهم بزران ردت بدون نفس : زينه
فارس بنغزه : مريم ما شاء الله دافوره مو مثل بعض
ناس تعيد الصف مرتين ههههه
فهد بضحكه : هههه انت ما تدري تحب تتفقد الرعيه هههههههه
طول الطريق ساكته وما فتحت حلقها بكلمه
وهم يتريقوا عليها
بعد ما وصلوا فتحت الباب وناظرتهم قبل ما
تنزل وبصوت واثق : طنش الحمير بتعيش امير
ونزلت بعد ما ضربت الباب بقوه
فهد دق على صدره بابتسامة : كأنها شتمتنا ؟؟
نزل فارس معصب كيف تقول كذا وتسكر الباب
بذي الطريقه وهو الف مره منبه عليها ما
تسكر الباب كذا
نزل فهد ومسكه : هدي يا ابن الحلال
فارس بعصبيه : كسر يكسر يدينها
فهد يهدي فيه : لا تنسى ترى حنا للي استفزيناها
فارس بعصبيه : وقسم بالله لتندم اذا ما خبرت
ابوي ناصر عنها
خله يمسح فيها الارض
ضربه فهد على كتفه بشويش : بسببك نسيت اتكلم مع خطيبتي
فارس وهو مولع : روح انت وخطيبتك عن وجهي
مالت عليك وعليها
ضحك فهد على شكل فارس
وناظر مريم : اقول مريم ..
ناظرته مريم بزعل ودخلت داخل بدون ما تكلمه
مقهوره منهم ليه يكلمون شوق كذا
فهد عقد حواجبه : علامها مريم
فارس ما له خلق : وش دراني

**
**
**
**
دخلت البيت وهي مخنوقة للحين الصدمات للي
اخذتهم ما نسيتهم
وزاد عليها فارس وفهد كأنها ناقصيتهم
واول ما اجت عينها بعين ابوها
ما ثبتت نفسها وانفجرت بالبكاء
وكأنها طفله صغيره جلست على ركبتيها
انفجع ناصر لما شافها تبكي كذا
وهب واقف على حيله والافكار تروح وترجع وش
سبب انهيارها
اقترب منها وهزها على الخفيف : شوق وش فيك ؟؟؟
شوق هزت راسها ودموعها تنزل على خدودها
بدون توقف
عاد السؤال والخوف بقلبه : وش فيك يا شوق ؟؟؟
تكلمت وهي تشاهق : ف ف ا رس
ناصر بخوف على فارس يكون صايبه شيء: وش فيه فارس ؟؟
دوبه مكلمني ما فيه الا الخير !!
وش صار له ؟؟؟
شوق وهي تمسح دموعها وبصوت مبحوح من البكاء : لمتى استحمله ؟!!
لمتى ؟؟!!
دوم يغلط علي ويتمسخر علي قدام الكل
واليوم قدام فهد طول الطريق وهو يتمسخر
علي ويقول عني مريضه نفسي وانا ساكته
وان شكيت لك ما تصدقني !!!
وش له دخل فيني حتى توصل فيه يلحقني علشان
يضربني !!
ترضاها يمد يده علي ؟!!
وبنبره حزن : اذا انت ابوي ولا مره مديت يدك
علي
ييجي هو
قاطعها ناصر بعد ما تنهد وتضايق من تصرف فارس : خلاص اليوم اكلمه
ومن يوم رايح ما رح يتعرض لك
انا رح اتفاهم معه
هزت راسها وتوجهت لغرفتها وهي للحين الحزن
مغرق قلبها
جلست على السرير بتعب وهي مستغربه من
نفسها لاول مره بحياتها تكلم ابوها بذي الطلاقه
من قهرها وضيقها نسيت خوفها واحراجها
من ابوها
حطت راسها بين يدينها وهي تستغفر
وبداخلها قهر وخاصه من فهد يتكلم معها
بكل حريه ومطيح الميانه معها
وناسي الموقف البايخ للي حطها فيه

**
**
**
**
**
**
جالس بالسياره ويهز رجلينه بقهر نفسه
تكون قدامه ويكسرها تكسير
عض على شفته لما تذكر كيف زعل منه
واعطاه كلمتين
"اذا غلطت عليك شوق تعال قول لي وانا اتفاهم
معها
تراها ما عادت مثل اول "
واعطاه نظره تمنى تنشق الارض وتبلعه
كل شيء عنده ولا ابوه ناصر يزعل
منه والسبب الزفته شوق
زاد اصراره على تنفيذ مخططه وخلها تذوق
الفقر والحرمان على اصوله
يمكن لسانها الطويل ينقص
عض على شفته متى ييجي ذاك اليوم

**
**
**
**
**
**
جالسه تحس بالملل اشتاقت له
كان يملي عليها وقتها شوي
شافت خالد معه الكتاب وداخل الصاله
نادته بحماس لعلها تغير من نفسيتها وتنسى كل شيء صار وتبدأ حياه من جديد : تعال ادرسك يا خالد
خالد عفس ملامحه : لا مشكورة ما ابغى اغلبك
سامي من خلفه : ههه قول الحقيقة
وناظر شوق
ترى كل حلك للمسائل غلط والاستاذ
قال له مين الغبي للي حل لك المسائل
وقام رائد من خلفه وقال للاستاذ : هذي اخته
شوق للي حلت المسائل مكمله بكالوريوس بالثاني اعدادي
كل سنه ترسب علشان تشرح لزميلاتها المسائل
الصعبة
خالد بقهر لما تذكر الموقف للي حطه
فيه رائد وكل العيال بالصف انسدحوا من الضحك
حتى الاستاذ لف لجهة السبوره يكتم ضحكته
حطه بموقف محرج
الغبي رائد ما يثمن كلامه وما يعرف يتكلم
عض على شفته بقهر
شوق بقهر من الكلام : هو الغبي اصلا وش يفهمه بذي المسائل
ورائد التافه حسابه عندي
اقول يا خالد استاذك متزوج ؟؟
خالد عقد حواحبه ونفسه يخنقها على الموقف البايخ للي حطته فيه : ليه تسألين ؟؟
شوق بفهاوه وهي ترسم انه يخطبها لو كان اعزب :هاه
سامي بوعيد : رح اقول لابوي عنك تسألين عن
اعطته شوق نظره قويه : قول وانا اقول عنك
واعطته نظره تهديد
وحتى ترقع : اصلا سألت لانه عندنا ابله زوجها
استاذ عندكم قلت يمكن يكون هو نفسه
فقلت اوصيها تقول لزوجها ينجحكم
سامي ابتسم على جنب : بما انه عندك واسطات
خلها تنجحك هذي الابله انت اولى
ههههههه
كشت عليه بقرف : انت انقلع من وجهي
يا ثقل دمك
وناظرت خالد : تعال ادرسك وما رح تندم
حمل خالد كتابه وتوجه لغرفته : مشكوره على خدماتك
كشت عليه : اصلا هذي المسأله اتذكر جاءت بالامتحان الفاينل وما حد عرف حلها الا انا
سامي ابتسم : علشان كذا خلوك تعيدين ثاني اعدادي ههههههههههه
ناظرته بحنق : انقلع يا ثقل دمك
طلع من الصاله وهو يضحك عليها
ناظرت التي في وهي مولعه من كل للي حولها
والحين رائد نفسها تمسكه وتخنقه
على كلامه
وقفت بحزم خلاص لازم تنهي هذي المهزله
وتهتم بدروسها وتكون من الاوائل
ما رح تسمح لاحد يتمسخر عليها
ورح تثبت لهم انها ذكيه ورح تدرس طب
بالخارج
حكت راسها باحباط ابوها ما رح يرضى انها تسافر
بس سرعان ما رجعت عزيمتها رح تحطه بأرض الواقع وتدرس غصب عن الكل
ورح تشوفون
غمضت عيونها وهي تحلم وتتوظف بالمستشفى
وتكون امهر طبيبه ويعجب فيها مدير
المستشفى ويكون شاب وسيم
ويتقدم لخطبتها
ويخطبها من ابوها ويسألها
ابوها مدير المستشفى خطبك موافقه يا شوق
وترد عليها بكل حماس
فرصه لا تعوض مواااااافقه
حطت يدها على راسها مكان الضربه وفتحت
عيونها بصدمه وهي تشوف ابوها فوق
راسها ويسألها : على وش موافقه ؟؟؟!!!
ناظرته بفهاوه : ها
وبعدها استوعبت السؤال وتذكرت الاحلام للي رسمتها
وصار وجهها احمر من الاحراج
ما تدري وش تجاوب
ناصر هز راسه : روحي اعملي لي شاهي
يخلف على ام جابتك
هزت راسها ومثل الطياره توجهت للمطبخ
وهي تحمد ربها انه ابوها ما سمع شيء
والا كانت الحين بالمستشفى
وبعدها ضحكت بخفه على افكارها

***
***
***
****

***
***
***
***
***
مريم واقفه مقابل امها وترتب فستانها قبل وصول فهد : تدرين يا ماما اني نفسي شوق تخطب
دانا لوت بوزها : ليه تتمنين لها الخير
وهي تتمنى لنا الشر
شريفه وهي تتصفح مجله بيدها : ان شاء الله ربنا يرزقها ابن الحلال
ما ادري ليه تكرهنا بذا الشكل ؟؟؟
مع اني ما ما احمل لها بقلبي ذره كره
واعتبرها مثلكم
بس ما ادري ليه مصره تعاملنا بذي الطريقه
مريم بنعومه : اقسم بالله كنت ابغى اقول لبابا
اني ما ابغى فهد
علشان يخطب شوق
بس خفت من بابا وسكتت
انا ما ابغى واحد يفرق بيننا
بس هي الله يسامحها مصره تحط فروق بيننا
دانا: انا اقول مثل فارس انها مريضه نفسي
شريفه بنهر : وش هالكلام ؟؟؟
وقسم بالله لو اسمع هذا الكلام مره ثانيه
الا اخبر ابوك وانت تعرفينه تراه ما يرضى على شوق
هزت دانا راسها وسكتت
***
**
**
**
**

واقفه تنتظر امها واخوانها بالحوش
عفست ملامحها لما شافت فهد داخل
لفت وجهها للجهة الثانيه
دخل فهد لما شافها ابتسم وبصوت مسموع : اخبارك يا بنت العم ؟؟
طنشته وما ردت
فهد : انا اليوم رح اطلب من عمي لازم تروحين
للمستشفى وتفحصين سمعك
اكيد انك
قاطعه صوت مريم وهي نازله من الدرج بنعومه : فهد
ناظرها فهد وابتسم : هلا هلا نورت
نزلت راسها مريم باحراج
فهد : علامها اختك ما ترد علي السلام ؟؟؟
ناظرته مريم بعتب
طلعت فاطمه ومعها سامي وخالد
وقاطعتهم وهي ترد السلام
فهد : هلا اخبارك خالتي ؟؟،
فاطمة بهدوء : بخير اخبارك واخبار امك ؟؟/
فهد : بخير
اذا تحبون اوصلكم ؟؟
فاطمة بامتنان: مشكور هذا اخوي على وصول
وناظرت البوابه : هذا هو وصل
وطالعت شوق للي معطيتهم ظهرها : يالله يا شوق
خالك وصل
هزت راسها وتوجهت خلف امها
بعد ما غادروا ناظر فهد لمريم : تدرين
احسها فعلا مريضه نفسيا
مريم تضايقت من كلامه : لا تقول عن اختي كذا
وش تبغى فيها ؟؟؟
فهد بتبرير : والله مو قصدي شيء
وقلت لك من قبل اني اعتبرها مثل اخواتي
واحب انرفزها مثل اخواتي
هزت مريم راسها وتوجهوا للداخل

***
***
**
**
**
***
***
ام عمر بنهر : اتركيه يا شوق
شوق وبيدها عصاه وتؤشر فيها : والله لاخليه
يندم ابو قرعه علشان يثمن كلامه
رائد متخبي خلف جدته ويضحك : ههههههه
والله ما قلت الا الحقيقه
مو عدتي ثاني اعدادي 4 مرات هههههه
شوق بحنق اقتربت منه : كذاب والله بس مرتين
ام عمر وهي تبعدها عنه : خلاص خليها بوجهي
وسامحيه هالمره ترى للي حصله كافي
هز رائد راسه بتمسكن
نزلت شوق العصاه وبتوعد : سكتت لك هذي المره
علشان جدتي وبس ويا ويلك تعيد سخافتك هذي
نواف وهو يضحك على شكل رائد وهو متمسك
بثوب جدته : هههههههه خايف من بنت هههههههه
فاطمه ناظرت شوق وهي تناظر رائد وتتوعد
فيه : الله يكون بعونه للي رح يتزوجك
ما حد سالم منك
نواف يناظر عمته : بالعكس ما شاء الله عليه
يكفي انها ادبت بعض ناس
وناظر رائد وضحك هههههههه
رائد وهو يعدل قميصه : تخسى اخاف منها
سامي يناظر نواف : بما انك صيدلاني
ما عندكم دواء للخوف هههههه
ام رائد : واذا في دواء للهبل وللمراهقه
اكون لك ممتنه
رائد يحرك حواجبه وهو يناظر امه : واذا عندك دواء للضغط ههههههه
ام رائد : وقح يعني تتعمد ترفع ضغطي
ام عمر بدفاع : انا اشهد انه بناتي ما تعرفن
شيء بالتربيه
والا رائد ما في احسن منه
وشوق ما
قاطعتها فاطمه : والله ما احد خربهم الا
دلالك الزايد
ام رائد : صادقه
دخل زيد وهو يبتسم : وش فيه صوتكم طالع
شوق : يا لقافتك لازم تعرف كل شيء
زيد جلس جنب فاطمه : اعوذ بالله من لسانها
اقول يا عمه لمين طالعه ملسونه
والله انك من الصابرات متحمله لسانها للحين
ام عمر بحده : عند شوق وقف ما اسمح لك
زيد ابتسم : تدخل محامي الدفاع
فاطمه بابتسامة : كيف خالد وسامي بالمدرسه ؟؟؟
زيد بمدح : ما شاء الله مستواهم ممتاز
وسألت الاساتذه عنهم ومدحوهم
فاطمه : الحمد لله
شوق : ورائد كيف مستواه ؟؟
نواف : وش دخلك فيه ؟؟
شوق مدت لسانها : اخوي الصغير واسأل عنه
وش دخلك ؟؟
رائد عفس ملامحه مو عاجبه : نعم اخوك الصغير ؟؟
اعطته امه نظره بلاه يفضح الدنيا ويكشف المستور
لوى بوزه مو عاجبه
زيد ابتسم بخبث : وكيف مستواك يا شوق
بالدراسه ؟؟؟
فهمت شوق انه رح يتريق عليها: مالك دخل فاهم
خليك بالمدرسه وبطلابك احسن لك
ام عمر : علامكم قاعدين للبنت على غلطه
اتركوها بحالها
والبنت ما لها الا بيتها وش تبغى بالشهادات
وناظرت شوق ولا تردين عليهم
دراستك ارميها خلف ظهرك
فاطمه لوت بوزها : لا تخافين تراها رامييتها
من زمان
بس على الاقل تعرف تكتب اسمها مثل الناس والعالم
فتحت شوق عيونها باستنكار : حرام عليك
والله اعرف أكتب اسمي صح
فاطمه : مو طالبين شهادات بس على الاقل اذا تزوجت تعرف تدرس عيالها
ام عمر : هذي انت معك شهاده وما عرفت
تدرسين شوق
قاطعتها فاطمه بدون انتباه : لا تنسي تراها عاشت عندك يمه
ومن فتره قريبه استقرت عندي
يعني انا ما درستها
ام عمر بزعل : قصدك اني اميه وبسببي طلعت
بنتك غبيه بالمدرسه
فاطمه بتبرير : والله مو قصدي
شوق وهي تتخصر : انا الحين غبيه يا جده
وطول الوقت وانا حاطك محامي دفاع
والحين تقولين عني كذا
ناظرتها الجده وضحكت بخفه : مو قصدي
نواف : لو مكانك كان زعلت تراها قويه بحقك
خالد وهو يحط رجل على رجل : وليه تزعل من كلمه الحق
تراها غبيه
ضربته شوق على راسه : انت الغبي
ليه تيجي عندي علشان احل لك المسأله دامني غبيه ؟؟؟
خالد : يا نصابه قلت لي حل هذي المسأله
موجود على كتابك القديم وقلت انك نقلتي الحل
من السبوره
وانا الاهبل للي صدقتك واعطيتك
تنقلين الحل وما دققت بالاجابه
والا مسأله حلها بسطر
حاطه الاجابه صفحه كامله وخرابيط ما ادري من
وين جبتيها
شوق وهي تعدل الشاله : اصلا لما جيت انقلها
ما اقتنعت بالحل الاجابه سطر واحد
فقررت احلها لك بطريقتي الخاصة
ام رائد تناظر فاطمه : الله يكون بعونك
مصيبتي اهون من مصيبتك على الاقل
رائد شاطر بالمدرسه
فاطمه ابتسمت وهي تناظر شوق : الله يعيني
على ما ابتلاني بشوق وبيا ...
قاطعها سامي : يمه خلينا نرجع الحين
الوقت تأخر وباكر عندي حصه اضافيه
فاطمه وقفت تجهز نفسها : صادق اخذنا الوقت
وناظرت شوق : يالله قومي وش تنتظرين ؟؟
شوق برجاء : خلينا شوي هنا ملحقين على الملل بالبيت
فاطمه بحزم : قومي قدامي عندك مدرسه باكر
قدامي اشوف
وقفت وهي تتحلطم مو عاجبها
**
**
**
**
**
**
وقف باب البيت قبل ما يدخل شاف
السياره باتجاه بيتهم وقف
يناظر بعد ما وقفت
نزل خالد وسامي وخلفهم فاطمه ومعهم شوق
وانجن جنانه لما شافها حاطه اللثمه ونص وجهها
برا
وللي يقهر نواف للي جايبهم
عض على شفته وهو يغلي من داخله
بعد ما غادر نواف
ردت فاطمه السلام : السلام عليكم
فارس وهو يهدي نفسه : وعليكم السلام
وناظر شوق للي تعدل باللثمه : ما في داعي
لابسيتها على الفاضي ونص وجهك برا
قدام ابن خالك
انت ما تستحين على وجهك ؟؟
وناظر سامي وخالد : وانتم رجال على الفاضي
اختكم كاشفه نص وجهها قدام رجال غريب
سامي باستغراب : وين المشكله اصلا شوق
تكشف وجهها قدام نواف عادي
ناظرته فاطمه بلوم وبتوعد على لسانه الطويل
ناظر سامي امه وهي تتوعد فيه بنظراتها
وهو مو فاهم ليه تناظره كذا ما قال شيء غلط
لانها شوق تكشف قدام عيال اخوالها وخالاتها
فارس بعصبية : وش تقول ؟؟؟؟