رواية بحر العطر الفصل الرابع والثلاثون 34 - بقلم فاطمة خميس هارون

فضل : أنا هتجوز كمان يومين. نظرت له ورد بصمت دام لدقائق معدودة. ورد : مبارك. فضل : كده بالسهولة دي؟! ورد : قولتك قبل كده وبقولك تاني إنك تستحق تلاقي اللي اتحرمت منه معايا. من حقك إنك تلاقي واحدة أحسن مني. إنت أول حد في حياتها، وإنت تستاهل الأحسن يا فضل. نظر لها بتفكير ثم التفت وغادر. جلست تنتحب على حظها. صباح يوم جديد على أبطالنا. استيقظت عطر والتقت بلمار للتفكير في حيلة ما لمساعدة ورد.

لمار : طب هو ليه مضايق منها كده؟ عطر : هااا مش عارفة. المهم، إنتي إيه رأيك؟ لمار : أنا شايفه إنها لازم تبرر سبب المشكلة. حتى لو مش هيسمع، لازم تحاول. نظرت له عطر بتفكير. عطر : تفتكري ده الحل؟ لمار : الصراحة بتريح يا عطر. محمد : عارفة إيه اللي بيريحني؟ نظرت له لمار وهو يدلف الغرفة. محمد بحب : نظرة عين أو ضحكة أو همسة. نظرت لمار لعطر بفخر. ابتسم محمد وأكمل : من العميلة. انحصرت الابتسامة ثم نظرت له بسرعة.

محمد : نظرة العميلة من دول وهي عاجبها الفستان بتريحني. ولا الابتسامة لما تكون من القلب وخصوصًا الأبيض. لمار وهي تقترب من محمد : امم، قومي روحي يا عطر عشان أريح الأستاذ ده على الآخرررر. محمد : استني بس يا حبيبتي مش قصدي اااااه. لمار وهي تحمل الحذاء الآخر بيدها : ما إنت عارف إن هؤموناتي بااايظة. بتجيب الضرب لنفسك ليه. القته ليستقر بوجهه. محمد : اااااه، خلاص يا ستي حقك عليا. والله كنت بهزر. لمار : ناس تخاف.

ابتسمت عطر عندما حمل محمد لمار والتفت لها. محمد : عاوزة الكورة دي في حاجة؟ عطر : لااا، أنا يدوبك ألحق شغلي. سلام. كامل : البطاقة يا آنسة. رفعت فاطمة رأسها. كامل : إنتي بتعملي إيه هنا؟ فاطمة : أنا أسفة. كامل : اتفضلي. ... : إيه يا باشا، اشمعنا هي تعديها؟ ما أنا قولت آسف. كامل : برافو عليك. اقعد ساكت بقى. التفت لفاطمة : يلا اتفضلي روحي. نظرت له فاطمة بحزن ثم انصرفت.

دخلت بعد أن بدأت في تنفيذ خطتها، خطوات رشيقة بذلك الكعب الذي انسدل عليه فستان عملي أسود اللون طويل، ضيق قليلا لتتسع عيناه ولكنه حاول التماسك. سارت ببطء تصدر ذلك الصوت بكعب حذائها الذي يجبر عينه على النظر باتجاهه. بحر : ااااااعطررررر، اقعدي بقى صدعتيني. حملت عطر ما بيدها واقتربت منه، وضعته أمامه ليشتم رائحة عطرها الذي لطالما راقه. أنه هو فقط من يستطيع استنشاقه بهذا القرب. بحر بهيام : إنتي بتحاولي تعملي إيه يا عطر؟

استقامت عطر وهي تبتسم بخبث : مش بحاول أعمل حاجة. جذب يدها لتجلس أمامه ويحاوطها بيده: كذابة. برقت عينها من الصدمة. ليسترسل : أيوة إنتي كذابة يا عطر. إنتي بتعملي كده عشان عارفة تأثير ده عليا. اقترب منها ليهمس : عاوزة تثبتي إنك أحسن منها أو بمعنى أصح إني بحبك. عطر بتلعثم : داليا لا خالص. بحر بابتسامة : أنا مقولتش إنها داليا. وقفت عطر من أمامه وحاولت الفرار من هذا المأزق : والله إنت حر. دي حياتك وأنا خرجت منها خلاص.

بحر : كذابة برضوا. إنتي لسه مراتي. عطر : أنا بحـ... مقاطعة لكلامه : إيه يا أستاذ بحر؟ مش بتيجي الموقع؟ اااااي ده عطررررر. كَرّ بحر يده بغيظ. علي : بجد التغيير ده جميل جدا. اقترب منها وهو يشير على الفستان الأسود. ديما أفضل اختيار لأنه بينحف. بحر : استاااااذ علي، أنا مش كيس جوافة واقف؟ حضرتك جاي تسأل على الشغل ولا تشرحلنا فوائد الفستان الأسود؟ نظر له علي

لثواني ثم أعاد نظره لعطر : عارفة كمان أحسن حاجة فيه إنه مبين جسمك الحقيقي. أمسك يدها لتدور وترى الفستان. يعني طالعة أنحف وأحلى. بحر وهو يلكمه : قولتلك أنا مش كيس جوافه. علي وهو يضع يده على عينه : دي مش أول مرة. بحر : وياريتك بتتعظ. علي : ماشي بحر، أنا هوريك. بحر : غور يالا. ده إنت غتت. نظر بحر لعطر بغضب. بحر : إيه لسانك أكله القط ولا المترين ده؟ مش موجود غير معايا أنا. ده أنا حتى جوزك. ولا إنتي بتبدأي الغريب؟

لو إنتي عاجبك ده وبتحبي إن الناس الغريبة بس اللي تلمسك، أنا ممكن أطلقك ونااا... نظر لها بصدمة وغضب. لقد صفعته. اقترب منها لتتراجع للخلف بخوف ظاهر. رفع يده لتغطي وجهها بخوف ولكنه أسند يده على الحائط خلفها وهمس: لو رفعتي إيدك عليا تاني، مش عارف رد فعلي هيكون إزاي. عطر بتلعثم : تستاهل. اااا إنت قليل الأدب. أنا كنت مصدومة بس عشان كنت معرفتش أتكلم. بحر بخبث : ومصدومة من إيه؟

عطر بتلقائية : إنت كنت بتقول كلام وهو جه فجأة وأنا كنت عاوزة أسمع. بحر بابتسامة عريضة : عاوزة تسمعي إيه؟ انتبهت لما قالته لتدفعه ليبتعد ولكنه أمسك يدها برفق. بحر : أنا بحبك. بحبك أكتر من أي حاجة في الدنيا. واسف على أي حاجة سببتها لك. عاقبيني بأي عقاب غير إنك تسبيني لأني مش هقدر يا عطر. لو سبتيني همو... وضعت يدها على فمه (شغل محن بس ده طلب الجماهير 🙂) عطر : بعد الشر عليك. بحر وهو يقترب منها : خايفة عليا؟

توترت منه لتجيب بتلقائية : طبعاً مش جوزي. بحر بابتسامة : أنا هاين عليا أزغرط. تخيلي بحر بنفسه يزغرط. ابتسمت هي الأخرى ثم تحولت الابتسامة لضحكات. أمسك بحر يدها : تعالي أنا عازمك على الفطار والغداء والعشاء كمان. كامل : إيه اللي جابك هنا؟ فاطمة : لازم أعتذر. أنا عمري ما حبيت أكون أذى لحد وأنا أذيتك. ابتسم كامل بانكسار : لا، وإنتي فاكرة إنك لما خليتيني أنزل في مركزي كده. هزت رأسها بنعم.

كامل بغضب : تبقي هبلة. إنتي أذيتيني هنا في قلبي وفي مشاعري. خليتيني عبيط قدام عقلي إني بحاول أبقى هين معاكي حتى لو هبان ضعيف. إنتي نسيتيني يا فاطمة من زمان مش دلوقتي. حاولت كذا مرة أنبهك إني أعرفك من زمان وإنتي كل مرة بتاخدي كلامي كأنه هزار أو ملهوش لازمة. ٤ سنين حبيتك من بعيد، مكنتش عارف أكلمك ولا أعرف اسمك حتى ولا أبعد عنك. ولما شوفتك هنا قلبي وقف من الفرحة. كنت بسأل مين دي وأنا خايف تكوني مرات واحد فيهم أو خطيبته. أنا مش هضغط عليكي تاني يا فاطمة. ولو عاوزة الطلاق ده اللي هيحصل حتى لو كان عكس رغبتي.

استدار ليغادر. فاطمة : إنت فعلاً متخلف. وقف كامل مكانه لتأتي فاطمة وتقف أمامه. فاطمة : يعني إنت فاكر إني مكنتش شايفاك وإنت بتراقبني؟ ده إنت كان فاضل شوية وتقف جانبي. أنا شايفة وفاهمة كل حاجة يا كامل بس خايفة. إنت مش أول واحد يكون بيحبني وأكرهه فيا. كامل بغضب : نعم يا روح أمك. فاطمة : استني بس اسمعني. صحيح إنت مش أول واحد، بس إنت أول واحد قلبي يتحرك ويبدأ يحس بمشاعر تجاهك. كامل : ومين دول بقى اللي بيحبوكي؟

فاطمة : أنا قولت متخلف. كامل بغضب : فاااطم ردي عليا مين؟ فاطمة : بحبك. كامل : مين؟ فاطمة : إنت. كامل : أنا مين؟ فاطمة : رجل الدولة كامل. كامل : مالي بقى. فاطمة بضحك : مجنون ااااام. كامل وهو يقترب منها ويحملها : والله ما حد مجنون أمي غيرك إنتي يا حلو يا حلو. بحبك يا مهجة قلبي. ضحكت فاطمة بصوت مرتفع. نظر حوله بإحراج. ألقى فاطمة في الأرض. كامل : الله يحرقك. شكلي قدام الكمين إيه؟ فاطمة : أه رجلي يا كوكو.

كامل : رجلك يا إيه؟ فاطمة بابتسامة : كوكو. كامل وهو يشير لنفسه : أنا كوكو. هزت فاطمة رأسها بابتسامة. كامل وهو يحملها مجدداً : مبدهاش بقى طالما كوكو. فاطمة : على فين؟ كامل : على عمي لازم نحدد الفرح عشان كوكو. فاضله سنة وهيخطفك. استيقظت من النوم لتجده أمامه. منة : اااا إنت قاعد كده ليه؟ وائل بصوت غريب : ببص على اللي تاعب قلبي. منة : وائل إنت سكران؟ وائل : اممم شوية بس مش مهم. لأني غرقان في حبك يا منة.

منة : وائل اطلع دلوقتي ولما تفوق نبقى نتكلم. إنت ااا... وائل وهو يجلس بجانبها لتنكمش هي على نفسها : إنتي عارفة إنك أول واحدة تستحملني. إنتي مليكيش ذنب يا منة. ملكيش أي ذنب غير إنك حبيتي شخص عايش على الماضي. عايش على جرح سببه مرات أبوه. منة بهمس : امه.

وائل : أيوة هي. أنا مش عارف هي ليه كرهتني كده. كانت بتجبرني على حاجات أكبر من سني بكتير. كانت بتتحرش بيا وتجبرني إني أعمل ده. ولما أبويا يجي تشكيله قد إيه أنا سافل واني مش محترم وبتحرش بيها. أنا كنت طفل ١٣ سنة مش فاهم حاجة. كنت عاوزها أمي. كنت محتاج حد يكون ملجأي. ولما بقيت عندي ٢٠ سنة طلعت في العيلة إني مش مستقيم واني مش هقدر أتزوج. وفعلاً ده اللي حصل. وحاولت بس بقيت أشوفها قدامي وهي بتضحك بخبث وتقولي إني منفعتش

واني زي زي البنت. عارفة مرة صحيت لقيتها بتقنع أبويا إني أروح لدكتور وأتحول بدل ما أجبلهم العار. ولما شوية وهبدأ أحب الولاد. كل ده عشان قولت لا. قولت لها لا أنا مش هعمل ده. رفضت إني أغضب ربي وأفقد ثقة أبوي. بس هي نجحت إنها تحولني لشخص تاني. كرهت كل الستات. هربت من البيت واشتغلت وعمي ساعدني أسافر معاه إيطاليا. فتحت شركة واشتغلت ونجحت ونزلت مصر عشان أنتقم منها. لأن ده الحل الوحيد اللي هيريحني. بس كانت ماتت يا منة. ماتت

بعد ما أقنعت الكل إني مش راجل ولا هبص للستات. ولا هحبهم. بس هي كذابة يا منة. لأني...

لأني بحبك يا منة. بحبك من أول يوم شفتك فيه. بريئة جدا. لمعة عينك خلتني أحتار إيه اللي مفرحك كده. سبت شغلي وشركتي وجيت اشتغلت في شركة فضل بس عشان أشوفك. أي حد كان بيحاول يقربلك كنت بخليه يسيب الشركة ويسافر لشركتي. عشان إنتي ملكي يا منة. إنتي الإنسانة الوحيدة اللي حبيتها وحكيتلها على مشكلتي. وإنتي برضوا الوحيدة اللي استحملتي كلامي وإهانتي بعد كل جلسة عند الدكتور. أنا كنت بتعالج عشانك ورجعت للعلاج تاني النهاردة عشانك. عشان أنا مش عاوز أأذيكي يا منة. عاوز ألمسك وأمسك إيدك من غير ما أشوف أمل. أنا أذيت بنت ملهاش ذنب بسبب أمل ولأني كنت مش عاوز أأذيكي إنتي.

اقترب منها ولمس وجهها برفق : إنتي عارفة إني بحبك صح؟ الدكتور قال إني بتحسن وده بسببك. متسبنيش يا منة. أنا ما صدقت لقيتك. اقترب منها ولاول مرة لم تشعر بالخوف. تكلم معها وأحست الصدق في كلامه. وافقت أن تبدأ حياة جديدة معه لتمحي كل الماضي المؤلم. اليوم هو أول يوم لها معه والماضي مجرد سراب. وقف بحر خلفها وهي تنظر للبحر بإعجاب. بحر : عجبك؟ عطر : جدا. البحر فعلاً جميل جدا. بحر : إنتي أحلى منه.

عطر : احم. والسماء صافية ومشرقة. بحر وهو يحاوطها : صفاء عينيكي يغلب يا حرمي المصون. عطر وهي تفلت منه : اااا أنا جعانة. بحر : طب ما أنا كمان جعان. بقولك إيه؟ كوكي عاملة إيه؟ سمع شهقاتها وهو بالخارج ليتيقن أنها تبكي منذ رحيله. قبض قلبه لأجلها. التفت وغادر مجدداً عازماً أن ينهي ذلك الموضوع ويبدأ حياته دون مشاكل. سمر : خير يا فضل منزلني ليه؟ أنا ورايا حاجات كتير بجهزها. فضل : مش هكمل يا سمر. سمر : مش هنكمل إيه؟

فضل : مش هينفع أتزوج. مش هقدر أكسر قلبها بالطريقة دي. سمر : دي خانتك. فضل : عارف. بس مش قادر أجرحها. صوت بكائها يعذبني أنا. آسف يا سمر والله آسف. سمر : هه هههههههه (آسفة على ده بس تخيلوا إنها ضحكة شريرة) . وإنت فاكر إنها هسيبك؟ لا مش أنا اللي تسيبني مرتين عشانها. مش هتضيع تعبي على الفاضي. فضل : إنتي بتقولي إيه؟ سمر : بقولك إن كل حاجة حصلت كانت من تخطيطي. لأني مش أنا اللي واحد يسيبني. وعشان مين؟

عشان واحدة *** زي دي. أنا اللي بعتلك الصور وأنا اللي جيت وراكوا المصيف عشان تحس بالذنب لما تشوفني. فضل : مش مهم عندي. أنا هسامحها. ورد لا يمكن إاااا... سمر : والله تسامح ولا متسامحش دي حاجة ترجعلك. إنما أنا مش هسمح إنك ترجع في كلامك. فضل : هتعملي إيه يعني؟ سمر : هفضحك إنت وهي. كل الجرائد هتنزل فيها الصور والفيديو هيكون على تليفونات كل الناس. ووريني بقى هتعيشوا إزاي. فضل : ليه بتعملي ده كله؟

سمر : عشاني. عشان مش أنا اللي أتساب عشان واحدة زي دي. لازم تتجوزني عليها عشان قدام عيلتنا تبقي عرفت غلطك وجاي تصلحه وعرفت إني متعوض. فضل : إنتي أكيد مريضة. سمر وهي تغادر : مريضة ولا لأ حاجة متخصكش. فرحنا في معاده. سلام يا زوجي العزيز. ههه. استيقظت منه لتجد وائل بجانبها يضمها إليه. نظرت له بحب ولم تنجح في كبت دموعها لتنهمر على خدها. لا تعلم حزناً على الآلام المصاحبة لحبيبها أم سعادة لأنه أخيراً تخطاها.

مدت يدها تتلمس وجهه ليمسك يدها ويفتح عينه فجأة لتشهق هي بزعر. وائل : بتعملي إيه؟ منة : ها ولا حاجة. أناااا... وائل : إنتي نمتي هنا؟ منة ببكاء : أنااااا هو ااا... وائل : بتقولي اااايه؟ منة وهي تقف لتغادر : ولا حاجة. أنا همشي. وائل : استني عندك. إنتي لابسة قميصي ليه؟ أنااا... صمت كأنه يعيد ذكريات أمس من أولها ليتذكر ما حدث. وائل : أنا اغتصبتك؟ منة : ااايه؟ لا أناااا... وائل : إنتي إيه؟

منة : لا يا وائل مفيش حاجة زي كده. وائل : أمال ليه دموعك دي؟ اقترب منها واسترسل بحزن : إنتي ندمانة؟ مسح دموعها وهو يهمس بحزن : مكنتيش عايزة ده يحصل صح؟ كنتي عايزة تبعدي عني؟ منة : بس بقي. أنا مش ندمانة. أنا فرحانة. عقدتك اتحلت يا وائل. وائل : يعني مش هتسبيني صح؟ منة : صح. وائل : يعني إنتي مش زعلانة على اللي حصل صح؟ منة : صح. وائل : يعني لازم نراجع تاني صح؟ منة : صح. لاااا إنت غشيت. وائل : تعالي بس هقولك حاجة سر.

استيقظ ليجد مكانها خالياً. هب واقفاً وأسرع للبحث عنها في الخارج. التفت يميناً ويساراً. تنفس براحة حينما وجدها. بحر : إيه يا حبيبتي؟ واقفة هنا ليه؟ عطر : ...... بحر بقلق : عطر إنتي بتبكي ليه؟ حاسة بحاجة تعبانة؟ هزت رأسها بالنفي. بحر : أمال بتعيطي ليه؟ عطر : بعيط على كرامتي. ضحك بحر بشدة ثم أدارها إليه. بحر : مالها كرامتك؟ عطر : معدومة. وخصوصاً معاك. بحر : لا والله. أمال أنا إيه بقى؟ حلوف؟ عطر : حصل. بحر : نعم.

عطر : يعني اااا كمل كمل. بحر : يا عطر كفايا بقى تعب لنفسنا. مفيش حاجة اسمها كرامة في الحب. وأنا والله العظيم بحبك. وأنا اللي بقولك مش إنتي. آسف يا عطر عن كل يوم سببتلك فيه أذى ومستعد أقبل أي عقاب. لكن طلاق مش هقدر يا عطر. حتى لو همووت. عطر : بس كان لازم أتقمص شوية. مش أتصلح بسرعة كده. بحر : لا بالعكس. إنتي طولتي جدا. عطر : إنت شايف كده؟ بحر : أيوة طبعاً. تعالي جوه أشرحلك إزاي. عطر : لا أنا عاوزة أشكي للبحر.

بحر : لا لا كده أزعل. تروحي لبحر غريب؟ طب ما أنا هو. تعالي اشكي لي وأنا هحتويكي. عطر : بس ااا... بحر : تعالي بس ده أنا هحتويكي وهقولك الحل كمان. دخل ليجدها جالسة تحتضن نفسها. بمجرد ما أيقنت دخوله ركضت له. ورد : فضل ارجوك أنا محتاجة أتكلم معاك. فضل : ورد أنااا... ورد وهي تجلس بجواره : ارجوك. هما عشر دقايق بس. فضل أناااا...

أنا والله العظيم مظلومة. والله يا فضل وائل خطفني لما قولتله إن الخطوبة اتفشكلت وإن مفيش نصيب. ومصحيتش لنفسي غير وأنا في بيته. وكنت هقولك والله العظيم كنت هقولك أول يوم في جوازنا. بس هو كلمني وقال لو قولتي له هينشر صوري والفيديوهات. وكمان طلب يقابلني بس أنا مرضتش. فضل بغضب : وائل حسابه معايا أنا يا ورد. مش عايزك تخافي منه. أنا حذرته كتير وهو اللي جابه لنفسه. ورد : يعني إنت مصدقني يا فضل؟ يعني خلاص مش هتتجوز؟

فضل : مقدرش يا ورد. أنااا... ورد : أنا بحبك يا فضل. والله بحبك ومن زمان كمان. بس كنت فاكرة إنه مجرد إعجاب. كنت خايفة تلعب بيا أو تعاملني زي بحر ما بيتعامل مع عطر. مقدرش أشاركك يا فضل. يعني إنت تقدر تجوزني لغيرك؟ فضل بغضب : وررررررد إنتي اتجننتي؟ ورد : شوفت أهو. ده إحساسي. بلاش يا فضل لو فعلاً بتحبني. بلاش. فضل : بقولك مقدرش. مقدرش. ورد : ليييييه؟

فضل : لأن أنا وإنتي غلطنا يا ورد. إنتي خبتي عليا مع إنه مكنش هيأثر على قراري. وأنا محاولتش أفهم منك ورحت اتصرفت تصرف غلط. وربنا كلنا. ومينفعش لأن سمر بتهددني بصورك وفيديوهاتك. ورد بسرعة : عارفة. واسفة. بس بلاش. أنا مش همني تنشر اللي تنشره. المهم إنت مش مهم الناس.

فضل : وأنا مهم عندي كرامتك يا ورد. مهم عندي إنك تمشي في الشارع براحتك من غير ما حد يقولك كلمة. وولادنا في المستقبل إن شاء الله ميكونش في حاجة تصغرهم ولا توطي راسهم. ورد : خلاص طلقني يا فضل. طلقني واتجوز اللي تتجوزها. فضل : بطلي هبل. أنا لا يمكن أسيبك. أنا بحبك يا ورد. بحبك أكتر ما تتخيلي. إنتي كل حياتي. ورد ببكاء : مش هقدر أشاركك يا فضل. فضل وهو يحتضنها : هنحاول نلاقي حل يا ورد. أو ممكن أخلي بيتها بعيد عننا.

تمسكت باحتضانه تبكي على مصيرها الذي فسد بسبب غرور مريض. ..... : إيه بحر عرف إن المعلومات انكشفت؟ لازم نخلص الحكاية. ..... : اعمل إيه يعني؟ ده ممكن يموتني. ..... : اتعشى بيه قبل ما يتغدى بيكي. ..... مر أسبوع ونصف تعدلت فيه حياة أبطالنا. وعرف كل منهم قدر الآخر. عرفوا قيمة ومعنى الحب وأصبح لحياتهم معنى آخر. عطر : أنا حاسة إني بتعرف عليك من جديد. حاسة حنيتك في كل حاجة. حتى في نظراتك.

بحر : أنا لو أطول إني أجيبلك العالم كله عشان أشوف نظرة الرضا دي هعمل. المهم تفضلي تشتكي لي على طول عشان أنا أخدت على الاحتواء. عطر : إنت دماغك بايظة. بحر : قلبي وعقلي باظوا بسبب جمالك. بس فداكي حياتي يا قلبي. عطر : طب يلا هنخرج فين؟ بحر : بصي يا ستي. قطع كلامه رنين هاتفه. بحر : الو يا رامي. في إيه؟ رامي : الصفقة اللي قولت عليها اتعرفت وخدوها. بحر : طب ما أنا عارف. وعرفت مين اللي قالهم كمان. رامي : مين؟

وليه مابلغتش البوليس عليه دلوقتي؟ بحر : الصبر يا رامي. هو مش هيجي لوحده. تؤ أنا عجيبة. هو واللي مشغله. يلا اقفل دلوقتي. عطر : في إيه يا بحر؟ بحر : يلا يا عطر لازم تروحي. عطر : أروح فين؟ مش قولت هتخرجني. بحر : مفيش وقت. بقولك يلااااا. وبالفعل انتقلت لكلامه وتجهزت وخرجت معه. بحر : أنا هوصلك البيت وهروح أخلص شغل وارجع. عطر : في إيه يا بحر؟ بحر : مفيش حاجة يا حبيبتي. شوية مشاكل في الشغل بس.

نزلت عند باب البيت ونزل خلفها بحر. بحر : عطر إنتي أحسن حاجة حصلت لي في حياتي. وأنا بشكر ربنا إني عشت معاكي أسبوعين كاني في حلم. أنا بحبك يا عطر. خليكي عارفة ده وخليني ديما في قلبك مهما حصل. عطر : في إيه يا بحر؟ أنا قلقت. بحر : هفهمك لما أجي. يلا ادخلي. سلام. التفت وغادر. عطر : بحررررر. التفت لها. عطر بدموع : أنا حامل. ابتسم ببط ثم اتسعت ابتسامته وركض باتجاهها وهو يردد : حامل. إنتي حامل بجد.

وقف في منتصف الطريق قبل أن يصل إليها. ابتسم بانكسار وهو يحاول المتابعة للوصول إليها ليحميها. حتى وهو في أضعف حالته يقلق عليها. أشار لها بالدخول ولكنها رفضت. ركضت له وهي تصرخ باسمه وصوت الرصاصات تخترق الصمت حولهم. عطر : ...