رواية بحر العطر الفصل الثامن عشر 18 - بقلم فاطمة خميس هارون

بحر: وأنا قلت مش هتروحي باللبس ده. عطر: ماله لبسي بس؟ بحر: مش عارفة، بس أكيد مش هخليكي تمشي كده. عطر: لا بقى، أنا همشي كده. بحر: وريني كده هتمشي إزاي. ما إن سارت بمحاذاته جذبها من يدها وهو يهتف: أنا نازل تحت، قدامك عشر دقائق، لو منزلتيش مغيره هتندمي. ترك يدها بعنف. ضربت عطر الأرض بقدمها. عطر: أنت مالك يا أخي، ده أنت غتت. سارت بغضب للخزانة وأخذت تبحث عن فستان آخر للعمل. ابتسمت بشر وهي تمسكه بيدها.

عطر: أنت اللي جبته لنفسك يا بحر. ارتدت ذلك الفستان الأزرق بلون البحر معه حجاب أزرق به سحب زرقاء. لم يكن الفستان ضيقًا، ولم تكن تضع الزينة، ولكنها تعلم جيدًا أن هذا من أجمل الفساتين وأكثرهم ملائمة لبشرتها. نظر لها بحر مطولًا. بحر: إيه ده؟ عطر: فستان وواسع أهو. بحر: ها.. احم.. أيوة بس.. توقف على صوت هاتفه ليخبره المترجم أنه وصل مع الفوج التركي إلى الشركة. بحر: يلا بسرعة، اتأخرنا. ميرنا: فين البوسة بتاعتي يا بيبي؟

نظر بحر لعطر ثم اقترب من ميرنا وقبل رأسها بهدوء. ميرنا: باي يا حبيبي. نظرت لعطر بخبث: تعالي يا عطر، أديكي بوسة. عطر وهي تخرج: باستك عقربة أنتِ وهو. ابتسم بحر لميرنا وغادر. *** وائل: وحشتيني. ورد: مش قولتلك بلاش تيجي. وائل: حاولت بس مقدرتش، لقيت نفسي باجي هنا. ورد: ووائل، لازم نلتزم بضوابط الخطوبة. وائل مقاطعًا: بحبك. ورد: ... وائل: بحبك يا ورد. ووررررد. ورد: أيوة. يلا اتأخرنا أوي على الشغل. وائل: يلا يا قلبي. ***

محمد: تعالي هنا بقى. ادي ورد اللي كنتي بتتحامي فيها، مشيت. لمار وهي تركض من الغرفة للخارج: أعاااا، استني بس يا محمد، هفهمك. محمد: بقي أقولك غيري، تلبسي واحد أنقح، لا وحطالي زفت في وشك كمان. لمار: مش أنت اللي جبته، ولا أنا اللي اخترت. محمد: ما ده اللي قهرني. لمار: طيب. اهدي بقى كده وسيبني أنزل. محمد: تنزلي فين؟ لمار: هروح أجيب هدومي. محمد: طيب تعالي، هوصلك. *** فاطمة: صور يا ابني، صور. ده سبق صحفي.

انهارده أكيد يوم حظي. وضع المخبر يده على كتفها: فعلًا. قداااامي. فاطمة: ياااااني. ولاااا يا طارق، خبي الصور دي واجررري. المخبر: قدااامي. فاطمة: ابعد إيدك يا بن آدم أنت. المخبر: طيب يا أختي، اركبي. وصلوا لقسم الشرطة. دخلت فاطمة. فاطمة: أنا عاوزة أعرف إيه اللي بيحصل هنا. أنا سلطة رابعة. انتوا وقفتوني وأنا بقوم بشغلي كصحفية، وده لا يجوز. انت يا أستاذ، هفضل أكلم ضهرك مدة طويلة. التفت كامل

لها ليهتف بصدمة مصطنعة: مش معقول، أنتِ إيه اللي جابك هنا؟ فاطمة: أستاذ كامل، هو حضرتك جيت القسم هنا امتى؟ كامل: لسه جاي معاكي. فاطمة: نعم؟ كامل: اا.. أقصد لسه من شوية يعني. فاطمة: طيب. أقدر أمشي؟ كامل: ليه، خليكي شوية. فاطمة: هو أنا قاعدة في بيتكم؟ كامل: نععمم؟ فاطمة: أقصد، شكرًا، عاوزة أروح بقى. كامل: لاااا، لازم تقعدي، أنا مش هجاملك عشان عيونك الحلوين، يلا اتفضلي، اديني بياناتك.

نظرت له فاطمة باستغراب وامتثلت لطلبه. طارق: إزاي يعني، مينفعش ندخل؟ العسكري: ارجع يا أستاذ لورا كده، مينفعش. كامل: إيه الصوت ده؟ الواحد ميعرفش يروق عن نفسه نصايه. فاطمة: هو كان قاعد في جاكوزي وأنا مش عارفة؟ كامل: سمعتك على فكرة. إيه يا ابني الدوشة دي؟ دلف طارق للداخل. طارق: متخافيش يا فاطمة، أنا جيت. كامل: بجد؟ الحمد لله إنك جيت بالسلامة. أمسكه من مؤخرة قميصه

وهو يحركه يمين ويسار: أنت مين يا روح أمك، وإيه الدوشة اللي عاملها دي؟ فاكر نفسك في صالة بيتكووو؟ طارق وهو يزيح يده: أنا صاحبها ومعايا المحامي بتاعها. نظر كامل لفاطمة: صاحبها، اممم. لا يا حلو، مفيش داعي للمحامي، تقدروا تمشوا، أنا أخدت البيانات. فاطمة: يلا يا طارق. كامل: مع السلامة يا طروقة. لو شفتك هنا تاني هحبسك. طارق: ههه. حرك كامل رأسه وهو يهتف: مش بهزر. طارق بخوف: ماله ده؟ ده كسر رقبته.

فاطمة: امشي بقى وأنت ساكت بدل ما يشفطنا. خرجوا وأغلقوا الباب خلفهم. كامل: أنت يا زززفت. المخبر: أيوه يا باشا. كامل: وراها وكام ساعة كده وهاتها تاني، بس من غير ما البغل اللي معاها ده يشوفك. المخبر وهو يخرج: أمرك يا باشا. كامل: صاحبها. صاحبهااااا، ماشي. *** بحر: اتفضلي راجعي ده بسرعة، وأنا هدخل أرحب بيهم، تكوني جهزتي كل حاجة للاجتماع. عطر: طيب. بعد فترة قصيرة. رامي: اتفضلوا.

كانت عطر تقف بجانب الطاولة بعد أن جهزتها، تحمل في يديها الأوراق التي ربما يحتاج إليها، بينما وضعت على الطاولة ملفات الصفقة بالترتيب. ابتسمت ابتسامة هادئة تسحر القلوب. وزعت نظرها بينهم بانبهار. مالت على رامي قليلاً: هما دول أتراك أتراك يعني صح؟ رامي: لا، أتراك نص نص. عطر: لا يا عم، ده الراجل ده شبه أطغرل اهو. رامي: بس شكلك متغير انهارده. وشك منور كده. عطر: طبعًا، أنا بحب الأتراك ومسلسلاتهم. رامي: وأنا بحب ااا.

بحر: في إيه يا رامي؟ يلا على الشغل. بحر وهو يمر من جانبها: عاجبك؟ عطر: أوي. نظر لها بغيظ وهو يسحق أسنانه. عطر: ااا.. أنا بتكلم على المسلسل. رامي: اتفضلوا. نظر بحر للمترجم. ... : لا يوجد داعي له، أنا أجيد العربية. عطر بسرعة: الله أكبر، وأنا كمان بتكلم تركي. نظر لها بحر بغضب. عطر: مكسر يعني. بحر: اسكتي. عطر: ماشي. ... : خفيفة الظل، يعجبني ذلك. هل ستنضمين إلينا؟ عطر: أيوة. ... : اجلسي إذن. عطر: شكرًا. ااا.

ضغط بحر على قدمها دون أن يراه أحد. عطر: أعااا. ... : خير؟ عطر: لا، أصل لازم أقف، أنا مستريحة كده، شكرًا. ... : بس اا. بحر: نبدأ. بقي في المهم. انخرطوا في أجواء العمل، وكان بحر ينظر لواحد من ذلك الوفد. بحر بحدة: عطر. عطر: هااا. بحر: بقالي سنة بنادي، هاتي الملف بتاع الصفقة التانية. عطر: احم، اتفضل. بحر بهمس: ركزي هنا بدل ما أشيلك عينك. عطر: نينيني. بحر: إيه؟ عطر: بقول، أه يا عيني. بحر: صبرك. *** كامل: أنتِ تاني؟

مش معقول، كل يوم كده تجيلي القسم. فاطمة: والله حضرتك، أنا مش عارفة في إيه. بيقولي سايقة بسرعة، وأنا أصلًا راكبة ميكروباص، حضرتك. كامل: ولو ولو، مش أنتِ راكبة فيه؟ كان من واجبك تطلبي منه يقلل السرعة. فاطمة: حضرتك، أنا بقوله نازلني على استحياء كده، ده ممكن يشتمني عادي. نظر لها باستغراب. فاطمة بهمس: ما أنت تركب ملاكي ولا على بالك. تنهدت وهي تهتف: يلااا، حظوظ. كامل: بتقولي إيه؟ فاطمة: بقول، ربنا يهدي النفوس.

كامل: طيب، اتفضلي اقعدي بقى عشان آخد بياناتك. فاطمة: ما حضرتك أخدتها المرة اللي فاتت. كامل: لا، ما في أسئلة جديدة، عشان كده جبتك. فاطمة: نعممم؟ كامل: ااا.. أقصد، عشان كده لازم تقعدي يعني. يلااا يا آنسة، اتفضلي اقعدي. فاطمة: اتفضل. كامل: هو حضرتك مش متزوجة ليه؟ فاطمة: وإيه دخل ده بالسرعة؟ كامل: ليها دخل كبير، عشان متسرعيش وأندم. فاطمة: مش فاهمة. كامل: ولا هتفهمي، جاوبي على السؤال. فاطمة: نصيب.

كامل: يعني أنتِ مش معقدة؟ فاطمة: تؤ تؤ، نصيب. كامل: طب إيه مواصفات رجل أحلامك؟ فاطمة: وده إزاي، ليه دخل؟ كامل بعصبية مزيفة: الله، ما تيجي تقعدي مكاني أحسن. أنتِ هتعلميني شغلي؟ فاطمة وهي تضرب المكتب بغضب: متزعقيش. أنا مش هتكلم قبل ما أعرف تهمتي إيه، وفي وجود محامي. كامل: شخصيتها قوية. مش مشكلة، بكرة تلين. فاطمة: أنت يا أستاذ. أنا عاوزة أمشي. كامل: اتفضلي. فاطمة: أمشي. كامل: أيوة. فاطمة: همشي أهو. كامل: مع السلامة.

خرجت فاطمة ليتكأ كامل على مكتبه وهو يهتف: أشوفك قريب. قريب جدًا. *** وائل وهو يمد يده: يلا يا ورد. ورد: وائل، قولتلك مش بحب كده. وائل: يعني هتكسفيني قدام الناس؟ يلا هاتي إيدك ندخل سوا. نظرت له ورد، ليهتف بتوسل: عشان خاطري، المرة دي وبس. ابتسمت وأمسكت يده، يدخلان سويًا. وتلقوا التهاني والمباركات من الجميع، ثم توجهوا لمكاتبهم. ... : مبروك يا وائل، أخيرًا خطبت. وائل وهو ينظر لورد: شوفتي، وقعني القمر. ابتسمت ورد بخجل.

... يلا بكره نشوف هتوصل لفين. اقتربت منه. اصل عارفاك بتزهق بسرعه. وائل وهو يحتضن ورد: لااا مظنش ازهق ابدا. ... : ماشي يا روميو. ابقي اسال زي زمان. وائل: عيب عليكي اكيد هسال، ده انتي اعز من اخت يعني. كان هو يتابع المشهد دون سماع الحوار الدائر. قبض علي يده بعنف ثم تنهد بقله حيله ورجع لمكتبه. إزاحته ورد بعيدا عنها ثم قالت بتحذير: اياك تعمل كده تاني يا وائل فاهم. وائل: ورد اناا...

تركته وحملت تلك العلبه البلاستيكية التي بيدها وتوجهت لمكتب فضل. ورد: استاذ فضل. فضل: تعالي يا انسه ورد. دخلت ورد وهي تستعجب لطريقته الرسميه معها. ورد: حضرتك مشيت بدري امبارح ومش اكلت جاتوه فأنا جبتلك مع اصحابي في الشغل. فضل: متشكر. ورد: العفو. امممم. نظر لها فضل: خير يا ورد. ورد: هو حضرتك مشيت بدري لي؟ اقصد اختفيت بسرعه يعني. فضل: الصراحه.

معجبنيش الوضع وانا راجل احب الوضوح يعني، ياما اقول راي الي ممكن يزعلكوا ياما امشي وده الاحسن والي عملته. ورد: اي الي مش عجبك؟ فضل: انتي تفتكري اي. ورد: امم مش عارفه مكنش في حاجه وحشه. فضل بعصبيه: لا والله، والفستان الي حضرتك كنتي لابساه يا مختمره. ولامسات الايد والهزار وغيره. نظرت له ورد مطولا. فضل: احم انا بقول كده عشان بعتبرك اختي. ورد: اه شكرا. عن اذنك. ليت صوت القلوب يسمع. ليت لغه العيون تفهم.

ليت قلبك لقلبي يصبح. ليت عيني تقر بقربك. محمد: يلا يا لمار. انا اناخرت. لمار: اعاااا. محمد: في اي. لمار: الفون فصل والدنيا ضلمه هنا. محمد: افتحي الشباك. لمار: مفيش شباك. محمد: خدي فوني اهو خلصي. لمار: طب روح طلع الشنطه دي بره. وانا هخلص. محمد وهو يحمل الحقيبه: شيل الشنط ووصلني وطلعني ونزلني. اي الجواز الي بخساره عليا ده. ابتسمت لمار وهي تستمع لكلامه: شكله حبني ولا اي. اقوله ولا استني لبكره. رن هاتفه لتجيب. لمار: الو.

ابتسمت بخبث وادعت انها لم تسمع صوتها. هنا: أيوة يا محمد. انا لقيت حل للي قولتي عليه. انت لازم تفضل تعاملها وحش كده. وتفضلوا زي الاخوات وهي الي هتطلب الطلاق وكده عطر مش هتزعل. انا عارفه أن عطر هي الي اجبرتك تعيش معاها. استحمل بقي. الوو. انزلت الهاتف ببط وأغلقت الخط. مسحت وجهها وازاحت عبرتها. محمد: لمار انت كويسه. لمار: .... بحر: طيب كده اتفاقنا علي الأساسيات. نتقابل الاسبوع الجاي باذن الله. ...

: انا نزيل في فندق ****أتمني أن تأتي غدا برفقه زوجتك لنكمل الحديث ونعزز العلاقات. نظر لعطر التي تنظر للأرض بصمت. انسه اااا. رامي: عطر اسمها عطر. ... : عطر لو احببتي يمكنك المجيئ. و تلتقي الممثل نور الدين سومناز. عطر: قول ورب الكعبه. ... بابتسامه: ورب الكعبه. عطر: يا احلي يوم في حياتي. اكيد هاجي ده بامسي ياااناااس. لو فيها غتاته بس تجيبوا تورغوت يبقي كده ليله العيد صحيح.

ضحك الرجل بشده وهو يقول: انتي مرحه للغايه احببت الحديث معك. واتشوق لاري تعابير وجهك عند رويتهم. عطر: انا متشوقه اكتر منك والله. ... : حسنا إذا بيننا صفه مشتركه الان. الي اللقاء حتي غدا. عطر: يا رب يجي بسرعه. ... : مليئه بالحماس والحيوية. عرفت هذا من لون فستانك. أحببته عليكي. بحر: رامي خليك معاهم. حرك رامي رأسه وخرج معهم. بحر وهو يقترب من عطر ويمسكها من مؤخره عنقها. قولتي بقي انتي اي. عطر: المره الجايه بجي 🙂.