رواية بلا امل الفصل الثاني 2 - بقلم ضحي ربيع

اخرجوا برة وسبوني لوحدي -مينفعش يا أية لو سمحتوا اخرجوا عايزة أبقي لوحدي وبعد مناهدة خرجوا وسابوني، مكنتش مستغربة العمى هستني أي من واحد مغيب على طول، واحد جاهل معندوش لا دين ولا تربية صعبت عليا نفسي أوي من اللي مريت بيه في حياتي كلها، صعب عليا اللي عمله أبويا فيا طلعني من تعليمي وأنا لسه في ٣ إعدادي جوزني غصب عني وأنا يادوبك بنت ١٧ سنة عيشني عيشة ضنكة وأنا في بيته، وحتى لما جوزني

همهوش هو مين، شغله إيه، دينه إيه، أكل اللي همه إنه معاه شقة ومعاه فلوس ورماني ليه بعدها طول عمري كنت بشوف أمي بتتضرب وبتتهان ومكنتش بتتكلم ولا بتدافع عن نفسها أو حتى عني أنا وإخواتي نفس الأمر اتكرر لما اتجوزت المريض ده، كان كل يوم ييجي شارب وحالته تقرف، يفضل يشتمني بأمي بألفاظ قذرة زيه لغاية ما جي يوم فاض بيا منه، مقدرتش أستحمل أكتر من كده، تعبت وقفت قدامه واتكلمت معاه إنه خلاص بقي مسؤول عن بيت المفروض يلتزم شوية

ضربني وقتها وكسر دراعي جريت منه أتحامي في بيت أبويا بس أبويا طردني وقتها وقال: (جوزك وحقه يعمل فيكي اللي عايزه، وطالما ضربك يبقي أكيد عملتي حاجة ضيقته، معنديش بنات تزمق، خودي بعضك وارجعي بيت جوزك واسمعي كلامه) وقتها فعلاً حسيت إنه ملهوش لازمة أصلاً في حياتي ضهري اتكسر ورجعت تاني لعذابي من وقتها وهو بيذلني وبيعمل فيا أضعاف اللي بيعمله لأني مليش حد أشتكيله ده حتى لما بقيت حامل قولت خلاص ربنا هيهديه ويتغير

وفعلاً بطل يضرب أول ٣ شهور، بس برضه كانت معاملته وحشة لغاية ما عرفت نوع الجنين إنه بنت ضربني حتى وأنا في أوضة الكشف، لولا إن الدكتور هدده إنه هيبلغ عنه لولا ما سكت قلب حياتي عذاب وقتها كان يقول: "إيه تجيب بنت بوش عكر زيك عشان تكرهيني في عيشتي" ويشتمني كان يقعد في البيت مخصوص عشان يخليني أشتغل أكتر لغاية ما كنت بنام على الأرض من التعب كنت صغيرة أوي أوي مش عارفة أتصرف إزاي

حتى لما بابا تعب وبعدها اتوفى منعني أروح العزاء ولا حتى أشوفه وحبسني في البيت، شال مني تليفوني اللي اتجوزت بيه، مسح كل قنوات التليفزيون عشان متفرجش عليه نزولي من البيت لازم يبقي بأمر منه، وعلقوا قبل النزول وعلقة بعدها بس عشان أجيب طلبات البيت كنت هستني إيه من كل ده كويس إني لسه فيا الروح بس وربي ما هسيبه غير لما تطلع روحه وأعيشه عيشة أوسخ من اللي عيشها (الباب خبط) -ادخل -ها أحسن دلوقتي يا أية

الحمدلله دكتورة أنا عايزة أعمل محضر بحالتي دي -حاضر أنا أصلاً كنت جايه أسألك بخصوص الموضوع ده هتتهمي مين -جوزي مصطفى........