رواية بلا امل الفصل الثالث 3 - بقلم ضحي ربيع

*متأكدة؟ *أه متأكدة وياريت المحضر في أسرع وقت عشان ميتهجمش عليا تاني أرجوكي.* *حاضر هطلع دلوقتي على طول أعمل بلاغ بحالتك.* *يا آية ما تفكري كويس يابنتي عشان بنت... *متكمليش يا أمي لو سمحتي. كنتوا فكرتوا انتوا قبل ما ترموني؟ كنتوا فكرتوا فيا وفي اللي هيحصلي؟ للدرجة دي بيعاني؟ للدرجة دي أنا رخيصة عندكم؟ *يقطعني يابنتي والله مقصد. أنا بس عشان بنتك متطلعش وأبوها مسجون.* *ده مش أبوها، سامعاني؟

مش أبوها. بنتي أنا دي. أنا اللي هربيها بعيد عنه. مش هخليه يشوف ضفرها حتى. سامعاني؟ *حقك عليا. اهدي يابنتي اهدي.* *الباب خبط.* *مدام آية أنا بلغت زي ما طلبتي. وأمين الشرطة برة عايز ياخد إفادتك. هتقدري تتكلمي ولا أخليه شوية؟ *لأ لأ يا دكتورة خليه يدخل.* *دخل أمين الشرطة وبدأ يستجوبني.* *مدام آية وصلنا بلاغ إن حضرتك أُصبتي بالعمى بسبب ضرب تلقيتيه من زوجك. الكلام ده صح؟ *أيوة صح.* *تقدري توصفي إيه اللي حصل؟

*جوزي مش أول مرة يتهجم عليا بالضرب. ومش بإيده بس. لأ. كان أحيانا بيضرب بخرطوم أو الحزام. ومرة ضربني بعصاية كسر لي بيها دراعي.* *ومبلغتيش وقتها ليه؟ *لأنه كان دايماً يهددني بأنه هيفضحني في العمارة أو هيرميني في الشارع لو اتكلمت. عشان مكنش في أي مكان أروحه.* *ممكن أعرف آخر مرة اتهجم عليكي إمتى وإزاي؟

*آخر مرة كانت امبارح بليل. لأني خرجت من البيت من غير علمه. حاولت أشرح له أكتر من مرة سبب خروجي بأن والدتي كانت تعبانة جداً. وحضرتك ممكن تسأليها. وكمان حاولت أوصله. كان تليفونه مقفول. لكنه مسمعنيش. وفضل يضرب فيا لغاية ما نزفت. لولا ما سابني.* *كان بيضربك بحاجة ولا بإيده؟ *الأول كان بإيده. بعدين برجله في بطني. وآخر حاجة فاكراها مسكني من شعري وكان بيخبطني أوي في الحيطة.* *تمام يا مدام آية. تحبي تضيفي أي حاجة تاني؟

*عايزة أرفع قضية طلاق.* *هو أنا المفروض مقولش. بس لازم تثبتي التهم دي عليه. عشان تقدري ترفعي القضية للمحكمة تطلقك وتاخدي جميع جميع حقوقك.* ****** *بعد 3 أيام* *خرجت من المستشفى. ولكن بنتها لسه في الحضانة.* *وكلت محامي. كان جيرانهم زمان عشان يتابع القضية.* *إزيك يا أستاذ محمد؟ *أستاذ إيه بس يا آية؟ أنا محمد أخوكي الكبير وجارك. وبإذن الله كمان اللي هيجيب لك حقك. فبلاش أستاذ دي.* *حاضر.*

*قوليلي بقي. كان في سبب لضربه المستمر ده ليكي؟ *لأ.* *فكري كويس.* *إزاي يعني؟ انت تقصد إيه؟ *يعني شاف منك أي شيء يدل على خيانة. أو أي حاجة من دي.* *انت بتقول إيه؟ *أهدي يا آية. والله مش بشكك فيكي. بس كل الحكاية مش عايز يمسك علينا غلطة. لأنه واضح إنه إنسان قذر.* *يعني إيه؟ هيتبلي عليا؟ *وارد أوي. ولو عرف يثبت ده. للأسف مش هتطلقي. أو هياخد حضانة البنت منك. ومش هنستفاد حاجة.*