رواية بلوتي القمر الفصل العاشر 10 - بقلم لؤلؤة محمد

ممكن أفهم بقى بأي صفة حضرتك تطردها؟ أحمد: هي هناء عيطت جامد؟ ملك: 😳😳 هو ده كل اللي لفت نظرك في كلامي ده كله؟ أحمد: ملك مش بهزر، هي هناء عيطت جامد بجد يعني، زمانها زعلانة مني ومتضايقة؟ ملك: بخبث وتضييق عين: وانت مالك مهتم أوي كده؟ أحمد بـ لـغـبـطـة: لا مهتم ولا حاجة، هي حرة وبعدين غلطت وخدت جزاءها، ولا كلمة تانية في الموضوع ده، أنا هدخل أغير وانتي جهزي الأكل يلا. ودخل بسرعة قبل ما ترد.

ملك: أقطع دراعي لو مكنتش بتحبها 🙂 دخل أوضته وفضل قاعد شوية بيفكر في هناء. هو أنا قسيت عليها كده ليه؟ عندها ملك هي ليها زيي بالظبط في الشركة، أنا إيه اللي ضايقني لما شوفت ابتسامة مصطفى ليها؟ أكيد بنت عمي وليا حق أغير عليها برضه. وقام غير وطلع عشان ياكل، لقى باباه ومامته رجعوا من بره. أنا: إيه يا بابا مستنتش ليه؟ كنت جيت معاكم سلمت على ولاد عمي عبده.

باباه: ملك قالت إنها كانت عايزة تسلم على بتول هي وهناء، وكمان حسام هيروح يسلم على شعيب وقصي، فقولت تروحوا مع بعض بقى، يلا نتعشى بقى وندخل ننام عشان خلاص بنام على نفسي. وقاموا اتعشوا ودخلوا ناموا. تاني يوم ملك بتكلم هناء في الفون: إيه يا نؤه، هنروح بعد المغرب بإذن الله أنا وانتي وحسام وأحمد. هناء: ماشي يالوكه، تمام سلام بقى دلوقتي عشان هروح أصلي الجمعة في المسجد. ملك: إيه ده ومن أمتى وانتي بتصلي الجمعة في المسجد؟

ما انتي طول عمرك بتقولي صلاة النساء أفضل في المنزل. هناء بـ لـغـبـطـة: هاااه، ماهو يعني حابة أقرب من ربنا أكتر، سلام يلا سلام. وقـفـلـت من غير ما تسمع رد ملك وخرجت وهي لابسة دريس أسود وخمار وكوتش وشنطة بيج. يلا يا حسحس. حسام: يلا إيه؟ هناء: مش انت هتصلي الجمعة في مسجد عمر ابن الخطاب؟ حسام: أيوه. هناء: طب يلا هروح أصلي معاك الجمعة. حسام: تمام، يلا.

وراحوا المسجد، وبدأت هناء تنتبه للصوت كويس جداً وكانت فرحانة أوي إنها سامعاه وهو بيخطب وصوت الإمام الجميل اللي خطف قلبها، وفضلت تستمعله بانتباه كويس جداً وهو بيتكلم عن الصلاة وفضلها وعن حكم تاركها، وهي كانت بس مركزة في جمال الصوت اللي فتنها من غير حتى ما تعرف صاحب الصوت ده. خلصت الصلاة وقامت هناء بسرعة عشان تشوف الإمام وخرجت وهي بتجري بسرعة وفجأة خبطت في حد وقعت.

أنا: ااااااه يانفوخي يانا ياما، مش تفتح يا أخ، وإلا إنت ماشي تخبط في خلق الله؟ الشخص: يا آنسة حضرتك اللي كنتي بتجري.