رواية بلطجي أحب معاقة الفصل العاشر 10 - بقلم صباح عبدالله

أدهم: خير ياحاج، في حاجة؟ صالح: بس تعالى بسرعة، وما تجيبش ريم معاك. أدهم: قلقت، والشيطان لعب بيا، وشكيت إن خالتي حنان حصل لها حاجة. طيب ياحاج، مسافة الطريق هكون عندك. ريم: بخوف، في إيه يادهم؟ ماما حصل لها حاجة؟ أدهم: تعالي ياريم عشان أطلعك تقعدي مع هالة على مارجع. ريم: بدموع، بالله عليك، قولي أمي حصل لها حاجة 🥺. أدهم: لا، ما تخافيش، ده أبويا بيطمن يشوفنا وصلنا ولا إيه. ريم: انت بتكذب يادهم، صح؟ ماما فيها حاجة.

أدهم: يوووه عليكي ياريم، يلا بقا، أنا مش عايز أزعلك تاني. ريم: طيب، عشان خاطري، طالما مش عايزني أزعل، خدني معاك المستشفى أطمن على أمي، بالله عليك. أدهم: والله زعلت وخوفت تكون خالتي حنان حصل لها حاجة فعلاً. ريم مش هاتسامحني لو أمها حصل لها حاجة، عشان أنا اللي منعتها تشوفها. طيب، يلا بينا. وخدها ورجعنا المستشفى تاني. صالح: جاي يجري، أدهم، انت غيبت ليه؟ ريم: بدموع، ماما مالها ياعمو صالح؟

صالح: يبص على ريم بصدمة، انتي إيه اللي رجعك تاني؟ ويبص على أدهم، والله ياحاج، هي ما ردتش تسمع الكلام، بس خير، في إيه؟ صالح: تعالى، الدكتور عايزك بسرعة. ريم: في إيه ياعمو، بالله عليك. صالح: ما تخافيش يابنتي، بس أمك تعبت شوية، والدكتور قال إن هي محتاجة دم تاني، عشان كده أنا كلمتك يادهم، وقولت لك تعالى بسرعة. رضا: جاي، أدهم يابني، انت وصلت؟ أدهم: أيوه، وأنا هسبقكم وهروح عشان أدي خالتي حنان دم، وانتوا طلعوا ريم.

ريم: بدموع، بسرعة يادهم، بالله عليك. أدهم: يبص على ريم، ما تخافيش ياريم، إن شاء الله هاتكون كويسة. في غرفة من غرف المستشفى. سحر: عجبك اللي حصل ده يابشمهندس؟ بقا حتة بلطجي يعمل فيك كدا؟ عمر: يوووه بقا، أنا مش طايق نفسي، وإنتِ لسة بتقولي بلطجي؟ سحر: يالههههوي على بختي الأسود، بقا حتة عيل ولا راح ولا جه يضحك على البت ويتجوزها، وإنت اللي بقالك 4 سنين مش عارف حتى تخطبها. عمر: بزهق، أعمل إيه يعني؟

هي اللي بتعند ومش بتسمع لحد. بس على مين، ده أنا لو ما كسرت دماغها، خلتها هي تترجاني عشان أتجوزها، ما كانش البشمهندس عمر. سحر: هو ده اللي بسمعه منك من 4 سنين يابشمهندس. عمر: يبص على أمه ويطلع سيجارة يولعها وهو بينفخ الدخان، طيب، بس اصبري وشوفي البشمهندس ها يعمل إيه. أدهم: بخوف، خير يادكتور، خالتي حنان مالها؟ الدكتور: إنت اللي اتبرعت بالدم للمدام اللي كانت في العمليات. أدهم: أيوه يادكتور، أنا بس في حاجة.

الدكتور: لا، ما تخافش، بس هي محتاجة دم. ذرة دمها مش موجودة في بنك الدم اللي عندنا، عشان كده إحنا طلبنا حضرتك مرة تانية. أدهم: ماشي يادكتور، وأنا مستعد أديها الدم اللي هي محتاجة، بس أهم حاجة تكون كويسة وتقوم بالسلامة. الدكتور: إن شاء الله، اتفضل معايا عشان ما فيش وقت. أدهم: بخوف، هي ممكن يحصل لها حاجة يادكتور؟ الدكتور: بصراحة، مش هكذب عليك، هي حالتها صعبة. أدهم: بحزن، يعني ممكن تموت؟

الدكتور: أنا آسف، بس دي حاجة بإيد ربنا سبحانه وتعالى. أنا ما أقدر أقول ممكن تموت ولا لأ، بس أنا بعمل اللي بقدر عليه، والباقي على الله. أدهم: بحزن وخوف، ونعمة بالله. الدكتور: اتفضل ارتاح على السرير عشان نسحب الدم من حضرتك. أدهم: واقف، عينيه على حنان اللي نايمة على فراش الموت، ثواني بس يادكتور، ويروح عند حنان ويوطي ويبوسها وبدموع، ما تخافيش يا أمي، إن شاء الله هاتقومي بالسلامة. الدكتور: بستغراب، هي المدام أمك؟

أدهم: يمسح دموعه، هي مش أمي، بس غلاوتها من غلاوة أمي. وينام على السرير، اتفضل يادكتور، خد الدم اللي انت عايزه. الدكتور: بس ممكن حضرتك تتعب أو تدخل في غيبوبة بسبب فقدان الدم ده. أدهم: ما تخافش يادكتور، بس أهم حاجة عندي أمي تكون كويسة. الدكتور: يبص على أدهم بستغراب 🤨. تمام. بره الغرفة. ريم: بدموع 😭، أنا خايفة ماما تمشي وتسبني. رضا: بحزن 🥺، ما تخافيش ياحبيبتي، إن شاء الله هاتقوم بالسلامة.

صالح: 😟 يووه ياريم، عشان كده أنا قولت لأدهم ما يخليكيش تيجي هنا تاني. والله أمك الحمد لله كويسة، بس الدكتور قال هي بس محتاجة دم، عشان كده هي تعبانة شوية، وإن شاء الله أدهم هايديها دم وهتقوم بالسلامة. ريم: 🥺 يارب، يارب، يارب. رضا: أيوه ياحبيبتي، قولي يارب، إحنا في الظروف دي مالناش غيره. وبعد 6 ساعات. حنان: تفتح عينيها. ريم: 🥺 ماما حبيبتي، أخير، وحشتيني أوي، وخوفتني عليكي 😭. وتفضل تعيط.

حنان: بتعب، ريم حبيبتي، ما تعيطيش. زينب: في إيه ياريم؟ ماهي بسم الله ماشاء الله زي العسل. إيه، حمد الله على السلامة ياحبيبتي. حنان: بتعب، فين أدهم؟ زينب: بهزار، إيه يام ريم، عايزة تاخدي مني الواد ولا إيه؟ حنان: بتعب، ربنا يباركلك فيه ياحبيبتي. ريم: تمسح دموعها، أه، صحيح ياطنط، هو فين أدهم؟ من ساعة ما جينا ماشفتهوش. زينب: بدموع، لا، ما فيش. وتطلع بره عشان ما تعيطش قدام حنان.

ريم: تبص على زينب بستغراب، ماما حبيبتي، أنا هنادي الدكتور وهاجي. وتطلع بره الغرفة. ريم: تلاقي زينب بتعيط وصالح بيسكت فيها. صالح: إيه يازينب؟ ما الدكتور طمنا عليه وقال يوم بكتير وهايصحي. إيه بقا لازمة اللي إنتي بتعمليه ده؟ رضا: أنا والله 😟 مش عارف أقولك إيه يام أدهم، بس جميل أدهم أنا مش هنساه طول ما أنا عايش، وإن شاء الله يوم بكتير هايصحي من الغيبوبة زي ما الدكتور قال. ريم: بصدمة، أدهم دخل في غيبوبة؟

سحر: بصوت واطي وبحقد، شايف عمك بيحب البلطجي قد إيه؟ ده مش بعيد يكتب له كل حاجة. عمر: مش لو قام الأول. سحر: دي غيبوبة يوم بالكتير وهايقوم ياقلب أمك. عمر: بشر، ده لو ما فيش حد حاول إنو يعمل فيه حاجة تخليه ما يصحاش. سحر: قصدك إيه؟