رواية بنات الخالة الفصل الحادي عشر 11 - بقلم شروق حجازي

نور : يلا بقي نروحلهم المطعم. أينور : يلا. أينور : إيه ده مش ده يزن ابن عمي؟ نور : آه وده فهد. أينور : هما بيعملوا إيه في المول؟ نور : مش عارفة. أينور : إيه ده ومين المسهوكة اللي لازقة في فهد كده؟ نور : مش عارفة. نور : بقولك إيه إحنا مالنا، يلا نروح المطعم. أينور : لا استني. نور : إنتي ناوية على إيه؟ أينور : اقفي بس هنا، راقبي المكان. أهي دخلت الحمام. لو حاجة حصلت اديني رنة. نور : ماشي، بس إنتي هتعملي إيه؟

أينور : لما أجي بس. في الحمام. أينور بتتسحب. أينور بصوت واطي: أنا هوريكي إزاي تتلزقي كده فيه. بس هعمل إيه؟ هعمل إيه؟ أينور ضحكت: حلو كده. بس أكيد في واحد هنا، بس حاطينه فين؟ فين؟ أهو هناك أهوه. أينور لقت جردل المسح، خدته ومللته ميه. أينور من ورا الباب: واحد اتنين تلاتة. وقامت رامية الميه من فوق الباب وطلعت تجري. نور : ها، عملتي إيه؟ أينور : تعالي بس قبل ما حد يشوفنا، وهحكيلك. عند فهد ويزن.

فهد : هي العميلة اتأخرت كده ليه في الحمام؟ يزن : مش عارف، دي بقالها كتير في الحمام. فهد : طب روح شوفها، عاوزين نخلص الاجتماع ده. يزن : ماشي. بعد وقت قصير. فهد : إيه اللي حصل؟ يزن : في حد وهي جوه في الحمام رمى ميه عليها. فهد ضحك بخبث. فهد : كنت متأكد. يزن : متأكد من إيه؟ فهد : مفيش. تعالا نروح يلا. يزن : يلا. في المطعم. مريم : بجد حرام عليكوا كل ده، أنا جوعت. أينور : معلش، يلا ناكل بقا عشان أنا كمان جعانة. مريم : يلا.

وبعد انتهاءهم من الأكل. حمزة : يلا بقا عشان نروح. البنات : يلا. في القصر. دخلوا البنات والشباب. مريم : أنا خلاص هموت وأنام. سيلين : مين سمعك، احنا لفينا كتير أوي. أسر : أمال إحنا نعمل إيه بقا، جينا من الشغل عشان نرتاح. دبستونا، حسبي الله. أماندا بضحك: ما خلاص بقا، إنت مبطلتش من ساعة ما خرجنا. أسر بغمزة: عشانك إنت بس يا قمر. أماندا برفعة حاجب: قمر بإستر، كل ده وفي واحدة واقفة هتولع من الغيرة على أسر.

مريم : لو خلصتوا أنا طالعة. أسر بخبث: والله لو فضلت من النهاردة لبكرة مش هنخلص، صح يا قمر؟ أماندا: لا كده كتير، أنا طالعة أنا كمان. كله ضحك على أسر وأماندا، وبعدين كل واحد دخل أوضته. في أوضة مريم. مريم: ماشي يا أسر، والله لأوريك، إنت فاكر كده إنك بتغيظني يعني. أسيل من وراها: إنتي اللي عملتي في نفسك كده. مريم بدموع: يعني عاوزاني أعمل إيه لما أشوف ابن عمي وحبيبي في حضن واحدة، ها؟ عاوزاني أعمل إيه؟

أسيل: بس متعيطيش، إنتي مدتيوش فرصة يشرحلك.

مريم: حطي نفسك مكاني يا أسيل، لما تلاقي حد بعتلك صور لحبيبك مع واحدة في أوضاع وحشة، ومش بس كده، اللي باعت الصور كمان باعتلي عنوان ويقولي لو روحتي هتلاقي حبيب القلب هناك. أنا والله ما صدقتش الصور وقولت أكيد متفبركة، وقولت مش هروح العنوان ده. ولما مروحتش العنوان، الشخص ده بعتلي فيديو لأسر هو والبنت دي. فطبيعي بعد ما أشوف الفيديو وأشوف أسر بنفس اللبس اللي كان خارج بيه من البيت الصبح، أشك. ولما روحت اتأكدت وشوفته وهو حاضنها. يا أسيل.

أسيل: حبيبتي، مهو إنتي مسمعتيش منه، إنتي أول ما شفتيهم جريتي. مريم: يعني عاوزاني أقف أعمل إيه بعد اللي شوفته؟ أسيل: حبيبتي، أنا والله حاسة بيكي. مريم: لا محدش حاسس بيا، حتى هو مش حاسس بيا. أسيل: متعيطيش بس، أنا مش بحب أشوفك كده. أسر والله بيحبك، بس هو زعلان عشان إنتي حتى مدتيوش فرصة يشرحلك سوء التفاهم. وإن شاء الله الأمور تتحل وترجعوا زي الأول. مريم: إن شاء الله. في أوضة أينور. أينور لسه داخلة الأوضة وبتقيد النور.

أينور: آه، مش قادرة. إيه اليوم ده كان طويل بشكل، بس حبيته في الآخر. فهد من وراها: ما طبيعي تحبيه بعد اللي عملتيه. أينور بخضة: إنت بتعمل إيه هنا؟ فهد: جاي أشوفك عملتي إيه في المول. أينور: هكون عملت إيه؟ كنت بشتري شوية حاجات. وبعدين إنت عرفت منين إني كنت في المول؟ فهد: هو أنا مقولتلكيش. أينور بخوف بس بداريه: تصدق لأ. فهد: مش أنا كان عندي اجتماع وكان في مطعم في المول. أينور: لا والله. فهد: أه والله.

أينور: طب عملت إيه في الاجتماع؟ فهد: مش اتلغى الاجتماع. أينور: اتلغى ليه بس؟ فهد: مفيش، العميلة دخلت الحمام وفي طفلة شقية حبتين، لا هي مش شقية هي ناقصة تربية، وإن شاء الله تربيتها على إيدي، رمت ميه على العميلة وغرقتلها هدومها. أينور: طب ليه الغلط بس؟ فهد: إيه ده، هي تقربلك ولا حاجة؟ أينور بتبلع ريقها: وأنا أعرفها منين؟ أنا بقول مينفعش تغلط وخلاص. فهد: ماشي، أنا قولت أعرفك بس إن حسابها تقل معايا.

أينور: وأنا مالي أنا، وبعدين اطلع يلا عشان عاوزة أنام. فهد: بس كده، حاضر. تصبحي على خير. أينور: وإنت من أهل. فهد طلع وأينور قفلت الباب وراه بسرعة. أينور: يعني شوفتني وكمان بتقول عليا ناقصة تربية. ماشي يا فهد. عند فهد. فهد: حسابك تقل يا أينور، بقا تبوظيلي الاجتماع. ماشي. بس لحد هنا البارت خلص يا حلوين.