رواية بنات الخالة الفصل الثاني عشر 12 - بقلم شروق حجازي

فهد: بس كده حاضر تصبحي على خير. أينور: وانت من أهل الخير. فهد طلع وأينور قفلت الباب وراه بسرعة. أينور: يعني شفتني وكمان بتقول عليا ناقصة تربية، ماشي يا فهد. عند فهد. فهد: حسابك تقل يا أينور، بقا تبوظيلي الاجتماع. ماشي. في صباح يوم جديد. سيلين بتجري وبتقول بصوت عالي: الحقوا الحقوا. وهي بتجري خبطت في زين. زين: في إيه، براحة شوية، هو في حد بيجري وراك؟ سيلين: أنا مش فاضيالك، وسع من وشي. زين: أوسع من وشك.

سيلين: يوه، مش وقتك خالص. وسابته وجرت. زين: إيه قلة الذوق دي. سيلين: سمعتك على فكرة. زين: امشي يابت من هنا. سيلين: تك. زين قلع الشبشب ولسه هيحدفه في سيلين. سيلين طلعت تجري من قدامه. زين: مجنونة وهبلة كمان. سيلين: يابنات الحقوا. سيليا: في إيه؟ أمندا: انتي فرحانة بصوتك ده. سيلين: تصدقوا أنا غلطانة ومش هقول لكم في إيه. أسيل: اخلصي قولي في إيه. سيلين: عشانك انتي بس. أسيل: ماشي، قولي. سيلين: النتيجة بانت.

سيليا: يالهوي يالهوي. أمندا: أنا خايفة. أسيل: وأنا كمان، بس لازم نجيبها عشان نعرف عملنا إيه. سيلين: عاوزين لاب توب. أسيل: تعالوا نروح ليزن نجيب منه اللاب. أمندا: يلا. راحوا البنات عند يزن. يزن: خير، متجمعين كده ليه. أسيل: عاوزين اللاب بتاعك عشان النتيجة ظهرت. يزن: إن شاء الله خير، وتدخلوا الكلية اللي نفسكم فيها، متقلقوش. أسيل: بإذن الله. سيلين: هات اللاب توب. يزن: قولوا أرقام جلوسكم، أنا هجيبهالكم.

سيليا: ياريت عشان إحنا على أعصابنا أصلاً. زين: طب، اندهي يا أسيل، زين وخليه يجيب اللاب بتاعه عشان أكيد الموقع عليه ضغط، فانحاول إحنا الاتنين. أسيل: حاضر. بعد وقت. زين جه وجاب اللاب بتاعه. يزن: يلا، حد يملي زين وحد يمليني. سيليا: رقمي ......... يزن: ثواني. يزن: مبروووووك، جبتي 97%. سيليا: بتهزري. يزن ضحك: لا بجد. أمندا جريت على سيليا وحضنتها وقالت لها: مبرووووك يرووحي مبرووووك. سيليا: الله يبارك فيكي، عقبالك.

أسيل: وأنا رقمي ........ زين: مبرووووك يا رووحي 96%. أسيل: احلف كده. زين فضل يضحك عليها. زين: ما إحنا عارفين إنك دحيحة. أسيل: قركوا ده اللي جايبني لورا. زين: على أساس جه بفايدة، دا انتي جايبة 96% يا شيخة، حرام عليكي. أسيل: حد يلحقني، هيجرالي حاجة. زين: دا انتي صحتك بومب. أسيل: اعتق أمي العيانة. هناء من وراها: مالها أمك. أسيل: تعالي شوفي ابنك يا مرات عمي، هيجيب أجلي. زين: أجيب أجلك إيه، دا انتي جايبه 96%.

هناء: ينهار أبيض، ألف مبرووووك يروووحي، وانتوا يابنات عملتوا إيه. أسيل: الله يبارك فيكي يا نوءه. أسيل: سيليا جابت 97%. هناء: مبروووك يا سيليا ياقمر. سيليا: حبيبتي يا نوءه. زين: إيه نوءه دي انتي وهي. سيليا: بندلعها، مندلعهاش. أسيل: عندك مانع. سيلين: أصل اللي يشوفها ميقولش إنها مخلفة شحت زيك. زين: بتقولي حاجة. سيلين: لا، بقول شوف نتيجتي يلا. أمندا: وأنا، وأنا هاتولي النتيجة يلا.

زين: هاتوهالها يا يزن قبل ما يجرالها حاجة. أمندا: انت بتقول فيها. يزن: قولي رقمك. أمندا: ......... يزن: مبرووووك 96,5%. أمندا: والناجح يرفع إيده، هيه هاااااا. سيلين: وأنا. زين: قولي رقمك. سيلين: ......... زين بص لسيلين وسكت. سيلين: في إيه، بتبصيلي كده ليه. زين: معلش. سيلين: متقولش خلاص، ما طبيعي طالما انت اللي جايبها، يعني أنا ملقتش غيرك وتجيبلي النتيجة، يعني ما طبيعي مجبش مجموع.

زين: إيه في إيه، بلاعة وطفحت، وبعدين تصدقي إن إني غلطان إني قاعد بجيبهالك وسايب شغلي. سيلين: ياريتك ما جبتها. زين: افصلي شوية، الموقع تقيل، لسه ماجبتهاش. سيلين: وسايبني كل ده. زين: انتي إدتيني فرصة، دا أنا كنت لسه بقولك معلش الموقع تقيل. سيلين: معلش، هاتها يلا، أنا على أعصابي. زين: أنا هجيبهالك بس عشان عارف توترك، بغض النظر على طول لسانك. سيلين: ما خلاص بقا، وشوف النتيجة.

هناء قعدت تضحك: في إيه يولاد، عاملين زي القط والفار كده. زين: انتي مش شايفة يا ماما. هناء: معلش يا حبيبي. زين: أهي بانت. سيلين: كام كام. زين: اديني فرصة طيب أقول، مش كده. سيلين: اخلص. زين: 98%، أعلى واحدة فيهم. سيلين: قول الله العظيم. زين ضحك: والله العظيم. سيلين فضلت تزغرط لحد ما البيت كله اتلم. زين: خلاص يامجنونة. سيلين: سيبني أفرح يا عم. زين: افرحي بس مش كده. الجد: في إيه يا ولاد.

يزن: البنات نتيجتهم ظهرت يا جدي وجابوا مجاميع عالية. الجد: ألف ألف مبرووووك يابنات. سيلين: الله يبارك فيك يا جدي. نور: جبتوا كام. أسيل: أنا جبت 96%. سيليا: وأنا 97%. أمندا: وأنا 96,5%. سيلين: وأنا 98%. نور: ألف مبرووووك ليكم. أينور: كده هتدخلوا الكليات اللي انتوا عاوزينها وانتوا مرتاحين. سيلين: بس يارب التنسيق يكون حلو. زين: انتي مالك ومال التنسيق، انتي جايبة 98%. سيلين: يختاااي، الدور كان على أسيل ودلوقتي عليا.

الجد: خلاص يا ولاد، بقا. زين: عشانك انت بس يا جدي. مريم: صحيح، يا نور انتي وأينور هتعملوا إيه في كليتكم دي، دي أخر سنة ليكم، حرام تضيعوها. الجد: ويضيعوها ليه، هما في كلية إيه. مريم: في تجارة انجلش زي يا جدي. الجد: خلاص يحولوا للجامعة هنا معاكوا. مريم: وأوراقهم. أينور: ورقنا لسه في جامعة القاهرة. الجد: بسيطة، فهد له معارف هناك يقدر يحولكم. صح يا فهد. فهد: أيوا يا جدي، اللي تؤمر بيه.

الجد: خلاص، من بكرة تروح تحولهم للجامعة هنا مع مريم. فهد: حاضر يا جدي. فاطمة (عمتهم) : هتدخلوا كليات إيه يابنات. سيليا: أنا إن شاء الله هدخل طب. أمندا: وأنا كمان، ولو ملحقتش هدخل أسنان وخلاص. أسيل: أنا زيك يا أمندا. فاطمة: وانتي ياسيلين. سيلين: أنا كنت علم رياضة يا عمتوا، هدخل هندسة. فاطمة: كده العيلة هيكون فيها اتنين مهندسين. سيلين لسه هتتكلم قاطعها دخول شخص. أسيل جريت عليه وحضنته.

أسيل: وحشتني خالص يا ياسين، كل ده بعيد عننا، أنا زعلانة منك. ياسين: غصب عني والله يا حبيبتي. فاطمة: ابعدي بقا شوية، ابني وحشني. أسيل: مهو أخويا برضوا، وحشني. فاطمة: ابعدي يابت. ياسين ضحك: وحشتني يا ماما أوي. فاطمة: وانتي يا ابني وحشتني، كل دي غيبة. ياسين: انتي عارفة طبيعة الشغل. وبعدين أسر واخد إجازة وساب كل الشغل عليا. أسر من وراه: بتجيب في سيرة أسر ليه. فاطمة: إيه ده، انتوا جايين مع بعض.

أسر: أيوه يا عمتي، كنت بجيبه. فاطمة: اخص عليك يا أسر، يعني انت كنت عارف إنه جاي ومعرفتنshi. أسر: هو اللي قالي معرفكوش والله عشان يعملهالكم مفاجأة. فاطمة: برضوا مكنتش سمعت كلامه. ياسين: هو ملهوش ذنب، أنا اللي قولتله. فاطمة: طب ادخل يلا سلم على جدك. ياسين باس إيد جده وحضنه. وسلم على عمامه وولاد عمامه. ياسين: انتوا أكيد سيلين وسيليا صح. سيلين: عرفت منين. ياسين: عشان أسر قالي في اتنين توأم وقالي اسمكم.

سيلين: أنا سيلين وهيا سيليا. ياسين: ازيكوا. سيلين وسيليا: تمام. مين بقا أينور. أينور: أنا أينور، ودي نور، ودي أمندا. ياسين: البيت نور بيكم. أينور: منور بصحابه. ياسين بضحك: أمال انتوا إيه، كله ضحك. أينور بإحراج: تصدق معاك حق. الجد: يلا يا ابني اطلع غير هدومك وانزل عشان ناكل. ياسين: حاضر يا جدي. طلع ياسين أوضته غير ونزل تحت، كان الكل اتجمع على السفرة. أسيل: ياسين. ياسين: إيه يا رووحي. أسيل: عندي ليك مفاجأة.

ياسين: إيه هي. أسيل: أنا نجحت وجبت 96%. ياسين: مبرووووك يروووحي، ألف مبرووووك. أسيل: وبعدين مبروك. ياسين: هاتي من الآخر وقولي عاوزة إيه. أسيل بضحك: أخويا اللي فاهمني. ياسين: مصلحنجية أوي. أسيل: هدية النجاح. ياسين: أنا عينيا ليكي. أسيل: لا، أنا مش عاوزة عينيك، أنا عاوزة الهدية. كله ضحك على أسيل. ياسين: معفنة أوي، حاضر يستي، هجيبلك اللي عاوزاه. أسيل: أخويا القمري. ياسين: دلوقتي بقيت قمر.

حمزة: إن كان ليك حاجة عند الكلب. ياسين: وأنا الكلب صح. حمزة: عيب، متقولش كده على نفسك. ياسين: ماشي، اصبر عليا بس يا ذومي. سيليا بضحكة: ذومي، مش قادرة. حمزة: عجبتك أوي يختي. سيليا: وأنا مالي يالمبي، هو اللي قالهالك. ياسين: ماتخليكي محضر خير. حمزة: ماشي.