رواية بنات الملجأ الفصل العاشر 10 - بقلم مادونا عماد

تاني يوم الكل صحيوا وراحوا يشتروا هدوم جديدة. عند جنة وغسان: غسان: يلا ندخل المحل دا. جنة بصت للمحل وكان فيه هدوم جميلة وفخمة. جنة وقفت: لا خلينا نشوف محل تاني. غسان: مالو دا معجبكيش؟ جنة: جميل بس شكله غالي قوي. غسان شدها وراه: يلا ياهبلة واختاري اللي انتي عايزاه. جنة دخلت وهي مكسوفة وحاسة نفسها حمل عليه طول السنين اللي عاشتها معاه. موظفة: تحبي تتفرجي انتي ولا أجيبلك حاجة معينة؟ غسان: يا ريت تجيبي فساتين محجبات.

جنة بصتله وابتسمت. موظفة: حاضر. بعد شوية طلعت الموظفة بأكياس كتير أوي. جنة اختارت واحد بس: دا حلو. غسان للموظفة: كلهم مقاس واحد؟ الموظفة: آه يا فندم. غسان: تمام. شوفوا حسابهم كام. جنة شهقت بصدمة: كل دا؟ غسان: إشششش. حاسبوا وراحوا محل أحذية وشنط. عند تالا وحسام: دخلوا محل ملابس. حسام: ادخلي اشتري كل اللي يعجبك وأنا هعمل تليفون سريع وأجيلك. تالا: ماشي بس منتأخرش.

تالا اختارت كام فستان وطلعت تشوفه بس مالاقتهوش وكانت خايفة. اتنين شباب شافوها. الشاب: الجميل واقف لوحده ليه؟ تالا مشيت خطوتين ووقفوا قدامها بسرعة. الشاب 2: استني بس نتفاهم. تالا بخوف: انت مش محترم ابعدوا عننننني. حسااااام! الشاب مسك ايديها: مينفعش. علي فجأة حسام لكمه بوكس في وشه شفايفه نزفت. حسام وهو بيضربوا بجنون: انت إزززاي تتجرأ وتمسك ايديها يا حيوووان! الناس بعدوهم عن بعض والشابين هربوا.

حسام راح لتالا اللي واقفة مرعوبة. حسام حضنها: خلاص اهدي أنا معاكي. تالا بدموع: اتأخرت ليه؟ أنا كنت خايفة أوي. حسام: حقك عليا ياقلبي. عند أسيل: أسيل بتكلم سليم في الموبايل. سليم: كان نفسي تيجي معايا. أسيل: أنا ممكن أكلم بابا وماما وأقنعهم. سليم: يا ريت بجد. أسيل: طيب سلام دلوقتي. سليم: سلام. أسيل خبطت باب غرفة كريم. يارا: ادخلي يا أسيل. أسيل: كيمو حبيبي ويويو قلبي. كريم: انجزي عايزة إيه؟ أسيل: دايماً فاهمني يا بوب.

يارا بضحك: مصلحنجية واطية. أسيل: احم عايزة أروح مع صحابي الصعيد. كريم: هتروحوا ليه؟ أسيل: عادي طالعين نتفسح قبل الدراسة وكدا. كريم: امم بس خلي بالك من نفسك. أسيل بفرحة: حبيبي حبيبي. وطلعت بسرعة غرفتها وكلمت سليم. عند غزل: الباب خبط. غزل: أيوه. فتحت وكان الشوفير. الشوفير: سيف بيه بعت لحضرتك الحاجات دي. غزل أخدت منه الأكياس وكانت ملابس كتير: شكراً. غزل راحت غرفتها وطلعت الفساتين كلها. غزل بصدمة: واو كلهم حلوين.

وبدأت تقيسهم وتشوف نفسها في المرايا.