رواية بنات الملجأ الفصل الحادي عشر 11 - بقلم مادونا عماد

يوم السفر كلهم خرجوا الصبح بدري. شافوا بعض وكانت الصدمة، كلهم عرفوا بعض ما عدا أسيل لأنها كانت طفلة ودلوقتي شكلها اتغير. بس هي افتكرتهم وما قالتش. غزل بصدمة: تالا وجنة وكيلا، معقول؟ تالا وجنة وكيلا بصوا لبعض وراحوا بسرعة لغزل وحضنوها. جنة: أنا مش مصدقة إننا نتقابل بعد السنين دي كلها. سيف: انتوا تعرفوا بعض؟ غزل: أيوه، كنا صحاب مع بعض في الملجأ. حسام: طيب يلا نمشي عشان منتأخرش.

وبعد وقت طويل أوي وصلوا الصعيد وكان الوقت متأخر. سيف: قد إيه وحشتني الصعيد وجوها. مني: فعلاً يابني. دخلوا البيت وكان كبير أوي وشكله جميل. سيف: كل واحد يختار الأوضة اللي هو عايزها. غزل وسيف في غرفة. تالا وجنة في غرفة. حسام وغسان في غرفة. أسيل وكيلا في غرفة. سليم ومهند في غرفة. مني في غرفة. عند غزل وسيف. غزل بدموع وفرح: أنا مش مصدقة يا سيف إننا اتقابلنا بعد السنين دي كلها.

سيف: أنا لو أعرف إنكم هتتقابلوا وإنتي هتبقي فرحانة كده كنا جينا من زمان. غزل: ربنا يخليك ليا. سيف: طيب بما إنك فرحانة مفيش حاجة حلوة ليا. غزل: أنا تعبانة وعايزة أنام، تصبحي على خير. سيف: وإنتي من أهله ياختي. عند تالا وجنة. أول ما دخلوا عيطوا وحضنوا بعض. تالا: وحشتيني أوي. جنة: وإنتي كمان، وغزل وكيلا. تالا: وأسيل. جنة: يا ترى هي فين. تالا: مش عارفة، تفتكري هي البنت اللي جت مع سليم؟ جنة: لو كانت هي ليه مقالتش.

تالا: عندك حق، يلا ننام أنا تعبانة أوي. عند كيلا وأسيل. أسيل: هما صحابك من زمان؟ كيلا: أيوه، من واحنا عندنا 5 سنين. أسيل بخبث: هي البنت اللي اسمها... آه غزل، سيف يبقى جوزها؟ كيلا: أيوه، مهند قالي كده. أسيل لنفسها: يعني نسيتني واتجوزت وعاشت حياتها، ولما طلعت من الملجأ مفكرتش تدور عليا. كيلا: وإنتي اسمك إيه؟ أسيل بتوتر: اسمي أميرة. كيلا: وأنا كيلا، 17 سنة. أسيل: أنا 15، تشرفنا. تاني يوم الكل صحي بحماس ونزلوا يفطروا.

مني: صباح الخير. الكل: صباح النور. قعدوا يفطروا واتكلموا في حاجات كتير. تالا: هنعمل إيه؟ غسان: يلا نروح الأرض الزراعية ونتفرج على المكان هنا. سيف: فكرة حلوة. غزل: يلا يابنات نجهز الغدا ونتغدى هناك. البنات: يلا. بعد شوية راحوا يتفرجوا على الأراضي والزرع جميل. غزل فرشت ملاية وكلهم قعدوا. جنة: تيجوا نلعب الصراحة. سيف: يلا. حسام: ماشي. غزل: أنا هبدأ. غزل لفت الزجاجة وكانت أن تالا تسأل حسام.

تالا بتفكير: اممم، إيه هي مواصفات فتاة أحلامك؟ حسام: تكون قصيرة وشعرها طويل وبشرتها بيضا وعيونها عسلي وقمر يعني. تالا بكسوف: وأنا لقيتها. حسام: قريب إن شاء الله. حسام لعب وكان أسيل تسأل سيف. أسيل بخبث: بشمهندس سيف، بتحب مراتك؟ سيف: أكيد. غزل اتحرجت أوي منها وفهمت إن سيف بيكذب، بس هو قال الحقيقة. سيف لعب وكانت غزل تسأل أسيل. غزل: اسمك إيه؟ أسيل بتوتر خصوصاً إن سليم موجود: أميرة.

سليم بص لها باستغراب وهي لعبت بسرعة عشان تغير الموضوع. بعد وقت مليان بالضحك والمرح رجعوا البيت. سليم سحب أسيل وخدها على جنب. سليم: ليه لما غزل سألتك على اسمك كدبتي وقولتي أميرة؟ أسيل: آه يا سليم، سيب إيدي. سليم: ردي. أسيل: في حاجة في دماغي عايزة أعملها، عشان خاطري متقولش لحد. سليم: براحتك يا أسيل، قصدي يا أميرة. وسابها ومشى.