رواية بنات نعمة الفصل الحادي عشر 11 - بقلم أحمد حسن

رياض.. عرفتي اللي حصل ياست نعمه نعمه.. خير إن شاء الله يا رياض رياض.. بيقولو الولد ابن مرسي إبراهيم ابن صابر بمطواه والولد في المستشفى بين الحياة والموت نعمه.. يا ساتر يا رب طب خلي بالك من المحل يارياض لحد ما أروح أتطمن على الواد رياض.. ما بلاش أحسن يا ست نعمه نعمه.. ليه يا رياض رياض.. أصل بصراحة العيلة كلها متجمعة هناك وإنتي عارفة لسانهم يا ست نعمه

نعمه.. أنا هروح عشان أتطمن على الولد وما تخافش أنا متعودة على كلامهم من سنين رياض.. خلاص اللي تشوفيه يا ست نعمه فعلاً نعمه راحت على المستشفى وبالفعل أول ما دخلت كان واقف قدام غرفة العناية المركزة كل أفراد عائلة المغازي، أول ما شافوا نعمه جايه عليهم بصوا لبعضهم باستغراب توحيد.. جايه عايزه إيه يا نعمه نظيمه.. جايه تشمتي يا نعمه نعمه.. لمي لسانك يا نظيمه إنتي وأمك وخليكم في حالكم ومش نعمه اللي تشمت في قضاء ربنا

صابر.. خبر إيه يا أمي الست جايه تطمن كتر خيرها، معلش يا نعمه تعالي حقك عليا نعمه.. خليك واقف جنب أمك يا صابر، هي فين كوثر صابر.. كوثر ضغطها علي مرة واحدة والدكتور علق لها محاليل وهي دلوقتي على السرير جوه في الأوضة التانية، تعالي أوديكي عندها نعمه.. لا خليك أنا عارفه الطريق فعلاً نعمه راحت على كوثر اطمنت عليها نعمه.. ألف سلامة على إبراهيم يا كوثر وإن شاء الله يقوم بالسلامة كوثر.. ابني حياته اتدمرت يا نعمه

نعمه.. هدي نفسك يا حبيبتي ما تعيطيش، قولي يا رب وهو إن شاء الله هيكون بخير كوثر.. كنت غلطانة يا نعمه يوم ما فكرت أجي أقعد في وسط الناس دول، أنا السبب نعمه.. يا حبيبتي ما تشيليش نفسك فوق طاقتها، قضاء ربنا ما فيش حاجة تقدر تمنعه كوثر.. حق ابني مش هاسيبه يا نعمه، والله لأدفعهم التمن غالي أوي نعمه.. اهدى يا حبيبتي وصلي على النبي، دول في الآخر عيال مع بعض كوثر.. حتى إنتي كمان هتقولي عيال!

ابن مرسي عنده 22 سنة وتقوليلي عيال يا نعمه نعمه.. طب خلينا نطمن على ابنك الأول وبعد كده يعدلها ربنا فعلاً بعد فترة خرج إبراهيم من المستشفى على كرسي متحرك، الغريب في الموضوع إن إبراهيم فقد النطق كمان من أثر الصدمة وده اللي خلى كوثر وصابر عداوتهم تشتد في قلوبهم من ناحية بيت المغازي.

ورغم ضغط مرسي وأفراد العيلة على صابر وكوثر عشان يتنازلوا عن المحضر ويغيروا أقوالهم، إلا إن صابر وكوثر فضلوا مصممين على قرارهم وبالفعل اتحبس فؤاد ابن مرسي وخد 15 سنة. الكلام ده كان في عام 2007، وطبعاً مرسي هدددهم بطردهم من البيت بس صابر اشترط عليه إنه ياخد ورثه كامل وهو يترك البيت، بس توحيد ومرسي رفضوا بشدة. أصبح الجميع بداخل بيت المغازي لا يطيقون بعضهم البعض. _بعد مرور سنة عام 2008 تغريد.. جاي متأخر ليه يابيه

رياض.. خلاص يابت مش مرة آخرتها هتعلقيلي عليه تغريد.. وإيه كلمة يابت ال خدت عليها دي إن شاء الله رياض.. إن كان عاجبك تغريد.. لا مش عاجبني رياض.. في حواليكي 4 حيطان اخبطي راسك في واحدة منهم تغريد.. تصدق بقا لأقول لأمي عشان هيا اللي قاوتك عليا رياض.. بطلي رغي وقوليلي، هدى بقالها كام يوم مش باينة يعني تغريد.. بصراحة في عريس متقدملها وأمي بتحاول تضغط عليها رياض.. عريس!! تغريد.. ومالك ياخويا اتخضيت كده

رياض.. لا متخضيتش ولا حاجة، كملي كلامك تغريد.. متقدملها ياسيدي دكتور صيدلي وحالته كويسة بس هي رافضة ولما عملت حجتها التعليم الدكتور قال موافق إنها تكمل وهيساعدها كمان رياض.. طب وامك هتعمل إيه تغريد.. امي موافقة وبتحاول تقنع هدى، اه صحيح نسيت أقولك إن امي كانت عايزاك ضروري وقالتلي إنك لما تيجي تروحلها على المحل القديم رياض.. ماشي ماشي _رياض.. إزيك ياست نعمه نعمه.. الحمدلله يارياض رياض.. تغريد بتقولي إنك عايزاني

نعمه.. اقعد واسمعني كويس يارياض دلوقتي هدى جايلها عريس كويس دكتور صيدلي وقريب منها في السن وحالته مرتاحة ويعرف ربنا وهي رافضاه. حاولت معاها كتير ومش نافع وأنت عارف إني بعتبرك زي ابني وعشان كده هطلب منك تقعد معاها وتعقلها، خسارة يا ابني ده دكتور ابن حلال وأهله ناس طيبين وهيريحها وكفاية إنه دكتور وهي شوية وهتبقى دكتورة بدل ما يرسي عليها الزمن وتتجوز واحد لا بيعرف يقرأ ولا يكتب. أرجوك يا ابني حاول معاها

رياض.. حاضر ياست نعمه نعمه.. أنا هرن عليها تيجي وانت اعمل اللي قولتلك عليه رياض.. حاضر _في وكالة المغازي وفيق.. ازيك يا مرسي مرسي.. أهلا وفيق وفيق.. عملت إيه مع صابر مرسي.. المشكلة في صابر وفيق.. امال في مين مرسي.. المشكلة في الحية اللي اسمها كوثر وفيق.. بصراحة يا مرسي البت دي مش سهلة وذكية وشكلها هي اللي مولعة في صابر عشان الورث مرسي.. فاضلها عندي تكة وأخلص منها الجديد والقديم وفيق.. إيه يا مرسي انت اتجننت ولا إيه

مرسي.. الست من دول متجيش غير بالضرب على دماغها وأنا هديها قرصة ودن بس وفيق.. طب أنا عايز 20 ألف جنيه أكمل بيهم على اللي معايا وأشتري وأختك نظيمة حتة أرض معروضة قدامي للبيع مرسي.. ياخي 20 قرد لما يركبوك وفيق.. باه يامرسي مرسي.. بو لم يلهفك مفيش ولا جنيه نظيمه.. هتقوليه عاد يامرسي مرسي.. أهلا ياختي خطوة عزيزة نظيمه.. سيبك من الشويتين دول يامرسي وادي الفلوس لوفيق مرسي.. الله الله انتو بقا مظبطينها سوا

نظيمه.. ده مال أبونا يامرسي مالك كده محسسني إنك هتدينا من جيبكم مرسي.. مال أبوكي يوم يتقسم ابقي اعملي بنصيبك اللي انتي عايزاه نظيمه.. جرا إيه يامرسي إحنا هتكدب الكدبة وتصدقها ولا إيه الكلام ده تقوله لصابر مرسي.. متفتحيش عليا باب يانظيمه مش هنقدر نقفلو بعدين نظيمه.. مكسب الوكالة والمحلات والمزارع ده لينا كلنا يامرسي ومن حقنا ناخد منه في أي وقت مرسي.. خدي يانظيمه وخلينا نخلص من حديدك الماسخ _تليفون نعمه رن

نعمه.. الو مين كوثر.. أنا كوثر ياست نعمه نعمه.. أهلا أهلا أهلا إزيكم وازي العيال عاملين إيه كوثر.. كلهم بخير بيسلموا عليكي ياست نعمه نعمه.. الله يسلمك ويسلمهم كوثر.. ياستي إبراهيم عايز يشوفك بأي طريقة، كل شوية يكتبلي اسمك في الورق ويطلب يشوفك نعمه.. حبيب قلبي الواد إبراهيم سلميلي عليه كوثر.. بصراحة هو طالبك تيجي تحضري عيد ميلاده النهارده نعمه.. أجي فين يا كوثر كوثر.. بيت المغازي يا نعمه

نعمه.. إنتي كده بتحطي النار جنب البنزين يا حبيبتي مينفعش 😅 كوثر.. يا حبيبتي متخافيش إنتي هتبقي معايا اتطمني، قولتلك صاحبتك مسيطرة 😅 نعمه.. يا حبيبتي نعمه ما بتخافش بس الموضوع وما فيه هيحسوا إن أنا كده بجر شكلهم كوثر.. يعني يرضيكي تزعلي إبراهيم نعمه.. لا ياستي ما نقدرش على زعل أبو خليل وعشان كده بطلب منك تجيبيه وتيجي عندنا في البيت حتى البنات هيصوله شوية كوثر.. والله فكرة خلاص هاجيبهم وأجي النهارده

نعمه.. تنوري يا ست الكل، أهم حاجة الدعوة موجهة ليكي إنتي وإبراهيم وعثمان وبس فهماني يا كوثر كوثر.. فهماني يا ست نعمه وبالمرة عايزة أكلمك في موضوع مهم نعمه.. تنوري يا حبيبتي _مواجهة هدى ورياض وتغريد هتكون مؤلمة لأحدهم، رصاصة من مجهول، خطوبة، اعترافات مؤلمة ومن شابه أباه فما ظلم، هدى حياتها هتتشقلب حاجات كتير منتظراكم في الحلقة القادمة