رواية بنات نعمة الفصل التاسع عشر 19 - بقلم أحمد حسن

مرسي أهلاً بيك يا ولدي في مملكة أبوك. إيه الڤيلا الجامدة دي يا أبويا. مرسي إيه رأيك في أبوك عادل فؤاد. دي خرافة يا أبويا، بس ليه سبت بيت جدك. مرسي إنسى حكاية بيت جدك، بعدين أحكيلك وتعالى خلينا نتغدى. *** نروح عند ناصر وريهام. ناصر ممكن تهدي وتحاولي تقدري الورطة اللي إحنا فيها. ريهام ومين كان السبب فيها! ناصر اهدّي يا ريهام، دي كلها ليلة ولا اتنين والساكن اللي فوق يمشي ونطلع نقعد فوق. ريهام

ممكن متتكلمش معايا ولا تنطق اسمي على لسانك، علشان أنا قرفانة إني أبص في وشك أو أسمع صوتك! ناصر أوووووف. عالعموم نامي على السرير وأنا هفرش على الأرض. بعد ساعتين.

قلق ناصر من نومه، سمع صوت حسرة ريهام. بصّ لها لقاها قاعدة في آخر ركن في الأوضة وبتتحسر والدموع مغطية وشها وبترتعش. من كتر المشهد المؤلم ناصر صعبت عليه نفسه وبكى هو كمان، بس عرف يسيطر على نفسه وقام مشي ناحية ريهام ومد إيده ليها عشان تقف، بس هي رفضت وقامت لوحدها وبصت على ناصر وتفت على وشه. ناصر اتمالك غضبه ورجع ينام في مكانه. *** في الصباح. كريمة زوجة عم عبده خبطت على الباب. قام ناصر لم فرشته بسرعة وراح فتح الباب.

كريمة صباح الخير. ناصر صباح النور. كريمة الساعة بقت 11، أنا جهزت ليكم لقمة، فوقوا كده على ما أحط الأطباق. ناصر تمام، ماشي يا ست كريمة، معلش تاعبينك معانا. كريمة عيب يا ابني، متقولش كده، يلا جهزوا نفسكم وتعالوا. *** على الفطار. عم عبدو مالك يا بنتي مبتاكليش ليه! الست كريمة شكلها الأكل مش عاجبها. ريهام لأ، مليش نفس. عبدو ليه يا بنتي، أوعى يا ناصر يا ابني تكون زعلتها. ناصر هو في حد يقدر يزعل مراته حبيبته. ريهام

بعد إذنكم أنا داخلة. كريمة بقولك يا عبده، ياريت تستعجل حوار الشقة عشان شكلها ريهام مش مرتاحة في القعدة. ناصر لأ يا ست كريمة، إحنا عمرنا ما هنلاقي ناس زيكم. عبدو ربنا يخليك يا ابني، بس أنا شايف إن خالتك كريمة عندها حق، واضح إن مراتك مدايقة. ناصر يا عم عبدو، جميلك ده أنا هشيله فوق راسي، وبعتذر إن كنا تقلنا عليكم. عبدو يا ابني انت ابن بلد وفاهم إن كلامك ده يزعل. كريمة أيوه والله، دي مشالتكوش الأرض نشيلكم فوق دماغنا.

ناصر ربنا يباركلكم يارب. ناهد عالعموم، ياريت تاخدلها الأكل جوة وتحاول تأكلها. مازن أيوه ناهد عندها حق، خد الأكل جوة وحاول تأكلها. ناصر وهو كذلك. عبدو وأنا من ناحيتي ياسيدي، هطلع للساكن واتكلم معاه لو ظروفه تسمح إنه يمشي النهاردة وتطلعوا في شقتكم. ناصر فيك الخير والله يا عم عبدو. *** في الأوضة. ناصر ينفع كده ياريهام. ريهام قلتلك متنطقش اسمي على لسانك! ناصر

طب الأكل أهو، ياريت تاكلي لقمة لأنك من ساعة ما خرجنا من البلد مكالتش، وده مش حلو عشانك. ريهام وأنت مالك أكل ولا ما أكلش! ناصر ماشي، خلاص. *** في بيت هدى. كامل الوو، مين معايا؟ المستشفى حضرتك تبع الست نعمة الموجودة عندنا بالمستشفى؟ كامل أيوه. المستشفى طيب، الحالة اللي تبعكم هنا فاقت وإتحولت للرعاية. كامل بجد! المستشفى تقدر حضرتك تيجي تتأكد بنفسك. كامل ياهداااااااااى، ياهدى! هدى إيه، في إيه!!! كامل

أمك فاقت واتنقلت للرعاية! هدى بجد! كامل آه والله، لسه المستشفى مكلماني. هدى ومستني إيه! يلا بينا. كامل اتصلي على تغريد عرفيها. فعلاً اتصلوا على تغريد وفرحت أوي وطلعت تحي هي كمان على المستشفى. بس بعد ما وصلت لقت هدى وكامل قاعدين بره، مدخلوش عندها. تغريد أمي عاملة إيه، ومالكم قاعدين بره ليه! هدى كامل، إحنا مدخلناش عندها أصل. رياض ليه، خير يارب! تغريد أمنا جرالها حاجة ياهدى! هدى

أمك هتسألني على ريهام ياتغريد، هرد عليها أقولها فين ياتغريد؟ تغريد أيوه صح. كامل أنا بقول نهدا شوية ونفكر، يمكن نوصل لحل. هدى بفكر أقولها إن ريهام في كلية وساكنة في السكن الجامعي في القاهرة. رياض فكرة ممتازة. تغريد يلا بينا بسرعة. فعلاً دخلوا على أمهم لقوها نايمة، حضنوها بطريقة مؤثرة وقعدوا جنبها. والدكتور قالهم إنها ساعة وهتفوق، لأن العلاج اللي اتعلق ليها فيه نسبة مخدر. تغريد مالك ياهدى بتعيطي ليه. هدى

كان نفسي ريهام تبقى معانا ومستنية أمها لما تفوق. تغريد يا حبيبتي ياريهام. ياترى أنتي فين دلوقتي. رياض ريهام جدعة وميتخافش عليها، بدليل إنها في عز محنتها قتلت ابن مرسي بعد ما اغتصبها. كامل وأنا سألت على الواد ابن وفيق اللي هرب معاها، لقيته عيل محترم وكل الناس بتشهد ليه بالأخلاق، لدرجة إني استغربت إزاي كان مشترك مع ابن مرسي في خطف ريهام. هدى اقفلوا الموضوع، أنا مش عايزة افتكره. رياض إيه ده! تغريد

أمي عينيها بتنزل دموع وهي نايمة!! كامل معقول تكون سمعتنا! نعمة أختكم فين يابنات؟ هدى أمي! حمدلله على سلامتك ياحبيبتي. تغريد ملناش لازمة من غيرك والله ياست الكل. نعمة ريهام فين. هدى ريهام في السكن الجامعي. نعمة معرفتيش تحافظي على أختك ياهدى. هدى لأ والله، ماتزعليش نفسك بالله عليكي. تغريد الزعل وحش عليكي يا أمي، إحنا مصدقنا سمعنا صوتك. نعمة متخافوش، عمر الشقي بقي. *** عند مرسي وابنه فؤاد. فؤاد

إزاي يا أبويا سايب نسل نعمة يعيش، وهم السبب في قتل أخويا! مرسي وشكلنا إيه قدام الناس لما نقتل ولاية. وبعدين مش هيشفي غليلي غير لما أمسك البت اللي اسمها ريهام والواد ناصر. ويمين الله يا ولدي لأعمل من عذابهم صنعة وأخليهم يتمنوا الموت. حتى الموت هخليهم يموتوا بالبطيء. فؤاد أنا سمعت إن اللي اسمها نعمة بيقولوا فاقت في المستشفى. مرسي الست دي زي القطط بسبع أرواح، بس المرادي هتفلت من إيدي. فؤاد

لأ، خليك أنت ارتاح شوية، اقعد شوف واستمتع بعمايل ابنك. مرسي أنا طول عمري بقول إنك شبل من ضهر أسد. ههههه. *** عند ناصر وريهام. عم عبدو السلام عليكم. كريمة وعليكم السلام. إحنا بقينا العصر، رحت فين. عبدو كنت عند الساكن اللي فوق، والراجل طلع محترم ووافق إنه يخلي الشقة النهاردة. ناصر يعني نقدر نطلع الشقة النهاردة. عبدو طبعاً يا ابني. كريمة هنتعشى الأول، يكون الراجل مشي وبعد كده تقدروا تطلعوا فوق.

فعلاً اتعشوا ووداهم عم عبدو على الشقة ومشي. ناصر الشقة ياستي واسعة، فيها بدل الأوضة اتنين غير الصالة، شوفي الأوضة اللي تعجبك واقعدي فيها. ريهام على فكرة أنا مسألتكش على حاجة. ناصر أنا بس قلت. ريهام ممكن تعتبرني مش موجودة ومتوجهليش كلام! ناصر حاضر. فعلاً كل واحد فيهم نام في أوضة. والصبح ناصر خد قرار إنه يبحث عن شغل عشان الفلوس اللي معاهم خلصت. ناصر خبط على ريهام، بس هي ولا فتحت ولا ردت، رغم إنها صاحية وسمعاه. ناصر

أنا عارف إنك سمعاني، عالعموم أنا قولت أعرفك إني نازل أدور على شغل عشان لو صحيتي ملقتنيش متقلقيش. فعلاً خرج ناصر، قلب الدنيا على شغل في كل المحلات، بس ملقيش شغل، خاصةً إن الثورة كانت موقفة الدنيا. مشي شوية لقي مكان بيتجمعوا فيه عمال اليومية. قعد على الرصيف جنبهم عشان يشوفهم بيشتغلوا إزاي. شوية ولقي واحد واقف قدامه وقاله: تعرف تشيل أسمنت وطوب؟

بدون تردد قاله: أيوه أعرف. رغم إنه عمره ما اشتغل بإيده ولا يعرف حاجة عن الشغل. المهم إن اليوم خلص بعد معاناة كبيرة لناصر، سواء من تقل الشغل أو معاملة صاحب الشغل اللي كلامه كان ناشف مع ناصر لقلة خبرته بالشغل.

المهم إن ناصر خد فلوسه القليلة وكان مبسوط جداً لأن دي أول فلوس يعملها من عرق جبينه. كمان وهو راجع على البيت جاب أكل ومشروبات وروح على البيت. وصل عند باب الشقة لقي الباب مفتوح. دخل جوة الباب وبدأ ينادي على ريهام، بس محدش رد. كمان لقي كل الغرف مفتوحة. رمى ناصر الحاجات اللي في إيده على الأرض وطلع يجري على غرفة ريهام لقى.