رواية بنت البواب الفصل التاسع 9 - بقلم غير معروف

عدى أسبوع على أبطالنا، أسبوع مر بحلوه ومره، عدى بحزن على ناس وفرح على ناس تانية. ياسمين قعدت كام يوم في المستشفى وسليم ما سابهاش خالص، وكان مهتم بيها وبيحاول يقرب منها بأي طريقة ويخرجها من الاكتئاب اللي كانت فيه. هي الأول كانت رافضة أي تجاوب معاه، بس بعد كدا لقتُه إنسان محترم وطيب ودمه خفيف، وهو كان مبسوط إنهم بيقربوا من بعض. خرجت ياسمين من المستشفى وفي قلبها بذرة حب زرعها سليم خلال الكام يوم دول. وكانت أغنية إليسا (ساعات) هي اللي بتعبر عن حال ياسمين اللي اقتنعت تمام إنها ضيعت سنين من عمرها في حب من طرف واحد. (مش كل اللي بنحبهم هيكونوا لينا.. ولا كل اللي بنحبهم لايقين علينا، ممكن نلاقي اللي ياما حلمنا بيهم ويلاقونا.. ومنلاقيش الحب فيهم. وساعات بنشوف الحب.. وهو ما يشوفناش. وساعات بيقابلنا الحب.. ويمشي وما عرفناش. وساعات بيجينا الحب.. ويمشي كأنه ما جاش. وكتير بيسيبنا الحب.. وجرحه ما يسيبناش. مش كل اللي راح مننا.. سيبناه بإيدينا. ما جايز يكون حلمنا.. ما حلمش بينا. ممكن يلاقي فينا فعلًا.. كل حاجة وأي حاجة وما يلاقيش.. الحب فينا.. وساعات بنشوف الحب.. وهو ما يشوفناش. وساعات بيقابلنا الحب.. ويمشي وما عرفناش. وساعات بيجينا الحب.. ويمشي كأنه ما جاش. وكتير بيسيبنا الحب وجرحه ما يسيبناش. مش كل اللي بيحبنا.. ساب جرحه فينا.. ده جايز يروح مننا.. والخير يجينا..) فعلًا مش كل حاجة دايمًا بتكون من نصيبنا، ساعات ربنا بيكون شايلنا حاجة أحلى بكتير. مروان وأسيل بقوا تقريبًا مش قادرين يستغنوا عن بعض. مروان على طول بيكلمها في الفون وبيقولها كلام حب وغرام كأنها ملكة متوجة على عرش قلبه. وهي كمان بقت تعشق أميرها اللي ياما حلمت بيه ياخدها على حصانه الأبيض. اتحدد معاد كتب كتاب مروان وأسيل وخالد وندا بعد أسبوع، وكانوا في منتهى السعادة لأن المعاد بيقرب وحلمهم كمان هيتحقق. مهاب بيحاول يصنع الصدف اللي تخليه يقابل عنود قلبه في أي مكان. كانت مشتركة في نادي وبتروح هناك كتير وهو كان بيروح علشان يشوفها ويتقرب منها. بس عنود كانت تقلّانا عليه على الآخر، وكمان كانت عارفة إنه إنسان غيور جدًا، وعلشان كدا في مرة استغلت النقطة دي وحاولت تثير غيرته. كانت قاعدة في النادي وكانت شايفة مهاب من بعيد بيبص عليها، وفجأة ظهر شاب عنود كانت عارفاه من النادي، الشاب ده كان معجب بعنود جدًا وهي مش بتطيقه. الشاب شاورلها. كل مرة كانت بتصده بس المرة دي ابتسمت وشاورتله، وده خلاه يتجرأ ويقعد معاها على نفس الترابيزة تحت أنظار مهاب الغاضبة واللي يكاد يكون هيموت من كتر الغيرة. الشاب بسماجة: القمر قاعد لوحده ليه؟ عنود بينها وبين نفسها: إيه اللي أنا عملته في نفسي ده؟ بصت له وقالتها: عادي يعني حابة أقعد لوحدي. الشاب بوقاحة: طب ما تيجي نقعد في مكان لوحدنا، وهتكوني مستريحة على الآخر برضه. وغمز بعينه بطريقة وقحة. عنود بعصبية شديدة: أنت بتقول إيه يا حيوان يا زبالة أنت؟ أنا اللي غلطانة أصلًا. ولسه هتقوم، الشاب مسك إيدها بالعافية. ويا ريته ما عمل كدا، لقى نفسه واخد بوكس في وشه من مهاب اللي الدم نفر من عروقه أول ما الشاب مسك إيد عنود. فضل مهاب يكيل له الضربات والشتائم وكسر إيده اللي مسكت إيد عنود. الشاب بوجع من اللي مهاب عمله فيه، بص للأمن وقال لهم: أنا عايز أعمل محضر فيه. مهاب من بين أسنانه: شكلك لسه عايز تتربى. وقرب منه ناوله بالبوكس في وشه للمرة الألف (مش بقولك لعبت في عداد عمرك). عنود بنرفزة من الشاب: تعمل محضر في مين يا زبالة ده؟ أنا اللي هعمل محضر تحرش ليك يا كلب البحر أنت. مهاب بعصبية ونرفزة مسك إيد عنود وخرج: اسكتي بقى خالص ما أسمعش صوتك، مش أنتي اللي خليتيه يتجرأ ويعمل كدا. اتفضلي. وفتح باب عربيته وزقها فيه. عنود سكتت خالص لأن مهاب كان عنده حق في اللي بيقوله، هي فعلًا سمحت إنه يقعد معاها من الأول. حاولت تتكلم معاه بس هو صدها. فضلوا ساكتين لحد ما وصلوا عند العمارة. عنود بدموع من معاملة مهاب ليها، وافتكرت إن مهاب هيسيبها ومش هيحاول إنه يقرب منها تاني: ممكن تسمعني يا مهاب؟ مهاب بنفي قاطع: لا، واتفضلي اطلعي يلا. نزلت عنود من العربية جري وهي بتعيط وقابلت أسيل اللي أول لما شافتها اتخضت من منظرها. وعنود اول لما شافتها اترمت في حضنها وفضلت تبكي..

اسيل بخوف علي صاحبتها : ايه ده مالك يا عنود يا حبيبتي اهدي واحكيلي اللي حصل..

عنود حكت لاسيل كل حاجة ..واسيل طمنتها وقالتلها كل حاجة هتكون كويسة متقلقيش...

مهاب اول لما عنود نزلت مشي بسرعة رهيبة بالعربية لدرجة انا صوت الاطار عمل صوت جامد ....

عند خالد وندا كانوا في قمة السعادة لانهم خلاص اسبوع وهينكتب كتابهم ..

نور كانت تقريبا كل يوم تتصل بأحمد باي حجة وهو كمان كان مبسوط اوي من كدا وكان بيستني مكالمتها بتاعت كل يوم بفارغ الصبر . بس كان جواه خوف من التقارب اللي بيحصل لانه عارف ان في فرق بينهم وان هو مش هيقدر يعيشها في نفس المستوي بتاعها بس ساب قلبه هو المتحكم فيه ولغه عقله تماما..

وجي اليوم المنشود اللي اربع عشاق منتظرينه بفارغ الصبر يوم كتب كتاب مروان واسيل وخالد وندى .. هو كان عبارة عن شبكة وكتب كتاب مع بعض ..

تململت اسيل في الفراش عند سماع رنين الهاتف ثم قامت بسحب الهاتف وهي مازالت نائمة و ردت بصوت ناعس: الو

لياتيها صوت احب الناس على قلبها .. مروان بحب: كل ده نوم يا كسلانة .. هو مش خطوبتك النهاردة ولا انا بيتهيئلي ..

أسيل وهي مازالت نائمة : امممممممم خطوبتي النهاردة .وفجأة قامت جري .. ايه .. خطوبتي .. النهاردة ... ايه ده اتأخرت على البيوتي سنتر يانهار ابيض .. وابتدت تجري شمال ويمين ومازال الهاتف علي اذنها

مروان بضحك علي معشوقته المجنونة : اهدي اهدي .. متحتاريش ولا حاجة .. وكمان ندى لسه ملبستش .. البسي انتي وانا هعدي عليكي علشان اوصلك..

تنفست أسيل باريحيه: طب كويس خلاص انا هلبس اهو

مروان بعشق:بحبك

أسيل بخجل : انا كمان

مروان بإصرار: انني كمان ايه عايز اسمعها منك

أسيل بابتسامة خجل: لما ابقي مراتك علي سنة الله ورسوله هتسمعها مني

مروان بتنهيدة وقلة حيلة من اميرته اللي بيعشقها : بسيطة كلها كام ساعة وتكوني حرم مروان التهامي وساعتها هوريكي يا اسيل

أسيل بخوف مصتنع: لا لا انا كدا ممكن ارجع في كلامي انت ناوي علي ايه

مروان بضحك: هههههه كل خير ان شاء الله .. يلا روحي علشان نلحق .. لا اله الا الله

أسيل بحب: محمد رسول الله...

وفعلا كلهم اتجمعوا علشان يروحوا البيوتي سنتر..

كل واحد اخد حبيبته في عربيته .. مروان اخذ أسيل .. وخالد اخد ندى .. وفضلت ياسمين اللي النهاردة هتثبت ان مروان بالنسبة ليها ماضي وانتهي .. وعنود اللي هي كمان اقسمت بينها وبين نفسها انها هترجع مهاب ليها النهاردة..

مهاب كان رايح هو كمان علشان يكون مع اخوه ..

ياسمين بصت لقت مهاب : هوبا .. الحمد لله .. انت بقا اللى هتوصلنا البيوتي سنتر انا وعنود ..

عنود بصت بغيرة علي ياسمين وهي بدلع مهاب ..

مهاب بص لعنود بصة طويلة وبعدين قالهم .. اوك يلا اركبوا وفعلا مشيوا علي البيوتي سنتر.. مهاب كل شويه يبص علي عنود في المرايه وهي طول الوقت بتبصلوا ..

عنود في نفسها : مش انت طلبت اني اغير من لبسي واغطي شعري النهاردة هعمل كل اللي انت عايزه يا حبيبي بس يارب تقدر تسامحني بقا..

مهاب في نفسه : يارب مفاجأتى تعجبك النهاردة..

وهما ماشيين مهاب شغل اغنية (عمرو دياب ..و بحبك انا ) ..

في عربية مروان واسيل الاتنين في منتهي السعادة

مروان بعشق بص لاسيل : اكيد النهاردة هتكوني زي الاميرات .. عارفه انتي اصلا مش محتاجه تروحي الاتيليه .. انا بحبك كدا زي ما انتي ببرائتك وبوشك الملائكي ده

أسيل بحمرة في خدها: انت شايفني بقلبك مش بعنيك .. انا مش حلوة اوي كدة..

مروان : بابنتي كلمة حلوة دي قليلة عليكي.. هو انا ممكن اطلب منك طلب

أسيل بتأكيد: طبعا قول

مروان: ممكن من النهاردة محدش يشوف شعرك غيري.. بصراحة دي امنيتي

أسيل: سكتت

ومروان افتكر انها رافضة الفكرة ميعرفش ان اسيل وندا وعنود اتفقوا انهم النهاردة هيلبسو الحجاب و يعملوا ليهم مفاجاه وكان خلاص وصلوا البيوتي سنتر اسيل مرضتش ترد عليه عشان متبوظش المفاجاه

عند خالد وندا

خالد مش مصدق نفسه و طول الطريق عمال يغني ويقول هتجوز هتجوز هتجوز هتجوز .. ندا عماله تضحك عليه طول الطريق و تقول له اسكت يا مجنون هتفضحنا كل الناس بتتفرج علينا..

خالد يا ندوش انا مش مصدق نفسي اخيرا هنتجوز يا حبيبتي ندى بحب: اخيرا يا حبيبي ..

وطبعا احمد عزم نور على فرح اسيل وهي طبعا ما صدقت لان نور بقيت تحب احمد بكل كيانها بقيت متيمه بيه بمعنى اصح