رواية بنت الخدامة الفصل الخامس 5 - بقلم فريدة

محسن: إيه يا سدره، سكت ليه؟ سدره: هقول إيه يا عمي. ثريا: يا حبيبتي، هشام عصبي شوية بس قلبه طيب جدا. محسن: ممكن يا سدره أسألك سؤال؟ سدره: طبعًا يا عمي، اتفضل. محسن: إنتي ليه ما قلعتيش النقاب؟ سدره: ما فيش حد طلب مني أشيل النقاب. وبعدين أنا حسيت إنكم مش عايزين تشوفوا وشي. ثريا: اعذريني يا سدره، أنا ما كنتش أعرف عنك حاجة. كل اللي كنت أعرفه إنك بنت زينب. سدره: وأنا جاهزة لو عايزين تعرفوا أي حاجة عني.

ثريا: يا حبيبتي، كفاية إن مامتك زينب، الله يرحمها. سدره: فعلًا أمي كانت ست طيبة جدًا وحنينة، ما فيش زيها. بس من حقكم تعرفوا تربية زينب عاملة إزاي، مش يمكن ما تنفعش للأستاذ هشام. ثريا: إيه الكلام اللي إنتي بتقوليه ده يا سدره؟ محسن: خلاص يا بنتي، إنتي عايزة تقولي إيه؟ ثريا: أنا فعلًا عايزة أعرف مرات ابني، بس ممكن قبل أي حاجة أشوف وشك؟ سدره: طيب لو ما بقتش على قدر من الجمال؟

ثريا: صدقيني مش هيغير أي حاجة، لأن بجد حبتك جدًا. حسيت إن قلبك طيب وإنك جميلة من جوه ونضيفة. سدره: خلاص، أنا هشيل النقاب. سدره: أول ما كشفت وشها. محسن: مش معقول، إيه ده! ثريا: بسم الله ما شاء الله! إزاي إنتي بنت زينب؟ سدره: كانت جميلة جدًا جدًا جدًا، ومن جمالها كانت لابسة النقاب عشان تعرف تمشي في الشارع من غير ما حد يعاكسها. بس ده في الأول بس، بعد كده التزمت واقتنعت بيه وبقى جزء من شخصيتها.

ثريا: طيب لما إنتي جميلة أوي كده، ليه ما كشفتيش وشك يوم كتب الكتاب؟ سدره: أولًا، إنتوا ما كنتوش عايزين تشوفوا وشي، وده كان واضح جدًا، وبالأكتر على الأستاذ هشام. ثريا: إحنا آسفين على سوء التفاهم ده، بس اعذرنا، إحنا ما كناش نعرف أي حاجة عنك. بس اتأكدي إنك حتى لو ما كنتيش حلوة، مش هتفرق معانا، لأن بجد حسيتك بنتي. ثريا: ممكن حضن؟ سدره: آه طبعًا يا ماما، أنا كان نفسي في كده من ساعة ما دخلت البيت. ثريا: يا حبيبتي.

محسن: أظن كده كويس جدًا. ولما هشام يعرف؟ ثريا: يعرف إيه؟ هشام مش لازم يعرف إن سدره طلعت قمر كده عشان هو اللي يجري وراها، وساعتها هي اللي تقرر. محسن: إيه الكلام ده يا ثريا؟ ثريا: أنا دلوقتي أم سدره، مش هسمح لحد يدوس على كرامتها، وبذات هشام. ثريا: سدره من حقها تعرف هشام جوزها إزاي. سدره: ما فيش داعي يا ماما، أنا عارفة كل حاجة، كان باين من نظرة هشام. محسن: بس دلوقتي كل حاجة اتغيرت، إنتي طلعتي جميلة. ثريا: إيه يا محسن؟

أنا عايزة هشام يحب سدره عشان قلبها الطيب، مش عشان شكلها. محسن: خلاص، اللي إنتوا عايزينه، أنا معاكم فيه. ثريا: بما إن سدره مش فارقة مع هشام، خلاص سدره مش هتقلع النقاب في وجود هشام خلاص، لحد هشام هو اللي يطلب من سدره تشيل النقاب. محسن: وده إزاي؟ ثريا: دي لعبتي أنا. معلش يا سدره، أنا هعمل كل ده عشان مصلحتك. تليفون محسن رن. محسن: الو، أيوه يا هشام. هشام: إيه يا بابا، اتأخرت ليه؟

محسن: أنا مش جاي النهارده، أنا قاعد مع سدره وماما النهارده. هشام: إيه الكلام ده يا بابا، في شغل كتير محتاجنا. محسن: مش مهم، أنا إجازة. وقفل الفون في وش هشام. هشام: هو في إيه؟ ثريا: كويس جدًا يا محسن إنك مش هتروح الشغل النهارده، عشان هشام يتعلم الدرس كويس من كله. محسن: صح، هشام كان رامي كل الشغل عليا ومش فاضي إلا لسهر لوقت الفجر. ثريا: ويا ريت تاخد أسبوع كمان إجازة.

محسن: بس كده، أنا كان نفسي كده من زمان، بس ربنا يستر على الشركة. ثريا: فاضل حاجة واحدة. محسن: إيه هي؟ ثريا: إن عمر صاحب هشام يبقى معانا في الخطة دي. سدره: بصراحة، أنا مش موافقة على الكلام ده كله. ثريا: ليه بس يا سدره؟ سدره: عشان أنا مش رخصة عشان أعمل خطة على هشام عشان يقبلني. ثريا: يا حبيبتي، من قال كده؟

أنا بعمل كده عشان حال هشام مش عاجبني، إنتي هتساعديني وبعد كده لما يصلح حاله، عايزة تكملي معاه أو لأ، دي حاجة ترجعلك. سدره: طيب، في حاجة كمان، أنا من هنا ورايح مش هبقى فاضية أوي. ثريا: ليه يا حبيبتي؟ وراكي إيه تاني غير كده؟ سدره: ورايا دراستي يا ماما. ثريا: إنتي بتدرسي؟ والله برفو عليكي يا زينب. بصراحة، أنا كنت فاكرة إن زينب ما اهتمتش بتعلمك.

سدره: يبقى حضرتك ما تعرفيش ماما، الله يرحمها. دي كانت عندها استعداد تعمل أي حاجة عشان أكمل تعلمي. كتير عرضوا عليها تشتغل عشان ترتاح، بس هي رفضت، وكان كل أملها إنها تشوفني حاجة كبيرة. محسن: وإنتي بتدرسي إيه يا سدره؟ سدره: أنا في آخر سنة في الجامعة. ثريا: في بالظبط؟ سدره: في طب بشري. محسن: مش معقول! ثريا: فعلًا، أنا ما كنتش أعرف زينب كويس، بس عرفت قد إيه هي كانت إنسانة جميلة.