رواية بنت الخدامة الفصل الرابع 4 - بقلم فريدة

هشام طلع الشقة وكان مخنوق جداً. اتصل على عمر صاحبه. عمر: الو، أيوه يا هشام، أنت فينك بقالك كام يوم مختفي؟ هشام: أنا وقعت في مصيبة يا عمر. عمر: أعوذ بالله، مصيبة إيه لا قدر الله؟ هشام: اتجوزت. عمر: وإيه المصيبة في كده؟ هشام: اتجوزت بنت الخدامة اللي كانت عندنا. عمر: بنت خدامة يعني إيه؟ مش فاهم. هشام: أنت فاكر زينب الشغالة اللي كانت عندنا وماتت منك فترة؟ عمر: أيوه فاكرها. هشام: هي دي بنتها.

عمر: طيب إيه اللي خلاك تتجوزها؟ هشام: ثريا هانم. عمر: وإيه مصلحة طنط ثريا في كده؟ هشام: عشان كانت بتحب زينب جداً، وكمان بنتها مالهاش حد بعد وفاة أمها. عمر: وإيه المشكلة إذا كان أهلك موافقين؟ هشام: أنا اللي مش موافق. عمر: ليه يابني؟ هشام: أنت عارف إن زينب ماكنتش حلوة خالص، وبنتها نفس الشكل. عمر: أنت شوفتها؟ هشام: لأ. عمر: طيب أخلاقها؟ هشام: يابني قولتلك أنا ما اتعاملتش معاها خالص.

عمر: حرام عليك يا عم هشام، أنت بتحكم عليها قبل ما تتكلم معاها. وبعدين إزاي اتجوزتها من غير ما هي تشوفها؟ هشام: دي منقبة. عمر: كمان! والله دي خسارة فيك، المنقبة بتبقى ملكة، بحسها أميرة. هشام: وهو أنا اتصلت بيك عشان تمدح فيها؟ عمر: أنا بقول رأيي، وأنت حر، بس أوى تعملها وحش عشان هتندم، حتى لو كانت وحشة عامل ربنا يا هشام. هشام: طيب سلام يا عمر. هشام فضل يفكر في كلام عمر، بس ما اقتنعش بيه. في نام عند سدرة.

دخلت أوضة هشام وفضلت تبص على كل حاجة، بس كانت زعلانة جداً إن مافيش حد بيحبها في البيت، بس جوزها لابنهم عشان خاطر مامتها الله يرحمها. بس استسلمت لقدرها ودخلت الحمام اتوضت عشان تصلي. وبعد ما خلصت صلاة، بتدور على الشنطة عشان تغير وتلبس حاجة مريحة، بس افتكرت إن الشنطة تحت لسه، وإن مافيش حد طلعها. بقت مش عارفة تنزل تجيبها ولا إيه. في الآخر، من كتر التعب نامت على الكرسي. ثريا مش جايلها نوم.

محسن: في إيه يا ثريا، ما نمتش ليه؟ ثريا: خايفة أكون ظلمت البنت. هشام باين عليه مش هيقبل البنت خالص يا محسن. محسن: فعلاً مشكلة يا ثريا، بس ما تفكريش، سيبها على الله. ثريا: ونعم بالله. وفي الآخر الكل استسلم للنوم، وعدى اليوم. في صباح اليوم الجديد. ثريا: صباح الخير يا محسن. محسن: صباح الورد، صحصحى يالا، انتي نسيتي إن فيه عروسة في البيت ولا إيه؟ ثريا: وهي دي حاجة تتنسي؟

محسن: طيب يالا عشان متحسش بحاجة. كفاية عليها إن ابنك نام في الشقة اللي فوق وساب عروسة يوم دخلتها. ثريا: عندك حق يا محسن، إحنا لازم نبقى ليها أب وأم، وأنسي هشام خالص. محسن وثريا طلبوا من الشغالة تجهز الفطار. ثريا: أنا أطلع أصحّي سدرة. محسن: ماشي، بس عاملها كويس، مش عشان هي وحشة، هي مالهاش ذنب، دي خلقة ربنا. ثريا: ماشي. ثريا طلعت وخبطت على الباب. سدرة كانت نايمة على الكرسي من امبارح. سدرة: (سمعت صوت الباب قامت مفزوعة)

مين؟ ثريا: أنا يا حبيبتي، ماما ثريا، افتحي. سدرة فرحت إن ثريا بتقول ماما. سدرة راحت تفتح الباب بس افتكرت إنها مش لابسة النقاب، رجعت لبست النقاب بسرعة وفتحت الباب لثريا. ثريا: صباح الخير على القمر بتاعنا، إيه ده؟ أنتِ لسه بهدومك؟ سدرة: أصل ماحدش جاب شنطة الهدوم امبارح. ثريا: أنا آسفة جداً، دقيقة واحدة وهتبقى عندك. ثريا نزلت. ثريا: يا محسن، مافيش حد طلع شنطة الهدوم بتاعة سدرة امبارح، وهي لحد دلوقتي ببهدوم امبارح.

محسن: معقول؟ إحنا كلنا نسينا؟ حالا هخلي عم صالح يطلع الشنطة. عم صالح طلع الشنطة لسدرة. سدرة أخدت الشنطة من عم صالح وشكرته، ودخلت فتحت الشنطة وطلعت منها نقاب لونه جميل جداً، ودخلت تاخد دوش ولبست النقاب على عباية نفس لون النقاب، ونزلت. ثريا: إيه الجمال ده؟ النقاب جميل جداً. سدرة: (كان نفسها إن ثريا تشكر فيها هي مش النقاب) سدرة متكشّرة جداً يا طنط. سدرة عايزة تسأل على هشام بس مش عارفة تقول إيه.

محسن: بقولك إيه يا سدرة، أنا هنا باباكِ، والست دي ماما، مش عايز أسمع كلمة طنط دي تاني. ثريا: طبعاً. بعد شوية هشام نزل، لقى الكل قاعد على السفرة. هشام: صباح الخير يا بابا. محسن: صباح الخير يا هشام. ثريا: صباح الخير يا ماما. محسن: هو مافيش اللي ماما وبابا اللي على السفرة؟ بيص لقى سدرة بس كان شكلها جميل جداً بنقابها. هشام: صباح الخير. سدرة: صباح الخير. هشام: هو صوتها جميل كده ليه ورقيق أوي؟

بس افتكر إن هي شكل زينب وهي بنت الخدامة، وإنه كان عايز واحدة يفتخر بيها وبأهلها قدام الناس. محسن: إيه يا هشام، وراحت فين؟ هشام: أبداً يا بابا، أصل عندي شغل كتير ولازم أنزل. محسن: مالكش دعوة بشغل وخليك مع عروستك. هشام بيشتغل مع بابا في الشركة بتاعته. هشام حصل على بكالوريوس تجارة، وطبعاً ده مجال اللي هو بيشتغل فيه من باباه. هشام: عن إذنكم. ثريا بصت لمحسن بس مش قادرة تتكلم عشان خاطر سدرة.