رواية بنت الخدامة الفصل الخامس عشر 15 - بقلم فريدة

يالا ادى ثريا، هي كمان موافقة. ثريا: أيوه يا حبيبتي، لازم نروح. سدرة: بس يا ماما. محسن: ما فيش بس، أنا هخرج أدور العربية. ثريا: استنى يا محسن. محسن: في إيه يا ثريا؟ ثريا: هو هشام خرج ولا لسه؟ محسن: لا طبعًا، هشام مش هيروح لوحده، لازم نكون معاه. يالا نادي على سدرة. سدرة: هنزل قدامكم. ثريا: سدرة، خلاص يا حبيبتي. سدرة: أيوه يا ماما. ثريا: بسم الله ما شاء الله. سدرة: مش قوية كده يا ماما.

ثريا: لا، ده أكتر من كده، ربنا يحفظك. سدرة: طيب يالا بقى عشان بابا. هشام: إزيك يا بابا، عملت إيه؟ محسن: الحمد لله. هشام: أمال فين ماما؟ محسن: نازلة دلوقتي هي وسدرة. هشام: هي هتجي؟ محسن: هي مين دي؟ هشام: أبدًا، ما فيش. هتركبوا معايا طبعًا؟ محسن: لا طبعًا، إنتَ ناسي سدرة مش هتركب عربيتك. هشام: ليه؟ محسن: من غير ليه، أوسع عشان يركبوه. هشام بص، شاف سدرة خرجت هي وثريا، بس مش عارف إيه اللي حصل، عايزها تركب معاه.

ثريا: إزيك يا هشام، ألف مبروك. هشام: الله يبارك فيكي يا ماما. محسن: يالا يا ثريا، اركبي العربية. هشام: ما تيجي يا ماما تركبي معايا. ثريا: طيب، وسدرة؟ سدرة: لا، أنا هروح أنا وسدرة مع بابا. محسن: إيه ده، عمر. عمر: أيوه يا عمي، قولت أجي أروح معاكم أحسن ما أروح لوحدي. ثريا: طيب وماله يا حبيبي. هشام: إنتَ إيه اللي جابك؟ عمر: أفندم؟ محسن: سيب عربيتك يا عمر وتعالى معانا. عمر: ماشي يا عمي. طيب خليني أنا أسوق.

محسن: لا، أنا اللي هسوق عربيتي. عمر: طيب، أنا هركب فين؟ محسن: اركب في الكرسي اللي ورا مع سدرة. عمر: نعم؟ ثريا: إنتَ هتخلي هشام يقتل عمر؟ محسن: بدل مش راضي يتحرك. هشام واقف وسمع الكلام وعايز يقتل عمر. محسن: يالا بينا بقى، هنتاخر. هشام: معلش يا بابا، عمر هيجي معايا في عربيتي. محسن بص لثريا بصوت واطي: الله أكبر، أبو الهول اتحرك. وأخيرًا العربيات اتحركت وطلعوا على بيت العروسة. عمر: هو فضل كتير على بيت مي يا هشام؟

هشام: لا، خمس دقايق. عمر: غريبة. هشام: هي يا سي عمر اللي غريبة. عمر: إني قولت مي وما اتعصبتش. هشام: بطل كلام بقي عشان وصلنا. محسن: خلاص وصلنا يا ثريا، هركن عشان تنزلي. ثريا: يالا يا سدرة. عمر: الفرح فخم قوي يا هشام. هشام: طبعًا يا ابني، هو أنا أي حد. عمر: تموت في المظاهر. محسن: يالا يا هشام إنتَ وعمر. أول ما دخلوا، مي راحت حضنت هشام. ثريا: إيه قلة الأدب دي؟ محسن: خلاص يا ثريا.

سدرة واقفة بصه على هشام ودموع نازلة تحت النقاب، بس ما حدش شايفها. هشام: ماما، تعالي أعرفك على مي. ثريا: عارفها يا هشام. هشام: في إيه يا ماما؟ محسن: تعالي يا ثريا، خلي اليوم يعدي على خير. مي: إزيك يا طنط؟ ثريا: أهلاً يا حبيبتي. محسن: ألف مبروك يا مي. مي: الله يبارك فيك يا انكل. ثريا: هي فين سدرة؟ أنا مش عارفة هي راحت فين. محسن: ما تقلقيش، سدرة قاعدة مع عمر. هشام سمع سدرة قاعدة مع عمر وكان هيتجنن.

مي: في إيه يا هشام، مالك؟ هشام: أبدًا، إنتِ الفستان بتاعك عريان كده ليه؟ مي: مش فستان خطوبة. هشام: طيب، ثواني. هشام راح وقف عند عمر وسدرة. عمر: إيه يا، سايب عروستك وجاي ليه؟ هشام بص لسدرة، لقى في آثار دموع في عينها.